2003 年 3 月 30 日 星期日 【晴】

今日係星期一，晴。

好番後第二日，停後第三日，第三日冇落過街。
書仍未溫，功課仍未做。終日在家中無所事事。
阿媽唔俾我出街…我又冇咩街想去，過兩日霆鋒生日，到時死都要爭取出街權。
但諗起要對住B班0個d唔熟ge人…就…不詳！

今朝仲打緊ge cs，在晚上已經login唔到…再四圍問人，各人都說唔得…
心想：不妙了！ 再看一看日曆，發現今日係31號，唔通cs1.6完成測試？！
唔係掛…咁未冇得免費打？唔好呀…T_T冇csge日子點過…冇得搵人爆頭發泄ge日子點過呀！
唉………………

>>March 31, 2003 at 4:39:47 PM GMT+8

2003 年 3 月 29 日 星期六 【晴】

今日係星期日，晴！

嘩~~~~~~~~哈哈~
今朝起身時，發現已經退左燒！乜事都冇。
回想尋日，仲係燒都我想死咁，點知今日就冇事，真係感謝主。
我諗今次唔死得都係因為我有一股唔想死的信念~呵呵~

>>March 30, 2003 at 2:47:57 AM GMT+8

2003 年 3 月 27 日 星期四 【晴】

今日係星期五，晴。

今朝起身，發現好番好多，個人精神晒！原本今日要日要番學ga，但…我有病在身，
都係廢事番…而家呢個時勢咁恐怖…仲番學！？傻啦…死都唔番，淆低呀！

>>March 28, 2003 at 4:02:01 AM GMT+8

2003 年 3 月 26 日 星期三 【晴】

今日係星期四，晴。

今朝睇到電視話唔停課，真係灰晒…希望番學唔會有事啦…
今日第一堂係amath，照常聽書，照常唔多明。又俾佢串左一野…！！好煩！
跟著開始上中文堂，默書也。默到錯十個仲要俾佢搵多個，攪到要放學重默。
之後英文堂，miss叫我地戴口罩，但我就冇帶，之後就做past paper，冇心機做，渾身冇力。

之後又中交堂，條miss派test paper，兩份都唔係咁好…唔知點解。
之後bio堂，病有些微惡化，有點兒頭痛…成堂都冇乜聽到書。

之後番屋企，諗住訓一訓會好d，點知訓醒時有點兒發燒，好唔掂，之後有人話星期六停課。
但我諗著聽日都唔番！好淆低！之後食完飯，食藥。d飯同藥係度頂住個胃，好唔舒服，終於要嘔…
嘔完舒服晒…睇0黎我離大限之期不遠矣…死都係因為特首唔停課所致…大家幫我報仇呀！！

我諗都係時候立遺囑啦……

>>March 27, 2003 at 2:39:24 PM GMT+8

2003 年 3 月 26 日 星期三 【晴】

救命呀！！！

上網睇到驚人資料︰
● 染 病 人 數 由 286人 增 至 316人 ， 多 兩 名 學 童 感 染 ﹔ 現 有 41人 在 深 切 治 療 部 留 醫 ， 累 積 16人 出 院

● 廣 東 省 承 認 全 省 非 典 型 肺 炎 個 案 達 792宗 ， 死 亡 31宗 ， 比 早 前 的 數 字 大 增

咁多人中招！仲唔停學，遲早中招ga啦！

>>March 27, 2003 at 9:06:56 AM GMT+8

2003 年 3 月 25 日 星期二 【晴】

今日係星期三，晴。

一早打開電視，就聽到又多左唔知幾多人有肺炎，實在係十分恐怖。但教統局仲話唔駛停課。

而家真係番學都唔安全。我班d人平時已經好似想死咁，近幾日個個都好似有病咁…成在好恐怖。
真係唔知番o黎做咩，八堂有四堂吉左，聽人講有十個老師冇番，好鬼得人驚。
希望老師們早日好番，學校早日停課，如果唔係會有更多人患病…到時唔知點算。

唉…仲有兩篇作文未交…好慘=.=

>>March 26, 2003 at 10:36:14 PM GMT+8

2003 年 3 月 24 日 星期一 【晴】

今日係星期二，晴。

今日，上堂…無無聊聊的。不值一提！
LUNCH時，見到樺妹，我口癢叫佢同霆鋒食飯，點知佢真係去…=.=
我就冇去，同CALVIN、HEENRY去M記，番學校見到佢地，哈~

放學，在報紙檔外企左好耐…在GAME書上看見Metal Gear Solid 2出電腦版。
我深信電腦GAME畫面一定唔會俾PS2差，但CALVIN卻死口唔認。
所有GAME都係由電腦製作GA啦…有咩理由電腦會差呢？=.=
無電腦都唔會有PS2啦…PS2快過P4更是沒可能！PS2點有可能靚過GEFORCE FX！

番到屋企後，開電腦，搵Metal Gear Solid GE野，點知俾我搵到佢D音樂碟，
有三隻，全都給我冇道德咁下載晒A_A，又省番幾舊水(雖然我唔會買)。
聽落佢D音樂又幾好聽，聽時給人一種緊張的感覺，又帶幾分刺激！幾好，唔錯！
值得推介！有興趣就問我拎啦，唔係好多150幾MB 0者~

