2006 年 4 月 19 日 星期三 【炎熱】

Title：尖咀人

　　今朝一大朝早又訓晏左，所以無見到靚靚 Miss 既最後一面，但係約左何亨食飯，所以都係返去金鐘．跟住去到 Delifrance 見到何亨，同一時間就叫到我地．跟住入到去，張空檯俾 D Walk-in 坐左（咩唔咪叫 Number 既咩?!），但係奇怪 Waitress 又無叫人地起身．跟住好彩有卡位坐，但係同人地搭檯，我地雖然黎左兩個，但係仲有人黎點坐呢? 好彩對家個位小姐勁趕時間，食左少少就走．但係佢咁趕時間都要搞成 10 分鐘先搵到人得閒幫佢搞掂埋單．之後佢走左之後，想叫位嬸嬸執檯，佢行左埋黎問我地做咩，我話： " 唔該執執檯 " ．跟住就受左一下好耐都未見過既藐嘴：" 好... "

　　跟住心心仔落到黎．何亨叫既肉醬意粉叫左四五個字都未黎，真係未食都覺得夠晒法式．跟住黎左碟粉就無刀叉，要等到 D 餐湯黎先有．之後又黎多碟肉醬意粉...算喇，黎到呢度都唔打算再講關於呢餐，都係個句，夠晒法式！

　　之後去左 Sony Ericsson 整電話，又要等成個鐘，奇怪個度每日每個時間都 Keep 到有咁多客整電話，如果呢個係門市部就好 Lu ．跟住要等到 7 點幾先有得儸，咁我地就行左朗豪坊，去左仙跡岩飲野，個杯 " Double Chocolate " 幾好飲，有得飲之餘仲有朱古力粒咬．期間朱茜打黎，約今晚出去飲野同傾計，Sure No Problem 啦！

　　然後去左波衫舖睇波衫，見到 AC 米蘭件長袖幾靚．跟住終於 Hea 到 7 點幾返番去，又等左差唔多一個鐘先有得儸．之後搞到差唔多 8 點先走得，送左心心仔搭巴士就 Join 朱茜．何亨要開 OT ，於是我地兩支公去左金太郎食壽司，傾左好多野．食到尾聲何亨就打黎，跟住我地就行出去尖沙咀，然後又去左諾士佛臺飲野．

　　去到 King 又係叫 Long Island ，跟住我就叫左杯 Manhattan ，何亨叫住唔好，但係我都係叫左黎試下，而何亨就叫左杯 Cosmopolitan ．跟住 D 飲品黎到，飲左一啖，覺得 D 味好熟悉，有 D 似咳藥水，我戲稱要落去 7 仔買 D 咳藥水 " 添飲 " ．本來唔咪好想飲，不過叫左又無理由徙左架嘛，結果慢慢都飲完．

　　之後繼續傾下計，坐坐下覺得都係口乾，於是叫多杯 Bloody Mary 飲，因為聽就聽得多，都未試過．何亨叫左杯類似 Sake 既飲品．朱茜問下侍應有無 D " 酒 " D 既飲品，佢就介紹左一杯叫 Basketball 既飲品．之後黎到，我個杯 Bloody Mary 就好 " 茄汁 " （當然係平時飲個 D 蕃茄汁，唔咪點薯條個 D 啦），何亨個杯就都係好 Suke Feel ．而朱茜就最型，因為個杯飲品唔單止飲得，仲玩得．

　　侍應拎左個打火機黎，向杯野點火，而最犀利既就係點得著，其他檯 D 人都不禁好奇咁望過黎．跟住由於個度露天好大風，所以點左幾次．我同何亨都好驚奇，因為如果杯野可以點得著火，實會好啃．我地不奇然聯想到 " 酒精 " ， " 火酒 " 同 " 火水 " ，亦都諗過點解唔搵火水爐上 ~ 跟住侍應示意我地行埋去無咁大風既地方玩，朱茜同何亨行左埋去，我就留守檯邊遙望（因為要看住 D 袋，哈哈 ~ ）原來點左火之後隔幾秒，等裡面 D 空氣燒晒，跟住搵手掌 Kup 住個杯口，個杯就會 " 啜 " 住隻手，於是可以好似打籃球咁上下搖晃隻杯，因而得名 Basketball ．玩完之後仲有得飲，我地一人飲左一啖，除左攻鼻之外，未擺到埋嘴都已經 Feel 到個嘴唇慶慶地，可想而知 D 酒精都幾犀利下．

　　之後朱茜意猶未盡，臨走前在 Encore ，再飲一杯．跟住飲到十二點幾就走，走既時候連侍應都話飲到兩杯仲行到好犀利．最後大老闆朱茜請搭的士返屋企．

>>April 27, 2006 at 3:41:17 PM GMT+8

2006 年 4 月 18 日 星期二 【炎熱】

Title：Sayonana

　　隨住 Wing Wing Miss 係 1230 雙手舉起向我地講 Bye Bye ，我地既 Corporate Finance 課程結束 Lu ．

>>April 21, 2006 at 2:38:00 PM GMT+8

2006 年 4 月 16 日 星期日 【颳風】

Title：最新賠率


賽事編號　賽事名稱　　　　　　　　　　現時賠率
LSE 01　　Corporate Finance　　　　　　　　1.30
LSE 02　　Macroeconomics　　　　　　　　 2.00
LSE 03　　Human Resources Management　　 2.55
LSE 04　　Law Of Business Organzations　　　6.20

>>April 21, 2006 at 2:34:21 PM GMT+8

2006 年 4 月 16 日 星期日 【颳風】

Title：熱身賽成績

賽事編號　賽事名稱　　　　　　　 成績
LSE 01　　Corporate Finance　　　　　　　　 18
LSE 02　　Macroeconomics　　　　　　　　 16
LSE 03　　Human Resources Management　　 Absent
LSE 04　　Law Of Business Organzations　　　 41

