2006 年 8 月 25 日 星期五 【晴】

Title：終於過Provision喇

　　暑假終於完結，今日又要返去馬會，因為我地 D Monitor 有野要 Briefing ．一入到去 Training Room ，就收到期待已久既 Monitor Batch ．雖然只係一張紅色紙，仲要無過膠，但係就意義重大，因為代表小弟已經過左 Provision ，成為正式既組長喇！



　　戴住呢張 Batch 有 D 咩唔同左呢 ? Um...感覺個人有自信左，瘦左，仲靚左添！

>>August 30, 2006 at 6:00:00 PM GMT+8

2006 年 8 月 18 日 星期五 【微雨】

Title：Last Day

　　眨下眼又一個月，終於都到左係公司最後一日既日子．今朝一大朝早就著起三年幾前 First Day 既戰衣出門口，一落到去就見到 184 部車，因為之前約左佢 " 相認 " ．跟住佢就載我返公司，本來諗住會塞車，點知暢通無阻，結果 8 點 20 分就返到去公司，超早！！

　　點知仲早出現就係老闆，原來公司個 Server 一早就 Down 左，所以佢就返左黎整．跟住我整整下野，突然佢又叫我入房傾兩句，只能夠心裡講句： " 你依家先講會唔會遲左少少 ? " ，真係貫徹到 " 估佢唔到 " 既形象．

　　跟住除左要坐台之外，基本上都無咩點做野，算係半休息既一日．趁住 D 同事得閒就走去搵佢地影相．之後坐埋最後一格台就離開公司 lu ．



>>August 24, 2006 at 11:42:22 AM GMT+8

2006 年 8 月 12 日 星期六 【晴】

Title：自閉少年

　　今朝一大朝早，起身洗頭沖涼，諗下返工應該坐邊．突然間先諗起，今日返八點，要坐貨車台， OH MY GOODNESS！！需知星期日坐貨車台，要自己坐埋一邊，又要出 Order ，又要聽電話，自己一腳踢做晒，可以話係自生自滅．

　　返到去，一坐低就開電腦，之後就等電話聽．坐左九個字，個台出奇地靜，之後有個司機打上黎，問：" 台哥，你係咪未開機呀？ " 之後我烏低睇下，原來個無線電機未開，唔怪得咁鬼靜．

　　跟住忙左一輪，抬頭望番出面，點解咁鬼黑，原來我連燈都無開，認真慳電．不過其實出面 D 太陽都算 OK 猛烈，只係久唔久出面陰少少，所以其實唔開燈都無咩所謂，橫掂都係得我自己一個．

　　之後差唔多等到食飯，坐坐下覺得凍凍地，本來想儸件衫著下，不過諗住都就黎出去食飯就懶得行啦！然後 Carmen 入黎替我，一入到黎就問：" 咦 ?! 你無開冷氣呀 ? " 噢！原來我連冷氣都無開！咁究竟點解會覺得凍呢 ? 唔通得番自己一個會覺得凍既 ?

　　跟住，食完飯返黎，忙到飛起，成個晏晝都無停過手，更加無咩時間落 Order ，真係慘！結果做到六點，D 燈終於著，因為阿濃入黎替我收工喇！

>>August 16, 2006 at 3:07:17 PM GMT+8

2006 年 8 月 4 日 星期五 【乍寒還暖】

Title：重回駕駛座

　　今日放工之後，相約何亨同朱茜勁去遊車河，因為朱茜新買左部車．小弟有幸重拾久遺既駕駛感覺，一登上駕駛座，有一陣緊張，對上一次楂車已經係一兩年前既事．慢慢輕踏油門，車子開始移動，感覺好正．可能係駕駛技術生疏左，又有可能係部車比以前個部長，所以 D 彎轉得差左少少，得閒要練番多 D 先得．

　　雖然只係短短馬鞍山至西貢既路程，但都已經過足癮．

>>August 16, 2006 at 2:25:05 PM GMT+8

2006 年 8 月 2 日 星期三 【驟雨】

Title：差 D 變雀仔

　　街上橫風橫雨，樹葉垃圾亂飛，路上行人狼狽不堪既情景，從來都只以為只係文人筆下打風既誇張內容．橫風橫雨我相信，樹葉垃圾亂飛我也相信，但路上行人既狼狽情景總覺得係言過其實，因為我唔認為係烈風之下，仲會有好多人係街上面行．

