2006 年 10 月 24 日 星期二 【晴】

Title：精選遊覽團

遊巴黎夢碎須心理治療

法國對很多遊人來說是浪漫的象徵，但誰會想到有遊人去過法國後要看心理醫生？每年約有12名日本遊客去過巴黎後，遭當地人不友善對待，並親眼看到骯髒的街道，以致期望幻滅，需要接受心理治療。

法國《星期日報》(Journal du Dimanche) 報道，服務於聖母大教堂附近神之家醫院的心理學家馬莫迪亞稱：「約有三分一病人立即好轉，另有三分一病人會復發，其餘則罹患精神病。」

就在今年，日本駐巴黎大使館必須送回至少4名遊客，其中包括兩名婦女認為，於旅館房內遭竊聽，並有對付她們的陰謀。

報道引述一名日本大使館官員稱，先前的病例包括，有一名男子自信是法王路易十四，有一名女子就認為，她遭微波攻擊。

心理學家班哈默表示，當遊客對某個國家的認知與事實發生衝突時，可能導致危機，脆弱的遊客便會抓狂。

該報將這種心理現象稱作「巴黎症候群」(Paris Syndrome)，精神病學期刊《Nervure》在2004年時便已率先探討。

在法國協助日本家庭安頓的Bernard Delage of Jeunes Japon協會指：「在日本商店中，顧客至上；然而在這兒，店員幾乎不正眼瞧他們...使用公共交通工具的人看來都很嚴峻，而竊匪更令遊人感覺厭惡。」

Source：都市日報

>>October 25, 2006 at 3:10:27 PM GMT+8

2006 年 10 月 24 日 星期二 【晴】

Title：Advertisement

　　小弟第一日北京之旅已經寫好，請各位到 10 月 10 號日記參觀 ～

>>October 24, 2006 at 5:35:26 PM GMT+8

2006 年 10 月 23 日 星期一 【晴】

Title：精選遊覽團

　　今日儸個散子包出黎，發覺紙巾 Package 既貼紙，貼左係貓貓既面上面．


一公升眼淚 -- 池內亞貓

>>October 29, 2006 at 4:20:32 PM GMT+8

2006 年 10 月 22 日 星期日 【晴】

Title： Day 7 in CP

　　今日坐坐下係 Customer Service Counter 既時候， "署理店長" Angela 突然掉左本書埋黎，跟住就走左，我以為係 D 客掉係中文部既英文書，所以無理到．隔左一陣，諗住將本書執番上架，睇下原來係本將 "廣東話拼音字" 轉做 "倉頡碼" 既字典，原來佢係想俾我坐係度既時候，學下倉頡，真係感激萬分！

　　等佢再經過我個 Counter ，我就碴住本書同佢講多謝晒．跟住佢就話："咩多謝呀...遲 D 你入黎跟我個時要識晒架喇！" 之後，又有同事俾個倉頡字母表我睇，我都影印埋，今次雙管齊下，實要學識架！起碼都要識速成！！

>>October 24, 2006 at 6:42:14 PM GMT+8

2006 年 10 月 21 日 星期六 【晴】

Title： Day 6 in CP

　　今日我自動走左去 Customer Service Counter 坐，因為繼續幫讀者申請做會員．或者你會有疑問：你知道晒 D 書擺邊喇 ? 你識查書喇 ? 好似你連速成都未識喎，點幫人查 ?

　　經過呢 6 日既學習，雖然我都未幾得晒邊個書架擺 D 咩書，但 D 大路類型既書，我都記得大約擺係邊度，但係問我某本書擺係邊，我就真係未必知，唯有周圍走來走去搵同事幫手．

　　至於查書，英文書都 OK ，查中文書就會指 D 客人去中文部查．而速成呢個問題，小弟都正努力鑽研，依家大概一分鐘兩三個字啦～～哈哈～～

>>October 24, 2006 at 6:30:09 PM GMT+8

2006 年 10 月 20 日 星期五 【晴】

Title：Day 5 in CP

　　話說今日半推半就去左 Customer Service Counter ，點解 "半推" ? 因為我地分店大致有 3 個 Counters ：一個係中文部，一個係英文部，一個叫 Customer Service ．我地英文部同事除左要負責英文部 Counter 之外，仲要坐 Customer Service ．話得係 Customer Service ，當然所有關於 Customer 既問題都要處理啦，咁我地打開門，最多除左係 Customer 之外，仲有 D 咩丫? 咪就係 Customer 囉！Customer 唔理邊個部打邊個部架嘛，有野問就會去 Customer Service Counter ，所以坐得係呢個位，唔單止要識查書，仲要知道晒唔同種類既書，大約擺係邊度，無番咁上下功力都唔掂！

