2006 年 2 月 17 日 星期五 【雷雨】

尋日肥佬打俾我，其實佢打黎我都知佢既目的係乜，就係叫我e個成日都唔分組既人今日去分組，
咁我見真係有段日子無去，所以我應承左佢，雖然最近有d忙，不過都抽到時間出黎既，
所以我就答應出席，但係個陣因為我同緊sunny傾正經野，所以都無再同佢傾落去，
如果佢係其他時候打黎，我都可以同佢傾到計既，可惜揀中左我比較忙既時候，
真係有點兒不好意思。

去到夜晚，本身諗住1點就訓，點知同個網友吹耐左，搞到2點先訓，
同佢傾既野就係連我都搞唔掂既野，佢俾我既回應大致上都同我諗既相同，
不過都有d係我諗唔到既，可能我唔係女仔，點都無可能會知d女仔諗乜，
咁兩點鐘我就準時訓覺。

星期六
訓到11點半先起身，好耐無訓到咁耐，起身無耐食埋個飯就出門，
一去到輕鐵站就收阿諾既電話，原來佢係架610到喎，但係佢要買六合，所以就走左架614，
不過無所謂啦，因為都係差少少o者。
到左舊堂喇，原來都差唔多到齊，差anson同今日都會黎既智楊，不過都好快黎到，
之後就祈個禱，不過我從來都唔會為自己去求野，雖然最近真係好d衝動去求，
不過我都仲係想用自己既實力去搞掂，所以都係算喇，幫下朋友仔求下就算。
祈完就玩一個遊戲，e個係一個要用下腦既遊戲黎，所以我都有投入去玩，
雖然諗到正確既方法，不過最後都係輸左，輸左兩秒，真係連我都無計=.=。

跟住就到自我檢討，即係俾人地"隊"既時候，大家都俾人講自己既缺點，
但係我唔明點解話我睇既野同人唔同＝＝，唔通話我特別怪？？？
其實我唔係咁講得到人地既缺點，因為我雖然有返教會，但係我根本就返得唔多，
同其他人傾計既時間都唔多，要我講真係好難，我唯一做到既就係事件分析，
從一件事去分析人既性格，其實我次次都話諗並唔係去諗佢既性格係點，
而係諗我地一齊既時間發生過乜野事，不過講真，我真係唔記得，所以唯有聽人地講，
然後分析，所以都唔多中，中得最多個個係唔識既eric，因為佢係新人，
所以從佢點樣分析就可以分析到佢係乜野人。

人地數我個陣就最好，因為我最中意聽人地既意見，不過講既所有缺點同我自己知既無分別，
所以我一直都覺得最清楚我既人就係自己(沾沾自喜當中)，不過佢地都講中既，
不過我並唔係完全覺得全部都係缺點，睇你係邊個角度黎睇既o者，
不過大部分缺點我已經改左，但係智楊話我要欣賞自己，不過我覺得自己好欣賞自己個喎，
因為人要自卑亦要自戀，唔咁樣做好容易會過份緊張從而變成痴線，
所以每當我諗到d好計出黎個陣，我一定讚自己；當搵到自己既不足，
我就會自卑一下，再想辦法解決佢。
曾子曰：「吾日三省吾身。為人謀,而不忠乎？與朋友交,而不信乎？傳,不習乎？」
曾子說：「我每天常三次反省我自己。我替人謀事,沒有盡我的心嗎？我和朋友相交,有不信實的嗎？我所傳授於人的,有不是我自己所日常講習的嗎？」

總括人地數我既缺點：
不認真（別人的誤解）
唔護別人感受（知恥近乎勇）
直接（知恥近乎勇）
唔認輸（已改掉）
思考過多（已改掉）

完左之後我就返屋企沖過涼之後出左去食飯，今日去食pizza，太耐無食，所以特別好食，
之後大小生就黎左我屋企到，先睇兩段影畫戲（now寬頻），然後上左去天台到吹下水，
費時係樓下嘈到人，我地首先傾下論壇既最新大計，因為最近搞緊商業化，
以我一人之力真係未必搞掂，所以就緊係一齊拍住上啦，不過阿生就係咁，永遠都唔想郁，
真係連我都無計，佢又唔係唔幫我既，不過就唔係訓身囉。
論聰明才智，佢又唔會比我差，論眼光，佢同我有唔同睇法，所以如果佢肯訓身同我一齊搞，
真係我想唔成功都唔得，可惜，可惜佢就係唔肯，所以我都無迫佢，之後就轉換下話題，
不過都唔係好記得講過d乜野，因為根本就係講d無聊野，所以好快就到左今晚戲肉，
就係最近我煩緊既野，煩乜野？就係煩男人煩既野囉，係事業上面就越黎越掂，
所以就係煩女囉，本身都無野，但係最近佢怪怪地，搞到連我都束手無策，
真係唔明白d女人諗乜野，真係有誰答到我呢？不過佢地都講左好多我忽略左既野，
不過最後既結論就係我最唔想實行既方法，但偏偏最唔想實行既方法就係最好既方法，
咁我只好忍痛咁去實行啦。

