2004 年 6 月 3 日 星期四 【晴】

這幾日...全都係開會之週...
對哦...真係日日都返學,完全唔似放緊假...
好想快d傾完個year plan...
其實我真係盡我所能去留心,
聽大家講咩,然後組合起來寫在紙上,
傾全年方向同目標係最辛苦既,
因為d野好抽象,要將佢傳達為文字真係好難...頭都大埋..
不過總搞掂左,後來傾既負責人呀,活動呀咁...
傾得好詳細...有好有唔好啦...
好咪詳細d,大家都清楚d,
唔好咪效率比較低,進度好慢...

不過無論點,真係願主保守我地整個過程,
都係有神既同在,0係我地傾既同時,真係希望大家都係以神為焦點,
大家都係有彼此相愛既心,互相關顧,
因為可能真係累的原因,大家都好易會有時會煩躁起來,
有時可能講左d傷害到人既野唔知,
我能體諒,亦會盡量控制到自己,
可能今日開會比人ban了自己的一個異象,甚至比人話...唉...
加上積左幾日既累,所以白痴咁喊左出來,
希望大家唔好介意,
放心啦呀卓,我相信唔會因為咁小事而影響到大家之間既感情既,
多謝你既關心,我收到架啦~~我亦明白大家既難處,
ar~~~縱使我真係好想整個文字部出刊物...
不過唔緊要啦,最緊要係下年trista出校牧處刊物時預埋我...ha~

um...幾時先打完d會議紀錄呢.......嘿嘿..

ps.好攪笑,同ivan搭搭下車撞到何志佳喎...
吹左陣水...結果變左個信仰討論會...嘿...
ha,如果下星期五得閒就來下我地個就職典禮啦~~

>>June 5, 2004 at 12:09:17 PM GMT+8

2004 年 5 月 30 日 星期日 【晴】

今日爆開心呀~
因為約左兩個舊朋友出來食野,行街同吹水~~呵呵...

一朝早同左大姑姐飲茶,
跟住未夠鐘喎,就又返左歸抖左陣...
就去上水luu~~因為約左單秀出來呀~
呵呵...冇見咁耐,佢仲係咁單純呀(同我一樣...嘿嘿...)~~
兩個人成日都白痴咁傻笑,又成日發出慘叫聲,睇來0係我地身邊既人都被嚇親呀,haaa...
唔緊要架!!!勇往直前啦,那隻咁既死野,唔好再理佢啦~~!!
佢都去左外國啦,就當發左場夢囉,係咪?~一於我地齊齊努力,
搵個爆好既靚仔男朋友,等佢眼火爆都好呀~!!
哼,d賤人當然襯唔起我地啦~~~呵呵...
話時話,我地住得咁近,得閒出來食tea都得啦~~~yeah~~

下午就去左荃灣啦,因為約左sheena~~
搭左成粒鐘...278x...ar...原來真係咁遠架喎...嘿嘿...
到達如心廣場,sheena都到啦~~剪左頭髮喎~~好好睇呀~~呵...
好攪笑喎,次次出親街都會影咭或者貼紙相架喎~~
所以每次出街都會有見證啦~~
爆開心知道你決左志信主呀!!~~~
對哦,無論我地係開心,傷心,經歷咩事都好,神都會0係我地後面,
默默咁支持住我地架~~所以我地唔需要害怕,驚慌,
因為神會保護我地架嘛~~呵呵...
知你返實習好辛苦,要努力哦~~為你代禱~~

