2003 年 2 月 27 日 星期四 【晴】

今日係星期五，晴。

今日總算一切都順利過渡。由於尋日冇miss chan堂，所以今日補祝。中文堂原本用來默書，
在默書前miss原本想鬧人(綜合練習有人未完成)，在開口之際呂文婷從門口進來，手拿蛋糕，
miss即刻想鬧都鬧唔出口，見到佢面有少少紅，應該是有點驚喜吧！但無奈…仲係要默書，
不過問題不大，唔知點解我尋日背呢課野(將進酒)時極快背識，覺得佢好鬼順口。
但無奈最後錯左兩個字，不能完我一百分之夢…遺憾！

今個月內，有三個老師生日，他們都係教我中、英、數，實在太巧合！
係好事之餘也可說是錯事，因為今日黑板上寫：「各位靚仔/女 交班會費12蚊…」。唉…
又屈錢，開心的代價帶來的是金錢的損失。

下星期好似有好多野要做，如phy、chem、a math test、作文…等等。對我來說係一大挑戰，
我要維持現在的狀況(交齊功課)，但給我力量的只有自己，我一定可以的！

今日最尾o個堂上bio…派尋日份test paper，老師在派之前話佢改卷到派卷前都很不愉快，
這是可以理解的…我地成績唔好即係佢教得唔好，當然唔開心啦…但我地自己都有責任，
我自問o個日溫得真係唔夠…一定要繼續努力！

今日lunch時霆鋒俾人攪，攪攪下睇到唔對路…真的驚佢發老脾，所以我都係唔攪為妙。

今日番home，henry同我講佢俾霆鋒隱左形，因為info寫的改編詩：將訓街(原詩為將進酒)，
那詩最後幾句講霆鋒的，但我估這只是導火線，主要原因有很多，不能盡錄。
於是我就口癢問下佢做咩隱henry形，得知佢極不滿經常被人話不羈，


各位人兄，下次醒水啦，唔好講咁多(我只能幫到這樣)
今日某人還左十蚊，仲欠一百七十元正！

>>March 1, 2003 at 10:54:37 AM GMT+8

2003 年 2 月 26 日 星期三 【晴】

今日係星期四，晴。

今日是上學的日子，頗悶的日子。今日從miss shek口中得知今日原來有兩個老師生日，
他們分別是教數學的彭俊文和教中文的陳燕如。由於lunch前先知，所以沒有特別準備，
miss chan決定聽日先慶祝。彭sir就今日攪。

lunch後Kiwi就買左個小蛋糕番o黎，幫阿sir攪生日，所有野都係今日先攪，但都攪得唔錯，
阿sir講野雖然衰d，但真係真係好好笑！我要取長補短，學佢的攪笑而唔學佢講得咁hurt人。
佢今日見到有人拎個蛋糕出去o個時睇得出佢真係有點驚喜，哈哈！我地班經常都做出一d意想不到的事。
有趣有趣！

今日放學後test bio…test到想死咁…mc都唔識…點解會咁ga呢？
我溫bio的方法可能錯了，下次一定唔會！

近日越來越愛聽歌，真的是一種享受，最緊要係唔駛錢A_A hee…

今日d人仲未還錢，仲欠一百八十元正，快d還啦…煩！

>>February 27, 2003 at 3:41:07 PM GMT+8

2003 年 2 月 25 日 星期二 【晴】

今日係星期三，晴。

[此日記在27號時補寫]

今日發生的特別事情不多，在學校的生活總是這樣的的，十分悶！今日上bio堂時好想訓…
唔知點解，淨係得bio先會想訓…其他堂都十分精神。

聽日測英文同bio，我仍然堅持在晚間不溫書，在早上溫，希望能成功！
今日唔記得帶野…又俾miss睥住…好唔掂，可能因為我以前成日唔帶野，而家佢對我有成見，
這都是正常的，可了解…而家開始要做番個學生，但機照打。

平凡的日子對我來說不是好事，我喜歡的是挑戰，所以每當上數學堂時都會比其他堂精神，
如果找不都新野，我想我一定會悶死。

今日herny同我講野，

本人深感君之無聊，對曰：「無聊！」，
君曰：「證明你仍不能與無聊共存，我會考慮出席閣下的葬禮。有緣再會！」。
我始終唔信不甘平凡的後果是死，人生豈能只得無聊呢，我一定唔會！

