2004 年 7 月 17 日 星期六 【晴】

嘩,之前個日記壞左,冇得打~~
呵呵...終於都可以打番啦~~~
SO GOOD~~

首先,想講既係...雖然已經過左一個SEM,
但係我都記得...少少SOCIAL WORK PRINCIPLE,
1.INDIVIDUALISM
4.ACCEPTANCE
5.NON-JUDGEMENT ATTITUTE
7.CONFIDENTIALITY
ha,所以我識做...

這個星期,心情有點兒改變...
於一個麥當奴飯局中,得到了一點提醒.
於某些事上,也總算得了一個答案,
縱使...仍是有點模糊不清...仍有點...失落.

陽光般的眼眸 閃礫著星輝
炫眼的光線 刺破了沉積的晶石
一串串的彩露 凌散於地
躍動著 掙扎著
彷彿要跳往虛幻

緊握著的雙手 跨過了荊棘
彼此的汗水 沾濕了緊貼的白衣
黑漆漆的夜空 籠罩全城
拆開了 再尋獲
猶如是神旨美意

觸動人的樂韻 送走那不安
自然的飛揚 起舞在山丘的顛峰
晃盪盪的人影 擊殺音符
撕裂掉 粉碎掉
存留下一片灰燼

我想,在灰燼過後所建立的,
純潔,自然的,
一定比現在更好吧!!

今日睇完天作之盒...
真係爆正正爆~~!!!
睇到最後都忍唔住係度喊...
相信對方會在彩虹另一端等待著自己,
而堅持努力地生活下去,充滿朝氣的...
最後,再度遇上,在天堂..~~ar~~!!!
結婚真幸福哦~~!!!多美麗的圖畫...
最衰我14/8要番學做peer mentor...嗚...去唔到carol同偉基既婚禮...
不過carol著起婚莎真係爆靚喎~~
一個女人一生最美的時刻,是否就是穿起婚莎時呢~~
haaa...去唔到...嗚...
不過話時話...haaa...其實我都影過一輯婚莎相...^.^
都係爆靚的哦~~haaa...(邊有人咁話自己架...)
算吧啦~師母今日話齋,愛多d自己,贊多d自己,人都靚d啦~~
好,一於將我一幅爆靚相發大整poster,貼在床頭,
每晚臨訓前都錫啖先,哈哈呵嘻嘻嘿........(變態...x.x)

最近深愛經文:傳道書4:9-12.

>>July 18, 2004 at 2:50:13 PM GMT+8

2004 年 7 月 11 日 星期日 【晴】

番到來香港,休息左兩日,
跟住就係忙碌既時間...
HA...日日都要開會,唔係RE-U,就係GM,唔係就O'WEEK+O'NIGHT,
再唔係就教會CAMP,再再唔係就佈道班,再再再唔係就去義工...
HA...好開心有咁忙既生活...對哦~趁後生,就要忙多D啦~~~
特別係忙於有意義既事上,特別開心~~

很開心呢,在教會講見證~~
就係話台灣既經歷吧~好多生面孔,有dd緊張,ha,
不過見慣大場面架嘛~~呵呵...總覺得神讓我地經歷左咁多,
就係想我地作為佢既見證,為佢發光發熱吧~~
無論係台灣或者係leadership camp re-u都好開心呢~~
雖然唔齊人~但係睇番d相,唱番d歌,個feel真係好好~
今日re-u leadership camp,karin同米缸都冇來,
唔知karin係英國點呢~~米缸好似失左蹤咁.......失去左聯絡...ar...??
唔通佢漏抵左0係廣西.......??!!

