2003 年 3 月 19 日 星期三 【晴】

今日係星期五，晴。
今個星期發生左好多野。星期一：人事上ge問題，但我覺得呢個係一個計時炸彈，
只不過係早左爆，但…唉…唔知！日後ge lunch就難捱左d…
之後有一日上堂又俾人罵，今次既憎自己又憎阿sir，所以已經隱左佢形，佢今次太過份！
雖然我係衰d，但佢把口仲衰！賤呀！忍佢唔到，我以後會以佢為仇敵！
近日又有d咩非典型肺炎，攪到係人都驚。
美國打伊拉克呢場不義之戰，攪到我對美國的印象更差，佢真係…攪屎棍o個咋！
今個星期發生左好多令人唔開心ge事，令人好深刻…整個中學…最辛苦都係呢個星期…
有d可以控制得到、有d唔得(我冇可能叫美國唔打仗掛=.=)，今個星期…好苦…真係好苦。
。。。。。。。。。。。。。。。。。。。。。。。。。。。。。。。。。。。。。。。。

今日約左恩恩、小虎、雲龍 一齊去將軍澳，主要係因為要去取回眼鏡，其次就係想出下街，
今個星期d學校生活真係…唉…
一早十點就出門口，同小虎、雲龍一齊搭車去恩恩屋企，之後俾佢剪我個頭，
佢地個個都話我個look串左，之後去左椰琳閣食野，幾正！大家樂要嚴重收皮，
之後就出旺角，拎左眼鏡就立即行左去深水涉，行左都幾耐…有dired，
去到o個度，小虎要買解碼器(用o黎睇有線)，o係佢o個度睇，質素真係超好，
攪到我都有衝動想買，但…冇錢呀…貧呀！成二百五十蚊，加上家人都唔會贊成買d咁ge野，
都係過多段時間先算。之後行左去黃金，小虎有意想買sound card，跟住睇左唔係好耐，
就走左，因為恩恩個樣好似好悶咁…無謂睇咁耐啦，悶親佢就唔好啦。
行左陣就各自回家。

一路上，小虎o係度係咁講笑，真係好過癮！得閒要搵多d佢，歡樂都多d！

晚上出左去食KFC，之後去睇手提，見到部GD68跌到喊，賣九百幾蚊。
原本呢部都係一部好機，但…身邊太多人用，以我所知都有五個人用緊，
所以我情願買部冇彩芒ge 2100，價錢係Nokia機中算平，又實用…幾靚…
但因某原因要延期！可惡！

之後番屋企，同某人講左d有關媾F.1 ge問題，佢死唔認，雖然呢件事對我冇乜關係…
但…如果係朋友都可以兩份用飲管的話…我試下同你用同一條飲管丫A_A heeeheee
唔好扮啦，你冇意都睇得出佢有意，不過…up to u啦，呢d係你ge事。

之後恩恩打電話o黎，傾左好耐，話題甚廣，講左好多野，有d有用，有d係廢ge，
能講得心事ge人，佢都算最佳人選。講左好多有關朋友ge事，人際關係ge事，某d人的性格問題
同埋一d八婆野。當然有咸煎餅份啦~佢咁靚，一定要媾呀！
由11點講到12點幾，心情唔同左，有d人生觀變左。

大家o係星期一見到ge我，會係一個唔同形象ge我！遺憾係增肥行動未見起息…點算！

>>March 21, 2003 at 5:19:05 PM GMT+8

2003 年 3 月 19 日 星期三 【晴】

今日係星期四，美國打伊拉克，
我就不感意外，但心情復雜。
其實美國打佢可以話係早有預謀，我一方面覺得好好睇(有得睇美國d軍事裝備)，
但想深一層，又覺得伊拉克好慘，確實係有d矛盾。
無論點，戰爭都係人類野心的表現，為和平而戰？講笑就得，為石油就真！