>>February 27, 2003 at 8:23:04 AM GMT+8

2003 年 2 月 24 日 星期一 【晴】

今日係星期二，晴。

今日係陸運會後的假期，原本今日諗住在家中訓下覺、聽下歌，但霆鋒叫我去食LUNCH，
冇理由唔去GA嘛，霆鋒喎，好難得。佢原本話帶條女去，但最後冇帶，仲要遲到…可惡！

我同佢食完野就四圍行，行左陣，買過Splinter Cell後，就無聊咁走左出公園。
之後坐左o係草地，坐左一陣，仲訓埋o係o個度。

閉上雙眼，陽光在刺我的眼簾，微風輕輕的走過，一切都像在保護著我，
躺臥在草地上，軟綿綿的小草用溫柔的手托著我，又傳來有一陣陣草香，
張開雙眼，看到藍天白雲，燦爛的陽光，廣大的海，海中有個翠綠的島，
這一切形成一幅美麗的畫，一幅由大自然中萬物組織而成的、美麗的畫！

多麼的美麗、舒服、自然，在那裡不會人聲、車聲，一切都是自然的美麗的…多麼的美好！
這般的一個下午，實在太美好，令人留戀，但願這幅畫永留心中。
我相信有一天，我能與她一起坐在這裡，享受著這大自然的美好！
但…唉…這一個「她」實在好難搵…

坐完公園後，就走左出海邊扔石，有趣，最原始的玩意永遠是最好玩的，
好過終日對住部電腦…打機、聽歌。

扔完石後，我地就各自回家。回到家中，我又繼續過我的打機生活，打左好耐，
對住隻Splinter Cell實在係r頭…行得好慢…不過仍然有趣，唔知點解近期出d game隻隻都好慢，
可能我真係要換機…但…對換機這工程，我實在無能為力…

一日的假期就是這樣過去，聽日又要重番學校，但我冇以前咁驚lu~可能係因為我冇欠交功課！

>>February 25, 2003 at 3:17:15 PM GMT+8

2003 年 2 月 23 日 星期日 【晴】

今日係星期一，早晴、午雨。

今日係陸運會第二日，一早起身，攪左陣頭，無奈…個頭點到gen唔起…可能我係天生c文人，
算…放棄啦，番學算。去到運動場，已經係排緊隊ge時候，俾人叫我行快d…

入到去冇幾耐，大會就讀出男乙200m決賽名單，雖然我一早知我入到，
但聽到我個名o個時都好開心，畢竟都是第一次入到決賽。就係咁遊蕩左十幾分鐘，要招集了…心情開始緊張，去到起跑點時，腦袋一片空白。開始跑了！跑跑下有條女走左出跑道，
攪到二線條友慢左，對我亦有少少影響，之後繼續跑，最後一百米o個時我心諗會有復賽，
所以冇盡力追二線氣友。

比賽完了，我跑第尾(=.=)，我坐o係看台，一直等著，等著叫200m要重跑…點知事與願違，
直到陸運會完都冇講…最後我都拎第六，因為有兩條友冇跑……

在這件事中，我學到：就算是遇到不公平的情況，都要盡力！
　　　　　　　　　　因為不是次次都有讓你取回公平的機會…

在我呆坐看台的時候，與calvin吹下水，都幾開心！總括而言，今年真的比去年的陸運會開心。
可能因為我有參加比賽吧！

陸運會臨完前，老師宣佈各社成績時，我們心目中都知愛社贏硬！當然，愛社運取三個大獎，
唯欠lala隊個獎，確實有點遺憾！但已經好勁，因為平時愛社都係得二三名，
點知今年好似傻左咁勁，可能因為有我吧~哈哈！宣佈的一刻真的很開心，
可能因為今年我真的為社出過力，雖然成績不算太好，
但總算有個交代。一連兩日的陸運會完滿結束！(好難忘的一個陸運會！)
。。。。。。。。。。。。。。。。。。。。。。。。。。。。。。。。。。。。。。。。。
陸運會完後，我一行七人(我、恩恩、janice、易、calvin、吳宗霖、昆爺)，一起到深水bo食野，
一路上大家都說好肚餓，個個樣都好似就餓死咁，但我就唔覺特別餓，可能我慣左肚餓…