曖昧的年紀，堅定的心菲；
疑惑的表情，確信的思想。

我覺得自己對既下一句對得幾好^^

>>February 20, 2006 at 3:36:25 PM GMT+8

2006 年 2 月 13 日 星期一 【雷雨】

今天是情人節先祝所有情人終成眷屬！

今日無咩特別事發生，最特別既野就係唔返學既keith終於返學喇，佢真係唔乖！（嘰嘰）
仲有呀sir爆左句超搞笑既野出黎，就係poor guy，初時我都覺無乜野，
不過呀諾係我隔離爆左句野出黎──仆街(e到無字架)，搞到我唔笑都唔得。

今日雅興大發，作左d野出黎，記低佢先。

不用心行事，不會失敗；
平常心行事，不怕失敗。

自作聰明者，不可一世；
真正聰明者，留芳百世。

忠誠的人，必為人用，
奸詐的人，必為人厭；
聰明的人，心招人用，
愚蠢的人，心招人棄；
愚蠢忠誠者，還會有用，
愚蠢奸詐者，不會有用；
聰明忠誠者，必招人寵，
聰明奸詐者，心招人惡。

搞盡腦汁都寫唔到一d情既作品出黎，真係~.~

>>February 21, 2006 at 4:30:31 PM GMT+8

2006 年 2 月 11 日 星期六 【晴】

日記日記，記下記下好似變左做月記咁，真係．．．．
交代下e兩個禮拜既野啦，先係上個禮拜先，不過記憶都唔係好深刻喇，我諗都唔會記都d乜野。
最深刻既野就係上個禮拜同左阿生同馬仔佢地通左頂，最近成日都做==，
講左一d又係人心既野，唔知點解，同佢地傾e d野既時候，大家都好有貨，
因為我地對e d野好似特別比其他人勁咁，而今次既人心主題就係女人心，
e樣野我就真係無佢地咁有計喇，因為我都唔會無啦啦去問d女仔點諗野既，
不過聽完馬仔講完，我又覺得不無道理，所以又上左寶貴一課。

到今個禮拜，今個禮拜仲精彩過上個禮拜，因為我又學多左好多野，
第一樣就係因為聽完馬仔講之後，我就走左去問下人，尋求一下答案，
首先去搵peggy姐，不過唔係問佢女人，而係問佢一個situation，睇下佢有咩野評價，
不過係未問到之前，就俾佢引誘左我去破佢既iq題，可惜我無功而返，
之後再吹多一陣，我就入題，不過佢俾我既答案雖然同我諗既一致，
不過因為peggy姐諗野始終會行返去好既一面，所以最後既結論就係我問錯人，
不過唔緊要，因為我仲有最後一著，就係kammy阿儀，問佢就一定無死，
之前已經一直想問佢，但係每次打過去我又無左件事，所以我今次就直接入題，唔係陣間又吹到無雷公咁遠。

一樣係先問個situation先，睇下佢有咩feedback俾我，我用我用開個種講d唔講d既方式黎問，
不過佢又好勁喎，次次都get到我想講乜野，所以我最中意佢(丫！唔係！係中意搵佢吹水)，
今次我終於扲到我想要既野，因為佢講野夠中肯，而且唔似peggy姐咁善良，
唔會又搵d野出黎兜返，之後我就入返主題，我又係講d唔講d，佢又明喎，
而且馬上不斷係到發表，我都係做聆聽者既角色，當然有問題時會發問啦，
然後仲傾左好多唔同既野，傾左4個小時。係e 4個小時裡面，我學左好多野，
而且又更加了解佢喇，雖然佢既性格我已經太過清楚，不過經歷就唔係好知喇，
不過話時話，佢係我繼peggy姐之後，第二個欣賞既女仔，因為佢好清楚自己，
e樣野真係唔係個個女人，怎至連男人都做唔到既野，所以真係唔怪得我咁中意佢。

今個禮拜學到既兩二樣野，就係selling skill，因為友人論壇出租廣告位，
所以我地就幫手搵客，當然係有錢收架啦，不過sunny俾得我地做又點會咁簡單可以做到，
今次難既地方就係個廣告位一d都唔平，而且仲幾貴下，而e家可以做既野就係send e-mail，
然後等回音，不過馬仔send完無耐之後就有一個回音，不過係一個玩野既call，
打黎根本係無心賣廣告，只係黎插e樣，插個樣。
之後馬仔諗到d野搵左我一齊傾，不過重點就係可唔可以平d，以我了解sunny既做事方式，
e樣野根本無可能，而且sunny已經搵到一個客，即係代表一定可以做到，
所以無可能會有得平，就算搵唔到客都唔會有得平，以我再帶出馬仔既意見俾sunny，
之後就係學野時候，sunny講左佢既selling skell，佢個種技巧真係犀利到我只可以哦哦哦，
因為實在太過有point，咁之後sunny就話搵埋馬仔一齊傾，順便教下我地應該點樣做，
之後我地都清楚應該點做，跟住一齊走去玩show hand，玩左一陣之後就散水。

星期六，去左飲，因為一個由細玩到大既朋友──小明既大哥結婚，本是請我媽媽的，
不過因為媽媽未能出席，所以就由我頂上，因為小明，阿生同我係由細玩到大，
所以阿生都有被邀請，個晚我地齊齊吹水打下牌，當然只係玩下個隻啦，
當然快樂既時光過得特別快，所以好快就散水，初時諗住自己人去玩下半場，
咁當去到阿生屋企個陣，大家都太過累，所以最後都無搞到乜野，所以就訓，
最知去到訓就返屋企訓好過喇，訓到今日8點幾醒左，就去食一個早餐，
食完之後就傾下廣告既問題，其實sell野搵阿生一齊傾就最好架喇，因為佢做過地產架嗎，
識既方法俾我多好多，不過因為sunny既技巧我已經全部吸收晒，所以都唔係收野咁簡單，
而係交流，都傾左一d技巧，而且我地都係抱住一個扲下經驗既心態，
當然如果真係成功到就仲好啦，不過做到既野就係再send下e-mail睇下有無回音啦，
傾到9點幾之後就散喇。

