2004 年 6 月 16 日 星期三 【晴】

昨日又係一日頹日...
一朝早起身...就無lala忽發雅興拿番本n年前作既小說...
呀,係作到一半既小說..."不死的真愛",
睇番七年前自己寫既文章...
真係爆攪笑,雖然冇咩文采可言,但係卻係真情流露...
立刻改番一d野...嘿嘿...
"我立即嘔飯應"改做"我當然爽快地應承"
....haaa.......等等啦~~
即係就寫番個大剛,因為我已決定要寫番!!!haaa....
男主角係"無崖風",女主角係"蓓香幸子"
haaa....~~~雖然最後個女主角早死...haaa...dont mind啦~
但係咁樣死都唔錯啦~~遲d寫完就打上網啦,呵呵...

下午就幫我表妹補習...physics...嘿...
最大問題係中文...灰~咩比熱容量..呀...原來就係e=mc>t中既c,
都ok啦,同佢又傾左d感情問題...haaa...
原來佢勁多同學已經拍拖啦喎...佢有個friend已經拍過成五,六次...
(佢form2咋喎...)嘿嘿...真係早熟囉...
想當年...~~~(都係算吧啦)

落街租漫畫...又去睇下d電話咁~
motorolae365....um...好似唔錯喎...睇下點先啦~
夜晚有d頭痛添.....um..........oh no~

>>June 18, 2004 at 7:06:02 AM GMT+8

2004 年 6 月 15 日 星期二 【晴】

頹日...
全日都在爆HEIR...
唔係睇番D睇過最少五次既漫畫,
就係睇番睇過三次既流星花園...
唉......灰
好衰唔衰,又手痕喎...
拿起盒人間四月天睇...
又唔係唔記得上次睇係咩情況啦...
又唔係唔知徐志摩似呀邊個啦...
結果...睇左一集...就頹左啦...

我知道,他們現在很幸福呢...
很多漫畫的男女主角...在這情況下都會說:
"雖然自己不幸福,但看見他幸福,自己就會開心"
我做到了嗎?
我能像幼儀一樣,如此堅強,不讓任何人看不起,
不倚靠人,朝著理想邁進嗎?
不過我比她幸運,因為我還有神哦...
其實,他們的事,又與我何干?
對哦...已經大半年了

唉...又發傻...算吧啦~
每過一段日子便要發傻一次...
不過我相信,第二天我便會沒事了...~

>>June 17, 2004 at 5:42:01 AM GMT+8

2004 年 6 月 14 日 星期一 【晴】

既然他在我的生活之中佔的位量根本不多...
我何須如此介懷?
就當他消失了吧...

今日好開心呀~~
一朝早就去左上水M記同呀馮子良同綺琳傾教會CAMP...
嘿嘿...三個人攪CAMP...嘿...真係求神帶領啦...~
原來真係有好多準備工作架喎...
同埋有好多詳情都要問番牧師~
所以今日主要都係傾左D遊戲~HA~
傾到12點幾就閃啦,
我就番粉嶺,因為約左SHEENA~
HA,帶佢北區一日遊~

雖然粉嶺上水真係冇咩好行~
不過主要都係拉佢去食野...
唉,真唔好彩呀~超正既"爵士拉麵"...竟然冇開,哼...
一個月放成半喎...都唔知點做生意...架~~!!
所以我地就去左食餃子~
總算有少少特色啦~
THEN去左圖書館喎~~呵...因為我覺得個圖書館好靚同好舒服,
所以就去逛左陣,HA,仲借左D書坐0係度睇左陣添~~
有本書個結局好白痴架!!個主角無LALA死左喎...HAAA...(變態...~)
買左D四眼仔腸粉後就搭車去上水啦~
其實上水都冇咩好行,d鋪都唔0岩行既,
最好都係龍豐~ha,我地都有收獲呀~yeah,就係d珠珠電話繩同埋自織的手繩啦~
呵呵...跟住就向中環進發...
因為sheena中左獎喎,就係去麗...ar...唔記得咩名添...既酒店食個set dinner啦~
呵...所以就益左我啦~~yeah~我地一齊慶祝生日呀嘛~~
一打開個餐牌,真係嚇親...原來一個set dinner成238喎...嘩...!!
但係我地免費...~~(感動~)
d野都幾好食呀~~雖然細d,不過我地之前都食飽啦~
ha,好攪笑,食完在酒店織手繩喎..."織織復織織,沙娜當戶織"haaa...

中環地鐵站果然係有向日葵呀~~
不過係假既...haaa...唔好再以為係真啦~~haa~
好開心咁就行完食完玩完啦~~
遲d約出來睇戲啦~~一於咁話~~

>>June 16, 2004 at 3:43:47 AM GMT+8

2004 年 6 月 13 日 星期日 【晴】

雖然聽左EVA點既身體健康...
嘿嘿...不過我都係病左...P:
感冒呢...好累呀~食左D藥...

好開心收到補習學生呀軒送比我既生日禮物,呵呵...

其實這兩日...
都唔開心.
見到D唔想見到既人.
SORRY,我唔慣有個妹.

