2004 年 3 月 13 日 星期六 【晴】

今日...我知道這是神給我的考驗...
我想移走這苦杯,
但...既然是神的旨意,既然來得如此自然...
看來...我還是接受這挑戰...
對哦,我不可只顧著逃避,
若果我一日不去面對,我想我永遠也不會完全痊癒...
一步比一步難行...
但我會努力!!

好吧,我接受這挑戰,我會演出這drama,
縱使要跟他們同演...但...抹大拉城的馬利亞這角色,
我知道是神為我而設的,否則怎會讓我在前日才看完:"小說聖經"
而這本書的其中一部份,就是以馬利亞的心情去描述耶穌的事蹟...
我知道她是何等的仰慕耶穌,也明白在耶穌被釘十架那一刻,
她是有多心痛...
對哦...他們演又如何...我演這劇,並非為人,乃為神...
我真的很想藉這劇舒發我對耶穌的感情,
就如馬利亞般...
對哦,我想...是神想我去面對吧...
神也不想我每次返教會也不開心吧...
對哦...克服了,就不會如此吧~~

下午練手語舞,haaa...都係0係復活節表演~
好好玩,之後就詩班,唱歌真開心啦~~
特別係唱聖詩時,真係可以將d唔開心既野忘記,
在神的同在中,喜樂地唱~~

之後就約左rita去行街~
首先0係沙田等,then就去左西九龍中心,因為想食下那個$39任食壽司,
嘩,點知爆多人,傻的…我們又要等位排隊…要等成百幾人呀…
所以就等左成粒鐘啦…所以我地又玩估名遊戲喎,又行左陣日本城,
終於都等到啦~~yeah~但係一望個迴轉的壽司…
呀!!原來全部都係紅豆同埋粟米…
所以我地就叫啦~咩魚生,蟹籽,墨魚,北寄貝,鰻魚…等喎,
咁我地叫完一輪之後,又發現有d未叫喎,所以又叫左第二輪…
點知第二輪d野來了之後第一輪都未來喎…就以為冇落單…
嘿嘿…所以就叫多次啦…點知…嘿…..
第一輪同第三輪一齊來…嘿…嘿…我地就做左d爆白痴野…haaa…
係咩?都係唔講luu…因為太白痴啦…
結果就飽飽咁走luu~~就去左旺角中心行街啦~
收獲甚豐啦~~我買左>>>三件衫,一條褲,一個袋,一隻戒子,一條手鏈同一條頸鏈...
yeah~冇哂錢luu…用左二百幾蚊…所以今個星期都係要崖啦…
不過算啦,haaa買到咁多好野~~
發覺rita好錫個妹架喎,買親衫都問個妹買唔買埋既,
yeah~我地一於一齊著新衫,扮靚靚~~
對哦~~你地一定會幸福架~~大家都係基督徒~
對哦~我都要努力先得~~~!!!

夜晚返到hall都夜啦,開icq見到amanda~
所以佢就走過來同我吹下水咁,傾左d事奉方向,
同埋傾左d好野…嘿嘿…

其實在班度識到rita,在團契識到amanda真係好開心既事,
因為佢地都係知心既朋友,有咩開心唔開心都可以搵佢地講,
真係太好啦~~~感謝主~~

>>March 16, 2004 at 9:09:41 AM GMT+8

2004 年 3 月 12 日 星期五 【晴】

好多謝朋友既支持...
HA,其實我冇咩野架啦...都慣啦..(又係這句添...)
算啦,好快就冇野架啦...

朝早約左HAZEL出來比野佢,又食左D野同吹下水,
跟住就同左大姑姐去飲茶,HA,勁食,肥死...
之後行左陣就借左碟同漫畫返歸...
所以整個下午都係睇漫畫"幽遊白書劇場版"同"奇幻兵團",
都幾好睇呀~個男主角真係好靚仔呀...好鐘意呀~~HAAA(我話那個...叫咩名呢...金髮...追捕手呀!)
而那個幽靈客都幾型,雖然係奸角...P:~~
成個下午就係咁過...夜晚當然要靈修啦~
對哦,唔可放棄架!!!

