2006 年 6 月 11 日 星期日 【雨】

尋日苦苦強忍住自己既渴睡症，捱到五點半鐘到就捱唔住，決定去訓，
雖然仲未背晒，但係都決定去，諗住訓半個鐘再努力，點知一訓就訓左個半鐘，
超出預算，所以最後只係將selction process睇左少少就算數。

返到去，佢地已經入左去，咁我都入去坐定定等待死神來臨。
到開考，見到條case，ok喎，有背到，無背個d又唔考，咁勁，馬上背落去先，
當做完條case就知麻煩喇，因為無背到long question，所有都有d恐慌，
只係將自己記得既motivation寫左落去，都算啦，之後兩條無答，因為我真係乜都寫唔到，
就去做mc啦，都識識地既，因為有數字迷彩既幫手（只係借用數字迷彩既名黎用，
意思同數字迷彩既本來意思完全不一樣），所以合格既機會率都ok既。

做完之後就一同出去，今站去市中心食飯，當中我就提返一d睇過既悖論和難題出黎，
（思方網）大家可以去睇睇。
律師和徒弟
學生甲是某大律師的徒弟。當他還在受訓的時候，他答應老師，說會在他完成訓練、打勝了第一場官司後繳交學費。但畢業後學生甲卻一直不接手任何官司，於是老師便決定控告他拖欠學費。
老師的論據是，如果老師自己打勝了這場官司，學生甲必要立即繳交學費；如果是學生甲打勝，甲便應該按照原本的協議繳交學費。所以無論如何學生都應交學費。

但甲的論據是，如果法庭判他勝利，他便不需繳交學費；如果是老師勝利，他自己便從來沒有打勝過，所以根據協議他也不需繳交學費。
到底誰的論據有道理？

食完野之後就歸家去啦，大家都累喇，返去早抖好過。

夜晚出左去同生食飯，今日既講題圍繞在係李天命到，主要都係講佢有幾勁，
勁都真係都唔知點形容，無破綻既思方學，我自命真係用唔到無破綻既境界，
希望有一日可以，傾左好耐，之後就返屋企。

死喇，本哲道行者就黎睇完喇，點好呢？睇乜野書好呢？咁長既暑假，
除左再回味下咁多本書，我都諗唔到睇乜野好書喇。

考完試，成個人舒服晒，不過都要快d投入工作，一日不做事，一日無飯開，
要快d搵多d銀，我要搵夠我既賭本，踏上我既成功之路。

今期最新偶像：友人論壇《智力IQ題》 版版主～secretM姐姐

深情者，即使獨行，仍是同行。

>>June 13, 2006 at 4:53:49 PM GMT+8

2006 年 6 月 9 日 星期五 【陰】

泰國幪面超人




>>June 12, 2006 at 12:00:52 PM GMT+8

2006 年 6 月 7 日 星期三 【雨】

一早就起左身，因為仲有野未背完，預早個半小時起身，
但係最後只係背左reduction of capital，背唔到inside dealing，之後就去食野然後出門。

好眼訓呀，係架車到都唔多覺可以溫到d乜野，雖然渣住notes，但係都無乜點睇，
返到去無耐就入席，然後開波。

因為之前已經睇到keith話出transfer of share，不過得個幾行就值14蚊咁多，好似好怪，
一直做落去，見到大部份都識，所以我諗要合格應該無乜難度，考完之後就去市中心還書，
過左期搞到就俾左3蚊俾政府。

返到屋企訓一訓先，再唔訓今晚無精神返工，訓醒之後就準備出門，
經過一個小時既周車勞動就到達尖沙咀，不過去到d人都未黎齊，所以苦等左好耐。

食完個飯就去briefing，今晚成7x幾圍，乜野人都有，因為係陳慎芝搞婚宴，
話說佢就係慈雲山十三太保，茅"戥"華，好威水個喎，做古惑仔做到攞傑青。

上到去就聽到基哥（李兆基）係個台上面到大大聲咁講野，跟住就做自己野啦，
初時d人斯斯文文咁既，不過入一入廚房出返黎變晒做古惑仔，連d傢私都唔見埋，
即係又搵野我搞，無奈。

搞完之後就歸邊睇戲，不過我就去個廁所先，好有需要，出返黎就睇到新娘，
係一個貌美而且年輕既女子，我諗極限只係得30歲，但係華哥點睇到50，
真係有好大既距離，佢講到差唔多，我地就入去攞餸。

