2006 年 7 月 15 日 星期六 【乍寒還暖】

Title：Back To Home

　　今日終於得閒去黃金買返個 Router ，令我大約成個月寄居於細佬部電腦既生活終於結束，感覺良好！！

>>July 16, 2006 at 1:46:53 PM GMT+8

2006 年 7 月 11 日 星期二 【晴】

Title：忙到呢...

　　今日返工唔知點解咁鬼忙，都無咩時間係靜過．到左差唔多五點鐘，終於靜番少少，先記得今日係大日子 --- 就係入黎成記三周年喇！！

>>July 12, 2006 at 2:22:33 PM GMT+8

2006 年 7 月 9 日 星期日 【晴】

Title：你是最好的，你知道嘛 ?

　　今朝凌晨捱夜睇波，係意大利對法國，森保達兩分鐘已經儸黃牌，幾驚會重演幾年前歐洲國家盃，意大利對荷蘭，森保達十三分鐘被逐，意大利捱打一百零七分鐘既悲劇會重演．雖然森保達繼續有得踢，但係七分鐘輸左一球十二碼，即刻心諗：" 又係輸埋 D 咁既波，如果最尾輸波都係自己儸黎！ " 好彩幾分鐘之後，馬達拉斯接應派路開出既靚靚角球頂入，先至舒番一口氣．跟住踢下踢下，都無入球，最終都係要以十二碼解決．相信好多球迷都知道，意大利經常都可以係呢 D 大賽保持不敗，但係就次次都係因為十二碼出局，今次仲要係決賽添，真係一額汗．結果意大利竟然可以五射五中，順利捧走失落廿四年既世界盃，對上一次已經係小弟出世 lu ．

　　除左 " 蹬 " 意大利高興之外，亦都要恭喜我最鐘意既派路．因為佢終於走出歐冠盃既陰霾，係呢屆世界盃大放異彩．除左係第一場對加納，四強對德國當選 Man Of The Match 之外，係呢場對法國既決賽亦再次成為 Man Of The Match ，即係全場最佳球員．派路除左緊守自己既防守中場一職之外，亦因其準確傳送，成為球隊既 Keyman ．球隊既每一個攻勢，都總係要由佢發板．教練甚至係攻擊中場托迪狀態低沉既時候，收起托迪，直情交晒俾派路 " 喳 Fit " ．

　　當然，意大利隊既成功，全隊球員既功勞都好大，好似加度素走不完既氣力，簡拿華路係後防一夫當關既表現，保方既敏捷身手，馬達拉斯既頭鎚，格羅素既出色助攻...不禁要講一句：" 你是最好的！！ "



>>July 13, 2006 at 4:45:07 AM GMT+8

2006 年 7 月 4 日 星期二 【晴】

Title： Farewell For Ivan



>>July 8, 2006 at 2:37:25 PM GMT+8

2006 年 7 月 3 日 星期一 【乍寒還暖】

Title：依依不捨

敬愛的 Ivan ：　

　　今天您終於要離開公司，十分不捨．從今天開始，我在公司裡就再沒有上司，因為我的上司只有一位 --- 就是 Ivan 大佬 !!!

　　祝福您前程錦繡 !

　　匯上

>>July 4, 2006 at 10:25:21 PM GMT+8

2006 年 7 月 1 日 星期六 【乍寒還暖】

Title：50蚊等於??

　　今日係呢個馬季最後一日賽事，有 50 蚊 Bonus ．但係呢 50 蚊都唔易賺，首先一返到去就例牌 Check 電話機，今日 Check 下面個 D 機．平時 Check 左一兩行就會有同事落黎幫手，但係今日 Check 左三四行都無人落黎，已經心知不妙，但係電話機始終係要繼續 Check ． Check 下 Check 下已經成個 D Block Check 晒，即係等於 5 x 32 + 16 = 176 部電話機， Check 到條腰骨都有 D 痛．跟住繼續係咁 Check ，Check 到第 6 行半先有一位同事落黎幫手，結果都最尾我 Check 左 8 x 32 + 16 + 6 + 13 = 291 個電話機，佔樓下 342 部電話機既 85 % ，真係救命．