>>March 14, 2004 at 6:07:34 PM GMT+8

2004 年 3 月 11 日 星期四 【晴】

上半日開心,
下半日傷心...

真係feel到同呀邊個做返好朋友啦,
兩個月前既誤會終於一筆鈎銷,
真係好呀,原來時間真係可以沖淡一切...

一返到屋企,就比grandma勁罵,
佢自己心情唔好,就捉住我來鬧,
我都冇做錯d咩,都專登早d返來陪佢啦,佢仲想點喎...
其實我都好錫佢架,佢都feel唔到既,只係一味咁鬧,
睇電視又鬧,聽歌又鬧,無啦啦拿返幾年前既野出來鬧,
我頂唔順啦,就算我喊住叫佢收聲佢都唔理,照鬧,
我喊左成粒鐘,大姑姐終於來左,又攬住我話明白我,
但係grandma依然唔停...0係大姑姐攬住我一刻,
我先至感到咩叫母愛...如果我有媽咪就好啦,真係羡慕呀殷佢地,
有個咁好既媽咪...我一直以為自己不在乎,
不停跟自己說,我已經習慣了,由始至終都沒有,何必在乎?
但係那一刻我才意識到,原來我是多麼渴想,
我問神,為甚麼安排一個沒有媽咪,沒有半個爹地既家比我?
grandma都唔明白我既...其實我知佢同細姑姐都錫我,
但係點解會以鬧作為表達方式?點解唔可以錫下我,關懷下我?
我已經冇鎷咪,爹地又成日唔理我架啦,我係咪要求少少既愛都唔得喎...
有時好唔明點解要對我咁殘忍,我仲係獨女,只有我自己獨力承擔,
其實我都好辛苦架,有冇人明白我呀?

我真係想做下empty chair...點解我平時成日都傻下傻下咁度日呀?
係因為我唔想諗,唔想諗我有幾慘,有幾孤獨,
諗住是是但但,但求簡簡單單咁過日子就算,
但係我一直知道我內心有好多野需要清,
但係我可以點喎...我只係識得repress,
不過我會撐落去,因為我知道神好愛我,
我真的知道.

>>March 13, 2004 at 10:39:39 AM GMT+8

2004 年 3 月 10 日 星期三 【晴】

"多情自古空餘恨,
此恨綿綿無絕期"

愛情真是令人煩惱的東西...

朝早著住件未乾既PE衫去上堂,
都只係拉下筋咁,真係輕鬆...
去還左本"風趣高手",就返HALL溫MARCUS...
但係溫左一粒鐘倒,就比自閉峯講中...HEIR左...
望住本櫻桃小丸子...冇錯,我係唔可以咁架,
所以就拿起本"小說聖經"新約篇睇...
呀~~~大為激動!!D人實在太過份啦,人類實在太醜惡啦,
但係點解人類咁醜惡,神依然愛我地呢?
仲要派耶穌來到世上,為我地受咁多苦...
不過未睇哂就已經要去上堂...

HAAA...好彩我有讀過M&S,
所以份卷都OK,有12/20,都唔錯,
RITA,你要加油呀,我知道你好努力,
可能只係捉唔住D概念,下次我地一齊討論,一齊溫啦~YEAH~
其實我覺得TOMMY知道成績後講既野唔係咁好...
UM...可能會HURT到D好比心機溫書既同學仔...

