2004 年 3 月 28 日 星期日 【暴雨】

今日凍左...
一早去左排drama,聽皮叔叔話帶左兩隻cd去,
ha,原來係揀歌比我地兩個人一組來演MTV或者演唱會...
我同呀卓一組...仲要演"第二世"......
唯有扮拿住個結他瘋狂咁跳,0係度開演唱會...
跟住又勁比個咪D觀眾唱喎,最後仲要由椅上跳落來打爛個結他...
HAAA...好攪笑呀!!!!
另外澤民同呀PUR都好攪笑...佢地要唱TWINS...多謝失戀...
HAAA...一開始又扮喊,又拖住手咁,好撫媚咁唱...嘩!!
特別係澤民..真係難頂爆!!!
呀RAY同蛋達唱我太強...
呀RAY竟然自轉360度跳巴蕾舞...AR!!!救命呀!!!
天呀...個game就係咁玩完啦...嘿嘿...一額汗...

排drama啦...我真係好唔掂,一見到澤民,呀唔係,係dickson個...賤樣
(我都唔想咁講...不過...即係話佢做得好..haa)
就忍唔住笑...實在係太好笑啦...攪到我要ng...
點算呀!!!唔通真係要佢影幅相比我日日望住先得??!!!!
跟住呀卓要話呀ray...唔係,係少文"個頭薯d,塊臉肥d........"一串野時候...
haaa...呀卓真係要多多練習唔好笑啦...等我地一齊對住佢地幅吧啦...haaa...
之後食飯,五個人三碟R真係剛剛好...記住先...

then去左RL7諗住做埋份LANG PROPOSAL...
不過MAYNBO既電話就返左HALL...OH...
不過都係冇...P:~唔好意思~幫唔到你~
then就冇做lang luu...諗住訓一陣啦...
點知一訓就訓左兩個鐘...ar...then就返團契啦~
經過RL7見到大舊師兄喎,佢真係好好人呀我覺得,
同埋...HAAA...佢真係好似蘇永康呀...
一定要聽下佢唱歌先!!!!

去到團契,有分享番上次既探訪老人院,
又D相睇下,都好開心~
分組討論,對哦...信主的婆婆真係積極好多去面對人生架喎,
但係其他婆婆就好似好灰,覺得自己冇用咁...
um!!一定要廣傳福音先得!!
之後就係新莊加改選委食飯,
去左聯福樓~
香港浸會大學基督徒團契新莊:
elsa,呀卓,zipzip,水哥,珊珊,vigi,eva,ivan.
yeah!~~覺得這班人都好好,應該會合得來,
大家相處都幾融洽,希望大家都有顆合一既心去事奉啦~~


>>March 30, 2004 at 4:15:54 PM GMT+8

2004 年 3 月 27 日 星期六 【晴】

一起身就肚痛...唔係化...又痛?!!唔好玩啦...
遲早好似我幾日前發既夢咁架啦...唉...........

返教會...要記住呀皮昨日ICQ講既野先得,
信心信心.....
遲左少少,等LIFT時...佢就剛剛出現...
唉...為何我還要留意佢呢...算吧,好快唔會.
一句話也沒講過...或許...這就是我們的結局吧...
UM...返教會,唔可以咁架!!
唱詩,敬拜,都也全情投入,
對哦,返教會是為神,並非為人的哦!!
zipzip話齋,返教會為神的話,就會有神既喜樂,
如果係唔開心既話,咁返來有咩意思?就不是神的原意.
師母在結束敬拜時,又說了那一句...
"那等候耶和華的,必從新得力,他們必如鷹展翅上騰"
是神給我再一次的提醒和肯定吧!!


練習了一次話劇後,便趕急離開教會,
往愛秩序灣出發...ar...粉嶺>>筲箕灣...好遠也...
去到都3點10分啦,一上地鐵站就見到markli同zip,
去左office度就見到大car,呀倩,doris同jacquline,
我當然就係食左個三文治先啦,都未食lunch,
之後拿左d表,著埋件綠色team衣...就出去luu!!
我同zip,jacquline一組,在愛通邨做選民登記,
um,,,都ok辛苦,但ok好玩~haaa...幫左d呀婆呀伯登記(好似有d坤佢地既感覺...haaa)
唔係既,雖然佢地可能到時都唔識投票,不過點都登記左先啦,
都係交返比選舉事務署0者~哈...其實話時話,
我都未登記..p:...所以都順便登記埋,
有樣好攪笑喎,有兩個後生既男女主動來叫我幫佢地登記喎,
因為通常都係我地去問人架嘛...
仲有個呀伯話我人好,同佢有緣,就教我點按穴位,
來令到靚d喎...haaaa好攪笑呀~等我得按下先~


