2004 年 8 月 3 日 星期二 【晴】

AR~~~終於都睇哂冬日戀歌啦~~!!!
真係爆爆好睇呀~~~
雖然d人...都話悶,或者太曲折,
哎呀,就係慢呀,先至可以表達那種細膩既感情架嘛...
曲折先緊張刺激,好睇架嘛~~!!
睇來我真係幾0岩睇韓劇...~~
ar~~~原來同父異母只係個誤會!!佢地並唔係架!!!
當個男主角知道左之後,本來想勁快話比個女仔知,
但係此時,佢知道自己因撞車意外有後遺症,仲可能會盲....
佢為左唔想連累個女仔,嗚嗚...決定離開佢...>.<
太可憐啦~~!!!!
不過好彩,3年後佢地終於0係個女仔設計,個男仔幫佢完成既一間屋度相遇啦!!~~
ar!!!以一個kiss來完結整個劇~~實在太好啦~我諗佢地一定會永遠0係埋一齊呀~~
嗚嗚...真心相愛既人終於可以永遠一齊啦~雖然個男仔都係盲左,
不過真愛係可以勝過一切架~~!!!
睇完之後.......就好似經歷左d緊張精彩既事後既感覺...
有d空虛添...
死...又係電視完結後群...
又要返來現實啦...真係有d唔想...
:p...我果然係太投入啦......haaa...不過佢地可以一齊真係好開心呢~~
自己唔好都想人地好啦~~
電左比amanda,ha,傾左一陣,好番好多luu~
空洞的感覺都散左dd,不過我相信過兩日就冇事架啦~~~:p

ha,唔知係咪神想我快d回魂呢...
所以無lala有兩個friend打來同我吹水.......
haaa....死囉,成晚都用手提添...ar!!!!幅射危機!!!
ar...以後都係用下有線電話啦下...嘿嘿...
p.s.ar~~~我真係越來越鐘意"俊尚"呀~~haaa...點算啦~~~~haaa...

>>August 5, 2004 at 11:31:26 AM GMT+8

2004 年 8 月 1 日 星期日 【晴】

唉...為咩呢...
又熱,又辛苦...仲要比D死蚊釘......
唉...數埋釘左成15下.......嗚...嗚...
算吧啦...唉...

藍色生死戀2...睇到第十五集...
AR~~~真係比想像中好睇...
但係真係唔想睇落去...因為個男主角同個女主角終於歷盡鞎辛在一齊啦...
但係我知道下一集佢地知道係同父異母...
嗚...真係唔想佢地分開呀...如果真心相愛既人可以永遠在一起,
你話幾好呢...唉...~
不過現實生活上就冇可能有這些事啦,
因為實在太多巧合啦,點會咁多咁0岩呀?
唉,故事始終都係故事...:P~我沉迷一陣架咋,由得我啦...HAAA...

人生,總會遇到很多岔路...
要選擇,要作決定,
走錯一步,結局便會完全不一樣...
但怎樣的結局,才是最好的呢?
或許現在你覺得A路最好,
但可能當你走到A路時,才發覺B路才是最好.
但我相信,不論是A路還是BCDE路,
總會有好,有壞吧...

有時覺得,愛這種東西真的很難講...
以前的我,會覺得他喜歡我在先,
他變心,愛上了另一個是他不對.
但想深一層...先愛上的,便一定是最愛嗎?
一段愛情,當然要彼此真心相愛,才會有意義,
若果他不是真心愛我,仰或是愛我不夠,
他跟我一起,會有幸福嗎?
若果他找到他心中最愛的一個,跟那個一起才會有幸福吧...
我也不會再讓他留在我身邊,活受罪似的.
我會悄悄的離開,如此對我,對他也好吧...

