2003 年 4 月 18 日 星期五 【晴】

會考香港史必讀

建華末年，君主昏庸懦弱，行中央集權， 以二十三治國， 衰人當道、 仁義
不施、土地跌價、百姓失業、負資嚴重、饑餓頻仍、賦稅繁重、天災流行、
N157、SARS肆虐、高官專權、低官亂政、怨聲載道，使得流寇四起、民不聊生，以致建
華眾叛親離。

港政治之失敗，運用二十三家治術是其中之一。港自建華以來，治專以重
稅、二十三國法來鎮壓人民。然而卻不明「重稅馬上得之」而經濟不能「馬上治之」之
理以嚴刑峻法統馭臣民，埋下了港代滅亡伏線。

嚴治國，雖云足可禁奸，惟一意用重稅法而無教化，終不免傷恩薄厚。且法令嚴苛，一
人犯罪，誅及三黨，人民動輒得咎。

除刑法太重，對老百姓過份勞役也是港之弊政。港以金融、轉口立國，人民收入大致穩
定。然建華不恤民力，動搖國本，大興土木、入不敷之、國庫空虛。建華一統後，巧遇
金融風暴， 加上君主昏庸，坐以待斃，則民不得不怨耳。

港之賦稅極之繁重。據《太平東篇》謂：「港之稅十倍於英」，足證明當時人民的苦況
。建華北上，一眾高官吃喝玩樂，大事興築，無不需大量財資，而財政支出，卻轉嫁百
姓。港代苛徵賦稅經濟凋弊，負資產人士對港政治皆感怨憤。一俟皇綱淩夷，港力消褪
自必相率反叛。向人民徵收重，不單加重人民負擔，亦令整個中產階層充斥著對建華統
治的不滿。民心思變，港代自當滅亡。

至舉港遊行、商旅不行，二十三、三十六等刑層出不窮，百姓終日惶恐渡日，朝不保夕
。 由於治術不以民為本，往往重視國庫而忽略個人，因此民怨沸騰，起而抗之。港又
因推行高官不負責制，如四三凌志事件，沉迷國寶、荒淫無道，及至肺炎肆虐，導致速
亡，史稱《建華之亂》。

>>April 19, 2003 at 2:18:18 PM GMT+8

2003 年 4 月 16 日 星期三 【晴】

今日係星期四，晴。

前幾日不斷咁諗下點攪個bbq活動，約下人約下時間咁，
點尋晚，終於攪掂晒！

今朝，好早就起左身，攪下電腦，聽下隻『Jade 3』，仍然覺得唔夠joey隻碟正，
睇0黎短期內都冇人可以出出隻正詔joey隻碟ga啦…前幾日download左eason第一隻碟，
叫『陳奕迅』，D歌好鬼好聽，估唔到第一隻碟D歌就咁正，低佢而家咁紅啦~~哈哈！

之後就起行去耀ON百佳企左陣，有人打電話0黎話要遲D，叫我自己去海柏百佳，之後就行去。
行到去時見到CALVIN在那裡，之後就係HARRY，接著就係青春哥，之後霆鋒打0黎…話仲0係屋企，
好似事先講定遲到咁，以為講定遲就可以遲到…太過份！
之後JANICE到左，霆鋒仍未到…
之後家傑(此人都唔好得去邊，約佢十二點，佢十二點起身)到左，霆鋒仍未到……
之後易雅婷到左，霆鋒仲未到…凸
好不容易，佢十二點50-55分先到，大明星果然有架子！

之後分兩隊人買野，一隊去買用品，一隊去買食品，一個鐘左右，就出發出燒烤地點---泥浦。
眾人分兩架的士出發，過左陣就去到，之後等個爐著火，等左成個幾頭…
D炭唔知做乜鬼野，野十世都唔著，之後有隻豬就不停叫肚餓……
之後係咁燒…係咁燒…不停燒‥不停燒…燒呀燒………
眾人腦中彷彿只有食！

最精彩都係燒完野食後，家傑同CALVIN GE水戰，簡直係痴左線…
之後眾人搭車去新港城(HERRY除外…)，去買野飲喎=.=
之後又搭車去霆鋒屋企…之後係咁打機…打到十二點幾先走…

