2003 年 10 月 9 日 星期四 【晴】

星期五，陰。

晚上，由於阿媽弄傷了腳…都幾嚴重…所以今晚冇飯食，要出街買。
在漆黑的晚上，一個人獨自的前往新港城，
帶著緩慢的步伐，懷著不安的心情，踏著凹凸不平的路上，
橙色的街燈悠然地照著，一棧一棧街燈的橙光照在我身上，
我每向前走一步，地上的影便淺了色，當我再向前走多一步，新的、深色的一個影子便出現，
如事者，長長的影子沒完沒了的、一個一個地不停重生。
經過一段漫長而孤單的路途後，便來到新港城。

往m記食過晚飯後，便在商場內四處逛，經過orange時看到新款的nokia手提+遊戲機，
標價二千餘元，實非本人能負擔得起，所以…真係需要儲錢買。
又發現廿二世紀殺人網絡2的數碼光碟已發始發售，售價為一百四十元。
不消十分鐘，商場已被我逛了一圈，不知不覺便行到了馬鞍山公園。

當我步出商場，一陣帶著秋意的微風輕輕的在我臉上擦過，給我帶來了涼快的感覺。
沿著行人天橋走，很快便來到了在晚上的馬鞍山公園了。
當我踏進公園，眼前出現了一片帶恐怖氣氛的小灌木林，
在密集的樹葉之間，隱約見到在樹後遙遠的橙色街燈，一陣風吹來，樹都緩緩地擺著，
那些微弱的橙光也隨之而慢慢閃爍著；(待續)

>>October 10, 2003 at 3:58:20 PM GMT+8

2003 年 10 月 9 日 星期四 【晴】

星期五，陰。

哈哈…不知不覺又幾日冇寫日記，好遺憾…
呢幾日都有溫過下書…

呢幾日發生左好多事…心情不佳…
尤其是係今日，一早就派份死人phy卷…之後就派份死人英文卷…
派都人都灰埋，天又灰…整個世界都灰了…

哈……仰天長嘯……壯懷激烈……
樂觀在灰暗的天空中消逝，天真在悠悠的歲月中消失，江水一去不復返。
這永恆的遺憾，永恆的留傳下去…

悲觀不是我的作風，但…呢幾日真係幾灰，希望盡快攪番掂d心情去溫書，
為左番0係學校，為左在學校內的她/他/它，我要拎十四分！！
暫定chem同bio 要C左佢！呢個係我的目標！我還有另一個目標呢…！

>>October 10, 2003 at 11:15:17 AM GMT+8

2003 年 10 月 6 日 星期一 【晴】

星期二，晴。

講番今日的事：

正常地上過一天的八節課堂後，在放學後便和肥鵬溫chem，期間佢係咁趕走家傑…
我都唔知點好…夾左0係兩個人中間，唯有笑笑下咁…不加意見。
溫下溫下，做下做下，又明左咩叫ppt，又發現原來有更多的東西是我唔識的，
離ut不遠，我會將精神放於chem bio math cmpu chin eng，希望獲得比較好的成績。
以上六科也是我會在會考出力的六科，目標仍是十四分！堅定不移的十四分！
近日心態上有些轉變，希望可升中六…唔知點解呢…

溫書0個時見到C.M. Pang，佢話我變左，可能…但願真的是變了！

>>October 7, 2003 at 10:41:01 AM GMT+8

2003 年 10 月 6 日 星期一 【晴】

星期二，晴。

講番睇煙花的事：

隨著現場廣播，得知煙花匯演快將舉行，在尖沙咀海傍的人們都粉粉發出歡呼聲，
熱烈的氣氛沖積在整個維港。數秒後，煙花隨著悠揚的音樂升上維港半空，
首先演出的是香港隊，背景音樂是中式的，燦爛的煙花在半空中散開，
與背景音樂不太配合，但也先聲奪人。心形的煙花令我印象十分深刻，回想一下…
何時才能與心愛的人觀賞如此美麗的煙花呢？

接下來的便是意大利隊的演出。背景音樂是一些耳熟能詳的歌劇音樂，
每首歌都有著動人的旋律。意大利的煙花隨著動聽的旋律在漆黑的舞台上跳舞，
閃閃生輝，奪目耀眼。煙花好像有著節奏的發放著，十分出色，
高、中、低 空的煙花層次分明，真是十分高水準。有競爭才有進步，香港又上了一課了。

