2006 年 5 月 4 日 星期四 【晴】

好耐無試過想係一日裡面睇完一本書，而可以令我有興趣想一日睇完既書，
我諗除左李生先既書之外，都無乜書我有興趣會咁做，今日終於買左哲道行者返黎，
睇左外卷既前奏篇，已經覺得好正，好想再睇落去，今次覺得裡面最正既精句就係
深情者，即是獨行，仍是同行。
真係寫得好靚，而係最後到睇到原來李先生已經退左休,最後提到中乘，
帶出既思想同我想行既半道十分相近，怪不得一直都覺得佢既思想同我既不謀而合，
原來都係同一宗旨。

今日係訓晏教前諗到既：得閒睡一睡，命都多幾歲。（好似好cheap咁）

深切思念所深切思念的，
無法思念不配被思念的，
愛情天才也。

愛情問題沒有普遍適用的解決方法，只有按情況而定的技術性處理。

愛很簡單 　唱:陶吉吉　　詞：娃娃　曲：陶吉吉

忘了是怎麼開始 也許就是對你一種感覺 忽然間發現自己 已經深深愛上你
真的很簡單 愛的地暗天黑都已無所謂 是是非非無法抉擇 沒有後悔
為愛日夜去跟隨 那個瘋狂的人是我 喔~
I LOVE YOU 無法不愛著你 BABY 說你也愛我
I LOVE YOU 永遠不願意 BABY 失去你
不可能更快樂 只要能在一起 做什麼都可以 雖然世界變個不停 用最真誠的心
讓愛變的簡單 I LOVE YOU 我一直在這裡 一直在愛你
I LOVE YOU (YES I DO) 永遠都不放棄 這愛的權利 如果你還有一些困惑
OH NO 請貼著我的心傾聽 聽我說著愛你(YES I DO ) 我愛你



>>May 23, 2006 at 7:28:53 PM GMT+8

2006 年 5 月 3 日 星期三 【晴】

今日好似乜野都無做過咁，連陳狀既堂都無點用心去聽，覺得自己越黎越唔用心係讀書個邊，
但係唔讀書應該做咩野呢，本仲未有，技仲未夠高，我唔可以再懶散落去，
唔係到時乜野都唔上唔落就真係x街啦。

首先要做既就係睇晒本證券及期貨從業員資格考試全攻略，
裡面d野好似係com law既lecture9同10既中文版，所以我諗都可睇得幾快下（我諗＝．＝）
之後再開始做返以前做既野，猜測股市每日的升跌，所尋覓下大起大落既原因，
快快趣完成hrm個poject，再訓練返自己既思考方法，每日諗下一d有趣而且值得思考既命題，
最重要就係要返返工，努力聽書，預備考試。

講返今日，話說早上keith無返，咁今堂講既insurance就無點用心去聽，到guarantee先有聽，
咁阿諾就楬一楬先，不過佢楬一楬就搕著。記得尋日係午夜夢迴個陣，收到佢既msg，
話個客俾左一舊水tips佢，好後悔無返到工tim，仲話係d隱形富豪，出手好豪氣個d。
跟住就繼續上堂，期間都好眼訓，落左堂就去食野，今次wendy,oly同大頭都好細食，
所以變相就我同阿諾食多左，賺左，之後就返去電腦屋print野，跟住就上堂，
keith返返黎，仲話俾阿諾知個次我點樣暗串教會既人，話說個次係咁既，
入去坐個陣，我本身係同keith坐既，不過就俾兩個人入左先，所以隔開左我同keith，
我唔知個個黑帶文點解會知道佢坐左我要坐個個位，跟住就自動同我change返，
咁我咪讚佢，講左一句：我地教會幾時多左個咁醒既弟兄架，
之後keith就話我話晒教會既人唔醒，不過係佢誤會左我意思o者。

