2004 年 2 月 8 日 星期日 【晴】

今日只係要上一堂,就係12:30上到2:30既it堂,
所以好遲先起身...唉,仲發左個惡夢...
一起身就見到呀嫺返左來,仲有個自閉峰(另一個峰打唔到),
咦哦咦哦唔知講左d咩又去左去...
唉,再訓多陣就洗頭,敷mask,整下個樣,
咁就去左RL7 PRINT野...
其實我有個習慣,就係當一D朋友佢地寫D野,或者打D野比我,
而這些野可以令我深思,反省的話,我就會PRINT這些野出來,
放0係銀包,很閒拿出來睇下,警醒自己~
所以我銀包都有幾張咁既野...HEHEE...這張係最新版本~P:

趕唔切食野,唯有買埋盒單飯去上MARCUS IT,
一路上,一路食...HAAA...搞到個個都望住我...盒飯添~
不過MARCUS都話冇所謂,HA,皆因佢成日都係咁~
大家都係SHARE下過左一個SEM既感受,改變,學到既野,
點樣處理STRESS等啦,大家都SHARE野,
其實SIMPSON話最開心係識到成日好FRIEND既同學仔,
其實我都有同感,因為大家都係好FRIEND,其他系真係唔係咁,
成班好似一家人咁,成日落左堂一齊食飯(成三十幾個人一齊食...真攪笑),
唔係就去食TEA,又會去食團年飯,遲D又有個春季大旅行,
所以真係好開心~而細SAN同TOMMY講個POINT--自力更生,
我都有同感,因為自己有補習,搵到既錢自己用番,
唔駛成日都問屋企人拿,真係一件好事,咁當然大個搵到錢一定會比屋企人啦~

上完堂同TOMMY去左間房坐下吹下水,
當然會傾下前兩日見番D舊同學啦,八到好多野添~
HEHEE...話哂我都係DLM成員...雖然成日比人話低級...哼...
或者你所講既王子公主故事係0岩啦...
timing既野真係好緊要,現在遇到個有5個0岩自己,
可能會覺得都唔錯啦,就0係埋一齊,
但若果後來遇到個7個0岩自己既,可能就會放棄之前那個而同這個一齊,
而如果又遇到個9個0岩自己既,可能又會放棄前一個要這個...
人...就係咁架啦,總想找個最0岩自己既人...
就算我唔好彩囉...如果佢一遇,就遇到個9個0岩自己既人,
咪唔會連累0個7個0岩自己,同埋5個0岩自己既人囉...
唉...我都相信我終會遇到個10個0岩自己既人架!!!!!
我要努力...

又返上水補習...呀!!!佢冇咩點溫咁...所以我辛辛苦苦設計既一份卷泡湯了...
唉...不過算啦...希望佢努力啦...
THEN就趕返校返團契,今日係祈禱會咁,
為到CSU,CC,PRAISE BAND,CEW等祈禱,願主祝福啦~
哈哈...我設計既海報終於都登左出來啦~~
感謝主~~希望吸引到人來參加CSU既週會啦~

之後就同一班人去食飯,食飯前...
我只識amenda同葉仔...
不過食飯後,我已經識左...諗下先...
juno(佢個樣真係好似juno架!!),馬老,jerry,呀權,william(竟然叫william...),
o...唔記左呀同工姐姐叫咩名添...真糟糕...~~
同佢地食kfc,真係好攪笑,因為唔知點解會傾左進化論同創造論,
又講左黑洞,太空,古文明...
但又會講下情人節點過,仲無lala比人問我鐘意咩類型男仔...
喂喂...我好似第一日識你地架咋喎...嘿嘿...
不過就係因為咩都傾,所以好快就熟左啦~~
真好呀,又識多d朋友~~開心~~

唉...算吧,預左架啦,,,
d人講過既野不嬲都唔算數,
應承左你既野有幾可做到?少之有少,
所以佢做唔,都係正常...唉,算吧.

