2004 年 2 月 18 日 星期三 【晴】

一早運動精神好,愛沙必備當係寶~
HAAA…今朝一早上PE就去左聯合運動場度跑步啦…
今日跑左千二米,都跑到我死左,
本來都冇咩野架,但係跑跑下就橫Y腸痛…
跑到爆辛苦…嗚…加上前日同ZIP哥傾八卦野時唔小心屈到條頸…
(最衰都係佢呀!!)嗚…所以周身骨痛既我跑起上來就爆慘啦…嗚…

之後就去左見HEIDI…那個16PF personality測驗終於出結果啦~~
呀…其實個測驗係測十六樣野既,咁度數由1-10,呈normal distribution,
所以正常既人個range都係圍繞4-6…只有1%既人係拿1或者10…
但係呢…佢話我好波動喎…haaa…我有兩個10同埋兩個1呀…
我四個極端就係…
爆有imaginative…爆sensitive…
爆open-minded and artless…同埋爆冇self-control…
haaa…..
即係話…我係一個極其敏感同埋富想像力既人,
對住人地完全地開放自己,極之單純,加上毫無自我控制力…
嘿嘿………….果然係一個白痴…點算…?
連個counselor都問我點算…
不過唔好誤會,其實那個self control, counselor係話我唔係唔識control,
而係唔去control,所以話我極任性,自己想做既野就完全唔理其他人,照做可也…
唉,又會準成咁既…所以咪搞到成日比人罵囉…真係太慘啦我…
基本上我係一個問題少女…嘿嘿…咁點做社工呀…p:…
都係講唔哂份野,要約過個時間…梗係啦…我咁有問題…真糟糕…

番到hall,又見到自閉峯,同佢傾開宗教問題,
果然係咁,道不同不相為謀…所以都係算.
去上marcus堂,同tommy坐,講左個16pf比佢聽…
嗚…又比佢話我無知…太可惡啦~~咦,我又聽唔到個screen,
marcus又問我問題喎…呀…結果,我話答佢:”我睇唔到…”
嗚…成班都笑我…實在係太可憐啦我!!
不過今堂都幾好玩~
之後同左rita返hall坐左陣,死人低b嫺又不停咁話話我白痴呀…
哼…所以我地就一齊食橙,用”橙味攻擊”,ha,勁呀~~
又對左psy test d答案…計一計,63/80分…都ok啦~
當佢地走左去上堂之後,我就0係度打網絡傷心小箋…嘿…

夜晚就約左rita一齊去一樓溫sowk,因為聽日測,
話時話,最近真係同佢friend左喎,真係好啦~haaa…因為佢係女俠~~
溫完諗住0係hall唱k,點知原來要三個人先得喎,
真係麻煩啦…不過唔緊要啦,下次再唱過~
之後上房諗住整麵食,剛好見到amenda喎,佢就煮飯食,
haaa…結果我地就一齊煮野食啦,又有菜啦,有湯啦,仲有雞比,
yeah~~煮飯仔真係好啦~~食完就傾左好耐,仲一齊祈禱添~~
um…希望我同呀邊個d關係0係神既帶領之下會好番啦~~

>>February 20, 2004 at 4:17:22 PM GMT+8

2004 年 2 月 17 日 星期二 【晴】

測psy~haaa...都唔錯吧,我諗~
咦,烕博士又話即堂對,點知又走左...
攪到要星期五tutor先有得對...p:..
之後同d同學仔去hallcan買野食,但係冇位喎,
結果就齊齊上左hall一樓食,
一齊傾下上唔上莊喎...
原來polly同肥妹都打算上啟蒙,
cement又好煩惱喎...
個個都唔知上咩咁,都好似好煩惱,
希望大家都選擇到自己鐘意既莊上啦~~

之後就同左rita返房拿橙...haaa...
同埋拿d notes上堂...
咦...我都話記得有野漏左架啦...
上完lang同rp,先記得唔記得帶畫板同素描筆...
又要返hall拿過...呀...
今日都學到d正野,haaa...畫既野果然sharp左喎~~~
同呀古一齊上,真係好呀,有人陪~~

夜晚就買宵夜當飯食,冇計啦,成九點先返到去,
又買多左喎...食左個糯米雞,就飽到食唔落d炒麵...
結果就放左0係雪櫃...haaa...

