2004 年 5 月 23 日 星期日 【晴】

好灰呀...
其實我晚晚都有上網想打日記...
但係都LOGIN唔到...明明佢寫話個網得4人,但我都LOGIN唔到...
今次IN到真係難得..好慘呀!!!!!

其實這幾日都係開下會咁...
星期六大部份時間在家,就拿起輯漫畫看啦...
"緋翔傳說"...好正呀....~~
不過漫畫終究係漫畫,現實又點會有D咁好既野呀...
漫畫中有至死不渝,願為對方犠牲一切的愛情,現實上...哪有?
相隔一千年也可以相聚?別說笑...相隔一年要相聚都困難吧...
往往現實上完成不了的心願,也盼望藉漫畫去實現...
唉...要找個人愛自己也沒有,甚麼永遠,一生一世就不題也罷.

星期日好開心呀~
因為係我地班試後大旅行既大日子~~
雖然只係得四分一人,
不過都好好呀,係一個好既開始~~
去石澳...好遠呀....
一朝返完教會,唱完詩就閃人,用左個半鐘來搭車,
去到九龍塘時,見自己早左好多喎,咪買左D野慢慢食囉,
就係咁,在地鐵月台就撞到呀卓同SIMPSON啦,
去到TOMMY已經0係度...爆早呀佢...
THEN等到咁上下就去買野啦,DORIS同SIMPSON就去找爐先,
終於到左啦~好晒....好採肥妹有太陽油~~
哈,原來個爐旁的係POLLY SOWK人,仲有D係社聯的哦...
CEMENT來到果然有驚喜呀~

成日最正既美食!!!最愛就係TOMMY整既焗全雞,
正爆呀!!!鋪D錫紙在紙皮箱度,再放D燒著既炭落去,
用鹽,黑椒整隻雞放落去...好正呀~~真係~
估唔到咁隻雞都咁熟喎~
本來都好開心架...不過我肚痛...
唉...經常架啦...加上我又食雪糕加庶汁...唔死都偷笑..嘿嘿...
CEMENT放心喎,我冇事呀~唔死得~
D食物都剛剛好~最後剩番D少少野食都靠包剪鎚來決定...
AR...我始終都係要食集雞翼架~因為我出了剪..在包鎚小出時...

燒完就走左去沙灘坐,
好正呀個FEEL...唉...
DORIS好恐怖...話昨晚夢見浮屍...
O>.....<
影左D相,因為VIVIAN話走,所以全班都一齊走LUU...
0係走既過程呢,個感覺好攪笑喎...
首先...一行十人搭巴士走,
到了石澳,DORIS走啦喎...
入到地鐵站,大SAN搭另一面列車...
到了鰂魚涌,肥妹繼續站而我地落車...
九龍灣VIVIAN都走啦...
彩虹CEMENT就返家...
鑽石山TOMMY同MANDY走去搭巴士...
地鐵上...只剩下我,卓同SIMPSON...
到了大埔火車站,佢地都落車啦...
AR.......得返我...P:...
石澳...果然係好遠下............................

今日就...待續啦~

>>May 24, 2004 at 5:14:36 PM GMT+8

2004 年 5 月 20 日 星期四 【晴】

辛苦左半個月,
由2號開始溫書,溫到18號...
好累哦...不過終於都考完啦~~HAPPY,呵呵...

這個星期真係難捱,日日都勁溫,
日日都見住呀嫺同自閉峯,
ha,同金玉都成日去食野,仲得閒玩下cards,
呵呵...(壞學生?!!!)
18號晚就約左斌斌去食野同埋溫書,
其實有d搞笑,因為都讀唔同科既...
haaa,,,不過從佢身上,真係感受到那份樂天知命...