今日就係咁過左喇！哈哈！

>>April 17, 2003 at 6:38:23 PM GMT+8

2003 年 4 月 12 日 星期六 【晴】

今日係星期日，雨。

今日家傑生日，點幾鐘開始步行去霆鋒家，
去到睇霆鋒哥打ps2，睇左好耐，又見霆鋒在玩新接龍=.=
之後家傑到，霆鋒哥退位讓賢，俾我地打三國無雙，
今次用呂布打天下！哈哈！！呂布好勁，但仍然拎住支牙籤槍…唔夠勁…
打到十點幾，之後就走人。回

>>April 17, 2003 at 6:00:35 PM GMT+8

2003 年 4 月 12 日 星期六 【晴】

前排聽到有首歌好有意思，就係蔡依琳 - 看我七十二變，部分歌詞如下：

美麗極限　愛漂亮沒有終點
追求完美的境界　人不愛美天誅地滅
別氣餒　舊觀念拋到一邊
現在就開始改變　麻雀也能飛上青天

哈哈~看來求美是人的天性~

>>April 13, 2003 at 5:54:38 AM GMT+8

2003 年 4 月 11 日 星期五 【陰】

今日係星期五，雨。

今日食完飯出左新港城，搵霆鋒。
之後佢要搵vcd，我就買左個銀包，佢搵到…但冇錢買。
之後就去7-11買野飲，之後出左公園，神奇地見到公園好多人，
平時個公園人影都冇，今日卻異常多人…神奇！
之後搵左張長櫈，坐…坐左好耐，我就攪新銀包，霆鋒就唔知0係度做咩…
坐完後又返回新港城，買陳奕迅同林子祥個拉闊音樂演唱會。
之後去左琴行，等Janice(之前佢打左電話俾霆鋒)。

佢一出0黎就嗌晒肚餓=.=，之後佢就去買魚蛋…
食完見冇野做，又出左公園，當時仍然好多人…真係唔知點解咁屎多人…
去到公園，吹左陣水，吹到冇野好吹…呆晒…但霆鋒仍未有意離開。

之後Janice以「夠鐘睇新聞」為理由叫走，
之後經過一間食店，條友又買野食=.=

之後就回程番耀on……就係咁…就過左一日喇！

>>April 12, 2003 at 6:04:12 PM GMT+8

2003 年 4 月 10 日 星期四 【雨】

今日係星期四，雨。

今日…第二日冇出街…在家中無聊，對住香港寬頻的「極速」…實在係…嘔！

話咁快又星期四…又一個星期LU~
成個星期都唔知做過咩，有D暑假FEEL…整個人懶洋洋的…
在某論壇睇到以下笑話：

無間道(學)

學生哥：明明又話七日，七日之後又七日，七日之後又七日，一個月都黎緊喇局長
李局長：你地D態度好D得唔得呀？而家得我話事你地洗唔洗返學咋。
信唔信我Delete晒你地個學位，等你地成世都唔使返，大家都唔洗讀。
學生哥：咁你想我地點呀？？日日留o係屋企睇你上電視呀？？發緊夢都見到你講
『飛碟型肺炎未能夠控制到，需要繼續停課　』咁呀？？
李局長：好啦～放埋呢幾日復課啦～
學生哥：收爹啦！！！呢句野聽左九千幾次喇！！！

呢段野確實幾有趣，但只限於睇左無間道GE人…如果唔係都唔知有咩好笑。

>>April 12, 2003 at 4:05:41 AM GMT+8

2003 年 4 月 10 日 星期四 【晴】

活躍症
作詞：黃偉文　作曲：Gil Eun Kyung/Park Jung Woon　編曲：王雙駿

就讓我講些話娛樂你　直到咀巴力歇筋疲
就像太好口才難自棄　各位不用太出奇
閉上嘴巴不太好　我怕我口中孵出　孤單的味道
累你擔心不太好　你見我一聲不響　不知怎算好

*讓我攪些事煩著你　別讓我的生活太空閒
靜下四肢該如何負擔　自願按兵不動太艱難
被你疏忽不太好　那怕要轉體空翻　只想給看到
浪費光陰不太好　我要每一分鐘都　這麼高濃度
封了嘴也不會靜　綁了手也不會停
怕淒冷感覺的你應該心水清

#繼續嬉戲　痛痛快快地
繼續嬉戲　看我到處飛
繼續嬉戲　搏你也好奇　笑問玩夠未?

