2006 年 5 月 27 日 星期六 【雨】

最近日日都好遲起身，起身之後就食野，跟住就送家私黎，搞完之後我就返去訓教，
但係因為訓唔著，所以就閒著沒事幹，係到虛渡時光。

五點幾就準備，食左少少野就出發去返工，約左阿健，咁阿健就約左其他人，
七點鐘就到左，咁就一齊入去開飯，問過阿健先知原來尋日搞乜鬼野婦女節十週年，
我地條線俾人無理解僱左一個人。

食完飯都仲未見到lawance到，所以就打俾佢，佢話佢係荔枝角，咁都因為趕得切既，
但係時間一分一秒咁過，都仲未見到佢到，要去briefing都未到，所以我就打俾佢，
佢話係食蕉到，我叫佢自己入briefing room，唔好放野住，咁好彩一開波只係係到check樣，
就無入題，但係lawance入到黎就俾iven折住左，但係最後都無事，過到骨。

今日briefing聽到原來有trainee制度，即係返黎做義工學野，而今日我就係做酒水，
又會咁好既，未做過喎，好似係一個好位黎。

上到去，見到個好樣衰既支客（唔知邊個支呢），咁既樣都做到支客，真係有無搞錯呀。
咁我就做酒水，一開始就打水先，之後做既野就係不斷幫客斟野，
個阿姐不斷係到叫我快d，我諗佢都傻傻地，咁快做咩？多d人工架，不過最大既問題係，
我見唔到佢有咩咁快囉。咁做做下我就去聊其中一個支客，因為e個最近好似發得最密，
問下佢係咪新黎，但係都未有答案就有野做喇，佢要做既野俾左我做，
其實好簡單，係到cocktail，因為主家要敬酒，所以我就扲住d酒係到行，
係徒中，有個o靚仔話扲多杯黎飲，咁勁＠＠，brandy黎個喎，咁細個就咁飲得，
不過到最後收野個陣我就知原來佢溝左大量可樂入去，即係好難飲。

咁做完之後就去做返酒水，咁上完鮑魚，我就幫佢地上茶杯啦，但係就俾captain見到，
有d不悅，所以只係上到兩枱，咁到斟茶啦，都未斟晒自己友，又俾人叫左去渣燈，
即係射燈，玩完之後都斟完茶喇，所以返去做酒水，而我見d客無咩野茶咪斟茶囉，
斟到去阿健個枱就無貨，諗住去入貨，個支客就返過黎，問我岩岩問佢乜野，
我：你新黎架？
支客：唔係呀！你新黎架，我無見過你既。
我：我做左三個月到喇，咁算唔算新呀？
支客：．．．後面個枱要茶呀，幫我斟丫。
我：好呀！（我根本就要過去斟）
係幾句簡單既對話加埋佢既body language，我都幾肯定佢係一個姣x，岩晒做支客。
之後我就返去做自己野。

再下一次就到我返咁耐都未見過既餸，冰船，其實都係唔餸，只係生果黎o者，
不過就係一隻冰船，加埋乾冰一齊上，仲有燈係裡面，好靚。
咁因為幾重下，所以女個d枱就由我幫手放上去，上完之後又係係到hae，
因為我要做既都做晒，下一個job就係去散貨，散晒d紅酒佢，不過都無人要，
所以變左去收燈，收返冰船d燈，收完之後就入廚房食水果。

之後其實我無咩點做過野，所以係收杯既時候，我就斟左杯紅酒入去食，
出到黎問下kent哥d紅酒要唔要，佢話唔要，咁我就成支扲入去飲，又幾正個喎，
支野剩返三分一到，咁我就飲左三分二到，即係大概係四分一支啦，都唔算太多o者，
唔飲酒唔識開工丫嗎。出返去做下苦力，之後就吹雞。

今日幾好，有得食，有得飲，又唔洗點做野，個captain仲讚我呀（嘰嘰）。

>>May 29, 2006 at 7:41:44 AM GMT+8

2006 年 5 月 27 日 星期六 【雨】

大名： bb
電郵： [email protected]
說： 你話"我狡猾，我好攻於心計，而且會好有目的咁去做野
我口衰，好多時都兜個圈黎串人，唔關佢事既野都可以借d意去串佢 "
係的確覺得你係咁,你好攻於心計，而且會好有目的咁去做野,同埋如果遇著個聰明o既人..
一眼就睇得穿你啦~做咩事要做人做到咁呢~真係會令人覺得好討厭架~
仲有, 你覺得你串人好叻咩,係人地唔串你za~唔好覺得自己係最好先得架~
你咁做反而顯得你係冇知~你冇安全感~你知唔知自己ge一2句無聊說話會傷害到人ga~
你一定唔知.唔係你又點會成日講呀~

