2006 年 3 月 8 日 星期三 【晴】

記返尋日既野先啦，話說因為個地址問題，所以搞左一排，之後就收到阿諾電話，
叫我落埋去旺角，咁我見都係去返工o者，所以就先去旺角再轉乘車地去尖沙咀，
咁係去之前就小休一下，原來諗住三點半起身，點知就賴床賴到四點二，之後就換衫出發。

去到旺角，五點七，遲左少少o者，之後就見到阿諾，身邊好搭馬下，幾呀個人圍住佢，
跟住我就去會合佢，佢就叫我跟進下其他人，咁我見到一個男填form個陣填袁子健，
我就斷定女個個就係我個fd阿雞既家姐，一問之下就緊係o岩左啦，閒談一下，
再搞埋d野，最後有兩個囡囡"肋"左，都無返工就雞得，e家d人真係．．唉！一d交帶都無。

搞完之後我就落尖沙咀，等左一陣pako就到，之後阿浚都到埋，咁就一齊行過去，
好彩係新世界個到，最後都無迷失方向，我一跟食飯一跟話d程序俾佢地聽，
但係佢地都好疑惑下，咁我就話一上到去就明架喇，再講話d女都最得掂，
幫佢地打下強心針，食埋個飯上去briefing之後，扲到張積之後，
我竟然見到自己個名係張檯上面，即係代表我都要做檯，咁我點睇得住佢地呢，
不過算啦，都無計架喇，唯有到時執生啦。

今次都算好，因為有一個熟手係到有時提點下，因為係新世界我都係第一次做檯，
所以有好多野都唔知幾時上，所以做完都有兩樣野無做到，不過最後都無野發生，
係過程裡面，初時pako同阿浚都有少少問題，不過之後都熟左，所以無咩野大事發生，
一切順利，而且我都食左唔少好野，去到最尾我都帶左阿浚一齊入去食，
本來諗住一齊食既，點知唔見左pako，唔係一定仲過癮，最後做埋d簡單野就收工。

到今日，返到學就同阿諾傾返尋日點，咁大致上都無問題，再傾下d無聊野就上堂聽書，
今堂都好ok，無乜野大問題，之後就食個早餐先，我就同阿諾講下尋日d好笑野，
其中一句就係pako轉述俾我聽，就係其中一個師兄叫pako唔夠骨碟就叫佢去隔離扲，
不過因為之前扲左個煙灰缸俾個師兄係咁嘈，所以pako就話返俾個師兄聽，
結果個師兄就話，佢再嘈你話我叫既！e句好有型，有夠串，真係幾有計。

咁用完個早膳就返去上堂，今堂好好，但係就唔知上左d乜野，落堂之後就去左圖書館，
咁我地就傾下我地個蛇頭大計，雖然暫時人係夠多，不過始終係新手，而且未做過，
所以唔排除有d返完工之後就會唔做，因為香港不嬲都多懶人同蠢人，
所以初步要做既野就係穩住條線，盡量吸納多d長途馬，所以一定要係e方面諗下計。

跟住就去上堂，一上堂就聽到又話改返做點半上堂，e個消息唔錯，
上上下堂就聽到阿諾話換錢，換走我d碎銀，咁我一定肯架，換完之後阿諾就久我兩元，
初次佢話記住佢，我話咁少唔記得咪算囉，佢話唔得，我就回佢一句，我地高級左架喇，
咁少既野唔好記住，佢就話俾我聽tony講過既野，內容如下：
我地唔要節流，我地要開源
我地食飯個d少少錢唔計架
最好笑的一句：我唔慳架！
笑左一陣，不過真係好有計e句，之後就上返堂，上上下阿堅(iven)見到我本書，
就話睇下，咁我知香港既年青人對股票都唔太感興趣，所以就話你唔o岩睇個喎，
佢就話我知佢識，我突晒眼，咁勁，iven真係咁有計，佢話我知佢之前條女做agent，
所以有玩過下，仲輸過錢，又上過堂學，我估唔到佢咁厲害，認知絕對不在我之下。
佢仲話有d書，咁我當然問佢借黎睇啦，再吹下一陣水就放學。