等待之中,可以學習忍耐...
對哦...我要學習忍耐...
清心對於我來說...為何會如此困難呢?
誰是"點點點"呢?很想知道...
唉.................我真是個麻煩的傢伙...P:

今晚...有點失落...
算吧,就讓我失落一晚啦~
我深信,明天我便會沒事了~~~

>>July 12, 2004 at 2:56:05 PM GMT+8

2004 年 7 月 5 日 星期一 【晴】

啦啦啦~~
我返來啦~~~呵呵........
無論裡外更新CAMP定係台灣交流團,
都爆爆歷奇呀~~!!!!!
以下就係我要交既台灣CAMP感想啦~~

"八天的交流團，經歷了很多意想不到的事，想不到比之前的歷奇營更加歷奇。能安全回港。唯獨要說句：“感謝神！”整個交流團彷彿就是神給予我們的考驗，在經歷當中，我深深的感受到神榮美的安排。

由踏入東海大學，經歷了達四十度的高溫、在沒有冷氣的情況下睡木板床、在暴曬下玩parapara大暴走；在阿里山上，停水停電的情況之下利用屋頂流下來的水柱洗碗，碗上的水和油濺到滿面滿頭皆是，卻沒有水洗頭洗澡、在暴雨之下一行人走了個多小時山路，跨過傾瀉下來的山泥，走過搖擺不定的木板橋，看著滔滔滾流的“黃河”在下面湧流．．．一切一切，也靠著神給予巨大的信心和平安度過，縱有遲疑的時候，縱有害怕的時候，但最終我們跨勝了！

經過了意料之外的事，也得著了意料之外的收獲！在東海大學中，從與組員一起分享、靈修、聽道、排話劇，漸漸培養了深厚的感情，還承諾了會在以後的日子保持聯絡及在代禱中互相扶持呢！啟程前往阿里山的途中，大家也擔心安全問題，也害怕會有山泥傾瀉的危險，但這才使我們意識到祈禱的重要，與及從神而來的平安是何等奇妙。旅途縱使是鞎辛的，每人也全身濕透了，但也無怨無悔，因為我們看到了自己的軟弱；看了到倚靠神的重要；看到了阿里山人對我們的熱情，對神的熱愛；學會了緊緊跟隨神；學會了珍惜自己已有的東西，因為這並不都是必然的。

最後的一夜，使我聯想到以色列人經過了的四十年鞎辛的旅程，歸回之時，到達迦南地的喜悅。想不到我們經歷了這麼多鞎辛的時刻，最後一晚可以入住比美酒店的東海大學校友會社，不但有高床軟枕，還有冷氣設備。回想起，若果當初到達東海大學便在這兒入住，若果沒有經歷在阿里山的鞎辛，我現在還會有這份歸回的喜悅嗎？這都是神榮美的安排。"

當然有D補充啦~~呵呵...
就係我坐左三次電單車呀~~呵~~其中兩次都係由呀..."博加",我叫佢烈火,
既東海大學人車我架~~呵...佢好型架~~!!
好攪笑喎,0係歷奇營同交流團都識左好多明星...嘿嘿...
有praise band裴勇俊(藍色生死戀2個男主角呀!!!!),有聖約翰吳奇隆(真係爆爆似架!!),有崇基林峯(雖然有人話佢似蔡康年......haaa)...
haaa...不過最奇怪既係...d台灣人竟然話我似莫文蔚...p:.........
haaaaaaaaaaaaaaa...咁咪應該配番馮德倫囉~~!!!
oh...糟糕...諗起某個4年前絕左交既friend添...唉...~算吧啦~

跟住係阿里山度,d人真係勁火熱架!!特別0係敬拜裡面,
佢地真係完全投入...佢地仲夾band咁唱喎,全個牧師一家勁爆厲害呀!!
全部都係音樂勁人來架!!!師母彈琴,牧師打鼓,個仔又彈琴,又打鼓,仲拉埋小提琴同埋唱歌...
嘿嘿...好勁呀!!!最有睇頭既節目...都莫過於johnson佢出去跳勁舞呀!!!!!
結果我地就成班人尖叫...嘿嘿......唔知神鐘唔鐘意呢...??!!!~~不過算吧啦,ha~

