Showhappy.net - Members diary

日記

日記主簡介

<< 26 27 28 29 30 31 32 33 34 35 36 37 38 39 40 41 42 43 44 45 46 47 >>

2003 年 11 月 14 日星期五【晴】

今日一起身就不停0係度笑,
笑呢,就唔係因為我今日起身冇肚痛,
而係因為發左個怪夢...HAAA...
一諗起就0係度笑,真係發傻呀!!

下午幫人補完習後,
就聽師母講去左那間藥行度睇中醫,
調理下個身子,
我諗會靚番D掛,
但係D藥仲苦過廿四味,
好彩我這些經過長期而嚴格既訓練,
飲廿四味好似飲水咁0者,
如果唔係?真係苦死我~

跟住就好開心啦,
因為約左小菲出來傾計,
食下野咁,傾下大家既近況啦,
真係好呀~~
有時真係覺得中學既好朋友係好難得,
一定要好好珍惜,
多D約出來食下野,傾下計咁,
因為大個左,有時真係難左識D好深入,
真正既朋友,因為好多時識那些都只係好表面,
特別係將來出來做野時啦,
好彩現在入左BU SOWK,
識到好多真心既朋友,真係好呀~~
小菲,你要加油呀,
有咩開心唔開心都可以多D找我架,
你知啦,我成日都十下十下,
所以就算好忙既時候我都可能會唔係好忙,
...?因為我K K地型架嘛~~(之前比K型馬傳染至今...)

李繼雄事件...
我好白痴呀...
算吧啦,你地都係叫我PIGSA啦,
都抵叫架啦,唉...

攪笑對話:
夜晚睇到一個關於碧咸既節目喎,
我：點解ｄ女仔鐘意碧咸呢？
細姑姐：因為佢靚仔，有型，又顧家囉
我：咁點解ｄ男仔鐘意碧咸呢？
細姑姐：因為佢球技精湛囉
我：女麻，你點解鐘意碧咸呀？
女麻：因為佢唔反骨
我：．．．
細姑姐：你知唔知點解ｄ呀伯鐘意碧咸？
我：．．．？
細姑姐：因為佢怕老婆，ｄ呀伯身同感受嘛～
我：．．．

每日白痴=今日怪夢...
因為個夢真係好白痴架...
個夢應該好長架,但係我只係記得兩PART...
第一part...
因為要去星加坡交流團喎,所以我,金玉,mandy同rita就上左隻船度,
但係zipzip遲到,所以我地就係個舢舨度等佢,
點知突然之間有d妖怪出現,
我地就變身做美少女戰士喎,仲同佢地打起來,
但係d怪物好勁喎,e個時候,zipzip出現啦,
佢企0係條電燈柱度,原來佢係禮服幪面俠呀,
但係佢一飛左支玫瑰落地呢,就比隻妖怪打敗左啦,
夢裡既我就心諗:"佢平時好勁架,點解今日咁快敗架呢?"
e個時候,lung kit突然跑出來爆大獲喎,
佢話:"zipzip比黑暗女王收買左呀!"
跟住我又諗:"唔怪得佢咁快輸啦"
但係mandy突然講喎:"唔係呀,zipzip係比人控制左"
.................................
第二part喎...
我地成班好多同學呢,就圍住張枱座,
glora呢,唔知點解比人放左個晶片入腦,
咁有個醫生呢,就話要即刻幫佢拿番張晶片出來,
所以就幫佢開腦...
一開左個腦,拿左個腦出來之後,
我就見到佢個腦裡面唔知點解有個窿,
個窿就好似d洗手盤0個窿咁喎,
跟住個醫生就0係佢個頭度攞左舊透明長立方體出來,
點知佢唔小心整爛左喎,我就好緊張咁問,
"整爛左點算呀?"個醫生就話:"哦,爛左都冇所謂既..."
跟住唔知點解我又意識到呢,0個舊立方體呢,
係個腦諗野既時候用來傳電架喎,
我仲見到polly合埋左隻眼唔忍心睇喎,
跟住個醫生拿左塊晶片出來,就放番個腦入去,
glora咁就醒番啦喎,
我就問佢:"你覺得點呀?"glora:"冇呀,只係覺得個腦比人整過囉..."
..............................
...?!!!!!
OH,zipzip同glora,唔好嬲我呀,
發夢既野就,我都唔想架~~haaa...