　　但係今日收早，終於感受到呢個奇景．話說將近收工，窗外傳來霹靂啪勒既聲音，係雨水拍打窗戶既聲，唔駛睇都知有幾大雨．結果要留係公司避多十幾分鐘先走得．落到樓下，想推開玻璃門，竟然推唔開，因為實在太大風，結果費盡九牛二虎之力先推得開．走到街上，除左要望左望右之外，仲要兼上顧下，唔想因工殉職．路上面有 D 男士，縱使係落緊雨，都無選擇擔起雨遮，可能係因為擔同唔擔都會濕身，所以索性唔擔．擔緊遮既，亦都要同 D 無形既風 " 搶遮 " ，非常狼狽．我一路行，一路咒罵點解三號風球都會咁大風．

　　去到巴士站，見到個垃圾筒已經塞滿左壯烈犧牲左既遮．係等緊巴士站既時間，風除左為我送左數之不盡既雨點之外，一陣風仲將我吹到 tun 後左一步，真係蔚為奇觀．最後有驚無險返到屋企，心中既疑問都陪到我返屋企，就係點解颱風訊號係以颱風既距離而唔咪對香港既影響黎決定呢 ?

>>August 7, 2006 at 3:13:50 PM GMT+8

2006 年 8 月 2 日 星期三 【驟雨】

Title：匯匯飯局

　　今日返 7 點， 11 點就有得放 Lunch ，咁岩老闆 Gary 同幾個人係會議室開會．我叮番熱 D 飯，正當差唔多叮完既時候，佢地就開完會．

　　跟住 Gary 見到我話：" 咦 ?! 阿匯咁早食飯呀? "
　　我答：" 係呀 ! 我返早嘛... "

　　瞄到 Gary 好似諗住陣野，猶豫左一陣，都係講句：" 未食飯哦呵 ? 入黎傾兩句丫 ! "
　　" 好呀 ! 我都想搵你好耐 ! "

　　入到去將已經積左係心入面既野同佢講，當做離開前送番份禮物俾佢．交談既氣氛可以講話係好坦誠，因為我都唔怕得罪邊個，反正我係實話實說，難得 Gary 都唔收收埋埋．

　　內容就不便公開，但係只能夠講佢既理論係好反傳統 ，雖然我地只係傾左短短既半個鐘，就已經 " 獲益良多 " ．估唔到讀電腦出身既佢，Management 都有自己既一套．我諗佢如果唔做老闆，去到大學都可以自己開一科新學科．

>>August 6, 2006 at 4:10:33 PM GMT+8

2006 年 7 月 27 日 星期四 【晴】

Title：Feel

　　終於知道 " 不吐不快 " 的感覺是怎樣的．

>>July 28, 2006 at 2:46:38 PM GMT+8

2006 年 7 月 21 日 星期五 【酷熱】

Title：我找到了

　　經過多日來既資料搜集，終於鎖定目標．當你見到呢個 Post ，任務已經完結...



>>July 28, 2006 at 3:30:40 PM GMT+8

2006 年 7 月 18 日 星期二 【晴】

Title：最後答案

終於作了這個決定
　　　別人怎麼說我不理

>>July 28, 2006 at 2:35:04 PM GMT+8

2006 年 7 月 15 日 星期六 【颱風】

Title：一試便知龍與鳳

　　今天貪新鮮同心心仔走去 KFC 試下新出既 " 香草蒜脆雞 " ．要試這種新口味，一係就叫 128 個個餐，一係就叫普通餐再每舊雞加五毫子．我地兩個人的確食唔起 128 既餐，最盡都係食到普通全桶 98 蚊個餐，於是豪一豪佢，全部轉晒 " 蒜脆雞 " ，挑戰 100 大關！

　　拎到埋黎，食左 D 前菜先，包括粟米，薯蓉同磨菇飯（因為驚食到尾食唔晒）．食完 D " 前菜 " 都有一半飽．跟住就食雞，第一啖食落陣味好熟，連口感都好熟．第二啖食落，" 咦？！有 D 似香茅豬扒喎！咦？！ D 雞咁乾既！ " 原來唔單止陣味似香茅豬扒，連口感都似，根本就係一塊似香茅豬扒既雞！認真係既驚喜又失望...



>>July 28, 2006 at 3:23:38 PM GMT+8