2004 年 4 月 9 日 星期五 【晴】

今日悲喜交集....

同大舊師兄睇受難曲.
之前要做足心理準備,
昨晚,今朝同臨睇前都祈左禱,
因為我知道,我將要實實在在地看著耶穌如何實踐祂在世上的使命,
以祂無罪之身背起所有人的罪,釘死在十字架上!

睇前整日都有點緊張...

去到沙田,大舊師兄已經係度啦,
心裡即時諗:"太好啦,佢冇遲到"
呀...點解會咁諗呢...可能係因為同親d男仔去街佢地都會遲到,
並且仲毫無悔意...(今日唔知點解好多反思喎...我會以括號代替)
因為未肚餓,所以行左一陣,
又睇下野咁,佢都好好傾,雖然真係有d d cool....~
終於擇左個食日本野既店...
p:...都幾貴,不過諗住算,豪比佢~
不過佢仲豪...請我食...即時呆左...
(p:...食飯時既某d動作,態度,令我腦裡即時浮左兩對字,風度,細心,
呀,現時d男仔就係欠缺這些...大舊師兄,keep住呀,簡直係殺手間呀~~)
食完就入場睇啦...好驚...好緊張...

都係要祈禱...um..點講呢,
可能唔信,所以唔想祈...
不過佢真係聽到你講野架,
何不嘗試踏出第一步呢?

終於開埸啦...係最後的晚餐過後,
耶穌同三位門徒上左山,
耶穌禱告,求神移開這苦杯,但不要按他意思,只要按神心意...
的一幕...
震撼實在太大了...
人類是多麼殘忍,
他們用有利爪的刑具鞭打他的一幕,
我都忍唔住係咁喊...
我喊,係因為我覺得我地唔配,唔配耶穌咁為我,
耶穌本來可以唔駛受這些苦,係為咩?就係為左我地,
為左那些笑著鞭打他的人,為著那些叫要釘死他的人,
他無任何罪,卻背起我們的罪而被釘,
他背上已沒有一寸好肉,全都被人鞭得血肉模糊,
我只懂不停的哭...覺得慚愧,
這是事實呀!!二千年前,耶穌就是如此為我們被釘在十字架上,
每一下鞭,他也痛不欲生,背著沉重的十字架走上斜路,
每走一步,至死的痛又一次折騰著他,
他竟然還叫天父饒恕我們.......
(p:哭得大舊師兄件衫袖都濕左...)
很重的反思...耶穌的犠牲...
是愛...因為祂很愛我們.

離開戲院,
喊左出黎個心都冇咁UP住,
真心的一句,嘗試去踏一步啦,
你一定會得著些甚麼!!
行左陣無印買左D 餅餅,嘻~同埋筆~
(又有反思啦,咁大舊師兄送我到火車站啦,咁我入閘後,
只係好奇咁掉轉頭,想睇下佢走左未啦,點知真係未喎,
即係我走左佢先走喎,伊d係咪叫風度呢?
不過可能又會比人話我咩男女唔平等架啦...算p:)
就返家LUU~

UM.............................................
又有種衝動唔再打網上日記,
寫番之前寫開既手寫日記...
因為...唉...都係啦....
有D野真係唔打得,但又好想紀綠,
但如果又打網上,又寫手寫...邊有咁多時間喎....
UM...............................................
考慮下先

>>April 10, 2004 at 5:00:05 PM GMT+8

2004 年 4 月 8 日 星期四 【晴】

定好啦,個POST...
主席:水哥
內副:珊珊
外副:EVA
秘書:我~~呵呵
財政:卓
程序:IVAN
靈修:VIVGI
聯絡:ZIPZIP
YEAH~~
其實我都好想做文字部,不過唔可以誇部,
所以真係好希望可以設個文字小組,
可以一年出兩至三本刊物~~~有望大家支持啦~

其實我知VIVGI有好大爭扎,希望你真係可以在這個位發揮到你既理念~
亦願主保守我地每個人,有合一既心去事奉,
在自己個POST運用神比我地既恩賜,
盡所能在團契做到最好~~YEAH~求主加力給我們哦~

夜晚....打字打到抽左筋...
打左七千幾字.......仲未打完,
D部MD 機都瓜左...
好彩大舊師兄話借比我0者...真糟糕...
唉...錢真係唔易賺也~P:

>>April 10, 2004 at 3:47:42 PM GMT+8

2004 年 4 月 8 日 星期四 【晴】

今日下午HEIR....地度過,
只看了五版 MODESTY...
唉...就冇mood啦...睇怕都幾難完成份book review囉...真糟糕...

