2004 年 1 月 28 日 星期三 【晴】

"畫畫復畫畫,愛沙當戶畫..."
HAAA...今日就不停咁趕工,畫埋幅團契下個SEM既POSTER,

希望佢地ACCEPT啦,咁就可以POST架啦~~
朝早上完PE,就拉左金玉落HALL CAN食早餐,
之後就趕住返HALL畫啦~~

有樣攪笑野喎,一返到HALL,就見到呀嫺(我以為)訓左0係佢張床度,
D被又蓋哂個頭喎,我仲諗:佢唔係要上堂架咩...?不過都冇理,
繼續努力,點知畫畫下聽到男仔聲喎,真係嚇鬼死,
原來訓0係度0個個唔係呀嫺,係呀峯...真係作死啦...
佢係慘呀,冇住HALL,但係有成6-7個鐘天地堂...
不過都好彩佢題我:"你唔係要上堂咩...?"
HAAA...唔果唔係我都掛住畫,唔記得左去上MARCUS...
不過到最後都係遲左到~P...
終於都派哂D相比同學仔,ZIP比廿蚊我,(其實應該係$9.8),佢好似唔駛找咁喎,
早知唔找比佢啦~~(因為佢計錯數...HAAA)

之後又係繼續畫,YEAH~~差唔多五點時終於完成~~
雖然白白痴痴咁,不過都幾CUTE啦~HEHEE...
好開心呢,同佢既關係終於都好似番以前咁啦,
冇比那件事影響到,真係開心~
對哦,都係純屬誤會0者,都話過一排會冇事架啦,
既然大家都攪清楚對對方只係好朋友之情,
所以大家做番好朋友咪幾好~~

夜晚約左JOLYBEE,CITY同呀JOHN食飯,跟住傾第一次週會...
個營火會~~佢地睇大我張POSTER啦,話好可愛喎...HAA...好彩唔係話白痴0者~
跟住上一樓排舞,一陣金玉都來左,
同佢地排舞真係笑死我呀,隻CITY成日都跳結他他舞,
又扮我喎,太過份啦~~呀JOHN就幾好人,都唔知佢點忍CITY架...HAAA...
有樣慘野,咁呢,話說唔知邊個唱起:"神是愛..."
咁我覺得個MELODY好熟喎,就唱埋落去:"我信愛有出路..."
咁就比佢地笑死啦,原來首歌係"憑著愛,我信愛有出路"
唉...結果佢地就勁唱:"神是愛,我信愛有出路,神是愛,情懷不老..."
仲唱埋英文版...嗚...笑足成晚...
終於都DEM好5首歌,仲有特別環節...嘿嘿...

願主祝福,當日既週會攪得好啦~~

攪笑語錄:
1.今日我打電話返屋企時,grandma講左d好攪笑既野...
佢話:"你呀,記得要帶遮呀,宜家d雨好酸架,
乸落個頭度會乸到d頭髮luck哂架!!!"

2.咁我同呀嫺講話:"我聽日好忙呀,由朝踩到夜,慘啦,夜晚個樣咪好殘囉"
呀嫺話:"你點忙呀?"
我話:"我朝早9:30至12:30,1:30至5:30要上堂,之後搭火車去上水,
6:30幫人補習,補個半鐘,之後8:00去上水食飯"
呀嫺好認真咁話:"你快d帶d mask0係火車度敷啦!"

..............haaa....

>>January 31, 2004 at 7:25:42 AM GMT+8

2004 年 1 月 27 日 星期二 【晴】

哈哈...今日我終於都砌好塊puzzle啦~
仲影左相留念,哈,華叔幫我用木板鑲起左~~
在家飲左d當歸湯,就返hall啦,
夜晚去左一陣改選委既bbq(在hall天台)
白痴呀我,唔識去...haaa...
走左上20樓,"咦...冇出口既?"
又上樓梯:"o...開唔到門既?"
結果...都係要打比組長呀wing...
哈,原來係由19樓個自修室出去喎...
嗚...但係我都係唔識開門...要呀ray幫我開...
唔駛問當然又比佢地笑我啦...

慘呀,喉嚨痛添...星期六個bbq我去唔去到呢...?

新年白痴事項...
咁呢...話說我屋企人好鐘意0係過年時節食齋架喎,
所以今年都唔例外,有齋雞(真係成隻雞咁既樣),齋叉燒,齋帶子,齋燒鵝,
不過最搞笑都莫過於齋肥豬肉...
我細姑姐佢整估我地喎,拿d齋肥豬肉同d真叉燒,豬利一齊煮,
仲勁似喎...haaa...daddy咬左d齋肥豬肉既瘦肉,吐番d齋肥糕出來呀,
哈哈....笑死左呀!!!!