返到屋企見到都十點喇，咁就不如唔好訓喇，反正過多一陣就係十一點半，
所以就決定返教會，因為太耐無返喇，返去同大家聚首下，順便睇下會唔會有所領悟，
返到去，坐左無幾耐就不斷企，今日阿諾隔離多左個女仔，不過佢好熟面口下，
但係我又唔知佢係邊個，到唱完詩歌，到鄧傳道講野個陣，佢提到有個神奇小子，
話有好多傳媒都有訪問過佢，有港台、商台、明報、成報，之後我就講左句東方呢？
俾阿諾聽到，之係佢就係到笑，咁佢一笑我就自然忍唔到一齊笑，不過咁做好無品，
而且我覺得鄧傳道睇到，佢一定覺得我地好串，但係阿諾仲唔係停，我明明已經忍到，
但係佢一笑，我就自然忍唔著，最後搞到禱告個陣先停。
之後到一個唔知邊個黎既人講道，不過其實佢講左咁耐，我都唔係好知佢講乜野，
所以悶場左好耐，到返劉牧師講個陣先好返，完左之後就分區，分組，然後就去食飯，
今日食飯個陣，個注意力都係放左係anson既pccw手機裡面既遊戲，因為真係幾好玩，
要搬舊家私出黎，但係就幾有難度下，最後停左係14關，係我見到曙光個陣，
就唔知禁左乜野制搞到要再黎過，但係就玩唔返到個曙光位，所以就交左俾肥佬，
最後成功破左，真係好，唔係帶住d難受返屋企。

>>February 12, 2006 at 4:46:12 PM GMT+8

2006 年 1 月 19 日 星期四 【雨】

天氣轉涼，大家記得加穿衣服。

講返尋日先，都唔知乜野原故，始終都昃唔起個種勁去搵書，
所以我就決定黎一招轉壓為力，所以去到差唔多6點鐘我先溫書，不過唔知乜野原因，
咁樣反而溫得好入腦，唔知係咪因為之前有ｄ已經測過，加上睇過notes一次，
又睇埋keith個d notes一次，我反而唔洗唔落力背就上晒腦。
不過最後都係因為我溫個半鐘頭又玩半個鐘頭，最後3點半先訓。

今日　一月二十日　雨
原先要八點起身既，不過因為賴左一個字床，所以遲左少少。
今日又係孤身上路，因為大頭佢地唔知點解要安排得咁早返去，咁早返去又唔會高分ｄ既，
所以我就無會合佢地，選擇孑然一身，獨自上路，做一名孤客。

《失踪記》　第一幕：自憐
在蒼茫的暮色裡
袋插雙手，他走了

沒留下什麼，也沒
帶走什麼──除了

來時的伶仃
去時的絕望

*原名：孤客
寒武紀─李天命詩集

去到輕鐵站，見到走左架751，不過610等3分鐘就到，係e段等車同乘車的時候，
我當然係扲notes出黎不段reflash我d memory，最後都將windows重大更新成功更新左，
所以背得都好熟下，every things under control。
經過大概4-5個字的行車後，我扺達我既青雲路，步入ive，見到我的同盟，
而且個個都胸有成竹，談笑用兵的樣子，睇黎個個都深不可測。

不久，我地就對號入座，係佢話check卷個陣，我已經知道一定會合格，
因為正如文sir所講，34567，e條蛇真係好有計，不枉我花在應該有5個小時係e到身上。
我做完個陣仲有個半鐘頭剩，我都唔知在寫乜野好喇，識個d又寫左，唔識個d又唔會寫得出，
所以最後我用左個d時間黎諗野，同埋玩返個條我又唔記得左答案既假金幣問題，
直到keith走，咁我都走喇，係我地出去個陣，已經見到阿諾都動身走人，
所以我地係出面邊傾邊等，點知佢一出到黎就話岩岩唔掂，點會架？
佢溫得仲耐過我個喎，佢仲話俾人捉到有notes係佢身上，話佢出貓，我地聽到都好驚訝，
之後阿諾就去左sao到見board(人黎o者，唔係有得升職)，而我同keith就係出面等，
不過無幾耐keith就話佢走先，因為時間趕急，而阿諾就出返黎，我地講左ｄ野啦，
不過唔係咁記得係乜野，只記得係ｄ唔好既野。

第二次入去，今次我都有入去，不過佢講左咁耐都係一d我地一早有，
但係唔會睇既information，佢仲話自己咁諗、應該之類既字詞，我心諗你無經驗架咩，
最後出返去，不過我諗今次應該唔會有事既，有notes啫，唔代表出貓架嗎，
唔通有刀係身就係打劫架喇，之後我地出返去會合大頭佢地，不過就無一齊溫書，
因為我根本就唔係好想溫加上無notes係身，所以就算喇，而我地都分道揚鑣，
即係又做多一次孤客。