　　跟住就去 Break ，點都要 Break 多一兩個字先補番數，跟住走左落下面，點知要跟 Willy 叔叔個行，真係慘，因為我成日都聽唔明 Willy 叔叔講咩．但係最慘都仲係班上面班 Auntie 大駕光臨小弟呢行，其中一位 Auntie 同埋個男仔真係煩到嘔，成日話個冷氣大風，要我儸張膠紙貼住天花板個出風口，連一吋長既罅都要貼住，結果佢地為左個罅仔煩左我七次．跟住其他 Auntie 又出聲，因為貼住呢個 Auntie 既出風口， D 冷氣谷晒去其他 Auntie 既出風口，好彩阿棠係呢個時候出現，話貼住個天花板既冷氣口太危險，叫我唔好整，如果唔咪真係要貼到完場都未貼完．

　　跟住 William 又落左黎我個行，一黎到見到 D 同事唔跟住去 Toilet 既秩序去 Toilet ，即刻問我點解無睇住 D 人去 Toilet ，跟住就一路係咁係我耳邊講要看住 D 同事，唔好俾佢地蝦番轉頭．結果，我係 "三面夾擊" 既情況之下，終於能夠全身而退，打直咁離開 1/2 D ．之後上去搵個位 " 哩 " 埋，見到阿輝打眼色叫我去佢個行，傾左陣計．又走過去搵阿成同 David 吹左陣水， hea 埋 D 時間，呃多陣錢就走 lu ．

>>July 2, 2006 at 2:55:08 PM GMT+8

2006 年 6 月 28 日 星期三 【乍寒還暖】

Title：香港怪事錄

　　公司的客人真係無奇不有，有時真係俾佢地殺一個措手不及．唔知自己係邊同埋唔知想去邊既人早已經司空見慣，更甚的連對香港既基本常識都無，好懷疑究竟佢地係咪身處香港．

　　話說新同事聽到個電話話個客唔行隧道，但係明明佢係西環去青衣，點可以唔行隧道 ? 於是我就拎左電話黎聽，個女人問西環去青衣幾錢，我就報左個經紅隧既價錢俾佢知，因為行紅隧最平．跟住佢問唔行紅隧幾錢，我就報左個行西隧既價錢俾佢聽，當然行西隧仲貴啦！之後佢問 " 係咪可以唔行隧道架 ? " 我唯有答佢： " 我呢 D 唔咪船黎個喎！ " 好奇怪佢又無咩反應，淨係諗緊野咁 " 哦 " 左一聲，睇黎佢真係唔知過海一定要行隧道呢！

>>June 29, 2006 at 3:41:48 PM GMT+8

2006 年 6 月 28 日 星期三 【乍寒還暖】

Title：Please Slide Down

　　鯉魚門 Camp 既相已經 Upload ，請移玉步往 6 月 16 日日記參觀 ~

>>June 29, 2006 at 3:21:55 PM GMT+8

2006 年 6 月 27 日 星期二 【雷雨】

Title：開心大使

　　今晚跑夜馬，企左去 Addison 個行，企佢個行都幾好，因為放 Break 個 D 野佢會自己搞晒，亦好佩服佢唔駛對住個 Seat Plan 都記得晒我地呢行 64 位同事，邊個 Break 左，邊個未 Break ，連邊個坐邊個位都記得晒，真係成為我既偶像．

　　而我既工作就係抄 Seat Plan ，派改時間同請假紙，同埋行黎行去準備幫同事解決問題．但係由於季尾臨近，有 D 同事會升職級，又加上我係 Monitor 既關係，所以有幸幫同事換職員證上面既 Label ．幫同事換 Label 都幾開心，因為可以話俾同事聽佢地升左職，見到佢地開心自己都好開心．

>>July 2, 2006 at 2:14:24 PM GMT+8

2006 年 6 月 25 日 星期日 【清涼】

Title：終於都...

　　唔開心...

>>July 4, 2006 at 10:25:16 PM GMT+8