2004 年 4 月 2 日 星期五 【晴】

今日十二時左右起了身。回想昨天晚上的事…
七左多之時去了公園，參加霆鋒生日晚會，五乙班給我的印象總是常常在玩集體遊戲。
他們在玩，我與小劉借了一個尿遁了一會兒，我個人就是不喜歡參與其中，只愛睇人玩。
不久，眾人叫我玩，我就玩，唔知點解我冇輸，輸的又是那幾個，一個常輸的，
是yannie嗎？應該是；是霆鋒條女嗎？應該也是。我參與了兩三個回合，輸唔去…呵！
突然電話震、鈴聲入耳，瑩幕顯示了Fiona，心中大概已知咩事：要去下一場了。
下一場是自班活動，新紀元打邊爐之夜。我可算是早來的一咋，入到去狂開汽水，
攪攪下，miss shek來了。回想一下，我有點對不起她，我常不交功課，
英文成績也只是及格而已。不久chem sir來了。吳老師在上課背後的樣子真是有趣，
常說笑話，唔知點解恩恩同佢會有野傾得到，我總是在旁聽聽、笑笑吧。
食呀食，講呀講；轉眼間bio sir與唔識的econ miss到了。他們都坐在我0個張桌，
鄧sir就周圍同人影下相；miss lo就拎住部DV周圍拍。我突然想到點解我怕與老師講野，
大概因為我的成績不好，總有一點對不起老師的想法…算吧，一切都完了，
我還有機會同老師講野嗎？看來機會率不高。
期間有人玩下啤牌，最後大家都覺得要開始玩下野：抽大細，食火鍋。
托上帝之鴻福，我總是輸不掉。看著J霸輸了兩次，家傑一次，真是有趣。我卻想輸都難…
玩呢d野重來都抽到一些不大不細的牌，羸不了，輸不掉，如我的英文一樣。
夜了，阿sir miss們都各自離去，我地睇鵬清野食之後都離去了。一行廿人去了馬鞍山公園。
縱使公園已關閉，但眾人都扒了入去，穿越那裡，搵到小劉，見到霆鋒(大概是媾女中)，
所以都係唔搵佢，之後跟大隊坐了在海旁，灰灰的、冷冷的、月巴話好灰，我就唔覺，
我覺得今次離別也沒有什麼大不了，我的朋友仍是朋友。變？是一定的，但心是不變的。
之後眾人移往下一處：不詳。5E班的本色又出來了，沒有任何人有主見，廿人企街，
企了好耐，不知佢地想點，我不嬲都認為諗唔到去邊都唔可以企0係度，但冇人理我，
企囉…企了很久，有人話去烏溪沙，去囉(有一咋人冇去，下落不明)。就去了，
點知個碼頭封左，眾人又坐在那兒商討，我不願再發表意見，這便是不予置評的最高境界。
之後佢地話去公園，我就跟大隊去了。又一次扒了入公園，一行十幾人，在一個涼亭內，
分了一兩咋人，女班長等人在涼亭外唱歌(= =|||)，鵬與劉君浩大概是不知去了那裡講鬼故，
我、月巴和家傑就留在涼亭聽下fire講下女班長，都幾有趣，c土真係鍾意女班長嗎？
我覺得呢d野佢知就得，外人幫不了什麼。連佢地一班朋友都幫唔到，
我做外人既只好聽下就算。我整晚只在方聽下，間中出下聲。間中又講下老師，
唔明math ssir點解唔肯同我地影相，大家都有點兒不滿，我對他卻沒有什麼意見，
只覺他的脾氣比較臭、把口比較臭…沒什麼吧。期間月巴同家傑大概都好悶，我都唔知點。
之後借尿遁了去廁所，之後再去7仔買野飲、朱古力等。之後突然入到電話話走，
叫我唔好番去，我就等了一會兒。眾人到齊了，一起往耀安方向進發。大家分別了。
我同月巴、家傑就去了OK等霆鋒。佢地去霆鋒度，我回家小休。

後記：
今朝一起身開icq，有個人無lala add我，吹水之下發現佢原來係一個中一小朋友，
之後吹下吹下有感而而發打下日記。佢話上中學唔開心，我卻覺得中學是有趣，有快樂的。
我唔會覺得青年會是一個悲哀的地方，在那裏我識了一班朋友。
小劉話佢自己一條友等了半粒鐘巴士，我不能感受他的感覺，遺憾冇去搵佢。

>>April 3, 2004 at 5:37:20 AM GMT+8

2004 年 4 月 1 日 星期四 【晴】

四月二日。
今天是我人生中的一個大日子。中五級告別日。我正式要離開青年會。
不竟，我已在校內生活了五年，校內曾有我愛的人、憎的人。
這些我都會銘記於心！我親愛的老師們、同學們、校工們！再會了！