>>August 3, 2004 at 3:43:05 AM GMT+8

2004 年 7 月 30 日 星期五 【晴】

昨日在RL7打完日記後,
就去左LT3找AMANDA...就見到佢同澤民係度吹水,
HA,仲一齊祈禱呢~~SO型~~
跟住行左陣街街就閃LUU.......
真係好鐘意同AMANDA吹水既日子...HAAA

這幾晚都在看藍色生死戀2~冬日戀曲.....
HA,真係爆好睇喎~~個男主角都越睇越靚仔呀~~
特別係十年後既樣...NOW睇到第六集...AR!!!要繼續追先得~~

今日好開心呢~~~
因為係HAZEL生日既大日子!!!
所以我地就約左成大班FRIEND去半月灣玩水同BBQ~~~!!!
有主角HAZEL啦~~我,小菲,呀娜,CORA,ALAN,俊俊同埋由英國返來既呀霍~~!!
咦...呀彪,邦邦同DICK掛住打波唔來,實在太過份啦...
原以為呀彪來我地會有火燒雞雞食架嘛....
不過算吧啦,HAAA...
我都係...AR...記錯左時間...
8:30先起身...嘿嘿...結果都係佢地出左去沙田買野,我隨後趕上啦~~
在百佳同街市買哂D野後,就搭299去西貢,同搭船去半月灣啦~~
都頗遠BOO...AR係,未搭船之前,因為我穿了長牛仔褲....AR...所以就地買左條"熱褲"...HAAA

嘩,好唔容易找到個唔駛曬既爐...
放底D野......嘩~!!爆多蚊,又爆多蟻呀!!!!!係爆爆多蟻!!!!
我地D袋放哂係地...結果就被D蟻攻佔左啦...連我地D碟,飲品都係呀,..
仲有D死人蜜蜂...4,5隻咁來...ALAN同呀娜都分別打瓜左隻,勁呀!!!
haaa...bbq真happy啦~~大家一齊燒呀燒...
燒燒下小菲同cora都來啦~我地之前都燒定左d野食比佢地,
呵呵...我燒d金牌愛沙雞翼係咪好正呢~~~
呀娜送比hazel既禮物好靚呢~係自製既黏土蛋糕呢~~
而我那份就...嘿嘿........

話咁快燒完就去沙灘玩啦~~
咁耐冇見俊俊,佢真係瘦左好多,同埋身形都好左,
又黑實左~~haaa...終於都似番個男仔啦~~(ar...這句係咪唔係咁好呢...)
霍霍冇見咁耐...好似白左........haaa...定係因為我黑左呢...~~
因為我同cora冇帶泳衣...ar所以留0係沙灘邊看野,
都好,休息下~~又唔駛曬~我地又玩魔術啦,又玩派牌啦~
後來佢地返來我地都有出去踏下水咁~
臨走時,個沙灘真係爆靚呢~~之前太曬都睇唔清~
現在就日落,爆正呀~~haaa

上到船...好攪笑...因為我記得我地話有八個人...
咁我地成排打橫坐啦...我就望過去啦喎...
望到呀霍,就諗,咦...得七個既........望多次...haaaaa....
原來俊俊坐左0係呀霍旁...我突然唔認得佢...haaaaaaa....
後來我地就去左沙田食越南野,我個凍檬都幾好食,ha
小菲早走~~haaa...漏左個mp3在呀娜度呢~
在火車上...有樣野好搞笑...haaa...班男仔,積係佢地3個啦,
都張隻手放在上面條柱度捉住咁傾計啦,
我地望過去.見到佢地有四個人喎...原來有個唔識既又係咁捉住條柱,
企在佢地旁喎,佢年紀又差唔多喎...haaa...佢個動作同alan一樣咁...
極似係一黨呀....笑死左...
跟住呀娜,hazel同cora仲一齊作左個海螺版美人魚......haaaaa....
好白痴呀~~!!真係好耐冇同佢地一齊作過d咁搞笑既故事啦~~~

hazel~~生日開心!!!!!

2004 年 7 月 29 日 星期四 【晴】

昨日臨睡前靈修,
題目是"我全然交託",是要查詩篇31篇...
裡面有一句經文,是"我一生的事就交在神手中"
對哦...既然交上了,又何須害怕,何須擔憂呢?
HAAA...傻啦...我白痴過後就冇事架啦~~
我這些人係復元能力驚人架嘛...呵呵...

今日一朝早返左去學校幫大舊師兄入DATA...
做下義工咁啦~橫豎得閒...HAAA...同埋見佢咁慘~~~
入到暈暈地就要去開會啦~~開O WEEK同O NIGHT既會,
HA,大舊師兄都算唔話得啦~~呵...請食飯,YEAH~~
開會.......問過呀皮,YEAH,份劇本後日就有啦~
到時就可以練習啦~~真係開心啦~~而O NIGHT既內容亦都大致定哂啦~~
求主保守哦~~~!!!