19號...
朝早考返HUMAN DE,
份卷就...D MC...一DD啦...唉...溫左咁耐...都有少少用既~~
LONG Q就...一睇到attachment就即揀啦,
p:~~因為溫過下,haaa...之後那題就...吹囉...
仲亂咁apply左d theory落去...嘿嘿...
then去左開csu cell,帶左d game去,
haaa...希望各職員真係可以藉此更投入啦...
水哥既rock and roll聖經...........真係爆勁...
um...我地既cell果然係充滿喜樂呀.....
跟住演聖經故事...演拉撒路既水哥真係冇得頂.......
演阿伯拉罕既zipzip攬住佢既一刻..........ar!!!!!真係.....
haaaaaaaaaaaaaaaaaaaaaaaaaaaaa(爆笑中...)
之後都有一齊分享既時間,不過後來商討的都係d比較工作上既野,
then大家考完試又好累喎,唔知點解,
初初自己都冇點,越坐越唔妥...
好暈...又唔舒服...
跟左佢地去百德坐左陣........散會時,
zipzip真好,見我唔妥送我返hall,
休息左陣...唉...又係執野既時候啦~~因為聽日搬....

20號...
d野都執得差唔多,daddy就來到幫我搬,
首先d野搬去19樓放,
then就後揹側拿n袋咁....走....
ha,臨走都比我在樓下見到金城武喎~~真開心啦~呵,
同daddy搭taxi又轉火車咁返到家...
累爆呀!!!~~
daddy勁好,今次返來帶左爆多壽司料,
有兩大舊三文魚啦,鰻魚,黃金魚,螺肉,八爪魚...等,
最得意就係有明太子呀!!我都未食過,
香港好少有架喎...原來明太子係一舊舊正方形既蟹子來架,
好得意架~~daddy買左極大包海澡喎,嘩,那裡最少可以整到百佳買的最少15盒呀,
都係港幣30蚊咋!!!!!!!
下午佢就勁整,呵...我當然係勁食啦,
大姑姐同呀銘都來左,呵...
呀銘要做份咩幼兒教學同資訊科技...ar...滴汗...
好彩佢有好多information...嘿嘿...加油啦下...
夜晚就睇租返來既新紮師妹...haaa...好無厘頭,不過都好搞笑~
好夜先打埋份interview.......同tommy夾我都打左四千幾字...(佢打左五千幾...)
搞到成兩點幾先訓.....

今日...
六點幾起左身......食左早餐後就出發...番學...
經過粉嶺名都見到羅sir喎~ha,佢hi我呀,反而鄭sir好似唔多認得我咁...灰呀...
返到去,時間剛剛好開始上莊agm,
整體氣氛都好好,從這個agm我地都了解多左全年計劃礙定既形式,
都知道一d活動要注意既地方,其間mark低左好多注意事項~
對哦~我地定時真係要小心d呀~~
agm由9:00去到5:30pm,後尾都有d累,
過程順利呀~~氣氛融洽咁ok左,呵呵...
ashley好勁呀!!!整那個士多啤梨蛋糕好pro呀!!!!!
個樣正,食落仲正,呵呵...勁呀~~~冇錯呀!!!
呀銘呀!!!我地要努力學整蛋糕呀!!這個假期..>~~

點講呢...你真係唔覺呀?
可能真係考試既關係啦,
不過,我覺得...平時即使見到面,都好似...
唔係咁咩囉...ar.........

開始好討厭網上日記......
暢所欲言好似已經盪然無存啦....
灰.....

>>May 21, 2004 at 3:47:59 PM GMT+8

2004 年 5 月 16 日 星期日 【晴】

今日,係一個頹日...
唉...一早就萬事不順...
好似同amanda碰到一齊搭lift啦,
明明搭下又搭左上...
同金玉去二樓台灣野食啦,
點知出左一樓...
唉...

結果呢,現在就頹廢到玩傷心小棧...
好頹呀...溫左好耐啦...唔想再對住本書啦........
唉...........................

>>May 17, 2004 at 11:06:12 AM GMT+8

2004 年 5 月 15 日 星期六 【晴】

今天...發生了一件事,
心情...有點兒起伏.

本以為即使當不成情侣,
朋友也可以吧...
誰不知,這只是個幻想...
無論是朋友或是情人,
都需要兩方面的付出,
單方面的努力,只是途然.

說的,真好聽,
說得怎樣天花龍鳯,虧我還真的相信,
我果然是個蠢蛋...
到頭來,不又是遵守不了,
真想不到...
對朋友基本的期望在他身上...
也只會看到失望.

看來也真的做不成朋友,
tommy說得對,果真連普通朋友也做不到,
算吧,我應該想得到.