放學就去左食TEA..P:...差D唔記得左約左COOKIE...嘿...SORRY呀!!!
拿左佢件道袍洗,跟住又吹左D水,哈,
好回味以前五合會開心既日子...遲D約出來聚下頭啦~
HAZEL同小葉又有機會下年一齊讀BU SOWK,係就好啦~~期待著...
THEN返上水補習,發生左件攪笑野...
去時站巴士270,見到有個呀太同個男人好好傾,
之後又有個呀太上來,原來佢地識既,又係度傾...落車啦,
又同我一齊落車,仲一齊搭LIFT...
當我補完個半鐘習後,入LIFT時,又見到求先其中一個呀太,
落多兩層,求先撞到既另一個呀太又入LIFT喎...
我行去搭車,又同那個呀太一齊搭喎...嘩,駛唔駛咁0岩呀...
所以我望下佢,佢又望下我...HAAA...我就向佢笑左笑,
佢又向番我笑喎,HAAA...好攪笑呀~~
正所謂"一日笑一笑,世界好美妙"呀嘛...哈哈~~

返到HALL,就溫CECI...
之後就繼續睇埋本小說聖經,
終於都睇哂啦...睇到我勁想喊呀...
耶穌實在太慘啦...太辛苦啦,為咩喎...都係為我地咋,
D人咁衰,門徒又出賣佢,又唔認佢...但係佢都原諒哂D人,
佢實在係太好啦...見到佢被釘十架,個心好痛呀,
之前睇聖經都冇咁既感覺既,可能因為這本書以小說形式寫,
令我更加投入啦...門徒門好多都係徇道而死,
但係我相信佢地心中係充滿主的榮耀,
因為為神而受逼迫的,天國就屬於他們了.

好感觸呀!!!!
我都好想在每一件事上都可以榮耀神呀!!

>>March 13, 2004 at 10:12:41 AM GMT+8

2004 年 3 月 9 日 星期二 【晴】

其實可以同你傾email,真係好開心,
起碼我會feel到我地仲係好朋友,
仲會關心同支持對方...

本來諗住一朝早起身靈修...不過都係衰左...
成差唔多十一點先起...仲要去print notes上堂...
今日都係一路直啋去到夜晚11點...
上psy尾聲時,有個姓余(係這個姓先記得咋...嘿...)既社工帶左個智障人氐來,
講左好多關於扶康會既野...講真,如果我有時間既話我會參加架,
不過真係太忙啦,所以只係留左個email,收下佢地既資訊囉...
then返hall先,去toilet期間無lala聽到有人入來間房,
仲係男仔聲,初頭諗住係自閉峯...但係聽真d又唔係喎!!
就開始有d驚啦...小心翼翼咁走出去...哦...
原來係呀嫺既兩個同學仔,個女仔(哈,我認得佢,仲記得佢個名添呀~~幾勁)
唔舒服,所以個男朋友(我都認得,不過唔記得個名)帶佢上來休息下,
真係嚇死呀...haaa...

之後走去見patricia for self learning...
"孤清"...oh...人地個個都兩個人去見...得我一個...
不過好彩都傾得幾開心,佢都有睇過pygmalion架,
討論左一陣,都幾好,之後又講左d弱智人士既野...(唔記得點解會講起...ha)
之後去左oee幫kiki打字,同埋print rp notes,
上完丕盛之後呢,又要上素描班啦~
今次係畫一塊布,鋪左0係張椅上面...
都幾難畫,ha,我畫得好快呀,可以0係限時內畫哂,
不過當呀蛇坐0係我個位度睇時就話::咦喂,少左咁多野既..."
haaa.....梗係啦,唔係點會畫得咁快喎...(成班得我畫哂...ha)
p:~~好懶添~~

之後就去左排戲啦,去到時呀皮都係帶緊佢地玩遊戲,
之後那round就係我-"食蕉",卓--"大肚婆",澤民--"老公",ray--"老坑",pur--"小妹妹"
haaa>...都係呀卓在lift要生仔,咁我就好無奈咁想幫佢接生...
好白痴呀...不過都冇咩特別事件發生...ar...
真正綵排啦,呀皮教左我地d走位野,原來我同澤民搶刀那幕好攪笑...
好似打武俠片咁呀~跟住澤民仲要碌地唱"屎...我係一doc屎..."
haaa...好白痴呀!!!爆笑,之後又講左d服飾,就去食飯啦~
比呀皮話我d表情好攪笑添...
真係好攪笑咩.........咩喎...哼...
叫左楊枝金露,雖然比人瓜分左,ha,但係都係咁好味,正呀~~
話咁快食完就閃luu...同呀ray同pur返hall,
仲要洗衫喎...oh no...真糟糕...