有個咁既人係到留遺言喎，大家知唔知佢係邊個黎呀？佢唔多似係ive既朋友仔，
又唔係以前的同學仔，又唔係朋友仔，可能係網友，不過網敵既可能性大d。
分析下佢，睇下會唔會易d知道佢係邊位。
[email protected] →　應該係一個女仔叫suki，自稱自己做bb，
應該係84年10月23日出世，如果我無解讀錯既話，不過有可能根本個e-mail就係假。
係的確覺得你係咁,你好攻於心計 →　e個人好似真係識我個喎，更加頭痕？。？
你知唔知自己ge一2句無聊說話會傷害到人ga →　e個人可能俾我串過。
最後都係唔知佢係邊個＞＜

再黎就到批判，批判呢．．就無害既。（屌人呢．．．就無害既：巴士阿叔名句）
同埋如果遇著個聰明o既人..一眼就睇得穿你啦→　如果有一個聰明人睇唔穿咁點？
即係個個人就唔係聽明人？e個標準都幾好笑喎。
你覺得你串人好叻咩,係人地唔串你za~唔好覺得自己係最好先得架 →
叻、串、好，三個形容詞，叻就等如串？串就等如好？真係好一招假冒推理。
你覺得你串人好叻咩.....你咁做反而顯得你係冇知 →　
無知的定義係咩野？串人就等於無知？唔串人就叫有知？唔好濫用詞彙啦。
偽裝高深，適足以暴露淺薄
你冇安全感 →　我諗佢意思係我俾唔到安全感人，e個我無野可以講，因為我唔係其他人。
你知唔知自己ge一2句無聊說話會傷害到人ga~你一定唔知.唔係你又點會成日講呀 →
自言自語，d人都成日話係白痴仔先做，但係差唔多每個人都會自言自語，
難道所有人都是白痴？

到最後就真係回應佢既遺言
的確係有聰明人係睇唔到出我既圈套既，不過我既圈套只係用係二種人身上，
一係朋友，即係玩，所以唔會有殺傷力；
二係黑人憎既人，因為佢黑人憎，所以我要佢自報其陋。
而我將佢放係缺點到，係因為我覺得我識圈套唔好，
但係我無話過自己將佢用係做一d唔好既野，所以我諗你誤會左喇。

其實我無話過自己係最好，我覺得好過我既人多的是，聰明過我既人多的是，
但係咁樣又點，唔通我去自卑呀？其他人幾好、幾聰明，佢地都係佢地，我都係我，
佢地唔會變做我架嗎。九一主義在於肯定自我。情愛宗教在於肯定別人，尊重別人。

我就係知道我一兩句無心之言會傷到人，所以我先收斂左，但係收斂左唔等於唔講，
e家我唔係對住人人都會講，唔係個個都係資格俾我串架，識我既人，就知我個d係戲言，
只係俾大家一齊開心下，唔識我既人，覺得我串，咁又有咩所謂，反正我唔識你，
你唔識我，你誤解咪繼續誤解囉，我唔會因為街邊一個阿嬸話我衰，我就自卑，
個阿嬸唔係話你，我只係求其作個例子，84年出世仲未做到阿嬸，你估個個都係ol咩。嘰嘰
最後，其實我都有俾人串過架，而我都好多謝你黎參觀我既日記。

>>May 29, 2006 at 6:21:54 AM GMT+8

2006 年 5 月 26 日 星期五 【雨】

尋晚無野做，走左去搵mensa既iq test黎玩下，咁得出既成績除左係高之外，
都無其他可能性，想知mensa係乜野，自己去yahoo search下。

因為尋晚玩到最夜，所以今朝最遲先起身，起身刷完牙洗完臉就睇重力王，
可能太耐無睇，所以都唔知佢up乜，不過我都係想睇板面超人555（幪面超人555）o者，
睇完就食飯，食完之後就差唔多要出門，因為約左阿生佢地去睇達文西密碼，
e段野真係好睇，因為佢係e家少數可以令我只係估到六成半劇情既電影，值得去睇，
反而裡面睇個d人睇到d劇情好似好錯愕咁，都唔係咁難估到d劇節o者，e家d人真係蠢，
我阿哥話如果無睇書去睇既話會仲好，因為電影少左好多情節。

睇完之後就出元朗，因為約左阿雞，傑同aa去元朗食野，咁傑同aa話遲d到，
咁我同阿雞就去排住隊先，咁大家知一番有幾旺架喇，不過今日真係多人，
因為預早左去架啦，都可以排咁後，咁就一路吹水一路排，咁講返男女大不同e本書，
咁上次係icq到，阿雞話e本書好好，咁我就問有咩咁好，有咩野好橋咁，
點知除左講大路野出黎之後，仲有呢？無喇！咁又問有咩絕橋咁，阿雞有講唔出喎，
睇黎本書有計極都有限，點會連一招半式都講唔出既呢。

咁攞到飛之後（扲左兩張），就去千色個邊到等aa同傑，黎齊人就一齊返去等，
咁就係到吹水，當中吹左d乜野呢，太多喇，記唔晒，我話既個腦記唔晒，
總知就係不斷笑，咁係排緊個陣，就有段小播曲，話說有三個人係到嘈，
咁大家都知一番個d伙計既服務態度不嬲都唔得架啦，咁個三個人就唔知係咪格硬要入去啦，
係個門口到嘈，咁我就醒起個句，你有壓力，我有壓力，你做咩要挑釁我先？
因為之前好似已經講緊個句：未解決，所以講到你有壓力我有壓力都係到笑，
最後個三個人就入左去，傑就話食野之前嘈，人地可以加料架嗎，未放break個d入廁所！
最後等等等，等左兩個鐘先入到去，好彩有傑係到，因為有佢係到，絕無冷場，
全程都可以笑，包好笑過睇笑笑小電影。