出到黎，擺完上檯之後，佢地就話唔洗分，咁佢地個個肥斯大隻，一定好快食晒啦，
咁咪走囉，陣間我話唔好，佢地唔好老脾上黎攞刀斬我點算呀。

之後我返入去廚房扲野，由頭到尾都無乜點洗分餸，不斷係到出出入入，
不過人好多，又坐唔定，要走黎走去，阻住晒條路，真係寸步難行，
搞到要扲住d野好耐，隻手好累，而佢地又唔會讓路，開到聲都當聽唔到，
流氓真係流氓，叫都叫唔聽。

去到飯麵喇，今次就要分，有個客睇到我個名牌問我係咪叫henry，今日我叫henry，
我話我日日唔同名個喎，e d野係公司安排，咁佢話我係咪即係叫henry，
我話唔係，佢又話咁點解唔用數字既？我話我唔知呀，可能公司想國際化d，
之後又繼續去做野，不過d客都走得七七八八，所以我都慢慢黎，反正都唔急。

當我收晒d野之後，行行企企多陣就收工，落到去換衫，阿諾話去唔去燒夜，
咁去唔去都無所謂啦，最後十個人返工，得五個去，去左旺角食糖水，
都無乜野發生，都係隊下d囡囡，之後就歸家。

今次搭紅巴，原來唔係朗豪坊上車，係彌敦道上，搞到行左冤枉路，
不過最冤枉既係上錯車，搞到勁耐先返到屋企，原來佢行埋荃灣，深井，
我都覺得怪，點解佢係屯門公路行下路既，原來佢開埋深井，早知搭綠巴，
多四蚊，但係慳返幾多時間。

>>June 9, 2006 at 11:16:10 AM GMT+8

2006 年 6 月 6 日 星期二 【晴】

聽日先打返咁多日既日記，e家都係溫company law先，乜野都識識地，
乜野都差少少，真係一事無成，我要快d打通自己既入督二脈，將d英文放晒入腦。

思辯之道，在思考方法，在正心誠意，在止於冷。
冷而後能靜，靜而後能定，定而後能安，安而後能慮，慮而後能尖，尖而後能刺，刺而後能穿。

大人犯大錯，小人犯小錯，準時的人準時犯錯。

>>June 8, 2006 at 8:44:21 PM GMT+8

2006 年 6 月 5 日 星期一 【晴】

今日係考陳狀既commercial law，晴天定兩天都唔記得喇，不過要考試就一定唔係好天，
今日我記得好遲先返到去，因為架615同610好遲先到，搞到我慢晒，返到去，
見唔到keith佢地既，原來已經入左去，唔等我＞＜，咁我就同阿諾入埋去，準備開波。

wilson都係一樣咁有計，一入到去就聽到「手機同掌上電腦要跟身，不過跟身唔係真係跟身，
而係放係"鄧"低」，之後點都唔記得喇，記得既野就係開波囉。

d問題都識既，不過岩唔岩就另一會事，反正都答左落去喇，成敗得失再唔輪到我控制，
可以做既就係回味下自己點解會答錯囉。

講返過程，好似揀左bill of exchange(1),trusts(2),trusts(3),guarantee(4)同intellectual property(6)，
我覺得自己答得幾好架，將我腦裡面既野寫出黎，唔算全完係背，我諗e科應該係背得最少野，
可能平時有聽書，加上d野好似入晒個腦到咁，唔洗咁背都可以講得出係up乜野，
所以好快就做完，不過我見唔記得左intellectual property既defence，所以就坐左好耐，
希望可以重拾d記憶出黎，最後都寫到兩個，好過無，之後就離席。

等大家出黎之後，我就會阿諾屋企借鑽，因為要返屋企爆破，但係最後都無做到，
因為我怕鑽既馬力唔夠，所以廢事鑽唔掂又多多個唔上唔落既孔係到。

今日電盈黎搞電話同寬頻，咁佢地搞左好耐，最後個寬頻就搞唔掂，個電話就搞好左，
不過搞唔掂寬頻既原因有少少係因為我，因為我見佢整到成地都係線，
就諗住出去執執佢啦（佢個陣出左去搞野），諗住一兩分鐘o者，好快搞掂，
就係短短既一分鐘裡面，我聽到對門"嘭"一聲就閂埋左，個一刻我係到呆左，
因為我都無帶鑰匙出黎，我應該點好呢，可以做既就係上天台呆坐，
值得慶幸既一點係我阿妹就黎返，如果唔係都唔知點算好喇，不過都幾好笑，
聰明一世，糊塗一時，不過都幾開心，因為難得糊塗才是福，可以笑下，笑下自己。

