2003 年 10 月 19 日 星期日 【晴】

星期一，晴。

今日測chem，仲以為溫左就實有成果…原來唔係ga，成份野都唔識多過識…好慘。

唔知自幾時開始，日日都有同佢同icq內講過野。直到今日，雖見到佢online，
但卻走左去打機，逃避…時間，我須要時間。
之後見到另一位陳小姐出現在icq內，佢問我係唔係拍緊拖，我…點答好呢？！
嘩…哈…(痴線中)。Janice果然勁，晨早就知拍拖會令人煩惱。

近期聽到一首歌好正：

　　‧孫燕姿‧偶見‧

聽見　冬天　的離開　我在某年某月醒過來
我想　我等　我期待　未來卻不能因此安排

＊陰天　傍晚　車窗外　未來有一個人在等待
　向左　向右　向前看　愛要拐幾個彎才來

　我遇見誰　會有怎樣的對白
　我等的人　他在多遠的未來
　我聽見風　來自地鐵和人海
　我排著隊　拿著愛的號碼牌＊
Repeat＊

我往前飛　飛過一片時間海
我們也曾　在愛情備受傷害
我看著路　夢的入口有點窄
我遇見你　是最美麗的意外　
總有一天　我的謎底會解開

…………………………………

我彷彿偶見到，但卻看不到，謎底何時解開？

>>October 20, 2003 at 2:01:53 PM GMT+8

2003 年 10 月 18 日 星期六 【晴】

星期日，晴。

今日很早便起了身，開著日日都開的電腦，對著日日都對的icq，遊覽著日日一樣的網頁；
這不是我須要的生活，我要的是多采多姿，千變萬化的生活。

回想尋晚，對住icq覺到無聊，便隨口叫下小虎落街行，佢又肯去，那便…出發吧！
行呀行，很快便行完新港城，途中講左好多野，例如講下餅餅d惡行等等。
之後就上左百佳，與小虎各自買左筒pringle($10.9 勁低)，之後就落左7-11買野飲，
佢請…點解呢，搵日要請番佢。接著便碰上了nice與其老婆，說了幾句便各自離去。
行呀行，行左去公園，冇0係公園停左十分耐，便走了。沿著公園對出的單車徑走，
走了一段頗長的路，便到了頌安，入左村，見到一班年齡應該不過十歲的小朋友踢波。
那時是十一時左右，環顧四週，並不見到他們的家長，那是什麼回事，
為何會給這樣小的小朋友在這麼晚還落街玩呢…那是什麼家長…
我與小虎在那裡不知坐了多久，談了很多的東西。十二點左右，走了…各自回家。

接下來的便是今天發生的事：
話說，狄在幾天前問我係唔係想出mk，的確，我係需要出一出去買秋季衣服，
於是便約定了今日一起出mk。在一點半左右，我便去到第一城，隨後便搭81c出旺角。
上車後，各有各坐=.=好似陌生人咁…大約…我也是她心中的一個陌生人…
之後出到mk，去買衫…沿途佢都係同上幾次差唔多…冇主動的撩我講野…
之後我要食野，就去了m記。食野的過程中，問佢一句，佢答一句…我就頂唔順喇…
佢唔想同我講野？！d話題無聊得滯？！我r晒頭…百思不得其解，
問佢做乜唔出聲，佢就話我唔出聲…話說每次都係我撩佢先…佢竟然話我唔出聲=0=
佢既反應令我已經唔想再撩佢講野…灰灰地…之後再走多陣就搭火車走。
一路上都靜默無言…

番到屋企…唔想再諗，唔想再見到icq，訓…隱形訓覺。

>>October 19, 2003 at 1:18:35 PM GMT+8

2003 年 10 月 16 日 星期四 【晴】

星期五，晴。

Today is~happy Firday~
又到一個星期一度的星期五，心情特別愉快。
但早上的phy測驗卻強差人意，都怪…真係唔知怪乜好…
在lunch時，狄問我借冷衫，我又點會唔借呢？之後上chem堂，條chem sir開齊d冷氣…
寒氣迫人，但見係佢，算啦，都未冷得死既…
放學等左陣，就見到佢，還番件衫俾我…衫上還殘留著她身體的餘溫，多麼的溫暖。