>>March 9, 2006 at 2:59:22 PM GMT+8

2006 年 3 月 6 日 星期一 【晴】

今日返到學校，第一樣笑料應該就係大頭、wendy同oly為左十分出晒洋相，
首先爭崩頭咁為左答問題，最後揀選左wendy，佢答到一本個陣就失左手，
最好笑既就出左黎，就係oly的一句：let me，我地就馬上笑佢，
估唔到佢為左十分做出d咁既野。

完左英文堂就到com law，初時都好用心，但就失守左半個小時到，去左同阿諾吹蛇頭d野，
用心上返九個字到就堂去左食麵，不過就唯獨欠缺左豆漿，美中不足。
食完麵行到入公園個陣，我先醒起我忘記左一樣重要既野，就係無幫阿諾買包，
之後就去左麥當當買佢個d毒藥。

之後就上文sir既com law，今次教d野都好簡單，但係唔知點解我地個級有咁多蠢女人，
將整體的進度拉慢左，都唔明白點解咁簡單既野，佢地都會get唔到，
可能佢地打得打多機，打到個人蠢晒。

上完堂就走人，同wendy、oly佢地一齊搭輕鐵，係上半段仲有zoe係到，
原來佢係馬會到工作，不過去到大興就分手，之後就講下我個年半搵十萬的目標，
其實我覺得真係唔離譜，因為下年應該就係泡沫經濟的超高鋒期，只要睇準時機，
唔單指係十萬，一百萬都得，而且仲唔洗交稅，真係有計。

今日要多謝大頭，因為佢搞到我本電話新晒，多謝大頭個殼！

今日重點笑料，斷背山與星球大戰：比劍。

>>March 7, 2006 at 3:37:17 PM GMT+8

2006 年 3 月 5 日 星期日 【雨】

今日其實無乜特別野，去到石排個陣竟然見到wendy，應該係佢見到我先岩，
因為係車上面的時間，我通常睇書，所以乜野人我都唔會點理會，
之後佢就交代點解得佢一個，因為其他人捨佢而去。

返到去就上熊貓個堂，我都唔知學左d乜野，跟住就落堂，去左free booking，
去到我就上下網睇下野，而keith就溫故知新，大頭佢地就作野，本來我地都要作，
不過因為有一個好強勁的女伙伴，佢一個人就做左四個人要做既野，真係能人所不能。

跟住就同commercial law，ｅ堂我諗係最學到野的一堂，因為所有野都好清晰，
全部都係跟step既，所以我乜都識。

落左堂就去搵cbs個miss，中途遇到我地張cert，原來有得扲喇，不過就去著suit去，
最後月左一個猜情尋的方法，估唔到我、諾同keith都失左手，最後就由我同諾去。

去到搭輕鐵個陣，我都唔知幾時得罪左oly，俾佢啄住我唔放，點解無啦啦多左達"啦"架，
最後佢好似好唔開心咁就左出去，我係咪應該講句"對唔住"呢？

我諗我唔應該唔讓佢，下次俾佢"隊"死我，等佢開心下先。
To: Oly
對不起！sorry!

