2006 年 12 月 1 日 星期五 【晴】

Title： Cheap 人到處有

　　本來我地 D 書通常都有膠袋包住，會留番一本無包既俾讀者睇，但係有時 D 書好貴，俾人揭多兩揭就會殘晒，變左賣唔出．其實如果 D 讀者走黎問問我地，基本上都會開俾佢地睇（除左漫畫之外）．但係有 D "熟客" 似熟賣熟，知道我地唔會話佢地，就擅自拆開 D 書黎睇．

　　有 D 好心既會入番膠袋擺番上架，但係因為個袋開左口，我地睇到都係要包番，所以雖然係 "好心" ，但係都係 Limited 既好心．

　　有 D 人會就咁擺番上架，自己帶走個膠袋去掉，咁樣都算幾好，因為我地唔駛執手尾（如果佢擺番岩位既話）．

　　有 D 人拆完會將本書擺番上架，但係將個膠袋周圍 "懾" ，呢 D 都算係衰，因為通常我地係巡架既時候都起碼會 "不經意" 搵到兩三個，有 D 係書上面，有 D 係書中間，有 D 係書底下，甚至係書後面！

　　開始叫得做賤既就係個 D 睇完周圍擺，仲要擺成棟書係 D 架上面，完全係極度自私既行為．一本書都唔買，睇霸王書已經不特止，仲要人幫佢執手尾！

　　而今日見到既情況可以講話係 "賤人之霸" ，話說我今晚臨收工前巡架，見都成堆書係度，有三本係笑話書，有兩本飛機汽車雜誌，仲有一本叫 "老咸書" （介紹香港成人雜誌歷史既書），仲有一堆膠袋同埋一條寫住 "要年滿十八歲才可閱讀" 既字條．我本來都知條紙條好似唔咪屬於本 "老咸書" ，但係成棟書得個本係比較三級，所以都係拎番中文部先．

　　跟住問同事，同事話條紙條係屬於 "AV現場" 既，但係成棟都無．我怕個條 "麻甩佬" 唔知將本書懾係邊度，俾其他讀者睇到就唔咪咁好，所以都係要返去搵番本書．返到案發現場，係岩岩發現個棟書既地方，發現呢個賤人竟然將本 "AV現場" 擺係兩本英文書底下，真係賤得夠 "勻循" ！

>>December 2, 2006 at 5:09:05 PM GMT+8

2006 年 11 月 29 日 星期三 【晴】

Title：第一次去公幹

　　期待已久既廣州參觀之旅，終於係今日起行．不過一大朝早，就要係上水集合，仲要係八點咁早．天呀！人家十二個鐘頭前仍然係公司返緊工，十二個鐘頭後竟然要係上水出現 ?!! 幸好細佬抵得諗，晨早流流都肯同我落去麥當勞叔叔展開一個 Good Day ，特此鳴謝！！

　　之後去到上水月台，我就見番離別已久既 Yuki 、 Crystal 同 Kitty ，佢地都係同我同期既 Trainee ，大家都似乎 "別來無恙" 哦！等齊人之後，一行十人就齊齊北上，過完關就搭上 08:50 既直通車上廣州．

　　去到廣州之後，就有當地既職員迎接我地，跟住我地就上左一部客貨車．平時香港既客貨車頂多坐七八人，但係我地成十一二個人上車，可知有幾迫！不過幸好小弟 "高大威猛，英俊瀟灑" ，所以有得坐車頭乘客位！哈哈！！！

　　經過一陣既車程，就去到當地既購書中心，由於呢間 "黃金屋" 實在太多 "黃金" ，所以都無咩點裝修，因此其實係一棟貨倉大樓．行左幾層，就去左我地公司既物流中心，當然亦都係另一個貨倉！

　　之後，不可不提個餐午餐，由於店長 Angela 預先講過我地呢餐會有好野食，所以都幾期待．結果，第一樣係 "清補涼雞湯" ，雖然幾好飲，但係都好多油．

　　第二碟送先係經典 --- 燒鵝拼盤，燒鵝排係碟既中間，但係旁邊全係有 D 透明既膠片狀物體，唔講以為係伴碟，點解原來係肥叉燒！！！！而夾起呢塊 "叉燒" ，向住陽光望，竟然係全透明，係一條肉狀既物體都係無，絕對可以用 "晶瑩剔透" 黎形容， 驚嚇度可以話係十分！！！！！！而 D 燒鵝亦係一絕，假設成舊鵝高 10 cm ，舊皮竟然佔 5 cm ！！一向崇尚飲食清淡既我，當然係唔夠膽掂呢碟 "極品" ，只係篤左既舊鵝黎食，當然要 lur 皮先落得肚，因為我驚我食完會因為急性血管閉塞而客死異鄉，但身旁既小姐們竟然係一人一舊，真係女中豪傑！