之後繼續上堂，到im既seminar，今堂都有聽書，不過就越聽越眼訓囉，
講左一個小時到就講完，派測驗卷，雖則唔合格一早遇左，但係估唔到30分都扲唔到，
仲低分過考第尾既iven，我睇到佢有30分，不過都無乜野難過，因為我無你咁高分，
同時地，你都無我個28分o者，你幾高分都唔會成為我架，我要做既只係做返自己o者，
e個係李先生教既九一主義，咁樣做就唔會自大，亦都唔會自卑，既不自大亦不自卑，
這不是最好嗎？派完卷就走人，不過得知oly同大頭好高分呀，之前又話自己幾無用，
幾唔識，次次出到黎個成績都同講既野相反，真係好衰呀！

自尊,自戀,自大歸根究底原來都係虛榮心（名心）作怪。

1)
曲高自賞不孤,
室雅何云淺陋?
有德莫怕問寡,
聖賢金律是聞!

2)
自信有能比天命,
暴雨風中展才情.
其心恰似虹貫日,
陋室自當為君馨.

轉自《明報》李天命網上思考

有無人睇得出個中奧妙？

《獨孤求無》 李天命
情人節後別情人
清明提早雨紛紛
獨行獨食獨孤客
還我逍遙自在身

情人節前纏人節,
情人節實愚人節,
情人節後失情人?
情人節實懲人節.
by隱形人

推理遊戲
好難玩，連我都話難，大家可想而知有幾難。

你的邏輯性強嗎？
0-13分者为优秀（上限10％）；14－19分者为良好（20％）；20－25分者为中等（30％）；26－48分者为不佳（下限40％）。你的分数是6分，属于优秀。

>>September 7, 2006 at 3:39:26 PM GMT+8

2006 年 5 月 1 日 星期一 【颱風】

先寫今日，再談昨日。

今日一早就返學去，話說尋晚要回返d msg，當中我都覺得自己回覆得認真左同兇狠左，
要先講句對唔住先，可能係因為沉唔住氣啦，不動如山，仲差少少tim～．～
自己回左d乜，自己都唔係好記得，不過就係一d經過左一個簡單思考既野，
仲未有嚴格思考，如果唔係既話，破綻出現既機會一定會更加少，咁今朝收到回音，
返黎既又係一大輪的反辯，最後唯有講白d，黎一個一刀切，
唔洗再係一個唔係我想表達既問題到糾纏落去，再咁落去，只會變得越無意思。

咁一路上再見下今日要present既野，返到去見到得keith同oly，大頭同wendy去左電腦室蛇黃，
咁今日主要做d proofing reading,tense同埋preposition，好多初時我岩左架，
但係點知走去跟oly同keith個陣就衰左，一個係咁，兩個係咁，到對個陣真係好鬼興，
要對keith講一句：仆街先至可以下到淡氣，之後就到文sir個堂，一開始d人唔知去晒邊，
不過後期都無人架喇，所以就快快趣present左佢，唔係之後人多就唔好啦，雖然我未驚過。

present完之後，文sir就講返lecture9，不過e一貨我無乜野唔明喎，只係唔記得左係乜野黎o者，
所以上完堂都明晒，佢教完之後都仲有一個小時剩，所以就早放，可以食個多d既晏，
去左食車仔麵，唔知點解最近去食好似唔係好夠飽咁，所以無左豆漿既關係，
食完就去左買紙，之後就返去上文sir堂，今次同阿諾傾下計，上下堂，但係都跟到，
事關我地個科好多蠢人，乜野都問，乜野都聽兩次，唔識真係對唔住父母，
之後就落堂返屋企。

今日諗住整鬼大頭，我遮住隻蝴蝶，然後keith引大頭過黎，點知大頭今次好醒目，
知到我地整鬼佢，最犀利係佢知道有蝴蝶係到，點解佢會醒左咁多既？
之後用完午膳返黎，係locker位個陣有個暴走怪人衝過黎，好在我個陣停左係一邊，
但係大頭係一個人向前行，佢馬上依傍係牆邊先逃過一劫，ive真係多怪人＝．＝
見怪不怪