唉…近日心情不佳，原因不明，總是……有點怪怪似的！

>>March 25, 2003 at 2:19:44 PM GMT+8

2003 年 3 月 23 日 星期日 【晴】

今日係星期一，晴。

今日係我轉形象後的第一個上課天，有d人讚、有d人覺得我怪、有d人覺得好笑……
但讚的為多數，我當然覺得開心啦，因為好少俾人話我掂！很開心，真的！
這些都是因為我的大形象顧問：恩恩！ 多謝佢！冇佢我冇今日！(喊緊T_T)

今日…上課狀況不佳，但終算只訓左1/4堂電腦(阿SIR對答案，我0岩晒，好悶！)。
我的目標係唔眼訓，但太難lu~
今日放學仲要補英文，悶悶的，做D死人PAST PAPER，做到最後幾題，好眼訓…亂做算。
點知一對答案，最後幾題0岩晒！神奇呀！ 早知係咁之前O個D都亂做啦…
但會時又如何呢？唔通會考都亂做？……

唔理咁多LU︺︹︺，過得一日得一日，而家又打仗又肺炎…真係死左都唔知咩事…
人生得意雖盡歡，莫使金樽空對月！所以我今日我打左個幾鐘機。
但唔知點解心情有點…唔多開心。為何打機後的心情會變差呢？呢個世界越來越多野解釋唔到‧
例如：美國愛國者導彈擊落盟軍飛機、美軍俾人打爆左兩架直昇機、飛彈射錯地方飛左去敘利亞……
好神奇，咁大個美國，究竟有冇人識打仗，有咁高科技都會有咁嚴重失誤。
人地伊拉克都唔知幾勁！哈哈！偶像呀！
無論如何，希望死少D人啦！

>>March 24, 2003 at 2:23:21 PM GMT+8

2003 年 3 月 22 日 星期六 【晴】

今日係星期日，晴。

今日目標原本係清功課，點知…都係做唔到。
今朝十二點幾起身，之後拎埋d書諗住去海柏後的公園溫下書、做功課，點知o個度d桌俾菲庸霸晒…可惡！
攪到我要坐長櫈，睇左好耐phy…好悶、好眼訓……但好過冇溫。(溫左陣力學同heat)
跟住就番屋企。攪機。

攪左陣三國志IX，都唔係好明佢有咩好玩，可能我未放時間落去…玩左個幾鐘就冇玩。
之後就食飯、睇電視、icq……但都冇做過功課！(可惡=.=點解會咁鬼lazy)。

而家十一點幾，我聽緊joey隻碟、打日記…今日就係咁過去。

joey隻碟好正，好好聽…

霆鋒近日似乎俾那件事困擾得很，我決定唔理、少講……

>>March 23, 2003 at 3:05:23 PM GMT+8

2003 年 3 月 21 日 星期五 【晴】

今日係星期六，晴。

今日一朝俾人嘈醒(九點幾…)，俾我阿哥d女嘈醒…可惡…晨咁早帶女上o黎唔知做咩，嘈住晒…
當時我一怒之下開大喇叭炸機抗議！哈哈！好神奇，炸左冇幾耐，o個幾條友一齊走左，
之後就剩下我一個人在家中，無聊之下，就上網睇下有咩新碟。一去個大陸網，就睇到祖兒出左碟！
我的驕傲！！好意外！boxup都未有…coolman又未有…竟然一個大陸網有！大陸真勁！
之後好奇心驅使下就download左佢成隻碟o黎聽！好鬼正呀！佢出左咁多碟最正呢隻！T_T
之後霆鋒online，我就同佢講下有關媾F.1的事(唔係我媾，唔知係唔係佢媾呢？佢死都唔認…)，
講左陣，佢始終唔認，但係唔係大家自己判斷啦。我就認為係，佢……只能香港教育制度唔掂，
教到D學生咁GE…不予置評！

之後熟人續漸ONLINE，我就將JOEY隻碟四圍SEND，係人就SEND，好野喎，緊係要分享GA啦~哈哈！

之後等到二點幾就同霆鋒去M記食野，沿途一直套佢口風，但佢依然死口唔認俾女媾OR媾女(一定係是但一樣)，
之後佢無LALA打俾陳戈狄，問樺妹(陳穎樺)在那，但狄話唔知，只知可能在校中。於是我地就去左學校，
霆鋒入校，我冇入。佢找唔到，又唔敢上一樓，唉……失敗…於是就出發去搭車。
等車之際，佢第一架話唔想上，第二架又唔上話等下一架，第三架係冷氣又唔上，第四架先上。
箇中原因…可能是等某人，但佢死都唔認！就係咁…出到去新城市，HENRY已經等左起碼半個鐘(四架巴士時間)…
但佢冇講野，可能因為明白霆鋒等女之心，原諒了他。

之後就去睇老翻、入機鋪(HENRY俾人逗左出去…哈！)、無聊…行左好耐，慢無目的，
一路上霆鋒係咁話TIRED，唉……冇女就話TIRED…可惡！行左唔係太耐，佢就提出要走…
佢走後，我就送HENRY去乙明村，之後再番新城市等阿媽放工。

之後出左去食飯，食完就去睇手提…又睇…煩呀！睇左好耐，行左好耐，終於決定放棄NOKIA 2100，
選擇了PENASONIC GD68…又係GD68…第六部…身邊的人已有六個人用緊！唉……我都係唔用呢部，
等遲D先再叫阿媽出過部俾我。(GD68最後都係阿媽用)。

整天最為印象深刻的是：阿SIR話佢有一個120GB+60GBGE HDD，有30GB歌，痴左線呀佢！

>>March 22, 2003 at 4:28:54 PM GMT+8