　　之後好彩仲有其他家常小菜，好似炒排骨、莧菜、紅燒豆腐等等，最值得拍掌就係 "肉竹煲蓮藕" ，因為 D 蓮藕夠飽肚！跟住緊接去左三間書店，都好 "港式" ，難得係當地顧客都好有公德心，唔會將 D 書睇完周圍擺，整體黎講都好乾淨！最尾去既廣州圖書中心勁大間，有成四五層，好似香港既中央圖書館咁犀利，裡面既英文部由於係商務幫手搞，所以都有我地門市既色彩．而裡面除左裝修有我地特色外，連價錢都同我地一樣咁滯，可見廣州原來都有 D 人係好有錢囉！

　　睇完呢間圖書中心之後都成六點，天都黑齊，然後就搭番直通車落深圳，之後就同番 D Trainee 同事搭火車返屋企 lu ！

>>December 2, 2006 at 4:18:54 PM GMT+8

2006 年 11 月 28 日 星期二 【微冷】

Title：精選遊覽團

李克勤 --- 公主太子

想起通宵巴士的淡淡往事
當天的你公主般愛著太子
創造童話主角
用沿路街角名字　寫滿白紙

球鞋的天堂曾共渡太多傳奇
行人專區同遊媲美動人花都香氣
寒夜跟你　看萬條小金魚熱舞場地

沿途共抱擁　看幸福彩虹
殘酷世界裡也是場美夢
漫遊緊握的手不放鬆
迴腸蕩氣　刻骨銘心中

期望將閃閃鑽石的山頭
回贈我愛侶　美麗如天后
在停車一刻都不要走　長留獨有
車廂裡一個宇宙

一天公主深感生活沒意義
勾勾手指比不起鑽石戒指
最後你講一次
若人望高處時候　總要自私

平民的天堂如地獄裡的日期
無人的足球場觀眾席如幽谷詭秘
呆坐等你　眼淚連湧出都沒有權利

沿途共抱擁　看幸福彩虹
殘酷世界裡也是場美夢
漫遊緊握的手不放鬆
迴腸蕩氣　刻骨銘心中

期望將閃閃鑽石的山頭
回贈我愛侶　美麗如天后
在停車一刻都不要走　長留獨有
車廂裡一個宇宙

沿途共抱擁　看幸福彩虹
殘酷世界裡也是場美夢
為何緊握的手一放鬆
原來劇痛　刻骨銘心中

期望將閃閃鑽石的山頭
回贈我愛侶　美麗如天后
在停車一刻始終要走　原來沒有
車廂那一個宇宙

>>November 29, 2006 at 4:07:46 PM GMT+8

2006 年 11 月 28 日 星期二 【微冷】

Title：精選遊覽團

新歌：古巨基 --- 愛美麗

Hey Yeah
不捨得再低頭　怕你被人掠走

你瞬間　沉睡了多久
望你側了頭　沒法更輕柔
這一剎變永久　時間帶不走
欣賞你淺睡　如國畫清秀

愛在我心　心卻在顫抖
彷似藝術品真想看個不休
人間罕有　像愛長流

不捨得再低頭　不捨得再飄流
只恐一眼走漏　便會損失你一晝
捐出一世溫柔　怕會被人掠走
看到一幅好畫不一定擁有

多得你愛得到　帶得走
You are so beautiful beautiful

你髮端　流浪過我雙手
滑過左到右　像舞起絲綢
不經意轉過身　就似幅蘇繡
風吹你低頭　全世界低首

愛在我心　心卻在顫抖
彷似藝術品真想看個不休
人間罕有　像愛長流

不捨得再低頭　不捨得再飄流
只恐一眼走漏　便會損失你一晝
捐出一世溫柔　怕會被人掠走
看到一幅好畫不一定擁有

很想安放心頭　很想收進雙眸
一生一世不走　完美到不會開口
捨不得你溫柔　我會虔誠自首
看到這幅好畫必需要擁有
初戀決不鬆手

You are so beautiful beautiful
不知可讚多久
Beautiful beautiful Yeah...

