2006 年 2 月 3 日 星期五 【乍雨乍晴】

Title：寒風下 BBQ

　　今晚約左去大尾篤燒野食，約左 8 點係大埔火車站等，但係 7 點 40 分就去到，無野好做．於是係個售票處踱步踱左一陣，跟住企埋一邊執下個銀包，跟住又儸本 Schedule 睇左一陣，望下個鐘都係 7 點 50 分，望到遠處有部賣郵票既機，又醒起個散銀包好多毫子，於是走埋去勁入毫子買郵票．入下入下買左 5 個 $1.4 既郵票，望下個鐘仲未夠鐘，突然發覺地下有張八達通，跟住執左佢排隊交番去售票處．擰番轉頭嚇見佢地成班一字排開到齊晒，有 King ，女皇， 7B ，家寶， MuiMui 同西米，於是行左去隔離搭小巴．

　　輾轉之下到左汀角既燒烤場，個度 $75 任食，又幫我地起埋爐，但係 D 野食就少 D 囉，同得一罐汽水飲．佢地用石油氣點起 D 炭，所以比起平時炓個 D 猛火好多．不過，因為猛火得滯，所以 D 易熟既魚蛋，腸仔就勁快儂囉，燒 D 扒就勁快，但係唔知點解 D 扒既 Size 真係好令人無所適從囉，一 D 就大塊到叉唔到，一 D 就細到牛柳咁既樣，真係少 D 功力都叉唔到囉．與此同時，身後不斷有寒風突襲，形成後面凍，前面暖既奇遇，而且 D 紙碟同膠叉吹到周圍都係，好似打風咁．跟住陸續有 D Friends 食飽飽，但係離開個爐又凍，所以要伸手去爐邊取暖．之後食完之後，我地成班企係爐邊聽 King 講左個鬼故，同埋估下 D IQ 題．





　　最尾 11 點幾就搭巴士走 Lu ，等車既時候勁凍呀！

>>February 26, 2006 at 3:39:23 PM GMT+8

2006 年 2 月 2 日 星期四 【颳風】

Title；精選遊覽團

嘩！！今日係玩具反斗城見到架



仲有呢款，不過都係 Hiace 型 D ！



>>February 3, 2006 at 4:17:41 PM GMT+8

2006 年 2 月 1 日 星期三 【颳風】

Title：小圈子開年飯

　　今日放左學之後，係沙田儸左電話之後，走返出觀塘同小圈子班 Friends 食飯，一去到 APM 已經遲左 11 分鐘，可憐只有準時既 KK Poon 到左，仲要好似狙擊手咁係一樓 "監視" 住我入黎，跟住我地去左 Toilet ，行左出黎傾左兩句，突然 King 係身邊出現，嚇左一嚇，因為佢之前都無打過黎，點解會搵到我地既呢??跟住又等左陣， 7B 黎到，但係唔知佢點解望黎望去都望唔到我地．跟住忍唔住要打俾佢笑下佢，之後何亨又黎埋，一身西裝，型呀！

　　然後我地上左去和花亭，但係又勁多人喎，條龍係門口排左入去走廊再排番出黎，於是我地決定去第二間食．之後 join 埋女皇，周圍行都勁多人，於是決定行番去觀塘裕民坊個邊食．臨走個陣見到和花亭條龍短左，不過都係主意已決．行到落去有沙嗲王啦，上海野啦，韓燒啦， Pizza 啦，但係擾攘左好耐都係諗唔到食咩，於是我地又行番上去等下和花亭．途中經過熟食檔，何亨都係頂唔住肚餓買左串魚旦，我都食左一粒，HOHO．女皇同 King 就買左魷魚同魚旦，7B 食左兩粒，大貪呀！ KK Poon 就無食，因為佢話如果我地中毒既話，要留番個人報警喎．

　　之後行左個新年大運之後，又係和花亭門口排隊，但係始終都係無緣去食，因為 King 同女皇係百木屋等到檯，所以我地即刻上左去．D 野食都 OK 丫，唔算好貴丫， 6 個人都係食左 400 幾蚊．


King ，7B and 我


KK ， 何亨 and 女皇


全部人影幅先

　　跟住出門口見到遠處有 D 狗仔公仔擺係門口，諗住去睇下公仔，點知行到去門口望入去原來係賣狗糧同用品，於是即刻調頭走，勁低 B ．


諗下下場去邊先

　　然後係 APM 行左幾間舖，影左幾幅相，本來諗住走，發覺個肚仲可以食野，於是女皇介紹去觀塘間人 x 荳品食煎釀三寶．行到去等左陣就有位， KK Poon 要走先，所以我地 5 個人入左去食野，一開始女皇出左門口揀左 $20 蚊三寶返黎，都好好食丫．跟住 King 同何亨叫左碗仔翅食，因為何亨話叫 D 熱野食穩陣 D ，之後我又諗下食咩好，女皇叫左杯豆漿飲，我睇下個牌，豆漿都要 9 蚊，碗仔翅都係 10 蚊，叫碗食下啦．叫左之後，何亨話諗左咁耐都係食碗仔翅呀．我話："豆漿 9 蚊，碗仔翅都係 10 蚊之嘛，梗係食碗仔翅啦！" 跟住佢地話豆漿 5 蚊之嘛，原來齋豆漿就 5 蚊，有味既豆漿先係 9 蚊．

