2004 年 1 月 26 日 星期一 【晴】

『最後武士』

在1876年，退伍軍人尼敦艾格林上尉被日本政府請到日本擔任軍事顧問。
天皇希望把東瀛武士訓練成為更紀律嚴明的現代化士兵，
但這一政策卻遭到反對軍士現代化的日本武士們的強烈抵制。
在日期間，艾格林學習劍術和武士道，又和叛軍武士首領結為好友，
對武士道精神有所領悟。
不久，日本政府下令武士徹底西化，在新舊價值的轉變裡，他何去何從？

>>January 27, 2004 at 2:19:29 PM GMT+8

2004 年 1 月 26 日 星期一 【晴】

星期二，晴。

話說，尋晚小劉打(icq msg)俾我話今日出沙田，原本都唔係咁想出，
見有新同學認識，咁就應邀出席。霆鋒話0黎又唔0黎…一定另有原因…嘿嘿。
話說回頭，今早我十點多才起身，情急之下，用我最快的速度換衫出街。
飛身到巴士站搭上86k，在車上有些不安，因為今朝乜都未整就出街。

之後去到新城市。之後……(睇小劉日記)。
.........................................................................................................................................................
.............................................轉眼間就到了我睇完最後武士之後................................................
.........................................................................................................................................................

不專業劇評：

呢套戲並沒有什麼特別凸出既橋段，只是講一條美國佬去日本教士兵打仗，
最後打仗時因為士兵訓練不足而被落敗、活擒，被迫於深山過了一年，學懂了『武士道』
和一身好刀法。最後個結局都幾灰。
雖然橋段不新，但描寫D野十分到肉，武打場面和男女主角都可以補償橋段不新，
靚佬Tom同個不知名女主角之間的感情描寫得非常之好，條女好索=3=
那些武打埸面十分有震撼力，我覺得佢比魔戎的場面還要震撼，
刀刀到肉的肉博戰，實在是近年少見的。這些都是港產片俾唔到既場面。
總括而言，我沒有後悔睇呢套野，睇呢套野可以學日、英文，十分實用呢。

睇完套戲，發現現今生活在和平的我實在是太渺小，大個之後一定要幹一番事業！

>>January 27, 2004 at 11:49:26 AM GMT+8

2004 年 1 月 26 日 星期一 【晴】

星期一。晴。

今日整天留守在家中，原因有二：不想洗錢、想打機。
如事者，整天連飯也沒食(食餅)，攪下電腦攪下機，咁就一日。
為了快樂地生存，決定打機…

隻freedam fighter又開始卡關，唉…遺憾我開始打機的時間太慢，
攪到而家打機又唔勁，讀書又唔勁。唉…
因有人在家，所以都冇乜點打過個太鼓，廢事嘈親人。

到夜上，夜飯過後，有一街坊拍門派利是，一封五十，合共兩封，一共一百，
記得上年又是這樣，而家d人真係豪，豪好呀，有錢我都好豪架…

>>January 27, 2004 at 11:23:33 AM GMT+8

2004 年 1 月 24 日 星期六 【晴】

太鼓以$235入手。
太鼓三$20入手。
Killer ΧΙΙΙ $20入手。
肥瘦大度 $20入手。
炸彈人$20入手…(玩唔到)

>>January 25, 2004 at 5:40:59 PM GMT+8

2004 年 1 月 20 日 星期二 【晴】

星期三，晴！(正呀)　　除夕！

話說，因為尋日中文作文未交既關係，今日要回校交文，
回校之前還想溫書，所以就叫埋隻豬返學商討溫書地點一事。約了一時四十五分，
隻豬就遲左少少；家傑都尚算準時；fire兩點先到；鵬就兩點幾=.=
經過一番商議後，決定擱置今天的溫習活動。之後就去左新港城用膳。
用膳期間，霆鋒打電話0黎，話要拎碟。
過左勁耐，霆鋒終於0黎到，食完野就各自散人。霆鋒同家傑就上左我度…
打下freedom frighter，打下Ζ Gundam咁，打到咁上下就走晒。
(待續)

>>January 23, 2004 at 9:40:58 AM GMT+8

2004 年 1 月 20 日 星期二 【晴】

(續)

當霆鋒走後，家傑也走了。
我就去新港城與家人會合，去美心食飯，叫左個火鍋同煲仔葉，幾好食。
由於係火鍋既關係，所以食既時間比較長，食完之時接近九點，番屋企。
番屋企期間不斷盡能力叫人去。九點半，得四條友去。偉達話今次攪得失敗，
我卻不認同，叫人去是出於俾面，我本身唔係太鍾意多人去，廢事d人去到串柒柒，
所以d人話唔去我都唔再叫。
九點半，小虎與我首先到了耀安OK；鵬於九點四十五分到；家傑條仆街最遲，五十五分先到。
眾人一起搭681出維園。在車上，有人以餅餅為話題開始吹水。吹到冇野好吹就訓。
十一點左右就到維園。

維園內，人山人海，比往年還要多，人多得十分恐怖。我地四個行左成點鐘先行左幾條行，
期間見到一個猴形雪粒咕臣，就同家傑一人買一個。期間仲見到很多有趣的東西，
有高官啤牌、高官魚蝦蟹、老董吹氣公仔、高達吹氣激光劍、夜光香味花…好多好多。
今年有趣的東西好像比上年少，但仍行得好開心。沿途搵下個老董死人頭吹氣公仔0係邊。
不知不覺，已經行左一個圈，去番個入口0個度，買野飲。
他媽的！十蚊一罐氣水…咁大個人都未見過咁貴既野飲，不過見口喝同新年既關係，
豪一次咁大把，買左。飲既同時發現而家想入維園都難，因為警察圍左鐵馬，
逐下逐下咁放人入0黎，另一方面，原本行得既路已經多人到行唔到。