之後就如常的同一班友人步行回耀安，又在站在同一個位置，又在吹水聊天。
之後見到陳幸威0個班人0係度打波。昭成哥真係變左好多，如今一看，
那裡令我不想與其傾計的人只得一人。打呀打，之後見到馬家昌(同音字，真正寫法不詳)
佢係我阿哥的朋友，我是不認識他的，正如我不認識我阿哥一樣…
但他竟然話想同我打波…真是奇怪…
條友跳高可以high框、家傑俾佢祭旗。在不利的情況下，我當然係唔打啦。講笑咩…

之後番左屋企，當然是開icq啦。自然就係等佢出現，在等的同時，友人聊天，
發現我必須正視我在現實中不多出聲這個問題。事實上，我只是在icq中比較健談，
在現實中，除左打機之外的東西，我也感得很難找到話題，這的確是一個嚴重的問題，
長此下去，在icq中的我與真實的我必定會有十分大的差別。我真的願如此，
我要『改變』(雙子座的代表詞語)！要努力從現實中找話題同人傾下，咩都好啦，
總好過冇野講。我估做成我咁的有兩個原因：
一.我成日對住部腦。
二.我在家沒有和我的阿哥有半句對話。

如果真的事這樣的話，看來真的是頗難改的…


>>October 17, 2003 at 2:54:23 PM GMT+8

2003 年 10 月 15 日 星期三 【晴】

星期四，晴。

開始適應頗寒的天氣，但仍有點兒傷風似的。
今朝的新聞報導中，大部份時間都是敘述神州五號的事，內容大慨是說：
整次的升空計劃圓美成功。我為身為中國人而驕傲(一般啦…唔算太…)。

今日測的是a math與econ，所以早上我沒事做。閒來便抄一下功課。
平平淡淡的便過了一整天的課堂，來到週會堂，今日的課題是愛茲病。
在我記憶中，年年都會聽到有關Aids的資料，聽了五年，也可能是最後一年聽…

放學幫CM Pang做了些事，就走了。隨後四人在耀安ok那裡聊天，
轉眼間，半小時的時光便流走了…接著便各自回家。

在家裡，當然是開電腦。在icq內等她。這種感覺似曾相識…大獲……
我真的不想我與她的溝通只限於在icq內，這…很沒真實感…
但每次見她時卻沒有話題，看來這真是一個重要的課題，值得研究…
為什麼呢…？難道在icq內的我與現實的我有所不同…？這的確是事實…
有很多的說話是沒法在現實裡說出來的，但我卻會在icq中說出…我……也不會原因…

有解決的方案嗎？要深入探討。

>>October 16, 2003 at 1:29:36 PM GMT+8

2003 年 10 月 14 日 星期二 【晴】

星期三。晴。

不知不覺，秋天降臨我的老家----香港。
今天早上，天還未亮的時候當我起身，一陣寒意鑽入我心中。
秋天降臨得十分明顯與突然。前兩天還是炎夏的日子，轉眼間，
冷鋒襲港，氣溫聚降，寒氣入心…辛苦…

今日測math，好多唔識，一個ut便嚴重打擊我的自信心，世界變得灰暗無色，
目標開始變得蒙糊。心情不佳，唯有訓多一點兒訓，忘記昨天，迎接明天。
由於ut關係，功課變得不多，壓力表面上好像少了，但事實又怎會是這樣呢…

今日，一位友人同我講他的家事，一方面我好開心佢肯同我講。
自問想當年我並沒有信心同任何人講類似的事；另一方面，他是不幸的，不幸的…(反覆)
我開始發現，癌症這個仆街的病真的開始在人類社會中擴散，
為什麼呢？(設問)我想都是因為人類對地球的污染，倒頭來也是自作自受。

我經歷過的結局是不好的，所以我希望他有好的結果，失去家人的感受是不好受的。
無論如何，我想他經歷過此事後，在心理上會有一定的成長，處事態度也會有所改變，
每個人的經歷都有所不同，但經一事長一智這是永恆的定律，事件的性質如何，
都能影響人的成長。努力面對將來，關心身邊的人…珍惜他們…

我又唔係完全灰晒既，因為今日與她在icq內傾了比較多的東西，感覺到開心~
多麼的有趣；另一方面，我卻害怕，害怕(反覆)說了後會有反效果，
還是待事機成熟事，才說出的心底的說話。