下次戀愛的對象....
>要真心愛我
>要重視我
>要對我好過對其他女仔(家人除外)
...嘿...這些基本的要求...竟也要特別強調...
一個字>>>灰

>>May 16, 2004 at 3:33:14 PM GMT+8

2004 年 5 月 11 日 星期二 【晴】

今日考RP呀~
性與基督教價值觀~
好開心呀~因為昨日傾時明明我都呆呆咁,
又諗唔到野喎~
但係昨晚同呀嫺討論,
走去搵amanda,咁0岩佢同佢toiletmate正想祈禱喎,
咁我地就一齊祈啦~呵呵...
今日拿到份卷,好快就做啦,
係咁寫係咁寫,都冇咩點停,靈感源源不絕喎,
仲引左一d經文添,haaa~好大既feel到神的同在與平安~

then.....好搞笑,去左唱k...
同tommy,卓,細car,doris,cement,simpson,mandy,晴,
成班人搭的士去左九龍城唱k,
呵...當係休息下啦~
d湯原來任飲架喎,又幾正喎,所以飲左兩碗...飽哂...
每人有碟飯,兩杯野飲都係32蚊,
唱到四點呀~大家係咁唱,好開心,
不過我發覺自己真係爆out....d新歌差唔多大部份都唔識,
最大問題係...連唱那個都唔知咩水...
就像一個...咩姓}m既肥面人啦...那個24歲有仔既人啦...
都係新人喎,但係都唔識...真糟糕...
唱起k來就想睇戲,因為唱到飛女正傳就諗到想睇新~蛃v妹喎...
好,考完試借碟先得~

then同呀晴同tommy返hall,
呀晴好攪笑...
真蛋糕好呀,定係泥膠蛋糕好呢,嘻...
返到hall拿d notes比tommy,
0係房吹左陣水~
"咁都讀左成年啦,你覺得點呀?"
係喎...話咁快我就已經讀左成年啦,
係大學既三分一啦...真係快...
不過的確發覺自己改變左,
亦都對社工系的心態改變左,
諗落都真係想做社工,
一致啦我地,都覺得班度d同學好好,
整個氣氛好團結...

而我回顧返呢年,
真係覺得入唔到hku的環境科學真係我既幸運,
雖然當時唔明白,但後來才意會到神的旨意,
在這裡,我又尋到我的理想,
認識到一班好朋友,
認識到一班弟兄姐妹,有校園事奉的機會,
無礙經歷許多風浪後,我的屬靈生命成長了不少,
對哦~希望我個人也變得更為成熟啦~
呵呵.........


呀嫺同自閉峯爆白痴....呀!!!
佢地呀,咁我有d衫掛左0係貼牆既繩度啦,
點知佢地呀,將我d公仔塞左係d衫度喎,
特別係d麥0麥呀...搞到好似隻豬著左衫咁...變態呀~~
haaa.......

如果唔係那個黑雨...我聽日就考完啦...
可惡........

>>May 12, 2004 at 11:24:26 AM GMT+8

2004 年 5 月 10 日 星期一 【晴】

今日考PSYCHO......
唉...有點緊張,特別在做ESSAY時,
好亂,都唔知自己寫咩...唉...
一個字:灰
唉...我諗都係KEEP唔到上年個成績架啦...
唉...

呀皮好好人呀~好謝你本書,
我會努力架啦!!!唔會半途而廢既~~

看見了...
心情...還是有點兒起伏...
不過我相信,過多一陣子...
就一陣子吧...


print左好多rp既notes...有排睇呢...



真係唔該哂city,唔得閒都咁幫朋友,
我同amanda遲d請你食野又點話(eg.西北風...)~~
呵呵...

>>May 11, 2004 at 5:32:34 AM GMT+8

2004 年 5 月 7 日 星期五 【颱風】

黑色暴雨警告...
本來今日考HUMAN DE.
昨晚終於溫哂D SUMMARY REFER TO BOOK,做左好多EXERCISE,背左好多POINTS...
但係...今朝起身隔離房話黑雨...
再CLICK去AR度睇,真係延期...AR........
唉.....本來13號考哂架嘛,宜家要19號luu...~

今日心情有點起伏,就如外面的天氣般...