新年啟示...
在新年假期內,我看了一些小說和漫畫,也看了一些電視劇,
是因為我著意去注視,或是恰巧都好,
總是看到了一個訊息.
就是:"要交往的話,請找個和自已真心相愛的人,否則,
就算真的在一起,也不會有幸福.
試想想,若果你跟一個他不怎樣愛你的人在一起,
他既然不大愛你,又怎會願意花時間來為你付出,
然而,當你發覺他不願付出,忽冷忽熱的時候,
而你又忍不住要問他時...爭執便會發生,
當你問:"點解你要咁對我?"
其實答案只有一個,就是他不愛你.
好啦,就算你們真的在一起一段長時間,
可是當一個真正吸引到他的人,令他真正愛上的人出現時,
他一定會捨你而去,而尋覓他的真愛...
唉,既是如此,何不早早放手?
找到個真愛的...才一起,不是更好吧?

>>January 28, 2004 at 2:43:56 PM GMT+8

2004 年 1 月 26 日 星期一 【晴】

今日一朝早就去補習,
跟住就返HALL,因為程序部要開會...
其實只係傾左好少野,
所以好快就完左,
死人葉仔,我地臨開完會先來,真係好唔掂呀~~
唉,金玉同JOLYBEE又CONTACT唔到...
金玉呀...番左鄉下,好危險呀,有禽流感...

返到屋企,唔知點解有D頭暈...
所以都冇砌PUZZLE,打左陣機就訓左LUU...

>>January 28, 2004 at 2:20:47 PM GMT+8

2004 年 1 月 25 日 星期日 【晴】

原來砌PUZZLE真係可以令人心境變得平靜...
昨晚開始砌,砌左大約五百塊雪地...
仲有五百塊天...好,我要努力先得~

今日係我今年第一日去拜年,
先同伯伯,大姑姐佢地去飲茶,
都係同呀銘吹下水咁,HA,估唔到我仲記得少少中文D野,
"點解科學在中國發展得唔好?"
UM...HEHEE...
之後去左大姑姐屋企,同細姑姐勁打機,
好一個赤璧之戰,打左N鋪,都係爆唔到機...
哼,我一定會繼續挑戰架!!!

好一句"彎腰曲背"...

返到屋企,仲要出模擬試題比呀軒,
終於明白D老師出試題係幾咁辛苦...
真係好難出架...整那兩份野,整左我成三粒鐘...
PUZZLE都冇砌過...唉...

深夜勁慘...
granda迫我聽恐怖熱線,
一來我唔鐘意聽,二來我係基督徒,
唔應該聽日關於魔鬼既野,
所以我叫佢收細聲d,但係佢又唔聽喎,
仲罵我自私...喂,現在誰自私呀...
唉...睇來我聽日要買番個耳窒先得...

有首歌...今日不停在我腦內搖晃...
"緩緩地淚乾了,昨日的愛亦棄掉,
如若我可重頭,是否可不必再錯.
錯錯對對錯錯反覆經過...
珍惜的,可惜的,惋惜的幾多錯...
怕是我本身太情多,怎麼我,
卻妄想天天真真的簡簡單單的愛過."

>>January 27, 2004 at 7:55:23 AM GMT+8

2004 年 1 月 24 日 星期六 【晴】

呀...最白痴...
一睇番我個日記...
嗚...21日果然有兩份喎...嗚...
原來我第一篇SEND到呀?我以為冇嘛,
結果仲打到手軟咁打多份...嗚...一睇就知有D唔同啦,唔係COPY架...
同我睇哂佢呀!!!!!

嘩...點解我幾日唔打日記呢~
因為我唔方便上網...
唉...DADDY終於帶左個女人同個女番來,
仲住左兩日...
都冇咩既,平常心去面對囉,
又諗起成長小組裡面那個ROLE PLAY,
特別係NOKISS同SIMPSON講既一番話,
我都唔想攪到咁彊,自已都會遷就下,
都係兩日0者,一團和氣咪幾好...
預期中,佢地走後grandma一定有d"訓話"
不過比想像中好,都係訓左幾粒鐘,
其實桐桐都幾得意既,係煩左d,同埋成日打爛野...0者...
不過算啦,已經過左啦,望就望之後都可以相處得來啦...

所以放假到昨日都冇去過街,(佢地叫我都唔去..p)
今日都係番教會~
yeah~~表演跳舞~~呵呵,我當然記得d舞步啦~~
都幾滿意~同埋好攪笑~
之後又有遊戲玩,yeah!!~!我地冇會長既會長組大獲全勝,
全靠有會長既仕宏啦~~呵呵...
自助餐剩低好多野食呀...浪費呢...