每日白痴:
1.下午同rita返hall時...唔記得左我地層樓打蠟喎,所以12樓既lift門封左,
咁我又按左12樓喎...一開門...當然係寫住:"封"...仲比個唔識既人笑添喎...
點知呢,上完lang同rp,又呀晴一齊搭lift...又按左12樓...haaa...一開門就...當然又係個"封"字啦...
唉...就走左去13樓囉...哼...
2.咁我上素描班,就去左oee601啦,因為上次都係這裡...等...等...過左兩個字啦喎,都冇人來...
我諗住出去睇下啦,就見到呀古啦喎,結果由佢打電話問下那個負责人...haaa...原來掉左room喎,
點解唔知架...太過份啦...
3.夜晚返到房,見到toiletmate 小小個friend benny來左喎,佢話:"今朝返學搭lift時,你點解用咁奇怪既
眼神望我既?" "下...?咩我有見過你咩?"...講真,我真係唔記得有見過佢喎...haaa...跟住佢就好傷
心咁望住我啦..haa..白痴呀~

>>February 18, 2004 at 4:58:00 PM GMT+8

2004 年 2 月 17 日 星期二 【晴】

前路一片光明~~
對哦,可能昨日比人鬧完之後祈禱，
所以呢，今日就比我發現到其實我身邊係有好多好男仔架，
ＨＡＡＡ．．．．．．～～～
冇錯呀～～人生又充滿希望啦～～
ＨＡＡＡ．．．～～（雙眼發光中～）

朝早同呀嫺去食早餐，
下午呢，又同ｇｒａｎｄｍａ同細姑姐去九龍城食泰國野，
但係行極都找唔到本來想食那間...結果就求其去左其中一間啦~
全部都辣架喎．．．今晚要勁飲涼茶先得～
不過都幾好食，個泰式拼盤，沙爹串燒都唔錯呀～～
不過唔知係咪飲得太多凍野呢．．．夜晚有ｄ肚痛．．．ｐ：．．
趕唔到番來聽ｕ　ｌｉｆｅ　ｌｕｕ．．．

夜晚啦喎．．．當然係勁溫ｐｓｙ啦，
聽日測啦．．．爆夜先溫哂呀．．眼訓．．．
要努力呀～～～

>>February 18, 2004 at 4:26:06 PM GMT+8

2004 年 2 月 15 日 星期日 【晴】

一早...就為左個夢忐忑不安...
又發生左兩件白痴野...唉...真糟糕...
約左佩珊,nokiss去查經班,
唉...再這樣下去,我怎樣做到一個信徒應有的見證呢?
傾左好多野,跟住就去左上it堂...
估唔到係susan來教喎...susan之前同我east and west project同組,
去左大澳同埋文化博物館玩架喎,所以都幾熟架~
佢成日都係講powerpoint,當然係講國語啦,
不過都明既,不過就有少少眼訓...

then就同呀tommy返左hall heir下,又吹下水咁,
都話佢地只係哂下花窗架啦~咁先有情趣架嘛...
好鐘意那幾句:"半摺人","全職摺人",
ha,正爆~~
佢有包糖好攪笑,有d生果形既糖,又真係好似架喎~ha
我又溫左陣書就去左chample練歌啦~
因為今晚我地第六組帶敬拜,
p:...仲係我企出來講...有d緊張...
一齊練,又一齊祈禱,求神保守~
haaa...結果都ok,對哦,最緊要係團結嘛~
之後個週會都幾好,有見證聽同埋有game玩,
佢地聾架,我叫到爆大聲我0個都搵唔到我...搞到我把聲都沙哂...
之後同成班人去六合食,都幾開心啦~~
唉,死city,唔好成日亂咁傳人啦,搞到人地都唔知點咁...真係呀...

返到hall...同amenda傾左陣...就慘啦...
唉,傻瓜健健打電話來..."訓話"左一番...
好惡呀你...不過我都知你想我好...
但其實你講既野都0岩既...
"你應該放底佢,prepare好自己做一個好女朋友,神安排既真命天子就會出現架啦"
ha,最0岩feel都係這句,因為其他都係罵我既...
根住zipzip又打來話我...唉...不過佢好似已經好無奈,
無話可說咁啦...係因為未見過我這些咁頑固既老頭子嗎?
我都唔想架......................唉...

