2003 年 9 月 16 日 星期二 【晴】

星期三，晴。

　　終於都唔落雨，可喜可賀。
　　前日走左去新港城買生日禮物，同小劉睇左陣，佢就揀左隻30蚊既公仔，我就揀左隻29蚊既，之後我地再揀左個盒(10蚊)，之後去付款。
　　問題出現了！條友竟然要我俾115元！！一問之下，發現我揀0個隻扒地熊原來要成75蚊=.=
但見隻野又真係幾靚，同埋面子關係，豪俾佢！回想一下，好似好耐冇試過買生日禮物俾人，
今次一買就駛左我咁多錢…真係一個紀錄…之後買左隻star war老翻。
　　之後去左買張生日卡，同一些顏色紙粉飾下個盒，0個盒野真係貴…！！之後懷著灰灰地的心情返回家。裝隻star war…玩唔撚到，之後訓左陣，起身睇下隻公仔…
　　一睇之下，發現隻野下面有暗隔！之後買左粒電(又駛左十幾蚊…)，放入去，嘩！隻野識唱歌同郁ga！終於知道點解隻野咁撚貴…不過都幾可愛。
　　
　　星期二，在lunch時間，小劉去左我屋企，拎盒野番學。番到學，好快就俾左盒野佢。

　　今日，頭兩堂係eng同math，好快就過左，之後三堂amath(圖書館=.=)，之後三堂phy(吉堂)
成日都好似冇學過野咁…真遺憾…
　　見到日記版又改條款，21日唔寫就剷acc，咁攪法…即係迫我日日寫0者…好！我就同你死過，寫到你個sever hang機為止！


>>September 17, 2003 at 9:29:37 AM GMT+8

2003 年 9 月 13 日 星期六 【颱風】

星期日，雨。

今日有人生日，尋晚有人叫我去，好神奇，冇諗過會叫埋我…
尋晚0係確鋒度打機打通頂，今朝一早(11點)就要去學校等佢地。
去到見到佢地0係晒度，我好似遲左少少。之後發現全部人都冇傘…
0係呢個情況下，唯有俾把傘給女士們，點知佢地行行下連傘都唔用…
行到新港城，全部人濕晒…未試過咁型…
之後去左m記，食野，0個兩條女0係度玩薯條，嘔心=.=|||
之後霆鋒陪兩條女去惠康玩(攪事0個咋)，玩完就去百佳玩(捉迷藏)。
玩到咁上下，去左公園行左陣，各人都有意回家，之後去左車站，
0係車站等左陣，嬅打左個電話之後又話唔駛番家住，之後眾人出發去頌安。
去到頌安，小劉去m記食野，食食下d女又開始攪事，又玩薯條，
玩完之後玩turth or there(唔知有冇串錯)。玩左陣又玩x手瓜…哈哈……
之後行左陣，落雨，霆鋒去冥想(雨中冥想…)，我就同小劉送兩位女士，之後折返新港城，
想買老翻，點知買唔成，唯有走人，最後0係耀安散。

仲有好多功課未做，書未溫，聽日死硬。

>>September 14, 2003 at 3:44:59 PM GMT+8

2003 年 9 月 11 日 星期四 【晴】

星期五，晴！

尋晚係中秋正日，一年一度的八月十五！放學之後d人終於肯認真研究夜晚去邊。
講好晒之後，在約時間的時候，月巴提出遲到者要罰錢！我聽到之後即係high晒！
因為又有人會比錢我駛，真係一件天大喜事！因為我作風良好，從來唔遲，
除非我唔想去或對方一定遲一個鐘以上…