水哥同呀卓都來SIT會,傾到CIE聯O NIGHT既事,
其實我都覺得合一好重要,都好想同佢地一齊有活動,
不過礙於場地同人數問題...夾埋成200人呢~
所以唯有寄望於九月尾既聯團週會啦~~
我都好期待同PEGGY,讚樂你地合作架~~~~

開心寫記時間過得特別快,
又係時候講BYEBYE啦~~~

>>July 30, 2004 at 8:45:22 AM GMT+8

2004 年 7 月 28 日 星期三 【晴】

好白痴...晚上一個人,
無啦啦的哭了起來...
正大白痴!!!!!!!

我太高估我自己了...
想不到...我只是repress...
我說我鐘意x,我鐘意y...
為何到頭來才發現...我一直在欺騙群眾,欺騙自己?

那算是甚麼?只是一幅斬開了的圖片而已...
隱藏已久的自卑心又出來了...
我雖然不想再說咀咒自己的話,但...
我不明白,為何永遠被捨棄的都是我?
我真是那麼惹人討厭嗎?
為何我愛的人總是這樣對我?
難道我真是如此不值得人愛嗎?

>>July 29, 2004 at 1:23:58 PM GMT+8

2004 年 7 月 28 日 星期三 【晴】

26-28日都要返學~
所以都冇咩時間寫日記...HAAA...
難得今日在家,呵,所以就寫下啦~~~

26同27號都番家幫手SOWK INTERVIEW~
AR~~~睇到都幾多男仔來IN喎,最多既一組竟然10個有7個係男仔呀~
簡直係奇蹟...HAA...大家唔好以為我咁咩呀...其實係因為今年...
我地班42人,得5個男仔...勁唔BALANCE,所以多D就平衡D啦~~
竟然比我見到個N年冇見D舊同學...莫振華...真係點都估唔到佢會來IN...
不過兩年冇見,佢真係瘦左爆多,完全認唔到呀~~~
跟住第二日我又記錯左時間...成9點先起身...~.~"
陪唔到HAZEL...唯有電下佢教佢點去補獲啦...~~HAAA...
另外都冇見到D咩人...AR~好似差唔多最後那組,
有個女仔無LALA問我係咪基督徒團契喎,咁我話係啦,
佢問我識唔識米缸喎,HA,原來佢係米缸既表姪女呀...
嘩~~!!原來佢已經係人表叔啦?!HAA...真老餅呀~~

第一日完左就同amanda去左行街街~
yeah~仲買左條靚靚晚裝裙呢~呵,去carol婚禮著~
發生左件好攪笑既野...咁我同amanda要去找基道書樓喎,
咁聽eva講話在聯合對面,咁我地找極都唔見喎,
就見到遠處有間教會,amanda就話入去問下人啦...
haaa...點知入到去,先知原來基道就0係那間教會10樓呀!!!
勁攪笑...又令我諗到d野...
有時係你既,自自然然就會比你遇到,唔係的話,
真係找極都唔見...
ha,不過最終都係買唔到scadule...:p...點算呀,我本"既"野頂唔到好耐咋...

28/7就要返學開會...
一早返去找呀ling傾計,又傾下舍堂事工d野...
唔知呢,真係有d心志係hall幫手...但會唔會太harsh呢...
之後開會...
我知道大家都擔心我太多野做...haaa...
我總係覺得要事奉,就要趁year2,因為year3又要出placement,
又要勁交report,仲要做hon pro...一定冇時間,加上我又想做組長呢...
所以先會想在yr2做多d...
加上我選擇做咩事奉,真係好講自己既心志同埋恩賜...
咁0岩就收到mandy張咭...就係寫住:"各人要照所得的恩賜彼此服事,作神百般恩賜的好管家"
所以做秘書,文字工作,設計game帶遊戲,表演性項目...等,我都係按恩賜來選擇...
um...其實我對自己都有信心既~我一定會加油啦~~
呵呵...我唔掂時一定會講~~haaa...
信我啦~~yeah~~~!!

白痴的我...
好白痴架...我28號呢...咁因為之前用哂銀包d錢,咁就在家的錢包添d啦,
咁就求其拿,就拿左張100蚊同20蚊...
點知出到街,就買報紙用左張20蚊,再用左4蚊買旗...
嘿嘿...跟住食飯...要用25蚊喎,咪拿張100蚊出來用囉...
點知...嘿嘿...原來那是紅色的泰幣20蚊喎...
p:.......白痴爆呀~~!!!真係咁鬼似既...haaaa.....

