2006 年 12 月 25 日 星期一 【晴】

今日返工，食左好多野，同食足全程無分別。

條星斑同個楊支甘露真係幾好食，翅都食左半兜有多，食得仲多過d客。

>>December 27, 2006 at 5:39:54 AM GMT+8

2006 年 12 月 24 日 星期日 【晴】

24、25號都一齊渡過了，一切都係係開心與溫暖中渡過。
我想這應該算是幸福的感覺吧。

>>January 3, 2007 at 5:11:43 PM GMT+8

2006 年 12 月 22 日 星期五 【晴】

今日係《寒燒大會》的大日子，咁一早就已經相約好，而且亦都會渣車出席。

其實今日無乜野特別事發生，過程都係係歡笑中渡過。

首先四點幾個陣就出去元朗四周行逛，因為要買禮物，但係行下行下就行到六點幾，
之後收到eddie電話叫我接埋菲比佢地，咁我就等埋佢地一齊上去。

上到去就先開爐，因為一個爐唔足夠，咁就等下先，開完之後就係不斷咁食，
然後又玩自我介紹，過程係係歡笑與難堪的中間點，真係唔上唔落。

燒到十點鐘就有一班人先行離場，而我就同阿健佢地玩大話骰，
最後先知原來我係飲左最多個個，而且橙橙都開始頂唔順，再加上已經十二點，
所以我決定走喇，最後就返屋企訓教。

>>December 27, 2006 at 5:14:56 AM GMT+8

2006 年 12 月 20 日 星期三 【晴】

酒店的生活，最終都係選擇放棄，不過唔怪得阿諾，因為佢已經做得好好，
可以怪既係我無乜野可以幫到佢，而東尼既個d突發事件真係好難頂。

雖然係放棄，但係博覽館真係好難令人可以捨棄，因為真係太好炒，
無乜野做之餘又可以點人做野，但係係裡面到開線係咪真係得呢？
真係一個謎？諾仔線（落仔線），聽上去都幾威個喎。

尋日去左中環到食日本野，d野都幾好食，鮮都幾鮮，$175又唔係貴，值得再去。
今日都係係歡笑裡面渡過，個氣氛都ok，可以接受，不過有乜野笑料呢？
都唔係好記得，我諗到暫時為此，最好笑既都仍然係西ful e個term，
我諗個個精境程度都有八分半以上。

食完飯就去左接架車，阿諾又痴左線，爆左個開夜車既term出黎，搞到我都唔知講乜好。
佢仲話我個架係剷車，因為我女朋友叫阿橙丫嘛，咁咪橙車（剷車）囉。

>>December 21, 2006 at 6:37:54 AM GMT+8

2006 年 12 月 12 日 星期二 【晴】

今日諗住上完ethics就閃人，點知原來要搞project，所以就留低，心想都唔會搞太耐，
不過一搞就搞到四點鐘先走得人，stay左兩個半小時（俾大頭蚊住，搞到走唔甩，
仲迫我搞掂份questionnaire先俾我走，真衰！不過算啦，份project我都有份架嘛）

四點鐘走人，馬上去搭車啦，因為約左今日去阿橙到，係搭車既途中，我又瞌著左，
去到總站先醒人，好彩我係係總站落咋，唔係都唔知點算。

六點鐘左右就去到啦，首先我地去食個飯，因為我都幾肚餓，然後就四周圍行下，
因為要等d衫洗完，都行左半個多小時，然後就返去扲衫，搞到兩隻手都扲好多野，
不過就唔係幾重，都仲acceptable既。