飲完野，就去再戰人群。多人到行唔到，企左0係度，見到有靚女A_A，迫下都冇所謂啦XD。
企企下又行魏番，行行下就見到民主倒董力量個檔口，一0黎就見到長毛，
佢0係度講老董收皮，之後講講下仲大叫：「老董…」之後在場市民就大叫『收皮！！』。
如事者，叫左幾聲，氣氛俾長毛攪到非常之好！勁有趣！
之後我地用十蚊買左個老董死人頭吹氣公仔，仲搵埋長毛簽名，勁開心！
之後馮小姐打電話0黎，話0黎到，搵呀搵，搵既期間俾家傑用手指篤撚爆左個老董頭…勁灰…
最終都能與兩位小姐會合，之後又行…行呀行，行番去買老董頭。
今次仲勁，搵到長毛提字加簽名…鵬真犀利。接著眾人就去左買花，買下劍蘭咁。
買完劍蘭，我同家傑、小虎坐左0係維園出面，等鵬同兩位小姐慢慢去買其他野。
坐0係度…越坐就越凍。不久，佢地番出0黎。

就係咁，元宵行花市就正式結束。一行六人就搭地鐵去到旺角。當時三點，
但街去還有數不盡的人。我地就去左間麵店食野。
食完搭亡命小巴，極速飛番0黎，番到0黎都差唔多五點…攪多陣電腦，五點幾先訓。

今天十分開心呢~因為沒什麼不愉快的事。新年願望：下年有女一齊去行花市…

>>January 23, 2004 at 9:40:03 AM GMT+8

2004 年 1 月 19 日 星期一 【暴雨】

星期二，雨。

連續兩天都有零星的大、小雨，氣溫也從星期日開始急劇下降，多麼的寒冷。
早上，行路回校時彷彿已是假期，街上除了數個的青年會學生外，便看不到其他…
做青年會學生是多麼的可悲，話說回來，我已做了五年的青年會學生，
除了個朵唔夠其他學校響(好又唔係，差又唔算…差勁！)。回頭一看，f.1玩基佬的事，
就像是昨日的事，時光快逝、歲月如歌、光陰一去不復反。
整個中學階段，沒女是可悲的事…
撇除上網媾那件怪物，最有機的便是近期的那件，但因種種不明朗因素的出現，
始終都是拍不成施。今天鵬在中文堂串柒柒，話我未拍過拖。嘿！佢太膚淺喇，
我拍拖0個時佢仲係一個f.1小朋友。女呢d野可遇不可求(也許這樣想會令我好過一點…)，
你叫我媾好似鄭偉聰0個件確實是不可能的事，但……不詳。
話雖想有女，但也有我的要求…我不是濫的人。(不是說鄭偉聰濫)

今天，中、英、數的老師都有番，令我原來的如意算盤打錯了，
最意外的是Physical Education因天氣寒冷而取消，多麼荒謬的理由…這便是讀青年會的趣事了。
不上Physical Education堂沒問題，但要我上多堂數學堂卻是最大的問題。
阿SIR的無故起火及串柒柒事件近日開始增加，這兩點足以令不太團結的5E團結起來，
由鵬帶領的反CM Pang聯盟已逐步形成，CM Pang今次死緊喇！嘿！

上完一天的課堂，接下來還有生物科補課。經過個多小時的激鬥，終於把會考課程完成。
阿sir派益力多，「乾杯！~~~~」生物科的補課在一片歡樂氣氛下結束。
今天的學校生活也在5時45分結束。

>>January 20, 2004 at 1:31:38 PM GMT+8

2004 年 1 月 16 日 星期五 【晴】

星期六，晴。

今日發生之事，詳情可見小劉之日記。

話說，從沙田回到馬鞍山後第一件事就是去買War of the Ring(tm)。雙CD雙碟價四十蚊，勁貴！
因為係即買即燒既關係，所以要等二十分鐘…無意識的便去了馬鞍山公園。
天氣寒冷得很，一個人行公園顯得份外悲哀。
公園內有數個賓妹，有兩個魔門教人士在荼毒一位不知名人士。
我就靜靜的找了一個座位坐下來。看對情侶在另一邊調情，在那邊細聲講、大聲笑…

就是這樣我閉上雙眼便睡了一會兒。

不久便過了二十分鐘，我前往取老翻，取後便閃了回家。

對住電腦，不眠不休地下載的『 陳奕迅&葉倩文 903 id club 拉闊音樂會 』終於到手，
有興趣者可出聲。

>>January 18, 2004 at 3:07:34 AM GMT+8

2004 年 1 月 14 日 星期三 【晴】

星期四，晴。

今天miss chan依舊沒有如常回校。但書照默。講起默書，我尋晚都冇溫，
一心諗住今日出貓，但係0係鵬既感化後都盡力背，最後錯左三個字，
可能係耶穌打救。一切都能以努力去補救嗎？如果是真的，我一定會努力，
我最驚既係努力之後仍沒得到好結果…所以不知從何時開始做任何事都不想盡力…

之後是cmpu堂，阿sir派左份section b題目叫我地做，有點兒懷疑中文卷會否能發揮得更好…
唉…
放學後有bio test，d mc全完r頭，long question又係咁…
唉…中文又唔係好，英文又唔掂…灰呀！

>>January 15, 2004 at 1:55:09 PM GMT+8

2004 年 1 月 11 日 星期日 【晴】

星期一，晴，寒。

今日所有課堂都安全渡過，下課後的chem test依舊不難，但乜不懂，心情復雜。

今天…又過去了…

平凡的過了，不流一點痕跡，難聽d講就係白過…，一點都不彩。

>>January 12, 2004 at 3:08:17 PM GMT+8