2006 年 5 月 14 日 星期日 【晴】

教左鐘十點就起身，因為無send到resume同cover letter去e-mail，所以早d起身搞，
但係最後都訓返，訓到十點半先起身搞，搞完就出門。

返到去都遲左四個字，上貓熊堂，都唔知學左乜野，好似乜野都係廢話黎咁，
都係因為人文科學累事><，之後去左搞英文，一搞就搞到一點半，咁因為唔去食lunch，
所以我就係裡面都食旺旺同飲檸檬茶，咁阿姐就黎問你掉在佢喎，然後又問係咪你地架？
keith就講左句：邊個架？我都呆左一秒，咁狗既佢，咁我唯有附和佢啦，講左句：唔知喎！
然後去睇人present，大豬與小豬既異同（長三角與珠三角的異同），係睇之前有段前戲，
不過得我一個人做既獨腳戲，因為有人霸左我地間房，咁keith又去左廁所，
大頭佢地就走左去吹水，得我一個係狒狒隔離，狒狒就問你地係咪e到上堂架，
佢地又唔出聲喎，狒狒已經想走架喇，話：算啦，咁我地去隔離啦！
咁我話：唔得，miss你book左房架嗎，點可以走架！
狒狒：算啦，無所謂啦！
我：e個唔係有無所謂既問題，學校講規距架嗎，點可以咁樣架！
狒狒：唔緊要啦。
我：miss你咁樣點得架，miss你威嚴何在呀？
之後佢地就動身走人，走到出黎我地附近，就有個肥妹用一個好不爽既聲音話：對唔住喎！
我：你無對我唔住，你e句應該同miss講。
之後我地就入到去，不過大頭佢地就睇少一場戲，keith返黎即刻話佢知，
佢仲話點解我唔等埋佢，我都想架，不過如果等既話，我地就去左另一間房喇。

之後就睇vv表演，佢依舊係無焦點，唔敢望人，而且今次仲無啦啦呻吟，都唔知佢做乜。
而阿志今次好似無鏢童，即係雙耳發紅，沖血硬晒，可能係因為燈光問題，
佢地講既野好似有問題，不過問題係邊，我就唔係咁清楚，所以我無野問，交俾keith問。

初時諗住等好鐘意嬲個個女仔問，點知佢仲未嬲完，叫佢問個陣，雙眼好似想食左我地咁，
又會咁少氣既，咁少氣既女仔無乜人鐘意架，咁唯有我將個波推俾miss先，
等miss發問，問乜野唔係咁記得喇，總知就係問得好啦。然後到keith問，
不過佢問既野有d離左題，不過唔緊要，反正問左有分加咪算囉，然後等其他人發問，
咁人地問，佢地答，而我就係佢地回答上面出現的小小漏洞就加而攻擊，
目的都唔係攻擊既，只係玩下o者。

之後就去上陳狀堂，陳狀依舊好快就教完，然後就去左搞英文，因為阿諾未print，
而大頭同oly就去左搞資助，今次我同阿諾都選擇放棄喇，因為都衰夠喇，加上影印都要錢，
唔好再晒埋d閒錢喇，搞完之後都等左大頭佢地好耐先走得。

係等佢地個陣先發覺佢地比我幸福得多，因為我搵錢俾自己洗，
但係佢地就有政府俾錢佢地洗，仲係到話自己慘，真係身在福中不知福，無晒福氣喇。

>>May 15, 2006 at 1:36:07 PM GMT+8

2006 年 5 月 13 日 星期六 【晴】

訓左六個鐘起身，因為要準備出發喇，約左十一點，去到個陣，幾驚無車，
因為一等就可能要等成十五至二十分鐘，遲咁多，可大可少架嗎，e d野無人擔當得起架，
不過一去到等左兩三分鐘到就有車，已經路路順通，準時到達，諗住直接入去，
點知阿諾又俾左個任務我，就係去接大家，今次有兩位新師兄，咁到齊就入去，
換衫食飯briefing開波。

今日搞tvb，乜野母親節個d啦，我做一號呀，個個一號呀，最麻煩個個一號呀，
搞到我出既汗仲多過我出既餸，超辛苦，不過都搞得掂，無乜點甩到，太過好幸，
跟住就無驚無險到去四點，吹雞！收工，轉返衫就同阿諾落去旺角到洗錢，
不過除左買左d德國既軟糖之外，仲有呢？無喇！

之後去左荔枝角到買衫，今次買到喇，不過我想買隊鞋多d，可惜無岩心水既，
所以我都無得唔算，係買衫個到係咁吹水，講左d乜野？除左廢話之外都無喇，
然後就搭車走人。上到架車，唔知點解有陣山竹牛肉味，可能有人係到鐵板燒，
就燒豬肉，就出d牛肉味，所以最後即係─搞錯晒！