>>May 8, 2004 at 8:56:34 AM GMT+8

2004 年 5 月 2 日 星期日 【晴】

考試啦考試啦~~~
愛沙決定要閉關呀~~
呵呵...我由6號考到13呀...
要努力先得~~HAAA.......

將赴考試,忽發雅興,題了此詩...

揭起紫紗,
輝煌,堡壘逃出,
凝視的,是完美的鏡子,
是誰,環繞著黑暗的光芒?

踏進黑幕,
荒蕪,血濺遍野,
碰到了,是溫暖的雙手,
是誰,盛載了滿框的淚盈?

漫步圃園,
旋律,音韻充斥,
交替著,是柔情的目光,
是誰,震盪著悸動的心靡?

鏡子,破了,
碎片,依舊完美,
卻漸散聚,瀰漫,消逝,
追尋,再追尋,
閃沙幽幽的晃動著,
訴說出...

叮噹...叮噹...

十二下的鐘聲,
響起,代表著...
幻想曲...又要回歸靜默之所.

>>May 4, 2004 at 6:58:05 AM GMT+8

2004 年 4 月 29 日 星期四 【晴】

嘩...今個星期實在太忙啦~
所以N年冇寫日記添~~~
AR...如果不厭其煩又得閒無聊的話,咁就睇下啦~

星期一
呵呵...今日就係我地排練左成個月既團契話劇"抵唔抵死"既演出啦~
呵呵...
所以一朝早就返到排啦~大家都有D緊張~~
練左陣就去食飯,THEN又返左CHAPEL,因為今日冇堂,
見住呀皮彈琴,唉...我都好想學呀...........好!!下定決心,要買琴先!!!
同呀皮都傾左D來年事奉既野,UM~~我會留意架啦~謝了你的提醒~呵
五點幾就練詩歌,P:一陣帶既讓我高飛...都唔係咁識...AR...

入場啦~大CAR同肥妹都有來捧場,好開心呢~~
RITA又話來既...冇了影...哼...~~
經過一大輪宣傳後,就開始啦~~好緊張呀~~
呵呵...感謝主既保守,
一切順利呀~~除左有D請現場觀眾的位會忍唔住笑...HAAA...
但係D反應都OK好~~呵...回應表都話有得著,所以好開心呀~
不過開心之餘,就正如呀卓話齋,有D唔捨得啦,
話哂都排左成個幾月啦~haaa,
不過亦因為咁同各台前幕後...(好似好多添...)既6個人都熟左好多~~
haaa~~希望下年都有機會再演啦~

知道了一件事...有d唔開心...
想唔到佢會同佢講...唉...
有d失望...
每個人都有陰暗面,我知道...
我真的知道...
收到sorry咭有點開心,但...後來又...
唉...算吧啦~p:

星期二
ar...唔記得做過咩事添...
傾present啦,ar...放學咁0岩見到呀john,
佢咁0岩找sonia,咁我又乘機約埋囉~
嘩,要等成個幾月呢~sonia真受歡迎...

星期三
11點同polly去左做個webct既interview,
then上psy,maria遲咁多,仲以為唔駛上添...
then就去左hall傾human de.
嘩~doris寫左個好正既劇本...ar...竟然找左我做那個病死的人...
ar...仲有內心戲...當我走左房拿張絲巾扮被時..
見到cement既大轉型...wahaaa>.....真係笑死左!!!~~
真係好正呀~~haaa...佢扮我呀爸...
一路一路笑,雖然係慘戲,但係真係拍得好開心...haaa...
特別係最尾那part,我死左訓0係張床度...
其實呀晴叫"呀女,快d起身啦,嗚..."既時間我已經勁想笑...
到cement叫:"呀～～”既時候...真係忍笑到我...爆辛苦!!
我又唔郁得喎,唔可以好似呀晴咁扮喊時笑喎,
maynbo都算忍得笑啦...haaa~~不過真係好開心~
rita講旁白時mandy影住d椅...haaa好騎呢呀~~不過好攪笑~~好呀~~haaa