最好就係可以自己整竹桶飯呀~~好好玩呢~~雖然淡左d,但係都ok清甜架~~
仲有得食烤肉喎~~正呀~~當然狂影相啦~
不過停水停電真係好難忘,好彩第一晚有水洗澡咋~ha...不過竟然沖沖下見到甴曱喎~~!!
最衰手上冇武器啦,否則就造瓜佢啦~~haaa...
最後行落山的確幾辛苦,特別係要背住個重袋,
不過真係好深既體驗,保證第二d團經歷唔到呀!!!!
0係台灣掃街那晚都好開心~因為可以食到好多台灣小食,ha~
d飲品真係好抵架~~!!haaa...原來台灣人鐘意叫d巨型食物叫"波霸"
...結果我就飲左杯"波霸奶綠"啦...haaa...另外仲有咩波霸豬扒添喎...ar..........
haaaaaaaaaaaaa好衰呀好衰呀~~~

haaa....其實仲有好多好多野架~~~
但係實是不能盡錄呀~~不過我一定會銘記於心架!!!!!!~~~

>>July 7, 2004 at 8:59:56 AM GMT+8

2004 年 6 月 26 日 星期六 【晴】

昨天,我整天也在打/寫日記...
因為我不只打在這裡,也把三日兩夜的CAMP寫左簿上...

本來也不打算買...只是碰巧經過...
真的很美~木質的紙,純樸的感覺...
"遇見你的那一瞬間,雨停了,
風兒告訴我,雨被感動了.
愛上你的那一瞬間,風停了,
雨兒告訴我,風被感動了"
不知何解...很想買這簿子...
也再執起筆,記下了生活的一點一滴...

相差很遠呢...看看本子內寫的文章,
跟這裡的...雖然寫的是同一個日子...但...相距卻是如斯的甚...
或許...我還是喜歡看自己親手寫的文字,縱然並不可愛,也不美麗,
卻是最純,最真.

haaa...
我快要去台灣了~~
快些祝我一路順風啦~

>>June 27, 2004 at 8:56:25 AM GMT+8

2004 年 6 月 25 日 星期五 【晴】

三日兩夜既camp,只有一個字能形容~(再加多個形容字...)
爆正~~!!!
雖然都真係幾累,但係真係有爆多得著~~
在這個camp中,真係可以突破到自己~~
爬上巨爆布,攀石過崖邊,
仲可以認識到一班好友~~
大家互相幫助,支持,代禱,分享~~
真係好開心呀~~啦啦啦~~要唱番首歌先得~~

第一日...
一早去到百佳~~早左十分鐘添...
ha,跟住就見到米缸啦~突然之間明白一個道理...住得遠既人真係會早d架喎~ha~
知道有一個組員病左唔來得...oh...
ha,見到隔離組既卓,zip,珊,ivan...個感覺好攪笑...
話咁快買完野...就坐的士返bu啦~~呵...好似好豪咁~~
等左一陣,就起行啦!!!!~懷著興奮既心情!!!!

到達啦~搭左約九個字旅遊巴~
感謝主,天氣都唔錯~
ha...有少少頭暈添~~暈車浪...灰~~!!
ha,跟住就分組game啦~~~~
我地組有>>
"csu,有!cc,有!cie,有!我地仲問大會借左兩個導師同一隻老鬼添~~"
haaa...
我,eva,tim,karin,jacky,燒魚,米缸,peggy同埋讚樂~
導師就係ivy同秀慧~仲有老鬼五號風(伍浩峰...個名真型呀~~haaa...~)
個氣球game真係好玩呀~jacky好勁呀,吹波好似唔駛用氣咁呀,
眨下眼就成七,八個啦...我就...嘿嘿...吹極都吹唔到boo...~
成組同心協力保住d波,ha,最後有七個保得住呀~好開心呢~~