ha,今日收獲甚豐,有一件衫,一條裙同埋幾對耳環,ha~~
下次帶你遊下粉嶺上水啦~~~

好開心既一日,
對哦,我一定會好努力咁keep每一段珍貴既友誼架~~~

>>June 5, 2004 at 11:56:52 AM GMT+8

2004 年 5 月 29 日 星期六 【晴】

今日一早都係去補習,
then返教會,今日係dr.napp今年最後一個講道,
因為佢好快就返美國luu~
願主祝福佢~~

聽完道我就好快閃左~
因為約左呀卓同呀皮去油麻地參加d話劇訓練~
去到大埔墟站就電下呀卓啦,原來佢已經去到沙田啦喎...ar...~~
咁快呀~去到,原來呀皮仲未來喎,爆少有啦...佢不嬲都早到架嘛~
去到,終於見到呀皮個導師,呀ken...佢個樣同之前睇佢演出個樣...
真係太唔同呀~~!!完全認唔到!!!佢真人...ha,有d似謝君豪...喎...~
唱左陣詩歌,玩左陣game,就有即興劇...
呀皮比人叫左出去做...haaa...仲要比人剝皮...真係慘呀!!~~
有個叫jason的人,因為輸左要唱歌喎,嘩~~把聲真係好似張國榮架,唱得好正添喎~
跟住分組演"末世"...ar.......我地的組就...一個字--灰
因為唔知點解諗唔到咩情節...(p:...我事後諗諗下先諗到d正野...但係已經演完...)
唉...總之就發哂傻啦...p:...算...
不過好開心,識左個好攪笑既人叫oscar喎,原來佢係做tvb臨記架~
呵...叫佢介紹下先得!!!

話咁快就走啦...5:30,
yeah~一齊返粉嶺,因為去heaveni屋企打邊爐~~~
呵呵...好開心呢~~人有~我,卓,皮,heaveni,大car,tracy,包,simpson,邦
雍盛苑,呵,真係近我呀~~
大家等下等下d人去到就約7點30啦,
heaveni真係爆好~又買哂d野食,準備好哂,又洗野,炒野呀咁...
一腳踢...好偉大呀~~~~
8點幾開始食啦~~d野十下十下咁,雖然有時會食到d剛剛擺下去既...
不過都好正呀~~(但係有塊...唔知咩海鮮...好似膠片咁既....??)
大家食下,吹下水,話咁快就10點幾啦~
仲睇左場爆冷波,香港win ac米蘭...嘿嘿...
simpson同邦叔仲飲酒喎,0係度猜妹,
咁邦叔話我猜(包剪搥),輸左佢飲喎,咁當然猜啦~
呵...我連win simpson四鋪呀~~勁呀!~~!!!

曲終人散...heaveni仲送埋我地去站車喎,
勁好呀~
呀卓同simpson送我返家先走喎,仲好呀,呵........
(係啦......月黑風高...一個單身女子...走進漆黑一片,寂靜無聲,陰深恐怖,幽異莫測...既停車場...
好恐怖架嘛....~)haaa....

>>June 1, 2004 at 5:09:56 AM GMT+8

2004 年 5 月 28 日 星期五 【晴】

一早走左去補習,
之後就同家人去睇戲啦~~
"明日之後"呀...好正呀~~我覺得~
特別係成個紐約變哂雪城,成個羅省充滿數條龍卷風摧毀一切...
嘩...幾動魄驚心呀...加上電影裡面所講過既古前毛象在數秒間急凍的事,
我也的確在"地球的奧秘"一書內看過,就是不知咩原因,導致氣溫在數秒間驟降數百度...
好恐怖呀...其實套戲都好警醒人們保護環境既重要...~

THEN就返左教會,本來諗住練下琴既,點知那間房比人用左...
HA,我就走左去五旬節小學,我以前既教會,(逢星期六有團契..)
呵...去左個音樂室度練~~正謂"天下何處無綱琴"~呵呵...
到咁上下就返教會開會(佈道組),傾下個DAY CAMP,
咁我當然係做文書啦,話咁快傾完,我就返家LUU~~
好恐怖呀~~成街都係飛蟻呀!!!一望盞燈就成百隻飛蟻...
點解...好似咁似...
求先"明日之後"動盪發生前既預兆既...AR.........

