|
2003 年 11 月 24 日 星期一 【晴】
今日唔開心呀...
哼...唔見左張學生證真係好唔方便,
出入HALL又麻煩,圖書館又去唔到...
U.L.又去唔到...嗚...唔開心呀...
嗚...實太係太可憐啦...
今朝先醒起今日要上PE堂,
仲要考試添呀...
那隻死ZIPZIP,借左我件PE衫又唔記得帶,
好彩問到DENISE?盈盈?借咋,
如果唔係就實比呀SIR罵啦...
哼...太過份啦...哼...
報時:2:56PM...
...一陣考PE啦...好緊張添...
萬一...咁咪死?!!!唔好呀...求主保守呀~~
我想下個SEM跳社交舞架嘛~~
UM...UM...
待續...
考完試啦PE...
白痴白痴白痴爆...呀...
全班得四個人要RETEST...嗚...其中一個就係我啦...
其實我好無辜架,因為個開發球個方法錯左,
呀SIR臨時先同我講話咁喎,
所以咪...得1分囉...(廿分滿分...)
結果我就勁練啦,
下一ROUND又完左啦,
就係補考既時候啦!!
哈哈...我有成15分呀!!實在太勁啦~~
哈哈...因為我係天才呀嘛~~係唔同d架啦~
哈呵呵...個呀sir都話:"咁高分既?"咁呀,
哈呵嘻嘿嘿...天才呀!!哈哈...
神實在係太錫我啦~
因為我現在山窮水盡,身無分文喎,
跟住又要用成100蚊補領番張學生證,
聽日又要east & west,所以要用d錢喎,
咁李繼雄又未出糧啦,我星期四呢,
呀女麻同daddy生日要送禮物...
總之就勁等錢駛啦,我就祈禱求神幫我啦喎,
結果呢就...
無啦啦我睇到個環保領袖訓練既野,就心血來打電話比那個負責人,
睇下在哪裡拿表啦,佢就話0係學生會門口喎,
咁橫豎我要去舊校開小組，所以就去啦，
哈哈．．．咁０岩比我睇到自己個名出現左０係退會名單喎，
哈，即刻入去拿番＄１１５啦，正～～
所以聽日就可以拿番張學生證啦～
咁又同肥妹CONFIRM左聽日同李繼雄食慶功宴喎,
即係聽日有糧出喎,哈哈...
正爆啦,開心!!!
開cell,每人揀首詩歌分享,
我就揀左那首:"偶然遇上的驚喜",
真係勁好聽,好鐘意這首歌,
因為一講起這首歌,我就會諗起好多人看主,
真係開心啦~~
突然想到一句話...
就會諗啦:"如果真係既話,都唔錯0Y~"
返到HALL就有甜品會啦~~LUCKY...
今日白痴:
一起身,呀嫺就同我講:"ELSA,你發開口夢",
ELSA:...下...?我講咩呀?
嫺:唔知你講咩,都唔MAKE SENSE既,只係0係度"AR..."隻手仲郁來郁去
ELSA:唔係下化...
嫺:我以為你同人打交...
ELSA:...我唔多記得自己夢D咩喎...
唉...好白痴呀...發咩夢呀?!!
sanai sanai~~
>>November 25, 2003 at 3:58:17 PM GMT+8
2003 年 11 月 23 日 星期日 【晴】
二十三分鐘的快樂,
被三十五分鐘的嘆息所淹蓋.
為何明明想心平氣和地與他談一談,
想著若他再來電,便平靜的表現:"我沒事了",
但為何一談到某一些話題,
便不由自主的激動起來,
本來訓練得平靜已久的內心,卻起伏上來,
把原本平靜的對話,變成了針鋒相對...
我想哭,卻哭不出來,反之代替的,
是沉甸甸的心,沉著,沒半點喘息的空間,
我只想飛,飛到大澳的上空,
找尋那失落的和風,求神給予的安穩,
慷慨的,給予我更多,彌補心中的隙縫,
把動盪的心,再一次叫它沉睡,
埋在遠古的窟洞裡,別讓它再逃出來,
破壞靜默的空氣,只想永遠的沉睡,
不再受到傷害,受不了,也受不起,
爬上崖頂,並非輕易的事,
我不要再跌倒,不要使我再跌倒.
>>November 24, 2003 at 3:58:08 PM GMT+8
2003 年 11 月 22 日 星期六 【晴】
今日累爆呀!!