>>April 2, 2004 at 10:48:08 AM GMT+8

2004 年 3 月 24 日 星期三 【晴】

(1993年中文卷一)　二.記一次你患病的經過和感受。

　　病痛是人生必然會偶到的時，但這次卻令我印象深刻。
　　就讀中一那年的早上，上學途中突然風雲色變，雨一滴滴落在我的身上。我便飛奔回校。在校內，身體不斷發冷，四肢無力，無心上課，看著窗外的世界，暗淡無色的雲層落著無數的小雨點。不久，我便睡著了。
　　在小息之時，發現了自己原來已經有發熱跡象。於是便在老師安排下早退回家休息。我在學校門口等著，媽媽便在灰暗的遙遠處出現，接我回家。
　　回到家中，我二話不說便聲上自己的睡床，無力的閉上了雙眼便呼呼入睡了。此時我被雄雄烈火包圍著，不知是從那裡內的火，把我狠狠地燒著，燒得我有一些快要爆炸的感覺；突然有一隻溫暖的手撫著我，我從睡夢之中醒過來。媽媽坐在床頭給我遞來了一杯溫水，手持著一支探熱針，她把探熱針柔柔的放在我口中。一會兒後，發現體溫已超出了標準，我發燒了。
(待續)

>>March 25, 2004 at 8:48:19 AM GMT+8

2004 年 3 月 24 日 星期三 【晴】

星期四，雨。

近幾日上了十課中文深化班，三位老師的課也上過了，明白自己俾一條廢柴教左三年。
決定了在有空之時於中記作番篇作。為表我的誠意，而家就作番篇。

>>March 25, 2004 at 7:41:01 AM GMT+8

2004 年 3 月 22 日 星期一 【晴】

星期一，晴。

320台灣總統大選。鬧出一段r頭之事。台灣真係多事…快快趣趣俾中國統一未乜事都冇囉。
今期…嘿

>>March 22, 2004 at 4:15:15 PM GMT+8

2004 年 3 月 17 日 星期三 【晴】

星期四，勁大霧。
0岩0岩望落街0個時，好似打緊機…入左異界咁，見唔到地下，勁大霧…
可能我住三十樓，特別勁。

>>March 17, 2004 at 10:40:03 PM GMT+8

2004 年 3 月 12 日 星期五 【晴】

三月十三。晴。

今天同阿媽去左食飯，食完就搵彥 出沙田。
在沙田過了經濟的一天：
入機舖唔打機，入HMV唔買碟，睇衫唔買衫，睇精品唔買精品，去旅行社唔去旅行，
入書店唔買書…去沙田只為了增強那兒的人數…純粹行下咁啦。
對面著滿街的LV袋，各人的Lev'is褲，真不知如何招架，唯有在家自閉才能不被名牌荼毒。
一天一天就的時光飛逝、勁炒勁炒的考試不斷，人生就是這樣，能看破人生不讀書的人並不多，
有幸我是其中之一、不幸我是其中之一，社會充斥著被會考荼毒的人，我反被別人看成異族，
看來我都要學下阿邊個咁，歸隱下田園，淫下詩…

搭車0個時撞到大家姐同大孖，佢地補完習回家，看著她們就像同時看到她們和自己的悲哀…

>>March 13, 2004 at 4:57:38 PM GMT+8

2004 年 3 月 11 日 星期四 【晴】

星期四，晴。

我選擇了呢個時間打日記表示我根本就唔想打，
但為左呢個板的屹立不倒，我決定打下一兩隻字。

今期都係mock的日子，自問考完中文之後都冇乜點溫過書…
中文係我覺得考得最好的一科，希望成績見得下人啦，但世事通常都唔會有咁美好。

唉…星座書又話今年有桃花運行…暫時都唔多覺有呢樣野既發生，
冇女，心冇雜念，本來是溫書的大好時機，但可惜我部PS2同電腦都仲未壞，
呢兩樣野一日壤，一日我都冇可能專心於學業…
睇住個會考倒數日仲有五十日，都唔知點解仲有咁多日…
希望仲攪得掂個會考啦，呢個係我暫時最大既夢想。

同時又明白到我係一個唔多吸引到女性既男性…呢個問題要盡早解決…

>>March 11, 2004 at 5:14:36 PM GMT+8

2004 年 3 月 6 日 星期六 【晴】

音階起跌　拍子改變　年月變　但我未變…

我會記住，我既一生…日記是我生命的一部份。

>>March 7, 2004 at 1:21:18 PM GMT+8

2004 年 3 月 4 日 星期四 【晴】

幻想著未來的生活，很恐怖…

>>March 5, 2004 at 12:14:07 PM GMT+8