>>February 9, 2004 at 5:09:51 PM GMT+8

2004 年 2 月 7 日 星期六 【乍雨乍晴】

早上返教會...遲了到,成十一點八先返到去,
不過竟然還未開始~
我要單單的仰望神,我要尊主為大,
我不要分心,不要...
很尊注地敬拜後...又看見他們,
我上幾次明明已經表現得很好,已經完全沒事般,
但為何這次,心痛的感覺又回來呢?
是因為昨日的回顧嗎?
你很殘忍,為何要把幸福建立在我的痛苦之上呢?
你們幸福便夠了,但為何要讓我看見?
看見桃花依舊,人面全非的景象?
教會的弟兄姐妹彷彿已完全接受你們了,
全都承認你們是一對的了...
我們的歷史將會被全完淡忘,
就像從沒有發生過一樣...
你也會把其淡忘吧?
已有新歡,舊愛的一切也不重要了,
保留了一點點也彷彿有罪咎感,
對,就把我們的感情看作是一片落葉,
葉落在地,變黃,分解...不留一點痕跡,
留下一點也彷彿對樹上新結的果子不公平,
我明白,果子是甜美的,掉落的葉子只會枯掉,
死去,毫無留戀的餘地...

sorry,小禎,朱ling同呀佳,令你地擔心啦,
不過我會冇事,我知道,我會冇事...
講真,我可以有咩事?

返到hall,都係得我一個,
一個呀...

>>February 9, 2004 at 4:39:40 PM GMT+8

2004 年 2 月 6 日 星期五 【暴雨】

今日好開心呀~
因為約番好多舊同學去唱k,
有hazel,alan,呀沈,偉偉,邦邦,俊俊,dick,李嘉茵,
同埋現任仲係同學既tommy,
上次聖誕bbq之後又再約番出來玩,真係好開心~~
對哦,友誼係好需要大家努力既維繫架~~
慘,比人話我唱歌退步左添,咩喎,只係d歌我唔熟之嘛...
可惡呀!!不過算啦~但係d人都好忙,走下一個走下又一個咁,
不過算啦,大家咁忙都出來其實好好既~不過...俊俊個頭就真係...唔係咁掂下,整整佢啦喂...

二點鐘唱完,話咁快又番來粉嶺,
因為我約左周一龍幫佢補下d英文(雖然我都唔係好掂....ha)
RC就來拿一大疊NOTES比佢,根住仲教佢D ORAL,
...他拿了一個NOTEBK出來...播了一齣戲的一些片段...
是MY FAIR LADY!!對別人來說,這可能是很普通的戲,沒甚麼特別,
但對我來說...這可是有很深的意義...
為何他要拿出來播?
是因為這齣戲,我們才由普通朋友變成好朋友,
亦是因為這齣戲,我們才由好朋友變成情侶...
上一次看這DVD,已經三年前的事...就是在他家中看完這DVD,
我們便開始了...
其實他沒有必要在這個時候播...
心中...有點沉甸甸的...是有點混亂吧...為何還要把我平靜的內心,
加添一層碎石,使其又波動起來呢?
沒必要...真的,沒必要.

>>February 9, 2004 at 4:24:06 PM GMT+8

2004 年 2 月 5 日 星期四 【晴】

當我拿著一個二胡同一個琵琶回家途中,
看到了他.不過他應該看不到我,
UM…對上一次看到他…應該是上年我生日了,
還記得當時發生了一些不開心的事情,
幸好他陪我逛了一晚…
曾經何時,我下意識地強迫自己把中二至中三的暑假給忘掉,
把與他發生過的一切給忘掉,
是保護自己的做法吧,當時總覺得他對不起我,
信也不願看,上課也不願看到他…
為何會這樣?我也想不起…
但結果…我成功了,把一切都忘了,是讓自己好過一點吧!
所以當人問及我的感情事,我總把這一段除去,
告訴別人,我沒有談過戀愛.

是甚麼把我改變呢?我想,是他每年寄給我的聖誕咭,
與及,我自己不愉快的經歷吧.
很感動,的確很感動.為何會有一個人如此長久地對我好?
有後悔過,這是事實.
但為何…他前兩天卻說了那樣的話?
“他這樣對你,是你的報應”,是代表他心裡,
始終有點恨我吧…恨我當時如此決絕.
說真的,我也有點恨我自己…是報應嗎?可能吧.

看見了他,驅使我夜晚拿了六年前的信來看,
數一數,有十七封,由尾的開始看,當然,信內所寫的承諾,
怎會還存在?但總算是難得的回憶,
埋藏了那麼多年,一次過湧上心,
的確有點不知所措,怎麼會有一個人曾經如此愛我,
而我卻完全不會珍惜?是因為當時對他的恨把這一切都超越?
當這一切一點一滴地被挖掘起來之際,
心中,就是充滿著無奈…
是報應…別人對我不好,是報應吧.