記得搭車個陣諗起自己要開始做義工喇，因為阿sir話做義工對將來見工個陣會有幫助，
真係好似文sir咁講，interest(興趣)就真係建立係interest(利益)身上，所以就打左比個熟手問下，
咁無野玩就用個玩野既心態黎問，最後都問到既，不過就下個學期開始先算啦，
反正今個學期都唔會開始做。

開心
人真是特別，總是想著要自己開開心心的過一生，每分每秒都要懷著愉快的心情，
但是人又總是做不到這一點，總是因小事而不開心，總是讓自己的心情受到別人的牽引。

開心其實是什麼？怎樣才算是開心？怎樣才能夠開心？為什麼要追求開心？
好像連第一條都答不到，
連開心也不知道是什麼，卻說要追求開心，那自己究竟在追求什麼呢？
連怎樣才算是開心也不知，那究竟自己有否開心過呢？
連怎樣才能夠開心也不知，那怎麼樣追求開心呢？
連自己為什麼追求開心也不知，那追求開心來幹什麼？

如果能答到這四條問題，我想你應該值得開心，因為你知道自己追求什麼。
如果你答不到這四條問題，也不用灰心，因為你可能天生就是一個開心的人。

當你的心打開，你就會開始接觸開心。
當你的心緊閉，你永遠都看不到開心。
　　　　　　　　　　　　　　　　　　完

>>May 15, 2006 at 11:05:19 AM GMT+8

2006 年 5 月 12 日 星期五 【晴】

話說今日原本就放假既，不過阿諾係四點幾個陣打過黎話好唔掂，而我又好唔想返，
不過見到佢咁唔掂，咁我唯有應承佢啦，反正返工都有錢收既，都唔係蝕，
所以就決定返，之後我就開始準備下，費時遲啦，話晒成村人等我個喎。

五點幾出門，六點上到車，堂上左屯門公路之後我都搕著左，一醒已經去到旺角，
又會搕左成八個字咁多都有既，咁就係旺角停留左好耐，大家都知旺角d人不嬲都唔守規距，
搞壞晒既standard架啦，咁d燈又就人多過就車，所以停左差唔多成兩個字先去到油麻地，
大概七點搭二到先到美麗華，再等埋個個阿駱就入去。

briefing個陣，個個阿駱已經俾人雞左，因為個頭囉，我睇到都覺得唔得啦，得返三個人，
而佢地又唔知咩野料，教晒佢地之後，我做個檯超易做，因為分左四個未黎到既之後，
佢地就黎大龍鳳（即係自己夾），超簡單，毫無難度，不過到第四個餸之後就麻煩，
因為同個阿姐調左檯，調左一檯超麻煩既，又唔食野又唔比收野，
上到第七個餸第一個餸都仲可以係到既，你話麻唔麻煩，又唔比我收喎，話有人未食，
都算喇，好x街係前面個個阿姐係咁擺佢d餸過黎，on9架，一次係咁兩次係咁，
到第三次我就屌x佢：
你次次咁樣放過黎，放到我成檯都係餸，你無野呀！
我個檯叫我放個喎！
你唔識放過其他到架！
佢地識架，叫我放過黎！
你搞到我成檯都係，我點做呀！
你自己搞掂佢囉！
你咁叻，我幫我搞掂佢！
之後佢就照放上黎
你無撚野呀，你咁樣即係搞撚著我o者！我唔撚黎，你搵黑衫搞掂佢！

之後佢就走左去，要我自己去搞，如果係我廚房到見到佢，我實大屌佢，真係好興！
大家都係炒散，大家都係收咁多錢，你就簡簡單單收少幾隻碟，我就比你搞到塌檔，
痴撚線，最後搞到我乜野都最後，真係未見個咁x街既阿姐，唔單只係返工失敗，
連做人都好失敗，香港就係有咁多e d x街先搞成咁，正一x街。

收工之後同我調檯個個阿姐吹水，佢調檯我唔會怪佢，因為d客針對女人，
但係係咁擺野黎個個阿姐，我就真係唔忍佢，咁樣做野仲要好似老鳳咁，痴鳩線！
我都見到同我調個個阿姐又幫我，e d先係出黎勞野，識得做人架嗎。


我也很想他
唱:孫燕姿 曲:彭學斌 詞:彭學斌/April

那時候我們總有好多話 什麼事都可以講
我的愛情比你早 卻一直放在心上
後來你們之間的變化 我不想再多說話
經過了相遇和掙扎 我還是無法將他放下
那是多久候的事了 有一天你突然問我
在那個時候 是否也愛著他
我也很想他 我們都一樣
在他身上 曾找到翅膀
只是那時的他 是因為你他開始飛翔
我也很想他 在某個地方
我少了尷尬 你少了肩膀
而夏天還是那麼短 思念卻很長
還記得 那年我們三個許下的願望
星星騙了我們 我們卻因此上了一課
成長必修的學分 我們都一樣