每日白痴:
1.零晨四點鐘...無lala醒左...發覺...自己敷住個eye mask就訓左啦...
作死啦,敷左成四粒鐘...好彩隻眼冇皺0者...
2.咁起左身就溫psy啦...突然有電話來喎,oh...原來我約左人查經...haaa...
唔記得左添...所以就要極速去啦...唉.
3.上左hall一樓查經班...咁食lunch咁啦,點知d湯呢,咁我放左0係張椅度啦,
嗚...原來張椅係斜架喎...haaa...d湯就倒瀉左啦,仲燙親我添呀...haaa(傻架?仲笑)
4.返週會玩遊戲...咁以報數形式分組啦,咁d人叫1,2,3,4,咁我咪叫5!囉...點知...d人就話
"elsa白痴架,我地分四組架咋...haaa..."呀...係咩...?真係慘,之後就勁比人串:"elsa,你唔係第
五組架咩??"呀.......

今日怪夢:
其實個夢好短,但係個感受好深...
我夢見自己同一個男仔一齊0係d沙地度行喎,
好明顯地佢係我男朋友,而我feel到我好鐘意佢架喎(但事實上我唔識佢)
咁一齊好開心咁行,但係之後我地就上巴士,我椅在佢肩膀上,
明知道佢下一個站就會落車,好唔捨得,
個感覺真係好唔捨得,好想爭取最後一分一秒同佢一齊...
唉,就係0係D咁既感覺下醒左啦...
就發覺自己唔記得除MASK囉.......白痴呀...

>>February 16, 2004 at 5:06:21 PM GMT+8

2004 年 2 月 14 日 星期六 【晴】

矛盾的一日...
的確,早上有點難受...
多謝CITY的走音歌...P:
多謝主給我幾位關心我的弟兄姐妹...

的確,下午有點釋放,
也有點...可惜...是可惜的感覺嗎?

的確,夜晚十分開心,
是如一位朋友所說--虛假的開心嗎?
我不清楚...決定去的原因,也不外乎這個吧...
因為我知道,若果我去的話,我會很開心...
縱使這開心只是短暫的一剎...

食晚飯,傾談,逛公園...
很懷念的感覺...
為甚麼?死性不改...這是我失敗的原因嗎?
執迷不悟...朋友們總是這樣罵我...
可是...很愛他耶...怎麼辦?
誰都說要對他殘忍,決絕...我做不到...
做不到...repression,denial,rationalization...都給我用過了...
...................

所有人都說是我自找的..."既然你自己要去死,難度我不讓你去死嗎?"
"死路跟生路,你選那一條?"
"我已經跟你說了很多遍,你為何都不聽?"
"你表面上這樣說,你心裡是否如此想?"
"你甚麼都不是,不是他朋友,更不是他女朋友,連第三者都不是,他當你是甚麼?"
罵得很直接...如果能把我罵醒,那有多好呢?

>>February 16, 2004 at 4:37:36 PM GMT+8

2004 年 2 月 13 日 星期五 【晴】

情人節,對我來說,
是沒有意義的...

早上就約左呀銘,呀帆去食lunch,
我地oral組既聚會好似已經好耐冇找呀姚luu,
冇計啦,知佢"今日"唔得閒...嘿...
傾左d近況...都幾攪笑,
佢地今晚既節目都係約左幾個friend出來吹水,
而我...

食完野後就行左陣,呀帆車我去火車站,
我就meet埋我細姑姐返家luu...
冇呀,借左隻"假如愛有天意"回家看,都幾好睇呀~
不過...情人節自己睇d咁既戲就...唉算,
所以話呢,愛情始終也包含住一d天意,
天意既是如此,又何必強求呢...唉...
then就溫書啦...又幫細姑姐睇下部新買既mp3機,
其實我都唔識架,又唔多得喎,又話咩要格式化喎...攪左好耐,
打去問,那個人又衰喎...又唔識喎...
haaa...估唔到夜晚比我無lala攪掂左喎...結果就download左d歌落去隻mp3度啦,haaa
不過...
我好似...只係溫左好少psy...點算?

今日白痴:
好白痴架...咁我一起身0係hall架嘛,
就走過去問jessica借風筒喎(否則d頭髮唔會直),
咁借到返來>插了制>我洗濕個頭>拿梳>梳頭>拔制>拿回jessica度...
um...覺唔覺得少左d野呢...?
冇錯啦!!我唔記得左吹頭呀...HAAA........~
結果又要拿回來吹過...HAAA........
.............................