返去屋企，今日都無乜野持別野發生，都係好似平時咁一路玩又睇下notes咁溫，
不過就玩多過溫，之後上埋左床到，不知不覺得訓著左，因為我尋日只係訓得個4個半鐘咋，
訓醒已經係7點，我就去煮飯，都有一段日子無入廚房顯技，不過功力無減，而且更勝從前。

睇埋紀曉嵐就返返黎電腦面前，一邊睇下電視，一邊望下電腦，不過今日的心情就有d忐忑，
因為有d野我知道應該要咁做，但係自己又總係唔想做，係不斷迫自己做的過程裡面，
難免有d唔知點樣既感覺，不過今日好好，應該係神的安排，派左peggy姐黎排解我的情感，
雖然我無講乜野事俾佢聽，不過就講左個感覺同起因係乜野俾佢聽，佢知道係乜野感覺，
我諗無人會唔知係乜野感覺，我同佢講心狠手辣真係好難，尤其要對自已狠，
今次佢送左句好好既野俾我，聽完我都覺得好有計，
你搞得掂既，就唔駛擔心；
你搞唔掂既，擔心都無用。

同佢傾完之後，個心個種難受的感覺都無左，可能真係講完會爽d，
跟住今日仲有呢．．．無喇。

>>January 20, 2006 at 4:54:49 PM GMT+8

2006 年 1 月 18 日 星期三 【晴】

輕之思─其四：舞別


翩然的輕盈翩然的舞
嫣然的意態嫣然的妒
黯然的夜盡黯然的別
茫然的曉寒茫然的路

《寒武紀─李天命詩集》

>>January 18, 2006 at 4:21:57 PM GMT+8

2006 年 1 月 2 日 星期一 【晴】

一生何求 - 陳百強
曲︰王文清
詞︰潘偉源
編︰蘇德華

冷暖那可休　回頭多少個秋
尋遍了卻偏失去　未盼卻在手
我得到沒有　沒法解釋得失錯漏
剛剛聽到望到便更改　不知那裡追究


一生何求　常判決放棄與擁有
耗盡我這一生　觸不到已跑開
一生何求　迷惘裡永遠看不透
沒料到我所失的竟已是我的所有

一生何求　曾妥協也試過苦鬥
夢內每點繽紛　一消散那可收
一生何求　誰計較讚美與咀咒
沒料到我所失的竟已是我的所有

>>January 3, 2006 at 11:32:31 AM GMT+8

2005 年 12 月 20 日 星期二 【晴】

尋日12月20日，學左一句新野！係一個好廢的電腦人講既，
而句野就係『電腦呢！就跟step諗野既！而你個腦呢！就唔跟step諗野既！』
e句野的意思大概就係話人蠢，為了讓愚人得知點解係話人蠢，就作一個簡單分析！
電腦，每樣野都會跟住程序，所以佢基本上唔會出錯，而且好有條理。
而你！連咁有條理既野都唔識，就即係蠢！
之後都無乜野特別野發生，所以就返屋企喇。

尋晚夜晚同sunny吹左一陣水，尋日佢俾左新友人的基本版面我睇，
睇完我就講：嘩！好靚下喎！佢仲話遲ｄ後面個背景圖片會轉tim，不過而家未搵齊圖片。
佢又講佢將個table轉左做半透明，搞到連d字都有半透明的問題！
我又回應：我仲以為你搞到懶浪漫，懶有氣氛咋。佢竟然話：係架！
仲有佢唔講我都無留意，原來會員數已經過左十萬，一齊都好穩健咁起飛緊。
我突然諗到招好計，就係點解唔開放18禁區俾非會員入去睇，仲要連post內容都睇到，
但係就唔俾人dl，跟住等d會員滿心歡喜去做會員以為有得dl個陣，
就爆一句要lv2的會員先可以dl，到時佢地仲唔驚鬼死，
個陣佢地唔上唔落就會介紹一個會員加入喇。我地講到笑晒，之後無耐就收線喇。
今日仲有一件事發生左，就係我發現一個靚靚女會員搬左去市中心，
咁樣我地就可以日久生情喇，太美好了。跟住仲有呢！　無喇！
===============================================================================
今日12月21號，一早起來，我有一個唔想上堂的念頭，
不過最後我用意志打消左ｅ個唔要得的念頭，我唔想學大頭佢咁樣唔乖！
我唔想俾媽媽軟禁，唔俾我出街呀！

返到去，"犭何""犭安"犭健"同阿"犭諾"已經就坐，今堂阿sir教得好好，
不過呢！我唔知學左d乜野返黎囉！今日基本上係同keith係到吹水，叫佢快d從政，
然後請返我地做野，又係到笑anson，笑佢連民建聯係支持政改都唔知，
不過重點係民建聯係支持普選，真係離譜，離晒譜，離ｘ晒譜！
見到咁樣的香港市民，我先覺得香港真係好可悲。

之後就係係笑哈哈的情況下渡過，然後我地就離開了！
今次keith最好，因為佢終於可以一個人走喇！
可以享受到一個人走個種孤單的感覺，真係別是一般滋味在心頭架。

而我同阿諾就出發去迪士尼，不過今次有ｄ阻滯，搞亂晒我成盤計劃，
真係此仇不共戴天！從今日開始你有無我！
將來如果我可以飛黃騰達，第一個要對付的就係迪士尼！
話說今天明明是十點鐘開始派飛的，但係佢無啦啦變左一點鐘先派，
佢仲要話自己提早一個鐘，即係十二點鐘派。
講到自己又幾咁好人，我識計數架，明明係遲左兩個小時，就話自己提早一個小時，
最後搞到我排左兩個小時先扲到飛，差唔多兩點先搞掂，真係把幾火！
係排排下個陣有段小插曲，不過就不贅了！
最後就成功在兩點鐘把sandy和他的朋友，還有阿諾的哥哥和他的朋友帶進了迪士尼！
而我地就收到300蚊和辛勞了一天。