ｓａｎａｉ～

>>November 15, 2003 at 3:56:22 PM GMT+8

2003 年 11 月 14 日星期五【晴】

一起身...又肚痛啦,
今次我死啦,仲記得半年前有一日,
我無lala中暑喎,仲發燒,
之後就朝朝早起身肚痛,
痛左幾日之後去睇醫生,
原來係腸胃炎,總共痛左我成個星期呀...
點算呀......莫非又來?以前明明一年一次架,
死啦,而家半年一次添...點算呀...嗚...

肚痛完番mark li堂...(突然覺得自己好勤力添~呵呵~)
真係...嚇死我咩,
我地班43個人,得7個番...
成個班房得11人...
真係太冷清,太唔比面啦,
但係markli都好似冇咩點,書照講...得咁慢~

d人去哂邊呢...?
一去RL7就現哂形,
原來個個都趕份mini project,
仲記得上個星期五又係因為趕ceci份essay,
而勁多人冇番markli...
oh,佢實在太慘呀~~

下午好搞笑喎,
上完socio tutor,無lala跟左tommy,simpson佢地去左hall個common rm,
成班人睇電視,仲要一開頭睇教育電視,
呀邦仲唔知跳d咩舞,真係笑死人,
後來見到吳彥祖同古天樂既戲,
細car又好鐘意喎,咁就睇左陣,
跟住無lala睇到一半又走啦...?!!
結果就自己去左圖書館...真係無厘頭...
就無厘頭到好似發夢咁...?!

芬芳,你真好,請我食野...
上rita堂,聽完佢講d human right,
社會上某d唔平等既對待,
某一d人係幾咁需要我地協助時,
我個心就突然好火熱咁,
立志將來一定要做macro 既social work,
因為我要為人們爭取應有既權利,
唔可以再比那些咁殘忍,咁慘,咁唔公平既事發生,
呀~~~心中頓時充滿熱誠呀!!!!!

夜晚...終於都番歸啦~~~
啦啦啦~~~
哈,現在仲燒左隻碟,
haaa...幾經辛苦,終於都download到徐志摩,
人間四月天裡面既那兩首歌啦,
勁爆開心呀~~~徐志摩.......~~
不停製造番梘...

每日白痴:
下午明明有件白痴野架...
仲白痴到polly不停滴汗...架喎...
唔制呀,唔記得左添...
嗚...記憶力開始衰退...

SANAI....?!!!!!

>>November 14, 2003 at 5:01:15 PM GMT+8

2003 年 11 月 12 日星期三【晴】

今日勁慘,一起身就肚痛啦...
嗚...痛左我成兩個鐘呀,仲要係想上課前痛喎,
搞到我冇去上RP...本來諗住快D痛完就去上堂啦,
因為就算遲左快樂人都會計attend架嘛...
唉,又冇左兩堂,真係唔開心呀...

肚痛完又係努力既時候啦,
所以我就走左去RL7整埋個MINI PROJECT,
本來都幾順利,但係我精心download既勁好聽midi竟然play唔到...
唔知點解做唔到個background music,唉...
不過算啦,總算都做左並upload埋,
就係:這裡啦
得閒就來睇下啦,可能會覺得好普通,
但係用html整係咁上下架啦~~haaaa

下午就努力地做個sowk present我負責那part,
哈哈...唔肚痛既日子真係好,
所以做功課都快d既,
haaa...我已經搞掂左啦,
所以就要開始寫劇本啦...um...有d難度呀...

題外話:
平時起身如果有發夢既話呢,
通常我都會記得幾清楚,
但係唔知點解今日呢,
我明明記得發過夢架,但係只記得我好似行過隨道,
但係就咩都唔記得啦,
個感覺就好似係d失左憶既人咁,
唔多記得之前發生過既事咁,
個感覺好差,又好恐怖呀...
不過...今朝這個感覺好快就比肚痛既事件disturb左啦,
所以...原來肚痛都係有佢既存在價值既...嘿嘿...

NO SANAI !!!!!

>>November 13, 2003 at 9:32:01 AM GMT+8

2003 年 11 月 12 日星期三【晴】

psy test 終於來臨啦...
嗚呼哀哉...唉...
勁爆唔開心呀,考得勁差呀,
發覺自己真係天資不足,
溫書既時間同成績係唔成正比架...
即刻冇MOOD...唉...
唉...唉...唯有下次再努力過啦...