雖然已經過了這麼多年,
但某一些片段,還是有新鮮的感覺.
畫眉山…有空我會去逛逛,
以往的一切,大家也有不著,就把其抵銷吧,
無奈又如何?傷感又如何?後悔又如何?
都過去了…

P:…就當是偶爾感慨一下吧~~

>>February 6, 2004 at 3:52:05 PM GMT+8

2004 年 2 月 3 日 星期二 【乍雨乍晴】

何解呢...
跟他好像是絕交般,
是真的絕了交嗎?
是我的錯,我想,是我的錯...
不能像以前般了,
我想,再也不能像以前般好了...


今日一早就走去上PSY,
又唔記得拿NOTES,又早左去喎,
就跑返HALL拿...返到SCM已經遲左D...
仲比CITY招手...坐左佢隔離,
因為要比幅畫佢...就係那張團契全年POSTER,
因為上次太淺色...OH...所以影得唔好,我又要再填過色,
(油死我啦...)CITY就不停咁聊女仔,真係頂佢唔順...

上完PSY,就去左HALL CAN食,(都係咁架啦),
RITA幫我PRINT RP NOTES,HA,所以就整左個橙比佢,
HAAA...得閒就幫我食錦D橙啦...仲有好多...
上LANG,上RP...
LANG堂都幾好,有半堂都去左MILL,玩英文GAMES,
所以都唔悶既～
RP堂,呀丕盛講既那句:"無性即死"真係好正~~HAAA....

今日既PSY同LANG...唉,睇來我真係復發啦...
支氣管炎,一咳不可收拾...
咳成幾分鐘先停到,仲咳到喊哂咁...我都唔想架...停唔到...
點算呢...我唔想睇醫生呀...
要祈禱先得...

夜晚,同呀嫺0係冷風微雨10度...咁去行旺角,
哈,收獲甚豐~有三件衫,一條裙,同埋N隻耳環(費事成日比RITA話我唔換耳環)
仲有D MASK,HAAA........
都幾滿意D戰利品,不過就大破費...~~用左差唔多二百蚊呀~~
算啦,~就當係用下D利是啦~~~

希望烏雲可以快D走啦...


>>February 4, 2004 at 4:13:20 PM GMT+8

2004 年 2 月 2 日 星期一 【晴】

今日本來都幾忙,幾開心既,
不過...夜晚發生左件事,搞到好唔開心...

一朝早上PE,
之後就拉左呀嫺去食早餐,
哈,住HALL咁耐都好似未同佢食過添~~
之後佢就好趕咁去左上堂LUU~~
而我...本來要去奧海城...但係個死人野仲未幫我地整好個琴,
所以就去左圖書館....(好似好勤力...)HA,其實係去睇藍色生死戀,
P~我仲未睇哂...仲有兩集~

之後就趕左去上水補習啦,
補完又返來上堂,真忙...HAAA...
上完LANG同RP...
呀,SIMPSON講既"起雙飛"同我同TOMMY都諗到既:"左右逢緣",
HAAA...真係正既詞語...
哼,我雖然比TOMMY話我係DLM既低級成員,
但係我依然會將凍檸蜜既精神發揚光大!!!HAAA...

之後去左開CELL,幫人代禱其實會有D緊張,
唔知點解,又驚講錯野,又驚講漏野...
不過好彩都順利...
TRACY好好呀,借本research既書比我~

發生左件好唔開心既事...
ZIPZIP講左D好過份既野,
如果你話我BREAK左聖經既那條LAW,
咁唔該你講得清楚D,我怎樣BREAK!
如果你只係隨口講下,我會覺得你好唔專重我,
毀謗左我既人格,我根本冇咁做過,亦都冇諗過,
好唔明點解你要咁話我,
講真0個句,我真係好唔開心,
從來都冇比人咁話過...
估唔到你心裡一直都係咁睇我,
既然係咁,我都無話可說

好彩返到房,白痴自閉峯嚇鬼我...
低B嫺又DOWNLOAD左個白痴播音器,
不停用唔同聲線0係度播"ELSA HO BA CHE"
我又打"A HAN HO DAN B, G BIK FUNG HO YEUNG SHUI"
HAAA...都開心番D,好彩有個白痴ROOMMATE...