一朝早就由bu返去粉嶺返教會,
and then就同朱ling,呀佳,周一龍同莫應祥去銅鑼灣返工,
"請投二號李繼雄一票呀,多謝!"這句說話我今日最少講左1000次,
不停企0係條街度派傳單,叫D人去投票,
好累呀!!但係都ok既,
最開心就當然係佢最後WIN左啦~~
我地既辛苦都係冇白費既~
不如講下幾件有趣既事啦~
1.我同zip都著左sowk褸喎,咁先有團隊精神架嘛,
肥妹都帶左架,但係又唔著喎,tommy又唔著...哼...
2.周一龍同莫應祥本來唔識架喎,但係佢地同病相憐,
都係冇咩點食野既情況下返工,所以都好辛苦,
結果呢,就由一開始一齊搭火車冇野講,去到夜晚放工後雞喙唔斷啦~~
證明返工除左可以賺錢之外呢,仲可以識到好朋友...嘿嘿...
3.大餐~~返完工,成10點半,跟住李生就請我地去蛋家莊食飯,
d野都好貴呀...細細碟送都勁貴,真係唔抵呀,不過我地咁落力返工,
都抵返啦~haaa
4.最攪笑既係...咁我地食完野成11點尾啦喎,行到去地鐵站已經12點啦,
咁佢地四個都係住上水粉嶺架喎,所以就諗趕唔趕得切架火車呢?呀佳計住喎,
架火車在紅磡開出係12:25,去到九龍磄就應該12:32,
咁如果佢地0係旺角站既時間係12:15分呢,咁就應該趕得切...
結果就係好緊張既氣氛之下決定博一博!!!
一出九龍磄,佢地就極速地跑呀跑,我當然就大叫:"加油呀!!!"咁啦~
結果就...我行緊返HALL既途中朱LING電我喎,
"唉,我地趕唔切呀,差少少呀"呀佳補充:"我地見住佢熄燈關閘呀!!"
真係唔抵呀!!最後唯有搭亡命飛巴啦...
今日明白之道理:
我很相信天意,有些事情,或許真是有天意的安排,
有樣事情我很想了解,明白,
所以我問神...希望神可指引我當行之路.
今天,我彷彿看到了將來的一點點---
若要得到美好的結果,我一就是甚麼也不幹,
一就是拼命地去幹,若果我做一點卻不做一點,
結果可是堪虞的...我不要得著這個結果...
我只想...得著幸福...
sanai~~
>>November 24, 2003 at 4:02:21 PM GMT+8
2003 年 11 月 21 日 星期五 【晴】
今日好攪笑呀~
因為愛沙今日同一個講普通話既SUSAN,講英文既STEPHEN去大澳玩呀~~
我參加左個EAST&WEST PROJECT嘛,
今個星期六PRESENT啦,慘,要去兩次VISIT喎,
我地今次先係第一次,
即係話...今個星期呢,我要交...
一份MARKLI ESSAY 1500WORDS
一份RITA ESSAY 1500 WORDS
一份SOWK PRESENT PAPER 平均每人800 WORDS
一次VISIT,一個PRESENT...
一份去星加坡記念品
一份GRANDMA生日禮物
一份DADDY生日禮物...囉...
真糟糕...哈~所以我已做好MARKLI份野啦,呵...
講番今日...
好開心呀,咁大個女第一次大澳~
仲好似係我帶住佢地咁喎,真係危險,
好彩得神保守,平安渡過~~
原來大澳通街都係賣DRIED FOOD架,
特別係鹹魚,同魷魚呀~
D魷魚勁爆好食,同埋勁平呀,
平時0係優之良品買那四塊都十蚊啦,
現在即叫即燒,勁爆香呀~~
都係十蚊十六隻咋,勁抵,所以就勁食呀~(死啦,膽固醇過高...)
首先就當然係我買左D魷魚食啦,
AND THEN就找野食,點知那D 酒樓好貴架,
所以就去左間好殘既冰室食野啦,D野雖然簡單,但係都OK喎,
不過就係因為咁而令我知道...原來我D英文真係好死...
腸仔又唔識,叉燒又唔識,水餃又唔識...
唉,都唔知點解釋比STEPHEN聽...HAA...