對哦,我真傻,竟信了他一成,
電話說的話,一句也沒實現,
算吧,也是我預料之中,
甚麼有沒有她也與我吃飯,
也會當我是好朋友...諸如此類,
全是廢話,結果?
在她面對成了一堆飯,
一句話也沒說過,
像沒有認識過一樣,
好,真好,昨天的一點點煩惱顯然是多餘的,
不過也要多謝他,讓我看透人世間的種種欺乍,
變臉的迅速確是世間罕見,令人佩服.

"聽君一席話,勝讀十年書"
你那句:"你會唔會同tommy咁呀?"
唔會...對哦,好朋友就是好朋友,
某些好朋友不會做的事,就不應做,
所以,我本想著要用對tommy的態度對他,
可是,現今的狀況是,乍看還以為我們是佰路人,
我還能以對tommy的態度對他了嗎?
不可能...那麼,就以對ceci的態度對他吧,
點頭之交,入教會見到say hi,走唔駛say bye,
或者這是我倆最好的結局.

忿怒中,別惹我.

>>January 25, 2004 at 8:26:19 AM GMT+8

2004 年 1 月 21 日 星期三 【晴】

恭喜發財呀~~
咁又新一年啦~~時間過得真係快~
haaa...
不過...今日...呀...
全日都留0係企,冇地去...
睇漫畫...小說...咁...
哈,就過左一日啦~~~好無聊耶...

>>January 22, 2004 at 4:59:54 PM GMT+8

2004 年 1 月 20 日 星期二 【晴】

唉...d人話知錯能改,善莫大焉...
唉...嗚...我又係咁啦...寫完左個日記,
又冇左喎...嗚...tommy個方法都唔得既,
我按f5都冇反應既...嗚...又要打過啦~~~~唉...

返埋今日學就放新年假啦~
只係返左朝早堂psycho,
好彩佢早放,我地成班可以一齊去食團年飯啦~~
呀邦今日好火,在書店買書時又火(講價問題),後來到聯福又咁火(book位問題),
haaa...所以之後大car要佢飲成jar竹庶都好,下火呀~~haaa...
個團年飯都食得幾開心,同d同學(仔)傾下計,影下相咁,
呀邦同大car,heaveni既比賽都幾好睇,真係笑到死咁滯,
cement個紫色駁髮好型呀~~大敏又不停咁影相喎,
(send番d相來睇真係好攪笑,我細姑姐都話呀邦似黃貫中呢~~~)
zipzip就唔應該啦,我地枱冇野食就即刻走去人地張枱度食,
實在太過份啦~~應該拿多d返來比我地食呀嘛...
之後勁好喎,lang同rp都唔駛上,haaa...
當然啦,人地professor都要番家團年啦,枉個校長仲要人番學,
真係唔應該呀~~~
跟住就同大敏一齊搭火車返粉嶺啦~~
tommy,遲d放完假我地先去個扭蛋城度行啦~~

番到屋企,就發生左d攪笑野啦...
咁我拿d新加坡既相比細姑姐睇喎...
細:(指住我在新加坡識既男仔)這個人咁醜樣既?塊面好似痴落去咁,得棚牙,露牙肉,三白眼...
我:下...都唔係咁差呀...
細:這個唔係你話又靚仔又有風度那個呀?
我:...唔...唔係...嘿...(其實係架...嗚...)
細:(指住金玉)嘩,這個女仔好似我同事金彩呀.
我:下...?
細:佢係咪姓羅架?
我:唔係喎...佢姓吳架喎...
細:(指住mandy)這個女仔幾靚喎,
我:係呀,佢幾靚架~
細:佢個樣好似王愛明呀.
我:王...咩話?
細:(指住jacqulin)這個就似容祖兒,
我:係咩??
細:呀,邊個同我地一齊搭車返來呀?
我:(指住heaveni)這個呀,
細:佢個樣好似幅幅相都唔同既?
我:唔係下化...
細:(指住zipzip)這個男仔好似...乸乸地咁既?
我:哦...haaa...係呀,佢好嬌俏架~

um...大致上咁啦...呀............haaa....

>>January 22, 2004 at 4:52:06 PM GMT+8

2004 年 1 月 20 日 星期二 【晴】

番埋今日就放假啦,
訓到好午...因為番11:30,
一早執埋d行李,就走去上psycho,
好彩都早放~因為之後就係我地班既~~"團年飯"呀~~

呀邦今日好火喎...買書時又火,去到聯福冇位又火,
所以之後大car叫佢飲成jar竹庶都真係好...下火呀...
ha...
去到聯福,明明book左枱,但係間野冇留位比我地...
不過好彩等左一陣就有位啦~
大家一齊傾計,仲有呀邦同大car,中希既比賽,
真係好攪笑,cement又好型喎,整左紫色駁髮,
大敏勁影相,d相好攪笑架~~zip就唔應該啦,
我地枱一冇野食,就走左隔離枱,真係太過份啦~~
係都應該夾埋番來比我地呀嘛...
間茶樓又係架,竟然冇哂d點心喎,
得番牛肉,黃金糕,叉燒飽同魷魚...有冇搞錯...
不過算吧啦...最後都算飽既...