下午勁整MINI PROJECT, 都OK啦,
但係UPLOAD就唔係咁OK啦,
唔知點解個BACKGROUND冇左...
點解會咁架??未UPLOAD前明明有BACKGROUND架...
唔制呀...整得咁靚又唔得...
聽日一定要搞過先...

查經班...
我帶詩呀今日,
就係唱一首十分鐘意既歌,
"偶然遇上的驚喜"
記得在林以諾牧師的TALK聽過,
就係最後有勁多人落去決定信主時,
全場企哂起身唱那首歌呀,幾有FEEL呀~~~

去返工啦,今日同埋朱LING番,
希望佢習慣啦,份工都幾好玩既其實,
同埋同D FRIEND一齊做都幾好,
一齊傾下計玩下咁,
...咁當然唔好成日玩到出左馬路啦...嘿嘿...
...唔准叫我PIG SA呀...哼...
返到HALL仲要拉BETHNY傾左陣SOWK PROJECT,
終於都知道我要做咩啦,就係INTRODUCTION同DEFINITION啦,
仲有寫劇本,真係開心...
好夜啦...訓啦...Z Z Z.....

sanai

>>November 12, 2003 at 4:51:35 PM GMT+8

2003 年 11 月 10 日星期一【晴】

oh...一睇個人數統計...
好彩仲有四位捧場客...
如果冇既話...可能我就未必會日日寫日記啦,
因為講真都要花幾多時間...
不過唔緊要啦,HAA...
都好多謝你地既支持呀,
HAAA>...

今日天氣轉涼呀...
凍死我啦...
所以就著多件風褸~
今朝SOWK堂有兩組present,
雖然第一組時間長左d,
但係我都覺得你地present得好好,
第二組個劇真係好攪笑...haaa...
但係我就唔係好開心啦...
唉...事緣係咁既...
我地組每次開會都揀星期一3:30,
但係我要上psy tutor架嘛,
所以每次開會我都去唔到,
佢地事後又冇同我講番開會講d咩喎,
到就來要present啦,先話我知我要寫劇本同負責solution喎,
咁但係solution本身已有金玉同意粉做,
佢地又已經plan好要做咩,根本唔需我handle那part,
而我本身一開始講話要負責那part definition呢,
就比左另一個同學做喎...咁即係點呢?
我覺得我好似唔係屬於那組咁囉...
唔開心呀.......
不過後來芬芳都同我講番,
唉,但係其實我現在都唔知點....唉....

下午就去左library溫書,
變左個人肉發聲讀書器,
嗱,zipzip,我咁好,
點都應該請我食番餐啦~
不過都好既,講左次d課文,
自己都熟左~但係rita實在太衰啦,
話:"elsa,你唔好考唔到7字頭呀...(80分滿分)"
..比壓力我...我實唔得架喎...嗚...
雖然我溫左耐,但係唔係溫左好多架咋...

pe堂,寒風...~~~~~
因為懶,所以就咁著住條pe褲就返hall...
哈,都唔係好凍0者~~~我怎能讓寒風給打倒!!!
金玉,你真係好啦,借本psy比我...一陣~~
溫書真係好過溫copy既書呀...
又冇彩色,d圖又唔清楚,
真係後悔呀,我應該買psy,影socio架嘛...
本socio買左,但係都冇點用過,反而d psy notes就尺到花哂啦...
唉...又係一個白痴的例證...

題外話:
一轉涼,心中又充滿了那首詩...
"怎能讓寒風給打倒,
怎能讓哀號專美?
心中熾熱的火炎,
衝出冰封的天.

凝看著遠前的路,
遙看著星塵,
點點的灑於眼前,
光照我當行之路"

我總相信神會為我安排最好的道路,
最適合我的道路,
我不用害怕,因為祂會看顧我,
直到永遠~~yeah~~~

sanai~~

>>November 11, 2003 at 2:12:45 PM GMT+8

2003 年 11 月 9 日星期日【晴】

一朝早呢,就明白到一個字:"人夾人緣"既道理...
一入LIFT,就見到班度一個男仔,
佢好開心咁同其他幾個女仔好開心咁傾緊計喎,
聽起來好似冇咩出奇...
但奇就奇在佢一直同我地班既人都比較少傾計...
講真,番學咁耐我都好少見佢笑...
皆因:"我比較鐘意靜---",
所以見到咁既情境呢,
就明白咩叫做人夾人緣囉...