>>June 8, 2006 at 8:39:02 PM GMT+8

2006 年 6 月 3 日 星期六 【晴】

岩岩食完我個燒夜，飽晒，講返今日，好遲先起身，之後睇左套戲，就開始溫書。

話說尋日已經睇完lecture1-6同埋7既一半，今日就睇埋passing off到guarantee，
大部份都好明白，不過就要背一d重要既point，睇黎合格應該唔會有大問題，
背少少加埋自己既文字，應該可以答到問題。

最近係到突破，突破踩地雷，玩左成個幾鐘，就係為左破自己既記錄，e家
初級：9秒
中級：56秒
高級：195秒
高級個時間仲未滿意，不過已經突破左，之前一直突破唔到200秒內贏，
所以進行特訓，不斷玩中級，要自己由望到下決定，個時間唔可以多過1秒，
所以成日就輸，不過輸越多，我就越快，e家大概平均14x秒就擦到7x個地雷，
比之前快左好多下，要再苦練先得。

無題 No. 2　　　李天命

只有三種心事
一種如雲
一種屬於夜晚
一種同季節有關

只有三種故事
一種在水邊發生
一種在林邊發生
一種在那年發生

只有一種情形
或者有月，或者有星
或有一邊亮麗的光
刻下一刀深深的影

運動　　　　　李天命

躍起之後
劫須下落

而今問題在
你如何去平伏那心跳？

>>June 4, 2006 at 4:24:46 PM GMT+8

2006 年 6 月 2 日 星期五 【晴】

岩岩有個人打電話黎，佢好好笑，一開始就話：你好呀！
我心諗邊位呀，你好，打黎話你好，有無打錯呀？
之後佢就話：我係唔知乜鬼野市場調查員．．．．．
當佢講到e到，我就知佢想做乜野，之後我就話：我唔得閒喎
（我真係唔得閒，因為我溫緊commercial law。）
之後佢就唔出聲，咁我就喂佢，佢就話唔好意思阻到你，然後就byebye。
我諗佢都係第一次聽到人好似我咁講野，佢都未講完，我就話唔得閒，
佢收左線之後，我都覺得自己有少少串，野都唔俾人講完，不過怪就只可以怪佢打錯電話。

今日睇左兩段電影，之後諗住去溫書，點知個頭好痛，咁就去訓訓先，
訓醒煮野食，到e家先溫，浪費左好多時間tim，唔打咁多野喇，要追返d時間。

>>June 4, 2006 at 4:23:36 PM GMT+8

2006 年 6 月 1 日 星期四 【晴】

付弓日妤木方詊壬盾坎咱臼，竹戊尸一累追釙薹壬盾坎咱臼，竹妤木佞欴妤木叉曟弗甩金旺榭啦一tim，付曟士兀付舨划人八妁水王虮二一累追釙薹壬盾門醴妁口油侐衽日

上面段野解左碼之後就係下面
"今日好遲先起身，成一點鐘先起身，好似好浪費時間tim，食完飯之後到三點鐘先開始溫書"

大家睇唔睇得明個加密方法呀？我係半年之前突然諗到既加密方法，
其實好簡單，你一定可以解到碼，加密就好簡單，但係要解碼就麻煩左d，
知道既規律既人，不妨話俾其他人知。

溫書一直溫到八點，好長阿～但係都只係溫左6個lecture咋，太少喇＞＜，
如果唔溫11-14既話都仲差4個lecture呀，點好呀～ｏ～，聽日就開始溫commercial law，
一d都未溫過，不過就唔係咁驚，因為聽得最多書既就係e科，所以我諗問題都唔大既。

讀ive真係辛苦，成日都要睇一大炸英文，苦練到識睇好多識解但係唔識讀既英文功夫出黎，
不過最無奈係要將e d英文背入個腦到，都唔知佢講乜，但係就要死背，真係無奈又無奈，
辛苦再辛苦，仲慘過返工，如果可以裝過hard disk係個腦到你話幾好呢～唉～

係小明既日記睇返一句好特別既句字，就係
單戀是最幸福的，皆因單戀可以擁有全部的感情　　出自於《破惘》～講情

如果你地真係覺得岩既話，咁就慘喇，因為李先生之後話，e句只係講笑，嘰嘰。
書裡面好似無e句，要聽先會知道，
我記得個集既其中一個嘉賓係係美國逃稅到中國既長氣經濟學者～張五常