PS:今日起身時個頭爆痛呀...嗚...
一定係因為昨日執屋時,咁我張床係高腳床,
但係個高度又矮過我喎,所以攪到我要成日嗚底身,
成日我嗚底執完野起番上來時呢,就撞頭啦...
慘也...一日已經撞左成五,六次啦...嗚嗚...哀哉...

>>March 10, 2004 at 5:15:39 PM GMT+8

2004 年 3 月 8 日 星期一 【晴】

真糟糕...我已經好耐冇打日記啦...諗下先...

講到第二日去CAMP,夜晚呀卓無LALA話想去個亭睇夜境(已經1點幾2點...)
結果我又八卦及無聊,所以就去啦~
呀皮同呀卓不停係前面係咁傾,我又眼訓喎,所以搞到IVAN好似好悶咁,
P:...特別係坐0係個亭前既樓梯時,這個情況就更嚴重啦,
我就好似啞左咁...唔知呢...無LALA自閉左,
找唔到話題插線,又眼訓呢...唉...早知唔去啦...有D咁既感覺...
番來遇到AMENDA,又吹左陣,仲攪到要坐地下傾...嘿...
返到去一望個鐘...OH NO...已經三點半啦...

第三日:
朝早有靈修時間,我地又上左個亭度啦,
真係好舒服呀,D風吹住好舒服呀~~亦都好有FEEL,
話咁快查完就返去聽道,真係好眼訓...訓得實在係太少啦...
無計啦...原諒我吧...
但係祈禱時,竟然比我見到異象...
我見到前面好朦,跟住有好多光點移近我,
真係好光好光,看清楚,原來係一個個發光既天使仔,
好靚呀~~個感覺好舒服~~唔知神係想比我d咩啓示呢?
之後寫左封信比神...haaa...寫左好多野呀~
走luu...嗚...有d唔開心...因為我做左一個摺人,
呀卓同呀皮係度傾計,zipzip又同呀菌傾,
呀wing同amenda走左去前,另外d一pair pair啦...咁,
我就一個人自己係咁行...唉...算吧啦...
明明ivan又話一齊搭車,點知又跟左佢地去食糖水喎...
唉算,自己搭啦,同水哥傾左少少關於"孤清"既野...好...我要睇化d先...

之後既幾日..就係係咁執野...因為搬屋...
星期二終於都搬左luu,d搬屋人真係利害,
一個人可以枱起成張床架!!幾pro呀,
話咁快就搬哂d野走啦...
不過,,,新屋d野真係有排執啦...唉...點算呢...

今日呀銘同樂恒都來幫手搬,好似好耐有見過樂恒啦,
型左好多...haaa...後來歷恒又來幫手砌床,
我開始發覺佢地已經到左適婚年齡啦...
但係我...oh no...唉算.
整個下午都執間房...其實今次搬屋我最大既得著就係...
哈...終於自己有一間房啦...~~
夜晚又返hall啦,勁做份lang既self-learning呀,
我就做份book report---pygmalion...um...你知點解既~

好累呀!!

>>March 10, 2004 at 4:47:31 PM GMT+8

2004 年 3 月 7 日 星期日 【晴】

三月五日至七日,CSU改選營既大日子~~YEAH~
冇錯,就係比我地去確定我地既事奉方向既CAMP啦~
0係個CAMP度真係認清左好多野,
了解神更多,亦了解自己對事奉既看法更多,
所以,這個CAMP係成功既!!