咁入到去就開波，睇完食咩野叫人黎之後，我第一件事要做既唔係叫野食，
而係叫佢換筷子，佢黎到我就同佢講，e隊筷子既e隻兩邊都係頭黎個喎（頭指粗個邊），
我第一眼睇到都覺奇，因為唔係未掰開架咩，咁我睇一隻係尖，一隻係方，
初時諗可能係分開左架喇，但係調轉左放入袋既o者，但係當不斷向後睇，
就開始發覺唔對路，所以第一件事要做既就係換左佢，之後就叫野食，
落單個個囡囡好好笑，好笑在佢真係不斷笑個喎，唔知咩野事，佢又聽唔到我地吹水架，
無可能無啦啦笑架，除左話佢有問題之外，我都搵唔到其他解釋。

係入坐無耐有一段小播曲，話說我地扲左兩張飛，一張十二，一張十七，咁我地用左十二，
坐低之後，佢嗌十七，咁傑就叫我扲出黎俾有需要既人士，咁我地都係做下好心o者，
咁嗌冧把（number）個個就話我地搞事喎，做好心都叫搞事，咩野人黎架。

咁d野食黎到，我地就開餐，咁aa可能太耐無見傑喇，所以佢基本上全程都係到笑，
食野既時間都唔知有幾耐，不過你話笑乜，我又真係唔知囉，而我就不斷食，
咁當中就提起傑個陣去加拿大到讀書，話說佢個陣英文係好差，而且佢又係去個d好荒涼，
而且係個d個機場一日只係得幾班飛機會到既地方，咁佢到左機場之後要係九個字內轉機，
但係咁o岩個行李同人既調轉左，因為毎袋一樣樣，當係咁徬徨既情況下，
傑都唔知點好，因為佢英文又唔得，點同人溝通呢，但係又要係九個字之內轉機喎，
就係e個時候，有個好心既婆婆埋黎問：你識唔識英文呀？咁傑就話唔知，
然後用最簡單既英文話佢知：bag, no me，個婆婆又明喎，仲搵左個講中文既員工過黎，
最後行職員通道去轉機。

咁說時快，那時慢，轉眼間就到左目的地，咁個接個個人話唔黎機場接傑，
叫佢自已黎，係e個咁既情況，點好呢？英文都唔識多隻，點溝通呢？
就係e個時候，有個講國語既台灣人黎左問：需不需要幫忙？就係咁，成功去到要去既地方。
我就問左句：其實你有無一刻係無驚過架呢？傑回答：係無既！

咁係接近最尾，我意思係我食最尾個舊個陣，傑就爆左句搞笑野出黎，
咁因為aa全程都係到笑，傑就話：你係屋企我真係覺得你係一個痴線佬，
因為一個人自己無啦啦食野，食食下無啦啦係到笑，仲笑到無停，
咁大家可想而知個情景同痴線佬真係無乜分別，而個陣我岩岩係到咀嚼晒舊魚生，
聽到句咁既野，我就係到狂笑，但係又唔可以開口笑，個個情景好辛苦，
因為唔可以開口笑，就唔可以用個口將d氣放出黎，笑起上黎係好辛苦，
我諗每個人都試過，亦都會好明白有幾難受。正當佢之後想再講個陣，
我就切住佢，叫佢俾我食左先，因為我唔想再合埋個口笑。

之後傑就去左廁所，出黎就講樣好笑野，話個個侍應，即係笑笑口個個，
傑話佢出黎個陣，見到佢係個員工個個男廁到出黎，咁傑就就裝下個男廁，
確應下係咪真係男廁咁啦，咁個員工就講話：其實我都係男仔黎架！
咁個男廁只係得個尿兜同一個好難先開到既水龍頭，
咁我就話：你應該話你再去一次廁所，不過今次我地一齊去。
而阿雞就好好奇咁講：尿兜點用呀？咁我話你問下囉。
而傑就爆左句好有計既出黎：如果佢話尿兜你唔識用咩，咁點好呀？如果佢咁高轉數既話。
聽到e句已經笑晒，因為真係好有計，大家可想而知傑係一個幾咁有計既人。

咁中間就有兩個笑話聽，一個係傑講，一個係阿雞講，先打傑個個。
咁話說個細佬，佢有一日痾屎個陣，痾左隻兔仔出黎，咁個細佬初時都無理，
但係第二日，佢痾左兩隻兔仔出黎，咁佢就好驚訝咁去問爸爸，
爸爸話：你係咪聞左天拿水呀？（意思：即係搞到high晒，有幻覺）
咁好耐之後就有一個人，佢好急，好有需要，所以就係海灘個到解決，
但係就俾人發現報警，咁黎到之後，佢就好慌張，但係就危急生智，扮羊叫。
初時都過到骨，但係警察諗深一層，海灘有羊架咩？所以最後就捉左佢返差館，
錄完口供，個差佬就話，我好羨慕你可以痾屎，
之後個差佬就扲隻烏龜出黎話：今次係烏龜呀！（個差佬其實就係痾兔仔出黎個個）