>>May 21, 2006 at 1:08:48 PM GMT+8

2006 年 5 月 11 日 星期四 【晴】

今日一早就要上熊貓堂，不過我都遲左半個鐘起身，所以就好合理咁遲半個鐘先返到，
今堂都有聽佢講野既，不過聽唔聽都係咁，可能唔知佢講乜啦，然後就去左做hrm project，
今次做得好快喎，所以好快就走得去食野，不過中途都有蒼蠅係都煩住晒，
明明打死左，點知仲有隻仲大既出黎，當我交完野返黎之後，阿諾同我講話好多蟲，
緊係啦，我好記得個次我用紙巾"鏈"死一個之後，開返黎睇睇，成炸蟲係裡面滾動，
場面都好核突，咁大隻，d蟲肯定加倍，不過我就睇唔到，因為太遠。

之後去左元緣都食下晝飯，一路睇住twins concert一路食野，今次我不斷係到替d野黎串oly，
記得答iq題，oly答中左，我就話乜野iq題黎架，咁無iq既人都答得中既，食完野就去左行逛，
去左睇下衣服同鞋子，然後陪keith去買電腦野，本開去樓上個間，不過因為隔離裝修，
本以為入到去會無事，點知入到去先知係重災區，所以馬上走人，去左第二間，
買完之後就分手喇，各自回家。

五點幾鐘我就出去搭車，今次有個乜野英姐係到，不過一眼睇上去已經覺得係廢人，
又著錯襪，又唔知醒水，都唔知係咪出黎做野，好似去旅行咁，傻架。
briefing完，上到去，做做下就唔見左佢，睇黎係覺得辛苦，黎個自願離職啦，
之後就開波，去到第二個餸已經慢左，因為太大碟，用多左時間，之後扲碟，
擺到上去轉盤先知污糟既，咁點好呀，入去換過囉，又晒左d時間，上翅喇，追得返，
但係上鮑魚，黎敬酒喎，又唯有讓一讓啦，又慢左，到魚扲碟個陣，打爛野喎，
唔緊要，所扲過o者，不過就又晒左d時間，咁返去扲碟，連埋酒杯一齊上，
馬上入去扲雞，衝去打茶，斟埋佢，入去扲家私，上埋麵飯，再去扲埋碟碗叉羹一齊上，
所以最後d時間都追返d師兄，都唔知係我越黎越快定係佢地越黎越慢呢。

>>May 13, 2006 at 5:51:18 AM GMT+8

2006 年 5 月 9 日 星期二 【晴】

一醒已經係就黎十一點，咁我見大頭佢地約左十二點到keith屋企，所以hea到十一點就起身，
準備下啦，咁見無野食喎，又再hea一排，然後就出左去食野，之後出發去keith屋企。

去到天水圍，見到都十二點幾，所以就直接打俾keith問佢點去佢個到，
之後收到風原來大頭同蒙牛鳳都未到，所以我就打俾大頭問佢係邊，原來係天耀，
我既下一個站，咁我叫佢地等埋我，因為我架706到左啦，下一站天耀。

到左見到佢地，然後一同去，係之前陪大頭買飯，之後買左四分一個西瓜同三支冰條上去，
今次第一次去keith屋企，前幾次都唔記得點解無去到lu，總知就係有事啦。
上到去就係到睇電影，睇有錢電視─娛樂新聞台，無乜野睇，悶悶的。
到左一點半就正式開工，初時都諗住hea下咁做，因為我唔識負責e方面既野，
但係最後變左做打字工，打左成日字，d英文打字速度又快左，應該拍得住中文打字速度啦，
keith,大頭同蒙牛鳳不斷係到嘔d野出黎，咁去到中段我都有作下既，
不過大部分都係佢地作，我只係負責打，做到五點幾決定食西瓜，
個西瓜好抵死呀，因為大頭都唔食，而蒙牛鳳只係食左一塊，其他個d由我同keith食晒，
然後就去踩單車，踩到好累，因為keith教左最難俾我踩，累死！

之後返去繼續打字，去到七點幾，我打字個part就完結左，然後到keith既powerpoint(ppt)，
變做我係到吹水，佢地係到揀選放乜野，中途我係咁搞住蒙牛鳳，
咁有乜野好笑架呢？又好似無喎，然後斷斷續續咁返去打字，去到八點幾先做完，
好辛苦阿。記得中途大頭叫我地俾西瓜錢，咁佢話keith唔洗俾，因為佢做ppt，
咁我話我打左成日字喎，之後大頭話咁我以前成日做project咁點呀，佢一輪嘴講個陣，
我馬上講句：咁幾錢呀？佢知道我想塞住佢把嘴，所以笑晒。