第一日…
以興奮的心情期待著改選營的來臨,
縱然之前AMENDA已經跟我說了這個CAMP並沒有甚麼GAME,
但我的心境依然不能平靜,總覺得會得著些甚麼…
上下午的堂匆匆的就過去,不過…還是要題一題…

上CECI堂…睇左齣鬧劇…肥妹真係慘…
clients係好麻煩既kelvin,好無奈既gloria,好白厭既呀b同傻下傻下既娟娟…
雖然好混亂,不過好攪笑…
但係都唔及derek演既cool呀爸搞笑…佢0個句:”咁人地叫你去死你唔去死?”
真係夠哂經典…
呀倩同大car生日…heaveni真係忙死左…又買哂禮物,蛋糕,仲要比驚喜佢地,
ha,希望我幫到你少少忙啦~睇到你真係好為得朋友~
上maypoon堂…真係唔知點解會咁眼訓…真係頂…唔順…
仲無lala比佢問問題…搞到我答左佢:”I have no idea…”嘿…

終於見到了負離子了的呀皮…haaa…他已經不再叫伍家皮了…
因為…他已經變了做”負離皮”啦,哈哈….
坐上旅遊巴,一看…um…大概知道有甚麼一年級生去,
大部份都認識的,相處也不錯,想著若與他們一起上莊都會幾好,
不過…還是去完camp先決定…
跟呀卓坐…真的很累,所以就想睡一睡…
可是…他們實在是太糟…啦…特別是city…時不時大叫…
真糟糕…到了元朗…他們又起哄了…oh no…
原來是看見了一個名為的傢伙…
那人擁有負離子的及肩髮,樣子…haaa…爆似呀皮…
結果…呀皮終於有英文名子了…haaa…

分組,freshman得我同ivan,組長是舊生jojo,
改選委呀wing同amenda,仲有職員tracy同呀john,
個組合都幾好喎~
玩遊戲…輸了…算吧啦,誰叫我們天生殘缺,位置欠佳…
分房時發生了件攪笑的小插曲,
因為渡假村安排錯了房間給我們,所以男子房不夠床,
city同ivan就走去訓衣櫃…haaa…”衣櫃裡的男人”?發傻呀…
夜晚小組分享都很開心,因為傾了很多,
也對組員有初步的認識,(雖然很多也非常認識…嘿…)
覺得jojo帶得幾好~
ha…12點多就睡了,對哦,早睡早起精神好嘛~
很期待…

第二日
是本層第三個早起的人…haaa…對哦,我可要整理一下眼耳口鼻…
去吃早餐,收獲也不錯,都ok飽,之後就是分組靈修的時間,
我們組去了一個公園靈修,首先一起唱聖詩(極喜歡營刊,因為有很多好多聖詩)
之後各自靈修再分享.我們看的是出埃及記,神呼召摩西的情況…
感想:”縱然神顯現去呼召摩西帶領以色列人出埃及,可是摩西卻沒有信心,
從而多番推卻神的旨意,但神卻十分體諒人的軟弱,從而賜摩西權柄,讓摩西知道,
神會與他同在,使他得勝,而摩西也十分順從神,最後拯救了以色列人.其實我們跟摩西一樣,有軟弱的地方,但我們卻要學他的順從,並且藉著信心去回應神對我們的呼召!”
之後分享,與及畫畫時間…就是我們畫出與神的關係歷程表,
回想起來,我與神的關係很多時也會大起大跌,
發覺到自己有苦難時才倚靠神,其他時間就不理他…
其實真的很過份呢…但神對我很好…真的很好…
每當我遠離祂時,祂也會藉著一些事件使我返教會,
或做其他事親近祂,回到祂身邊...
不過最近已經好了很多,與神的關係也OK穩定,
所以也很開心呀~~