玩左幾個games後就食野啦~呵,就係我地今朝買既野啦~
份量好充足呀~我地都係over budget左9蚊咋~~
then就傾組名,分享時間啦~~
karin好勁呀,"組織"左我地之前所講既野~整左句slogan
"突破自我,跳出框框,同心合意,不怕困難,為達目標,涉水攀山"
haaa~~呀tim又諗到個組名喎~~三人行~好有意義呢~~
我地亦都投票選左燒魚做組長,呵,佢真係做得好好哦~
p:好彩唔係我0者~ha...(米缸同tim真係.....)
ha,執包袱行番宿舍,一路行,一路唱歌,好開心呢~
放底d野就present每組名同slogan啦~
呵呵...一齊唱歌...
(三人行,三日後,一起向前,努力承擔~)(總諗起時興隆首歌...好想最後加番"謝謝"...haaa)

好白痴呀...~~連續兩次行錯路,上左另一條流梯去左另一間房...p:
(真係好好似架!!!).......
跟住就有兩個task比我地玩~
ha,我地組兩個game都係快架喎,haaa...
第一個game就係"福杯滿溢"...ha,在sowk o camp玩過~
知道會濕哂~~但係一定好好玩~
大家都好努力咁按d窿,雖然d水係咁湧出來,
但係大家都唔放棄...呀~~jacky呀,soli呀~~
我倒水歪左.......攪到你濕哂...~~~p:~
peggy同karin一直按住下面d窿,一直爆累啦~
其實我真係好想幫,但係下面大濟,就算幫peggy按住d窿佢都出唔到來..~
大家就開始大叫增強士氣~~!!!呀tim飛快咁跑去載水~~
最後就在膠袋既協助下,由燒魚一吹~~咁個乒乓波就出來啦~~!!!!
好開心呀~~~大家真係好落力!!!!

跟住到紮板過橋倒水取波game...haaa...(老作的名...)
我地組好有條理呀今次~
一早plan好點做,跟住見到米缸同jacky青筋現哂咁...落力紮繩,
務求紮實d木~~跟住由燒魚上!!!
ha,我腦內突然閃過n年前我整古葉斯維既一份禮物既包法...haaaa~~~~~~
所以就試下啦,真係可以用繩紥住個木條頭喎~~yeahyeah~~!!
我地組人勁捉住條繩,我同karin就坐住個木條尾,eva又坐在我上面,
燒魚就去啦!!!!yeah~~用jacky提點既方法,訓係度去,結果一下就攪掂啦!!!
pro呀~~!!跟住分享番~真係了解左大家好多呢~~

夜晚...!!!食完飯後...就召集我地,仲比左個眼罩我地...
要我地戴住跟住話要我地從身上除一樣野落來...
haaa...水哥同ivan爆白痴呀~~佢地明明term break camp玩過架嘛,都唔記得喎~~haaa...(笑死左)
我初頭都好爭札架!!但係我又除左帽,除左手繩,仲有咩可以除呢?
所以就諗:"哼,比人罵都算啦~~!!一於除個眼罩睇下先"
...haaa...就中左啦~~開心~~(雖然我都好慢...)

月黑風高...david教練就講啦...
我地將要面臨一個重大挑戰!!此時,一陣風吹過......~~~
好正呀~~!!心情極興奮~~
我地將會好似以色列人咁出埃及,在曠野被擄(david好強調我地唔好反抗...haaa)
然後回歸...全程帶住眼罩...~~~
我地就商討一陣被擄分散左點相認,好好好緊張~~
跟住排隊...前面燒魚,後面米缸...~~
ar~~!!蒙住眼罩就去啦~~!!
第一part好似我sowk camp玩既盲住來行,
不過今次係搭膊頭,前面既讚樂係咁提住我地,
我地就一個傳一個咁去啦~~呵呵...
去到被擄啦!!!我雖然慘叫左一聲...不過都係冇反抗既...
開始時好開心架~有得去闖下~~
跟住係咁拍手(記號),又係咁找人~
話咁快就找到同組人啦~~點知又比人拆番開...p:
跟住搵到個毛巾人喎,但又好似唔係就閃開啦(後來先醒起應該係jacky來架!!)
...結果終於都搵到個啦~就係米虹啦~係聽到唔知邊個導師講話"唔好再分開佢地啦~"
所以我地就係咁拍手搵番其他人啦~~(期間比其他組人又抓手,又亂拍拍子...ar...大混亂呀~!)
終於都搵齊啦~~勁開心喎~~有失散聯絡feel~~呵呵...
跟住有自我思考同分享時間~
好正呢...
好寧靜...好好的反思...
同路人的重要...重聚的喜樂...神的帶領...
一起有真誠的分享...直至街燈熄滅,依舊在傾談~
很開心跟大家有互相分享的時間呢~~
很晚了...但...洗澡房卻濟堤中............嘿嘿...~~
深夜時分...我地csu五個女仔擠在一張床...談心~ha~
um...我諗我地大家都識得點處理既~~
呵呵...我不嬲睇人都好準架啦~~~!!我sensitivity可是拿十分的哦~~
呵呵...第一日,就係咁開心下完啦~~
睡覺時間為~~零晨4點半