>>July 29, 2004 at 6:31:48 AM GMT+8

2004 年 7 月 24 日 星期六 【晴】

其實去個CAMP有樣野係爆開心既~
就係同一班原本0係教會唔太熟既弟兄姐妹FRIEND左~
特別係陳融組班人兄,最熟左既當然係CARMEN同子良啦,
真係開心呀~終於跳出左翠麗組,識多D朋友仔啦~~呵呵...

最辛苦...
仲駛問??當然就係SET場啦...人地跑一次,我地就要事先跑幾次...
我同子良一組,通常都係等CARMEN同琳琳HOLD緊個場時,
我地就去SET場,例如出埃及記,就要SET障礙,執星星就要周圍痴星星,
大暴走就要返營屋拿物資,又要看場地...走左N次...
又要同CARMEN一齊SET努力腦力既場地.......AR.....
所以走...係最辛苦架!!爆累呢~~不過見到佢地玩得咁開心,自己都好開心既~~
其實子良,CARMEN同琳琳都辛苦啦~~

最難忘...
都可算是0係努力腦力裡帶"過海"TASK既時候啦~
睇哂每一組玩TASK,要0係兩條繩中間過,見到佢地又抱住過,又抬,甚至有組...HAAA...
呀細佬扒0係個地度想人啋佢過...仲好記得彭仔比人打直枱過去...
好見到每組的合作精神,特別有幾組特別強烈...
好深刻既一組係TIMOTHY的組,其實見佢地真係好落力咁去幫助其他組員,
亦都睇到商琼芝好努力去想過,而我都好想佢可以過到...
um...點講呢...後來見到佢喊,真係有d唔開心,因為設計每個game,
都係想參加者玩得開開心心,同組員互相幫助,有所得著,而並唔係要留難佢地,
雖然係個debriefing度我都有講到最緊要係佢地有盡力,同埋有團體精神,
不過都好似冇咩用...唉...希望佢0係其他game度尋找到自己既恩賜同有所建立啦~
講開個game,有d野好攪笑,就係根據遊戲規則,每組都總會有個走來走去既人...
因為每當一個人觸到條繩,過到河既人一個就要返過來...
ha,每組既這個人,都係d身手比較敏捷既人,例如劉保,ha...
但第五組既這個人呢,就係小妹妹啦...因為好枱喎...haaa...所以佢比人枱左幾呀次啦...:p

最好玩~~
唔駛問啦...成個camp其實我都冇得點玩...嘿嘿...
所以唯一去玩既就係第二晚,成晚冇訓...就係去魔術大集匯~
好厲害呀~我地係咁交流魔術心得~~!!
我同呀珊一去到就見班男仔輪住表演換毫子大法...原來佢地既始組係呀林...
ha!!比我頓悟啦!!!勁開心~~初時見到劉保,菲林,子良都係度手震喎,
欠些比佢地陰到...haaa...又學左劉保爆勁既"牙簽跳舞",
嘩!!!真係識左都去唔到佢個境界呀!!~~仲學埋佢既"心有靈犀"添~haaa...
都係頓悟架~~yeah~~呵...第一個頓悟,開心~~!!
後來睇到呀timothy玩既zip牌同埋估4條A...
yeah~!!兩個都從頓悟中學曉了~~呵呵...
咁當然,我都教返佢地"劈牌"同埋爆攪笑低能既估牌啦,呵...
不過比佢地知道左之後真係...haaa...就好似知道左"心有靈犀"一樣...
ha...比人打呀~後來carmen同思詠都來左,
又玩左陣魔術,ha,子良同我地玩那個咩測心愛既人看自己佔幾位既game,
chur...都唔準既,我諗那個人...ar...查實我同佢又唔係太熟,
我諗佢連我中文全名都唔知呀...但竟然測到第4位喎...即使係男朋友呀,
都未必放到心目中第四位啦...所以邊有可能呀...40位就差唔多...
ha,不過算啦,一開始玩我都唔信架啦~~嘩~教教下魔術,
又到天光啦...嘿嘿...一陣仲要帶小人國....ar......