　　至於點解會 "半就" ? 因為第一無同事得閒坐，二來周末幫緊讀者申請做新會員，幫人處理下申請，我都仲應付到，所以就第一次坐呢個 Counter 喇！好驚！！　＞＿＜

>>October 24, 2006 at 6:18:15 PM GMT+8

2006 年 10 月 19 日 星期四 【晴】

Title： Day 4 in CP

　　琴日放假，所以今日先係第 4 日．今日除左要繼續執書之外，仲係嘉敏同貨倉同事阿湘既指導下，入去貨倉學將 D 書拆箱．好彩個貨倉都有冷氣，仲凍到想加多件衫添！

　　跟住就拆左大約 10 幾箱貨，拆貨都幾好玩，因為唔駛驚係出面成日唔知幾時有人埋黎問野，而且部條碼機都幾好玩．不過，由於有好多間唔同既出版社，每張單都唔同樣，連入 Data 既方法都唔同，睇黎我過多兩日都會唔記得 D Procedures 架喇！ :P

>>October 24, 2006 at 6:01:08 PM GMT+8

2006 年 10 月 17 日 星期二 【晴】

Title：Day 3 in CP

　　今日識埋最後一位英文部既同事，叫阿幗，咁我地成個英文部 4 位同事都識晒 lu ！

　　今日要學執書上架．因為的確唔擺過係好難記，亦都唔知自己有 D 咩係唔知！我搵到個好地方開始著手，就係大專區，因為最難分類既 Business 我都有讀過，起碼都知 Management ， Marketing 同 Finance and Investment 係點分．其他 Physic ， Chemistry 同 Biology 就擺埋 Science 個堆，Law ， Philosophy 同 Psychology 就自己有一兩個 Shelf ，最重要就係唔駛跟書名或者作者名執書，好似易好多！

>>October 24, 2006 at 5:53:20 PM GMT+8

2006 年 10 月 16 日 星期一 【晴】

Title：Day 2 in CP

　　今日認識左兩位都係英文部既同事，兩位都係男仔，一位叫嘉敏，一位叫阿溢．因為教我既主管 Ling 姐成日都要周圍走來走去做野，所以有起事上黎，都要靠呢兩位同事拯救．幸好佢地都好 Nice 好 Helpful ！

　　今日最主要係繼續認住邊個架擺 D 咩書，同埋要學識用公司個 Program 查書，因為坐係 Counter ，成日都會有讀者黎問： "有無呢本書?"

>>October 24, 2006 at 5:45:46 PM GMT+8

2006 年 10 月 15 日 星期日 【陰】

Title：Career Start !!

　　終於有份新工，今日第一日返工．至於我係邊間做野??秘密！！你地下次黎開我地既分店，可以搵下見唔見我既～

　　今朝一早九點入左大埔總公司，聽 Briefing ．Brief 我地既係李生，即係 First Interview 我地個位．我地六個 Second In 既 Candidate ，今日出現左四位．跟住李生就同我地 Briefing 左三個半鐘，途中都有填下資料，簽 Contract 同埋填下 MPF 個 D 啦．之後我地就去左富善村既酒樓飲茶，仲多左兩位負責文化節目同 Promotion 既同事．食完之後，就搭巴士出去分店返工．

　　出到去分店，就有 D Department Heads 同我介紹間分店既野．我被委派去英文部，因為佢地覺得我讀左個英國大學既 Degree ，就會英文好掂，Oh My Goodness!! 我最叻都係講呢句！不過都有樣好，就係查書淨係查英文書，未需要用 "倉頡" 同埋 "速成" 住，不過要學都係遲早既事．

>>October 16, 2006 at 1:59:56 PM GMT+8