(好長長長呀.........第二日同第三日遲d先寫啦~)p:

haaa...變態架我...一日日記打成二千字...~

>>June 26, 2004 at 4:26:03 PM GMT+8

2004 年 6 月 21 日 星期一 【晴】

一朝早就補習...
嘿...補三粒鐘...好累哦~~

多謝哂grandma,細姑姐同大姑姐啦~~
夾份送部手提電話比我,呵呵...
其實我要求好低架咋,只要可以自編和弦就得架啦~~
結果就買左部motorola c650~~呵呵...
聽閒出左個幾月,d功能好fit我,又唔太貴,呵呵...

真係覺得呀姚爆好~~
陪左我一個下午去逛電話店~
又幫我揀喎,又陪我等埋大姑姐來喎,
爆好呀~突然之間覺得...haaa~
好啦,遲d一定要請你食一餐補數啦~~
ps,知道佢地幾條友前幾日北上尋歡.oh no~~
haaa........又唔叫埋我呀~~haaa....

夜晚係咁執野~~呵呵...
因為我聽日就去camp啦~
係校牧處搞既camp,叫"裡外更新"
雖然比人話似d釋囚名...嘿...但係我好有期望架~~
願主保守~~
haaa.......去白沙灣呀~~真遠哦~~

唔好掛住我啦~~

2004 年 6 月 20 日 星期日 【晴】

多謝D朋友仔關心啦~~
我都冇咩野架啦,當日食左藥訓左陣就好番好多~HAAA...
RE RITA:點解同你去"SWEET"既...?HAAA....

今日朝早去左上水傾教會camp,
都係firm左少少games...唔知到時會點呢...嘿嘿...
跟住又未夠鐘,就行左陣上水,為買電話鋪路..haaa
行緊番學校時就見到eva~ha,原來佢見我唔到~
ar~~等我下次0係佢前面跳舞睇下佢見唔見到我先,haaa
返到去等左陣就去食飯,講左個故事大網比ivan聽,
ha,希望用得著啦~
去rc...個pre camp都幾好玩~
見到d組員,得我,eva同tim係csu,
其他有cc同cie,都希望個camp後可以同佢地friend左啦~
好鐘意個分類game,好攪笑,
一講6月出世,我就即刻痴住zipzip啦,
跟住一講分住既區喎,當然就係同ivan志同道合啦~ha,
跟住姓氏英文字頭喎,仲唔係eva~~!!好玩呀個game~
跟住又玩傳波子,又有分享時間,都幾好呀~~
好期待個camp呀~~

>>June 22, 2004 at 4:55:07 PM GMT+8

2004 年 6 月 19 日 星期六 【晴】

今日好慘....ar.....
起因應該係昨日下午食左個熱狗同吐司之外...
夜晚就只係飲左兩碗湯,就冇食過野啦...

