2003 年 3 月 9 日 星期日 【晴】

今日係星期一，晴。

原本今日要番學，但因病請左假(六成因病、四成因未溫書)，所以今日就成日在家中做下功課，溫下書。
今朝因為唔番學同阿媽大罵戰左一場…她的出發點我明白，但看來佢唔明白我的難處…
尋日成日都好辛苦，冇做功課，冇溫書，今日番學未又係上堂訓~佢真係……唉……
所以都係廢事理佢，反正喉嚨仲有d唔舒服，廢事煩！

今日趁阿媽出左街，偷偷整下個網，而家個網多左個友好連結o個頁，
但未有留言板，只整左各人的日記連結。用左我個幾小時的時間，算係咁啦…

病還未痊癒，仍須多加休息…


>>March 11, 2003 at 8:54:53 AM GMT+8

2003 年 3 月 8 日 星期六 【晴】

今日係星期日，晴。

今日一起身，喉嚨奇痛，全身無力。對！我生病了…
今日阿媽休息，陪下佢出街啦，難得有星期日休。
就係咁，我就腳軟軟咁行左去新港城，沿途係咁俾佢煩…算，喉嚨痛…唔理佢。
反正聽下都好，可以激勵一下我，俾佢煩得多就會努力d讀者。

之後就去左哈迪c食野，喉嚨痛…食乜都冇味，所以好快就食完。
之後就陪佢睇下手提，看來距離出機之期不遠！

就係咁，一個大好的星期日就係咁過去，
一大堆功課仍未做，盡力做啦，聽日返唔返到學仍是不知之數…

>>March 9, 2003 at 1:10:24 PM GMT+8

2003 年 3 月 7 日 星期五 【晴】

今日係星期六，晴。

今朝一起身就11點幾，冇幾耐就打電話俾恩恩，問有關今日出旺角的事，之後吹左陣水，
janice就叫我出新港城戲院。去到新港城後，就隨即坐車出旺角。出到去恩恩已經到左。

之後一行三人就去搵野食：首先食芝士條，恩恩話好食，我就覺得一般；
之後去左花園行食十一蚊車仔麵，雖然比恆安街市貴一蚊，但好味程度就唔止貴一蚊，恆安o個d真係冇得比，
要收皮！

之後就去左買裙。買完就陪恩恩配眼鏡，由於恩恩面形關係唔o岩帶眼鏡ge關係，我地就揀左好耐，
揀到佢想死，都揀唔到。那時，我見到一副眼鏡幾合眼緣，就隨手一帶。
點知一照鏡，嘩~~~~勁正！帶左咁多年眼鏡，第一次搵到一副眼鏡咁o岩我！帶左之後真係幾靚，
非常唔錯！哈哈！哈哈哈！哈哈哈哈！正呀！！！
於是就買左，但那時恩恩仍未揀到…在無計可施下，他終於買左一副最o岩佢帶的眼鏡，雖然不算十分好，
但那已經係全場最o岩佢ge一副。(我o個副眼鏡價值$280)

買完之後，我地就繼續食野！哈哈！今次的主攻目標係街頭小食，我同恩恩就食左雞卷同pizzar，
幾好食，唔錯！janice就食左一串串燒。

之後恩恩為左可以上網講電話，就去左買mic，頂…佢買18蚊咋，新港城成廿幾蚊，俾人混左…

食完後，就去左先達睇衫，睇睇下就買左件，同埋一條褲。由於本人對衫褲向來冇研究，
所以所有野都係由恩恩同janice話事，我俾的意見比較小。

行完後就坐車回家，去到車站時有兩架87D，一架有冷氣，另一架冇，之後janice話事，上左架冇冷氣，
一出獅子山，我地架車就大發神威，追過前面架冷氣87D，之係拋離佢。
一直行，見到前面有架87D…點解會有咁多87D，實在神奇，我地架車再次發力，追過埋前面架車，
實在係勁！就係咁，我地好快就番到耀安。

