2003 年 2 月 17 日 星期一 【晴】

今日係星期二，晴。
今日同尋日差唔多，但有趣的時在lunch後的三堂全是吉堂，
過了三堂無聊的課堂後，完成了數學notes，總算沒有浪費。
在那三堂中，我同小虎坐，他就好似點唱機一樣，要邊首就唱邊首，
他那種獨特的演繹方式(攪笑)實在令人捧腹大笑！
今日交o個本數學薄做錯左……連那題都做錯，實在應該撿討一下。

今日…有個新的代課老師教chem，佢…講得好快，講中文…什麼沸化鋰…像在講粗口，
在第一堂過後，他叫我地休息一會，點知一休就休到差唔多落堂，
他這樣教書……唉，要改要改！ 佢講d野我都唔係好明，可能我今堂唔留心啦，下次唔會！

今日諗通左d野，我應該學習一下點媾女，係時侯時候搵個對象，實習一下，
對象方面，是但吧！反正都是實習，不應太認真。但…這樣做好嗎？好像在玩弄感情，
都係唔好，免得要我負上不義之名。

今日有篇作文未作，聽朝作吧，反正現在慣了早起身，希望不會捱壞身子。

>>February 18, 2003 at 3:28:24 PM GMT+8

2003 年 2 月 16 日 星期日 【晴】

今日係星期一，陰天，調位後的第一個星期一。
今日學校的事不值一提，因為平淡得很…唯一有趣的是在中文課說話訓練時，
我講到不知所謂，講完後janice問我：「你講咩呀」=.=。下次有機會的話要準備多一點。
今日…冇功課，所冇欠交，但有三科默書，一科bio、一科英文、一科math，
一科冇默，一科唔錯，一科差，算叫做有個交代啦，我平時係唔會溫默書ge，不嬲都唔好。
我ge讀書計劃開始有效，要持續下去。

平淡生活令雙子座的我極難接受，要找一點新的衝擊，令我人生更精彩！

>>February 17, 2003 at 11:41:20 PM GMT+8

2003 年 2 月 15 日 星期六 【晴】

今日係星期日，今日濕度高，整個人都像很濕似的。
尋日霆鋒約我十一點o黎我home整網，做什麼英文project，但我九點以起身，
十點便打電話嘈醒佢，十點幾佢就o黎到。之後佢整我教，攪左好耐，但其功課還未完成，
他又說約左家傑跑步，但家傑突然又話唔跑，有趣…

之後去左新港城，食野，行左陣，番屋企，頗無聊的一天。番到屋企又後左陣，訓到食dinner，
dinner後攪電腦，攪到十點玩cs，之後訓覺…期間溫左少許math生字，要聽日起身溫！
所以這篇日記是我在一月十七日早上五點前寫的。

不知不覺，又到了冬季的尾聲，有點春天的感覺，春天的潮濕是最討厭的，
總是令人提不起勁做事。

尋晚(16號)訓在床上，輾轉反側左一個鐘都訓唔著，不知為何，想起了某些舊事，
有趣有趣…又想了一些高深的人生哲學，但訓醒左就乜都唔記得lu~
也許下次應該先用紙筆記下，免得忘記。

近日的生活平靜、帶點無聊，沒有什麼大的衝擊，令我提不起勁做事，可能是因為春天的來臨
唉…又一個春天，細個的時候，成日想大個，現在，我已經想回到過去，但…
為什麼我已有這種想法呢？我現在只是十五歲而已…
總括來說，今日的天氣令日不安……
(後記：今日無意間download左個office xp，send了給henry，並燒了落碟，有興趣就問佢拎啦。)

>>February 16, 2003 at 8:53:06 PM GMT+8

2003 年 2 月 14 日 星期五 【晴】

今日係星期六，辛苦了整個星期，終於有得放假，可惜要陪家傑去深水涉買playstation2…
今日十一點幾起身，攪攪下攪到十二點幾沖涼準備出街，一點打電話俾家傑，佢仲未起身…
尋晚叫佢一點起身，佢仲唔起…兩點幾就開始搭車，花了大約四十五分鐘便到達深水涉，
行了十五分鐘，才到達黃金，因為…好似早左一個站落車，所以搵了一會兒才搵到。

入到黃金，行左幾間，發覺直讀ps2貴左，問問下有幾間要千六，但家傑得千三，
所以要搵比他們平的，搵了一會兒又搵到間$1390，家傑二話不說就買，但……佢差50蚊，
要問我借，算……五十蚊…借俾佢，但…原來唔包火牛，可惡！
個火牛成$150，佢冇，又係我借…最後家傑以$15xx買左部直讀ps2，但欠了我二百二十元，
我限佢一個月還唔到就每個月加十元，但我估佢都會在一個月內還清…
原本想買部燒碟機，但…借左俾佢唔夠錢買，算…唔買！