昨日，做左d乜都唔係好記得，好似都係等時間過咁，不過到左夜晚突然有個諗法，
就係諗住同一d平時都會用下腦既人傾下一d值得思考既問題，初時想講恨與狠，
但係最後變左自戀同自卑，兩者係極端相反，但係會有一d共同既後果，就係令一個人進步，
不過如果過份自卑或者自戀，都係一件好大獲既事。

一邊電話就傾e個問題，一邊電話就問問題，問到一條真係幾考起我，
就係自戀與自卑既定義，最後磨左好耐，諗到一個認為暫時最好的解釋
（唔排除係最好既可能性），就係當比較下覺得自己勁與差既感覺，
比較可以係今日既我同尋日既我比，跟住又有一個問題就係點解兩者會並存，
仲要提出有矛盾，問e個問題就好似問點解人有咁多種感覺一樣，
好似假設左唔可以有咁多種感覺，但係就無諗過點解會有咁既假設，
有矛盾既說話一定唔合理，但係有矛盾既行為就唔一定唔會理，唔合理即係錯。

仲有一個問題就係講同問係兩樣野，係兩樣野，不過講包含左問，就好似演講咁，
就無話唔俾問，而且一個講者問聽眾既問題係一件好正常既事，
就好似我地唔會話人係女人，但係會話女人係人，
相對地，問可以係講，講唔一定係問。

思考既第一步係語理分析
連個波都未知係邊，點踢呀？
個波係個到呀！
切勿吹毛求疵！

好好笑
林尚義搭巴士返tvb途中屌鳩後生仔
大家去睇下

>>May 2, 2006 at 2:59:03 PM GMT+8

2006 年 4 月 29 日 星期六 【晴】

今日終於返返教會，有幾耐無返？都好似有兩個月喇，唔係唔想返就係抽唔到時間，
不過返完之後，你問我有咩感覺，我會答你無咩野感覺囉，咁似肥媽個句：
有咩野做o者？無咩野做架！嘰嘰（苦中作樂好似已經係我強項，
唔知係咪慣左求其搵d野笑呢？由心底笑出黎，又幾耐無試過呢？）

今日有個博士黎講道，不過無乜點聽佢講，可能佢唔夠幽默啦，變左同keith傾計多d，
好似好衰咁tim，不過我的而且確係個百分之百既衰人，所以無所謂啦，反正都係做返自己。

完左之後就圍圈，今日好似變左我係咁串人咁，不過我都係講事實o者，
初時都係想讚下anson會成為保險界紅人，但係anson真係乜野都唔知咁，
完全無居安思危既概念，不過最大既問題係佢連自己要超越既對手都唔知係邊個，
咁樣好似唔係好長進，慣左做個長進既人tim，之後就食野，咁都係慣左係咁食架喇，
不過最近都唔係好大食量o者，ok咁啦，食食下就變左睇judy個d byebye肉，
好軟個喎，仲軟過d jelly，而且judy仲大隻過keith，好似有d離譜tim，不過算啦，都唔關我事。

係食野個陣串左daisy，好耐無串佢，串佢感覺都幾爽，話說係咁既，eric話唔想搞遊戲，
都係搞膳食個part，之後daisy話佢唔係個個都收為入室弟子個喎，之後就緊係用阿諾個句：
邊有人想做你入室弟子呀？e句當然串到daisy無聲出啦，唯一講到既就係唔去唔好出聲，
咁唯有算囉，下一次串佢就係係步行去歸西既途中，daisy又串eric，佢講乜野唔係好記得，
最記得就係佢講左句：係唔係先？我馬上醒起最近聽左李博士個個思考與學習既talk，
佢講話有d人好鐘意講：你話係唔係？不過最好笑係d人好鐘意講d廢話，
然後話：你話係唔係？咁daisy就係個種人，我用左李博士既例子就係：不斷話你阿媽係女人，
你話係唔係？隊到daisy無聲出，李博士教話對住e d人答佢話唔係，對方就會好無癮，
下次真係想搵個咁既人試下，睇下佢係咪真係咁無癮先。