>>October 7, 2003 at 10:30:46 AM GMT+8

2003 年 10 月 5 日 星期日 【晴】

星期日，晴。

0係十月一日0個時有煙花睇，由於未試過0係香港現場睇煙花，所以就定左0係今日去睇。
今朝同阿媽去左百佳買野，之後就番0黎開腦叫人去睇煙花。
開左個icq見到唔係好多人online，之後叫親d人都唔去得。

就0係呢個情況下，只有我、家傑同小劉出去。
二點小劉叫我出門口，我就搭87D出去，一出獅子山隧道冇幾耐就塞車，塞左勁耐…
又冇位坐，企都想死咁，之後才知原來係爆左水管…我diu佢丫……
出到去信和見冇人就去左買野食，買完番0黎見到小劉0黎左，之後等家傑…
一等，再等…不停地等，我diu佢遲左四十五分鐘，非常唔掂。

之後就上左信和掃老翻，我買左二隻，佢買左二隻。我買左乜乜魔界村、rall04、freedomxxxx，
再睇左一陣就走人，沿彌敦道行，行到尖咀，五點幾，去左海運間m記攪掂左。
之後去左0個度間機舖…唔掂，連沙田都不如！之後就出發去海旁。

去到海傍，六點左右，一路等…不停等…
(待續！)

>>October 5, 2003 at 4:38:38 PM GMT+8

2003 年 10 月 4 日 星期六 【晴】

星期六，晴。

今日十點幾起左身，攪李克勤隻碟都攪左成兩粒鐘咁滯，一路下載、一路聽。
聽左成粒鐘李克勤d歌，由「月半小夜曲」聽到「我不會唱歌」，
見證左佢0係樂壇的所有正歌，但有d我並唔覺得好聽…

到十二點幾，見到佢online，問左佢d唔係好緊要既野，佢又答左d唔係好緊要的答案。
攪到一點四十五分，出街食野。去左m記，買外賣走去馬鞍山公園食。
食的同時，見到d細路0係度玩，天真的他們…希望佢地快d成長，如果唔係好多野都玩唔到。

食完就番左屋企。之後就做左樣我之前話on9既事---番學校溫書。
三點半番到去，等肥鵬完左0個團契，等的同時，我扒左0係張桌度，周圍望……
一望之下，發現原來學校的環境都唔算太差，可能因為最後一年的關係，有d感觸，訓左。
條友四點先出0黎，之後同佢研究chem既中和作用。
有個識chem既人同我一對一溫書好過上堂，明番好多基本既野，又發現chem要勁一定要背…
之後做左幾條example，攪到六點幾就番左屋企。
從來都未試過對住d chem兩個鐘以上…創舉！

好似又有番一d讀書的推動力，可能又係三分鐘熱度發動左…
對媾女呢樣野開始迷茫…在前境未明朗時都係唔好輕舉妄動。


>>October 4, 2003 at 4:17:10 PM GMT+8

2003 年 10 月 2 日 星期四 【晴】

星期五，晴

兩日冇寫日記緊係有原因啦，通常唔寫日記係因為唔想寫、唔知點寫……好多原因。
今次的原因主要是…不詳！

up完廢話，係時候入正題。星期四那天同0個兩個妹妹仔去左食lunch。
內容一樣，只是場境唔同。男與女仍然無言沈默…女的兩條友(狄、樺)仲要黑起塊面…
氣氛非常差，唔知佢地知唔知呢？……　不過我就覺得如此…
我原本想講的那句話，我睇…要收番(好彩未講，如果唔係都唔知會點…)。
同佢講野又好似唔出聲咁，最大獲係佢地黑起口面=.=　攪到唔知點咁…
所以所有野看來都應該睇定D。雖要一些冷靜期，俾我諗下點解決呢個問題，
攪唔掂就算數，當發左場過癮的夢……

除左呢件煩事之外，今日亦知左件喜事，就係親愛的石老師會在十一月出閣。
哈哈…我仲以為佢晨早結左婚tim…不過難怪既，佢年年都教會考班，
邊得閒去媾仔呢，真係…又為5E班沖下喜(唔駛死氣沈沈)，的確係一件好事。

呢幾日的大事就係咁…

>>October 3, 2003 at 12:24:15 PM GMT+8

2003 年 9 月 30 日 星期二 【晴】

星期三，晴。

連續幾日都係晴天，真係好~
今日係一年一度的中華人民公和國國慶，話雖如此，但仍好似冇乜節日氣氛，
一起身，諗住等小劉online打aom，點知等到luch時間仍未見人，算…