佢話要唔食飯來還錢，我睇佢唔食得幾多日，唉…希望佢下個月先還，我就可以淨賺10元，
呵呵(A_A)。

買完後，就去左黃金旁的麥當勞買野食，買完後因冇位坐而去搵巴士坐著食，
行到巴士站後，等了一會兒，看到有車來之際，有條友o係後面「喂」我地，
回頭看，葉鳳儀(@0@)，真神奇…深水涉都撞到熟人…哈~
跟著上車，佢係咁搶我d薯條…可惡！食晒野之後，佢就好似好累咁訓左。

之後就番到o黎耀on，落車後經過籃球場，看到偉達等人在打波，
我感到十分震驚！因為我在出發往深水涉前，經過那裏時已經見到他們，
假設他們沒有中途去食飯的話，他們打了四個鐘頭籃球！四個鐘…打機都累啦，
何況是籃球，他們究竟是什麼構造的…

之後我們各自回家，今日行程結束。
(後記：今日個網更新左janice ge個人資訊，但只係得佢個名，生平時跡都係由佢自己打番吧。)

>>February 16, 2003 at 8:51:26 AM GMT+8

2003 年 2 月 13 日 星期四 【晴】

今日，係我減少欠交功課計劃的四天，尚算成功，每樣野都能在小息前攪好，實在可喜可賀。
真係要多得今次考試的失敗，令我做會樣事都提起了決心，但…代價太大，唔化算，
一次下都係唔好搵d咁ge野攪。

近日發現好多人都走去補習，可惡……在這樣的情況下，我一定要加萬二分努力，
先可以追上二十名，努力努力。

聽日調位lu，同家傑坐左半年，感觸良多，有好有懷。無論如何，調位都係一件有趣的事，
可認識其他人，但心中已有一班「唔想同佢坐的人」，上年d班打波o個班人，除左阿城，
恍惚冇個係好人，又串嘴、鬧人得個大聲又冇point，即係大聲講廢話，無聊！
同o個d人坐，可悲。希望唔會啦。

o個d無聊串嘴好黑人憎，少同佢講野為妙，同d唔熟ge人坐可尊心讀書，好事呀！
(後記：嘩~~~成一點啦，都係時候訓啦，如果唔係起唔到身就大件事！)

>>February 23, 2003 at 2:48:58 AM GMT+8

2003 年 2 月 13 日 星期四 【晴】

哈~今日調左位，右是jason、左是咸煎餅、前是j8's女、後是出貓之王…
唔知咩位o黎ga，除左左後的葉鳳儀外，冇乜邊個識ga…
算，可能呢個位會令我更專心上堂。

哈~今日係一年一度情人節，第十五年單身過，人生中有幾多個十五年呢？
我唔想再過多十五年後還是單身。也許，也許該定個限期，在三年內找人過情人節，
係時候改變自己，令更多人對我另眼相看，但…我是我吧，變化大極有限，
所以……唉…我又唔及別人的不羈，還是努力d等運到啦。

改變是進步的來源，因為咁，我會盡力改變任何野，務求變得更好，
變得不好的，就當取個經驗吧，都未嘗不是一件好事，多變吧！

近日去左一個 中一同學的許願板，看到中四同學的願望，看到後…
我想：新的可能俾舊的好，不好的便再揀，何必將自己留在過去呢？
過去的、一定不會俾將來的精彩！積極點吧！(可能…我太主觀了…)

今日，沒有特別的感覺，因為…慣了孤單，希望來明年今日會是第一個有人陪的情人節吧！
(後記：今日收左數粒巧克力，幾好食，多謝他們！給了我不少安慰、還有女仔知我的存在…)

>>February 15, 2003 at 9:46:28 AM GMT+8

2003 年 2 月 11 日 星期二 【晴】

今日，想早起身做功課，但…起了再睡，睡到七點，失敗也。
令我只淨下一小時做功課，攪到d野做唔晒，
明天一定唔可以再係咁。

今日上堂為了趕功課，無聽書，明早有時間要自修一番，但…會唔會做得到呢？是未知之數。
明日測chem，要溫書！！唔可以再唔合格…我已經衰過一次，唔衰得第二次。
要用功讀書係我下半年的目標。近日，我似乎搵到一個適合我的讀書方法，
就是一早起身，用兩小時的時間做功課同溫書，雖然很難維持，但…盡力吧！
我唔係那些只講、唔做的人，我一定盡力做！

我希望改變我的三分鐘熱度性格，因為有這樣的性格是我成大事的阻礙，真的有改的需要，
我想…做每件事都落多點心機和恆心就行了。
希望能做到吧。

升左上中四，因為身在E班，身邊有更多勁人，使我的成績驟降，
但我成績降係外圍因素，與個人無關，我也不是毫無進步，我近日學會了分配時間，
但仍未違到理想，仍然會繼續。需要的只是時間。