今朝起身就有d胃痛...
食左幾粒n年前既胃肚痛藥,就頂住去補習,
去到就爆肚痛喎...又攪左一輪先開始補...
唉...補完就開始暈啦...咁樣返教會...
唱歌時都ok,但後來就越來越暈,
攪到到師母,sian同彭生幫我按手祈禱...嘿嘿...
諗住食d野就ok啦,點知食左少少腸粉就想嘔...
好彩彭生比左個膠袋我0者...
唉...都係頂唔順,就電zipzip話返唔到學囉...
soli啦各位,要珊珊代我寫紀錄添~~p:~~
本來仲想問水哥有冇手信架嘛...唔制呀~~!!

>>June 20, 2004 at 12:15:26 PM GMT+8

2004 年 6 月 18 日 星期五 【晴】

今日約左小菲同黃語嫣出來玩喎~~
首先去左睇戲~~本來想睇野蠻師姐架,
但係成5點先有喎...結果...ar...就睇左我要做model...
有點白痴既戲~~不過算啦,醉翁之意不在酒~
0係睇戲前仲有時間喎,就去買左d食物...同埋熱狗~
"走私"入去戲院啦~ha,我仲去拿埋副眼鏡添~~
冇錯!!我終於都有眼鏡啦~~
不過都係諗住上堂戴囉...平時就算吧啦~
p:...我兩隻眼都二百度呢.......~
算吧啦,derek四百度都唔戴眼鏡...小毛見大毛0者...haaa....

睇完就去toddyland探hazel啦~~
n年冇見囉...ha,化左娤呢~~
覺得好辛苦...一星期番六日,每日十一個鐘.......
唉....都冇咩時間可以約佢去玩...
唯有得閒去探下佢啦~~~
跟住我地去左食tea,但係小菲要早走~
所以食完好快就閃左luu~~
同小菲都傾都唔多~下次約出來食野再傾過啦~~

至於cora,都傾下近況啦~
唔好咁擔心啦~~船到橋頭自然直~
既然都考完囉,就開開心心咁迎接啦~~
努力呀~~!!有時其他人點做點諗我地都控制唔到,
自己努力去做好咪得囉,係咪?~唔好咁激氣啦~~

好累了............

>>June 20, 2004 at 11:40:20 AM GMT+8

2004 年 6 月 17 日 星期四 【晴】

今日好開心喎,一朝早就返學校幫手,
因為今日係JUPAS校長推薦人來SOWK INTERVIEW既日子,
嘩,我地班有成17個人幫手喎,
而來IN既人都有89個呀~~
聽閒遲D JUPAS放榜後來IN既有成四,五百人呀...P:...
(突然覺得自己入到好好彩...嘿嘿...)

見到佢地都有幾多男仔來IN喎,真好,唔駛好似今年咁唔平衡,
不過TOMMY話齋,入到就話0者...
同左好多個人傾計,HA,諗番起上年D師兄姐同我地傾計既情況,
嘩,有個人叫呀JAY喎,佢仲話如果入到就一定番團契呀~~
好似好熱心咁喎!!望就望佢入到啦~~呵呵...
有個來in既女仔好靚架喎~rita當然係望實啦~(佢變態架~~只望靚女唔望靚仔,ha)
我當然係正常架啦~~總括d男仔質素都ok喎.....
特別有個著藍色shirt既...p:不過我都唔記得佢個樣luu~~

話咁快就過左啦~~我地等埋最後一組完,
呀william同victor比完分...p:...佢地竟然唔認得我地...
仲叫我地去隔離房in...haaa...笑死左啦~~
執完就約十個人去飲茶~~聽佢地講鄰舍再造好似好好玩咁...
唉...最衰我唔得閒quit左啦........um...佢地仲有得煮野食添喎~~!!
then同heaveni同tommy去rl7坐左陣,
then我就去校牧處開會luu~~

就係去台灣前既workshop,
有個問答game喎,呵呵...
我地組險勝呀~~1分之差咋!!!
結果就得到個限量版印有"香港浸會學院"的手挽袋一個~~
好有紀念價值架~~
根住每一part滙報返佢地做既野,
ha,好開心呀~有人讚首詞,佢地都好鐘意~
感謝主給我這個恩賜,我一定會努力架~~~!!

>>June 20, 2004 at 11:29:22 AM GMT+8