第二個笑話
話說有兩個細佬仔，一男一女，咁個男就著褲對住個女仔話，我有e個，你有無丫？
咁個女仔就好自卑，所以就返左去對阿媽講，咁阿媽就教左佢一d野，
第日個女仔就係個男仔面前拿起條裙，同個男仔講：我有佢，我想要幾多都得！

食完之後就去左打機，不過都無咩岩我玩，而佢地想玩既又俾人霸住，
所以睇下人打機，再玩左隻槍game之後就諗住去食糖水好過，但係出到去，
aa就話約左人要走，咁既然係咁，就散囉，咁我同傑係同車既，因為佢住泥圍，
但係就一齊係洪水橋落，因為去惠康buy drink，咁係pay個陣，我撞到爸媽，
咁我地就分手喇。

講下傑e個人，佢全名係周漢傑，泰國人，不過一早黎左香港，中一同中三既同班同學，
一個好好傾，好講得笑，好識搞笑既朋友，中一既時候好fd，不過之後既關係差左，
咁到中五既時候，就叫左我同aa一齊去惠康做野，之後佢就去左加拿大個邊讀書，
最近先係輕鐵到撞返佢，扲左電話冧把，約左今日出黎聚舊。
傑佢聰唔聰明我就唔知，但係就一定好醒，話晒都係因為佢，我先至可以係中一都精通暗示，
而且做野個方面一定好好，好識做人，而且會有義氣，一定唔係個d只係顧自己既人黎。
同佢一齊好鬼開心，事關乜都可以講一餐，而且大家都明大家講乜野，
你知道如果一個唔醒或者無乜點相處過既人係無可能明我講既野架啦，除非我講得好明，
但係咁耐無同傑一齊，我講既野佢都明，大家都應該好明白佢有幾醒，
論醒既程度，我諗比我有過之而無不及囉。

>>May 27, 2006 at 5:49:59 PM GMT+8

2006 年 5 月 25 日 星期四 【晴】

「結束，開始」
一日的結束，默示日記的開始。

作句咁既野黎開始，會唔會有pro d既感覺，用左三分鐘到，如果覺得cheap既話，請見諒。
（我指句野，如果你係覺得咁樣開始cheap既話，請原諒我講句x街。）

今日的早上同平時差唔多，睇下電視，睇下書咁，最近開始慢慢細味一本書，
是關本書如果唔慢慢消化既話，會遺忘好多內在好重要既道理。

去到三點幾，keith打黎話叫我唔洗買全日通，因為daisy執左張，叫我自己搭車出，
返黎就用全日通，咁可以平d，我見keith講到咁，我就唯有咁做啦，反正都無蝕，仲有賺。

到六點左右就出門，去到見到63x好似好耐先到咁，而68a又到左，就戈荃灣轉地車去啦，
咁屯門公路有車死火，搞到架巴士係到慢駛，去到荃灣就六點九，去到尖沙咀就七點三，
出b1行過去加連威老道，然後一直行過去，由街頭行到街尾，因為我見keith話七點三要到，
咁一定遲架喇，行成條街，一個字邊到得，咁就急步，去到七點半，不過就出晒汗，
去到見到keith同阿諾都未到，仲問我邊條路，即係岩岩先係街頭，即係有排啦，
所以就先開波，祈完個禱就開始，食緊第一轉尾個陣，keith佢地先到，所以我都唔係好遲o者，
不過都係因為anson先搞到遲晒，明明由尖東行過黎好近既，就話b2，唉，真係搞錯晒。

未講今次黎尖沙咀食野既原因，其實係因為區長智揚生日，所以搞既生日派對，
係食野上面都無點樣串到人，因為我地既focus係晒d野食到，用得百幾蚊出黎食野，
唔食回票價點得，所以可以叫無停過，係咁食，盡力支持到最後。

講返過程，初時食都ok，因為我都有好多空間，但係後期就唔得，
因為我出黎前食左兩件蛋糕，所以去到尾聲就開始頂唔住，休息一陣，
等吹雞前黎一個最後衝刺，最後就出去食雪榚，先黎一條冰條，然後筆雪糕，
諗住食個芒果既，但係無開，自己開，又開唔到，叫人開，又無左件事，
咁我地就採取一路食一路等人開既戰術，但係又徒勞無功，而且俾人叫我地唔好係出面都食，
返到去就俾人趕，話夠鐘，但係明明仲有三個字，咁daisy就係到發爛，但係我就無陪佢癲，
因為我知咁做係好明智既做法，所以當佢收野個陣，我就折住佢．．．收我杯水，
因為我未飲夠，唔飲水我會死架，但係其他人個d就俾人收左，我諗我都算係咁架啦，
點知keith仲勁，都收野喇，佢仲出左去筆雪糕返黎食，俾daisy話要有骨氣唔食，
但係明明俾左錢個喎，有得食唔食，我咪好笨，不過最後keith都係放低左。