不過都唔緊要啦,最後幫佢叫左個叉燒水餃粉,
佢都話幾好...好彩0者~~
跟住我地就搭左架艇仔($10)去遊水鄉,
這都係我第一次親眼睇到D建築0係上水既屋咋,
真係好得意呀~我地勁影相呀~
那些屋係由一條條好粗既木柱支撐住架,
D木柱近水既位置呢,全部都痴滿D BARNICLE架~~
好彩以前BIO有學過0者~即係D好似蠔既東西啦~
好得意呀真係~D海風吹過來又勁舒服喎,
好開心呀~~跟住呢,隻艇就遊我地去睇個將軍石喎,
原來係由側面睇架,
都幾似有個人企左0係度咁囉~
仲有呀,D浪好大呀,我地都有D濕,但係真係好好玩~
上岸後,我地就行去一個名勝--楊候古廟,
有成二百幾年歷史架啦,一路行,
一路親身感受D水上屋既有趣~
STEPHEN覺得好古色古香,
其實我都覺架,因為D建築好古...HAAA...
之後,我地就行去大澳舊警署,那個係西方建築,
有成一百年歷史架啦,行緊去既途中呢,
見到有人賣番薯喎,$4個咋,當然買啦,
仲記得有次去旺角見到呀,成$12一隻呀!!
佢地兩個都有買,HAA,好食呀~
點知行到去警署,原來已經封左喎,
有D唔開心添...不過有意外既驚喜喎,
就係我地由警署行返去時呢,
又經過那賣番薯既,咁我又買一個啦,
那個人同我講話D番薯係佢地種架喎,
佢帶左我地三個去佢個田園度睇呀~
真係好得意呀,諗起以前學校個嘉誠園圃添~
佢有棵樹呢,成棵都吊滿楊桃架!!
跟住佢仲話任我地揀,跟住送比我地呀,
勁開心呀~~STEPHEN同SUSAN同勁開心喎,
STEPHEN話原來佢0係美國冇咩見過楊桃架喎~
臨走時,我就同個人買左10蚊魷魚拿走,
諗住番來請比D同學仔食呀嘛~~
HAAA...真係好正架~~
回程搭車時,發生左件事喎...
睡睡下,突然後面有個人大叫:
"X你老X個XX",講左成廿次都有,只不過係佢鄰近個女仔整都佢之嘛,
佢就不停咁罵...好恐怖呀...
今日白痴:
唉...本來今日整日都好開心架喎,
但係返到HALL,不幸既事就發生啦...
...
我唔見左個學生證呀...嗚...
入唔到HALL呀,都唔知0係邊度唔見架...
唔通0係大澳?!!咁就糟糕啦,
嗚...所以要攪到登記,唉,慘啦,
申請返個學生證好煩架喎,
好似仲要比錢添呀...慘啦,嗚...
講開番薯...HEHEE...
講個怪夢比你地聽啦...
HEHEE...
金玉怪夢:
有個唔知咩人比人挷架喎,
那個挷架犯打電話比那人既家人啦,
:"想救番你個仔?我要199個番薯!"
"199個咁多?162個得唔得呀?"
"162個咁少點得呀,你唔比我撕票架!"
"啦,如果要162個番薯呢,就又大又甜又靚,
但係如果你要199個呢,就又細又唔好食,咁你要咩呀?"
"唉,好啦,我就要162個番薯啦!"
...
哈哈...笑死我啦~~
番薯都要講價...
(啦,唔係我爆大獲架,係得到金玉既批准架~~,
哈哈...雖然我都忍唔住要笑~~)
SANAI~~
>>November 23, 2003 at 5:32:34 PM GMT+8
2003 年 11 月 20 日 星期四 【晴】
elsa,唔可以咁架...你係唔可以咁架...
再係咁你會死架...
睇來我要送番那首n年前送比邦邦既詩最後兩句比番自己先得
"是夢嗎?竟然是美若天仙的少女,
說穿了,原來是滿口鮮血的魔鬼,
後悔嗎?幸好未墮入無底的深淵,
回頭吧,重拾起以往快樂的腳步!"
對對對...一失足成千古恨,回頭已是百年身...
一只錯,滿盤皆落索...
萬事小心...切勿粗心大意,
妄下判斷...
我還不想死住...um...冇錯呀~~
雖然今日摺,但係都有d開心事發生既...
今早既present,哈哈...整體而言都唔錯,
d同學反應都幾好~~最開心呀markli鐘意個廣播劇,
都想我地dap多盒比佢,真係開心呀~
不過好多同學遲左來或者冇來,就真係可惜d啦,
唉,我做intro架嘛,好多同學來時我都講完第一part luu...
不過算啦,總算唔錯既~~
上完soci去打羽毛球,
唉,星期五上堂那班就好啦,考哂啦,
我就下星期二先考呀,唔開心...