>>May 27, 2006 at 6:37:47 PM GMT+8

2005 年 12 月 11 日 星期日 【晴】

今日係我地重遊迪士尼的好日子，記得上一次同大頭佢地去，已經係開學無幾耐，
不過今次wendy就做離群個個，一個人獨自去偷歡。

一覺醒來，已經係八點鐘了，如果唔係要返去print野，我就唔洗早半個鐘起床，
不過最後我都賴床左兩個字，然後就把心一橫，下定決心離床去了。
因為尋日我已覺得自己身體有點抱恙，所以尋晚已服下藥丸，為今日之行做足準備，
不過最後都沒有用，因為尋晚睡得不好，所以精神有點不振，做足好準備後，就搭上回校的旅程。

返到去都九點十五分了，搞好晒所有的東東都差不多十點半，咁我就離開free booking，
出到去，就見到zoe，估唔到連佢都咁早，我交代我點解咁早之後，佢竟然話我大膽，
咁遲先返黎print野，而我就話咁都大膽，尋日做完，今日返黎print野係好合理既，
所以佢都無話再講了。入到課室，我就先去廁所擺低ｄ野先，
然後zoe就話知e-skill有ｄ野未搞定，不過ｅ樣野都唔關我事，因為今次係wendy負責ｅ樣野，
我對佢好有信心，跟住miss就到喇，而大家也一個一個咁樣進場。
今日上課都好安穩，無乜特別野發生，所以我地都好準時咁樣離開學校，踏上迪士尼奇妙一天的旅程！

我地先搭506，然後再轉乘(承)西鐵，因為keith目中無人，連我地個女朋友到左佢都唔知，
佢真係太大意喇。初時，大家都難免有些溝通唔到的問題，加上我精神不振，
更加發揮唔到我搞氣氛的本色，所以ｅ一part只好交返俾阿諾自己黎啦，
我地先係天水(死)圍停留左一段時間，因為大頭仔今次的速度緩慢了，而這段時間，
OL就不斷受到眾人的圍攻，連我都係有意無意間送左佢幾腳，所以佢都把幾火架喇。
當大頭仔到左之後，我就對阿諾講：你今日終於唔似大頭仔，你終於無得型喇！
而佢地就係車上有講有笑，而我就自我慰藉，就係咁既時光中，我地終於到逹我地的目的地，
迪士尼！佢地一落車，做既野就係拍照，真係成班都係女人仔，e d野都好影既，
真係成班鳥合之眾．無個似樣，爛泥扶唔上柄！好在都唔係擾攘左好耐啫，
然後阿諾同keith先去試探軍程，而我地就去準備扲令牌，因為一早知道有圍數不少的人，
所以都不斷催促佢地快走兩步，因為入去前先要check手袋，所以又浪費了時間。
(係這裡有一段小插曲，就係最緊張的大頭連check手袋都驚，話自己帶左水，佢真係飲大左，
唔帶水去仲得了既，加上佢無可能會阻止人帶水，所以話佢係最緊張就真係無錯。)
排左無幾耐，阿諾就出返黎喇，然後我地就兵分兩路，不過其中一路得我一個，
佢地真係無品，咁多個人杯葛我一個！
到我去扲飛喇，今次又煩住個同事，又不斷問，最後得到一個好好既答案，
就係原來係去十六次，而唔係帶十六個人去，搞到我地賺少好多錢呀，邊個咁無品呀！
扲完飛，我就去回合返大家，原來pako已經找出阿諾的位置，實在太好喇！
然後我地行去入口，見到朱迪都係到，而keith就係裡面，我地入埋去，大家就成功合体。

入到去第一件事就係去扲fast pass，之前以為只可以扲到兩張，因為一個員工証扲一張，
但係因為同事們沒有空理會我們，所以我地唯有自己黎啦！自動波架嗎！
一次過扲走晒成搭，大概有十多張啦，之後去扲左太空山同巴斯的快証，
我同阿諾就返入去員工carteen到買野食，不過要買太多人份量，所以都有ｄ亂，
而且最麻煩係ｄ飲品，因為一失足成千古恨，所以真係要格外小心，最後因為係我親自運鏢，
當然私毫無損咁成功到達目的地，而我地就一同用膳。
(先提回一些前事，當進場後就與pako交談，原來最近忙於拍攝m(a)v，
不過係mv定av就真係唔知喇，而且佢好榮幸咁請到飛鳳來擔演女主角，而男主角就自己黎，
劇情由浪漫轉至淫亂，又由淫亂當中帶出浪漫，最後一句話就係我都唔知佢拍左ｄ乜野出黎，
淨係知有ｄ動作咁啦，青少年及兒童不宜個種。)