食飯了…很肚餓呢…吃飽飽之後…就是全部人聚集的時間,
看看老鬼們的上莊贈言,又唱唱詩,oh!!團歌,正!!
"here I am, Lord, is it I Lord?
I have heard your calling in the night.
I will go, Lord, if you lead me,
I will hold your people in my heart"
爆好feel…又聽聽華欣講道(忘了他的姓…ha)也講得很好…
可是…我呀…可能是飯氣攻心嘛…
分組想全年大計…方向,目標及活動…..嘩…只有一小時…
不過我們也大概想到一些…希望改選委別掉…因為可能對將來有用…嘛~
呀卓他們那組真勁…竟然交白卷…p:…
之後又是食飯的時間了…haaa…還食雪條呢~~
我的雪條棍可以變色的哦!!又可以吹,haaa…白痴呀~
返到hall,就是分組查經時間了,
所有freshman同組,由trista帶查經,就是列上:19:1-18,
即是以利亞比神所呼召,接著被人追殺後的一段與神的事件…
感想:
以利亞被人追殺,其實他把不滿發在神的身上,
神問了他兩次他在做甚麼,他也表示他的不滿,
他只看到了眼前尚未成功的成果,卻看不見神長遠的計劃,
其實我們應該擁有盼望,或許現況不好,
可是也要憑著信心去宣告,神會祝福我們.
神在我們身上也作了完全的計劃,
使萬事互相效力,我們也要順從祂的旨意,
因為那必是美善的.
等候神也一重要功課,萬事皆有其時,
以利亞也等了四十畫夜才得著神的回應,
不要心急,要知道神是聆聽禱告的神,他會在適當的時候給適當的回應.

之後就返房小組分享,分享了在這個營裡學到的,
得到的…感覺很好…也知道了上莊雖然會很辛苦,
但會經歷神很多很多…對哦,我也想,
不過我知道,要事奉,一定要與神建立緊密的關係,
所以我要立志每天靈修,多親近神,yeah~我要努力呀!!
正當我興高采烈地想著上莊之際…我做了一個錯誤的決定…
不過這個決定也令我知道了自己的問題吧…

好眼訓呀…聽日再打過…呵…欠…
zzZZZ…

>>March 8, 2004 at 4:33:54 PM GMT+8

2004 年 3 月 2 日 星期二 【晴】

OK啦,一個星期"特別"既經歷,
haaa...太長就真係唔好啦,不過幾日都唔錯~p:...

朝早起身溫左陣social research,但係頭暈...
之後上psy...then同rita撐枱腳,成日都食包呀...
天氣咁凍,食d暖笠笠既野好似好d喎~~
下次我地去hall 丁d熱辣辣既湯飲下啦~~
連上四堂...有d頹添...之後就去上素描...
上之前傾左兩個電話...
第一個電話就...你竟然見到vision...不過咁恐怖...
如果發生點算...希望唔好發生啦...不過...你呀~~um...he~
第二個電話...oh...早知唔同你講啦,都話你會笑我架啦...
仲笑咁耐...同埋用把咁既死人聲笑我...死變態人...太可惡啦...
又八卦到死...哼...後悔添...p:
素描班,haaa...呀蛇話我畫得好呀,yeah!~~
仲話遲d有個畫展,有機會可以展出添boo!~~勁爆開心~

then就去練drama啦,呀皮同我地玩左d games開始,
之後casting,結果我做左個好cool,好冷漠,仲要係不擇手段既家姐,
haaa...好呀,(不過要戒左d hip hop feel先得...嘿嘿...)
要同呀卓,呀ray同澤文好好一齊加油先得~~
其實...我明既...p~
希望打左針會好d啦~~haaa~~