>>March 6, 2006 at 3:01:43 PM GMT+8

2006 年 3 月 4 日 星期六 【陰】

（如要停止音樂，請按瀏覽器上的停止）

經過三天辛勞的工作，終於可以休息兩天，實在太好了。

心情平復下來，体力恢復過來，一切美好過來。

返工無乜特別事，休息又無乜突特深刻既事，所以都無乜野好記，
而咁多日唯一的笑料應該就係”位上”e個term。

最近想簡單d，可能簡單的感覺實在係太好。

簡單愛

詞：徐若瑄 曲：周杰倫

說不上為什麼 我變得很主動
若愛上一個人 什麼都會值得去做
我想大聲宣佈 對妳依依不捨
連隔壁鄰居都猜到我現在的感受

河邊的風 在吹著頭髮飄動
牽著妳的手 一陣莫名感動
我想帶妳 回我的外婆家
一起看著日落 一直到我們都睡著

我想就這樣牽著妳的手不放開
愛能不能夠永遠單純沒有悲哀
我 想帶妳騎單車
我 想和妳看棒球
想這樣沒擔憂 唱著歌 一直走

我想就這樣牽著妳的手不放開
愛可不可以簡簡單單沒有傷害
妳 靠著我的肩膀
妳 在我胸口睡著
像這樣的生活 我愛妳 妳愛我

想 簡！簡！單！單！ 愛~~~~~~~~~~
想 簡！簡！單！單！ 愛~~~~~~~~~~




>>March 5, 2006 at 2:12:50 PM GMT+8

2006 年 2 月 27 日 星期一 【雨】

今日上英文堂都上得唔錯，之後到company-law，因為俾文sir將我同大頭佢地分開，
令到我只好聽書，一聽之下，我又幾有興趣喎，所以今堂我無野唔明。
食個lunch之後就上埋堂lecture就放學。

搭輕鐵個陣就問左大頭佢地iq題，到大頭佢地走左就再問下oly同wendy，
講真，我真係幾中意玩iq題個喎，因為玩個陣會好過癮，到破到個陣就仲過癮。

只唯心不行
獨唯物不得（我作既，用黎回贈一個論壇既人）

世人無完美
萬事存矛盾（佢回應我個句）

完美存於心
矛盾出於人（我送返ｅ家俾佢）

大頭唔好話唔係我作架喇！我唔係copy架！我都識寫野架！

>>February 28, 2006 at 3:50:58 PM GMT+8

2006 年 2 月 26 日 星期日 【雨】

（如要停止音樂，請按瀏覽器上的停止）

明日一早就要返學，日日都咁早，真係好辛苦。

一返到去，得三個人既，原來除左唔返學既keith唔見左之外，仲有wendy都失蹤左，
原來佢生病了，不過放break個陣都返返黎，咁我就坐左係oly隔離，問下佢返大陸開心嗎？
佢就把鬼火，開始講下d花絮出黎，不過就無一個詳細的故事流情，所以就轉出聽大頭講，
不過因為相隔了一段距離，所以聽得唔清唔楚，只係係放break個陣聽左三份一，
係cbs到聽左三份一，加埋lunch個三份一就係一個原整故事。
故事如下：
二月二十三日（地點：學校）
話說她們一回到校，就已經是風頭人物，因為她們的衣著與其化人格格不入，
聽說其他人穿得像攀山差不多，她們還說以為入錯隊，她們遭到他人的嘰笑，
日子過得不怎好過，不過還有一班（三個）同級朋友，所以不至於沒有朋友。
（地點：車上）
在車上她倆過得一點也不好，因為大頭的坐位上有一喇叭，因為受到聲音滋擾，
期間有回響導致耳朵十分之不好受，而且只有他們是這樣，所以一出現回響，
她們就掩著隻耳，但卻被周遭的人給予白眼，冷嘲熱諷。
（地點：忘記了）
她倆上洗手間去，因需一段時間，但就被周遭的單單打打，還送上一句：原來係咁。
（地點：餐館）
送上早點，但當吃過不知多少口後，卻傳出這是雀粟，聽說阿jo有想吐的感覺，
而且食物的好味程度有十個那麼多，不過是負十個。
（地點：不知那裡）
jo受到他人的白眼，被他人投擲熊仔餅。
（地點：酒店）
check-in用了半小時以上，到了房間後，因大頭篇間未上水，導遊入來補上，
但哮間時不說自己是誰，只懂說：我我我，當開門後還變了黑面。
到晚上，elaine點了vv去買撲克，最後使得vv發火。
二月二十四日（地點：酒店）
在早上去酒店餐廳用膳，但因為同行之人全屬無品之士，將個人行裝放在椅子上，
導致他們五人沒有位置，只好去大家樂裡自行用膳。
（地點：車上）
在車上不斷播放著容祖兒的歌曲．但是只有音樂，沒有人聲，
聲音之大怎致掩蓋了大頭的mp3，可想而知嘈音是何等之大，但大頭坐位前的兩個人還有興奮，
手舞足蹈起來，還互相對唱，真想見識一下是怎麼樣的人類。
（地點：小東北）
食物根本不能放進口裡。
（地點：交流的地方，詳細：不明）
根本不是交流，只是收接，只有他說，沒有你講，當真的交流時，馬上看到兩地文化差異，
大陸都有文化架咩？
還有其他的，不過我已忘記了，敬請各位原諒！