當用膳過後，我地就走去玩巴斯先，而阿諾就去左大空山再扲快証，
因為原先個張個時間就唔到，所以唯有再黎個，今次巴斯我好犀利，扲到四十幾萬分，
中間呃左唔少分，因為佢成日停，咁我就係咁射，之後唔知點解，ｄ分突然彪升，
最後扲到四十幾萬分。之後我地就衝去睇花車，去到main street中段個到，個位唔算靚，
但都唔係差，我同pako講d人原先好白跳到ｅ家黑晒，隻腳同塊面唔同色，
佢就話d人咁似泰國人，其實真係好鬼似，跟住佢地又扲返支旗出黎跳，我就爆左句，
佢地址旗啦！我地笑晒，跟住pako就"隊"我話：咁你都得啦！阿諾又加多兩句焗我，
咁我唯有話得啫，唔得咪即係話我自己無ｘ，我無咁笨！
睇完花車，我地就去睇電影，等左都有少少時間，唔算耐，不過緊在係睇得太多次喇，
睇到悶晒，知道佢會點樣，而其他人就白白痴痴咁真係伸手出黎摸，俾你摸到仲得了既，
真係傻！我同pako都係到笑佢地。

之後好似去玩太空山，不過又係因為玩得太多次，根本就麻木晒，不過今次又好笑野，
因為玩完之後去睇下佢影個ｄ相，大頭仔竟然擺左個好型的pose，我地真係個個都恨唔到，
然後就去睇真人騷．獅子王，次次睇ｅ個都係明ｄ唔明ｄ，又唔可以話唔知佢唱乜，
但又唔可以話知佢唱乜，真係無奈又無奈。不過次次睇，最好睇個part都係玩火個part，
因為個兩個人真係好鬼勁，都唔知係咪由細玩到大，初時我想訓覺的，但係最後都係睇左，
就咁樣係裡面呆坐左半小時，出返去，天都已經黑晒，我地用最少時間合体，
然後出發去睇另一個真人騷．golden mickey，不過去到發覺遲左少少，所以唯有睇下場。
我地就馬上轉換行程，變左去玩咖啡杯，ｅ個又刺激又好玩的遊戲，
第一次係我、keith加朱迪，朱迪當然係做坐個個啦，因為佢根本都轉唔郁，
而我就出左半成力到啦，不過加埋keith，都轉到好勁下，真係暈暈地，
而且好似有ｄ野想出黎咁，我都未回得氣，大頭又話要下場，今次pako同阿諾就無參與，
所以我一個人應酬大頭、OL、同我地個女朋友，初時佢地發力先，不過好快就招架唔住，
咁我唯有接力啦，今次因為得我一個，所以要出多兩成半力，速度都拍得住剛剛，
不過今次的持久力就唔夠，不過都好暈下，而且有種想嘔又唔嘔唔出既感覺，
個野真係唔上唔落，唔上唔落會點樣，我諗大家都好清楚。

黎完兩轉之後，本身諗住去坐船的，不過中途改變主意，變左去影相，最後我都客串左一種，
同個隻發姣貓一齊影，大頭佢地仲攬得佢好實，因為佢地從來都無諗過佢係男定女，
不過從雙貓都攬得好實下的跡象睇黎，我諗佢應該係男黎架喇！開完影相會之後，
就去返睇golden mickey，最好睇應該係泰山個part，因為條友真係好鬼大隻，
唔知佢係咪成日睇一百蚊四隻，ｅ部份都無乜驚喜野，唯一的部份就係OL既樂極生悲。
睇完之後，都已經無乜時間喇，我地就決定去埋坐船先去睇煙火，今次個嚮導就慢慢黎，
搞到我地遲左，佢仲停係猩猩個到話個到係六猩級的家，
我就同其他人講：係囉！加埋你咪七猩級的家囉！聽到既都笑晒，
之後我都唔記得有乜好笑野喇！完左之後，我地用最快速度去返中央廣場睇煙火，
不過都錯過左兩分鐘到，不過我發現上次睇好似無擊光匯演，
唔知係咪因為之前都係掛住睇煙火無留意到呢？
(係再繼續之前又加返一段插曲，今次的主角係OL，因為今次到佢樂極生悲喇！
話說佢同donld duck影完相，處於極度興奮之制，係走個陣，開心到跌左係到，
俾我、大頭仔同pako睇到，我仲馬上爆樂極生悲，不過大頭仔叫我地唔好笑咁耐，
所以先停左口，不過去到睇金獎米奇先知原來大家都見到，不過keith就錯過左今次的好戲。
不過已經叫左pako準備成語動畫郎，唔知幾時有得睇呢？哈哈)

當睇完煙火之後，本身諗住去main street睇野，不過最後變左再去挑戰tomorrow land，
一開始先去影下相，然後就去左玩好低能的太空戰機，上左去都唔知有無兩分鐘就返落黎，
咁見係咁就去玩太空山，不過今次的目的係要擺pose，因為pako有點抱恙，
所以就無一同遊歷，我今次就同朱迪坐，佢又話好驚，我同佢講咁攬住我又唔肯，
咁我無計喇！而我就係開始個陣不斷嚇佢，到真係開始個陣，我好努力咁擺定個pose，
最後個pose真係擺得好靚架，不過個鐘頭只係影到少少，真係無辦法，咁唯有再黎多一次啦，
今次同OL坐，係一開始，我又係嚇下佢先，最後擺左個好型的pose，
不過塊面就俾雙手遮左一半，不過算啦！因為我地要去再挑戰巴斯，不過今次就煇煌不再，
只係得五萬幾分，真係連我都唔知點解，pako仲同我講佢有六十幾遇，真係點解會咁架，
鬼上身呀！玩完巴斯之後都九點鐘喇，所有遊戲都收皮，而我地就轉移陣地到main street睇野，
今次就唔同上次，唔係影相，而係購物，當然無我份啦，因為ｄ咁既貨色真係無野買得落手，
最後留到最後，大家都有ｄ收獲，不過就唔係咁好意思，阻住人地收工，一日都係大頭啦，
係到扭黎扭去！最後我地就決定去天水(死)圍用晚膳。

