2003 年 12 月 31 日 星期三 【晴】

新年開心呀~~~yeah~~
六點幾...去左飲茶...
真係從未如此早...過~~
肥邦勁爆好~~請$100呀～
所以每人都係比廿蚊咋～～
真係好呀～～
之後就返左hall訓啦...
z..z.....
訓左五粒鐘,成點幾先起身,
跟住又要返粉嶺啦...唉...車費都浪費埋...
去左上水幫人補習,同埋返家...
但係呢...食完飯...
我又返hall啦...唉...冇計啦,聽日要返成長小組...
今晚又要同金玉整個新加坡我地組個souvenia,
畫到我手抽筋呀...好彩都差唔多搞掂啦~~呵呵...

唉...我總覺得有時d野係唔駛迫,亦都唔駛提,
有心做既,自己自然而然會去做,
提來先做都冇意思...
呀佳,朱ling...
以後0係我面前都係唔好提那個名啦,
知道冇?

夜晚想了很久...
等...使人變得焦慮,也煩躁不安起來,
想著...為何從來沒有人嘗試去珍惜我呢?
又是那句說話:"你不值得"
我不是已經把它忘記了嗎?為何頓時會充斥於心頭呢?
不解...不期然悲觀起來...
求問神...愛從何處來...
一句說話閃過:"你的價值是建基於這些嗎?"
如雷貫耳...
我的價值不應被別人定型,
是我自己的看法,是神的看法...
加拉太書第五章...
只要我做到聖靈的果子...神是喜悅的,
人也是喜悅的...
尋獲自己的使命...頓然開朗起來...
ha...

>>January 1, 2004 at 4:40:33 PM GMT+8

2003 年 12 月 30 日 星期二 【晴】

通宵祈禱會~~
正爆~~
雖然勁眼訓...不過得到既啓示真係好多,
綜合左牧師,師母同SIAN見到既異象,
我既使命就係要發光發量,去光照其他人,
並且我要著重自己既內心,
把聖靈既果子放在心內,時刻警醒,
即係要做到:"仁愛,喜樂,和平,忍耐,恩慈,良善,信實,溫柔,節制"
冇錯呀...我要加油!!!!

小插曲...
剛剛十二點時呢,我地成教會D人一齊倒數喎,
咁呀健,肥邦同埋煒煒開香檳(其實係葡萄汁...)喎,
呀健一開,個STOPPER就噴出來,差D彈到我呀,
跟住佢支野就起泡...攪到地下都有呀...真係慘囉,
塊地氈冇啦...呀!!師母之前好似話..."邊個整濕個地下同我舔返佢呀..."
哈...呀健,仲唔快D舔個地?!!!
哈哈....

結果呢...就去到5點幾時完...呀...
SANAI...

>>January 1, 2004 at 4:07:33 PM GMT+8

2003 年 12 月 29 日 星期一 【晴】

N年冇踩過單車啦,
今朝一早就踩住個單車去翠麗花園幫人補習,
來回大概1個鐘啦,D天氣真係舒服呀~
雖然後來有少少哂,
但係都唔錯呀~~

下午三點幾出門口,YEAH~
HAZEL話一陣BBQ會交換禮物嘛...(後來先知CANCEL左...嗚...唔制呀!!!)
所以就走左去粉嶺中心逛下,
買左一包CDR同埋一個全盒...嘿嘿...仲諗住整古人添...虧死啦...
但係呢,買左禮物同埋花紙...那個人呀,勁爆衰,話幫我包埋要每份$2喎,
唔好去搶...但係我又冇膠紙同較剪喎,HA...
單秀真好~~借比我包~~要快D買番架單車呀~我地一齊去踩啦~~
跟住就去大百佳啦,
點知過馬路時...嗚...好彩吸收左上次經驗,
行左大約一百米就發現有D唔妥啦...
頂帽呢?!!!
好彩比我在馬路十字路口中心...搵番頂帽...嘿嘿,真好彩呀!!!