好驚呀,萬一唔合格咁點算呀,我唔想retake呀,
help me...>.<
跟住就當然係努力既時候啦,
返hall就做markli份paper,哈,做左一半啦~~
欠些唔記得左去上rita堂,攪到遲左到,
好彩撞到cherry同maynbo,一齊入班房0者~
派sowk t啦,好開心呀,因為個款我都幾鐘意,
不過tommy那件真係細左d...
講起佢就衰啦,明明肥妹叫我過去有野講架嘛,
佢就實係要阻住我架喎,攪到係度灑太極,
好似手抽筋咁,zip仲要乘機偷襲,
你地玩哂啦...哼...
唉...有時摺呢,就未必係因為某個人既,
唉...總之就...一言難盡啦,
最緊要就係萬事皆空...樂天知命...um...
SANAI?!!......唉...
>>November 23, 2003 at 5:39:28 PM GMT+8
2003 年 11 月 19 日 星期三 【晴】
今朝早上RP我地組發問喎,
題目就係:"程顥的仁超越孟子的仁..."等等啦,
快樂人話我地D問題好呀,呵呵,
真開心啦~~但係大CAR佢地那組就真係唔抵啦,
都未講哂就比人CUT左,因為時間過左,
所以好慘呢...
跟住就做左D好攪笑既野,
同金玉去書店買左盒帶,
就走左去條馬路錄D車聲,
因為我地個SOWK廣播劇一開頭係講發生場意外,
所以錄完車聲呢,我就要返HALL開個POWERPOINT錄D爆炸聲啦,
都幾真喎又...
所以下午就集齊人馬錄廣播劇啦,
好開心呀,因為1個鐘就錄哂啦,
我地D效率真係高呀,呵呵...
AND THEN我就趕返上水幫人補習啦,
飲苦茶啦,同埋返屋企啦~~
題外話:
我們的廣播劇裡用的轉場音樂---MORNING,
其實這首歌對我來說,也真的很有意義呢~
記得我第一次做廣播劇時是中三,
當時的劇目是:"本班最後一個乖仔"
我們五合會一齊演,當時旁白的轉場音樂就是這首MORNING呢~
還記得當時是第一次去RAYMOND家(因他的器材豐富),
還不是與他很熟,只知道他很聰明,好像甚麼都懂,
覺得他是個很捧的人,其實現在他也是很捧,
只是...有點兒變質而已...
是令人有點害怕的角色...
愛沙只想樂天知命...
一定是讀儒家思想讀昏了頭~~
每日白痴:
咦,唔開心呀,
愛沙不嬲都有一個玩意,就係得閒無聊時,
就會打電話比番D N年冇見既朋友,
特別係D小學或以前郭得勝中學D朋友,
跟住問佢地知唔知我係邊個...HAAA(好無聊也)
但係今日呢,我打電話比個同學喎,
同佢講左一陣呢,佢先問我:"其實你係邊個呢?"咁喎,
唔開心呀即刻,跟住後來問番佢呢,
佢隻死野,竟然話:"你把聲牛左嘛"哼哼...
過份呀...
>>November 23, 2003 at 5:27:44 PM GMT+8
2003 年 11 月 18 日 星期二 【晴】
一早諗住咁耐冇上過comp,就上下啦,
唉,去到OEE1017喎…一個班度既同學都唔見喎,
仲諗住:”唔通成班一齊走堂?個professor一定教得好差啦…
點知上下堂,原來係上e-commerce喎,
覺得個professor都教得唔錯啦,仲諗住遲d都會繼續上堂啦,
點知…不幸既事發生啦…
行緊去上psy…見到一班同學0係前面喎,
金玉問我:”咦?elsa點解行這邊既?”
elsa:”哦,我上完comp嘛~”
金玉:”係?我都係喎,點解唔見你既?”
elsa:我坐第二行喎~
金玉:下?唔見喎~~
elsa:我平時坐開個位呢…
金玉:…我地去LT1上喎,
elsa:下?!!唔係去OEE咩…?
嗚…….跟住這件事就傳哂開來啦…
佢地上那個係sm3…但我上左那個係sm6…….
嗚…我走時仲同個professor一齊搭lift喎,
佢仲問我:”你求先明唔明呀?”
elsa:明呀,你教得好好呀~~
…但星期五…佢就唔會再見到我架啦,
應該係話我唔會再比佢見到我…哼...
psy堂,好攪笑呀,今日寶玉好出眾呀~
因為戚博士勁講佢,話佢0係個test度高左成廿分,
係進步得最多既學生,所以就好開心,
仲0係個office度找左樣唔知咩0係全場學生面前送比佢,
跟住仲全場拍掌歡呼~~80分滿分…最高那個竟然76喎…變態架…
而我就…62分…可能d人會話,都62啦,仲想點?