搭左唔知幾耐，終於出到深水bo的西九龍中心，好神奇搵左一陣就搵到，
我仲諗住要搵好耐ge…去那裡的主要原因：因為有三十八蚊任食壽司！入到去，我地係咁食。我食左二十碟左右，恩恩都係，但佢就食到想死咁…係咁話飽、肚痛…我都飽，但冇佢咁跨…
calvin又話飽，但我覺得佢要食仲可以食…扮啦佢A_A

食完之後，恩恩要去醫生，所以走先。我地就去黃金睇野。起初，janice話想買mouse，
但見到d光學mouse貴(其實唔算太貴…)，又話冇錢…扮啦…我就要買av線，
加長headphone條線。昆爺就要買 真三國無雙3 仲要係正版，隻野要三百八十蚊…
貴到丫…昆爺有錢到丫…我就買左條線，成二十呎…好似長得濟…仲要成三十蚊…好似貴左，不過算啦，冇研究開，幾錢都唔知，預左俾人混…
calvin就係咁睇display card同2.1聲道喇叭，話會在短期內買，要我陪佢，不所謂啦，
我都好鍾意行黃金A_A。行行下見到o個兩個女仔好似想訓咁…成鬼日話悶…無奈，
唯有行快d，所以仲有好多野都仲未睇晒。就係咁，各人都買齊晒野，我地就起程回家。

搭車期間，o個兩個女仔訓晒…成隻豬咁A_A，我就同calvin、昆、吳宗霖繼續吹水，有趣有趣。
當架車去到第一城時出現有趣的情況，就係見到兩架86C在前…有趣……
今日好開心呀！雖然洗多左錢…
(後記：我揀女朋友的第一個條件係肯陪我行黃金唔嗌悶，heehee 我睇都幾難搵…)

>>February 24, 2003 at 4:43:06 PM GMT+8

2003 年 2 月 22 日 星期六 【晴】

今日上午，無人叫我出街，好悶…十點幾起左身，無聊到一點幾的時候，恩恩突然icq我，
話好悶，搵街去，我話出旺角…(我只是隨口up下)，點知佢真係肯，就是這樣，我同佢就出左旺角。

話說，我同佢一齊出門口的話，會一齊去到信和，但是我出到去，等了又等，等左成鐘都有，
佢來到的時候，說打去我屋企事我阿哥講緊電話…通知唔到我，佢要遲d出門口，
又係我阿哥…累事的人，都唔係第一次唔俾我聽電話，佢用緊電話好似大晒咁…算，
係一個誤會，所以不能怪誰。

我同恩恩不停咁搵上次見到的15蚊pizza，但當時我仍不食野，所以就食左個雞pie，幾好食，
唔錯！搵左陣，竟見到長毛o係度講23條！正呀，偶像呀！(笑)……
行左幾條街，終於搵到，食左一個兩個人分，再食多個，兩個人分，平均每人食左一個，
頭o個個咩腸唔好食ge，淡而無味，第二個唔知咩豬脛肉，好食d。總括o黎講，o個間野只能做到值回票價，
不能做到超值。食完後，就去左睇鞋，睇左多間，都冇買，主要因為有人未還錢俾我…
希望佢仲有d人性，快d還…睇完鞋就去左先達睇電話蠅，睇睇下，
見到間間店的GD88都要四千幾(水貸都要)，我地開始質疑calvin如何見到有三千幾的出現…
睇左一陣，但都睇唔o岩，之後又去番信和附近，
睇下死左多時的老翻復興未，點之事與願違，老翻仍未復興，遺憾！又要繼續捱貴老翻！

睇完後，又去番金魚街(好似叫西洋菜街)，恩恩話想買魚養，睇左好耐都因氧氣珠太貴而冇買…
就係咁我地就各自回家。

今日收穫如下：Sennheiser MX300耳塞一對($100)，恩恩賣的，音質不差！
　　　　　　　寫日記的材料(如果唔係出左去，我諗又無野寫日記lu)
。。。。。。。。。。。。。。。。。。。。。。。。。。。。。。。。。。。。。。。。。
聽日陸運會我要參加200m決賽，壓力不大，因為勝出機會不大。目標只是唔包尾，但看來成功機會不大…

