2006 年 4 月 3 日 星期一 【晴】

最近都好似平平淡淡咁過，無乜特別野發生可能是最好呢，做人一定要知足，
唔係就無福架喇。

最近sunny叫我幫一個人，聽說佢極度聰明，不過就目空一切，
但係最大既問題係佢根本無資格目空一切，而我就最討厭e種人，
所以唔知我會唔會忍唔到手隊佢呢？不過希望我做得到啦，話晒我既eq不嬲都好高下架嗎。

>>April 4, 2006 at 1:05:45 PM GMT+8

2006 年 3 月 29 日 星期三 【晴】

做左咁多次檯，不知不覺都做到senior級喇，而且仲返得幾開心下，所以都想一直返落去，
始終要做既野都仲未到，再搵多d錢，等將來做野可以更得心應手。

個遊戲玩大左tim，要煩下點樣解決e個問題，不過唔緊要既，心理戰o者，我強項，
要玩心理戰最好就係扲本三十六計出黎睇，好快就會知道要用邊一招，
不過要用得精三十六計，首先就係要狠，而狠既最高境界唔係對親人狠，亦都唔係對愛人狠，
而係對自己狠，因為當你要用e一計既時候，通常都係好難落到手，
而個難題就係過唔到自己個關，所以要成大事真係要心狠手辣。

成大事之人必備的三大條件：
１）心狠手辣
２）喜怒不容於色
３）不拘小節

>>March 30, 2006 at 6:14:52 PM GMT+8

2006 年 3 月 28 日 星期二 【晴】

今日訓左好多個鐘，因為要保返之前既唔夠訓，最近都無乜野特別事發生，
都係返學放學，返工放工，平平淡淡的過，但係又幾開心下，可能平淡才是福，
記得一句叫做身在福中不知福就等如沒有福，因為唔知痛就等如無痛，
所以唔知福就等如無福，其實自己會唔會係追追逐逐之間錯過左好多野，
得到既會唔會比失去既多？自己既價值觀會唔會有錯呢？等時間去話俾我知。

>>March 29, 2006 at 2:47:31 PM GMT+8

2006 年 3 月 25 日 星期六 【晴】

星期五，抱住一個輕鬆的心情，一開始就遲左半個小時先返到學校，
不過發覺自己返學日日都遲到，真的有點兒那個。
上完hrm之後就去左元朗用我既御膳，今次選取了十番作為御膳之地，
話說用膳前就先去睇a i pod，因為大頭話要買黎俾大頭仔，不過覺得佢好怪，
因為好似連揀野都唔識咁，揀埋d都唔等洗既function返黎，仲講到無左好似好大獲咁，
咁睇完之後就去買蚊香，因為唔買既話，我真係會頂唔順，我唔想再訓唔到！
首先去左萬寧，不過原來係無既，咁oly就好醒咁話唔係去五金鋪買架咩，
都唔知佢係咪傻架，五金鋪就緊係買五金啦，之後又兜話係藥材鋪．．．．．
真係無奈又無奈，不過大家都知佢想講藥房既。
今日全程都落住雨，咁我就痴著大頭把傘，咁我就可以唔洗扲傘出黎喇，太美好了。

之後用完個御膳之後，我地就四散，我就返屋企訓個晏訓先，以應付今晚的工作。
四點鐘起身，一路傾住電話咁整理自己，五點三出門，搭半就上到車，
所以今次可以準時到達，齊人之後就一同出發，今次只係作左一個簡單既briefing，
到做個陣，返過既基本上都做得幾ok，只係兩個jason都唔係咁走垃圾，
不過當我再三提醒之後，都識自己走。而羅jason因為第一次做，一開始好唔掂，
但係之後都ok返，不過條魚就分唔掂，而且唔識用個公"喝"，而整體上大家的速度都仲未夠快，
仲要再摧谷下，而因為今次要睇住新人，搞到我自己都慢晒，而且無乜食到野，
e點真係唔係咁得，今次要清場，所以完事後做既野都俾平時多少少，所以遲左兩分鐘收工，
搞掂晒之後我就打俾阿諾匯報下個情況，阿諾就叫我要俾多d壓力佢地，唔好幫佢地，
只可以從旁提點，仲叫我屌鳩佢地，咁我就唯有咁做啦，
始終咁做係會令佢地的成長速度加快。