到走個陣做緊女人唔易做，睇到謝天華彈琴唱歌，我就醒起謝天華以前係唱歌個喎，
風火海丫嗎，然後keith就話salome學琴，我話會唔會遲d呀，keith就話學無先後，
我就話達者為先，但係人人都先晒路喎，笑完就走人。

>>May 10, 2006 at 2:41:02 PM GMT+8

2006 年 5 月 8 日 星期一 【晴】

《上篇》

最近日日都有打日記，自己都覺得自己好誠心tim，今日完成左《中庸》啦，
不過越後就越唔明，如果有時間真係要睇埋《論語》佢先，中國哲學真係靚，
不過就好似李先生咁講，差左d幽默，所以會沉悶d，無李先生d書咁好笑。

今日返到去都遲左喇，日日都係咁，慣架喇，因為其實我就唔方便準時架，
我準時既話呢，我會唔舒服架。

返到去就睇到d野唔係今日交，然後就學野，阿sir真係好犀利，因為除左英文勁之外，
做人都好勁，尤其是係冷嘲熱諷方面。

之後就上文sir堂，講完tutorial之後就變左同keith佢地傾談下，大頭好犀利呀，
因為佢問下問下d問題變晒做哲學問題，而唔係我地要傾談既神學問題，
不過以我既能力根本駁斥到聖經，因為我根本唔知聖經既內容，
所以只可以用小小的理解，講出最大的問題係─全知、全善、全能，三點都有問題，
最後keith竟然話神愛世人，但係愛就等於全善個路咩？
知仲要問？知仲要試？
違反邏輯做唔到，咁仲叫全能？
我諗唯一解釋就係神可以違反邏輯囉。

完左文sir堂就去食lunch，食之前見到陳狀，陳狀好犀利架，連文sir都對佢讚口不絕，
食完之後又見到佢，佢話大頭要我地咁多個等佢一個，而陳狀又好似等緊我地咁，
所以大頭就咋咋淋咁飲埋杯豆漿，然後就上路去。

返到去因為時間尚早，所以決定去canteen去涼空調，夠鐘先上去，上堂前有d好笑野，
文sir就問：妳地搞乜鬼呀？因為jo同wendy未上堂前黎一個擁抱先，咁Jo就話：佢唔開心呀！
跟住阿諾就即刻話：我都唔開心呀！依句連文sir都笑哂。
今日company law聽聽下我都搕著左，因為真係好眼訓，而個topic我有無興趣，
無興趣？有興趣！我有興趣知，但係就無興趣聽，醒返個陣已經係落堂。

落堂就去電腦室做im project，我就主力上網搵野，大頭同阿諾就睇書，keith同oly就作野，
之後去搵呂sir去指教下佢，都有幫助既，不過佢講野真係好悶，
成日係到：係咪？ok？聽到聽到厭，然後返去搞多陣就閃人。

大頭話佢對鞋痴立立，令大家醒起上次我倒滯可樂俾阿諾係咁串我，
大家要記著買鞋要買adidas既，因為唔會痴立立，但係converse個d就......
去到輕鐵上面，無啦啦佢地講乜野騷，咁我就問乜野啦，之後keith就叫oly俾我食，
初時都唔知食乜，之後我見到一排白色既野，我就知係佢d蒙牛糖，我都心知不妙，
oly係咁叫我擺入口，咁我就想擺入佢個口，都無錯架嗎，口o者，無話邊個嗰個呀，
跟住係我擺緊落口個陣，oly就加一把，咁就落左我個口，放入口就感到一陣奶....粉味，
好難頂，所以要快快趣咬碎佢，然後吞左佢，好惡頂下，不過都好過上次個d白花油糖。

之後我都唔知邊個講話d糖好嗅，咁oly緊係話唔會啦，然後keith話d bb仔嘔奶d味都好難頂，
oly又當然企硬話唔會啦，仲話唔會騷，咁我就話你幾日唔沖涼都會有騷味個喎，
你話嗅唔嗅？之後oly就話蒙牛好神聖架！唔準講嗅！咁我黎一招借代，
將蒙牛既意思用作神聖，不斷咁講oly你好蒙牛呀！只有你d咁蒙牛既人先可以咁蒙牛，
又話，咁蒙牛既蒙牛糖，係你d咁蒙人既人先佩食架咋，
之後就咁左個名俾oly，就叫做「蒙牛鳳」，講到蒙牛鳳幾唔開心，但又唔可以唔笑喎。