最意料之外...
就係小人國啦~~比想像中run得順利,d小朋友亦知道要點玩~~
ha,原來勁少人去賭檔同夜總會,真好啦d風氣,haaa...
好多人走去結婚呢~~第一對新人就係惠惠同哈利波特,
真係攪笑...haaa...初時仲要我迫下d人去結婚...
後來臨完時就勁多人衝住去結...haaa...忙死劉保...
宣傳真係好玩,見到邊個檔冇人就去宣傳..
真係估唔到個個都走去讀書咁乖...搞到我勁幫賭檔同夜總會宣傳..haaa...
又唔知點解好少人去d中學程度job檔,例如作家同演員...
所以又勁宣傳...carmen個檔好攪笑,見d人係咪幫佢用青瓜敷面,ha...
佢出camp一定靚左~ha,另外因為思詠既model檔同呀林既waiter檔好近...
所以通常d人做完model就去做waiter...haaa......做演員既人..
扮完蜘蛛俠就去扮美少女...好攪笑呀~~!!
個game普遍d人都話幾特別同好玩~所以都好開心呢~~

最感動...
就係同第五組建立既友情啦~~可能係咁0岩第一晚帶佢地,
跟住就follow左佢地組做監察員,無論係殘廢餐定係執星星~
所以第二晚完左大暴走,佢地拉我一齊影相真係好開心,
不過呀細佬突然跑來要我揹佢喎,ha...第一次都ok架~~!!不過第二次就重得濟,
ha...跌左落地上...:p...haaa...所以後來就佢揹返我影相啦~~
跟住第三日臨走前,佢地第五組影組相,細佬都伸手拉我過去影,
ha,那一刻好感動呢~~因為佢地都當我係第五組咁~好開心呀~~
話咁快就走啦~~好唔捨得呢~~

走了~~上車後,睇到d人都筋疲力盡咁...haaa...
其實我都爆累呢~~子良坐0係隔離係度中下中下...
haaa...呀菲林訓0係呀林度...勁親密...haaa...爆想影底佢...最衰牧師經過啦,
佢地醒左...~~令我諗起水哥同敏健....haaaaaa....
曲終人散了~~學到好多野,亦都好開心~~haaa!!!!!

>>July 25, 2004 at 5:15:38 PM GMT+8

2004 年 7 月 23 日 星期五 【晴】

我返來啦~!!!!!

2004 年 7 月 20 日 星期二 【晴】

始終都覺得最開心既時間,
就係事奉既時候.

今日返左去教會度作最後整理,
要買整所有CAMP要用既物資...
真係又多又亂...嘿嘿...
好彩有CARMEN係度,好多條理咁搞掂D野~~
真係獲益良多呀~~

不過昨日PRE CAMP真係好開心,
帶D組長一齊玩D GAME,
睇落佢地都好ENJOY咁,呵呵...
特別係出埃及記時,我同子良拆散佢地時都不知幾過癮,
ha,我諗leadership camp同工們拉開我地時,應該都幾爽喎,haaa....
不過最緊要都係大家投入玩~~咁個氣氛先好架嘛~~

真係求主祝福天氣,聽日千萬唔好落雨呀,
否則好多GAME都玩唔到架啦...
AR~~~~今晚要奮勇祈禱先得~~!!
第一次搞CAMP,希望成功帶到信息比D參加者啦~~
千萬唔好帶漏野呀~~~~~!!!
"執執復執執,愛沙當戶執"

去三日兩夜呀~~呵...

>>July 21, 2004 at 3:48:18 PM GMT+8

2004 年 7 月 18 日 星期日 【晴】

我想走,我真想走...
離開這個家,
我不想要這個家.

為何要常常逼迫我?
為何要常常責罵我?
為何要屈我?
我無錯!!!我只不過是忠於自己而己...
是恨我嗎?恨我的話,為何要活我?
活我又為何要逼我?!!!!!!!!!

離開了,我可以往哪?
天下沒有容我的地方...
DADDY有自己的家,不會要我...
大姑姐?伯伯?也不會容我...
朋友?教會?也不會容我...
我有家可歸嗎?
本身就已是家不成家了...

如果我有男朋友便好了,
便會有人愛錫我,關懷我,
我便可以結婚,擁有一個自己的家了...
我不用再靠別人,不用被人逼迫.............

神呀,你聽到我的呼喊嗎?
.................................

>>July 19, 2004 at 2:56:02 PM GMT+8