由於janice電腦上有疑難，所以就由我呢個電腦勁人上佢屋企攪。
攪完佢個icq就教佢基本整網技巧(當然同我有一段距離啦~哈哈！)，之後整埋個mic，可以net meeting。

之後就正式啟程回屋，番到去就食飯，之後恩恩同我net meeting，佢聽到我講，但我聽唔到佢講，
確實有趣…原因有待研究！

今日發生ge事一切都是美好的，真係開心！

在九點幾的時候，明珠台播Michael Jackson interview，回容主要係幫Michael Jackson表白，
這個節目產生主要係因為上次Michael Jackson個訪問有好多片段都冇播出街令，事實被隱瞞，誤導觀眾，
今次訪問其間，聽到佢對成人的不滿，他認為所有大人都好假，說的全部是大話，
他有這樣的想法是對的，因為太多人老作佢做呢樣做o個樣，講到佢成個怪人咁，
我就覺得佢好慘。佢細個時成日都要登台表演，對的全部是大人，
但係一個正常的小朋友又點可以成日淨係做野呢？所以佢就起左個NeverLand，叫d小朋友去o個度陪佢玩，
佢咁做係因為佢想尋回一些兒時應該有的生活，但咁做就換來佢俾人話佢有戀童「pig」，
d人咁講實在係有d過份。又成日話佢漂白膚色同整容，就算係又如何…佢有錢做乜都得ga啦，
d人好明顯係想破壞他的形象，但…好似太過份啦！

近日我都開始感受到，只有兒童才是最真，對你忠心不二…大人永遠都有野隱瞞的…
唔怪得MJ咁鍾意細路啦…

>>March 8, 2003 at 4:45:04 PM GMT+8

2003 年 3 月 6 日 星期四 【晴】

今日係星期五，晴呀。

今日d堂都幾好上，唔算太悶，但phy堂仍然如此…當他講正經野事就好眼訓，當他吹水時就好精神…
太可惡，他口才這麼好，應該去做講故佬！引人發笑、生動活潑…正呀！

今日發生的事情不多，但總算平穩渡過。尋日由於家傑去左我home打機，攪到我冇得訓，令我嚴重眼訓，
攪到我咩都冇寫…最後只好而家寫。

尋晚，經我幾番思考後，證實麵包超人就係彭sir，最後我把起決心，要去問一問佢，點知佢一口認左，
都唔好玩ge，一問就認…之後佢叫我download math note，我download左就send左俾henry print，
點知，在十一點左右，佢icq話俾我聽d note有亂碼，唉…叫左人print先知有亂碼，都怪我太粗心大意！

就係咁，我icq就多左一個重要人物。

今日放左學之後就同calvin、henry、家傑等人去左新港城，去的原因主要係想睇calvin買Gundam Stike，
點知去到時佢冇開門，可惡！但意外地見到一部合金魂超獸機神，真係好靚ga，仍然冇錢買(成千六蚊…)，
但睇下都好啦…之後去左老翻鋪，見到一隻正game，但因為要儲錢…好！我忍！唔買住！

近日發覺到有一樣令人發笑ge野，佢唔係就係坐在我隔離的麥文輝！佢簡直係一個極成功的笑匠，
佢唔駛講任何野都會令人發笑。例如我睇住佢，佢就會呆呆的睇番你轉頭，佢個樣真係極度過癮！
如果你攪下佢的話，佢個樣就仲過癮，真係好正！！佢真係消愁佳品！