今日發生過D咩事呢...
OH...唔記得左添...
冇計啦,求先成晚都勁溫PSY...
所以只係記得D PSY CONCEPT,
其他野呢就...唔記得LUU...

今日怪夢:
我個夢有兩PART架喎,
第一PART呢,就係我自己一個走在一個好白色既走廊度,
但係又好似一條橋咁,因為我可以睇到兩邊既境架喎..
咁出面就剛剛落完雨,
我就見到勁多彩虹喎,整個天空都係,
跟住出面白色既樓就比彩虹染成彩色...
我一路行,一路望,真係好靚好靚...
點知行行下,比我見到...
RAYMOND喎,佢問我:"你那邊點呀?"
"我見到好多彩虹呀..."
跟住我望出去,但係就白茫茫一片喎...
???
第二PART夢呢,真係...好鬼恐怖...
我見到自己在一條走廊度行...
但係條走廊就頗暗啦,
跟住隻手呢,就突然好酸一下(個FEEL就好似昨早返教會比朱LING扭手咁)
跟住呢,嚇死我,見到自己兩隻手都變左做枯手,
D血管露哂出來喎,跟住志偉行過來,
我望一望佢啦,跟住望下自己隻手,
有一隻又變番正常啦喎,點知又突然隻手一酸,
我就見住隻手變做枯手喎,咁志偉就話:"正常啦,我都係咁..."
跟住佢就伸兩隻枯手出來...
...
好恐怖呀!!!!

每日白痴:
這件事係夜晚發生既...
咁呀嫺沖涼啦,文傑打電話來找佢喎,
咁佢叫我幫佢聽啦...
本來我想講:"我係ELSA"
點知...我一聽電話,
ELSA:"喂?"
文:"你0係邊呀?"
ELSA:我係呀嫺呀...(OH...講錯添)
文:"我現在落來啦"
ELSA:"我唔係呀嫺呀...我係ELSA"
.........好白痴呀,,,我本來想講我係ELSA架,
但係講錯左喎,
但係佢都唔知喎...HAAA.....

白痴的...
SANAI

>>November 10, 2003 at 3:55:54 PM GMT+8

2003 年 11 月 8 日星期六【晴】

今日呢,真係悲喜交集...
朝早就當然係悲啦...
唉,每個星期返教會都比家人反對,
又罵我不孝...嗚...
我一個星期五日住HALL,所以就只有星期五晚至六晚在家,
其實我已經推哂星期六晚的事,等我可以多D時間陪家人架啦,
但係佢地都唔睇諒我既...
又話我星期日只識返教會,唔理屋企,
咁但係我都陪左兩日啦,咁比一日我返教會都得掛...
唉...總之就係罵啦...
各位弟兄姐妹,見到就幫我代下禱啦...唉...

跟住返教會,就當然係喜啦,
因為最近都好忙,少左時間同神接觸,
所以返教會唱下詩,聽下道就會好開心啦~~
跟住又同D FRIEND吹下水,
食下野,哈~~

下午幫呀軒補習,
見到佢MATHS進步得好快,
真係老懷安慰啦...
希望佢KEEP住啦~~

補完習就趕去銅鑼灣開工,
點知早左到...
今日好少人呀,計埋李議員都係得四個...
洗左四棟樓,都唔太辛苦,
但係帶住頂帽就有d熱...
走那時發生左件好險事...
咁我諗住整古zipzip同呀華啦,
咁就踩佢地鞋踭喎(都係tommy係我form7時踩得我多...)
就係咁唔知點...就差d出左馬路比的士撞死啦...
真係好險呀...但係之後我又諗喎,
如果我真係比車撞死左,
佢地一定會諗:" oh...我害死左elsa...嗚..."
點知我返hall同番呀嫺講時,佢竟然話:"撞死都好,等elsa以後唔駛再咁白痴..."
嗚...唔開心呀...

>>November 9, 2003 at 4:19:37 PM GMT+8

2003 年 11 月 7 日星期五【晴】

天呀...D人話靚樣X智慧係=1...
咁但係點解...我又唔靚又白痴架...
個天真係唔公平...嗚...

不過好彩,我唔靚得來遠睇都幾好,
白痴得來每日都過得幾開心...
所以就算啦,哈哈...