但係我真係比左好多心機,溫左好耐架…
d同學因為好忙,真係冇時間溫先會比較低分,
但係我落足心機都係咁既分,
就會覺得真係自己能力有限囉…所以真係有d唔開心架.
下午行去返工時,發生左件好唔開心既事呀,
在行去地鐵站時,馬路發生左件意外,
有個呀婆比架巴士撞到,滿地好多血,
我地幾個都好驚,有人已經報左警,
我同mandy就不斷祈禱,希望神保守佢,
因為睇佢隻腳應該斷左,一定好痛,
個心即刻好up,好擔心,
即刻諗起人生真係好化學,
意外成日都會發生,真係要無時無刻珍惜身邊既人,
跟住就好有衝動打電話返屋企,找下女麻女麻,
就算幾忙都好,每個星期總要抽d時間返下屋企…
希望個呀婆冇事啦…唉…
今日返工返兩節,所以有$180呀,
真係好啦~~首先係0係鵝頸橋底派單張,派左差唔多兩個幾鐘呀,
then去食野啦,就meet埋朱ling同呀佳,再返夜晚那輪.
個感覺真係好攪笑…
兩個同學,兩個教會朋友,本來冇關係架喎,
但係現在一齊返工喎…
但這個都唔係問題…問題呢,係佢地夾埋笑我呀,
實在太衰架…zipzip又笑我豬喎,朱ling同佳又笑我白痴喎,
朱ling傻架,唔做媒婆真係浪費左佢啦,
成日同我講:”呀邊個好好架,考慮下佢啦,”又話另一個人又點好點好呀,
真係頂佢唔順,死左啦我…
神真係超級錫我呀,
咁我已經到逹左一個窮到無法可再窮既地步啦,
身上得番廿蚊,但係去銅鑼灣番工來回要用11蚊喎,
聽日返上水就要用9蚊喎,(我八達通又負錢喎),
所以真係山窮水盡啦…
上psy金玉請我食咖哩角喎,
落堂mandy請我食薯條喎,
番完一節工,肥妹請我食咖哩拼盤喎,
放工李生請我食水餃麵喎…
真係開心啦,哈哈…
但係夜晚返hall時因為已經冇錢,
所以就唯有行啦,又行到今朝發生意外那條馬路,
又有一陣心up啦…唔知個呀婆點呢…
返到hall搭lift喎,明明部lift話可載13人1000kg架嘛,
咁我地只有10個人啦,有個女仔入來都超重喎,
但係lift裡冇一個人係肥喎,就當每個平均重60kg,都係600者,
部lift騙人既…
總之今日就悲喜交集啦…
zipzip,唔好去到咁盡啦,最近成日都捱到3,4點先訓,
又要直踩到夜晚11點幾,
朝早又一早返工或者返學喎,
真係多d休息下啦,唔係我真係擔心你在街度會捱左0係條柱度訓左呀~~
今日白痴:
其實今日有好多白痴架,
但係講下夜晚發生既一件事啦~
咁我沖涼喎,咁著衫時呢,
我就唔知諗緊d咩啦,明明已經著左件衫喎,
仲拿左件求先著那件衫著喎,
想穿個袖時呢,先醒起:”咦喂,點解我已經有個袖既?
先知我已經著左件衫呀~~哈哈…好白痴呀…
sanai sanai~~~
>>November 23, 2003 at 5:18:17 PM GMT+8
2003 年 11 月 17 日 星期一 【晴】
今日既SOWK好平靜...
平靜到...
Z...Z...
跟住就開心啦,
因為愛沙返粉嶺呀,
返李嘉誠拿張AL單,
本來呀彪又話同我一齊返,
點知落堂先話要返工...見言承旭呀!!!
開心爆呀,比我?冇人工都返啦~~
就快返到李嘉誠既時候...
突然,心裡面出現左個問題--
"道門唔見左既??"
...?!!原來道門搬左喎,
學校0係校長努力既努力後,
終於都重建啦,校長應該要還神啦~~
見到成塊地都整緊工程,
當然啦,遲d要建成座building喎,
但係我就好擔心個嘉誠園圃啦,
唔知點呢...話哂我都見住佢成長架嘛...