食完個飯就返去上堂，上hrm，又係熊貓個堂，基本上係不斷炒野，聽到既野都唔知有乜野，
我諗唯有自己睇啦。
跟住到commercial law，ｅ堂好好，因為佢講得夠晒簡單，係我最中意的表達方式，
不過就有好多蠢女人係到問長問短，女人真係麻煩架！
之後就到cbs，今次好好多，因為有d數字係到，而且今次講d野有返d興趣，
唔洗好似平時咁悶到想訓著，做埋個quiz就走人。

返到屋企就同阿諾去左大老二，贏左都幾多返黎，不過岩岩走左去豪傑一族，e家破左產，
玩左都唔夠二十分鐘就俾人ko左~.~。

>>February 27, 2006 at 2:47:46 PM GMT+8

2006 年 2 月 22 日 星期三 【晴】

（如要停止音樂，請按瀏覽器上的停止）

今日做左d乜野，我都唔知今日做左d乜野，過左無聊的一天，可能放假就係因為於假，
咩都唔做，但係咩都唔做，個人又唔係好想，真係無奈。

工作上面，send的e-mail就好似潑出去既水一樣，無野返黎，條橋就真係好掂架喇，
但係幾掂既野都要有人賞識先得架，究竟幾時先會有回音呢？
如果今個星期無回音，我要落力係炒散到先得喇，因為最近都幾拮据下。

係處理人事方面，唔知時間夠未呢，我諗個冷靜期都夠路掛，都差唔多一個禮拜喇，
不過再睇定d先啦，反正急都急唔黎，因為都唔輪到我話事。

收到個msg，原來肥佬的哥哥病重入院，大家幫下佢祈禱，兩個人祈禱的威力大過一個人，
但係唔知三個人既威力會唔會勁過兩個人，不過祈多d都唔會蝕既。

我諗我因為睇埋個幾本書佢，原來諗住一個月搞掂，但係已經手左個幾月，
唔應該再帶落去下一個月架喇，要俾d決心出黎先得！！

最近對友人的歸屬感無咁高，可能係因為無咩野做啦，即使有，但係有唔係咁想做，
所以都係留俾其他人做啦，佢地都係等緊個機會o者。

平時得閒個陣會諗下野，但係今日就無乜點諗過野喎，究竟我今日做過d乜野呢？
我又唔係咁記得喎，剩係記得今朝一早就俾樓下裝修嘈醒左，仲有諗住打俾大頭同佢講拜拜，
但係又訓返，所以最後又無左件事。

完美的一天：孫燕姿
曲／詞：虞陽

我要一所大房子 有很大的落地窗戶 陽光灑在地板上 也溫暖了我的被子
我要一所大房子 有很大的落地窗戶 陽光灑在地板上 也溫暖了我的被子
ya...
我要一所大房子 有很多很多的房間 一個房間有最快的網路
一個房間有很多的吉他 一個房間有我漂亮的衣服
一個房間住著朋友和他的愛人 一個房間一個房間
我也不知道該放些什麼?
ya... 告別黯淡生活 ya...
我們晚上不睡覺 白天在床上思考 小狗在屋裡奔跑
度過完美的一天 度過完美的一天
我要一所大房子 有很大的落地窗戶 陽光灑在地板上
也溫暖了我的被子

