2003 年 4 月 7 日 星期一 【晴】

今日係星期二，雨。

今日無無聊聊的，突然心血來潮，想去霆鋒屋企坐下。
就係咁，兩點幾就出發。基於肺炎太勁的關係，這次行程有點特別，就係行去…唔係坐車。
由耀安行過去富安，都唔算太難行，沿途經過地盤，見到了一些工人在整野，
行左唔係好耐(比我預期中快)，就越過施工地點。

接下來看到的便是一片叢林在我的左手邊，右手邊有個單車場，此時太陽被厚厚的雲層遮蔽著。
雲在空中遇冷變成雨點，微微的降下。多麼的舒服…一片自然、三兩隻蟬在叢林中叫著…多麼的動聽！
大自然就是這樣的美好！

行行下就行到富安，上左霆鋒屋企後，想話開電視打機，點知佢部電玩同佢一樣咁不羈！
點開都開唔到，之後睇佢玩三國志，佢玩玩下話唔玩，之後就繼續無聊…之上yahoo睇電影，
睇孤男寡女，多麼的無聊=.=

之後霆鋒話出沙田買老翻，臨出前，我手痕攪下部電視…嘩~~~開到呀！
之後打左陣三國無雙，之後起行去沙田。

去到後，老翻好似收晒風知霆鋒0黎咁…收晒=.= 他媽的！
之後行左陣就搭車回家。這樣就過了一天…

原來行下一d未行過ge路都幾過癮ga！

>>April 8, 2003 at 2:58:13 PM GMT+8

2003 年 4 月 6 日 星期日 【雨】

今日係星期一，雨。

第二日冇出街。

今日，整天都下著雨，絲絲細雨，煙雨濛濛，窗外白茫茫一篇，多什麼的美麗。
仔細再看，雨點在微風的帶動下，斜斜的在移動…形成一個雨幕，
雨幕在半空中漫漫的漂浮，多麼浪漫……

如果身邊有佳人相伴，是多麼美好的一件事，但=.=……距離這天出現還很遠……(灰晒=.=|||)

今日照常的開電腦，聽歌、打機、無聊…聽日又將會又係咁…
扭開電腦，美伊戰爭好似就打完，肺炎事件引起的恐慌開始冇咁嚴重，
尋日香港電影頒獎禮時，個個都話向前線醫務人員致敬…好似好假咁。

頭先恩恩叫我去佢屋企，因天雨關係，唔多想去…
頭先有個net friend叫我send相俾佢，算啦…send下冇乜所謂，反正…平時都唔多同佢有兩句，
所以口痕叫佢send番佢張相俾我，一睇 ……不予置評。究竟係唔係冇靚女會玩icq，
點解d人send親相都係…咁ge樣=.=。就係咁，我就用我張靚仔相換左張不詳相番0黎，好似唔多著數。

唔通我呢世都同靚女冇緣？暫時在我的一生活中都未有機會接觸到頂級美人=.=
希望未來有啦，冇得媾…起碼都有得睇下丫嘛…而家真係連睇的機會都冇……

>>April 7, 2003 at 5:42:29 PM GMT+8

2003 年 4 月 5 日 星期六 【晴】

今日係星期日，晴。

今日…整天無聊的…寬頻變得慢了…
整個世界都像在慢動作進行中…慢慢的慢慢的…

今朝一起身就十二點，之後一直開電腦…對住佢…冇野好做…對對下就訓著左。
臨訓前開住Eason d歌，一路聽…一路步進夢鄉。話雖如此，但我只有訓覺，連夢都冇發。
已經唔記得上次發夢係幾時，淨係知已經好耐冇發過夢…

七點左右，睇到一個有關外太空生物的節目，其中佢講到有一個叫seti@home的計劃，
計劃內容係一個大server send一d由太空收集回來的無線電迅號給家部家用電腦，
使資料分析的時間減少，令人類盡快知道布冇外星生物。
之後我就上網搵seti，點知俾我搵到，仲downlaod埋，玩下~~~
希望我係第一個發現外星訊號的人啦~~哈哈~

師父話唔再拍拖…有這樣的需要嗎？

>>April 6, 2003 at 5:58:09 PM GMT+8

2003 年 4 月 4 日 星期五 【晴】

今日係星期六，晴。

話咁快又星期六…真係到左都唔知。近日成日無所事事，連星期幾都攪唔清楚，生活有點兒禿廢…
話說，尋晚有人主動搵我，話俾番D功課我。講真…我已經冇諗過收得番，同埋唔想收…見到0個堆野就唔開胃。