係車上面都無乜野特別野發生，所以就無謂記喇！到左天水圍，pako先食一個頭盤，
然後我同我地一齊去食下場，去到叫野個陣，用開平時叫野的作風，講ｄ又唔講ｄ，
又問下野，等佢估下估下咁落單，pako佢地又話我"隊"人，我無呀！又話我"隊"走晒佢d fd，
阿諾就話我"隊"走晒人d fd，然後自己又同佢d fd, zoe, fd晒，點知pako話zoe唔係佢個fd，
咁我馬上問咁我"隊"走你邊個fd呀？今次終於問到pako無聲出，真係我都俾佢地屈得我耐喇，
今次終於可以爭返一口氣。然後我地都係歡笑中渡過，而pako就爆左句好笑野出黎，
佢話自從我地離開左佢，得返佢一個人，佢就要男兒當自強，要開天闢地！
我地聽到笑晒，真係無野好講，連咁既野都俾佢諗到，
同阿諾個句”三分天註定，七分靠打拚”一樣咁cheap！當食完之後，我就就各自離開，
而我就、阿諾同我地個女朋友就一齊行埋最後一段同路，然後就分道揚鑣，
今日的旅程就正式地完滿結束了！

>>December 13, 2005 at 9:36:22 AM GMT+8

2005 年 12 月 2 日 星期五 【晴】

因為昨晚三點才睡，所以今天都挺遲起床，記得起床後就走了去看電影，
小李飛刀，有王傑的，不過段戲其實挺不好看的，看完後就去梳洗，
然後就看黃飛鴻二之男兒當自強，之後就返回電腦身邊，最近都搵kitty吹水，
本身想找阿一串下她的，不過她竟然不在，真係連我都無計。

今次找到一樣好玩的東東在msn裡，就是msn plus，當裝了它後，就可以放一些聲音出來，
然後可以播放出來，我就放了一些以前aoc常用的，也找了一些周星馳的出來，
不過就無pako個ｄ鐵頭功喇，個ｄ真的超有計，可惜沒有，就這樣搞搞下就４點多了，
然後我又搞興她，又開始吹水，雖然中間都有點停頓，不過這些問題又怎會難到我，
之後到差不多七點就去了沖涼，因為約了朋友外出用膳，不過當我搞好所有野，
才收到來電延遲半個小時，那我就在家中先看一看電視，看到我猜我猜我猜猜猜，
今次的主題竟然是乸型男孩(轉回廣東話應該是這樣)，第一個都沒什麼的，
因為只是比較斯文而已，就好像乸型哥哥咁，但是之後的那些，全都跟人妖沒分別，
有一個不說，你真的想不到他是男來的，我好辛苦的看到第四個參賽者，
就差不多是時候要走了，如果電視機不是我的，我想我會打爆佢！

之後我再到樓下等了一會，大佬就到了，不過真的有一段時間沒見，有點生外，
不過大佬作風就是不會說什麼自己的事的，即是我問，他都不會說，
所以我們談的都是比較時事、跟金錢有點關係的事，不過等了很久，另外的兩位也還未到，
所以我們就先吃，不過說是先吃，其實也不是快很多，都是十分鐘左右，
不過他們又真係遲得很緊要，遲了差不多一個小時有多，所以我、大佬和阿雞都好狠勁，
一有位上就出手，而菠蘿仔因為能力比較低，所以通常都是受罪的一個，
他們一來到就是有點熱，我就說：去廁所出出火先囉！之後一出到來就說：咁快出完火喇！
到食野時候，大佬問：肚唔肚餓呀？
菠蘿仔：好肚餓呀！
我：岩岩無食飽咩？
大佬：兩個人食緊係唔夠分啦！（眾笑）
之後因為個火有點火，所以我說：有無得教細ｄ個火？
菠蘿仔出手搞掂左，然後我讚他一句，在他沾沾自喜的時候，
我加多句：除左ｅ樣野之外，我都搵唔到你有其他長處。（馬上變面）
之後又談及不同的事，直至到電話那一部分，因為大佬轉了電話，
所以不斷說一些話中有話的羡慕說話，最後大佬說1600咋嗎，因為市價是2x00，
大佬：阿雞個部仲貴啦！（兩部市價相同）
阿雞：唔係咁講既，仲要睇好多野。
我：唔係咁講咁點講呀？講感情呀！（眾笑）
然後之後菠蘿仔又有失手，好像是扲野上黎食個陣，講左句直晒，射晒出黎
大佬：咁快直晒，仲要射埋出黎。（眾笑）
之後又有次，我"隊"菠蘿仔，對到佢有點不爽個陣，我用我用開個句，你最玩得架，
搞到佢又嬲唔成。
我地就維持這種氣氛，大概維持左兩個鐘頭，之後就轉話頭到sale野。
菠蘿仔就話這種呃人，我同大佬異口同聲話：無！
大佬：你情我願既！
我：我真係有貨或者service俾到佢個喎！
不過佢始終唔係咁應同，不過佢講唔出點解，因為有引導的成份係到丫嗎。
之後大佬講左一d電盈既野我聽，同我之後續約好有用，可以平返唔少，
估唔到一直俾多咁多錢佢，下次我唔做野都唔得。
然後傾下傾下都到左十一點幾，因為阿雞攰得滯，所以都無下場喇！所以大家就四散。