接著，我地就一齊行去東鐵站，因為唔係搭東鐵就係搭西鐵，所以去就最好。
行緊既徒中，個話題話就係keith既對鞋，其實都幾好既，只係keith襯個方面差左d，
執執佢會好d，佢地串keith，咁我就幫下佢啦，因為佢好似唔知點咁。
去到送左wendy同judy搭車之後，我地就行去搭k16，當中daisy成日都講d有問題既野出黎，
但係話佢又好似唔係咁好咁，我都唔記得邊個話我返教會就係無信心喇，
但係我見佢地講得多，所以咪順下佢地意認左佢囉，我無信心，我幾何會無信心。

其實返教會仲有好多原因既：幫人啦，聽道啦，唔一定係無信心既，唔通聽道理都係無信心？

當去到天水圍出左去之後，salome話佢連我耳仔都未到，覺得自己好矮，好自卑，
咁一個姊妹就話唔企係我隔黎就得，我一聽就知個邏輯好有問題，
咁keith就話e d係駝鳥政策，意思係當見人敵人就將自己既頭捐係地下，
自己見唔到人地，就以為人地都見唔到自己，咁聽到咁上下，我就知即係掩耳盜鈴，
咁我就話掩耳盜鈴既人好蠢，其實我無話個個姊妹蠢既意思，
只不過係言者無心，聽者有意o者，之後就俾人話我衰，其實我不嬲都唔否認我衰，
但係我就一定唔係壞囉，之後佢地就上706，而且我獨自係到等751返屋企。

智揚生日快樂！

>>May 26, 2006 at 5:22:36 PM GMT+8

2006 年 5 月 23 日 星期二 【雨】

今日既心情有d輾轉，我都唔知點解，亦都無謂再去搵個答案，
反正要做既係如何平伏，而唔係去搵個知道左都無用既答案。

小樂自獨享，大樂齊分享；
小憂須分擔，大憂獨自承。

今日搭車個陣無啦啦諗出黎。

睇到自己身邊既朋友唔開心，有時都幾難受，難受在想幫但係又唔係我話幫就幫到。

『自己』
係別人眼中既我係點樣既呢？我唔知，亦都好似無人話過我知，
即使有問過，都好似無人願意講。

缺點
其實我都有好多缺點架，我懶，好多野都唔願去做
我無記性，e個好似係天生既，天生既缺點，真係可悲
我狡猾，我好攻於心計，而且會好有目的咁去做野
我口衰，好多時都兜個圈黎串人，唔關佢事既野都可以借d意去串佢
我諗唔到喇。嘰嘰，不如你地黎話我知，我仲有乜野缺點。

優點
講真我覺得自己既優點有好多，不過如果由我自己打出黎，
就好似有d假咁，但係又係事實喎，所以了解我既咪知我既優點，
唔了解既，就繼續唔了解啦。

性格
樂天，唔係，我只係就事件分析其最可能發生既可能性o者，
不過即使得出係壞既可能性，我對會處之泰然咁面對。

認真，都唔多似，因為我係認真地唔認真，即係好認真咁去做，
但係就表現出唔認真既態度，但係我只會抱住遊戲一場既心態去做，
不過我玩遊戲都好認真架。

理性，e點就一定架喇，因為我可以以理性假裝感性，
即係明智假裝原則，就事件既需要作出相應既表現。

憤世嫉俗，其實都幾，當見到一d好可悲但係唔關自己事既事，
會感到些少氣憤，點解個世界會變成咁樣，可以有咁多廢人。

知足，其實唔係，我唔知足架，不過我識得滿足，
就自己的現況下去滿足，識我既人都知我好大諗頭架啦。

豁達，其實一般，因為我都要用些少時間先可以放開。

再講落去個d就要將去放係優點到，所以就唔講喇。

>>May 25, 2006 at 8:35:05 AM GMT+8

2006 年 5 月 22 日 星期一 【雨】

講古，港股，先講下少少港股先啦，一日跌五百零七點，係五年最大既跌複，
咁今日升返少少都係遇料中事，但係去到幾多點先有支持位我就仲未有諗頭，
不過我諗應該跌夠，再跌就仲衰過農歷新年前架喇，所以應該會穩步升返上去既。

今日聽左阿keith講下拃車既野，原來拃車咁難個喎，真係少d功力都唔得，
所以千其要學好點拃先，唔係撞親就好大獲架喇。

係文sir堂到同阿諾提到煩憂，我要無憂話好簡單架咋，只要你覺得連無飯食都無問題，
咁就無憂架喇，不過根本就無所能，做到只係為食飯而憂慮都已經極度犀利，
其實人有煩憂都幾好，因為佢都係人的其中一個原動力，不過唔好太多就得喇。
我唔介意無人同我分享，因為我可能獨享，不過分享會更加好，因為可以一齊開心，
但係我介意無人同我分憂，不過太大既憂我都係會自己一個人承受。