今次上到去，見唔到隻大狗，原來去左訓教，之後走左出黎企係我後面都唔知，
好彩無撲埋黎，唔係我都唔知點算。

之後就搞左好多野，飲下野，食下野，吹下水，玩下野，總知就搞左好耐啦，亦都好開心。

不過有樣不幸既事就係，隻狗實在太犀利，個頭轉一轉，撞一撞我，
我個嘴就俾佢搞到出血，真係難控制，仲怕左佢，真係要好似九哥話齋：
出黎玩，最緊要小心！

總結：開心的一天

>>December 14, 2006 at 10:24:34 AM GMT+8

2006 年 12 月 11 日 星期一 【晴】

工作完結了，重新踏回學業的裡途上，發覺好多野都唔同晒，逃左八日學，
進度已經係完全跟唔上，返到去都唔知做乜野，有點無助。

慶幸既係生命裡面多左個重要既人可以同我分憂，雖然未必可以幫到乜野，
但係小小的支持已經係最大的安慰。

九號、十號，我們一同渡過了，彼此的了解不斷加深，更清楚大家的思想，
一齊的時候總係特別開心，開心的時快刻亦都過得特別快，不知不覺就渡過了兩天，
接下來就係要重返學業上的軌道，要努力d先可以。

十號，發生左件好笑既事，搞到要落尖沙咀一轉，不過真係好開心，
開心唔單止因為好笑，仲有．．．．．．

很奇怪，和她一起的時候，她總是讓我回想起過去開心的片段。

返工的時候，可能因為好多野都未做過，加上唔夠訓，所以壓力難免大左小小，
脾氣亦都難以控制，所以如果我真係對各位同事發過脾氣既，我係到衷心咁講一聲：
對不起！

>>December 12, 2006 at 2:34:02 PM GMT+8

2006 年 12 月 7 日 星期四 【晴】

終於完左喇，接下來要做既就係assignment，希望識做啦，就唔好得個望字。

>>December 12, 2006 at 1:40:41 PM GMT+8

2006 年 12 月 3 日 星期日 【晴】

真係好攰，很攰，好很攰。

咁大個仔最攰既一次。

>>December 4, 2006 at 4:50:00 PM GMT+8

2006 年 11 月 27 日 星期一 【晴】

返工真係日日都有笑料，今日返到去先知今日第一個任務就係數杯，
一數就數左成兩個幾鐘（其實只係數左半個杯都未必有），咁樣就柒左兩個幾鐘，
只係係到同阿諾吹水，中途仲打左去ｘｘ蜜蜂仔，不過佢真係抵ｘ，
竟然係起緊餐既時候叫晒所有人去sideboard briefing，佢係咪有病呀？

咁數完杯無野做咪坐係到吹水啦，但係victor哥就走左入黎見到我地四個坐晒係到，
仲出聲話：唔洗做呀！之後仁哥就兜啦，但係又未諗到點兜，係到丫．丫．丫．．
咁victor哥就係到丫．丫．丫．．，你諗好先同我講啦！丫．丫．丫．．
我同阿諾就係咁係到笑，真係好鬼好笑。

傾完野，食埋個飯，之後就去執野，係過程裡面，阿華係不斷俾我地插，
不過真係唔怪得我得，因為佢真係好ｘ唔掂，真係十個抵ｘ程度裡面，佢有九個咁多囉。

今日創造左一個新既好笑字
話說岩岩開工，咁就要搵d啡杯，咁就四周睇下d杯茜，睇下有無料到，
咁就睇到個無料既，阿諾就話料less，初時我都唔知佢講乜，之後佢話無料到，
我就知佢講乜啦，而佢就話係miss教，我就話教埋d咁cheap既野，
然後我又再講西ful，然後又再講helpful，音就差唔多，但係意思完全相反。

>>November 29, 2006 at 3:26:01 PM GMT+8

2006 年 11 月 26 日 星期日 【晴】

今日又知道多一科既成績，暫時都算可以，最少仲未見到有個4字出現，
不過我諗civil出現4字既可能性都唔低，希望唔會低過4字啦。

emp law：76
ccp：69.5
convey：58
civil：60
qm：65
ethics：48

>>December 27, 2006 at 5:20:02 AM GMT+8