12點半，就約左0係OK等，我又係例早0個個，因為家中的時鐘總是快左起碼十分鐘。算…早到係一種美德。
之後起程去頌安。話說有人想食咸煎餅…我地班未有個囉，駛乜去海皇食咁破費呢？！
去到海皇，叫野食，叫咸煎餅，點知……條友話未炸…JANICE即時灰晒咁樣。在逼於無奈下，
唯有是但叫個『竹』食。我就叫左個柴魚花生竹，真係難食都丫…竹之中佢都算難食0個咋！
之後佢話唔夠飽，就再叫左個雪菜肉絲炒米，同樣地，都係唔多好食。
海皇D野唔知其時變成咁…以前都唔覺佢咁難食！可惡…就係咁…就食完。
之後去左新港城…原因係佢想搵野食(0岩0岩食完又食=.=)。去到後，搵完呢間搵0個間，
唔係貴就係多人，最後去左海柏0個邊ge美食廣場覓食，是但叫左個XO醬豬頸肉炆米，十八蚊！
之後等…等……等……… 等了又等，據非正式統計，已經等左半個鐘左右！仍未有得食…
由未肚餓等到肚餓…間野好有前途！食落又唔係算太好食…都唔知佢點解整咁耐…唔通佢真係拎D米粉去炆-.-？
食完後，走多陣，就歸家了。

咁就過左一日，今日都幾開心。

>>April 6, 2003 at 6:51:45 AM GMT+8

2003 年 4 月 4 日 星期五 【晴】

今日係星期五，晴。

今日原本想同霆鋒行下馬ON山，但老母突然拉左我去食韓燒，攪到我邊度都唔駛去。
0個D韓燒又真係幾好食！哈哈~~
一日就係咁就過去左。

>>April 5, 2003 at 3:24:07 AM GMT+8

2003 年 4 月 3 日 星期四 【晴】

話說東方不敗得到葵花寶典以後，迫不及待地翻開第一頁，面對 "欲練神功，引刀自宮" 八個大字倒吸了一口涼氣。
苦苦思索了七天七夜之後終於痛下決心，喀嚓一聲，引刀自宮。
強忍著身體的劇痛，懷著凝重的心情，東方不敗緩緩翻開了第二頁，映入眼簾的又是八個大字： "若不自宮，也能成功" ，東方不敗當即暈死過去.......
好不容易，東方不敗終於醒來了，他想反正都自宮了，還是趕緊練功吧。
於是他又緩緩的翻開第三頁，又是八個大字： "即使自宮，未必成功" 當場東方不敗又再昏死過去。
過了幾天，東方不敗再度醒來，他憤憤不平的繼續往下翻，他發現整本葵花寶典都在討論成功與自宮的關係。
這時東方不敗已經接近崩潰邊緣，在翻到倒數第二頁時，他終於看到了結論： "若要成功，不要自宮" 。
這時東方不敗氣得又快昏過去了，但他心裏想：不行，我要把最後一頁看完，那是我最後的希望，於是他還是緩緩翻開最後一頁，定眼一看， "如已自宮，就快進宮" ，旁邊還有幾行小字：
作者：皇宮淨事房編審
發行：朝廷編譯館發行
這時東方不敗已經撐不住了，當下吐血而亡，一代梟雄就此殞落！

在某論壇見到的舊笑話，相信大家聽過五次以上吧！

>>April 4, 2003 at 5:31:48 AM GMT+8

2003 年 4 月 2 日 星期三 【晴】

今日係星期四，晴。

今日教署話延長停課日期，有好有唔好。但我都感到開心。
條友一話停多個星期，原本想溫書GE心冇晒，整天在無所事事，唔知做咩，不知所謂。
今日好鬼熱，但仍然打機，對住部電腦…簡直係磨練！睇一睇個芒上的鐘(有溫度計)，
成32度！嘩~~完美肌膚！但…最高試過四十幾度，發生在上年的暑假，0個時真係熱到痴左線。

今日回想一下人生，我的一生暫時都叫做多采多姿，所為我出世的時候很好。
我一九八七年出世。一九九七年，香港回歸時我已經十歲，開始懂事。
在我十三歲時就係2000年，一個普天同慶的年份，大家都好開心，我係人類歷史中，
能跨越兩個世紀的一少部份人，有好多人都唔得ga。之後又見證左香港的新機場、青馬大橋落成。
細細個時的經濟繁榮到經濟到九七後的經濟衰退，我都見證過。又見證到澳門回歸。香港的殺雞事件，
之後就係近年轟動的911事件，我也見證到！之後到美國打伊拉克。香港非典型肺炎事件。
全球經濟不景氣……這麼多的世界大事，一一出現在我的人生中。

我而家十六歲，將來仲有大把日子，會發生更多的事。回想一下，我已經可以出番本個人歷史集，
細想一下，原來歷史形成需要這麼多的時間，前人經過的事，今天看到，我地就應該從中吸取教訓，
讀歷史的好處確實比讀a math有多。

吹左咁耐，發現做得人越耐，就越明白身邊的人的想法，從而懂得與其溝通，
這些可能就是所謂的：人生經驗 了。人生經驗越豐富，待人接物的手法就會越好，就越好人際關係。
我希望能識多d唔同層面ge人，從而認識呢個有趣的社會！