星期六，好似全程都係訓咁，起一起身用個午膳之後又返返去訓，訓到四點之後就準備，
不過早左，今次六點半就到左，咁我就叫阿健、阿君、mandy同fanny入去先，
因為出面幾凍下，而我就等埋其他人，咁入到去就有d阻滯，話個名錯左，叫我叫大使落黎，
不過尋日都錯左啦，自己改咪得囉，個食蕉一d都唔醒水，搞到遲左好多先食到飯。
咁我換完衫就馬上落去食飯，因為要黎一個詳細既briefing，因因仲問我好趕咩，
我話唔係，不過係我有野要講，今次我就講明要點做法，又講下d問題出黎，
叫佢地真係要夾，唔好潑上去，因為我除左要佢地快，仲要佢地做得岩。

講完之後就上去，今次大使真係好俾面，除左有兩個唔洗做之後，仲有個專人睇住，
咁我就安排好晒d位點排法，加埋專人的指導，作出左一個最好既擺位，
今次就mandy做枱，因為我唔夠膽俾兩個黎，第一、我要識做既更加識做，
第二、就係我怕佢地唔識帶住佢地做，咁我就專責睇住mandy。
但係佢有d怯場，但都做左兩個sample俾佢睇，等佢可以更加了解個做法，
而到分火煺個part我就唔幫佢，等佢可以真係做，唔係我咁樣幫佢，佢就成長唔到，
所以個part失左好多時間，不過唔緊要，反正之後都上翅，一定追得返，所以都無大問題。

但係都完翅後，因為佢地排隊排慢左，所以俾其他人落後左，
不過速度整體上黎講都係pass既，而當完翅後，mandy既速度完全係慢得太過緊要，
所以唯有我自己出返手先將d時間追返返黎，因為次次都包尾緊在係太難睇，
好在今次唔係，只係得jason佢仲未夠熟，唔識用個公"喝"，分魚個陣又有d不知所措，
我見到都馬上提醒佢，仲要再操下佢，佢仲未有能力睇到一檯，而mandy個檯我就追返d時間，
最後竟然快返過佢地，除左廿一之後，所以廿一得到最佳新人大獎，而且有7.5分。
而阿健，佢都幾得下，都有差唔多7分，
阿君佢都可以既，因為d客唔食野，所以落後左少少，都有6.5分，
而因因全程自打，而且唔洗我擔心佢，不過分得未夠快，都有6.5分，
最後就係jason，佢始終唔係咁得，只係可以俾到5分佢，而且仲要窄窄地個隻，
如果做第3次都係咁既話，唔排除要送去雪櫃，
而mandy對整個流程都未夠熟，要再加以培訓。

後記：今次食到好多野下，食左豬，之後到翅，d翅我分分鐘仲食得多過個d客，
再黎就雞，飲埋個糖水，食埋個美點，仲有個生果，飲埋杯橙汁，超掂！

>>March 26, 2006 at 6:06:00 AM GMT+8

2006 年 3 月 23 日 星期四 【雨】

今日返工，返完之後同阿諾報告下個情況，不過阿諾就覺得我太過錫住班仔仔囡囡，
咁聽日就嚴肅，莊重一d啦，咁今日發生既事就留返後天才作匯報。
待續．．．．．．

>>March 24, 2006 at 6:29:56 PM GMT+8

2006 年 3 月 22 日 星期三 【陰】

今日測commercial law喇，其實講真我真係無乜點樣有用心咁去溫過，只係懶洋洋咁溫，
因為我開始害怕自己心無餘而力更加不逮，不過我已經決定左嘗試下先。

到考個陣，條題目其實幾簡單下，不過我真係唔知答得岩唔岩囉，所以都係唔好諗咁多，
講真讀左咁耐，ive既測驗同考試我都無試過fail，但係我好似無試過好似最近咁，
根本就無心向學，所以唯有聽天由命好喇。