去完新港城就回程番屋企，途中睇到偉達o個班人o係度打波，就八掛咁行左埋去打，原本諗住打一陣就走，
點知一打就打到7點幾，真係好tired…救命呀…

今日又有極多功課，下星期差唔多日日都test，我又欠左中作、好多野要做呀，
當然…又係時候揀功課做A_A

>>March 7, 2003 at 5:29:32 PM GMT+8

2003 年 3 月 5 日 星期三 【晴】

今日係星期四，雨。

話咁快又到星期四，番埋聽日學又放假。記得f.1的時候，成日望放假，等極都等唔到，
而家話咁快就一個星期，真係光陰飛逝……

>>March 7, 2003 at 12:17:13 PM GMT+8

2003 年 3 月 4 日 星期二 【雨】

今日係星期三，雨。

今日天色不佳、天色黑黑的，整天下著微微細雨，令人心情不佳，潮濕的天氣令人幹起事來不能起勁，
令人多麼的…不安。灰灰的天…空空的街，千串細雨點。這樣的天氣令人諗起張學友首藍雨，
這歌大概是說有人在雨天中失戀，整首歌都是悲哀的，唔知點解在雨中的事總是帶給人一種不安、
悲慘的感覺，這樣的感覺滲透在睡房、家中、街上、四周…當雨點降臨大地，就像死神降臨一樣。
但事實並不是如此，雨帶給萬物生機，實在不能說是壞事。希望d創作人士不要再將雨天描寫成悲哀的。

今日在學校的事不是太好，今日冇數學堂，好似欠缺左d野咁，就係阿sir串人的笑聲啦，
有數學堂就有笑聲，如果冇左佢，E班一定會變死班…仍然而家都係，但數學堂總算是有點笑聲，有點生氣。

今日上中文堂，有點想訓的感覺，可能miss chan見到我想訓，就故意叫我答問題，仍然答得不算太好，
但總算答中左，下次上中文堂真係唔可以再係咁！唔係次次都咁好彩俾我撞中。

近日天氣不佳、心情不佳、精神狀態不佳…希望天氣好轉啦

>>March 5, 2003 at 3:30:11 PM GMT+8

2003 年 3 月 3 日 星期一 【晴】

今日係星期二，雨。

午夜時，疾風在窗外狂奔，形勢像颱風襲港一樣，門窗都被風撞擊，發出聲響。
風從窗與窗中的缺口衝了進來，施發冷功，把我弄醒…可惡！
所以成晚都訓得唔係太好，今日精神比較差。

今日頭三堂係a-math堂，因為同學們背唔熟的公式，阿sir又發老脾，又整左個唔順超ge樣俾我地睇，
一朝早對住佢真係成個人醒晒，上佢堂如果唔打足十二分精神，俾佢問到有野唔識o個時真係神仙都難救，
a-math真係一門高深的學問，佢唔淨係用教緊的野，仲會加埋以前教過的野一齊出，縱使我讀得唔勁，
但都可以訓練腦部思維，確實係有益，希望呢科在會考中合格啦。

跟住上中文堂，miss chan 又係度唔知up乜，up左成堂，但我對o個課野仍然係一知半解，
看來要抽些時間溫中文，但…很難…很難。跟住佢問我d問題，錯左幾條，o岩翻幾條…算叫做有番d交代。

跟住到lunch，今日呢個lunch真係難忘，因為要在12：50分前食完，並返回課室，這當然不是難度，
所以好快就食完，番到課室後，見到一大堆人o係度食野，場面甚為壯觀！其中包括A、B和E班的人，
最神奇的是有B班的人，仲要係文家馨，好彩我食完上去，如果唔係就乜都食唔落，雖然佢冇乜得罪我，
但唔知點解見到佢就唔開胃！我旁邊仲要坐左個咸煎餅，差D連食左O個D都吐番出來，確實係恐怖…
之後做左一張紙，有關校對的。最後連對答案的時間都唔夠，就要上堂了。
我個人認為這般的補課作用不大，倒不如在星期六、日番學補好過，當然，最好就係唔駛補啦A_A