結果今日BBQ人呢,就有...
我,HAZEL,ALAN,COOKIE,文傑,呀沈,偉偉,俊俊,DICK同埋MAX,
0係大百佳買完野就浩浩蕩蕩咁搭的士入鶴藪,
今日真係...唉...運滯,記住呀,
"以後唔好0係百佳買炭呀!!"
點左成粒鐘D炭都唔起火呀,我地又執樹枝,
又執柴起火都起唔到...
搞到我之後成日都講:"D柴好廢呀..."(其實我係想講D炭...)
結果我地就等救兵...DICK同MAX,
因為佢地遲來,所以就叫佢地買埋炭來囉,
結果呢...成8:30成開始燒野食,
唉...不過都燒得好開心,雖然有D凍,搞到要問俊俊借褸,
同埋摟住HAZEL,COOKIE取暖.
咁耐冇見過D FRIEND,見番傾下計真係好呀,
俊俊變得最多,真係認唔到呀!!
又瘦左,頭髮又長左,染左髮,仲帶埋眼鏡喎...0係街撞到真係認唔到啦...
而呀MAX都仲係咁鐘意玩,一來到就請我地食凍柑~
哈...都估到佢0係中大出哂名架啦,電腦神童...型呀!!
最衰呀彪來唔到啦...冇計,誰叫梅死左,
佢要去幫手維持秩序,保護d明星呀...下次記得來呀~~

11:30...曲終人散...
0拿,約好下次新年去唱K架啦,
咁就唔駛偉偉咁慘,成日發作,一日唱到黑啦~~HAAA...

(請以平安夜音樂唱...)冇炭用,有炭用,冇炭用,有炭用,冇炭用之後又有炭用...)
haaa...白痴呀!!!

sanai...~

>>December 31, 2003 at 8:59:43 AM GMT+8

2003 年 12 月 28 日 星期日 【晴】

不知何解...
今天黃昏時,頓然得孤寂之感,
北風迎面吹來,木然的,站著,
並非為要等待甚麼,乃是毫無動力的,
迎著風,天,由蔚藍漸變成淡紫,
深藍淹沒了一切,
我需要些甚麼,卻摸不著,
的確有點兒...點兒甚麼呢...

唉...全日都0係企打鈍...
都唔知幹甚,渾渾噩噩咁就過左一日,

好期待聽日呀~~因為約左好多中五中七時既FRIEND出來BBQ,
OH...之後一定要勁飲涼茶同勁用MASK啦~~~(又一大筆...HAAA)
UM...有點兒想念...

SANAI...

>>December 29, 2003 at 3:26:30 PM GMT+8

2003 年 12 月 27 日 星期六 【晴】

今日一朝早就返粉嶺返教會,
不過時間過得真係快,
勁爆快就完啦...
咦...比人改左個花名...變左做el~el~~
哈,好彩有小朱朱陪我~~
最衰都係傻瓜健健...哼...唔準再咁叫我呀!!!


四點返到hall,就係要開程序部會,
好恐怖呀...四個男仔加我一個...
金玉又遲來喎...
city變態架...勁扮我跳舞,25號比佢見到我跳舞真係唔好彩呀,
慘啦,肯定有排比佢笑啦...
傾完上個sem週會檢討就去左樂富食野啦,
真係覺得呀皮勁爆好~~多謝你呀!!!感動~~~


um...這個世界上...真係越來越多人叫ivan...haaa...

每日白痴:
咦...去完教會想搭車去粉嶺火車站啦,
點知行行下...想上車啦!!!一望,>>>往上水<<<
oh...真好彩...haaa...

sanai...

>>December 28, 2003 at 4:49:26 PM GMT+8

2003 年 12 月 26 日 星期五 【晴】

"人逢喜事精神爽"
今朝一早就去飲苦茶喎...
中醫師:"你聖誕節去邊度玩呀?"
愛沙:"冇呀,留0係屋企之嘛"
中醫師:"下,你唔駛陪男朋友咩?"
愛沙:"傻啦,我都冇男朋友"
中醫師:"唔係嘛,你咁靚女,叫一聲D男仔由上水排到尖沙咀啦"
愛沙:"哈...傻啦..."(心想:你真有眼光~~)
HAAA.....真係心情開朗呀~~


跟住就約左SHEENA啦~~
N年冇見啦~~(其實都係個幾月0者~)
傾左好耐計呀~估唔到過左個幾月,
大家面對既野有咁大唔同,
而處境又係咁相似喎~
UM...真希望個幾月後我地見面時,
大家都可以得到幸福啦~~

每日白痴:
咁呢,因為今日勁食D熱氣野喎,所以返到HALL呢,
就諗住沖D王老吉飲下啦,
咁就拿左包王老吉,當我打開左佢之後呢,
"咦喂?王老吉幾時轉左做一粒粒架?咩唔係粉來架咩?"
跟住一睇:"京都念慈庵川貝枇杷糖"
....OH...咩拿錯左隔離0個包呀...