>>April 3, 2003 at 4:35:43 PM GMT+8

2003 年 4 月 1 日 星期二 【雨】

今日係星期三，晴。

今日係霆鋒生日，在兩點幾的時候去左霆鋒屋企，睇佢地打結他game，又打晒打鼓咁，
好似好過癮，但本人不感興趣，睇左陣就走左去打cs，打左陣又感無聊，就睇calvin打metal gear solid，
一打就打左四個鐘。睇佢好似打得好輕鬆咁，畢竟佢打爆左三次機，但會次都用九個鐘，
唔知點解，佢熟晒d路，我睇咁耐就驚嘆咁耐…點解佢可以認晒d路，唔通佢不斷咁gameover再玩？A_A
打到8點幾，叫晒人出門口，有d早前約左話得，之後又唔得，有d遲左約，有d話唔去，
最後，我、霆鋒、calvin、青春哥同henry去左 pizza hut食野。好飽，最後我就夾番60蚊。
之後霆鋒就call左佢個實習miss出0黎，我仲以為佢講笑…點知真係call左，霆鋒真係掂，
唔理係咩女，總之係女就一呼百應！哈哈~
之後霆鋒去左7-11，請眾人飲野，真奇怪，生日請人飲野，好似有d唔合纙輯，哈哈~
跟住去左公園，行左陣就坐左0係度吹水，吹左好多野，例如霆鋒點解叫霆鋒…等的有趣話題。
個miss又真係幾得意，有趣有趣！
到11點，公園又關門，眾人一起離開。原本miss又係住耀on村，所以就送左佢番去先，之後就我走，
眾人就各自回家。

今日雖然係霆鋒生日，但冇咩生日feel，冇蛋糕、冇禮物(好似唔係好應該……)……有點怪。
但總算係開心的一天。過埋今日，我諗真係要溫下書，做下功課，講起功課……唉！
總之要靠自己，任何人都唔係絕對可靠，睇0黎math功課d野都係要問阿sir，d人咁唔得閒，好難約。
聽日：一定要溫書！

>>April 3, 2003 at 4:36:36 AM GMT+8

2003 年 4 月 1 日 星期二 【晴】

我信我　天生就是樽蜜糖
外貌普通　卻有人暈了浪
你叫我　扭扭擰擰不在行
但是可親性格　教你心安

我信我　根本就是樽蜜糖
別具幽香　叫你魂遊魄蕩
我欠缺包裝　蜜運一樣忙
魅力出於性格　有趣清爽 容祖兒 - Honey！

由此可見，樣貌不是媾女的主要條件，聽完這歌發現自信才是媾女關鍵！
一個人的性格也是媾女的關鍵，呢兩樣野缺一不可。我要努力改善……

>>April 2, 2003 at 4:23:56 AM GMT+8

2003 年 3 月 31 日 星期一 【晴】

今日係星期二，晴。

今日係好番後第三日，停後第四日，第四日冇落過街。
好無奈……今日照常是無聊的。
尋晚打完日記後，霆鋒話steam開得番！極度開心！又可以打cs！！仲要唔駛錢！
錢……
今日回想到某日，我為錢傷左某人，錢對我…係一樣好重要ge野…但未致於令我失去理智。
0係我心中錢唔會重要得過友誼，友誼唔會仲要得過愛情…仍然我仲未有…但我估係掛。

講起愛情，我認為它係一種生活調劑品，有左佢、就有多d開心的回憶，難忘的事，
人生冇愛情係一種遺憾，所以我0係拍拖前會努力生存，如何唔係就…死都有遺憾。
盡力做到無遺而終係我的理想，一只可活一次……有遺憾都唔知幾時可以做得番…

近日，香港的非典型肺炎仍然在迅速擴散，人人自危…希望快d冇事啦，唔係的話…
香港經濟肯定翻唔到身。到時我都唔知點搵野做…搵唔到野做、冇錢…唔通要做賊？！=.=

今晚herny在八點幾的時候，突然話張國榮瓜q左，起初都唔係好信，過左冇幾耐電視都講埋，
想唔信都唔得啦。聽到呢個消息後，我深感遺憾。我本身對張國榮認識唔多，
我懂事後佢已經封左咪好耐，佢d歌都唔多聽得到。佢又少拍電影，拍d片又一般好睇，
係近期0個套異度空間叫做睇得下，真係唔錯，幾好睇。

97後香港好似真係冇乜好野發生過：羅文死、H5N1、肺炎、經濟衰退、張國榮死……
其中最唔掂係董伯伯上台。香港好似真係唔多掂…點算呢？！

美國打伊拉克又好似有排都打唔完…日日都多幾十人死，死人伊拉克好心就快快趣趣自己投降啦！

最後，霆鋒聽日生日，本人送上生日祝福一個！

差d唔記得…
頭先叫人拎番d功課俾我時，好似激嬲左人，通常呢d情況我係唔係都會認錯先，廢事煩。
本人在此致意最誠懇的歉意。無論點都好，俾唔俾番我你自己決定啦。
唔再問你啦，有興趣就自己出聲啦。

>>April 1, 2003 at 4:43:31 PM GMT+8