放學後要補測BIO，神奇，我竟然唔知係今日補測，就是這樣，可能又要再次補測了…救我呀！

今日發生都不是好事…可能因為天氣不好，各人的心情都受影響，令氣氛其差。

尋晚icq同人地講左d有關我以前ge野，好耐未試過同人地講有關自己ge野lu…這樣一講，
心情都輕鬆左d，哈哈！

>>March 4, 2003 at 3:33:22 PM GMT+8

2003 年 3 月 2 日 星期日 【陰】

今日係星期一，少陰。

是日又係一個星期的開始，又要番學。今日上電腦堂時，阿sir話而家做電腦o個行d人一定要識SQL，
但我就聽都未聽過，好似係一d有關資料庫的東西。看來我對電腦的知識只是冰山一角，
微不足道，真的要多點深入研究電腦這一門高深的學問。一於上網搵野自修…呵呵！

唉…聽日交phy…對住phy好似想死咁，真係唔知點算，上堂聽阿sir講都唔多明，究竟咩事，
點解會咁…a-math最多都係唔識做o者，phy連聽都唔明，真係唔知係邊個ge錯。
有咩方法呢…r晒頭！

今日早會時，由於籃球場後有工程，所以排隊位置有變，但我同恩恩、小虎、古志華等人搵地方排隊，
搵左好耐都唔知去邊排，又唔見其他人，都唔知發生咩事，之後無奈之下輯左去D班企左陣。
企企下小虎話見到E班人士在前面，即刻灰晒，有無奈之感覺(=.=)，唯有行番上去吧…

上左中四咁耐，最瘀今次…但都幾有趣！

>>March 3, 2003 at 3:41:29 PM GMT+8

2003 年 3 月 1 日 星期六 【晴】

今日係星期日，晴。

今日過左一個平靜、無壓力ge星期日，好舒服！整天成家中打機，聽歌，很開心！
今日冇諗過學校的事、朋友的事、煩的事…一般都扔開了，心中輕鬆得很。
但願每也可這樣，盡情放鬆！

回想一下，其實所有的煩惱都是源於自己，只要懷著一顆輕鬆的心，這就煩惱就不會出現了。

放鬆一日換來了一堆的功課未做，不過算啦…

(後記：今日咁輕鬆，打少d日記吧~hee )

>>March 2, 2003 at 11:15:41 PM GMT+8

2003 年 3 月 1 日 星期六 【晴】

今日係星期六，晴。

今日calvin約我去黃金，但臨出門口時霆鋒叫我去食野，只好拒絕啦，因為有約在身。
就係咁一點幾去左新港城，八度空間門口等，錕爺打完機就出左o黎，等左十幾分鐘仍未見calvin，
無奈…我仲未食野…之後錕爺打電話俾佢，佢就叫我地去食野先、之後去左m記，眼見太多人，
於是去左KFC食，食左個廿十九蚊的餐，好貴…但幾好食！

食完就睇左陣老翻，之後坐86c出發。坐左極耐，極悶…終於用左四十五分鐘才去到，去到時3點左右，
去到後，錕爺就去左copy真三國無雙save，佢copy完之後就到我同calvin睇野，由上層睇到下層，
係咁睇，睇到有好多野都想要，無奈…冇錢…！睇晒成個黃金後發覺顯示卡的款式不多，
於是到上面的高登睇，行左兩次，calvin終於決定左買：

Galaxy
GeForce4 mx440
128DDR
價值$630

之後calvin去買吉碟，買左一百隻，價值$10x，之後去左7-11買野飲，我冇買，只係買左朱古力食，
之後去左Pei & Tart買左個咖哩牛肉pie，加兩蚊買埋野飲，個Pie始終唔夠雞Pie好食，
上車後先食~食完後，坐左陣就落車，那時已經六點，不知不覺，完來已經行左咁耐…
怪唔知錕爺話行到腰累……辛苦佢啦！之後我去左新港城買 IGI 2。番到home裝，裝唔到…diu佢！
可惡！算…豪俾佢…

就係咁，一日假期就過去左。

>>March 1, 2003 at 6:21:49 PM GMT+8