>>June 17, 2006 at 5:56:20 PM GMT+8

2006 年 5 月 8 日 星期一 【晴】

《下篇》

基教信奉聖父、聖子、聖靈，日基督教神學家阿里烏（Arius）認為三者異位異體：聖父高於聖子，聖子高於聖靈。此觀點在信眾間得到廣泛支持。羅馬皇帝君士坦丁召開尼西亞大公會議（325A.D.），議決以「聖父聖子聖靈三位一體」的觀點為正統，判阿里烏為異端，把驅逐放。

「三位一體論」憑鬥爭壓倒了「異位異體論」後在三位一體論的總綱下又發生了「基督一性論」和「基督二性論」之爭。前者認為聖子基只有一個本性，即神性；後者認為聖子基督有雙重本性，即同時具有神性和人性。

西羅馬教會主張基督二性論，判基督一性論為異端。東羅馬教會主張基督一性論，並由以弗所大公會議通過確認。西羅馬教會聞訊即宣布會議無效，並稱之為「以弗所強盜會議」。其後君士坦丁堡第二次大公會議則通過基督一性論，判基督二性論為異端。但西羅馬教會極力堅持基督二性論，判基督一性論為異端。

到第七世紀時，在基督二性論的綱領下，又出現了基督一志論，認為基督雖有二性，即神性和人性，但只有一個意志作用，即神的意思作用。第三次君士坦丁堡大公會議認定基督二志論（既有神的意思又有人的意思）為正統，判基督一志論為異端......

經過這許多沒完沒了的鬥爭、吵架，基督教終於正式分裂成兩大陣營：東正教和天主教（後來再由天主教裂出抗羅宗，即一般華人口中的「基督教」，實即狹義基督教）。共同教義下對於聖靈的來亦持分歧的觀點。天主教主張聖靈雙出論，認為聖靈「從父和子出來」；東正教則主張單出論，認為聖靈「從父通過子出來」。

岩岩落左樓下做一樣好耐無做既事，就係影相，影乜野？就係影曇花，
曇花一現有幾靚，俾大家睇下。

2點幾左右影既


11點幾左右影既


12點幾左右影既






我的相簿

>>June 9, 2006 at 4:48:35 PM GMT+8

2006 年 5 月 7 日 星期日 【晴】

今日有d懶，抄下人地個日記先，再多除少補。

上完堂就去左食野!..........跟住就去左電腦室消耗紙張!...........print notes!
咁我地就以為12:30先要上HRM，所以就响電腦室玩物喪志!
不過好彩有ar諾行左去搵文sir!............途中遇到馬丁!
跟住就執野去上堂la!............上11:30!.........11:50先去到!

12:30又走返去電腦室!..........又print野!
1:30就去左上廢廢miss堂!
咁哩堂就聽百變佢地present!...........上次"隊"唔死我地o果個同學都响度!
不過佢地就唔係好順利!...............都開唔到個powerpoint!
當時佢搞左一陣，就有個"立即關閉"响度load緊!
咁百變就响度等!.........跟住ar ka就話「比我係妳!....就咁立即關閉 la!」
之後百變又聽佢點!..........我就即刻同ar Ka講「佢係你架la!」
跟住Naomi佢地就笑哂!.............見過百變就會知笑乜架la!
（本想釋法既，順更教下大家係咁既情況點反擊，不過懶，所以算啦，反正得失寸心知）

等左十幾分鐘，佢地個powerpoint都仲未掂!
所以miss都開聲!........「咁耐既!.......得唔得架!?」
咁我就話「係la!.......要我地等!.......咁冇誠意!........不如走la!」
跟住miss就話我衰!............叫我唔好比壓力人地!

搞到差唔多2點先有野睇!...........講旅遊!
咁到左Q&A時間，Naomi佢地就叫左我出手!
當時其實我冇"隊"過佢地架!...........不過見到個女同學興哂囉!
我諗應該都係ar Ka响補"飛"o果陣狠左d la!
仲有就係我都覺得佢地好叻!
因為响時事方面佢地知冇我咁強，
所以佢地就用d我唔可以話佢錯既數據黎答我!...........d數據我好唔認同!
（我反而覺得係因為keith出手先搞到佢地"興"，我都係講左兩三句o者）

搞完事就上大狀既seminar!............幾時都覺得咁正!
落堂o果陣，佢仲特登記住左我地個名!...........又多個ar sir熟左!......半生熟!
出門口就見到上半年教tax既wilson!
咁我就問佢「ar sir你依家教乜ar!?」
之後佢就話「我教(交)腳囉!」..............當時大狀都睇到笑哂!........見到高手!
不過Naomi & OL就唔知wilson講乜!.............交腳咪即係走佬囉!