考完之後就去左free-booking到捱餓，同下阿諾講我係大眾到俾人嫉妒，del左我a/c，
不過無計啦，我都無心機玩大佢，所以唯有算啦。諗住幫下手搵下澳門物流，
不過最後都係俾wendy搵到先，所以我地就準備落去開餐。

落到去見到連我都有cert.喎，真係難得，要上台扲獎，阿諾叫我做返我地上次無玩既野，
不過今次得我一個自己黎，不過無所謂啦，反正我都好想玩，所以自打都無所謂。
我拍完佢之後，佢都好似愕然左一陣，然後先再講野，我都玩得幾過癮，
然後過多一陣就到左高潮，就係開餐時間，不過最後食完先知蠢左，因為原來我地蝕左，
因為原來唔係得我地六個扲野飲咋，仲有好多人扲，真係蠢蠢蠢，
不過佢話下年有得再玩過，即係代表下年有得再扲過，所以下年一定要再接再厲。

之後到im，今日做lab，wendy同oly坐係我隔黎，不過佢地今次都好醒下，無乜野要我幫手，
到左最後，我好快搞定左，所以可以好威咁講model ans，佢地只能無奈又無奈，
跟住keith問我點將d footnote轉做endnote，咁我教完佢，佢又話點樣可以一齊係到，
仲搞到miss都過埋黎幫拖，不過miss個方法同我既一樣既，keith就好唔中意，
因為佢又要footnote又要endnote，我就話佢咁做即係劃蛇添足，keith已經好不爽，
話我唔識係到賴佢，係e個時候我醒起一句好有用既說話，e句靚過劃蛇添足好多，
就係除褲放屁，即係多此一舉，wendy已經聽到笑晒，咁keith就緊係繼續係到賴啦。

到左放學搭車，今日都幾多怪人，已經有不嬲都怪開既oly，咁佢今次搵到個位係到倚靠，
但係就俾兩個小學生係到撞到，oly就無聲出，咁個兩個學生就係到互賴，
咁我就突然話佢到：最衰係你地兩個！佢地俾我咁既一句，搞到靜晒，唔夠膽再輕舉妄動。
但係突然間發覺我身邊坐左個怪人係到，係到自己算車站，所以都閃開先，
費時有咩突發事件。但係最突發既唔係e個人，係wendy，因為佢竟然失禁，
丫！唔係，係失衡，所以向前仆，但係無街到，而oly就好興奮，係咁倚靠係大頭到。

到左晚上，阿諾俾左個突發消息我，就係美麗華個邊已經出期，而且要好多人下，
睇黎真係有d難搞，我又唔可以唔返，真係諗住再懶多幾日都唔得，不過諗深一層，
我真係唔可以唔返，因為遲d我唔知幫唔幫到阿諾，sunny個邊已經開始有野要搞，
點解一係就唔黎，一黎就一齊黎既呢？sunny仲叫我唔好讀，讀黎都無乜用，
但係我已經花左年半既時間落去，我無理由亦都無可能會放棄，最多我都只係會休學，
加埋今日book既書，考埋個試，咁我都真係唔係幾擔心工作既問題，所以e半年一定會好好玩，
突竟我hand唔handle到呢？不過我都決定左嘗試下一齊黎先，反正咁樣都幾好玩，
又夠挑戰性，如果真係兩邊都同時成功，25歲退休，我諗唔會係一個問題囉。

我一直都相信有神，而我亦都相信佢會幫我，而我一直只為過自己求兩樣野，
第一樣，已經開始，e d係神作既工定係只係機遇呢？我唔知亦都無必要知，
因為我承諾過只要完成到第一樣求既野，我就會舉手，我亦都好有信心e一日會來臨。