夜晚就係畢業生歡送會~p:~我同zipzip做司儀,
都有d緊張,準備時搬椅搬死了...
同zip,卓一齊帶詩~
then又有game,分享...
好攪笑呀~馬老分享爆超時...haaa...但我地都冇圈佢喎,
(但星期四agm zip超時佢就話:"三分鐘到"圈佢...haaa).....
最後就下去食野啦~問番佢地竟見,
大部份人都話幾滿意~呵呵...真開心啦~
話哂都係我地新莊既頭炮啦~
我地又勁影相喎~~

團契候選職員會
返到hall就剪片(human de.)啦~~

星期四
csu agm的大日子...
上完pe就去左hall can傾明天既記招,
firm左我做某殘疾機構代表,then就同polly去左rl7找資料啦~
then就走去上marcus,投票呢~
當然係支持啦~冇走雞~~
意粉佢地那組prepare得好好,等別係份問卷,真係好比心機,
大car佢地那組都好好,不過如果個sampling處理得好d咁會仲好~
then就拉大隊返hall睇昨日拍的片,
haaa...最尾那part果然係好攪笑既,傾多陣,
佢地都要去上堂,而我都prepare下聽日既講稿,因為今晚唔得閒,

去到chapel,等左陣就齊齊祈禱,
珊珊好搞笑,自己在chapel測驗~
zip同卓都為左趕功課極累,ar~~~神會使我地重新加力架~~
agm要等夠廿個人先可以開...
開luu...咦喂...問主席水哥都係得兩條問題...?
不過之後就開始多啦~haaa...crystal小姐冇來,p:~
所以問我既問題都好少~其實好多pre agm都問哂啦~
ha~整個氣氛都好好,好和諧同融洽,
d師兄姐都比左好多好正既建議~
um...我遲d要找番之前既會議紀錄look下先~~
有樣野好好呀~~就係當我地講既時候會有d紙仔傳來傳去,
但其實那唔係提示紙,而係鼓勵支持既語句,
在答問題時,可能會好緊張,當中收到這些紙,就feel到各同工既關心~
好warm呀~~呵呵...~~
ha,完左就由一個未去過既門口..ar...走,haaa...就同amanda返hall luu~

>>April 30, 2004 at 6:22:54 PM GMT+8

2004 年 4 月 25 日 星期日 【晴】

星期六只係好無聊咁過,
一朝日起身都成11點幾,
開個電話有成10個留言...原來都係grandma...
因為本身話今日會返去同佢地飲茶,但係...
今晨四點幾先訓呀...點起身喎...p:..
所以就...冇去囉...唉...好彩後來同佢地講完都明...

返到家,休息左陣就去補習啦,
then返來就借左10本漫畫...嘿嘿..因為唔記得帶書返來溫...
一次過睇哂..嘿....
跟住又借左魔幻廚房睇,都ok啦~有言承旭呀嘛,呵...
ar..點解休息完一日都咁累架呢...?

星期日...全日都頭痛...唉...慘...
一朝去補習,then返教會,
估唔到咁凍喎,著得少左添...oh...
之後去左太古返工,都係做選民登記,
有zipzip,大敏,大敏男友,jacquline,
我做左五份~~呵...也不錯吧~感謝主呀~(因為祈了禱~~呵...)
then同zipzip去買禮物for下星期既csu歡送會,
budget30蚊,呵,我地買左29.9呀~~勁呀~~
then返去office...又傾左好多野,
我諗都係要傾架啦...
朋友最緊要就係坦誠呀嘛,有咩滿意唔滿意,誤會定咩都好,
攤出來講好咪冇事囉~一齊祈禱,
我相信神會聆聽到我地既禱告既~~
傾埋個歡送會個game,去m記食左少少野就走luu~

返到hall....好累也...幸好,仲有時間喎,
真係好啦,已經好耐有安靜在神裡面既時間啦~~
呵呵...
發生左件好事~~
就係當我落去洗衫時,比我見到金城武~~
我望下佢啦,佢就望住我笑呀~~
咁我放左d衫落去洗啦,走時咪同佢講byebye囉,
~~~佢笑住咁同我講byebye呀~~~勁開心~~呵呵~~

>>April 26, 2004 at 4:35:54 PM GMT+8