咁樣的生活，唔知我做唔做到呢？

>>March 5, 2006 at 2:11:08 PM GMT+8

2006 年 2 月 21 日 星期二 【晴】

一早就要起身，因為今日返八半，返到去就見到大頭坐左我個位，真係串嘴，
咁我就唯有坐考第尾個iven個位啦，今日救d野好單簡下，無難度既，但係大頭都搞唔掂，
真係．．．．仲係咁喎！嘩！咁係放break個陣(自己放break?)就去玩下小遊戲，
但係因為唔識點玩，搞到俾大頭成功取笑到，之後知道點玩喇，原來係無難度既，
所以就無玩，繼續上堂去（因為已經放完break），上完堂就返屋企。

返到去，過左一個鐘到，pako就打過黎話一齊去飲茶，咁好囉，我就換返衫出去。
去到輕鐵站已見到pako的蹤影，在輕鐵上細心聆聽佢最近的威水史，原來最近玩緊拍戲，
聽上去佢d戲友好似個個都好搭水咁，而且仲好好玩咁tim，又話有得攬又有得食，
講到好掂咁，不過事實係點就不得而知喇。

去到明星，點左幾小點，阿諾就到步，然後我地三人又把茶談歡，談及剛剛已提到的拍戲，
工作，學業，還有以前的事，回想起當年的開心野真係多，好似有：
你講大話
你錯喇
聖誕膠
回味
仲有呢．．．無喇！
真係可以笑好耐，坐到三點到啦，就走去整東亞卡，因為pako都話一齊炒散，
咁樣真係如虎添翼，而我就順便改埋個presentage佢，改晒做高風險，不過改唔改都無所謂，
先得個五十幾蚊，都唔知點解會有咁多，而後去到輕鐵站個位大家就分道揚鑣，
我就去圖書館改埋個地址佢，然後就返屋企。

返到去都唔記得做過d乜野喇，但係到左夜晚食飯個陣就有一樣不幸既野發生，
我都唔知係好嬲定好笑，因為我俾舊魚骨kick左係個喉嚨到，我同佢奮戰左四個鐘，
由八點半到十二點半，已試過無數方法都完全無效，最後我決定放棄，去尋求醫生的協助。

跟住就夜晚晚走去屯門醫院到，等左勁耐，不過中途我都訓左一個鐘，佢先普通咁睇下，
但係睇唔到，緊係睇唔到啦，因為我自己都睇唔到，然後佢話噴d麻醉藥放去個喉嚨到，
就插塊鏡放去睇睇，麻醉左個種感覺真係唔知點形容，就好似無左個一fuck咁，
之後佢就插落去，插到我死下死下，但係都係無發現，我都覺得佢好似唔見左咁，
唔通佢已經跌左落去？之後佢話照x-way睇下，咁好囉，又去等下，照完之後又等，
最後話俾我知x-way都無影到有野係到，佢就叫我返去休息先，如果聽日都仲feel到有野係到，
就要返黎照胃鏡，咁我都唔知講乜好喇，唯有講好囉，然後就返屋企訓教。

今日的經歷都唔知喊好定笑好=.=

>>February 23, 2006 at 8:01:40 AM GMT+8

2006 年 2 月 20 日 星期一 【晴】

記低返今日d好笑野先

今朝早放隻狗狗出黎等佢陪下我食早餐，雖然日日都係架喇，不過今日佢又唔聽話，
又亂痾尿，即刻打左佢幾下，再打佢返入去佢既私人空間，咁我就返學喇。

係輕鐵上面睇睇下書，阿諾就打黎，個陣我去到大興，收左線之後，
企係我隔離個個無啦啦問我記唔記得佢喎，初時我話唔記得，佢就話燒野食個個，
我就有返d記憶喇，佢就係大頭d學妹。
閒談左幾句之後，我就睇返下書，佢就話我勤力喇，我話課外書黎架喎，
佢睇到咩野書之後就講埋d個個都係咁講既說話，就係你炒投票架，將來諗住炒股票之類既野，
仲問我學校搞個個talk有無去，我點洗去個d呀，傾到去升降機入面之後，竟然見到大頭同oly，
佢地都唔知我隔離個個係邊個，咁我就介紹啦，其實應該係大頭識佢先岩，
因為都唔係我既學妹，之後就變做佢地傾計，傾返大陸d野，傾到入課室。