　　之後我碗翅都未黎，何亨食先，大嘆："嘩！點解碗仔翅都可以整得咁難食既！" 我話："點解你唔早 1 分鐘食? " 之後我個碗都黎埋，第一口因為我 "片" 個面食，所以成口麻油，之後食底個 D 發覺勁稀，又淡淡地，無咩味．不過為左唔好浪費 D 野食，二來只係勁淡，唔咪勁咸，咸都話難頂 D 者，所以我成碗當有料既水食晒佢，仲扮埋歐陽應霽，黃德如同滔滔咁食．仲食埋何亨個大半碗添．King 都叫左杯豆漿，話敬我一杯喎！最尾食完行番過對面搭車返屋企 Lu ．

>>February 26, 2006 at 3:36:04 PM GMT+8

2006 年 1 月 31 日 星期二 【晴】

Title：又要返學喇！

　　今日係狗年第一日返學既日子，又上 Wing Wing Miss 既堂．經過一輪疲勞轟炸之後上 Tutorial，俾 Miss 清算，要出去同佢講返做咩唔考試．（因為每個同學都要同 Miss 傾下，如果有考試既就傾返份卷，如果無考既要講下做咩唔考，都切合返中學班主任既風格．）

　　一出到去 Miss 就好親切咁問："做咩無考試呀？"
　　跟住我答："因為未溫晒書．"
　　"咁你依家夠唔夠時間溫書呀？"
　　"都 OK 既．"

　　跟住 Miss 教我應該溫左 D Past Paper 先， Notes 可以遲 D 先讀．與此同時，我發現到 Miss 個面珠燈同額頭有 D 紅紅地，應該係爆嚓，但係 Miss 講緊野無理由講呢 D 野架．

　　"咁你依家仲有無 D 關於讀書既問題呀？" Miss 問．
　　"都無架喇！我會努力架喇！" 我答．"丫！ Miss 你塊面好似爆嚓喎！"
　　"哦...係咩...你定我呀？"
　　"你呀...呢 D 地方紅紅地！" 我指住我個面珠同額頭．
　　"係呀..."
　　"你得閒搽 D 潤膚膏喇．" 我親切咁講．
　　"哦，好呀！Thankyou 呀下．" Miss 笑住咁講．

>>February 2, 2006 at 6:26:45 PM GMT+8

2006 年 1 月 30 日 星期一 【晴】

Title：工作中度過的新年 Episode 3

　　今日係新年假期最後一日，亦都係連續四日返工既最後一日，又返馬會．一返到去就放 Break ，偷懶放多 15 分鐘先儸位．一坐就係 FB Key 位，未開場之前就勁多 Call ，通常都係咁．但係平時應該開左第一場就無咩 Call ．點知聽下聽下唔咪好對路，開左場 6 分鐘就開始入 Call ．平時 30 分鐘一場馬，有 24 分鐘係齋坐， 6 分鐘聽 Call ；但係今日係 6 分鐘齋坐， 24 分鐘聽 Call ，仲要每場隔 35 分鐘，即係 29 分鐘聽 Call ，真係嗌晒救命囉！！

　　不過話時話，原來聽 Call 既時間比齋坐既時間過得快好多，不過就超辛苦囉！最尾幾經辛苦捱左 10 場，睇睇部電話機，聽左 202 個 Call ，比起平時 120-130 個 Call 多好多．跟住有 En 做，就返去 CK 做，睇睇人地部電話機都有 160 個 Call ，比起平時 100-110 個都係多左，咁就算啦！

　　做 En 既 Call 少好多，坐左 40 分鐘聽左 5-6 個 Call ，當扯個平啦！

>>February 2, 2006 at 6:06:05 PM GMT+8

2006 年 1 月 29 日 星期日 【陰】

Title：工作中度過的新年 Episode 2

　　跟住又八點鐘起身 ( 救命呀，兩日都係訓得三個鐘 ) ，又係 10 點返到去．今日有阿 Mui 同阿 Sue 返，但係做左一陣就開始頭痛囉，一來唔夠訓，二來 D 電話一係就無，一係就四五條線響，得三個人都唔知點聽得咁多．