返到去又搵下kitty吹下水，順便去智高無上，發覺有幾條iq題幾好玩，所以就玩下，
不過都唔係全部搞得掂，看來我的智力仲未夠，唔知仲有無機會上升呢？
到兩點鐘就睡覺了。

>>December 13, 2005 at 9:37:28 AM GMT+8

2005 年 12 月 1 日 星期四 【晴】

今日一早就要起床上學去，因為是星期五，要七點半起床，難事都準備好後，就開始上學去。

一開始上b law，一齊都安好，沒什麼特別事(可能有，不過忘了)，一直相安無事到派卷，
今次有26分，都算不錯吧！以我那麼爛的英文來說，不過阿諾跟wendy就失了手，
之後繼續上堂，上完堂後就去用膳，本身可以走人的，不過今天是taxation測驗的日子，
所以被迫去用膳。用膳過後都沒有再溫書了，因為上次的測驗很簡單，
所以大夥都很有信心，不過之後才知道原來有信心都未必是一件好事，經過快樂的洗禮後，
我們就搭上測驗的旅途。

今次不是wilson看我們這邊，是bsa的那個miss，不過算啦，反正分別不大。
開始了，打開測驗卷，發覺有些東東連我也不懂，我想連我都不懂，都沒什麼人會懂，
今次很快就做完，所以有很多時間在發呆，不過很快就捱到收卷，
之後阿諾和wendy都一面苦容，當和keith會合後，才知自己犯了兩個錯誤，
真是欲哭無淚，不過舊夢不需記，所以我們一行人就去了市中心，好像是買禮物給amy，
不過最後好像沒有買到，而我們一行人就走去看手袋和電話，不過都係得個睇字，
然後就回家搞sunny給我的任務，不過早知就不做，因為其實做了都挺忙的，
不過今次都學到了不少東西。

返到去又打多一次電話給今次版聚的人，因為去的都是在職人士，所以不多不少都有代溝，
不過因為有peggy姐在，所以我最少有一個人陪伴我，sunny要去應酬其他人，
所以他該沒空跟我吹水的喇，電話都一直傾過不停，到大概五點鐘才差不多完全搞定，
之後好像跟阿一和kitty吹水，一直到7點多，不過就在這時，
一直在做功課的kitty終於俾我搞興左，一直吹到差不多八點，我都不想走的，
不過因為職責在身，所以我唯有離開她！然後乘車前往上水，不過因為屯門燈位多，
所以到達後都遲了少少，之後就開始會合所有人，因為全都不相識，除了一個朋友，
所以都用了不少時間，所以sunny就先前往扲位，而我地都再等了一會，大概五分鐘左右，
就出發至目的地了。(到這裡，自覺有點兒做得不好，所以今次又得到了不少好的經驗。)

到達後，我都有說一點話，不過因為全都說一些我插不進話的話題，所以我也很無奈，
直至peggy姐到了，我才可以暢所欲言，不過她挺慘的今次，因為她是素食喜好者，
而那邊都沒什麼素食，除了炸饅頭之外，仲有呢，無喇！
因為係打邊爐，所以我打淥熟ｄ菜被她的，不過她說湯底不是素，所以不接受，
我馬上說：女人真係麻煩架！她說：係呀！我好麻煩架！
她都這樣說了，我還有什麼可以說。不過她就反戰話我以偏概全，我差點被她擊到，
跟她交手，真的不能掉以輕心，之後我們繼續交流，發覺她事業上的問題有了起色，
神的能力真是太強了，不枉我為她祈禱，之後都沒什麼特別事了，
就這樣直到有人開聲說要離場，我都不知要收多少錢，所以我就到茅廁，除了因為有需要外，
因為sunny去了，去到跟他說有人要走，該收多少，他回收六十先，收多好過收少，
他又說得有道理，然後他說誰要走，我說我也不太清楚他是誰，不過他說有個人不太好，
因為我也沒有留意其他人說什麼，他說最多野講個個，我就知道是誰了，
他又說連強哥都唔侵佢玩，初時我說連強哥都唔侵佢玩，咁佢應該係廢人黎個喎，
不過我諗清楚ｄ，同強哥玩個ｄ都係廢人黎個喎！
所以我馬上轉軚說：強哥好鐘意同廢人玩個喎，連佢都唔侵佢玩，咁佢即係好廢個路喎，
咁當然是換來笑聲啦！然後就出去收錢，之後人都不斷離席，只餘下幾人，
到差不多十一點半，我們都走人了，然後就去搭小巴走人！

去的時候好耐，不過司機用了不到十分鐘時間就返回屯門，真的很利害，
大概十二點回到家裡，再搵返kitty吹水，說我無朋友喇，你又唔陪我，傾到好像兩點多就閃人了。

>>December 7, 2005 at 3:57:39 PM GMT+8