>>March 23, 2006 at 4:30:44 PM GMT+8

2006 年 3 月 20 日 星期一 【晴】

14) 遊戲已經開始囉！
我耐無聽過e句喇，不過遊戲要開始喇！

只許成功，不許失敗！

我唔單只要我一個人成功，我要我身邊既人都成功，一齊享受那份喜悅！

目標已改變，我一定要更加努力。

心願

曲*sommerdahi Harry/Hamid Kinda/Hortlund Rebecca 詞*徐世珍

忘了風還吹著我的臉
再一步又離天空近一點
白雲山巔 夢想的藍天
抬頭就看得見

幸福高不可攀的頂點
當愛情是種朝聖的意念
不管多累 我不能後退

怕跌個粉碎
我們有約 約好一起永遠

baby i am sorry
但我只能前進 穿越心裡的風雪
不怕為難自己

跨過天堂邊緣

不管風雲多善變
愛是勇敢的心願

想像站在巔峰的喜悅

默默孤獨的攀著岩
天堂很高 永遠也很遠
可是那麼美

幸福高不可攀的頂點
當愛情是種朝聖的意念

不管多累 我不能後退

怕跌個粉碎
我們有約 約好一起永遠

BABY I AM SORRY
但我只能前進 穿越心裡的風雪
不怕為難自己 跨過天堂邊緣

不管風雲多善變 好想後退
我不能後退

相愛會被成全 對不對
愛是勇敢的心願
你在風的另一邊

愛是那麼特別 就像最高的山 我一去不回
OH OH 我想 會有那一天
OH OH

沒有甚麼好後悔 不怕為難自己
跨過天堂邊緣

不管風雲多善變
好想後退 我不能後退
想愛會被成全 對不對
愛是勇敢的心願
你在風的另一邊



>>April 15, 2006 at 4:37:15 PM GMT+8

2006 年 3 月 17 日 星期五 【晴】

最近同chole吹得好鬼過癮，不過我擔心再玩落去會過左火，所以都係唔好再落咁多藥。

星期六sunny打過黎，咁就吹下水啦，不過我知以我e家既功力，都唔可以扲到乜野料返黎，
所以我都無乜點樣出招，而且係今次對話裡面聽到一位高手，話說係同sunny同級的魔鬼，
不過係女黎既，可以都要加以提防，免得中伏，不能而已。
sunny已經開始佢既大project，唔知幾時有得參與呢，好期待參與的一刻！

星期日，一早就醒左，因為實在係太過嘈吵喇，食完野諗住搵下書既，
不過就嘈到咩都無做到，所以就搵左馬仔問下佢尋日點樣，不過佢好似做得好唔開心咁，
但係又唔知乜野事，所以我都唔知點好，所以叫佢返埋今日，睇下個情況有無改善先。
搞完e個就準備出去morr hill扲我地張cert，咁我就一早到左天水圍，搵左阿生吹下水，
不過今次就多左一個人，就係傳說中的魔鬼，可能我已經作出防範，
所以都唔覺得佢有乜野，但係話佢同sunny同級，我諗一d都無錯，佢不斷話我講野似sunny，
咁係好多方面，我都覺得我同佢好似，尤其是係做野處事方面，第一因為我地似，
第二因為佢教識左我好多野，不過當佢越話我地似，就越想打我咁話，真係．．．．

收左線無耐之後，阿諾都到左喇，咁我地就出發去摩山，當中就傾下我今朝計既數，
如果可以有三千個散，咁我地就可以萬人景仰，所以e家要做既就係不斷搵多d人，
教到佢地上左手之後，咁就好辦得多喇。

去到之後，因為無帶miss電話號碼出黎，所以就去搵下miss，好在無耐就搵到，
所以我地就返左入hall坐，差唔多到我地上台之前，就諗下陣間搞乜野出黎好，
第一樣就係先同所有人握手，跟住就學頒獎個個人咁拍佢膀頭，不過e樣最後無做到，
結果我地玩到台下面d人笑晒，頒獎個個都亂晒，不過落到去之先知裡面d cert都唔係我地既，
所以最後黎到都唔知做左d乜野，淨係知道好勁囉。

返到去就同阿諾去左報車，不過d期好麻煩下，因為搞得e樣就顧唔到另一樣，
睇黎都好麻煩下，就係落左輕鐵之後，我就諗下點樣再d人才收為己用，
所以我就向我不嬲都好睇好既kammy埋手，所謂用人不疑，疑人不用，所以我唔會呃佢d乜野，
只係我會唔會乜野都講晒出黎咁o者，因為有d話晒都係商業秘密，
所以我只係講左個目標佢知，個做法就緊係無講啦，亦都講左一d最近遇到既難題佢知，
睇下佢有無d好既意見俾到我，當d苦水吐完之後就舒服多了，不過有樣野幾好，
就係佢都幾認同我既做法，所以得到佢既認同，做起上黎既時候都唔洗顧忌咁多。