今日中國的第一部載人太空船升空成功！真得意~~勁呀，神州五號！

近日開始要努力在打日記的同時多運用我學過的修辭，為求會考時中文科會合格！

>>October 16, 2003 at 1:14:51 PM GMT+8

2003 年 10 月 12 日 星期日 【晴】

星期一，晴。

神聖的星期一又降臨了(我都唔知有咩咁神聖…)，今日一朝早就0黎個八十分鐘ut，
都唔知係乜鬼屎忽人諗既…咁測一測真係咩精神都冇晒…接住0個堂chem真係冇乜心機上。
好不容易，才過了一天八堂的時間，好似上左天堂咁。

之後小劉同家傑就上左我屋企，睇尋日租0個租 特務on J ，之後就去新港城還碟，
番到屋企真係好累… 一路聽住joey隻show up，一路訓，
醒下訓下咁…看著icq的list~~heehee~~~

這些日子真是令我感到有趣~~

>>October 13, 2003 at 1:47:01 PM GMT+8

2003 年 10 月 11 日 星期六 【晴】

星期日，晴。

今日一早起左身，攪電腦，攪ps2。
攪到首都高個save冇左…唉…玩左我幾日ga…轉眼間就冇左…
虛擬的東西真是教人r頭…

之後就陪阿媽去食野，食完就去左買書包~~開心~有新書包用。
為左用多兩年個書包，我決定要升中六！(其實…!@#$%^&)
又租左隻『特務on J』 之後就番左屋企。當然係繼續開icq等你(見者有份)online啦。

等既同時開左套戲0黎睇，嘩…頂你，個on J 勁好笑！
同埋終於聽到佢把聲(Mr.Bean 0個時佢唔多出聲)，睇咁耐就笑咁耐…開心~
睇睇下見到佢online，由於睇緊既關係，所以冇add佢。
睇完的時候佢off左……

隔左陣，佢又重現在icq list上。吹水~~吹下吹下~呼~~~~有點兒安心。

而家十點，神呀！賜我溫書的力量吧！

>>October 12, 2003 at 2:10:23 PM GMT+8

2003 年 10 月 11 日 星期六 【晴】

星期日，晴。

今日在相聚小棧睇到篇野幾有趣：

　　　　　　　　　　　喜歡 vs 愛情
喜歡 是一瞬間的

而愛 是日久深情的
　甚至可以說是培養出來的

你可以隨口說出“我喜歡你”

卻不可能一見面就說“我愛你”

沒相處過怎麼能確定自己就是愛他

喜歡一個人是有理由的
　
愛一個人卻沒有理由
　完全是感覺
　你可以一次喜歡很多人
　卻無法一次愛很多人

因為你愛他
　你的心裡只能容納他

　喜歡一個人
你會希望得到回報
或希望他認同你的付出

愛一個人
　卻是無條件的

你不會希望他回報你
　即使他不認同你

你依舊會無條件的為他付出

因為喜歡
　所以會產生吃醋的感覺
因為愛
　所以你不會計較那麼多

喜歡 往往是自私的

而愛 卻是無私的
　
因為自私
　所以你希望他只對你好

因為無條件
　所以你不怕單方面的付出

>>October 12, 2003 at 1:16:36 PM GMT+8

2003 年 10 月 10 日 星期五 【晴】

星期六，雨。

係時候講番一d今日既事。今朝起身時已經十二點，之後開左陣電腦，
攪左陣，就去左食野，之後番學。

番到去如常的自己做下mc，周圍望…訓左陣。
四點幾肥鵬終於去完團契，出0黎一齊溫chem。做阿做，做左好耐mc，
之後走人，去左運動場，陪佢搵人…搵唔到，就走左lu…

次後番到屋企時已經七點，等呀等…終於等到佢online，hi左句就offline…
唉…而家十一點半，係時間沖涼訓覺，等待明天的來臨，屆時又可以見到佢online~

>>October 12, 2003 at 1:10:37 PM GMT+8

2003 年 10 月 10 日 星期五 【晴】

星期六，雨。

剛才打aom的時候hang了機，所以便有時間打日記。

續：
當我再往前行，白色燈光的街燈佈滿整個公園，四周都是在散步的人，
大多數是中年人士，老夫老妻、二人慢慢地走著，整個公園不算多人。
至走了一陣，便看到了在公園內的小迷宮，四周都是橙色燈光的街燈，
在白晝時閃閃生輝的金屬珠，在祥和的燈光下變成了暗不發光的橙珠…
之後，我便隨意的找一張長椅子坐下。
閉上眼睛，用心去感受世界，水拍打著岸邊，在地的樹葉在走動著…

不久，便離開了公園，回家去了…

>>October 11, 2003 at 2:58:24 PM GMT+8