很想安放心頭　很想收進雙眸
一生一世不走　完美到不會開口
捨不得你溫柔　我會虔誠自首
我這麼愛你　一生稱讚不夠

You are so beautiful
You are so beautiful
You are so beautiful

>>November 28, 2006 at 5:18:23 PM GMT+8

2006 年 11 月 28 日 星期二 【微冷】

Title：又到聖誕

　　唔驚唔覺，又到聖誕！今年提醒我既，係一班雪人仔！！



>>November 28, 2006 at 5:10:36 PM GMT+8

2006 年 11 月 27 日 星期一 【微冷】

Title：馬會 Part-time の終結

　　今日趁住休息，同左心心仔返去馬場交辭職信．

　　行番去火炭既時候，竟然撞到兩位都算係個度同我最好傾既 Auntie ，平時佢地應該返 11 點幾架，今日唔知點解佢地會返 3 點 3 呢 ? 可能冥冥中安排我同佢地講拜拜啦！

　　Anyway，再見 lu ，馬會！

>>November 28, 2006 at 4:59:20 PM GMT+8

2006 年 11 月 23 日 星期四 【陰】

Title：SK ReU

　　今晚同番舊同事食飯，雖然大家有 D 已經離開左公司，有 D 繼續留係公司，但係都唔會生疏左，都算好好．不過，縱使大家工作既地方已經唔同，但係最緊要係做得開心，繼續為未來努力啦！

>>November 28, 2006 at 5:05:12 PM GMT+8

2006 年 11 月 21 日 星期二 【雨】

Title：第一次做 "迎送"

　　今朝一大朝早就要提早返舖頭開 OT ，因為今日我地分店做圖書特價場，將其他分店 D 舊貨，集合晒係我地分店做特賣．

　　不斷咁拆貨拆左成個幾鐘，就去開早會，Crystal 宣佈分工既時候，竟然出現左我個名，就係編左做 "迎送" ．做迎送就即係開舖既時候，會企係門口講 "早晨！歡迎光臨！" ，同埋收工既時候，又企係門口講 "多謝晒！拜拜！" 亦由於我地門口有凳俾讀者坐，所以開閘同閂閘前都要將出面個六張凳搬出同搬入．但係當我知我要做 "迎送" 既時候，都未知要做呢 D 野，所以趁未開閘之前，要急急腳問阿幗究竟要做 D 咩．

　　跟住就開閘，朝朝早都有幾個讀者等我地開門，真係神心！而除左講 "早晨！歡迎光臨！" 講得最多之外，就係同 D 外國人講點去北京樓，因為好多人盲中中上到黎我地三樓，發覺無得上去四樓既北京樓，皆因要搭隔離條電梯先得，所以一大朝早就要講一大堆英文．

　　之後入返去展覽廳繼續拆貨，拆左一個鐘終於有人營救我，因為 Ling 姐同麗玲都要去食飯，所以就叫我返英文部 Counter 幫手，亦都由於今日撞岩嘉敏同阿溢都放假，無得同同事傾計，唯有坐係度包下書，同間唔中出去執下架，仲有就係坐係 Counter 睇埋本 2007 年星座書 ，Hehe ！！

　　閂閘前十分鐘又要企番係門口，一方面要送走離開既客人，另一方面要同 D 依家先黎既客人講我地就黎收工，等到清左場先有得收工．今晚由於我地成班有阿邦請食飯，所以成班都趕住走，於是由於女多男少既關係，佢地成班女士就閂埋門係貨倉裡面換衫（平時就係係貨倉既其中一角換既），我地就係出面等．之後就成班同事搭巴士去左鹿鳴春食飯 Lu ！

　　ps. 本星座書睇完，下一步向一公升眼淚進發！！

>>November 23, 2006 at 5:36:26 PM GMT+8

2006 年 11 月 18 日 星期六 【陰】

Title：第一次去收銀...處幫手

　　今日係星期日，生意都算唔錯，起碼多左人黎行先，唔駛拍烏蠅．話說今日包包下書，收銀處同事打電話過黎話搵人出去幫手，咁我地當時 Counter 有三個人：嘉敏就對住電腦搞緊 D 單據；麗玲就聽緊電話（係收銀處打黎個個）；而我就包緊書．咁似乎我比較得閒 D ，就出左去收銀處幫手．

　　由於收錢係一項非常神聖既任務（因為收錯錢而自己俾番），所以我只係負責幫手將過完收銀機既書擺入膠袋裡面．唔好睇少呢個步驟喎！因為多個人幫手入膠袋，的確快好多，事關有時將 D 入落膠袋既時候，個書角會 Chik 住個膠袋，搞到手忙腳亂，因此呢個重責就會交俾我呢個助手慢慢搞．之後過左幾個客，收銀同事直程將碌完卡既 "手尾" 俾埋我搞．雖然好忙，但又覺得幾好玩！

　　唔知係緊張定係環境既關係，全程都流汗 ＞＜

>>November 20, 2006 at 5:26:09 PM GMT+8

2006 年 11 月 17 日 星期五 【晴】

Title：Advertisement

　　小弟第四、五日北京之旅 與 "旅遊の終結" 已經寫好，請各位到 10 月 13 、14號日記參觀 ～

>>November 18, 2006 at 3:51:57 PM GMT+8