>>February 3, 2004 at 3:01:24 PM GMT+8

2004 年 2 月 1 日 星期日 【晴】

今日一朝早起身就趕返屋企,
食左少少野,就同grandma拿個琵琶同埋二胡,
搭左n程車去到奧海城個青苗琴行找人較音…
從搭火車同地鐵呢,比我發現到其實香港仲有好多有愛心既人~
因為好多人見到我grandma都會讓坐比佢~
所以d人都唔係好似係我心中咁麻木不仁既~
那個師父真衰,明明約左我地架嘛,又話臨時有急事喎…
結果我地就放扺左d琴,就去左沙田食野,
之後grandma就返家,我就買d道具整假火….(嘿嘿…),
返到hall就…當然係整啦…k型的…haaa…極之騎呢,
算吧啦,由city這個騎呢之王搞既週會,唔騎呢都唔得啦,haaa…

當我行去chample既時候,有件事發生左…
一個幾靚既女仔走埋我度喎…
佢:你好呀,我係一間電訊公司…想找一D有陽光氣息既女仔來介紹香港…
我:(心想:佢一定係騙我…就好似電視那些model公司咁…)
佢:不如你留低個電話…(未講完)
我:但係我份人,唔係咁鐘意曝光,
佢:但係…(都係未講完)
我:唔好意思,我真係冇咩興趣.
跟住就好快走左啦我~~
哈哈…今時今日既大學生仲點會比d咁既橋騙呀~~
哈…佢都傻架~~~

4點幾去到chample,就係搬椅,同埋整一陣既”抽獎”,
嘻嘻…話咁快,個週會就開始啦~有少少緊張添~~
首先係changing partner,初時有少少亂,
不過好彩後來都ok,佢地都玩得幾投入~
之後既動力信望愛其實係比佢地休息下,
因為比較靜少少,聽見證啦~~呀皮同mandy都講得幾攪笑~p:
那個”愛我的神很愛你”搖手game都幾好玩,haaa,人多玩果然唔同~
dem那時得5個人,話時話,一齊dem舞既金玉同jolybee都失蹤左…去左邊?!!
之後既小小的宇宙…真係爆笑…都估到~
大家一齊側起個頭跳,haaa...真係好攪笑~
被抽中既幸運兒真係好彩,haaa得到程序部既永久會藉~~haaa
最後既快樂常歌唱,睇來大家都跳都好累,
ha,當然啦~唔累點似營火會呀~~
曲終人散,但係大家都好似幾滿意咁,呵~
我當然係好開心啦~希望各位弟兄姐妹以後都會多d返團契啦~~

夜晚講icq又講電話...
呀........真係慘呀,成日比人鬧呀...嗚...
有d野...其實我都唔想架...有d野,唔好怪我啦...係你諗錯我0者,
其實我好好架...有d野...係你低b0者...haaaa....
好,遲D約你去行山+唱K~

>>February 2, 2004 at 4:52:44 PM GMT+8

2004 年 1 月 31 日 星期六 【晴】

今日,我著得幾靚,哈,我覺得~
返到教會,早左少少,今日做左招待,
其實我都幾鐘意這個post,
今日佢著左套suit返來,
朱ling第一句就話:”嘩,好核突”
haaa...其實講真那句,我講得佢著得幾好睇,
不過算啦,又與我何干呢…
聽聽日道,feel到自己有d唔掂…
真係要出去透氣,就拉左呀花出去,
我好鐘意你講既一句:”你要做主動”,
對哦,想返起整件事,我都係被動,點解呢?
係因為我用情深d?又或係…唉,算啦,諗來都冇用架啦…好煩呀…唔諗啦!!

下午趕去補習,之後就返學校~
csu春茗~自助餐,都幾好呀~~有野食,有野睇,
個csu男子組載歌載舞真係幾攪笑,
haaa…聽日又係咁,攪到呀john都話:”連續傻兩日,要哩埋0係企唔出街廿年先得啦”~
其實我地第六組都幾齊心,得呀睿冇來之嘛~
我地要繼續發揚第六組團結既精神~~~
傾計時,發現左原來葉仔鐘意作詩架喎~
等我得閒同佢交流下先~同amenda,crystal一齊返hall,
d野食…呀…雪櫃放唔落添…點算呢…?
Haaaa……………..