今次又唔知死幾多人，正義究竟係咩呢？美國以強打弱就叫正義？
戰爭就唔係正義啦…希望世界和平啦…

>>March 21, 2003 at 4:42:21 PM GMT+8

2003 年 3 月 18 日 星期二 【晴】

近日十分唔得閒，加上心情不佳。
無心寫日記，待本人有心情之時，就是日記重寫之時！

>>March 19, 2003 at 12:30:39 PM GMT+8

2003 年 3 月 16 日 星期日 【晴】

經過一晚的思考，
發現錯的是我，
昨晚的只是過眼雲煙。
目的只在追錢，不是絕交，用語過激，
本人在此致意最誠懇的歉意！

>>March 16, 2003 at 11:08:30 PM GMT+8

2003 年 3 月 15 日 星期六 【晴】

今日係星期日，晴。

由於今日冇出街，所以整天都在家中聽歌。
今日我聽左好多歌，有d聽完後有一d特別的感覺，就等我而家講下啦~

VRF - 妄想(劇場版)：
呢首歌同普通版 妄想 唔同ge地方係佢多左個故事，個故事係一個典型的慘情愛情故事，內容係有關：
一個有癌症的女仔問個男仔：如果你有癌症，你又鍾意左個女仔，你會同佢講嗎？
個男仔就答佢：唔會。
就係咁，一段日子後，個女仔死左，臨死前寫左封信俾條仔，
內容係交代她已因癌病去世和她一直都鍾意個男仔，冇同佢講係因為個男仔俾左o個個答案俾佢…
又叫個男仔唔好因此而內疚…
雖然這個故事的情節不是太有新意，但雖然令人感動！聽完後，我學識左唔好亂答問題，否則會遺憾一生！

Cookies - 最後一塊

我對呢首歌有特別感覺係因為佢d歌詞好正！
近幾年d歌多是圍繞愛情，聽得多都悶…雖然呢首歌都係講d差唔多ge野，但近日聽到有傳cookies會解散，
再聽一聽呢首歌，就覺得有點感人。

和你吃茶點 那時我最愉快
愉快到未知 經已最尾一塊
直到知道快樂 無法再取之不盡
才學會珍惜第一塊

呢幾句歌詞正好提醒我們要珍貴美好東西，如果唔係一定會後悔。

Michael Jackson - Heal The World

呢首歌主要內容係叫人們保護世界，創造一個更好的地方！有幾句歌好正！

Heal The World
Make It A Better Place
For You And For Me
And The Entire Human Race
There Are People Dying
If You Care Enough
For The Living
Make A Better Place
For You And For Me

睇完呢幾句，冇野好講，一句講晒，正呀！
MJ唱咁多好聽ge歌，點解d人要話佢呢樣唔好o個樣唔好呢？d人真係賤！

陳奕迅 - King Kong

呢首歌係一首快歌，講一個人成日俾人話肥，但他一於少理，而且仲係咁有自信！

妳話瘦多好看　但我話其實妳沒有眼光

呢種做人態度應該學習值得學習，做個有個性的人，才能從人群中脫穎而出，創一番成就！
但不宜過份自我，不然就會成為黑人憎的人，好似基佬咁…

今日就分享住咁多先啦。

>>March 16, 2003 at 9:24:06 AM GMT+8

2003 年 3 月 14 日 星期五 【晴】

今日係星期六，晴。

今日俾個電話嘈醒左，一拎起個電話，喂一聲，嘩…把聲好似想走音咁，極唔掂，
都唔知咩事，病咁耐都咁未好番，個喉嚨仲係好辛苦…
原本諗住在家中休養，點知霆鋒又叫我出沙田，好…又陪佢癲下，叫我兩點去到新港城，
點知叫自兩點二十分先到…算，我等慣人ga啦…不過最唔抵得佢話自己未遲過到，
但今次已經唔係第一次，唉……可惡！

之後o係新港城買左隻四十幾蚊ge杯，唔係自用，係用o黎:苳k。之後搭車出沙田，
沿途一直少出聲，因為喉嚨唔舒服，一直睇roadshow，好無聊…

去到新城市，問佢想睇咩，佢話冇野想睇，因為想買ge野已經買左…
他媽的，咁叫我出去做咩！之後無聊咁逛商場。係咁行，但都冇野想買，好無聊！

之後因為無聊得濟，所以就入左機鋪，睇到有部機好過癮，條友拎住把劍，o係度左右砍，
好鬼蕭(=.=)，之後霆鋒就用三蚊玩左次網球，但眼見佢球球都out，深感無奈…
之後睇左陣老翻就走人…

番到屋企，唔知發咩傻，係咁打cs，打到兩點幾，所以呢篇日記都係16號先寫…

>>March 16, 2003 at 4:02:52 AM GMT+8

2003 年 3 月 13 日 星期四 【晴】

今日係星期五，晴。

原本今日係一個好日子(星期五喎~正呀)，但係有兩科測驗，令人十分煩！中文都冇乜問題，
數學先死，唔多識做…危機，近日唔知做咩，個腦轉慢左，可能因為訓少左，係時候在星期六日訓番多d，
唔係就死得。

今日其實係一個節日，但係冇乜人知，因為呢個節就係日本的節日：白色情人節！
所以我在今日做左件有意義ge事…哈哈~我的人生中又多了一個第一次。

今日放學測完數學後，阿sir要a math班留下訓話，大概都知是有關上次測驗的事。
佢問我地究竟有咩問題，我諗左一陣…但係真係唔知，可能…唉…
但氣氛不算惡劣，up左成半個鐘先放我地，累人等左我地成半個鐘…sor晒，係意外！