七點幾的時間，阿媽叫我出街食野，好！這樣一來我就完全波有遲到罰錢的可能性。
同阿媽上左pizza hurt，食到好飽，之後就去m記等佢地。
去到時見到霆鋒(錢的威力真大，可令一個遲到王早到…要維持呢個制度！)，
佢好似好興奮咁(可能因為從來未試過早到)，但我就以平常心面對(因為向來早到都係我的習慣)
跟住連遲到王二號出現…錢！很強唷！
接著，小劉在遲到前幾分鐘來到，錕爺在遲到前幾秒來到(汗……|||)。
發起遲到罰錢制的人士---月巴卻自己遲到…天大笑話(原因係沙田0個邊爆左屎x)
0個廿蚊就用左0黎買蠟燭(十四盒)。之後去左烏溪沙碼頭燒蠟燭…係咁燒、霆鋒係咁聽電話，
錕爺就去左耀安踢波(唔係好耐就返回來)，之後霆鋒打電話比偉達班人，原因不詳，
但好似講到起晒火咁，真係掃興…之後一大班人剷上霆鋒家，打機打麻雀(一鋪咁大把)，
之後開始玩啤牌，玩沙蟹(中文唔知有冇錯，但又唔識英文…大慨係睹神成日玩0個隻)。
玩下又一個玩玩下又一個鐘、輸下又一鋪輸下又一鋪…如事者，玩到六點鐘，輸左十幾蚊=.=
不過十幾蚊玩幾個鐘…低啦…哈哈！

這時，天亮了！大家的睡意開始出現，之後各自回家…
我一番到0黎就訓，一訓就訓到11點…(點解冇訓成晚都可以咁早醒得番既也許我己經慣左…)
過多陣就叫人出旺角先…呵呵，我開始唔駛訓ga啦！


>>September 12, 2003 at 4:50:28 AM GMT+8

2003 年 9 月 5 日 星期五 【微雨】

星期五，陰

而家點幾鐘，見就訓，就寫下日記啦。
開學已經一個星期了，人士變動好大，變左兩次之後而家變左同一個repeat人士坐，
呢個人俾我印象怪怪地，有時成日講野，有時叫都唔係好應…怪怪的…
無論點，同一d唔熟既人坐都係一件好事0既，起碼可以識多個人。

呢排lunch唔知點解轉移左陣地，去左七仔食，原因主要係唔想俾M記略水，唔想去大記搵位，
在冇左呢個地方後，就只淨下七仔。在七仔只有一D用微波爐整既野食。都算唔錯，
佐俾恩恩食的話一定又話唔好食。我冇佢要求咁高，或者都係一件好事。

近日同呂文婷、恩恩傾開：如果取到十四分。結論已經出左，但實行又係另一件事，
我要「MATH、CMPU一科B一科C」，「中、英一科D一科C」，之後是但兩科拎E。
雖然講就咁講，但當然難啦…努力努力！

講真，中六對我真係唔係好大吸引力…我想去讀下D有關電腦既文憑，出0黎做下野，搵下食，
吸收番D經驗。再唔係由IVE讀上去，讀多幾年一樣可以升上大學。中六實在太難讀，
雖然唔想上中六，但會考我仍會已200%努力去考，因為會考文憑係跟全我一世的…

從來都未試過目標咁清析，好！我要努力！
現階段我已經可以做到唔開PS2，但最大問題並唔係PS2，而係電腦，我要控制一下…
哈哈，教下我應該點做丫…有D力不從心…

講完會考，轉下眼又到中秋節，上年中秋仲係好似唔係過左好耐，今年0個個又0黎啦，
中四、五的時間過得真係快…我相信未來既時間伯過得仲快。
究竟呢個係咩現象呢？點解人越人時間就越過得快呢？真係R頭。

一個星期寫一次日記…睇0黎就快要改為週記板，但我驚改左之後又會變成一個月先寫一次，
所以都係以不變應萬變，一於唔改名。

今個星期下載左Twins的『進化論』有興趣人士可以叫我send的。

>>September 5, 2003 at 5:47:22 PM GMT+8

2003 年 8 月 28 日 星期四 【晴】

星期四，晴。

好耐冇寫日記，回想當初寫日記係因為某人，時間證明一切，而家對佢冇乜希望，
寫日記的動力也因此減退，冇寫日記，就好像白過了日子…但…唉…

近日Kelly隻碟出左，有一首歌我勁煲既，就係　愛　。
每當我聽到這首歌時，總會令我有一陣陣暖意…尋回 一點點的初戀感覺，
Kelly把聲好甜，以前都冇呢個感覺…呢首歌好正…