想提一提我既好朋友～阿生，我覺得我同佢最大既分別係
佢係難得糊塗，我係懶得糊塗，邊個好d，咁就要就事情上面去分析先知，
如果你硬要我答你既話，我會話：資料不足。

>>June 2, 2006 at 5:38:14 PM GMT+8

2006 年 5 月 31 日 星期三 【雨】

今日一早就起左身，因為我見尋晚真係好眼訓，所以決定改做今日先起身背書，
尋晚已經背左一題，今日就安排自己六點起身搞埋咪搞掂個d佢。

九點鐘成功完成晒所有要背既野，準備好之後就返學。

返到去已經遲左，我都知架喇，架615同610都要等八分鐘，邊有可能會唔遲，
返到去入席之後就開始做，見到第一條mc識喎，之後做落去都ok咁啦，即係識既就識，
唔識既就唔識囉。做到去fill in the blank，都有一兩次幾肯定自己岩，然後就做long q，
因為有背到既關係，所以都無咩大阻礙，最大既阻礙應該係ol可以寫到咁多野＞＜，
見住佢寫咁多，自己無咁多，個心硬係有種唔知點既感覺，最後大家都走既時候，
我都跟住大圍一齊走。

出到去，當然討論一下剛剛考成甚樣，其實自己考成點，我就覺得自己唔會唔合格囉，
不過大頭就話自己答錯晒，搞錯晒要答乜野，仲因為咁搞到自己連野都唔食，
如果我好似佢咁，我真係要絕食好多餐先得，食完野之後返去溫company law，
不過我就無乜點溫過，基本上係聽keith對住ol同大頭講既野，聽下聽下都識少少既，
最後溫到五點半鐘先走人。

終於成功整好左個背景音樂，搵左好耐先搵到一個免費上傳空間，仲要係for到mp3，
估唔到咁難～ｏ～，首歌我覺得令人好舒服，希望大家會鐘意。

之前講左自己，今次講朋友，朋友就好似我既食指一樣，第三長，第三重要，
每個人都有朋友，每個人都知道朋友有幾重要，所以我想講既唔係e樣野，
而係我點樣去對待朋友。

我對朋友係好真誠，不過我對住任何人都真誠架啦，因為我不嬲都唔講大話，
所以真我做到，而誠就係對待人既心，以誠待之，。

朋友有事拜託我既，我都會盡量去應承，可能有時要用長d既時間，
因為我係到說服緊自己去講個"好"字，咁當然如果我係無能力做到既，我一定唔係應承。

對住朋友，好多野我都唔會去計，因為有d野係無需要計你已經知道邊樣重要d。
新朋友同舊朋友，我對佢地都係一樣，一樣既係真誠既態度，而唔係願意去幫既程度，
當然即使係新相識，我能力做到而又無損我利益既，我都會去做既。

今時今日，我都好慶幸自己係每一個時間都有一班好朋友，小學有，中學有，ive有，
連網上面既都有，每個朋友都有佢地既優點，係佢地身上我都學到好多野，
我好開心可以識到咁多真正既朋友，而唔係一d表面既朋友，e點真係好值得去感恩。

e家再無分咁多唔同類既朋友，得兩類，一種係好朋友，一種就係朋友，而個d點下頭，
都唔知佢叫乜野名個d，唔會當係朋友，俾個專稱佢叫x,y人，點解要咁叫，
如果每個人都係我世界裡面既一個座標，叫佢做x,y係因為我記得有e個x,y，
但係x係乜,y係乜我就唔知喇。

>>June 4, 2006 at 4:23:55 PM GMT+8

2006 年 5 月 29 日 星期一 【陰】

根據和合本《聖經》，詩篇第23篇

耶和華是我的牧者，我必不致缺乏。

他使我躺臥在青草地上，領我在可安歇的水邊。

他使我的靈魂甦醒，為自己的名引導我走義路。

我雖然行過死蔭的幽谷，也不怕遭害，因為你與我同在；你的杖，你的竿，都安慰我。

在我敵人面前，你為我擺設筵席；你用油膏了我的頭，使我的福杯滿溢。

我一生一世必有恩惠慈愛隨著我；我且要住在耶和華的殿中，直到永遠。

>>June 4, 2006 at 4:24:12 PM GMT+8