當我用耳塞聽歌ge時候，突然回想到我的所謂初戀(小學時代)，當時我又是這樣聽歌的…
今日我又用耳塞，她會唔會回來呢？哈哈，我太傻了~

>>February 23, 2003 at 3:46:52 PM GMT+8

2003 年 2 月 21 日 星期五 【晴】

今日係星期六，晴。

今日約左calvin去家傑度打機。兩點左右去家傑度，打左唔係好耐，起程去霆鋒度。
去到霆鋒度係咁睇佢地玩結他game，而我對其game興趣不大，就此感到無聊。
無聊左成粒鐘，終於換game玩GT3，由於我疏於打機，所以贏唔到 ，又係咁打左一粒鐘左右，
打到六點左右，calvin要走，所以又換game，打Devil May Cry2，終於玩到一隻有趣ge game，
係咁打，係咁跳，有趣有趣。打到八點左右，我要走，因為表姑姊今日到訪。

回到家就見到她，跟住聽佢同阿媽吹水，吹到十點左右就走左。就係咁，又收左兩封利是，
每封一舊，太好了！

在九點半就開始做Living With Michael Jackson，見到佢個樣，人地話佢樣衰，
我就覺得佢好有個性，在訪問其間，佢講左佢細個時的不愉快的事。在佢十幾歲的時候，
佢的表親和爸爸成日話佢滿面暗瘡，同話佢鼻大。經常出言不遜，令佢十分難受。
所以令佢有整容的動機。外間的人話佢整容過好多次，我個人認為整容幾多次關佢地叉事咩，
又有人話佢鍾意細路唔o岩，但我就覺得佢唔做傷天害理事就得啦。
佢o係我心目中係一個有個性的人！

>>February 23, 2003 at 2:48:26 AM GMT+8

2003 年 2 月 20 日 星期四 【晴】

今日係星期五，霧。

今日是學校陸運會的大日子，也可能是最後一次在丫記的陸運會，
因此中五冇得參與陸運會…所以我今年係第一年認真咁參加，我參加左400m同200m。

今早，一去到運動埸，就看到mark哥，跟住我自己企左一陣，眼望四方，四方皆是霧，
蒙蒙的，不清楚的…好像我的人生。也許，要認定自己的目標！
在這大霧的日子中，帶給人一種舒服的感覺、真的很舒服，永遠也是這樣，確實是一件樂事。

陸運會開始了，頭幾項都冇參加，到400m招集的時候，自知一定唔夠氣，所以冇去到…
係咁睇，睇住d人係咁跑，又有d人係咁叫加油，但始終都係上年陸運會好玩d。
我由於無聊得濟，所以落左跑道邊坐，坐左好耐，先有人叫我走，
我o係o個度睇到d人咁努力跑，所以也激勵左我努力跑200m。

上午的比賽好快就完左，之後放lunch，去左新港城，食晒野之後，唔知點解無lala經過 冒險樂園，
入到去見到有個婆婆，係度玩推coin，係咁放代幣入機，放晒頭一袋代幣後，又開一矮新ge o黎玩，
條友的兒女一定好有錢，俾佢咁玩法，希望我將來都有能力俾我阿媽咁玩啦。

食完lunch就番運動場，入左冇幾耐就有男乙200m招集，係出力的時候了！
200m得11個人跑，八人入決賽，不是尾三以下就入到，機會很大！
開跑時，我盡力咁跑，冇幾耐就俾人追過左，眼見佢地開始越跑越遠…我又開始腳軟，
最後以32.1秒跑左個全乙組第八名，出左線呀！henry跑33.86…基佬34.8全組第尾(哈哈！！)
真係好開心呀，我第一次有比賽入到決賽咋，雖然拎牌機會近乎零，但我也會盡力跑！
盡左力，有冇結果都係其次，不是從勝負中學習，是要從過程中學習，對嗎？
我學到了有結果就要有努力，不然就會失敗，我今次入到都係一件神奇ge事，
自問我都冇練過跑，呢個成績已令我喜出望外！哈哈！

今日都係一日開心的日子，值得記念，人生值得記念的日子不多，盡管是好還是壞，都要好好記住。
記憶對我o黎講真係好重要！

希望星期一可以唔駛包尾咁樣衰啦~
。。。。。。。。。。。。。。。。。。。。。。。。。。。。。。。。。。。。。。。。。。。。。。
(後記：多謝駛，丫記，你給了我一日難忘的一天！」