睇到keith既日記講話自己都唔知自己想點，令我諗到自己最近都好似係咁，
有d野放唔低，自我善用我個腦之後，都無一樣野係可以令我一個禮拜都放唔低既，
但係今次e樣野出現左，究竟我仲要用多幾多時間呢？算啦，唔好諗喇，望下星星好過，
最少望星星可以令我覺得好舒服。

今日姓盧個位博士講左一句我覺得最有道理既，就係如果只係記住父母既不好，
你同你父母既關係一定唔會好，希望所有人都明白e一點。

>>April 30, 2006 at 3:25:36 PM GMT+8

2006 年 4 月 23 日 星期日 【微雨】

由尋日開始，我個身体就有一種莫名奇妙既累，好耐無試過既累，點解會累，我都唔知，
知道都無用，有用都無辦法，有辦法都唔會用，所以最好都係唔知。

尋日返工，我心以為當返到工就會精神返，但係時實話我知係─唔係既，
而且我覺得尋日係我返咁耐工覺得最辛苦既一日，平時返工我唔會有累既感覺，
而且做越做越起勁，但係尋日我只有越做越頹既感覺，好在都俾我捱過左，
然後就搭小巴返屋企，上左架好快既小巴，半個鐘多少少就返到屋企，
架小巴快過架的士架@.@，真係好，雖然貴左，但係追返好多時間，
返去仲睇到全球搵銀攻略，講到我好似有心追咁，其實唔係，係返到去唔會郁所以先睇，
不過睇落又幾好睇，嘰嘰．．．．．．

今日原先教左八點叫醒我起身，不過醒就有醒過，但係就無起身，最後訓多左半個鐘先起身，
所以遲左返去prepare，今日要著suit，好麻煩呀＞＜不過算啦，因為我都無得唔算。
諗住去present架喇，但係先知改左時間，所以變左去食早餐，返黎上熊貓堂，
呆下呆下咁過，聽d又唔聽d，咁就過左兩個鐘，之後就要present喇，自己講左d乜，
自己都唔係好知，到人地問問題喇，今次唔係我黎切招，由wendy拃大旗，
我都係做左旁觀者咋，跟住keith都忍唔住手，係咁反擊，當中仲有d貶低人地既成份，
不過佢又衰既，都唔知佢知唔知自己講左d乜，乜野都我覺得，又要實際，
實際個d叫決策，唔係叫建議啦，我都覺得佢覺得個d係唔岩架，不過算啦，
做返個與世無爭既人，昔日既鬥心同信心都不在tim～．～

今日都幾多好笑野架，好似邊緣化咁，wendy解釋左係當與別市毫無合作既時候，
就係邊緣化，之後阿諾就話：如果你無晒朋友，咁你咪係邊緣人囉。真係無辦法唔笑tim，嘰嘰
改黎就係整鬼，今日阿諾係咁講整鬼，你會唔會整鬼我，帶走我架？
仲有打棟同打橫分別？連我都唔明阿諾講乜，以為係打動啦，點知係打洞＝．＝
唔笑都唔得tim，嘰嘰^o^

>>April 24, 2006 at 10:06:11 AM GMT+8

2006 年 4 月 21 日 星期五 【晴】

今日諗住係屋企過一個懶洋洋的周未就算，不過一早就俾樓下既返新（裝修）工程嘈醒左，
所以就起身啦，費時成日訓到黃朝白晏，一出到去就洗面刷牙先，
然後就返課幫sunny搵資料，搵搵下就收到chole既來電，原來佢病左仲返學做野，
真係唔識愛惜身体，唔通e家d年青既一輩係咁既？咁我就跟傾一路搵野，
不過好快就搵到我需要既野，收左線之後就打過去，叫佢sd d資料過黎，咁我就可以收工。