之後就去左新港城，孤單地食哈迪斯，食完就同阿媽出新城市買鬚刨。
之後等左陣就去好運睇野，點知一間老翻都冇，好失望…都係旺角老翻比較勤力。
之後就番屋企。

開電腦，見到佢online，就講下聽日食lunch的事，之後本來想講，但又好似未係時候，
好！遲d先~　之後見到電視播煙花…唔好睇既…好想出去同人迫下。
而家暫定今個星期日去睇煙花，希望真係去得成啦，好想睇下香港的煙花。

之後同小劉打左場aom，又同eric打左場，發現佢地兩個差左段距離，同我又差左段距離。
近日努力研究Titans 的屈機法，因為有著很屈機的優勢，但缺點是初期人民的分配。
因為人民可以說是其他民族的三倍(事實上也佔三個人口單位)，但效率也提升了，
又唔駛起收集點，這也小用了資源(但起人都要木，所以基本上都係用咁多資源)。
起兵方面，Titans 兵未及宙斯兵(騎兵)勁，弓兵未用過，攻城武器用Titans 巨人，
基本上玩Titans 的話，一定要快升級，做好防禦工作，咁就一定贏硬，因為…
Titans 巨人無比屈機，七十攻，七千血，閒時會自動補血…多麼的屈機啊…
玩左咁耐就係有以上結論，仲有待發掘。

回想一下，我在小學尾聲時有一次，唔知0係中學尾聲會唔會又有一次呢…？

>>October 1, 2003 at 3:59:51 PM GMT+8

2003 年 9 月 29 日 星期一 【晴】

星期二，晴。

今日冇乜特別野發生，平平淡淡又過左一日，
我近日變左焦點，但基本上唔係我想的…　算，冇所謂，我愛接受挑戰的。
近幾日心情又開始平伏，哈哈…我的三分鐘熱度完左…
但我可算是認真的。

今日有中文堂，終於都教完『我和我的唐山』，初初睇呢篇野的頭幾段時都覺得好普通。
點知最正係尾幾段，條友用左勁多修辭，令文章的悲傷氣氛加劇，
成功地抒發了作者心中的感興。唔知幾時我先可以學到佢呢…我總覺得而家寫乜都好似唔掂…
唔夠入心入肺。

對於近日的流言我基本上都覺得幾有趣~好耐未試過有d咁既事發生囉~~好過癮！
這就是雙子座的獨特想法！哈哈！

>>September 30, 2003 at 3:53:42 PM GMT+8

2003 年 9 月 27 日 星期六 【晴】

星期日，晴。

今日早上，在家中打機，
下午，陪阿媽去酒樓搵完位，食左少少野就走人，因為唔想應酬d親戚…新年先啦…
在等位期間，那位親戚打0黎問我阿媽0係沙角村坐咩事先入到0黎，
當然，我阿媽唔知，我就打電話去問霆鋒，霆鋒又唔知，之後打俾小劉，佢又出左街。
盡晒力都問唔到，幫佢唔到啦。但我因此知道霆鋒在附近，所以就去左搵佢，
去到之後得知佢同佢阿哥炒大獲，唔知佢咩事…好彩我同阿哥永遠都唔會有呢樣野發生…

之後佢好努力咁0係度睇acc，睇佢好似唔多識咁，有d要drop 既感覺，當然，佢話佢唔想drop。
陪左佢都幾耐，又見到佢做一個好耐未做過既動作---食飯。
佢話有廿蚊，所以要食飯，點知佢又去左7-11食=.=……
睇佢食完飯就陪我行左返耀安。我返左屋企lu~

返到屋企，打drag-on dragoon，打到無乜癮就走左去開電腦。見到佢，例行的吹下水，
加深一下了解，了解左之後做乜都好辦啦。之後手痕開左個大icq，見到有條友過兩日生日。
例行的send左句生日快樂。之後令我諗起小虎，唔知點解小虎咁鍾意佢…r頭。

練筆未做完，佢日test math，平常心面對啦…目標是會考，得閒真係要搵鵬哥教下路，
睇佢個樣真係科科屈晒機…好！佢肯教的話我就有希望了！

>>September 28, 2003 at 10:28:30 PM GMT+8