今日怪夢:
其實好長架,但係我只係記得少少片段,
我同一班人在一條街度行喎,
見到有間店鋪呢,話買兩條底褲加一個袋呢,
就送一件黑色既風褸喎...
咁再行啦,見到間店好奇怪架喎,列左好多個位,
每個位上面都有紙,毛筆,墨盒咁,跟住好多人排隊喎,
原來這間野係幫人寫狀紙報案架喎...
但係我心裡面仲諗...咩現在D人報案唔係去警署架咩?唔通D警察同這些"牙"門合作?
...................................HA~

>>February 15, 2004 at 10:57:24 AM GMT+8

2004 年 2 月 12 日 星期四 【晴】

今日一返到學,ceci堂break時呢,
haaa...就係派朱古力同花既時間啦~
原來好多同學仔都預備左朱古力派喎~
對哦,聽日係情人節嘛,所以大家都派朱古力,
真係開心呀~~
then去左間地顫房,d同學出去演situation,
第一pair係芬芳同金玉,
金玉d答案真係好攪笑,我覺得芬芳做得好好,
好溫柔feel~~金玉d答案真係好難令人忍得住唔笑,
"我真係好辛苦架,一日做足廿四個鐘"
"我當然攪得掂啦,我都冇去跳樓"
...haaa...金玉真係令全班充滿快活既空氣~
跟住那pair係mandy同呀鳯,
我覺得呀鳯扮得好似,mandy一開始有d惡,haaa~嚇左人一跳,
不過後來都幾好~~對哦,一定會越練越好既~~

唉...返到hall...同呀嫺傾既時候忍唔住喊左少少...
我喊,並唔係因為我鐘意佢,而係覺得咁樣冇左個朋友好可惜,
點解唔可以變返以前咁喎,只不過係一埸誤會,
就攪到大家擦身而過,如同佰生人咁...好心痛呢...好唔明,
明明0係電話度可以傾得好開心架,但係點解見到面就會咁呢?
係佢唔識點面對我嗎?還是,其實我自己都有問題呢...

唉...

上啓芳堂...哄動呀...那盒錄影帶...
真實生仔過程!!爆恐怖!!!!
真係影埋點生喎...呀......
不過話時話,估唔到一個bb可以由fertilization去到出世係咁難,
一個人既誕生真係唔容易呀...神好勁呀!!!!!

上psy,唉,個感覺好番d,個心冇咁唔舒服,
.................................
好多同學話覺得我身材好..p:...
但係好...有用麼?唉...我鐘意既人都唔鐘意我...
有用嗎?

返小組...同呀佳,志偉,呀健去食飯,
唔知點解,佢地比我個感覺都頗摺...
呀健聽日返工啦,真係好~不過...要每日四點起身...
呀....願主祝福你啦下..."早睡早起精神好~~~"HAAA...
N年冇返小組,都幾好啦~
會長比我地睇既故事都幾正...
既然決定左,就唔好後悔,因為就算比你返轉頭,再做決定,
你可擔保你那個決定的結局會比這個好嗎?其實未必...
滿足於現狀,不是幾好嗎?

返HALL...同那個朋友傾計...
都話我係D敢愛敢恨既人來架啦,係0個句就講0個句,
係擺明唔開心架啦...擦身而過...同我講野都只係望地下...
太過份呀!!!唉...不過算吧啦,起碼同你在電話中都幾好傾,
UM...總有一日我地可以做返好好既好朋友吧~我總相信這一點.
真糟糕,傾到2點添...

>>February 15, 2004 at 10:43:42 AM GMT+8

2004 年 2 月 11 日 星期三 【晴】

呀....其實今日係15號...嘿嘿...
唔多記得12號發生過咩事添...諗下先...

係啦,首先係上PE,踩單車啦,好耐冇踩啦...
雖然係假既,都好過冇...
THEN去上MARCUS堂,唉...又遲到添...
上咁多次唔知點解都係遲到架喎...嗚...我都唔想架...P:
有點在發夢...可能係因為一陣要去練習唱歌啦,
D歌又難唱喎,好驚會走音喎...雖然結果都係走音...嘿嘿...算吧啦~

返到HALL,教呀小小講廣東話喎,HAAA...
今日係教佢:"你好靚,又可愛,活潑開朗,天真無邪..."
HAAA..........不過,當然我教佢來整古下人咁啦~
所以就叫佢最後加番句:"不過,你好鈍"來送比JASSICA,HAAA...