HAAA...

SANAI~~

>>December 28, 2003 at 4:19:52 PM GMT+8

2003 年 12 月 25 日 星期四 【晴】

溫淑雯昨日話覺得我大個左,
UM...經一事,長一智嘛,
經歷左咁多野,個人都大個左,思想都成熟左,
可以話係豁達左啦...
現在我對某D事或者人,都唔會期望咁大,
"期望越大,失望越大"
如果期望指數係10,如果結果只逹到5,
咁失望指數就會係5,
如果冇期望,即係0啦,而結果做到5呢,
咁咪有surprise囉~

今日同埋低b嫺,自閉峯同細細粒去屯門玩,
哈,我又唔識路喎,所以好多野都好新奇,
我又買左三樣野啦~一個紫色竹籃,一個心心古臣,一個書托~
行左陣,就去左睇戲~~"鬼咁多大屋",
劇情雖然舊左d,但係總括都幾好睇,
某d位都幾攪笑~所以都唔錯啦~
多謝小粒粒請既粒粒雪糕~

又影左好多相喎,yeah,要照滿個hall~~
呀嫺又帶我去食屯門出名既粉仔,

haaa...都未食過既~好得意呀~
個老闆勁攪笑,請我地食兩大碟燒賣喎...
返到家已經七點幾啦...

"祝你一路順風~"
sanai


>>December 26, 2003 at 2:57:41 PM GMT+8

2003 年 12 月 24 日 星期三 【晴】

又到聖誕,又到聖誕~~
愛沙今日有一個十分神聖既任務~
就係以跳舞同福音橋來傳福音,
話比人知聖誕節係為耶穌降生而慶祝既日子啦~~

好緊張...雖然昨晚在家自己勁練,
但係D舞步都唔係咁熟,願主保守啦~~
一早就返左教會先,跟住就同牧師佢地一齊去左個簡短既祈禱會,
願主保守今日既活動~
之後呢,就去左聯和墟個海聯廣場啦,
十二點幾上台採排左兩次...都有D唔記得...
1:30,真正表演啦~~呵呵...感謝主~我全部舞步都記得呀~~YEAH~~
表現得唔錯,都有好多人拍手,HAAA...
全靠JENNY啦,佢真係勁好,D舞步都係佢教我地,
佢又跳得好喎,份人又好,又靚女~~SIAN真係執到啦~~HAAA...
四點幾就係第二輪表演,托主鴻福,一樣唔錯~

期間我就上左一樓做福音橋,同D小朋友講主耶穌既故事,
帶左幾個小朋友信主,哈,真係開心啦~
唉,真唔好彩,在校又見到CITY,在粉嶺都見到佢...唉...28號又要見到啦,真係慘...
哈~今日溫淑雯來睇我表演呀,N年冇見佢啦,
傾左好耐計,知道左佢一D新資訊,UM...
"以平常心面對吧~希望在明天呀~~"


題外話:
今日見到彭生有D唔開心...
咁又係既,咁多人填左表話會幫手做福音橋,
結果個個都唔來,仲差D唔夠人...
有一位弟兄真係...唔係咁好,
明明應承左話1:00會到,結果冇左影,
電話又冇個,好似隱約4點幾見過下佢,跟住又冇左影啦,
連彭生都不禁話:"唉,下次都唔駛止只佢幫手啦"
唉,這位弟兄都真係要反省下...

唔知各位D聖誕過成點呢?
有情人既係咪都會同情人過呢?
其實冇男朋友,聖誕節都可以過得好開心吧~
咦,夜晚開icq,收到nokiss send來既網址,可以睇到christmas party d 相喎,
咦...唔開心呀,五幅相有我(當然唔包做佈景版那d),三幅都勁樣衰既,
嗚...唔制呀...


SA唔SA呢...

>>December 25, 2003 at 2:47:48 PM GMT+8

2003 年 12 月 23 日 星期二 【晴】

今日呢...呀...

一朝早就去左灣仔個環保署拿回張cert,
跟住呢,就約左個朋友行街...唉...
0個隻朋友呢,竟然唔知醒喎,
要我打去佢屋企先識醒,實在太過份啦!!!

雖然佢話飛過來,但係都遲左個半鐘...係1.5個鐘喎!!
好彩我找到個灣仔圖書館行下...哈,仲借左本書橘子紅了呢~
哼...當然係仲嬲佢啦,不過見佢都幾誠懇咁say sorry同埋請我食飯,
唉,就算啦,我不嬲都咁大方既...(死啦,比人知道我咁易哄添...)