今日上堂都無乜野，都係吹下水，聽下書，就咁就去lunch，今日唔知做乜鬼，
wendy無同我地一齊共進午膳，去返上堂先再六神合體，今日個課好鬼悶，我都好努力咁聽，
不過最後都唔知聽左d乜野返黎，只係間低左d重點而已，完左e堂就到英文堂喇，
e家唔知點解，上英文堂反而精神d，可能阿sir有計啦。
之後無啦啦搞左背野遊戲出黎，明明我地個邊無架啦，點知阿sir仲話諗清楚d，仲有d野未講，
阿諾就爆左句”有咩野做o者，無咩野做架”，e句已經由尋日開始笑起，不過尋日無記低，
e句野係有錢電視（釋法：有線電視）裡面一個肥媽主持教煮野食既節目到肥媽講既，
因為已經我有有錢a台，有時會睇到，所以我有聽過，而尋日有出席既大頭同keith都識笑，
因為真係用得好應景，所以都笑左一陣，之後都無驚無險咁落堂。

上完英文堂就返屋企，同大頭係洪水橋落車之後，睇到架751岩岩走左，諗住等咁耐，
不如一齊買六合彩，點知一去買，架751就返黎，搞到得我自己一個，咁岩個陣sunny就打黎，
咁就一路吹水一路買（兩個字都中唔到＞＜），買完之後就返屋企。
返到屋企睇到d廣告都未有回音，真係灰，但係大眾條友就覆我，初時sunny想話佢雜亂無章，
我就用一招先讚佢，再彈佢，咁樣彈既效果更加顯著，之後就打去uwants到問埋佢個價，
加埋落去個comparsion到，再拉下人地d客，就停手去搞我個日記，因為想玩歌仔，
但係搞左咁耐，最後咩都無變過=.=，之後大頭睇完我寫既作品，竟然同我講以為我係copy，
真係離晒譜＞＜，之後我就同阿生講我句新野，因為上次佢細佬送左句
”曖昧的年紀，堅定的心菲。”俾我，我就還返一句”疑惑的表情，確信的思想。”俾佢，
連阿生都讚我對得幾好，的確我都覺得唔錯，但係經佢修一修改就更加好，
雖然表達既野唔同左，不過佢個意景就更加靚，放出黎俾大家欣賞下。

曖昧的年紀，堅定的心菲；
疑惑的心思，確實的思念。
（曖昧令人疑惑；思念卻又要人堅定。）
的確漂亮極了，之後同阿諾講下佢電腦既問題，不過佢既問題要解決就要換個部新，
所以佢黎問價，不過我真係唔係咁答到佢個價，因為我都唔係好知個價係點，
可以傾左陣之後就去沖涼。

沖完涼就去煮飯，係我炒菜個陣，我"聞"到d香味，我就醒起上次係阿諾屋企睇都市閒情，
個陣佢話"d味黎喇"，但係邊到聞到呀，點知轉個頭李錦聯就講"d味黎喇"，
所以自己係到笑左一陣，然後就去食飯，順路睇個個天幕下的戀人，發覺都有小小計。
睇完就返黎，sunny又開左個新版，不過我都無乜點上去喇，所以都係得閒入去睇下就算，
然後阿雞就icq我，原來佢家姐有興趣炒散，無所謂啦，反正越多人越好既，
佢仲話佢做過priza hut，咁即係手盤得啦，咁仲好，傾下d細節之後就傾下下次搞乜野節目，
之後講下佢d同學仔，原來全部都唔出街，我話溝女咋，原來又唔係，咁我話係網上溝女囉，
咁佢就唔知喇，咁就由傾網上溝女變做講女，咁女e類野就緊係可遇不可求架啦，
遇到先爭取囉，講左我既做法，就係唔好咁執著，應爭取就爭取，爭取唔到就放手，
傾到咁上下，佢就要溫書，咁我都唔阻佢，而我就黎打埋今日e篇日記。