跟住出到去就睇戲，睇一套n年前既戲（喜劇），叫做衰鬼撬長腳，睇下又幾好笑，
不過都係笑下d低能野，無咩特別，睇完之後就去睇假面超人（幪面超人）555，
我miss左好多集架喇，終於可以睇返，好有型呀超人，睇完之後就食飯，
之後又係睇戲，不過一套麻麻地既戲，都無乜點用心去睇，有師奶殺手陶大宇份架，
唔睇都唔知佢有拍戲，仲以為佢淨係拍電視刻既o者，而阿媽又迫我去旺角扲禮品，
一份我拖左好耐既禮品，因為我知道咁做，總有一日佢會自己去扲，嘰嘰。

點知係e個時候我收到chole既來電問我出唔出去，點我問去邊，佢竟然約我去旺角，
俾女仔約好似好耐無試過，暗爽下先，不過我係個復活假一早想約佢架喇，
只係最後都係唔記得左=.="，咁竟然佢又約我，阿媽又想我去扲，咁我就做一次好人，
去啦，準備好晒就出發！

不過因為準備耽誤左，所以我遲到．．．．真係無計，
今次係去我好耐無去過既懶豪放（朗豪坊），e個名係阿諾講出黎，不過又真係改得好有計，
唔可以唔用，去到真係士別三日，變左好多，d鋪到開晒，記得我去個陣，鋪都無開齊，
地鐵站唔可以直接去到，真係相差太遠，去到就去睇下個商鋪指南睇下有乜商店，
再打埋俾chole知會佢我到左，佢話佢過黎，咁就最好啦，因為我怕我好似大頭咁蕩失路，
嘰嘰．．．．佢黎到我一眼就認出佢，不過佢就緊係唔知我係邊個啦，因為佢都無見過我，
不過唔緊要，有我係到，見到都唔知講乜野好，佢身邊個朋友好高傲呀，完全唔知點形容，
總知就係好冷漠啦，連我都打破唔到e個situation，因為佢根本無興趣同我講野，
佢連自己都唔想introduce，我都唔知做咩好喇，見過咁多女，最串都係佢喇。

咁一黎到就話去睇戲，都好，反正都唔記得有幾耐無入戲院，不過見到d戲我一套都無聽過，
真係唔知乜野黎，所以最後要睇邊套就緊係唔係我話事啦，最後揀左套魔法保姆麥菲，
跟住就等運到，我一直都諗辦法溶入佢地，但係另一位mandy都係咁冷若冰霜，
我都解決唔到個問題，不過有好多計我無用到，好似激將法、焗佢講野、罵下佢咁呀，
不過個一刻，我又諗唔到e招，所以最後都係得個諗字＝．＝。

所以之後我都無乜點講到野，因為我知道chole唔會唔理佢個fd，而我講野，
佢個fd都唔會理我，係咁既情況下都係沉默是金，尊心睇戲，
不過我發覺d人去到d笑位係唔識笑，係咪因為英文既關係，所以唔識笑呢？
其實個笑位係一d焗人既說話，所以e樣野，香港真無乜人識得笑，尤其係d 1x-2x歲既人，
套戲最深刻係個句，你要承擔返個後果，成套戲既結局同流程同我心諗既一樣，
所以都無乜驚喜，係無乜，唔係無呀，經過一小時零四十五分鐘在雪櫃裡受到寒氣的煎熬，
終於可以重見天日，之後當然要去廁所擺低d野，但係chole話佢地要走喇，
不過我見佢地向廁所位進發，但係轉個頭就唔見左，我擺低完d野，
係走個陣等左個細路仔開門，因為d門都幾有份量，佢竟然有講唔該喎，
估唔到d細路咁有禮貌，真係難得，咁我出到去等左三個字到啦，不過都唔見佢地出黎，
所以我都唔知點好，唯有走人啦，無理由無了期咁等架嗎。

要做我今日黎旺角既另一個目的，就係去扲野，係升降機個位已經見到好多人，
但係估唔到每個人黎既目的都係一樣，所以我等左好耐下先扲到野，中途接到chole既來電，
佢已經離開左，咁諗住閒談落去，但係我聽到句x街（粗俗字口經過刪略），
咁我都知乜野事，所以唯有收線，然後扲住好重既野返屋企。