zip個同工又走來請我地飲野喎,
都幾好玩啦,又有錢賺,真係唔錯~
最衰我遲來啦..唔係markli就會請埋我食飯架啦...
嗚...算啦~下次啦~~
同ZIP返HALL,佢就好啦,有CEW慶功宴...
我就自己買左個單R飯食咋...
之後...OH NO!!!我又沉迷打機啦..(咁同D死0靚仔有咩分別...OH...)
咪話話我昨日有個GAME打緊...我又去返打...
又由頭打過...終於去返昨晚那裡...嘩!!爆難呀...
我又剪錯左條線...(應CUT GREEN,我CUT哂...)
攪到停電...黑哂...嗚..點玩喎...又搵唔到D秘道...
唉...無可奈可之下...我又要關機啦...
太過份啦...我下次要再接再來!!!

>>March 30, 2004 at 4:07:29 AM GMT+8

2004 年 3 月 26 日 星期五 【晴】

今天...只是無聊地過了...
整天也想著做LANG FUNDING PROPOSAL,
當然...我都有努力...咁去做既~
雖然做得好慢...
下午又教grandma彈古箏,其實佢都想學好耐架啦,
見到佢一日學到四句,都好開心~
其實見佢彈得咁過隱,都會想繼續教佢架~~
大家關係都好d啦~

陪住部電腦同埋d漫畫過左一日...
因無聊,又拿番d"明星少女"出來睇...
唉...如果我將來個男朋友有美堂望一半咁好...(咁當然要係基督徒啦~)
咁就發達啦.......唉...不過算吧啦,漫畫始終都只係真實世界既一個ideal,
就係因為真實世界冇,先有漫畫存在既價值0者~
夜晚仲忽發雅興想玩escape game,
結果比我找到小葉n年前send比我個game,
咁我就玩啦...10點幾玩到2點幾...
原來個game多左好多野,上次玩到爆機那裡,
再添左幾個level...不過太眼訓啦...
就算冇得save都迫住要關機...o...唯有遲d玩番啦~

>>March 30, 2004 at 3:34:22 AM GMT+8

2004 年 3 月 25 日 星期四 【晴】

終於都取消了...
或許...這是一個好開始.
我知道這是應該的...是呀...
我想上星期...最後的一秒也用完了,
沒有下次...連謹餘的一秒...也用完了.

很HEIR的過了一日,
不過上RITA堂真好,因為她的例子真的很有用,
再一次證明RITA與CECI的分別,
縱使佢惡時真係好惡,不過真係有料之人,
咁先學到野架嘛...
叫D人出來ROLE PLAY...
再一次體會到....KELVIN真係好長氣...如果唔係肥妹捺住佢...
恐怕佢會講成粒鐘...嘿...
及後RITA講番D SKILL真係好有用...所以我都抄底左~~
YEAH,我要努力呀!!!

跟住同左RITA...敏去食飯...嘿嘿...
算吧啦...你都係改名做ROTA啦...
同ROTA食飯,那個人將我同肥妹既野食掉轉左...
不過算吧啦...嘿...傾左D白痴野,
呀~記住下次邊D時候見到我覺得我靚...P~~HAAA..既話,
記得話我知呀~~呵呵...
上啓芳...真係好眼訓...頂~唔順啦...真糟糕...
迷迷糊糊咁過左...覺得意粉同學佢地既ROLE PLAY好攪笑,
D TERMS都介紹得幾清楚,不過好似過於著重THEORY,
如果有多D CASE STUDY就好啦~
上完PSY就諗住搵MARCUS拿D 關於MENTAL RETARDED既REPORT做LANG功課,
雖然搵唔到佢,但係撞到MARKLI,哈,佢比左好多網址我作參巧,真好啦~~

返HALL執拾細軟...就返歸啦,
飲苦茶...個心不禁諗...
其實苦...都係一種味...
我可以嘗試享受苦茶既味道,那會喝得開心點嗎?