3:30就上廢廢既Lecture!
咁哩堂一開始，佢就問全部人「你地係咪想一講完就走ar!?」
跟住我就答佢「依家就想走la!」.........."隊"到佢都開心哂!
break完之後，就又拎多份notes!
拎完之後，佢就問我「係咪你拎左我有答案o果份ar!?........咩都填哂架喎!」
咁我睇過又唔覺得o果份有寫過野!
所以就答佢「我o果份乜都要自己填架喎!」...........佢好似唔信!
最後就原來响乸型哥哥度!..............佢自首既!

4點幾就放學!
---------------------------------------------------------------------------------------------------------
小件件：keith
KA：我
尋晚就同ar ka icq，有d既好笑野，所以就post埋响度la!
我地d冷嘲熱諷真係愈來愈搞鬼!（係囉，keith真係越黎越狗）
KA:
我心在卻死，
只因情已逝，
愛不能再生，
你可否知道？

作得好唔好?

小件件:
我心在，卻死，只因情，已逝，
愛不能再生，你可否知道？

咁會唔會好d ar!?

KA:
e首係詩

小件件:
haha!

KA:
卻死前點會用豆號
咪玩啦

小件件:
咁用 !

我就覺得頭兩句好好!
但係後兩句就差左少少!.............感覺上!

KA:
e首情詩黎
溝女個陣好好用

小件件:
都係用返真材實料la!

KA:
我自己作係真材實料
你用既話就唔係囉,首詩有意思架,你睇清楚d

小件件:
我講既!...........係你自己天生既本錢!..............唔係作d句字黎呃呃哄哄!

KA:
我都有呀
你就差d囉

小件件:
或者la!..........不過d女你係媾唔哂既!

KA:
係囉,留返婷婷俾你
夠大件,抵食丫
(釋法:婷婷係一個好有份量既中國籍女子!)

小件件:
我諗你都媾到百變既!
(釋法:百變係一個好有學識，但係極冇姿色既中國籍百年難得一見既女子!)

KA:
丫,你都幾串下個喎

小件件:
係la!...........人人都咁讚我架!

KA:
我踩緊你咋

小件件:
丫!.........係咩!

KA:
唔會唔係囉

小件件:
我地d溝通，真係可以試吓出語錄

KA:
我都差d諗唔到點講
你個招係咩真係好狗

小件件:
都係同你玩得多進步左ja!

KA:
嘩
你咁狗既，係到屈我狗

小件件:
唔會掛!

KA:
我都想唔會囉，可惜．．．．．

今日作品
《一生最愛》
你我相伴這一生
是非不斷情始終
我心亦痛心亦醉
一生無悔皆因愛


中庸，我諗睇埋聽日就可以睇完，中庸既中心思想就係─誠，大家記住喇！

如何自我增值提升條件？吸引力取決於下例條件總和：
（1）樣貌，
（2）神態，
（3）氣度，
（4）體格，
（5）性情，
（6）思想，
（7）才智，
（8）學識，
（9）成就，
（10）無形魅力。

無形魅力，確有其事，且為最後希望之所寄。

>>May 8, 2006 at 4:22:29 PM GMT+8

2006 年 5 月 6 日 星期六 【晴】

先回覆遺言
都唔係林尚義
FROM : Wendy
下．．．係咩？我唔知喎，佢咁寫我咁信啦，不過把聲真係好似佢，唉～搞錯晒tim （嘰嘰）

尋晚好夜先訓，而且有少少訓唔著，所以無乜精神，所以無乜點睇到書，
而且係睇返睇過既《破惘》，都好，睇返好多遺忘左既野，之後就去左今日重頭戲─游水。

去到三點幾，都唔係好多人，游到去差唔多六點，都游左好多個塘，我諗來回十個到啦，
好累喇，之後去左食野，然後就返屋企。

返黎無野做，上網search中庸，然後睇左十二個chapter，然後就收手，總共有33個chapter。
文言文真係好犀利，咁少文子就可以表達到咁深既道理，不得不服。

多次失敗獲得智慧，愚人也；
一次失敗獲得智慧，常人也；
不需失敗獲得智慧，智者也。

肉身之苦，雖難忍受，但值一顧；
心靈之痛，無法忍受，不坎回首。

時光匆匆人將逝，
回首一生百千事，
慨嘆人生何其苦，
原是忽略情與義。

《我只愛你》
我心在卻死，
只因情已逝，
愛不願再燃，
你我情已斷。

人會老
月常圓
傷已逝
情不變

>>May 8, 2006 at 10:02:00 AM GMT+8

2006 年 5 月 5 日 星期五 【晴】

係記今日之先，打胡適既兩句詩：
辟克尼克（picnic)在河邊，
牛油麵包真新鮮。
點解打e兩句，因為我食緊麵包。（回想起：今晚大盤食乜野？ur.....食.....食麵包）