返到去見到kk wong,傾左陣,
同埋見到大灰熊0係度罵緊人...hehee...
不過就見唔到其他老師luu...
算啦,下次先再找佢地傾啦~~
跟住就約左hazel食飯~~
好耐冇見佢啦,超級掛住佢啦~
去左N年冇去既燕雲莊食招牌既排骨菜飯~
哈...THEN就行下N年冇行既粉嶺中心,
雖然都冇咩好行架啦,但係傾下計都好嘛~
跟住咪就係...飲苦茶既時候啦...
苦...苦...哼...但係我會嘗試去享受D苦茶先...
跟住發生左件事喎,咁我0係石湖墟過馬路啦,
明明紅燈來架嘛,有個呀婆十下十下咁過喎,
跟住有架車來緊喎,我咪走過去捉住呀婆一齊跑過馬路囉,
個呀婆真係好攪笑,佢望住我0係度笑喎,
跟住又話唔該唔該咁喎,幾開心呀真係~~haaa~~
又要趕返BU上PE啦...
原來下星期先考試喎,等我仲以為今日添...
本住死架啦嘛...哈,我又多一個星期命啦,
真係開心~~嘿嘿...
夜就去左desmond間房傾RP...唉...好忙呀...
因為我地今個星期四發問呀,
咩新儒家既思想,程咩既仁呀,孟子既仁呀...咁囉...
真係覺得神對我好好呀,
咁我身上冇哂錢啦嘛,
就問神點算啦,
結果呢,去desmond度佢又請我食蛋撻啦,
返房呀嫺又請我食蝦子麵啦,
跟住食埋呀女麻比我既橙...哈,就飽飽啦~~
夜晚...真係唔好彩,
諗住落去影印野啦,點知一樓部影印機夾紙喎,
我咪落去樓下問個看更囉,
個看更就話:"我唔知呀,你去問g4啦"
咁我去到g4啦,那個人就話:"我唔知架,學生會負責架"
.......
我終於知道咩叫做:"projection"啦...
oh...又係psycho...唉...
慘慘事件:
住hall有陰影呀,我實在太慘啦,
因為我睡那邊呢,咁就近個toilet架喎,
咁所以我一開櫃門呢,就會阻住個toilet門啦,
跟住我次次開左個櫃門照鏡時呢,
總係有人開道toilet門入來架喎,
一開就撞到我啦...
平均兩日一小撞,四日一大撞,嗚...我已經遍體鱗傷啦...
真係慘啦...
所以今日呢,當我開緊個櫃想執衫落去洗時呢,
就總係"形"住有人會撞入來...
好大既陰影呀...慘~~~
愛沙金句:
"我會使自已忘掉那份心動的感覺,
卻不會忘掉那點點的回憶...
時間是我的工具,聖靈是我的武器"
sanai~~
>>November 18, 2003 at 4:39:56 PM GMT+8
2003 年 11 月 16 日 星期日 【晴】
今日好想講既野呢,
就係睇到盈盈SEND比我既一封EMAIL裡面既幾句話,
"如果有樣東西你好想要,
你就要放開它,
若果它回來找你,
那麼,它便會永遠屬於你,
若果它沒有回來,
那麼,它並不是屬於你,就由它去吧"
好似類似係咁啦,這番話就好似講到,
係你既就係你,唔係既,勉強都唔會係...囉...唉...
RP裡,就係不斷地plan time schedule,
因為真係好唔掂,真係忙爆,
要去銅鑼彎幫李繼雄做工啦,去上水幫人補習啦,
去粉嶺既舊校拿AL成績啦,去上水睇中醫飲苦茶啦,
傾RP問問題啦,做SOWK PRESENT(寫廣播劇),做廣播劇啦,
上星加坡WORKSHOP啦,...
死啦,個EAST&WEST冇掂過添...今次死啦,28日PRESENT...
OH...NO...
有時同開TOMMY佢地玩呢,真係有好多笑料,
特別係TOMMY同SIMPSON既窒人功夫已經練到爐火純青,
窒人於無形,所以我就比人笑死左啦...
咁我白白痴痴架嘛,
講錯野都經常架啦,咁都笑我,
哼...全都是"可惡的傢伙"!!!!
賣物週~~我都買左少少野食,
很鐘意simpson既雞比餅,
雖然淡左d,但係都諗番起d以前小學時食那些咁,
哈~~從同佢地一齊行既當中呢,
我發現到樣野喎...