感想：經過細想，我知道chole佢無同我講好耐野係好合理，因為無可能掉低自己朋友架嗎。
諗下諗下我覺得我係咪得罪左mandy呢？定係佢一開始已經不爽我？
真係好想同佢講句：sorry呀！我係咪得罪左你呀？

>>April 22, 2006 at 5:38:11 PM GMT+8

2006 年 4 月 20 日 星期四 【晴】

交代下e幾日做過下乜野先，不過我都唔係好記得做過d乜野。

最有記億既就係尋日同阿諾一齊玩電話，不過只係去玩既形式去做野o者，
唔係完全係玩既，玩完又走返去溫company law，因為唔溫唔得啦，之前個d test一d信心都無，
所以e個真係不容再失，不過最後都係睇完就算，你問我記得d乜，我真係答唔到你。

到左今日上完熊貓堂走去左用午膳，一跟食，keith就一跟講下com law，好神奇，
我又搭到嘴喎，但係如果你問我，我又真係答唔到你，因為佢一提起少少，
就勾起我既記憶，話晒有睇過晒每一份筆記個喎，加上今個學期真係有用心上堂，
如果真係一d野都唔知既話，我真係會覺得自己好無用，同廢人無分別囉。

食完野就去左屠豬館（圖書館），又係聽下keith講下，然後自己諗下，再睇下筆記，
咁樣d野好快就係個腦裡面，因為真係好似無野唔識咁，所以就搵其他野搞下，
發送下d sms，點知返黎既竟然係對方病左喎，咁就緊要問下發生乜野事啦，
點知佢仲好硬頸，唔係去睇醫生，係咁既情況我又可以做得d乜野，
只好用一d迫既字眼叫佢去啦，然後就係時候轉房，上去樓上鋪到同珍妮絲一齊溫，
其實係keith幫佢溫。

溫個陣，佢真係好似乜都唔識個喎，點解可以完全唔努力既，真係唔明白佢地既思想係點？
好喇，夠鐘喇，係時候起行喇，去到解埋個手都差唔多時候，點知出到黎等多陣文sir先到，
所以一入到去，咩都唔洗講就可以開始，去到諗住send埋個sms先，點知文sir話開始左，
咁我就開始啦，廢時再等待，打開份卷，睇到第一題好簡單喎，之後又知喎，
一直落去到第五題先有少少阻滯，因為唔係咁記得一d野，所以唔知點寫explanation，
所以決定之後先後補，再做落去，一直路路暢通，去到essay，又識做喎，
不過就寫唔到好多野，不過寫到落去既，我都好肯定會扲到分，太過有信心，
所以後期都無乜點樣有改動，就發呆下，因為最近都無乜野難題需要去諗，
又無人陪我一齊早走，所以就坐係到等埋大家，一齊步出地獄。

回想起前幾日，去左一個網到睇到一個topic講周星馳，就入左去睇，講到西遊記，
有一d對白係裡面，有一段好深刻：
至尊寶：觀音大士，我開始明白你說的話了，以前我看事物是用肉眼去看。
但是在我死去的那一剎那，我開始用心眼去看這個世界，
所有的事物真的可以看得前所未有的那麼清楚……
原來那個女孩子在我的心裡面流下了一滴眼淚，
我完全可以感受到當時他是多麼地傷心……