同zipzip傾左好多關於感情同信仰既問題...
"瑪門既走狗"同"多情既奴隸"既一番對話...
顯示出大家的白痴~~p:
唔係既,都多謝你既支持~我會努力架啦~~
縱然你係我心中已經誠信破產~~haaa

>>March 30, 2004 at 3:35:11 AM GMT+8

2004 年 3 月 24 日 星期三 【暴雨】

整天也被不安的感覺朧罩著...
就如天色一樣...昏暗...
很害怕...怎辦??

我...發了一個夢...
我睡在一個木箱內,感到很淒清,很孤獨,
只得我一個...
那是一個棺材...我死了.
我在暴雨中狂奔,很害怕...只有我一個...
我知道我死了,但我還在奔跑...像是逃離甚麼....我不知道...

我紮醒了...一看鐘,零晨五點半,
望望呀嫺,當然熟睡中...天還未亮...
心中很害怕...就立刻開了枱燈,拿了聖經出來看...
不經意翻到--提摩太後書第二章...
嚇了我一跳...是關於承受苦難的經文,
我們既與基督同死,同受苦難...
到那時候便會知道一切...
很害怕...很不安...
不安地又沉睡了...

一醒來,呀嫺就告訴我,她昨晚發了一個夢...
她買了一束鮮花,走到了一個土墳,
那是一個葬禮...土墳上堆滿了鮮花,
周遭播著咚咚的死人哀歌...
那是我的葬禮.

不安的感覺更感強烈...
為甚麼我和她剛發了一樣解釋的夢?
---我死了.
還有那節經文...是巧合嗎?
很害怕...很驚...怎麼辦??

一整天也是悶悶不樂的...
做了pro. client,是rita同zoe的client...
本身演這client也是理應悶悶不樂...情緒剛好吻合...
外面天陰陰的,顯得隔外蒼涼...
又是那不安的感覺...
救命...若果我現在死了...我想我會不甘心吧...
莊還未上...未能做到事奉,家人也未信主,\
就此死了...不甘心...
還有...怎樣也要真真正正過一段幸福的戀愛生活先啦...
我還沒有結婚呢...不可以如此早死哦...
救我呀........

>>March 25, 2004 at 9:22:21 AM GMT+8

2004 年 3 月 23 日 星期二 【陰】

朝早諗住早D起身溫PSY,
哈..都係頂~唔順,成10點半先起身...
不過算啦,都總算溫哂...只係得12課唔係太過熟...其實都OK,
對哦...我溫得好辛苦架嘛...

終於都TEST啦...
呵呵...開心~因為TEST得幾好,都幾滿意~
總算冇白費心機~不過努力既朋友,
要知道這TEST只有MC同FILL IN BLANK,
好多時都靠運氣,可能TEST唔出真實力,
真心努力溫書既朋友呀,考試一定會好架~~
我地一齊努力啦~~YEAH!!!

之後同左TOMMY一群人去左百德食,好攪笑咁...
再同ZOE去左圖書館,諗住搵D資料做英文份野...
UM...不過都係HEIR左...都搵唔到D咩資料,就同左ZOE去左HALL溫下SKILL,
因為佢聽日TAPE帶,我做佢CLIENT~
傾耐左,發覺ZOE真係好攪笑,特別係那句:"光著條腿"真係爆正,HAAA...
笑死左...
之後去左上RP...有點兒...頂~唔順丕盛既點名方式,
要每個人讀:"03017125余幸蓓"咁樣...攪到D人變成左監犯...HAAA...
衰TOMMY,話我姓余,不如叫呀蠢...
我咪話佢姓范,不如叫呀發呀...HAAA...白痴的~~

之後學素描,OH...原來已經係尾二堂啦...
UM...好似都唔係學左好多野咁...不過都有D得著既~
THEN去練DRAMA,"親愛既皮叔叔"同我地玩左兩個GAMES,
第一個係啞戲,就是我地係遊客去金鋪睇野,點知突然有賊...
我就好白痴咁叫左聲出來...嘿...跟住我望左這面,呀PUR就望另一面...
所以都唔知D賊去左邊...HAA...好混亂呀...OH NO...
第二個GAME就係拆炸彈,一個人做人質,雙手扮被岫b後,
然後其他人做衝鋒隊,呀皮叫人質唔講野情況下要求衝鋒隊做到某樣野就WIN...
嘿...好刺激呀!!到我時...竟然要我叫佢地四個人雙手按著前面既牆喎...
點做呀...得一分鐘...我咪勁踢佢地隻手囉...都係呀PUR醒,
我又望下前面既牆喎...臨爆時佢都終於都識做啦~好彩0者~
澤民就慘啦,我地做唔到佢要做既野,爆瓜左...HAAA...