今朝起身,食左D感冒藥都好番D,
去左大姑姐度call PIZZA食,
coco真係勁爆得意,見到我地條尾勁擺,
跟住又痴住我玩~~
唉...仲記得n年前我都有養狗...
form 2時啦,屋企養左隻狗叫"熊貓",
養到好大啦,跟住佢出左去識左幾個男朋友,
返來就大左肚,仲生左五隻狗仔...
一個深啡,兩隻淺啡,一隻黑,一隻斑點...
但係屋企人話太多養唔哂,
所以只係揀左隻公既來養,其他就比人...
隻狗叫"哈利",但係三個幾月後,
哈利就病左,醫生話唔可以比佢飲水,
但係佢太口渴啦,走左去toilet飲左d水,
夜晚就死左啦,我喊左成個星期呀,
自始都冇養狗啦,唉...太傷心啦...

夜晚,都係溫下psy咁啦,
對呀對呀,我要以rita做目標...
哈哈,佢上次實在太勁啦...我都要加把勁先得...

題外話:
從呀佳既語氣...唉,其實我唔係唔想返教會,
幫教會做野,而係真係好忙...
平時住hall,返家既時間已經好少,
只有星期五晚同星期六晚,特別係好多時得星期六晚,
所以真係出唔到來,加上最近經濟結據,
所以就要做多d part time...
唉,其實還有一個問題係...你都知啦,
這也是一個阻礙我返教會既原因...
所以我星期五個小組都唔會點去啦...免得大家唔開心,
我一向都係有那句,講那句,我唔想到時又講左d咩hurt到其他人...
唉...唉...求主幫下我啦...

每日白痴:
就係食藥既問題啦...
咁我感冒喎,昨日開始食藥,就食左d消炎藥啦,
因為喉嚨痛,咁消炎藥就食左兩次,
咁返到家呢,又冇那隻消炎藥喎,就食左d幸福傷風素啦,
咁今朝去左大姑姐度,又冇幸福傷風素喎,
所以就食左d唔知咩傷風藥,加埋d消炎藥,仲有d咳藥喎...
但係全部都唔知咩牌子架喎...嘿嘿...

攪笑事件...
咁我病緊,喉嚨痛嘛,唔當然唔好食煎炸野啦...但係...
grandma:幸蓓,食炸九肚魚啦~
elsa:ma,我喉嚨痛喎...
grandma:食啦食啦...
elsa:下...咁我食一條啦...
**************************
grandma:幸蓓,食水餃落辣先好架~
elsa:但係...我喉嚨痛喎...
grandma:以毒攻毒嘛~
elsa:但係...我驚會啞boo...
結果...
elsa:咁我落少少啦...
***************************
奇積地...哈哈...現在(11點45pm)已經冇喉嚨痛啦~~
哈哈...證明mama理論:"以毒攻毒"係掂架!!!哈哈呵...

sanai~~

>>November 8, 2003 at 3:47:14 PM GMT+8

2003 年 11 月 6 日星期四【晴】

愛沙病重...
愛沙已經奄奄一息,傷勢嚴重,情況危殆,前無去路,後有追兵,九死一生,
死無全屍,身首異處,雖生猶死,死而無憾,死不瞑目,死無葬身之地...啦...
嗚...總之就病啦...唉....哈哈...但係又好似誇張左D...

今朝一早就...當然係同全班極大部份同學一樣,走COMP啦,
無計,因為個個都趕住去print ceci份essay,跟住趕起12點前交嘛,
點知真係唔好彩,RL7死機...咁唯有去library print啦,
好彩最後都趕得到...但係都恐怕唔會高分啦,因為真係全部都吹...唉...
算啦,第一份essay係咁架啦...下一份再努力d啦~~

下午天地堂無聊就去lib啦,
諗住睇下有冇藍色生死戀借...haaa,點知都係冇架,
咁0岩撞到zipzip就去食野啦,
真係作死啦,竟然見到個100%爆似ceci的人出現!!!
太恐怖啦實在...真係爆似,就好似ceci駁左髮加電巻左咁,
佢仲要同我地擦身而過來個大特寫...
一個字:"正..."