今日諗得最多既，因為就係e兩句：
思考之道解結，不思考之道斬結。

當自己有時呆係到個陣，感道會好好，因為我好似無晒煩惱咁，記得以前比較中意去思考，
但係e家就中意唔思考，可能又不知不覺咁進入左另一個境界，有時為著目標去走，
走到累左，都要繼續去走，但係e家就會放縱自己，唔會只向目標走，咁樣做，
自己會舒服好多，當舒服夠就再行返條路，可能咁樣好似會用多左時間咁，
但係時間好似用得更加恰當，因為一追再追，只想追趕生命裡一分一秒，原來多麼可笑。

不思考之道比思考之道更高一層，因為已經思考到不思考比思考更好，
而e個不思考唔係乜野都唔去思考既不思考，而係唔會死心眼去思考既不思考，
簡單黎講即係我既不思考係思考過而去不思考，即係大智若愚，
而某d人既不思考係無思考過而去不思考，即係愚不可及。

今日可提起到身在福中不知福，人既虛榮心真係大，如果識得控制自己既虛榮心，
煩惱就會少好多，福氣就會更加多，人就會更加開心，又唔係叫你無虛榮心，
因為想做到無虛榮心e個想法，就係一個好大既虛榮心。

好多時都覺得自己好聰明，因為經歷既野又唔係比人多，但係睇到既野就比人多好多，
聽少少就知人地想點，聽少少就知人地大概想表達d乜野，知道既理道好多時都可以實踐到，
好少會知易行難，但係有時反而想自己蠢d，咁就可以知少d，至少責任唔會咁大，
人可以逍遙一d，俾自己既目標都可以簡單d。

『追』
唱：張國榮　作詞：林夕　作曲：李迪文　編曲：George Leong

這一生　也在進取這分鐘　卻掛念誰
我會說　是唯獨你不可失去

好風光　似幻似虛　說明人生樂趣
我會說　為情為愛　仍然是對

誰比你重要　成功了敗了也完全無重要
誰比你重要　狂風與暴雨都因你燃燒

一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少　ha...
有了你　即使平凡卻最重要

好光陰　縱沒太多一分鐘　那又如何
會與你　共同渡過　都不枉過

瘋戀多　錯誤更多　如能從新做過
我會說　願能為你　提前做錯

誰比你重要　成功了敗了也完全無重要
誰比你重要　狂風與暴雨都因你燃燒

一追再追　只想追趕生命裡一分一秒　原來多麼可笑　你是真正目標
一追再追　追蹤一些生活最基本需要　原來早不缺少　Oh... 只得你
會叫我彷彿人群裡最重要

有了你　即使沈睡了　也在笑


>>May 23, 2006 at 7:24:48 PM GMT+8

2006 年 5 月 21 日 星期日 【雨】

今日返學上最後一堂cbs，聽人present，首先係衰仔an個組，佢真係廢爆，
所有野都係炒notes，聽完好似無聽過乜野咁，因為今日要測驗，所以一早睇過晒，
咁聽完都唔知可以問乜野好，因為notes d野即係岩架啦，咁仲有乜野可以問o者，
所以問問題d野都係由keith黎啦，之後就到黑蘋果個組，聽完都唔知講左d乜，
咁輪椅人講個陣，佢超緊張，咁我就同阿諾講：好緊張，考大學呀！
我地就自己兩個係到笑，咁我又見輪椅人扯晒哮咁，
就同keith講佢會唔會無啦啦扯哮扯到死左架，之後keith笑晒，咁阿諾就問咩事，
咁講多次俾佢聽，佢仲衰，做埋出黎，咁做法，係人睇到都知係到影射緊佢啦，
聽完之後又係等keith問問題，搞掂完之後就去上陳狀堂。

今堂又係最後一堂既陳狀堂，都係學個d野，之後就睇我地個project幾多分，
嘩！犀利呀！我地係第二高分呀！以為好勁，點知都係得45分，可想而知其他人會點，
咁45分都無咩所謂啦，因為我向來都唔執著於分數既，亦都無必要同人比，
所以睇完之後咪去屠豬館（圖書館）溫書，其實都無點溫過，只係睇下咁啦，
跟住就去考，miss又俾人霸左間房，但係佢又唔力爭喎，咁唯有讓俾人囉，
真係人善被人欺，馬善被人騎。40條mc做左都唔夠20分鐘就做完，咁之後唯有等時間到走人，
搭車搭到去兆康同大頭佢地分手之後，就去約人，因為我見星期六唔洗返工，
又無乜野特別野搞，就約舊朋友出黎見面，講真，聽返自己講既野，我都覺得自己好狗，
由其係用圈套個方面，先引你講野，其實目的係等你無得唔認，咁我就可以攞正牌怪你，
都唔知自己幾時咁識用e d野，真係無人教個喎，自己點學架呢？？？