>>April 21, 2006 at 2:34:17 PM GMT+8

2006 年 4 月 16 日 星期日 【颳風】

Title：外國 Professor 既 Lecture 終於完結

　　今日又上 Law 既 Lecture ，要連踩 1430 - 1730 同 1900 - 2200 ．但係由於一心想返去儸番份 Mock 卷，當阿 Sir 係前半堂派左卷，我既 " 外國旅程 " 就提早結束．

>>April 21, 2006 at 2:34:07 PM GMT+8

2006 年 4 月 15 日 星期六 【颳風】

Title：星期日都上堂

　　今日上外國 Professor 既 Law 堂，即係琴日走左堂個科．個位 Professor 個樣好似 Robbie Williams，Oh My Godness！只係肥 D 同埋個頭 D 頭髮短 D ．而佢所講既英文亦都好 " 英文 " ，完全係細聲 + LUR ，都唔知佢講咩，亦都無咩心機聽佢講咩．於是個 3 個鐘不停咁食零食，結果經過 3 個鐘頭既洗禮，Locker 既存貨亦大大減少．

　　ps. 今日同 D 同學坐埋一齊，咁岩阿 Sir 寫左個 Short Form 又無解釋，結果我地發揮左互助精神，將各人聽到既野 Group 埋一齊先知阿 Sir 講左 D 咩．終於覺得似番一班同學，但係已經剩低一個星期...

>>April 21, 2006 at 2:22:03 PM GMT+8

2006 年 4 月 15 日 星期六 【颳風】

Title：精選遊覽團

今日睇完冰河世紀 2 ，超好睇！！



>>April 16, 2006 at 3:26:06 PM GMT+8

2006 年 4 月 15 日 星期六 【颳風】

Title：精選遊覽團

今次同大家介紹既係呢套戲...既海報，幾靚下！



>>April 16, 2006 at 3:25:58 PM GMT+8

2006 年 4 月 14 日 星期五 【颳風】

Title：企足 11 個幾鐘

　　今日返日馬，返 1030．本來較左個鐘係 9 點鐘起身，但係又禁熄左個鐘，結果訓到 10 點先彈起身，即刻出門口，返到去 1040 ．跟住放 Break （唔駛 Check 電話機，Hehe!!），放完 Break 就企 3/4 B ，見到 Willy 叔叔即刻報名做 En ．

　　企到 12 點幾就落返去自己條 Batch （即係 2/3 D ），今日 Sammy 企左 3 場就上番去，有位叫阿棠既 Team Leader 落左黎，跟住佢就不時撩下我講野，咁我呢 D 好怕陌生人架嘛，梗係無咩兩句啦，跟住佢問：" 點解你咁靜呀? " 我答： " 咁返緊工丫嘛． " 跟住佢話：" 多 D 交流下丫嘛． " 跟住唯有答句：" 哦． "

　　企到第 7 場既時候，有位女同事舉手，話俾我聽佢唔舒服想早走．我就話俾 D 高級 D 既組長聽，佢地問過個位同事情況之後，就放佢走，咁個空位就由我坐，主要係因為我低級 D ，哈哈！於是每場後 15 分鐘就企起身，臨完場 15 分鐘就坐低賣飛．對於一個企左成三四個鐘既人黎講，簡直係天堂！！

　　之後被通知有得做 En （好野!!），同另一位師兄阿輝完晒場之後一人企一邊 Batch ．本來做到 1830 就有得收工，點知 Causal Supervisor 問我有無興趣做到 2200 ，還掂都返到去，梗係做埋佢啦！之後放個 Second Break 之後，又企過，今次企上面既 1/2 B 同 1/2 C ，但係企左一陣就被組長安排去 " 繞場一周 " 搵同事星期一返工，搞下搞下又搞左個幾鐘．跟住又企左一陣，見到入面 D 組長走黎走去，我個兩行相安無事，所以都幾得閒．

　　之後又要拎張 " 加班紙 " 繞場一周，問下 D 遲返工既同事，但係行左半個場就收工 Lu ．今日返左差唔多 12 個鐘，又有 $50 Bonus ，好彩無請假返學嗟！！

　　ps. 個位早走既同事原來係我細佬個 Friend 喎！我返到去既時候，細佬同我講話佢個 Friend 同我講多謝喎！呵呵！

>>April 16, 2006 at 4:02:01 PM GMT+8

2006 年 4 月 13 日 星期四 【颳風】

Title：精選遊覽團

對一個人愛錯　草蜢

或者一生太漫長　才令我的痴心痴到這麼樣
甜蜜開心的挽手　直到一天笑著離場　誰不想

或者失戀太擅長　明白每次艱苦經過同一樣
還未醫得好創傷　便要天天過活如常　沒妄想

為什麼　沒什麼
只因每次付出比得到更加多
恨什麼　沒什麼
只不過一個人　對一個人愛錯

怎麼失戀我擅長　何謂痛的酸的感覺能想像
留在當天的震央　讓痛苦的快樂延長是我想

為什麼　沒什麼
只因每次付出比得到更加多
恨什麼　沒什麼
只不過一個人　對一個人愛錯

離合聚散　這世界每天都發生
而唯獨我　每次也這麼的敏感
若你已經　聽過太多這種怨歌
但願不必要像我　認真

為什麼　沒什麼
只因每次付出比得到更加多
恨什麼　沒什麼
只不過一個人　對一個人愛錯

>>April 16, 2006 at 3:23:42 PM GMT+8