　　跟住中午，阿 Mui 落左去百佳買壽司返黎請我同阿 Sue 食，但係正想食既時候 D 電話又勁響，響完又勁多 Order 等住出，搞左勁耐先得閒食野．放工之前儸個無線電同司機講我地收工，仲祝埋佢地新年快樂同搵多 D ( 雖然琴晚都係咁做 ) ，順便問下佢地聽左我把聲成日會唔會以為我係 Ivan (因為好多人話我地把聲好似，以為公司得一個台哥) 好彩 D 醒目司機話聽得出o者．

　　之後終於捱到返屋企，要訓番夠本先．唔講 lu ，要訓覺豬．

　　ps. 在此恭祝各位新年快樂，心想事成，身體健康，日日都咁開心！！




　　ps2. 8 台坐台出 Order 既地方



>>February 3, 2006 at 4:35:15 PM GMT+8

2006 年 1 月 28 日 星期六 【陰】

Title：工作中度過的新年 Episode 1

　　跟住緊接八點鐘起身整野返工，10 點鐘返到去公司見到阿 Moon ，有 D 驚奇，因為之前成日迎住係阿 Sue 返，返到去 Joyce 私人醒封開工利是俾我地，真係多謝晒，遲 D 公司又有一封，不過唔知幾時先拎到 lu ．今日返工幾好呀，D 電話又 OK 少，但又未至於少到悶，跟住 D 司機又咩 Order 都肯做，平時報左旺角都唔會去既佐敦 Order ，今日問葵涌 D 司機都肯做，因為新年有附加費加左丫嘛，個個司機都變晒好人．

　　跟住阿 Moon 同 149 傾電話，我又搭嘴叫佢買糖水，跟住佢認真話等我收工食糖水囉，搞到人地鬼死咁怕醜．之後 8 點收工佢真係係樓下等我喎，但係因為佢有預約 Order ，所以淨係車左我去馬場返工，跟住又唔收錢喎，鬼咁唔好意思囉．

　　之後係馬會Canteen Hea 到 10 點又開工，岩岩睇完一本書，之後係昏迷 + 迷糊聽 Call 之後捱到 4 點鐘放工．搭 Coach 諗住出旺角搭小巴，點知依家部 Coach 經新翠村，為左慳十幾蚊就毅然落車行返去，行到返去四點半，早過琴晚少少，跟住又係五點訓覺．

>>January 30, 2006 at 3:21:25 PM GMT+8

2006 年 1 月 26 日 星期四 【雷雨】

Title：精選遊覽團

DVD：林海峰 "是但Up" 　[ 唔知點解由 $179 炒到 $268 咁誇 ]
　　Star：薛凱琪　[ 最近越睇越OK喎 ]

>>January 30, 2006 at 3:03:55 PM GMT+8

2006 年 1 月 26 日 星期四 【晴】

Title：Dr Li 語錄

　　開心既人唔咪擁有得最多，而係計較得最少．

>>January 27, 2006 at 9:48:32 AM GMT+8

2006 年 1 月 20 日 星期五 【乍雨乍晴】

Title：連踩兩場

　　今日放左工後，即刻趕返入沙田，因為約左 D Friends 食飯．今次叻仔呀，應該係第一次發起食飯 + 約人由自己一手包辦，結果約到 King + 何亨 + 7B 出黎．好彩 7B 話想去打邊爐，加上各好友都無異議，所以諗去邊度就得喇！跟住就行左去新城市中央廣場樓下個間酒樓打邊爐，個度都算 OK 丫，$78 蚊一位，有得任飲，湯底又唔駛另加錢，跟住加左一楂啤酒都唔駛 $400 ．

　　跟住 King 發起去唱 K ，係寒風凜凜既天氣下行返去新城市，去到 GreenBox 勁多人喎，於是一行四個搭的士去左富豪花園間 Neway ．一上的士就覺得個位年紀較大既司機縮埋一粒楂車，已經驚緊佢睇唔睇到兩邊鏡，跟住又唔咪好識路，去到沙燕橋經過我地提點先連 Cut 三條線，跟住又差 D 入左河畔花園．之後有驚無險去到，我地叫司機印左張的士單，因為去到 Neway 有得扣番 $15 ．第一次見到張的士單覺得好新奇，跟住原來何亨同 7B 都未見過，要輪住睇．去到 Neway 見到無咩人，因為 D 客俾 GreenBox 搶左好多，但係學生證同恆生卡都無折，反而人地 GreenBox 就有，咁樣好難同人地爭個喎...之後唱到兩點俾人地收房，但係門口都無人等，不過 Neway 傳統都係寧願空左間房都唔會俾 D 客唱耐 D ，所以都預左．

　　之後何亨同 7B 就過對面搭車，我同朱茜 King 就行返過去新城市搭車．行到去偉華 King 就有車搭返大埔．我本來諗住搭的士返去既，不過橫掂都去到偉華囉，就慳返廿幾蚊行返屋企 Lu．

>>January 24, 2006 at 2:22:38 PM GMT+8