>>February 2, 2004 at 4:34:17 PM GMT+8

2004 年 1 月 30 日 星期五 【晴】

…今日全日都在家,
無聊地過…
不過發生左件幾攪笑既事~
呀女麻呢,就叫我寫扺佢聽日要買既野,
我聽到佢話:”大耳”,
??咩大耳呀?
哈…原來佢係話買大魚…
咁我就求其拿張紙寫起佢買咩,
點知比左張紙佢之後,佢問我:”邊個來架?”
跟住我諗…咩呀…
一睇,哈,原來我拿左張咭片of某個singapore大學人來寫…..
oh…真係唔好意思啦…~~
呀,無啦啦睇番本notebk,睇到個攪笑野…
我約左余銘恩食野,咁我打電話比佢啦…
銘:你0係邊度呀?
我:大埔墟站呀~
銘:你快d啦!
我:點快呀?
銘:0係架火車上面跑…
………………………haaa…

>>February 2, 2004 at 4:29:53 PM GMT+8

2004 年 1 月 29 日 星期四 【晴】

就正如昨日話齋,今日係非常之忙碌架...
一早就糟糕...因為啞左...
把聲好似擦左砂紙咁,野都唔點講到...
在ceci堂...仲比佢點左出去做client...不過把低沉既聲線都幾0岩我個角色~
因為我係演一個好辛苦賺錢供男友讀大學,
一心諗住同佢結婚,點知佢讀完大學(醫)就同左個護士一齊,
而同佢分手,佢一時接受唔到而跳樓,但係又死唔去,不過跌碎左盤骨要坐輪椅...

好慘呀...而我都演得好投入...
講真,我覺得ceci的同理心表逹在兩次也差不多,但係又唔好意思同佢講,
所以佢問我時都唔知點答...p~
d同學話我演得好真...haaa...其實我只係有d將自己既經歷代入左去演0者...
當然,那個女仔比我慘好多,而我亦都諗番自己,
若果自己冇神的話,可能我會同個女仔走相同既路,
不過真係好好彩...有神0係我背後支持我...~

haaa...d同學仔都話我今日靚左~

連呀邦叔都話:"嘩,有機有機,"haaa...
只有tommy話:"你今日靚左...件衫..."
chur...當然啦~~我唔可以衰比人睇架嘛~~
冇左呀邊個,對我來講,根本唔重要,
我要活得比佢好!!!!!!!!!!!
啓芳老師堂呢,本來就幾悶下,但係....haaaaaaaaaaaaaaaaaaaaa
臨落堂前最後一part呢,啓芳老師派左d新聞剪報比我地,
都係一d兒童被虐待,或者遺棄,決乏照顧咁,從而傾下會點影響到佢地既性格,
咁我地分組睇完後,啓芳就叫一d同學講個case出來...
本來好慘架嘛...zipzip0係度舉手講...
佢話:"個女仔得10歲,由6歲開始比人禁錮,不見天日,所以到10歲時
得十幾kg重,100米高..."haaa...d人已經開始轟笑,

100米高呀.......haaa....zip即時話:"呀...係1米高"
後來問番佢,先知原來佢想講100厘米高,點知食左個厘字...haaa...
之後就連走去上psy tutor,polly同學真利害,
猜win左另一組,所以我地可以6個人一組啦~~
(因為我地有6個sowk人,但may poon要組組都5個人,只有一組可以六個人)
完左堂就即走,要趕返上水...
我呀把聲啞咁滯已經好慘架啦,zip仲要笑我...

去到同呀軒補習,已經盡量少講野,
之後去到pizza hut,d野食剛剛來,ha,我真係來得合時,
呀花佢地都話我好睇左,就問:"你睇邊間,咁好既?"
我:"我睇緊中醫~"師母就即刻話:"係呀係呀,我介紹架,haaa"
ha~~跟住唔知志偉定朱ling同我講,叫我睇個"呀姐(何志佳話既)個樣,
嘩,真係超似雯雯呀!!!haaa...
總括而言,都ok 開心啦~

我沒有看過他一眼,是因為我下意識地不想吧,
是因為她坐在隔鄰?仰或是...
都不重要了,對哦,再難堪的日子都過去了,
盡管他搭著的是她的肩膀,
盡管他對她往往是管接管送...
現在的我,是新造的人,外表的美麗,基本的便可,
我所著重的,是內心的增值,
我要做到仁愛,喜樂,和平,忍耐,良善,信實,溫柔,節制,
我相信我做得到,只要有神的支持,我一定可以做得到.


>>January 31, 2004 at 8:17:34 AM GMT+8