今日同尋日都有同阿諾吹水，最記得既就係唔記得左我上次講過既野，
淨係記得自己講既野係兜得好好既，仲玩左個電話咁啦，好似越黎越中意玩電話tim，
自己真係衰，不過又覺得自己衰得幾好，嘰嘰．．．咁仲有呢？無喇！都係笑返d舊野。

之後繼續睇書，睇到我最有興趣既地方，就係思方學，最正一定係思方五環，
識左佢，你係思考方面都幾無敵（如果你識用既話），因為李先生既思方學同完美無分別，
e家先睇完第二環，仲有三環同埋個總結，好期待再睇落去，不過都係慢慢黎好，
唔係我驚我消代唔黎，因為今日都用左好多腦，睇完書之後就去探病。

去到屯門醫院（前奏：話說早兩天已得知馬仔發生工傷，不過就未抽空去探病，
咁今日就連同阿生同小明去探佢），原來個情況俾想像中嚴重得多，因為真係斷左隻手指，
睇到咁既情景都有點驚訝，e家駁緊，如果要兩日先知個結果，有點兒感觸，
人真係化學，好易容就會無命，所以真係要珍惜生命，而且要盡量做到不枉此生，
所以我真係要更努力去追求返生命中最重要既野，唔好再等落去！

之後去左食飯，不過係hea左一陣先，傾談一d都幾重要，唔係對我重要，而係對阿生重要，
最後得出既就係殺賴，反正你都不仁，咁就無理由仲對你有義落去，雖然咁係唔岩，
不過咁做o者，唔代表自己係咁，e家既做法只係「明智假裝原則」，即係：
表面上我們有時會向自己不同意的傳統道德規條妥協，
實際上那只是基於技術性的考慮而作出的假裝妥協。比方在一個白痴的國度裏，
有規條你認為是荒謬的，但如果不遵守就會被白痴群咬死，這時基於技術性的考慮，
你或會表現得遵守那些白痴規條。

跟住睇佢打左一陣機之後就去食飯，食飯間都係講下笑，無點認真交談，
不過食完就開始黎一d比較有意思，即係接近哲學既對話，而主題係情，e個話題想講好耐，
只係無合適對象，一開始先講情的三種：親情、友情與愛情，我諗大家都好知佢地係乜野，
不過最難代達既就係愛情，我意思係可以闡明愛情的定義，而最後好似都係做唔到既，
用左例子說明，然後就係三者係自己心目中定重要的次序，好特別，只有我將愛情放最高，
e個結果出乎我意料，因為一向最理性既我將愛情放首位，但感情d既就反而將愛情放在最後，
不過唔緊要，講左大家點解咁擺既原因之後就再落下一步就係相處之道，
再落去都變左唔係講情，而係講笑，即係講如何講笑，都講得幾好笑，不過詳情都係唔記，
因為真係好長，點記得晒，我意思係我自己個腦點記得晒，最後就係講下搵女朋友既準則，
就完結今日的對話。

如果我生於孔子，老子個個年代，我諗我既成就應該幾大下。嘰嘰，又自大左小小tim。

講下自己點解放愛情係首位
因為我覺得係一個人既一生裡面，一定會有一個唯一既愛人，係一早預設左俾你既，
只係你幾時搵到既o者，佢係你既中心，係你人生中最重要既野，其次先到親情，
佢都係預設左俾你既，不過就唔洗搵既，而佢比友情重既原因係：你自出世你欠左你父母，
加埋佢地對你既愛，比友情更可貴。