"細san,你實在係太慘啦~~~"
夜晚又要去返工啦,
返工前呢,呀嫺同我講左個"快樂王子"既故事喎,
好感人呀,其實以前聽過架啦,
但係唔係咁記得...今次聽番呢,就諗啦,
係咪淒美既結局先會令人覺得婉惜架呢...
好慘呀...快樂王子...如果我係佢,我都會好似佢咁,
為其他人而犠牲嗎?...?
返工...今日好輕鬆呀,唔駛走樓梯,
不過我真係唔認得D路呀,點算呀,
如果自己一個人行,
一定唔識返屋企...嗚...我已經努力緊架啦...
但係有時D野就...天生架嘛...HAAA...算啦~~~
夜...終於趕起份廣播劇稿~
yeah~~~~所有sowk人呀...
星期五一定要上mark li 堂呀~
我地個present好正架...haaa~~
SANAI~~織頸巾?考慮下先啦~~~
>>November 17, 2003 at 5:21:37 PM GMT+8
2003 年 11 月 16 日 星期日 【晴】
今日真係頭頭碰著黑呀...
一朝早又肚痛啦...
跟住諗住揹一大袋行李返hall啦,
但係個袋迫得太大啦,
條拉鏈又cheap喎,比我一拉就拉爛左啦...
唔開心呀,又要換袋...
跟住呀女麻叫我拿住d碎錢搭車啦,
咁我明明拿住架嘛,
咁我又要掉垃圾喎...
結果就...出到車站時發覺d碎錢唔見左喎...
嗚...嗚...可能連埋d垃圾掉左呀...唔開心呀,冇左3個8...
返到教會,真係開心啦,
因為現在成日都好忙,
少左好多同神一齊既時間,
所以就特別珍惜主日既崇拜~~
跟住就一大班人去飲茶,
偉偉好憤怒呀!!
話d侍應態度差喎,
算啦偉偉,要寛恕...呀~~
and then就返教會練詩啦~~
對呀,我都係詩班架嘛,
聽講話十二月聖誕節時有表演呀,
所以就要努力練啦~~真係好鐘意那首歌呀~(進入你聖殿中)
haaa...
不過...唉...
只想post一首歌既一part出來...
"求你別要,如從前,純熟地碰我,
而我問我,為何還,能夠碰傷我,
不要讓我,一敗塗地,輸得更多...
求你別說,錯過我,其實亦愛我,
何以技癢,放過我,你已彷彿有神助,
一關心我已經,等於再殺死我"
唉...
又要飲那些苦過廿四味既苦茶啦...
真係慘呀,但係為左要靚番d,
死就死啦!!!飲!!!
夜晚又返工啦,到十一點幾先返到hall,
朱ling囉,話返又唔返喎,唔似呀"邊個"(費事題你又話我掛住你,哼)咁,
講左話要"present",所以冇得返,呵呵...
跟住又白痴啦我,
返到hall,諗住print聽日份socio notes,
咁諗住RL7開到2:00AM架嘛...
嗚...就好白痴咁走左去RL7...
---漆黑一片---一望---
"星期一至六 ~2:00am
星期日 ~7:00pm"
嗚............
意粉呀,多d休息啦,
晚晚唔訓唔得架...
如果唔係既話,好可愛既意粉,
就會變左做米粉架啦...~~
SANAI~~
>>November 16, 2003 at 5:08:20 PM GMT+8
|
![]()
我總相信愛是恒久忍耐,又有恩慈.
愛是凡事包容,凡事相信,凡事盼望,凡事忍耐~~~
愛就會永不止息架啦~~
|
廣告 |
|
|
讀者留言 |
| 路人留言
|
 Elsa，您好，我是小戴，收到我
>>June 24, 2010 at 9:01:31 AM GMT+8
Hello Hello 有無人呀
>>January 12, 2009 at 4:29:06 PM GMT+8
姐姐要加油呀！
<br>我相信會
>>April 11, 2008 at 3:54:55 AM GMT+8
虧孫...十萬年冇聯絡啦~
<b
>>December 11, 2007 at 6:30:27 PM GMT+8
感謝主又過一關，掌聲鼓勵 ^.^
>>December 3, 2007 at 12:26:06 PM GMT+8
熱情主動的公主，就是最好的公主。
>>November 26, 2007 at 11:26:54 AM GMT+8
@.@
<br>^.^
<br>
>>November 19, 2007 at 1:18:22 PM GMT+8
hi, Elsa, 好久不見了，
>>September 25, 2007 at 1:50:08 PM GMT+8
其實，我想話妳知.. ..我每日
>>September 21, 2007 at 10:30:02 AM GMT+8
如果妳可以快D打日記,咁.. 就
>>August 8, 2007 at 1:21:43 PM GMT+8
唔知寫咩好...