>>June 1, 2004 at 4:45:49 AM GMT+8

2004 年 5 月 27 日 星期四 【晴】

ha,今日十點要開會傾year plan,
所以就九點返到去練下琴啦...
行緊返校時就諗啦,
前日行緊時撞到ivan,昨日撞到呀皮,咁今日會唔會撞到人呢~
但係又諗喎,我今日早左成粒鐘返去,點撞呀?
就0係諗緊時,一掉轉頭,~嘩,係呀卓呀~~
勁呀~日日都撞到人一齊返學~~
原來佢咁早返來係傾o"pro,saw~~唔知點解對於這些大project就唔係咁想做籌委...嘿...
不過如果有咩事都可以搵我幫手架~~

好開心呀練琴真係~
係chapel個feel好正~彈彈下有個呀伯入左來坐喎...
死,有觀眾添...但係...嘿嘿...我昨日先學架咋喎...
算吧啦,難聽佢就會走架啦...
到10點就下去啦,點知佢地仲未傾完o'pro喎...最後差唔多11點先開始...
今日主要都係傾大家方向,目標等,都未正色for全年活動,
zipzip又早走要cc練歌~~因為今晚表演嘛~
話咁快傾完,就去common room準備啦,
又搬枱,佈置,一齊整都幾好玩~
不過…其實我有少少野…拉左個同件事唔相干既呀睿傾左陣,
唉…我都明既…amanda又知我有d唔妥…
um…其實我冇事架啦…慢慢就會習慣吧~~不過點都好~~thanks

成個歡送會個氣氛都好好,呀主持janus又好攪笑,
原來江牧師都好攪笑架喎…
”我既壞處呢,就係想炒哂你地班同工,不過好呢,就係我走啦,所以炒唔到啦…”
….仲有好多好攪笑既話…不過唔記得luu...
總之佢係一個好風趣既牧師,ha~
overun左…去唔到sowk個inaug添…有d可惜…ar…
唉…o’camp都去唔到luu(同csu撞時間…),初時仲諗住做spy添…
不過算啦~做peer mentor都唔錯啦~~

>>June 2, 2004 at 7:00:59 AM GMT+8

2004 年 5 月 27 日 星期四 【晴】

SAVE了在家...NOW在學校...
SO........等...

>>June 1, 2004 at 4:33:22 AM GMT+8

2004 年 5 月 26 日 星期三 【晴】

我一朝早就返學校學琴,呵~
呀皮真係超爆好呀!!!
肯花時間去教我彈琴同教呀卓結他,
放心啦,呵呵...我一定會好好報答你架~~
原因左右手協調對我來講真係有D難度...嘿嘿...
不過練練下雖然隻左手手指尾...有D痛(因為要彈八度音...),
彈彈下都幾好,呵~有少少進步,UM~~我一定會努力學習架!!
自彈自唱真係好過癮呀~~開心~~

之後食完飯就同卓卓去左OEE一陣...
呀卓好勁呀!!佢發個夢竟然中左...
佢夢見同我啦,IVAN一齊行街,而呀皮就去返工喎...
咁呀皮已經返左工啦,我同佢都打算去行街啦,
跟住仲要無LALA見到IVAN喎...(原來佢返來交HALL錢...)
勁邪呀~~!!
冇錯,所以之後我地就去行街街啦~~
YEAH~收獲甚豐呀~呵...
我用$170,買左五,六對耳環,一條牛仔褲,兩件衫,一對鞋~呵呵...
期間細CAR來JOIN我地一齊行喎~HA,所以由佢帶路,
就冇行錯路啦~,呵呵...

今日好攪笑,勁撞到人...
一早返學我專登早近半粒鐘練琴啦,點知行行下有人拍我個頭...
咪就係呀皮囉...佢又早左喎~
跟住同呀卓行緊旺角既天橋時,竟然見到TOMMY同呀兒喎~
跟住同埋細CAR行緊新世紀間通利...就撞到CHERRY~~真係0岩呀...HAAA

>>May 29, 2004 at 5:43:37 AM GMT+8

2004 年 5 月 25 日 星期二 【晴】

為何...
見得越多,生疏之感越甚?
已經沒說話跟我說了嗎?
.......
未來,也會是如此了嗎?
有點不捨...
可是,我有甚麼辦法?
沒有...甚麼也沒有.

我在等待甚麼?

上年生日,我看見了彩虹,
想著是希望的象徵,
"下年,一定不會如此糟吧!"
快到生日了...
我不禁想...我會一個人過嗎?
還是不禁嘆息...算了吧.