上RITA堂,真係好...
所以話呢,我都成日講,
一班學生好唔好,走唔走堂,上堂留唔留心,
真係好睇個professor,
好似RITA咁,我就一定唔會走堂,
仲會好留心,因為真係學到野,佢真係pro~

終於都返家啦,已經一個星期啦,
冇錯,返家真係可以見下d家人,
但係溫書既進度真係會慢左一倍...
因為平時食飯就自己拿拿琳就算,
但同家人食呢,就會慢d...
仲有,在hall真係話溫書就溫,
但係在家呢...一時要食橙,一時要摺衫,
又有電視既引誘....
所以昨日在hall就溫到成課intelligence,
但係今日就只係溫到一半motivation...
雖然都係咁多時間...唉...真係有好有唔好啦...
人...都係唔好咁貪心...

題外話:
今日返家就收到封李嘉誠寄來的信,
叫我24日前回校拿返張會考證書...
唉,話咁快就已經返左浸大2個半月啦,
同以前d同學基本上都冇咩點見,
當然除左呀彪啦...(話時話,我都係唔多鐘意叫你tommy...)
所以呢...就諗返起n年前有個朋友同我講,
人每個階段都會有唔同既朋友,
總要適應過來...咁我問,唔通冇d朋友可以keep住咁好架咩?
唉,,,可能真係好難,除非係有一d定期既聚會咁,
定期都會見到既就好d啦,否則...真係要大家好有心先得...
好似我好想約hazel去行街,睇戲,
約單秀,姚,銘去踏單車,
約小菲,呀沈,小葉去tea,
約黃語嫣去睇concert,
約sheena去打羽毛球,
約豬朋馬友去影相,
約ET旅行團去BBQ,野餐...
但係...唉...

每日白痴:
今日既白痴實在係太普通啦,
所以呢...都係唔講LUU...haaa...

SANAI

>>November 7, 2003 at 4:28:56 PM GMT+8

2003 年 11 月 5 日星期三【晴】

愛沙今日朝早遲左起身O...
所以就走左RP啦...O...其實我都唔想架...
跟住就比番份NOTES ZIPZIP,唉,終於都比番佢啦,真係千山萬水...
跟住諗住番粉嶺啦,真係超級好彩,
行緊去火車站時撞到hifferny(唔識串...o),
"elsa,你reg左科未呀?" "o!!未呀"
真係好彩...所以我就折返去rrs reg 科啦~~
我選左讀PE>SOCIAL DANCE,
PSY(PERSONALITY), RP(1.SEXUALITY AND CHRISTIANS VALUES,2.ROMANCE OF CHINESE AND WESTERN...)
希望多d friend一齊讀,好玩d啦...唔似今個sem...pe得我一個...嗚...

下午就返左粉嶺同家人飲茶,
then就去睇matrix 3,
雖然劇情都頗複雜,但係d特技就真係幾好睇,
但係個女主角最後死左,真係太慘啦...
但係可以死在自己心愛既人既懷抱...總尚算唔錯啦...唉...

返到hall,就要拿拿林交份cece既essay,
但係唔知點網上交喎,真係煩啦...
跟住就要開始努力...溫psy啦,因為下個星期test啦...
d 野又好似比上次難左喎,所以一定要加把勁先得...

題外話:
今日有個人問我喎,點解你自己設左咁多音樂係個電話度既?
首首都係咁,你認得架啦?
其實係咁既...我自己入左七個鈴聲在電話度,
1., 係美少女戰士s個片尾曲來架,係for 所有我冇入的電話同埋唔熟的人.
2.,係bu校歌,係for所有bu既同學
3.,係孖寶泡泡樂打爆機歌,係for家人
4.,係飛天孖寶3打爆機歌,for 教會人
5.,係某個朋友作既歌,係for 某個好朋友...hehe...
6.,係高智能方程式主題曲,for 非同學的男女好友
7.,係for hazel架...不過佢好耐冇電我啦...唉...
就係咁囉...

今日熱點:
唉,下午返來hall時同朱ling傾電話,都有講到那個問題...
sorry呀朱ling,我語氣重左d,但你都知啦,我講親這個問題,
我就會好火...或許你唔認同,但係我認為理虧在佢地,
我說話就是有那句,就說那句,
我認為無必要我明明憎佢地,卻要扮成無事,
我覺得暫時來講,
唯一令我覺得好d既方法係鄙視佢地,
或許別人愛得轟轟烈烈,我不理,
總之就係一句,我鄙視佢地.

每日白痴:
我只想講一句...
"天才與白痴,只是一線之隔..."

sanai

>>November 6, 2003 at 3:14:23 PM GMT+8

<< 26 27 28 29 30 31 32 33 34 35 36 37 38 39 40 41 42 43 44 45 46 47 >>