跟住行左一陣灣仔,但係d野太貴啦,
所以都冇咩點買野,我只係買左個天使磁石同埋火柴人公仔~
um...真係有d羡慕佢添...
"take it easy"吧~~
都係送那首歌比你
"也許,上天不給我的,無論我兩臂怎緊扣,仍然走漏,
給我的,無論我以往怎失手都會擁有"
將一切交給神,祂會有最好的安排~~
可能將來會有一個更好的呢~我都係咁諗架~~

行完好累呀,返hall hair左陣,
我間hall係咪佈置得好靚呢,yeah~~
haaa...一定要好好珍惜那暖笠笠的聖誕禮物呀~~


um...有點兒覆雜的心情...
sanaisanaisanai~~~

>>December 24, 2003 at 4:26:31 PM GMT+8

2003 年 12 月 23 日 星期二 【晴】

今朝一早就0係屯門趕出來...
唉,本來十點鐘約左第六組組長呀wing出來食野傾計,
咁但係我明知趕唔切架嘛,咪叫zip同我掉時間囉(佢約11:30)
點知朝早電佢...佢唔記得左喎...實在太過份啦...哼...
唉...結果我就約返呀wing11:00啦...因為zip最後都係冇來囉,
真係可惡呀...哼...

跟住我就自己走左去九龍城買野,
哈...死啦,我又放血啦...帶左二百蚊去化為烏有...
不過收獲真係甚豐呀...
有...一紥乾花,一隻介指,一個細花樽連花,一對波鞋,一件衫,一個雜誌架,兩盒牙簽,四張花紙,五張聖誕咭,廿四把梳...haaa........
yeah~我已經執到個hall好靚啦~~得閒來參觀下啦~~
不過...就山窮水盡左...唉,算吧啦,
考完試嘛,咁辛苦,就放盡d啦...haaa(這句話...點解好似咁熟咁既..?)

夜晚啦,就係christmas party啦~~
打扮好之後就去啦,點知一入去就要玩連步舞,
好彩抽到個中級難度0者,如果唔係都唔知點過~
haaa...好開心呀~因為d同學見到我個新look都話靚左呀,
haaa...不過我都知,靚左就x=靚既~但係都好開心~~
分左組,係龍組喎,第一個game就係玩大電視,
yeah~~我地組勁呀~~中左12題win左,haaa...
我估到"頹廢","皇家馬德利"...haaa~

之後就食野啦,好豐富呀,
我一拿完野食就坐左一邊食啦,
唔知點解他year1同學都坐另外d台喎,
搞到我好似好摺咁...不過,都有好多year2坐隔離~,
ha~食得好飽呀~lucky~~抽獎抽到我喎~
係一支死海之鹽~都幾靚~
根住就玩遊戲啦~~睇到zip剪左個頭,好攪笑呀,haaa...

個遊戲呢...我地0組一開頭brainstorm左...
後來就諗到火燒聖誕樹,根住金雞同漂客變身,
做美少女戰士同禮服蒙面俠去殺火妖...
冇計啦,咦,組組都冇男仔,咪找d男仔去玩囉,
我地組又冇喎,咁男仔扮人妖就好笑0者,
女仔扮男仔都唔好笑既...咁囉...
不過話時話,d同學扮既人妖又真係幾好笑...haaa~


最後既交換禮物...haaa~芬芳抽到我份禮物呀,
佢都好鐘意呀,真係好啦~而我呢,就抽到個波...
可以玩既...所以都幾好啦~
知道呀晴抽到"五個撲水的少年"...真係慘呀...
大car買那份禮物好得意呀,比haveni(唔識串添...)抽到,
係一個天使環同星星捧~好攪笑呀~
玩得好開心呀,真係好多謝d搞手,tommy虧爺,
你掂啦,一於下年上莊做主席啦~~haaa
最後抽到simpson整既拐杖,呀唔係,係士的鎖匙扣,
haaa,好靚也~~

ps,咦,今日真係慘呀,帶頂帽又勁比人整古喎,
著對鞋又比人追住踩喎...嗚...我真係實在太可憐啦...

um...唔知點解好鐘意同你傾電話喎...haaa~~
sanai~sanai~


>>December 24, 2003 at 4:02:59 PM GMT+8