>>February 21, 2003 at 5:19:28 PM GMT+8

2003 年 2 月 19 日 星期三 【晴】

今日係星期四，晴。

今日係陸運會前一日，學校冇咩氣氛。
今日由於冇帶chem note，又要番屋企拎……可能我真係唔夠訓…
由於要番屋企所以要去耀on大家樂，雖然我身住耀on，但也好少去食。
今日真難得，難得 育才 未放lunch，攪到有位，好耐未試過唔駛搵位都可在大家樂食。

今日放學後，等左好耐都唔見chem sir，一心以為唔駛補課，點知唔知邊條友搵左佢上o黎，
唉…又要聽佢講野，又要唔知佢up乜…可惡！

聽完後，同恩恩出左旺角，出去係因為要陪佢買mp3機。最後，佢買左部JNC，256mb，$1820。
好，跟住行左陣，睇左陣衫，睇左陣鞋。發現我要增肥才好睇，呢樣野我知左好耐，
但無奈我一直都找不到一個好的方法，佢就成日叫我食野，但我家唔知點解，
成日都唔會有零食…唔通要我自己買咩…貧呀大佬…

聽日係一年一度的陸運會，我參加左400同200，預左包低，所以壓力不大。

差d唔記得，今日我地班同miss shek攪生日，雖然我都係今日先知……
原來miss shek二月二十二日生日，我咁大個人第一次同老師攪生日，有趣有趣。
就係咁，一堂中文堂就係咁冇左，都好…中文堂即係抄野堂…係咁抄綜合練習，好累…

今日又多左個我的第一次，開心。

>>February 20, 2003 at 4:36:01 PM GMT+8

2003 年 2 月 18 日 星期二 【晴】

今日係星期三，晴。

尋晚臨訓前諗到d野，有關命運的。

當時我在想，人的命運，有八成是天注定的，兩成是後天努力，
那八成就像是一隻船，一隻上天賜給你的船。這可能是一隻華麗的大船，
也可能是一隻破壞的舊船，這是天給你的，你不能改變。
另外的兩成就像是那隻船的船長，控制它在茫茫大海裏航行，
有些人認為如果天賜給你一隻華麗的大船，你就一定能去到你想去的目的地，
但他們卻忘記了駕駛船的是他自己，能不能去到目的地，就要看自己努不努力，
如果他因得到大船而感到驕傲，並且以為一定能去到目的地，
可能他的結局就像當年的鐵達尼一樣，撞到海中的冰山而永沉大海。
相反地，如果天賜了你一架破舊的小船，你常常埋怨上天，不再努力駕駛，
你將會死得更快！

人生也是一樣，如果得到的是不幸，不要自暴自棄，因為這樣只會令情況更差，
我們只要肯努力，一定會達到理想，縱使明知不能，也要努力，因為它是你的理想！
人，只能活一次，要捉緊這次機會，盡力實踐理想，不然在死後回光反照的時候，
看到的只會是一篇空白。

一齊努力駕駛這首船吧，在目的地那裏有著每人心中想得到的寶藏，拿到了它，
你的人生便不枉過了！
。。。。。。。。。。。。。。。。。。。。。。。。。。。。。。。。。。。。。。。
回正題，今日的課堂十分精彩，三堂a-math像遊魂一樣，不知阿sir在講咩，可能…我真的…
算吧！我不會後悔做過的事。因為這是我自己做的！
lunch買m記番屋企食，因為要拎番本listening book，好彩拎左，唔係上堂冇就煩…
左邊是咸煎餅，右邊是麥文輝…兩個都…調左o黎呢個位真係一個好機會，要學會自立，
不樣樣野都靠人，這是一件好事！

lunch後上的是math同listening堂，眼見後面有隻豬在訓覺，真是……同豬差唔多~
食完lunch就訓…哈哈！

今日功課奇多，a-math做兩題(a-math兩題真係唔係野少=.=)、做listening、綜合練習、中文練習、
中文又唔知幾時默書…測驗…E班如果要認真讀書，壓力真的很大！
好彩我做左作文，唔係就死得人多！

>>February 19, 2003 at 1:32:57 PM GMT+8