以前我都睇錯左，睇錯左好多好多野，因為我忘記左睇野唔係淨係用對眼，仲要用個心。

>>April 21, 2006 at 3:56:24 PM GMT+8

2006 年 4 月 14 日 星期五 【雨】

（如要停止音樂，請按瀏覽器上的停止）

最近什麼都不想做，懶得去理。

懶得去管
作曲：陳偉剛
填詞：蕭賀碩

時間是下午兩點半
我睡到自然醒　喔　你來按電鈴
喔　該整理的還在原地
冰箱也冷清清　該怎麼招待你

＊摸摸口袋　只剩銅板　心裡很酸
　而且是新幣三塊半＊

＃唉　懶得去管　順其自然　天空為你我而藍
　煩腦拋開　腦袋空白　糊裡糊塗也不壞＃

莫名其妙的城市
誰回來誰離去　沒有一定規律
喔　在半夜吃個巧克力
會胖個幾公斤　又有甚麼關係

才出門去　忘了手機　心裡很急
又發現鑰匙還在家裡
Repeat＃＊＃＃



>>April 15, 2006 at 4:41:16 PM GMT+8

2006 年 4 月 12 日 星期三 【雨】

回想係尋日同左大頭佢地一齊去左個晚膳，最深刻就係個句：你個日記越黎越短，
自己睇下睇下又真係喎，不過我都無辦法架，因為真係無咩事好記，
唔通刷牙洗面都走去記咩，加上一早講左係所見所想所聞，咁e家到左所想既境界，
係短少少架喇，將就下啦，一係就有d好笑野而又好深刻既野發生，唔係都唔會點樣去記事。

話說尋日因為我遲左出門，所以差d搞到大家無得食，好在最後都趕得切，
唔係就做左千古罪人喇。入到一番坐左無耐，就叫左d大盤野，
不過黎都先見到都唔係好勁o者，麻麻地，係一路食個陣，有一個員工個樣滿帶疑惑，
因為佢見到keith，原來佢地係相識的，個員工仲好大聲咁講：何安健，我記得喇！
但係keith個樣又疑惑又不爽咁，不過到最後都記得返個員工係邊個。

食完之後就去左教會，因為要排野，不過唔係我，係大頭仔同阿諾，佢地要做超人同怪獸，
係到排定d動作，而且仲係高難度動作，見到眼都凸埋，如果係我就做唔到喇，
e d錢我真係無能力去賺，真係有血有汗架！

排到咁上下，我同keith就唔做觀眾，係到捉棋，第一次輸左，我d棋力真係差左好多，
太耐無玩喇，不過第二次就贏返佢啦，因為第二次先叫公平，因為大家都無左兩隻棋，
捉捉下就聽到大頭話俾怪人跟住，好恐慌，所以就上左黎教會，
然後排完之後就一齊去左行街，初時話買禮物俾大頭個朋友，
不過到最後變左大頭買禮物俾自己，不過兩百蚊買左樣好似街邊貨咁既野，
就係因為少左個袋，之後我就同左keith去睇電腦野，佢地就唔知去左邊，最後係機輔見。

一入到去就見到大頭同阿諾玩緊個搵錯處，不過越黎越難，去到一個根本就搵唔到既，
呃錢架，錯個少少野，真係要超細心先搵得到，然後就見到一個大鐵鎚遊戲，
見到個位人兄超犀利，係咁破到個requirment，初時我地仲以為佢好普通，
點知玩完之後先知道佢係幾咁勁，打到部機郁晒＠＠，真係唔係普通人黎，
跟本去左做車神，睇到大頭係咁俾阿諾魚肉，不過無辦法啦，鬼叫佢遇著打女人既阿諾咩，
玩完之後就去食糖死（糖水），一開始就食左大頭個碗先，然後先食自己既，
咁樣先叫值架嗎，一路食一路睇電視，真係好耐無睇過電視喇，
睇完個潮爆大狀之後就分梨（分離）了。

>>April 13, 2006 at 1:07:53 PM GMT+8

2006 年 4 月 8 日 星期六 【晴】

好累好累好累，我真的很累，但為什麼那麼累？我也不知道，剛剛推卻了明天的工作，
其實我也很想返，只不過我真的力不從心，真的不好意思，我也是千百個不願意。

im很多英文字，好想唔睇，好想放棄，但係唔可以，唯有繼續溫落去。

最近發覺自己既說話技巧仲係唔夠，岩岩偷聽到sunny講野，get到少少野，
睇下可唔可以轉為自己既野先，嘰嘰。

>>April 9, 2006 at 2:40:51 PM GMT+8