REPEAT *

繼續嬉戲　痛痛快快地
繼續嬉戲　看我到處飛
繼續嬉戲　永永遠遠地
繼續嬉戲　世界洩了氣　靠我亢奮地

REPEAT #

近日的心聲！

>>April 11, 2003 at 4:20:57 AM GMT+8

2003 年 4 月 9 日 星期三 【雨】

今日係星期三，雨。

今日全日在家中，無聊到極…
寬頻又慢，唯一樂趣：cs都玩唔到…
頹廢極了…不知所謂…

閒時扭開電視，見到美英聯軍話已經打敗左伊軍攻入巴格達，薩達姆生死未知，
聽到呢個消息，不感意外，實屬意料中事。
看來戰爭已經結束。

至於香港的肺炎個案仍然上升，平均日日都二十多人患病，死一兩個…
都唔知幾時先真正冇事…

近日心情不佳，想出去散散心，但…搵唔到人陪…諗起都傷心，
開icq唔知為乜…冇人會搵我吹水。

睇到個天成日都灰，攪到人都灰埋。
好慘…開始覺得個日記太多人睇…心底話唔講得…

>>April 10, 2003 at 2:58:09 PM GMT+8

2003 年 4 月 9 日 星期三 【晴】

這都可算是四月十日發生的事，
本人在網上搵到一個winamp外掛程式，可將人聲去除，
經本人測試後，發現此程式可去除70%人聲，值得推介！
有意者，icq本人啦~~~

>>April 9, 2003 at 6:49:55 PM GMT+8

2003 年 4 月 8 日 星期二 【陰】

今日係星期三，陰。

今日去完新港城食野就去左霆鋒屋企。

去之前完全冇諗過為乜…總之就係想去。去到後，佢因為睇緊『魂魄唔齊』所以冇得打機。
雖然我對部戲冇乜好感，但在迫於無奈下就睇左。一睇之下，這套野全完令我改觀！
這的確是一套不可多得的電影！正呀！原來香港d戲都未係我想像中咁差。
雖然這不算一部大製作電影，但劇情題材卻十分新鮮：「半個自己的魂魄搵自己唱粵曲！」哈哈！好有趣！
這套電影包含了『驚嚇、攪笑、感人』，一套電影有這麼多的原素，的確令人嘆為觀止！

除此之外，也發現原來Eason同Joey都係唱粵曲的人材~哈哈！佢地真係唱得唔差！
由於我並不是從開頭開始睇，所以便霆鋒借左隻碟。

之後就開始打機。一打就打左好幾個鐘，打的是真三國無雙，打家傑0個個save。
發現就算2P係霆鋒都冇可能贏！因為孟獲能力值太差，所以我地就出絕招：由頭打過！
由霆鋒同我合力打，打到最尾0個關，實力終於冇咁懸殊，但都gameover就兩次，
打第三次時，係最勁的一次，但……我俾劉備0個d唔知咩屎招，打我四左就死左…
當時我仲有半行HP bar ga=.=，點解佢咁勁ga……灰晒…
之後我就走人，番屋企。

近幾日寬頻線突然變慢，好唔掂…攪到我連上網的心情都冇…

頭先沖涼0個陣，諗左d野。諗左個：『晏訓覺就像碌信用卡一樣危險。』的道理。
好多人認為晏訓覺的話，第二日遲d起身就咩事都冇。
雖然數學上訓覺時間是一樣，但這並不是完全正確。
因為如果碌卡是先洗未來錢，那麼晏訓就係先洗第二日的時間。雖然你可選擇晏d起身，
但這便縮短日間的活時間。加上最嚴重的是人體的自動維修時間係11點至2點，
如果在這段時間唔訓的話，就算訓番幾耐…都唔會有同樣效果。
如果碌卡損失的是利息，那麼晏訓損失的便是健康了！
所以…都係盡量唔好碌卡，唔好晏訓……(吹水完畢！)

在臨寫日記前去人地d日記度睇，發現有人好事近~^^~哈哈~
哎呀！！幾時先到我呀……

>>April 9, 2003 at 6:41:51 PM GMT+8