要在數月內做好，在暑假時追回所有野，希望做得到吧。我決唔會好似d人，不思上進。

>>February 12, 2003 at 1:48:59 PM GMT+8

2003 年 2 月 10 日 星期一 【晴】

今日神奇的早寫日記，因為我唔想排隊寫日記，但事與願違，依然要排，可惡！

今日，上堂唔記得公式，累我又要抄五十次，可惡！我究竟幾時先可以記得d公式呢？
那些公式真係好難背…真係唔知d讀書人要花幾多時間去背。
今日總算交齊功課，的確要興祝一番，好耐未試過連續兩日唔欠交功課，
看來我還有改善的空間，太好了！
今日冇乜特別野發生，唔知係好事定懷事，太平常的日子容易令人忘記，
我唔想再失去我的記憶，最珍貴的！

我開始忘記與她一起過的日子，
當時的我無憂無慮，生活比現在輕鬆，
但卻唔識珍貴，忽略了很多東西，可能因為我當時仲細，唔識諗…
今日同霆鋒icq，唔知做咩無lala講番起那件事，佢唔知咩事，但我就無可能忘記，
經過那件事後，我的人生立即起了變化，當然不是好的改變吧，
但我很少會怨天由人，我相信雙手能改變命運，但…現在仍未做到。

今日早讀時，讀到一篇有關風水同努力的文章，作者話風水係人求心安理得的方法，
真正成功係因為那人知道風水有用，使個人自信心增加而努力工作，從而家得到理想回報，
吾……看來自信心是成功路上必須的東西！

剛才，寫日記過程中俾阿媽鬧，當然又係小事化大，成日都係咁，最衰係我阿哥，
成日瀲佢，攪到我都要受罪…可惡！

今日吹水時間到此為止。

>>February 11, 2003 at 2:50:07 PM GMT+8

2003 年 2 月 9 日 星期日 【晴】

今日、正常的一天，學校方便很好，做齊野，雖然math仍然係合格邊緣，
但我會繼續努力，我要拎多次進步獎……仍然進步獎唔係一個好獎…
做齊功課上堂呢種日子真難得，我希望保持下去，這樣可能對我的成績有幫助。

當然，我的人生不會只有讀書，還有很多精彩的事情，例如：打機、睇電視……等等的東西，
那都是在我生命中不可缺少的，哈哈…做咩無lala會諗起呢d野呢？我都唔知，
我的日記就是這麼隨意，我個人都係，所以今日就係咁俾阿媽鬧我做乜都「求其」，
我卻覺得「求其」是福，做事唔認真，個人都唔會有壓力。當然，冇壓力就冇進步，
所以，我的「求其」係選擇性的，但有時都會揀錯野「求其」，那是可悲的……
選擇是重要的，錯了的話可大可少，今日睇左本書叫愛情偵測站(廣泛閱讀計劃的書)，
說的大多圍繞青少年對異性的溝通，我覺得此書頗有趣和實用，又有介紹各樣性格的人的特性,
哈哈~有趣有趣。唔知點解，我對人的性格越來越有興趣，可能……呵呵……

有人話生命中只有孤單，我卻希望她/他能知道，有過開心才會感到孤單，你現在感到孤單，
證明你得不得永久之開心，掉轉頭諗下，沒有永久開心，也不能存在恆久孤單，
這有用的道理是我唔知聽邊首歌時聽到的，唔知你明唔明，但我就認為只要抱住呢個心態做人,
你便能輕鬆點，對生活重燃希望！願你能辦到吧！

今日仲有件怪事，就係易雅婷話去完日本玩俾手信我，神奇，竟然會有人在旅行時會記得我，
哈哈~好開心！多謝你！一個圓形鎖匙扣，有趣有趣！
(後記：死…發up風時間過得特別快，十二點啦，仲未訓到，聽日點早起溫書呢=.=)

>>February 10, 2003 at 3:45:57 PM GMT+8

2003 年 2 月 8 日 星期六 【晴】

今日係新年假期最後一日，功課算做左d，仲有很多未做，
唔理啦，聽日起身先慢慢做，唉……唔想再欠交功課-.-

今日好悠閒咁做，所以做左唔係好多，但好快又到左十二點，可惡！
我幾時先可以唔打機o黎做番一日功課呢，我覺得已經冇咁ge可能……

點算？如此下去，我一定追唔番，我唔可以這樣的…
但有何辦法呢？我要在打機與功課間取得平衡之餘能抽時間溫習一下，
有這樣的可能嗎？真的要搵高人指點，有這樣的人嗎？
我要努力尋找這人，這人便是我的救星！

轉眼間就過了新年假，我在各方面都沒有明顯進步，沒進步就是退步，
我想我要力求上進，但我仍未找到一條我應走的路，好迷茫，讀書好似越來越唔o岩我，
但……我冇可能可以唔讀書，唔讀又有咩好做呢？
都係努力讀書啦。要搵方法。
(後記：我今日無聊時諗到d野，我寫日記究竟俾邊個睇呢？ 答案係俾自己和想認識我的你睇。)
(俾自己睇係因為要從過去中學習，俾你睇係因為…俾你認識我，日記中的我，才是最真的我。)

>>February 9, 2003 at 4:39:17 PM GMT+8