玩完就排戲啦,呀卓同澤民先,
...澤民真係同DICKSON同化左...變左校草...嘿嘿...
仲時不時整D"迷人放電"既眼波出來...真係...嘿...
到我演時先明白點解呀卓之前要NG幾次...
真係要對澤民唱:"都是你的錯..."
總括都幾順利,只係有時騎呢左D...呀RAY都騎呢左...
不過佢個角色就係越騎呢越好嘛...嘿...真恐怖~

食完飯,就同左呀PUR去呀RAY間房食西瓜...
佢地變態架!!!迫住我0係中間勁唱D古歌,
咩將冰山劈開...(結果變左將ELSA劈開...AR...)
上海灘...仲有咩呢...總之結果就將我同化左啦,
攪到一齊唱:"送盒炭精比媽媽,等佢燒得容易死得好D..."
HA,不孝呀~~不過算啦,橫豎都用唔到0係我身上,P:
結果唱歌唱到成點幾...嘿...先返房訓呀...
Z...Z...

>>March 25, 2004 at 9:06:34 AM GMT+8

2004 年 3 月 22 日 星期一 【晴】

朝早去上PE,之後就約左RITA練COUNSELING啦,
因為下午要拍TAPE...好緊張添...
返房練左陣,又做得幾好喎...
諗住都OK啦...唉...
點知一去到呢...唔知點解就表現唔到出來喎...
就...真糟糕...唔多好啦...慘也...
不過算啦,因為終於都攪掂啦,總算鬆左一口氣~~
真係唔該哂RITA啦~~HAAA...

因為要趕住做份唔記得做既RP...
所以就冇去開CELL啦~~HAAA...
ZIP真慘,因為好似得佢一個咋,個個都冇去喎,
連本身負責今次既金玉...都唔記得左...即刻灰哂....OH NO...
算吧啦~HAA...溫下PSY啦~~

上完LANG後,就即刻去左RL1啦,
因為今日係新加坡PRESENT...既日子,而我同MANDY就係主持啦~~
YEAH~~不過個氣氛都幾好,肥妹整個POWERPOINT真係爆正呀!!
所以個個都睇到好有FEEL~~個MOOD好好~~
D同學仔又肯講野,所以整體來講都幾好呀~~
最衰MARKLI咁遲來啦,來到都完左啦...不過好彩仲有D西餅食下,
唔係就實在太慘啦~~~HAAA...WILLIAM真係好攪笑呀~~
其實佢都係一個好好既呀蛇來既~~

夜晚返到HALL當然就係埋頭苦幹溫PSY啦,
又上網做下D QUIZ咁...希望聽日考得好啦~~
真係溫左好耐架!!!!

今日心情...好番好多啦~~

>>March 24, 2004 at 10:43:45 AM GMT+8

2004 年 3 月 21 日 星期日 【晴】

算吧...那麼多日...我都是打不了...
就簡述的說說心情吧...

是很起伏的一周,
為的,也是感情...
被人說是"多情的奴隸",真是錯的嗎?我不禁自問.
多情...?是痴吧...

星期六,三月二十日...
剛三年了,是這一個日子.
誰想到三年後的今天,會是這樣子?
甚麼是約定?當年立下的約定,是今天空洞的先兆嗎?

很開心...真的很開心,
可是我知道這開心只是一剎,
轉眼已逝...為何我還繼續留戀這死胡同?
星期日一返教會,又拉我回現實,
我知道...JENNY說的很對...
或許現在的沉淪給予我逃避的藉口,
沉淪在這荒唐的地方,竟使我感到安穩！
但我知道,我真的知道...
現實已不容我再沉下去,它鐵釘的告訴我,
"他不愛你,那只是虛像,只是沙蟲,
一咬下去,便會永遠沉睡"

不要...
心中的結終究要躺開,
縱使已是肢離破碎,殘餘一點一滴的血,
為甚麼我又竟看見了這東西在冒血?
這不是已經痊癒了嗎?
半年了...足足半年了!
為甚麼到了這日子,我又要看見這景象?
淒然的感覺一湧而至,我知道我已經不能再逃避!
我知道...我需要一個療傷的空間,
北區公園的那個...就把它忘了吧,
若果一次又一次地逃出,卻一次又一次地陷入...
這輩子也妄想走得掉...