>>February 27, 2006 at 2:58:42 PM GMT+8

2006 年 2 月 19 日 星期日 【晴】

生日快樂！
二十號，二十歲，不知不覺二十載，經歷何止二十件，展望將來二十年。

今日係輕鐵上面偶遇oly同wendy，佢地先同我講聲生日快樂，但係oly之後就帶俾我不快樂，
佢話佢今晚不能出席，因為病左要去睇醫生，咁佢病左我又無理由監佢去既，
不過點睇都唔覺得佢有病囉。

到左兆康之後，keith同大頭就上埋車，不過keith就目中無人囉，同我講話見唔到我，
真係好俾面呀！返到學校門口到就收到阿諾既電話，吹左一陣，最好笑個句係叫我帶定d蕉，
上到去上堂，今日都無乜特別野，不過miss問有無人睇過個廣告，我就話我唔睇電視既，
佢就話我就唔睇電視o者，初時我都唔知講乜野好，不過就突然諗到一招為客為主，
就爆左句”你做咩學我唔睇電視呀！”佢都呆左係到一陣，然後一齊係到笑。
上完ｅ堂之後，我就收到我件禮物，好開心！拆開黎睇係一個銀包，仲要係高級銀包，
真係好喇，睇下幾時用先，之後就到熊貓個堂，不過佢遲到，但係佢都教得晒，
真係好利害下！！

再黎就係commercial law，阿sir真係好有計，笑住口咁"隊"人，"隊"到個個人想喊，
不過又係佢要嘈先，錯左咪算囉，又唔認錯，走去嘈，結果俾阿sir串囉，無辦法，
鬼叫佢自己唔爭氣。
不過經此一役，我睇到阿sir好有計，而且好串下，不過邊個律師唔串架，
唔串既律師有計極都有限，今堂講d野我都好明白，之後就上個當中國商貿，
雖然講d野我都幾有興趣，不過始終係悶得滯，所以有時都分左心，聽到一個鐘多dd啦，
之後做埋個quiz就放學，不過wendy同oly就走左去囉，我睇到乜野係朋友囉，
咁就剩返大頭、keith、阿諾同我，初時諗住去食好抵食既日本野，但係時不與我，
去到邊間，個間就閂左門，咁就決定去十下十下啦，去到個陣仲勁，今次唔係閂門咁簡單，
而係執左，真係無奈，最後決定去元朗人渣（釋法：元朗人家）。

今次無閂門喇，如果連佢都閂門既話，我都唔知講乜野好，入到去就好快咁叫野食，
因為大家都好肚餓，邊食邊講，不過就無乜經典野，所以無乜野可以記到落黎，
食到8點半鐘到，大家都食到好飽喇，就走人去睇大頭講個隻錶，不過去到睇，
發覺都無乜野咁特別o者，所以逗留左一陣就閃人，搭車歸家去。

同類：孫燕姿
曲:李偲松 詞:易家揚

雨後的城市 寂寞又狼狽
路邊的座位 他空著在等誰
我拉住時間 他卻不理會
有沒有別人 跟我一樣很想被安慰
風 停了又吹 我忽然想起誰
天 亮了又黑 我過了好幾歲
心 暖了又灰 世界 有時候孤單的很
需要另一個同類
愛 收了又給 我們都不太完美
夢 做了又碎 我們有幾次機會 去追
不曉得為什麼愛 又稀少又昂貴
雲在半空中 被微風剪碎
回憶也許美 可是正在飛走對不對



>>March 30, 2006 at 6:20:21 PM GMT+8