之後去左新港城，無意中看到「亦」霸，之後睇下個價錢牌，嚇左我一跳(@0@)，三十五蚊咋！
真係低！所以就買左。接著整個晚上都在攪佢，之後阿sir無lala icq我問我數學識唔識，
之後我同佢吹陣水，內容多是講「如何讀a math」。聽佢講，想當年佢會o係上完堂之後抄一次筆記，
之後再做多次上堂d數，咁就係溫書！聽落好似好易，但對我o黎就好難，因為呢個動作要日日進行，
對我o黎講係一個極高難度ge事，但我會盡力去做…盡力啦…我真係唔想好似阿sir講咁…下年讀econ…

一個美好的星期六、日即將來臨，好開心！
有人仲欠我140…快還啦…diu！

>>March 16, 2003 at 4:02:27 AM GMT+8

2003 年 3 月 12 日 星期三 【晴】

今日係星期四，晴。

今日…終日d堂都好想訓，由第一堂中文堂已經想訓，條友唔知教乜鬼野【出師表】，悶到嘔，
但總算係第一堂，死頂都唔可以訓！

之後係phy堂，條友講又講書…講得又悶，我隔離條友又悶，成班都悶…一個字：悶！
悶就令人眼訓，就落堂的時候差d訓著…好彩…那時已經將近落堂。
之後就係bio堂，仲死…上佢堂就算講乜都覺得眼訓，佢天生就係一股令人眼訓的聲線，
一聽到就想訓…得閒錄低佢上堂講d野拎出去做CD(吹眠o個d)，肯定有得賺！

lunch後上電腦堂，成日咁長，得電腦唔會令我眼訓，真係成堂都唔眼訓，好神奇！
經我反覆思量之後得出一個結論：有老師講，冇同學講，係致睡的主要原因！
希望他們知道淨係坐o係度聽有幾悶…幾難受！

聽日有兩科測試，痴左線…又中文又數學，直頭係想我地死，唉…可惡！

今日阿媽叫我出街食飯，所以順手買埋隻mouse，吾…
開始貧…要努力節省開支，希望在一至兩個星期內達到收支平衡！

>>March 13, 2003 at 3:22:54 PM GMT+8

2003 年 3 月 11 日 星期二 【晴】

今日係星期三，晴。

今日一番學，頭三堂就係a math堂，阿sir一入o黎就派卷，一眼望埋去，一堆英文，
但問題不大。再細看，立即實行「唔識就飛政策」。之後飛下又一題，飛下又一題…
好快就到左第八題，當然…一至七都唔識，又點會識第八題呢…

就係咁…都係實行番逐題做政策，但效果不大，因為根本就係唔識…救命…做做下就話夠鐘，
之後收卷，唉……又一份肥佬卷…「如何減少肥佬卷」以成為我的新研究，要努力尋找答案！

呀…中、英仍作未交，聽日測中文、後日又係中文、大後日就係math，星期一仲仆街…中默+中測…
有冇再多d呀！可惡…年終無休…我唔係7-11呀！……

今日阿sir icq我問我份卷識唔識做…都唔知點答佢，我唔想令佢失望，但…無能為力，
今日a math堂阿sir話過，如果上下學期都唔合格就可唔讀，唔通我真係唔o岩讀a math？
唔係下嘩…玩咩………

算…我仲未溫書，早d訓，聽朝溫…唔係又多一份肥佬卷。

>>March 12, 2003 at 3:22:17 PM GMT+8

2003 年 3 月 10 日 星期一 【晴】

今日係星期二，晴。

今日正常咁過左一日。第一堂就係電腦堂，好努力咁聽，學到野，
之後就係chem堂，新sir上左都好幾堂，仍然係咁嘈…我諗chem lab好耐未試過咁嘈lu、
之後就係數學，阿sir唔知去左邊冇o黎上堂，但仍然交下堂課俾我地…可惡呀！

lunch後就係phy，雖然唔係好知佢up乜，但總算冇訓過，因為我太精神，尋日訓左超多，
呢件事證明訓得多就唔會眼訓！
之後，週會唔駛上，就同小虎研究番尋日d a-math，因為冇番，所以要請教番佢，
暫時都仲明，但仍然唔係好識做。

就係咁，一日的學校生活就過去了…

中四的時間過得真係好快，好快就一日、一個星期、一個月、一個學期、一年……
話咁快又ut，之後就升中五，真係好快！

今日從網上搵到一些html碼，加左落這個日記板，美化了一些，
細心睇一下，那些星星從外到內咁行，我好像在向後行咁，看日記再配合就感覺，一絕呀！
有一種時間倒流的感覺！正呀！

>>March 11, 2003 at 10:28:01 PM GMT+8