(所以夜晚我就係0係比JESSICA嘔打既情況下度過...啦~~)

教完小小之後,先至去練歌,可能"進入你聖殿中"真係太難唱啦,
所以練左好耐個拍子先OK,不過都要感謝主,因為大家都無懼走音地唱!!
HAA...呀睿今日好似好COOL咁,應該唔會因為我揀D歌唔0岩FEEL掛...
之後就同左金玉去樂富買野,買左D朱古力同埋紙...嘿...
冇錯呀~所以夜晚就掉走本PSYCHO書,
做左個"摺"人,"摺摺復摺摺,愛沙當戶摺",HA
呀嫺都幫我剪紙,不過都摺左好耐...HAAA,,,希望大家聽日開開心心啦~~
(哈,正0係JESSICA嘔打我途中,我就整支花同朱古力比佢,HAAA...就度過一劫啦~YEAH~)

愛沙怪夢:
其實係昨晚發既...
我同一班同學被困0係一個大禮堂度喎,
地下都係D軟墊,跟住有條巨蟲走左出來,不停0係度碌來碌去,
0係度追殺我地喎,但係D門又鎖哂,走唔到喎,
咁我就見到個地有個山洞喎,就躲入去啦,
點知成班人又一齊走入去喎...條蟲太大啦,所以就係唔到個山洞殺我地喎...
心驚膽跳呀...

>>February 15, 2004 at 9:25:57 AM GMT+8

2004 年 2 月 10 日 星期二 【晴】

終於都睇哂藍色生死戀啦...
睇左成幾個月...嘿嘿...
唉,男女主角都死哂...唉...愛情,真係可以令人好執著~

太好啦,凍左咁多日,終於都暖番少少,
新買既衫可以著啦~~所以D同學都問我做咩著得咁靚,
其實冇架,只係買左D新衫想著下之嘛...HAAA...
同埋個人打扮下,自信心都大D,(雖然個方法就...好似唔多正確...不過算啦~)
開心都係最緊要~~UM...要好好運用神給我的賞賜~~
HAAA...冇錯呀...眼神制敵!!!!

上LANG,上RP...
AR~~~~上完RP,本來只係想問呀丕盛一個問題...
結果...嘿嘿...同佢企左0係AC HALL出面傾左兩粒鐘...
講既都係圍繞佢點睇性與基督教既關係,
又講下裸女,藝術,道得既問題...
攪到我MISS左個素描班...不過的確學到好多野既~
丕盛真係好熱心教學...UM...

去到素描班,個呀蛇就話:"我地0岩0岩完啦喎..."
OH...NO...結果就問左個唔識既同學仔求先講左D咩...嘿...
返到HALL,呀WING電我喎,原來合組BBQ仲0係天台玩緊,
所以我又上左去一陣,食左四粒墨魚丸,又玩九唔搭八,
不過冇咩時間,D唔住HALL既人又要11點前走,
HA...就拿左兩個番薯返房啦~~

11點幾...就睇福音電影"生命楂FIT人",真係幾好睇喎!!
不過就睇到兩點...再同呀嫺傾左好耐...P..
攪到成三點先訓呀...OH NO...

>>February 12, 2004 at 9:14:37 AM GMT+8

2004 年 2 月 9 日 星期一 【晴】

最近既心情都好飄...
...唉,睇來我真係要買番盒靜心...
真係唔多掂...點算?天呀...我都唔想架...

不笑,是因為找不到笑的理由,
有時並非代表我不開心,
只是,代表我並非開心.
以為問題解決了,原來還未...
有發生過,始終都是有發生過,
不能當甚麼也沒發生過般,
當然發生了一些事,結果不如理想時,
就很想當其沒有發生過,可是...
時間真的能沖淡嗎?過一陣子會好些嗎?
明顯地...相處有壓力...
唉...無奈...無奈...

一早就返上水補習...
鐘太極好,拿左成大盒糖同埋盒金沙比我拿走,
呵呵...之後我就趕返來開SOWK CELL,
THEN又去同呀WING傾改選委野,
THEN就去上堂...上完再去查經班...THEN去食野...忙呀~~
不過忙都好...忙會令人減少頹廢既跡象...HAAA...

查經,感受好深,
以掃為左追求佢父親對佢既愛,而間接放棄左原來屬於他,
最上好的福份...
我都反思到,其實我會唔會有時為左D自己好想要既野,
而放棄左神給予我最好既福份呢?
例如,我常常為左感情既事而煩惱,唔開心,
其實係咪辜負左神給予我喜樂的福份呢...
感觸良多呢...

THEN就同好多人去食飯~
葉仔好攪笑,發D夢怪爆~同我有得FIGHT呀~~
咩夢中夢,同火箭鬥快,世界末日,外星人表演SHOW...
真係攪笑爆呀~馬老又好攪笑,成日見到自己比外星人打針,
仲可以以意志力控制個結局架喎~~
HAAA...又一大班傻人一齊玩啦,真係開心~

>>February 10, 2004 at 3:41:14 PM GMT+8