>>March 4, 2004 at 4:51:51 PM GMT+8

2004 年 3 月 1 日 星期一 【晴】

今日…發生左件神蹟…
放學之後我地第六組組聚,去到時先知原來係查經,
係VEGGY帶,查以賽亞書40章37-41節…
夜晚返到HALL…久別既RC SEND左個SMS比我…
竟然係以賽亞書40章41節…
"那等候耶和華的,必重新得力,就如鷹般展翅上騰"
我一看,即時嚇呆了…他根本不知道我會查經,
更不會知道我會查甚麼經文…但竟然完全吻合…
我知道…這是神要告訴我的話!!
因為查完經,所以我既理解係>>
我應該充滿盼望地等候神的旨意,並以祈禱來尋求,
如此,我就會重新得力;要把一切交予神,祂就會使我得著自由和釋放,
如鷹般在天上翱翔~
爆開心呀~得到神咁真確既回應~~對呀,我一定會努力架~
因為我知道神與我同在~~

今日怪夢:
一開始,我見到我TOILETMATE小小著左件黃色好靚既晚裝在跳舞,
原來佢係參加個比賽,而佢既對手係一隊管弦樂團,而指揮…竟然係教會既仕宏…
跟住小小WIN左喎,仕宏同佢既部下(唔知點解FEEL到係部下)就0係度喊喎,
跟住佢地既主人—一個好似伯爵既人出現,0係度罵佢地喎,
跟住仲罰佢地用個好平既飯鏟來”筆”D水由個坑渠到個膠箱度,
結果佢地就成班人”MOU”0係個坑渠邊係咁”筆”…
之後就見到MATTHEW經過,仲拿住本成3米高,2米濶既聖經,
原來那係老人版聖經,裡面D字超爆大架喎…跟住我就笑佢啦,
點知比伯爵見到…跟住佢就罰我啦,要我坐0係一樓既窗台上,
又係拿個好平既飯鏟來”筆”水…點知”筆筆”下,突然有個呀伯走過來,
話:”我要定你啦”…(救命呀…)跟住我就話:”你痴線架!”
就0係這個時候,我就見到有記者0係對面馬路影我相喎!!...
HAAA…個夢就係咁啦…(滴汗…P:)

>>March 4, 2004 at 4:13:19 PM GMT+8

2004 年 2 月 29 日 星期日 【晴】

一早起左身就諗住去RL7做埋份LANG,
點知做到一半,佩珊就打電話來...P:
我又唔記得左約左佢地去查經...HA,
所以份野仲未做哂...就去左啦...去左...
買左個燒雞比食,哈,都幾正喎,之後就去左HALL一樓度查經...
食食下雞比,無啦啦有班外國人來HALL參觀...
仲打開左度門...結果我就一路食住雞比,一路同佢地SAY HI...嘿嘿...

查經查到一樣野...係好重要既訊息...
就係耶穌0係為我地釘死0係十字架上時,就已經為我地過去,現在和將來既罪都一拼赦免,
而我們相信他,我們的罪就會被一同釘在十字架上,所以我們已經是新造的人了~
對哦...人總會有軟弱的時候,但最緊要係知錯能改,YEAH!!!

跟住下午呀RAY陪我去沙田買傢私,
話咁快就落左訂啦,跟住又食雪糕,又食下午茶...唉...
計埋佢都請我食左好多次野食LUU...好唔好意思添...但係佢又唔肯收返錢...
雖然識左呀RAY唔係好耐,但覺得佢都係一個幾好的大哥哥呢...

夜晚返團契,"R"爆你個頭聖經問答比賽,
HA,我0個組WIN左呀~都係多得有D讀宗哲既弟兄姐妹,
HAAA,有好多朱古力呀~不過奇怪啦,金玉唔係負責架咩…
但係唔見佢喎…um…
之後成班人去食飯…um…比matthew同葉仔講左d野激親,
有d唔開心添…amenda陪我去左第二度食,仲join埋另一gp團契人,
所以都食得幾開心~行返hall時同amenda講好多野…
也知道左好多野…可以話…有d安心吧~

>>March 3, 2004 at 5:32:36 PM GMT+8