>>May 22, 2006 at 4:13:13 PM GMT+8

2006 年 5 月 19 日 星期五 【雨】

一早想打e日既日記，不過就懶左少少，所以無打到，
主要想打既原因係返工到聽到一個高級笑話同一個高級既串人字句。

返工之前做過乜野，基本上我已經唔記得晒，我諗唔係睇電視就係訓教掛，
咁準備完後，夠鐘就出發，去到見到架63x遲遲到未到，所以心諗應該係走左，
所以要等咁耐。上到車，見到個時間唔對路，因為阿諾又俾左個任務我，就係帶人入去，
約左七點，但係我諗我會遲，所以就將佢轉介左俾阿健，聽佢把聲同埋講野，
知佢係一個幾可愛既女仔（聽過我講可愛定義既人，因為知我講乜），咁我就直接入去，
不過去到旺角到就開始塞車，咁旺角塞好正常，搭巴士我都遇左佢塞，
但係點解去到左敦到仲塞既，唔對路喇，所以最後決定去到德成街就步行過去。

去到canteen，見到阿健佢地先扲野食，點解咁遲既，佢話約左七點架，
原來係因為銀行俾人打劫，搞到遲左，咁食完飯就開波，今晚係婚禮，個新娘幾樣衰下。
咁一開始我主力都係跟阿昌，因為佢未返過，搞到咁上下，就話扲d蓋俾d客，
因為陣間會發紙炮，咁我放緊個陣，個笑話就出左黎，咁話說個蓋唔夠大吸住個紅酒杯，
咁係因為我無蚊大個蓋佢，咁就黎入場啦嗎，所以咁快快趣咁搞囉，廢事搞咁多野啦，
咁當我幫個女客人吸個陣，咁吸唔落，而且放上去又好似有下滑既跡象，所以就放穩d，
跟住同一圍裡面有個客話：佢個吸（cup）好大架，吸唔落架！
裡時我聽唔明，佢講乜野呢，之後當個女客人話：你講乜野呀？
我就知道佢up乜喇，我就微微笑左一下，之後就忍住笑，e個真係高級笑話，
無返咁上下功力真係唔知佢講乜。

咁今次做都好順利下，但係做到第3個餸就聽到釗哥話：阿昌俾人雞左，話唔識用公喝，
我都好驚奇，唔係經期，我無經期架，不過都時間理會，咁去到幾第個餸就係廚房見返阿昌，
佢話佢無俾人雞到，只係去左第到做酒水o者，咁就一直順順利利咁去到吹雞，
係lift位到問返阿昌乜野事，佢話佢無用公喝，俾人叫左去另一個廳，
個captain問佢做咩唔用公喝？阿昌話唔記得左，好緊張。之後個captain話考大學呀？
初時聽到e到我已經笑晒，咁我就同佢講，你答佢仲緊張個考大學丫嗎，
講完之後logout完就散水。

>>May 22, 2006 at 3:22:21 PM GMT+8

2006 年 5 月 18 日 星期四 【晴】

今日教左鐘8點半起身，咁見最後堂講focus就唔想遲，點知合埋雙眼，再醒個陣已經係九點，
咁就炸炸淋起身搞野然後閃人，係搭輕鐵個陣，去到泥圍，見到一個好熟悉既身影，
不過我唔肯定係佢，正當我諗緊出唔出一招扮傾電話黎試個陣，佢終於同我有眼神接觸，
而佢都認出左我，咁我就更肯定係佢喇。

佢係一個同我同一屆會考既人，同班過兩年，有佢係身邊，一定有好多歡樂，
而且係我係中一就精通暗示都係因為佢，咁到後期既暗串當然係無師自通啦，
咁係傾談當中大家都好趕，因為佢要係兆康轉車，所以講左個簡單既二年際遇之後，
就扲左電話號碼先，唔係之後點樣keep contact，不過係簡單交談中，
都聽到佢功力增進不少，我諗到時約出黎吹水個陣，一定仲過癮。

交到去，上完hrm最後一堂lecture，都係focus既，不過淨係讀focus都夠死，都唔知點好，
然後就去上seminar，然後就去書店到睇下d將來既炒散王，不過大部份都普普通通，
有heart既有，無心既都有，搞完之後就去唱k，初時都講d正常既，不過之後就越黎越搞笑，
唱d n年前既歌，劉德華,譚詠麟個d，而ol仲勁，表現帝女花，聽到o晒嘴，
真係可以做將來既粵曲接班人，憑星期六日去屯門公園到操曲，唱到四點就走人。

去到市中心買埋大頭仔份禮物就去元朗，準備今晚既大餐，不過今餐相比係一番就差左少少，
除左量差少少之外，連個價都差左，係差好遠，然後就去打機，睇住玩個個唔係乜野機，
初時都真係幾專心睇既，不過keith就係咁笑，咁八下笑乜野啦，原來係笑wendy，
佢玩到好似忍者咁，超好笑，唔知點形容，除左好笑之外，仲有呢？無喇！