我小六時，可以話係又開心，又唔開心的一年，
開心的是有趣的學校生活；唔開心的是惡劣的家庭生活。
一年後，我升中一，學校生活重回平凡，家庭生活也…正常番，但有些遺憾…
再不能與他吵架了，沒有了他，我的生活突然作出改變，無論係那一方面，都有很大的變化，
有好的、也有壞的，中一是我人生的轉捩點！

不經不覺，升中五了，就要面對會考，自問冇乜信心，14分…談何容易，
人際關係方面仍然沒有什麼大進展，今年又係同番上年班人玩，唯一玩多左的就是小虎，
一年…先識多左一個朋友，有點失敗…
講真，打籃球的那班人我真係唔多想同佢地玩…也許佢地都係咁諗…

0係今年裏面，在恩恩這個形象顧問的教導下，我開始知「打扮」是什麼，
這可是我今年內最大的個人進步。
學業上：溫幾多就幾多分…不值一提…
物質上：換左個新芒、在偶然的情況下買左PS2(真係威…0係兩三日期間便決定了買…)
　　　　有部新電視。(都可算是豐足的一年…)
今年實在過得唔錯。

聽日要番大陸，飲表哥的喜酒，眼見大我幾年的表哥結婚，真是羨慕，
而我就…女都冇條…真係可悲，自從上左中學就攪成咁，初戀發生得太早都唔係一件好事…

好喇，就此閣筆！

>>August 28, 2003 at 5:39:46 PM GMT+8

2003 年 8 月 11 日 星期一 【晴】

星期二，晴。

前晚，有一個小學同學打電話0黎叫我去BBQ，當然，我也應邀出席。
他們約我尋晚五點在百佳等，由於之前有過相關的經驗，明知他們不會準時，
所以我都決定遲到。

原先約了五點去到，我五點半先到，去到時見到三、四個同學，
之後係咁等，到五點四十五分又來了兩個…又後繼續等…等了又等，六點時又來的兩個=.=

原來真係可以遲得咁離譜…真係勁！不過都唔夠霆鋒勁，0個次佢遲成兩粒鐘！偶像！

(待續…夠鐘補BIO)

>>August 12, 2003 at 4:26:11 AM GMT+8

2003 年 8 月 1 日 星期五 【晴】

聽歌…打機…
每日做住同一動作。

厭倦，要創新！

>>August 1, 2003 at 5:58:37 PM GMT+8

2003 年 7 月 29 日 星期二 【晴】

今日係星期三，晴到爆。

今日要補 課，無無聊聊的…
唉…想搵條友媾下我好冇…

>>July 30, 2003 at 2:22:32 PM GMT+8

2003 年 7 月 16 日 星期三 【晴】

今日係星期四，晴。

好耐冇認真寫日記，大概因為…冇左寫日記的推動力，
買左PS2之後…打機的時候又再度增加，但玩電腦的時間卻沒有明顯減少，
呢個唔係一好消息。

尋日MISS SHEK話我可以試升，讀左咁耐書都係第一次試升咁仆街…
好唔掂…仲要考0個個乜Q試升試…我下定決心，要在0係呢個時間拎到高分！
其實我已經好過0個D要留班同出校的人…但…我仍然過唔到自己0個關…

到呢個時間，再想有冇選錯科看來已經太遲，加上…我一D都唔想讀其他班，
要我讀其他班我仲過唔到自己0個關。

近期心情不佳。在我沒寫日記的一段一子裏發生了多事。
好似近日咁，阿松同掃把頭呈辭咁，已經係香港的一件大事。

>>July 17, 2003 at 11:07:55 AM GMT+8

2003 年 7 月 10 日 星期四 【晴】

今日係星期五，晴。間日有雨。
是日音樂比賽，好精彩，我講真的，真的很精彩。

>>July 11, 2003 at 12:17:49 PM GMT+8