返黎睇到keith既日記話乜野係廢話，所以就打一段野出黎話俾大家知乜野係廢話。（好長）
言辭空廢的語害：
(A)　由重言命題到空廢命題
　　一個陳述若須通過經驗觀察或科學實驗或問卷調查等程序來分其真假，這樣的陳述就叫做「事實陳述」。例如「光的入射角與反射角相等」就是一個真確的事實陳述，而「月球比地球大」則是一個錯訛的事實陳述。
　　對經驗事物有所斷說的話語，可稱為「實質斷語」。事實陳述就是一種實質斷語。
　　相反，如果一個陳述無須通過經驗觀察或科學實驗或問卷調查等程序來分辨其真假，只要了解它的意思（了解有關語辭或符號的用法）就可以單憑理性來判定它的真假，這樣的陳就叫做「概念陳述」。
　　真確的概念陳述叫做「重言命題」。例如：「三角形有三隻角」、「凡單身漢都是男性」、「如果下雨就下雨」、「明天下雨或不下雨」、「2>1」、「1+1=2」等等都是重言命題。
　　錯謬的概念陳述叫做「矛盾命題」（矛盾句）。例如：「有些單身漢係女性」、「（就一同意思同一時間來說）甲愛乙並且不愛乙」、「三角形有四隻角」、「1>2」、「99<>99」等等都是矛盾命題。
　　重言命題必然真，矛盾命題必然假，兩者皆無「信息內容」對經驗事物無所斷說，也就是對世界的狀況一無所述。
　　邏輯真句以及純數學定理都是重言命題，沒有信息內容，對經驗世界一無所述，但這並不表示邏輯及數學沒有用（事實上邏輯和數學極有用），因為它們根本不是要來斷說經驗事物的，而是要來作為思維法則的，邏輯尤其如此。
　　另一方面，當重言命題被用來冒充實質斷語，以斷說經驗事物的姿態出現時，那就有誤導思想之弊了。這種冒充實質斷語的重言命題，拙作名之為「空廢命題」。
　　一般對重言命題的論述，全都沒有分清其與空廢命題的同異所在，可謂一大缺失。
　　茲例示空廢命題如下。
　　１）設使有學者申請到經費研究單身漢的特性，最後給出的結論只是：單身漢均為男性。該學者本應提供實質斷語，結果卻是利用重言命題來冒充實質斷語，那就構成了空廢命題。
　　（這僅僅是一個虛構的例子，旨在例釋空廢命題。下面所舉的則是實例。）
　　２）以批評的姿態說：
　　「一件利器只不過是一件利器，用得不當就沒有利！」
　　「學了思考方法只不過是學了思考方法，用得不當就沒有效！」
　　諸如此類的言論彷彿有什麼洞見的樣子，實則「只不過」是空廢命題，常用作腦袋空空如也時所倚賴的偽批判武器。其為廢，就像「唉，只有食物是可吃的！」這種抱怨之為廢的一樣。
　　３）所謂的輔導專家說：「我向你保證，只要你的男朋友真心愛你，他就不會拋棄你的。」
　　這個說法所「保證」的，可以只是一個空廢命題，因為，如果你的男朋友拋棄你，你去質問輔導家，他可以這樣回應：「既然你的男朋友拋棄你，他就稱不上是真心愛你。」
　　４）所謂的命理專家說：「有中獎命的人遲早會中獎。如果始終中不到獎，那就證明沒有中獎命。」
　　這也是空廢命題，其為空廢顯而易見，不贅。
　　５）足球評述：「巴西隊只要一球領先，保持這個紀錄到完場，如無意外就會贏得這比賽的了。」
　　評述評述：「空廢命題。」
(B)　由絕對空廢到相對空廢
　　現以空廢命題作為言辭空廢的典型、樣板、核心參考類，然後以「言辭空廢」這個概念統括一切空廢話語，也就是統括空廢命題以及「雖非重言但卻多餘」的話語。
　　空廢命題是絕對空廢的（重言，零信息內容），「雖非重言但卻多餘」的話語則是相對空廢的（相對於語境，說了如同沒說）簡言之：
　　絕對空廢　+　相對空廢　=　言辭空廢。
　　１）一般而論，如果不是在教無知小童，也不是在勸人節哀順變......而是向著一班大學生傳授現世知識，相對於這樣的語境，「人死不能復生」就是一個縱非重言但卻多餘的廢陳述。
　　２）大人問小孩：「你有沒有說謊？」這通常是一個空廢問題。
　　一面追捕匪徒一面高呼「不要跑！」這通常是一個空廢指令。
　　３）每逢見到別人講授方法技巧或做人之道的時候，就在旁道評論說：「說時容易做時難！」
　　這本身正是容易說的、稱不上做的、往往不外相對空廢的一句陳空濫調而已。
　　４）2004歐洲足球國家盃決賽，希臘勝葡萄牙，事後葡萄牙隊的教練解釋：「輸球的原因主要在於我隊入不到球。」這樣的解釋恐怕是相對空廢的。
　　５）「英國隊很希望贏得這場比賽。」
　　「落後兩球的荷蘭隊很希望首先追上一球。」
　　「意大利隊很不希望輸這比賽。」
　　「法國隊很不希望失去冠軍寶座。」
　　「尼維特這個鐵人也受傷離場了，他是不希望自己受傷的。」
　　６）被追究責任時，有關官員常用一條答辯公式就是：「這件事我也不希望它發生的！」
　　我也不希望這種相對空廢的答辯是出於狡猾，我很希望這樣的答辯只是由於看電視看足球看得多而已。

轉自《哲道行者》
如想更清楚什麼是言辭空廢，請看《李天命的思考藝術》。

>>May 7, 2006 at 2:35:21 PM GMT+8