不過夜晚很開心呢~
因為約了N年沒見的小葉出來食TEA,
加行街街~
真係很久沒見,小葉變有女性化了...HAA...
還說我著得太男仔頭...P:...
不是的...只不過是剛好今天著得比較...AR....
小葉依然不改他的"直"...一見我就話..."你咁樣著唔好睇"
嘿嘿...我下次見你要著靚D先得~

>>May 27, 2004 at 11:43:47 AM GMT+8

2004 年 5 月 24 日 星期一 【晴】

全日也在家,只要打下機,睇下漫畫咁,
一朝早就打番哂D會議紀錄,
之後HEIR左陣...
諗左D野...

睇到人地D漫畫咁好,
點解人地堅持到我唔得呢?
所以作了一個決定...
校園愛情LOOK...係星影遙同月夜美晨既故事,
FORM4時作...並且開始構施,開始畫...
但到現在...嘿嘿...都只係完成左十版...P:...
太差勁啦...果然係三分鐘熱度...
另外"遙沙"係一篇關於自己既愛情故事,
係FORM4橫跨FORM5時作...
結果...都係寫左12版...約五千字...唉...但只係個開頭...
戲肉都未到...P:...太冇用啦...點算呀!!我唔可以咁架~~

睇番咁多年,D短期著作就OK,但長期既呢...就死哂...
唔提就算,一提就灰...
N年前既小學六年班作既"金鈕戰士"...
嘿嘿...只係講到"蓓香幸子"去到太空,打贏左水星同金星既敵人咋...
仲有漫長既路程...打到冥王星...
灰爆...唉...
唔得!!!我唔可以再係咁架,我一定要加油!!!!
好,就以這個假期就目標...我點都要完成
1.我整左五年既網頁(上星期有日在家無聊,HA,已經整左好多啦~~只係差少少咋!!)
2.中一作既小說--不死的真愛...(原來既情節可以用番,不過...以前寫落既野..嘿...就唔要得啦...
咩"嘔飯應"呀...真.........)
3.同埋校園愛情LOOK1~~一定要完成佢!!!
至於遙沙就...AR...相信"遙"遠既未來,這遍"沙"海...我係會完成既~~P:

整體而言,今日得出來既結論只有一個...
---灰

>>May 27, 2004 at 6:05:33 AM GMT+8

2004 年 5 月 23 日 星期日 【晴】

今日全日都係開會呀~~
呵呵...
一朝早返到學校,就係開程序部啦~
有CITY同葉仔既地方...就係SIDE TRACK之地...嘿嘿...
我當然就係做返秘書啦,傾下傾下,
話咁快就到1點啦,呵...0係好開心既氣氛之下就講完啦~~YEAH~(講到好快咁添...)
呀皮好攪笑,係咁吹我地快D完去食飯...因為佢要趕去實習呢~
水哥好恐怖...無LALA0係人群之中消失左...又無LALA出現返...AR.......
拿拿臨去左舊CAN食,照IVAN所講,佢食左三啖倒,呀皮就已經將佢碟飯掃哂...勁呀!!!
食完再HEIR左陣就返E610開會啦...
咦...唔制呀..趁人地去TOILET時就幫水哥慶祝生日...又唔等埋我...嗚...
好彩都有蛋糕食0者,HAAA...

開會啦...抄到隻手有D累,E返個歡送會,又開始傾YEAR PLAN,
大家都好有方向喎,同埋從紀錄中FEEL到大家個目標都有好多一致既地方,
太好啦,下次就傾全年方向同目標啦~~希望0係神既帶領下,
SET個正既YEAR PLAN啦~~
死CITY...咩喎...人地講錯左少少野之嘛...笑人咁耐...哼...
開完會就同IVAN搭車返屋企,
講講下講到江丕盛喎...哼!!!我比左錢架佢本書..但成幾個月都未比我呀...嗚...唔制呀!!!~~

夜晚...嘿嘿...就係勁打會議紀錄啦...三份...P:..

>>May 25, 2004 at 6:55:18 AM GMT+8