之後就同大敏一齊搭火車返家呀~~
夜晚發生左件攪笑事喎...
我拿左d去新加坡既相比我細姑姐睇喎...結果就...
細:(指住我在新加坡識既男仔):嘩?咁醜樣既?塊面好似痴落去咁,剩係得番棚牙,露牙肉,反白眼...
我:...下...
細:你唔係話佢又靚仔又有風度嘛...
我:...呀..唔係...(唉...其實係...)
細:0個日同我地一齊搭車個女仔係邊個?
我:(指住heaveni)這個呀...
細:係呀?點解佢幅幅相個樣都唔同既?
我:係咩...??
細:(指住mandy)望落去這個都幾靚
我:係呀,幾靚架~
細:好似王愛明喎...
我:王...咩呀?
細:(指住jacqulin)好似容祖兒呀.
我:係咩...???
..........
細:(指住金玉)嘩,這個好似我同事金彩呀,
我:唔係下化...
細:佢係咪姓羅架?
我:唔係喎,佢姓吳架喎...
細:(指住zipzip)這個男仔咁cam既?
我:哈....呀~係呀,佢比較嬌俏.
細:不過都好過新加坡0個個.
我:下...?....哦...
我:(指住rita)我地班d人話佢似黃貫中呀,
細:係咩?
我:係呀,不過我地班有個男仔仲似黃貫中呀!!(後來大敏send左團年飯d相比我時,當我指呀邦比細
姑姐睇時...佢都話:嘩,真係好似喎!!haaa....)
嘿嘿...大概係咁啦...haaa...

>>January 22, 2004 at 3:33:47 PM GMT+8

2004 年 1 月 19 日 星期一 【晴】

真多謝各位朋友仔既關心,
愛沙個肚同個胃今日已經冇咩點痛啦~~
YEAH~~呵呵...

今日真係好凍...凍死我咁滯...

UM...與你食lunch,傾計,都係一件開心既事,
真係冇諗過同你可以keep番這種關係,
其實咁都好呀,因為我一直都覺得如果失去你這個朋友,係一個遺憾,
所以希望以後都keep住咁好啦~
發生左d預期之外既事,um...都冇話好唔好既...
你話"有始有終",都係一個好既reason,
0係那個moment,雖然個感覺都好好,但係同以前已經有d唔同,
我感覺到自己真係已經放低左你,
um...那是好朋友的感覺吧~
或者這個是我們最好的結局吧...我想也不錯,

歌都有得唱啦~~
"和你不相愛,才有不相愛那些美事,
無窮的寄望,無聊的對恃不會開始,
和你不相愛,才會不生厭,平靜一世共處,
失去戀愛時,無法牽他的手,還是有你雙耳"
你跟我說的話,某一些境象,某一些片段,
我想我一輩子也不會忘記,正如你所說,是很珍貴的,
很特別的,或許終有一天會變淡,
可是怎樣說,這也是一份難得的經驗吧~

每日白痴:
真係好白痴架...
咁今朝上pe喎,落到樓下呢,有少少落雨喎,
咁我記得把遮放左0係房,但係諗住少少雨就算啦,
因為我已經遲緊到,所以都唔番上去拿啦,
唉...就少少淋雨咁去左上堂,
上完堂,返到hall啦喎...一望個袋...
"咦喂,咩我有把遮既??"
haaa...真糟糕...求先明明拿過幾次銀包...
但係都見唔到喎...~~~haaa...

p.s.哈哈...我都話我剪左頭髮靚左架啦~~haaa...
(其實這一個月我已經講左無數次...嘿嘿)


>>January 20, 2004 at 1:41:56 PM GMT+8

2004 年 1 月 18 日 星期日 【晴】

今朝起身個胃一直痛...上堂都係咁痛,
不過附近既maynbo同zip都好似唔覺咁喎...
不過算啦,死唔去...

唉..."何必呢...何必呢..."
我已經成日同自己講這句話,
但係點解總係做唔到?其實我真係好冇用...
唉...都話呢,電視都有得你睇(冇既,下午冇堂又去左睇藍色生死戀0者...)
唔鐘意你既,勉強一齊都冇意思啦,唔好咁傻...
其實我係一個對愛情好敏感既人(對其他事就反應遲鈍..都冇解既...)
雖然好易估計錯誤,但係好多時都可以從這個人對你既態度feel到d野,
又係那句:如果甚麼也不知道,或許未來會更好...
很多situation我都會諗,如果咩事都冇發生過,咁佢會點做呢,,,
會好唔同吧...唉...但既然"事實已經不能補救",咁又奈何呢...

>>January 19, 2004 at 8:58:15 AM GMT+8