她嚷著開電腦,隻腳踏過地下上我張床,
整到成地都係食物...那都算啦,
她想買那隻過百元的babbies,
daddy不買給她,她又哭又叫,
又發脾氣,由沙田發到上水,daddy也由哄變為罵,
daddy都說她再嚷就不次不帶她來香港玩,
但她還是在吵鬧,最令我感到氣憤的就是她的一句
"daddy你顧大唔顧細"
哈,真可笑!!daddy怎樣顧大唔顧細呀?!
一年365日,daddy有幾多日0係香港呀?十日都冇呀!!
一年咁多日,佢都陪足佢地成3百5十幾日啦,仲唔夠呀?!下?
佢地仲想點呀?!!係咪想連我0個十日都搶埋去先安樂呀?
daddy最後都係屈服左,結果買番來,咪又係玩左陣唔玩.
我呢?部電話完裝電用哂,我想daddy買部電話比我,
佢只係買舊電,仲唔係nokia完裝電喎,我部係nokia3310,
就係人地爆0個部啦,買舊非完裝電比我,咁算點喎?!
咁就叫"顧大唔顧細"呀?

既然無緣,又何必相見呢...

唉...

>>June 15, 2004 at 5:14:01 PM GMT+8

2004 年 6 月 11 日 星期五 【晴】

登登登登~~~
我終於都"過章"啦...已經"2 pieces"...
真係"灰燼"...嘿嘿...

不過今日好開心呀~
同一班朋友過生日,真係人生一大樂事~
一早就係約左呀卓同ivan一齊搭火車,
但係因為"估計錯誤"...ar...所以miss左班火車,
結果遲左成10分鐘,好彩到紅磡都係剛剛好~
去到水哥已經0係度啦~~
珊珊同virgi都要遲來~
所以我地就起行啦~~
嘿嘿...結果係行錯路...ar...應該話行多左好多路啦...
不過算吧啦~終於都安全抵達~hehe~

其實成個職員會都好有心~~雖然eva同zipzip都有事來唔到,
但都有電我~呵~~亦因eva個電話有段小小既插曲~(一陣再講)
唱k....haaaaaaaaa....水哥爆好笑~!!呀!!!
冇來既eva同zipzip真係慘呀~!!聽唔到水哥現場用女聲唱"放生"
ar!!!!!!!!好彩呀卓錄左~~有興趣既人就問呀卓啦~~haaa......
唔望佢真係以為係女仔唱架?!!!
最恐怖既一首歌係唱"合久必婚"呀!!...水哥同ivan唱女聲...我唱男聲囉...
變態架~~haaa...係大家扮哂聲咁唱喎,真係變左人妖大集會咁....oh...no~~!

eva個電話呢,係點隻歌"身體健康"比我喎,
咁咁0岩這隻歌係我地最後一隻歌喎,咁費事cut啦,
所以睇到最尾~~呵呵...原來首歌最尾係張衞健同佢mtv女主角講生日快樂呀~~
呵....不過............佢講完就釘左啦喎.......
嘿嘿................~~不過都好多謝呀~~haaa~
跟住因為大家都未夠鐘走,所以就通街行hea左陣,
最後仲走埋去poly坐吹風吹水~
then我就返粉嶺啦~~

約左呀帆同呀姚出來食tea~
都差唔多大半年冇見啦~
好攪笑,本來我返到粉嶺仲早左大半粒鐘,就走去漫畫店逛下啦,
無lala呀帆電我,問我在哪喎,原來佢就0係漫畫店出面...
結果我就讓個證比佢借左本蠟筆小新...haaa.....
去仙踪林飲野,不久呀姚都來啦...
佢瘦左...呀~~~!!唔通真係.....比人虐待?!!oh...~~呀姚好慘呀~~嗚...
唔知點解感覺上呀姚細心左,
唔通因為拍左拖,份人就醒左?~ha,

之後就去左踩單車,呀唔係,係佢地踩我企...
企單車其實好累架...不過算啦,要呀姚車住我上鈄...嘿嘿...
仲唔只三條...嘿嘿...真係難為佢囉...
去到上水,咁0岩撞到呀dick同俊俊喎!~
俊俊個頭又唔同左啦!!!!同埋真係瘦左勁爆多呀!!!
已經唔係以前好可愛既肥白俊俊啦!!!
而呀dick...傳閒中...佢架單車好似值數千元...ar...嘩!!!
0係北區吹左陣水後,呀姚就返歸,呀帆就車我去華明邨啦~

對哦...
我相信...我這個決擇是明智的...
由我懂事至今,只有三年的生日是不用考試...
(當中不包括其一的英女王生日及黑色暴雨警告..."
前兩次包括是中五和中七的生日,
兩次的早上也和一大班朋友度過...很開心呢~
可是..........
兩次的黃昏,都是悲哀的.
為的,都是同一個人,為了同一個原因,縱使他的對象不一,
但...對我來說...有分別嗎?
所以,我作了這個決定,婉拒了那邀請...
因為我不想,第三年的生日,
也犯同一個錯誤!!

到了華明邨,ha~買了罐百事慰勞呀帆後,
就call左龍杰落來啦~
結果就三個人係咁吹水同食飯~
亦都睇多左龍杰既轉變...
果真多了形容詞...嘿嘿...
說真的,喝得太多~~真的沒益哦~!!

對哦,六年了,大家也轉變了不少,
已經不再是以往form2的白痴小朋友了,
大家也入了大學,經歷了大大小小的事,
縱使你的轉變令我有點兒驚訝...
但我的轉變又何嘗不是呢~
很難相信你還會send那message給我,
p:我可是很易信人的,你說的不是真的吧~~?
但無論如何,跟你keep著這友誼,
我也是十分高興的~~

好攪笑,咁0岩撞到湯曉君同庾沛恒(天生的死敵!!!)
ar......
跟住又撞到朝早見完既ivan喎...0係華明邨...haaa~
thx啦呀帆,車埋我返歸,算你夠friend啦~!!



>>June 13, 2004 at 5:12:15 PM GMT+8