之後周圍玩下，不過我都係做睇個個多，去玩拳玩，初時都好ok下，不過當打到去知火舞，
就開始唔掂，佢好勁，一開始阿諾俾佢壓到勝，到大頭仔都無還擊之力，
連我既拳腳功都唔得，記得係電腦到打個陣係我屈到佢嗎，始終去到打街機，
個d功力都發唔到出黎，仲要俾keith係隔黎到係咁笑，之後去睇大頭仔同阿諾玩車車，
有得影相個喎，咁隔黎個部都有，ol就對住個鏡頭，咁佢上完鏡之後話好醜呀！
咁我話係囉，佢就話我衰，咁我就ol不嬲都最大方，咁佢又話我狗，我就再黎多句，
咁你已經醜架啦，如果唔大方就唔得架喇，最後當然俾佢黎多句好衰啦。

返返去睇車車，好似幾過癮咁，因為好似不斷撞對方架車咁，因為好似係唔會拋離既，
落後個架好似會行快d咁，好似一定會追到，所以唯有係咁撞對方，最後阿諾險勝少少，
之後到大頭佢地玩，不過玩第二種車車，我地就返去再戰拳王，點知今次仲衰過上次，
第一場第一個女人就搞掂我地，又係女人，所以話真係唔好得罪女人，女人好勁架，
之後去左玩搵錯處，玩埋之後睇大頭仔佢玩埋高遠就走人lu。

去左送wendy同ol搭車，之後我阿諾搭西鐵，我就同大頭佢地同車，不過次次同佢地搭，
都係我轉車個喎，點解會咁既呢，唔通761真係多d既？？？
今次係車上面既話題主要係我話keith衰，因為佢笑wendy玩到好似忍者咁，
咁大頭不嬲只要有少少認同就會話係呀係呀，所以我一早預料大頭會加把落黎，
咁我就可以隔岸觀火，我諗大頭中我既捲套都唔知，嘰嘰．．．．

今次係搭西鐵去元朗個陣有d笑料，話說係咁既，上次同阿諾去旺角買個d德國軟糖，
我仲未食晒，咁阿諾就提起，大頭係隔離聽到，就話有野唔請我地食，咁阿諾就話有咩野呀？
大頭就一輪嘴咁講，唔係好記得係乜野，總知就係話阿諾好狗啦，咁e樣野就不嬲都係架啦，
我地六個當中，根本每一個都係咁狗，咁阿諾話係我到呀，咁我當然唔出聲啦，
因為唔出聲個矛頭就繼續係阿諾到，想將個波轉俾我，你有張良計，我都有過牆梯既，嘰嘰
去到元朗，大頭就話件事俾ol佢地知，佢地就一齊　哦．．．．．
阿諾又再一次轉個波俾我，咁大頭今次真係黎問我喎，咁我緊係用個懇樣話：
對唔住呀！我唔記得左。雖然唔可以完全甩身，不過都好快令佢地忘記。

大頭仔明天生日，生日快樂！

>>May 19, 2006 at 2:49:28 PM GMT+8

2006 年 5 月 15 日 星期一 【雨】

係搭緊輕鐵既徒中，阿諾就打電話黎，係到整埋d怪聲，下次等我試下玩電話錄音先，
應該會幾好笑，不過我驚自己忍唔到笑，忍笑真係一樣好難學習到既野。

返去去就開倉，因為e個就係阿諾打黎既主要原因，扲完行過過個陣先到keith佢地既學妹，
睇到我一手六包，加上佢知道個d野飲係點樣得黎既，所以睇到笑晒，
入到去就坐就路飲一路上堂，今日無咩特別野，好似都幾專心上堂，
法律真係一樣乜野預設晒既野，做到既就唯有係跟住做囉，然後就去左食野，
keith去左交資助，而wendy就去電腦室靜坐，好似話一陣去捐血喎。

咁我地就去食野，見到d師兄，咁我都係搭下嗲咁啦，因為我根本就唔識佢地，
都係聽多過講，然後就返去上文sir既lecture，今次都ok專心咁上，
e家最用心上既堂好似就係兩科law，hrm都唔知點算好，希望d focus可以focus d啦，
如果唔係都唔知點去考試，唉～學業上既煩惱好似好耐無出現過喇，算啦～

落堂之後就去搞埋個仲差少少既hrm project佢，搞到五點幾，然後去釘裝，
之後就去交俾個位陳小姐，得我,keith同阿諾入左去，入到去個位陳小姐仲係到，
所以就交俾佢啦
陳小姐: 係咪miss poon個份呀?
keith: 係呀
陳小姐: 我幫佢收個咋喎
keith: 咁即係交俾你啦
wilson: 你想幫佢改埋呀?
陳小姐: 無言中.......
陳小姐: 好彩我未走咋,如果唔係都唔知邊個幫你地收.
wilson: 無左一個陳小姐,仲有千千萬萬個陳小姐.
麥sir: e句乜野野黎架,一個主席倒下來,仲有千千萬萬個.

係裡面我一直係到忍住笑，當我地交完走之後，出到去就係到笑，
因為個陳姐姐俾wilson"隊"完都唔知乜野事，而wilson又"隊"得好有計，真係唔笑唔得，
而家先知wilson同我地一樣，以"隊"人為樂。

馬大哥隻手指駁唔返呀，唉～點會咁樣架，真係．．．．．唉～
不過塞翁失馬，可能係福都未定呢，唯有咁諗啦～

>>May 17, 2006 at 7:25:18 AM GMT+8