食完個飯就去搵阿生傾下馬仔既野，因為我e件事上面我唔係咁適宜出手，
所以就緊係要搵下一個同佢更fd既人做啦，不過最後竟然係由馬仔條女出面，
因為佢比我同阿生都更適合做e一個角色，咁我就同馬仔條女──阿欣傾談下。
講完個最重要既問題之後就閒談下，講下佢同佢地既野，就係講左無耐之後，
chole就打過黎，咁我就做左一個我從來都未做過既野，就係同時進行傾兩個電話！
尋日已經同阿生講過，唔知點解次次同親d女講野，我無點樣講過d乜野，
d女就會開始係咁講，但係我唔知自己做過d乜野架喎，所以今次都唔例外，
首先阿欣係咁，chole都係咁樣，所以佢地係咁講，我都係俾返d反應佢，再講一兩句，
等佢繼續係咁講，如果阿生係隔離，我諗佢會更加認同我講過既野。

因為阿欣係有夫之婦，所以我講野好直接，亦都唔會講d會令人誤會既野，
不過佢就聽到我不斷對住chole講d咁既野，不過因為之前差d出事，
所以我會係交談中放返d解藥落去，叫佢唔好諗多左，平時我放左，d人唔多覺，
但係佢竟然同我講你又講d野令我亂諗，你又叫我唔好諗多左，咁即係點？
佢咁問我都唔知點答佢好喇，所以就講d野兜黎兜去，再黎一招偷換話題，
等自己可以回避佢既問題，同佢傾完之後就同愛華二世──yani(欣宜)傾談下，
佢又記得我係邊個喎，咁就問及左佢做野個面點同埋佢學業個邊點樣，
不過睇得出佢好有heart，係我地咁多名散工裡面既優秀人才。

>>March 19, 2006 at 5:32:06 AM GMT+8

2006 年 3 月 15 日 星期三 【晴】

最近認識左個新朋友，佢令我見識到乜野叫犀利，因為回想起中三個陣，
我都唔知做緊乜野，仲係係到十下十下，好似就係打機，如果唔係打機，我都唔知做過d乜野。
但係e位細路女，係心智上都有18歲到既，佢日日都有課外活動，連星期六日都有野做，
又日日睇報紙，仲講到連我都未睇過既新聞出黎，
我都唔知係佢屋企真係咁嚴定係佢既自制能力咁高，竟然可以因為唔鐘意歷史，
就佢參加歷史學會。

同佢講野個陣真係唔多覺佢只係15歲，而且佢學野好快，好快就學到我既野，仲用返出黎，
搞到我兜得好辛苦，佢講野又有point個喎，而且有d仲係我有用既tim，
真係搞到有時我都唔知點樣隊佢好，識到佢，令我見識到乜野係未來社會的棟樑。

>>March 16, 2006 at 1:56:02 PM GMT+8

2006 年 3 月 13 日 星期一 【晴】

星期六返工，有d失手，不過都俾我搞得掂，而且又食到翅。

星期日，都唔記得做過d乜野喇，淨係知道返左教會俾錢。

星期一就好笑得多，因為上cbs個陣阿智佢地唔知做左d乜野出黎，大珠小珠，仲有呢．無喇。
之後又多左個蟲蟲人，佢身上有一排蛋係到，大頭青晒，笑死我地，
仲係oly搭搭下車興奮晒，搞到我地搭車搭得好鬼開心。

今日上完英文堂，就上文sir當company law，上堂前竟然見返蟲蟲人，仲要著返同一件衫，
搞到都未上堂就笑晒，跟住仲有miss chan，面青。
今日上堂都學到野既，不過到lecture個陣就好鬼眼訓。

>>March 14, 2006 at 2:28:54 PM GMT+8