但我知道,我會跨過的,
我一定可以...
平靜的心靈縱使再被震憾,
終究,它會歸於平靜...
當然,我知道...
"不可再repress,
否則怎progress?"

又是那句經文...
"那等候耶和華的,必從新得力,
他們就如鷹展翅上騰"

>>March 23, 2004 at 3:07:29 AM GMT+8

2004 年 3 月 15 日 星期一 【晴】

今日呀~~~
朝早上pe,專登找d練手既來練,
因為隻手冇咩力,連knee上壓都唔多掂...真糟糕...~
仲要我跑步1600米...真係收買人命咩...oh no!!!

跟住返hall,都係整麵食,
跟住唔知點解會去左舊校,
呀!!!係啦,開cell~~映清教我地傳福音呀~~
之前我覺得好難架,不過大概清楚左之後就覺得好應該咁做啦,
因為好應該將神恩典既佳訊傳開去架嘛~~

跟住碰到tommy,邦叔佢地,就一齊去左食tea,
雖然我都冇錢...都撞到rita同mandy喎,
跟住本來我諗住去sit rp tutor,因為上堂冇返,
但係0係門口就收到zip哥個call...提醒左我上星期那份功課我都未交...嘿...
所以為左逃避這個追殺...我都係冇去sit堂...
就走左去oee找通風既zip哥啦,仲打左兩日前既日記添...嘿...
咁0岩撞到呀ray,佢仲係好down咁喎.........oh...
and then上lang,夜晚就去開第六組,都係查經,
yeah!!~~有蛋糕食~因為慶祝呀睿同vigi生日~~
不過...嘿嘿...佢地一心諗住既驚喜..
比我白痴地"吉"爆左....oh...原諒我吧...嘿...
查經真開心...縱使有一刻敵不過睡怪...oh...那條大魚呀.....仲有約拿咩話,...??oh no...ha

跟住趕返hall比番件袍cookie,
送佢落去搭車又吹下水,ha,覺得佢帶眼鏡好攪笑...~~
之後就去左金玉度食野~yeah~佢煮野食呀~~(慳左啦...haaa>>>>)
睇左陣咩托槍師姐...都冇睇開就算啦...
唔知點解時間過得咁快,
咁又一日啦...oh no...

>>March 20, 2004 at 5:49:23 PM GMT+8

2004 年 3 月 14 日 星期日 【晴】

一個字...灰...其實今日係20號...嘿嘿...
今個星期日日都成11點先返HALL...
都冇時間打日記...所以就頹左...
不過....我會打番架...
今日呀...發生過咩事呢...?

朝早去左練drama,好攪笑呀,
呀皮同我地玩左個情緒game,就係要我地令d觀眾都feel到一個情緒...
我要做"煩","傷心",跟住同澤民合作時就做"無奈"同"揭斯底里",
雖然有d難,不過好好玩呀~
但係最衰就係同澤民做"無奈"時,我扮戰爭的傷者,
比佢抬入來時撞親個頭...嗚.......好慘呢...

下午就正啦,tommy無lala電我話marcus拉我地去飲茶當上堂,
正呀!!因為我最近,所以去拿位囉,勁食呀~~
可能marcus都估唔到我地組咁多女仔都食到咁多野呀~haaa
marcus仲請我地喎,勁好呀~~
隔離angela0個組都飲茶喎,真開心呀~~

之後...ar....呀!!
我記得我鬧呀zipzip為左返工唔返團契!!係啦,哼...竟然成為瑪門既slave...太可惡啦...
跟住就約左呀wing同amanda0係舊can傾改選委,
對呀~我已經決定上莊架啦~~~冇錯呀,心中充滿火熱呀!!
就好似我hall既火柴人咁,"keep burning"呀~!!
跟住就同佢地一齊去團契,講d社關野...因為下次去老人院~
之後食完野就去左又一城既...唔記得咩名...睇野...
行行下見到葉仔怪怪地...叫佢都唔應...好嬲咁...ar...
又知道左d野添...oh........
我當然冇買野啦,因為昨日同rita去街都冇哂錢luu...
仲要節衣縮食...嗚...

夜晚返hall醒起呀ray話叫我地去食雪米糍,
所以就同amanda去,但係佢...好down咁...係爆down...
但係冇講發生d咩事...不過呀...
ar...我又知道左好多野啦...
再係咁落去...會唔會比人滅口呢...oh no...

>>March 20, 2004 at 5:11:40 PM GMT+8