>>August 7, 2007 at 4:30:29 PM GMT+8
問: open heart= 咩
>>June 22, 2007 at 4:07:42 PM GMT+8
幸子妳無事嗎？有咩可以幫手或者幫
>>June 20, 2007 at 11:46:25 AM GMT+8
妳個生日派對真係勁好玩~笑死我啦
>>June 13, 2007 at 9:33:24 AM GMT+8
elsa小姐~~~~生日大喜樂呀
>>June 13, 2007 at 7:24:54 AM GMT+8
o黎到我Xanga都唔留言
<b
>>June 4, 2007 at 8:29:06 AM GMT+8
玩online game係會令自
>>February 19, 2007 at 4:56:17 PM GMT+8
有沒有想過....
<br>為甚
>>January 25, 2007 at 4:23:45 PM GMT+8
唔知講咩~
<br>諗到
>>January 16, 2007 at 3:11:32 PM GMT+8
請不要給予自己過多的壓力!
<b
>>January 4, 2007 at 4:31:42 PM GMT+8
我在這裡,請差遣我(如果你需要我
>>December 24, 2006 at 12:43:51 PM GMT+8
竟然?!~嘿嘿...多多指教喎~
>>December 2, 2006 at 4:26:00 AM GMT+8
我早一星期前剛加入你們肌健的的。
>>November 23, 2006 at 4:25:52 AM GMT+8
哈哈~~~我上星期六到長洲, 遇
>>November 3, 2006 at 4:14:50 AM GMT+8
我還是我
<br>我還是那個率直
>>October 26, 2006 at 3:16:15 PM GMT+8
嘩,屍華返來香港la~恭喜喎~~
>>October 25, 2006 at 12:19:16 PM GMT+8
咬鯊, 咬鯊, 你仲記得快發了霉
>>October 17, 2006 at 6:23:57 PM GMT+8
HA, 10年冇嚟
>>October 14, 2006 at 4:17:20 PM GMT+8
Elsa.. 記得我嗎??
<b
>>September 24, 2006 at 6:37:22 PM GMT+8
我都好耐無見你la~
<br>我
>>September 16, 2006 at 3:44:44 PM GMT+8
好耐冇見妳喇...近來點呀...
>>September 10, 2006 at 12:51:05 PM GMT+8
^_^Gap人有新Gap做型~~
>>August 5, 2006 at 6:15:58 PM GMT+8
Elsa,
<br>
<br>是
>>July 30, 2006 at 10:58:20 AM GMT+8
haha ~~
>>July 25, 2006 at 8:51:26 AM GMT+8
UM...事情又唔係只睇一面。聽
>>July 20, 2006 at 3:34:00 PM GMT+8
i had put the li
>>July 10, 2006 at 7:17:50 AM GMT+8
Are you OK?
<br>
>>July 9, 2006 at 6:20:41 PM GMT+8
嘩, 你咁多嘢寫、
>>June 23, 2006 at 9:02:45 AM GMT+8
下?hon pro?衰左啦...
>>June 22, 2006 at 2:18:33 PM GMT+8
下,你個hon pro拎咩呀?好
>>June 22, 2006 at 1:32:15 PM GMT+8
工作加油呀~
>>June 16, 2006 at 4:27:34 PM GMT+8
elsa:
<br> 新開始呀
>>June 16, 2006 at 3:51:01 PM GMT+8
哈～所以要多謝主囉～～
>>June 14, 2006 at 7:06:49 AM GMT+8
下次行山會唔會咁好彩冇雨落?
>>June 8, 2006 at 3:39:06 PM GMT+8
未放低...
<br>(能這麼快
>>May 28, 2006 at 12:41:21 PM GMT+8
哈, 你最終都有去到bible
>>May 26, 2006 at 3:55:04 PM GMT+8
不要激動...
<br>
<br
>>May 25, 2006 at 5:45:11 PM GMT+8
或許
<br>交由神去執行公義吧
>>May 22, 2006 at 4:58:01 PM GMT+8
搞組聚s~?
>>May 18, 2006 at 11:34:56 AM GMT+8
my xanga:
<br>ht
>>May 16, 2006 at 3:22:49 PM GMT+8
|
|