去開會~~傾post呀~~
傾左幾粒鐘...最後都有d大概既野...
不過都未傾完,所以聽日繼續...
um~~神的感動呀~~
秘書?文字部?
um......................努力呀!!!

>>April 8, 2004 at 5:05:01 PM GMT+8

2004 年 4 月 7 日 星期三 【晴】

今日睇下個friend test,有21個朋友(應該有兩個係白撞...竟然話我叫余骨...!!)玩左...
令我睇到d野,亦都領悟到d野...
最高分竟然係呀ray...(play again那個唔計...)真係估佢唔到..~
親愛既roommate都係85...點解呀?!!
估唔到呀john撞都咁高分,有75,zip都ok啦,70,
唉...呀邊個.........算吧啦,我都估到佢已經冇興趣了解我架啦...
有D答案,好明顯係專登答錯啦...我最討厭咩人呀?實知架,都專登揀佢自己(自大狂)...
不過算啦,唔理佢啦~
我睇到既野係,0係這半年裡面,我真係變左好多,
高分的全都是最近熟我的人,很久沒見的朋友反而很低分,
小葉講得0岩,同佢地真係少左接觸同傾計,所以這個FRIENDTEST提醒左我一點,
就係考完試後,一定要多D搵番D舊朋友聚頭,
友誼真係要努力維繫架~~!!!特別係我個TWINS HAZEL啦,
當年F.5的知心好友...
小葉,小菲,單秀,COOKIE,溫淑雯,黃語嫣,呀娜,呀姚,呀沈,呀帆啦~
我D豬朋馬友啦~
F.7的俊俊,偉偉,邦邦啦~
外校的SHEENA,皇呀瑪啦~
郭得勝的ET旅行團啦........
呀!!!我要努力呀~~~!!!!

昨日返軍地整棚,所以連我都要爬上屋頂整...呀...
嚇死我啦,grandma竟在椅上差錯腳跌落地喎,
隻腳腫左,仲流血呀,真係嚇到我架,如果唔係華叔阻止我,
就差d走去call白車架啦..好擔心咁...
但佢堅持話冇事,唔駛去睇醫生喎...唔得架嘛,點知有冇事喎...所以我就...嘻...
等grandma陪我去睇醫生時,乘機同個醫生講佢今朝跌親囉,
佢仲死撐喎,個醫生爆好,唔駛另外收錢咁幫佢睇,仲開埋藥膏比佢查,
我都話要架啦~好彩醫生話冇事咋~~而我就...
醫生話覺得我d肚痛有d奇怪...所以建議我去醫院照...
死啦...應該唔會有咩事掛........願主保守呀~~~!!!

夜晚就係我地 alpha-in re-u既時間,
p:因為mandy就來生日,所以我同rita就約早d去買禮物,
呵...我地又食勁辣魚蛋呀,真係好正架~~
買左一條裙同一條圍巾,都有民族feel架,希望佢鐘意啦,
我同rita又行西九龍一陣,買左個帆船音樂盒比呀爸,
祝佢placement 一帆風順~~呵呵...
之後就食越南野啦~~
人有~我,rita,mandy,tony爸,大舊師兄,傑青,芬芳,意粉,denise~
食完都...好似唔係好飽咁~不過算啦,呵呵...
之後成班走去買雪糕...p:...今朝先睇完醫生,又食...嘿嘿...
算吧啦~死左先算~p:haaa....

好快就曲終人散啦,原來大家都想去唱k喎,
好啦,下次一於去唱k先~~!!!
一定要聽下大舊師兄唱歌~~~
夜晚完成左一份訪問錄音帶,真係好啦~~yeah~~

怎麼辦?...我覺得自己怪怪的...
唉...我真是一個不討人喜愛的女孩子...
時常說錯話...奇怪的表情...
嚇怕人呢...真糟糕...
難怪...
沒有人喜歡我......p:..........

>>April 8, 2004 at 4:22:39 PM GMT+8

2004 年 4 月 6 日 星期二 【晴】

好啦,等我講番下這幾日做過D咩來啦~~

星期六...
朝早去左飲茶...
夜晚CSU開會TEAM BUILD,都幾開心,不過開到好夜...
唉...仲要返粉嶺,P:今晚細姑姐開夜,所以得grandma在家喎...
咪返去陪下佢啦~~um...都冇咩特別既...今日

星期日...
返教會...
太好了~因為我feel到餘震的威力已減弱...
我相信,地震很快便會完結...而我...
也可以過新生了~~
練舞,練drama,下星期就表演啦,希望神帶領,唔好跳錯啦...haaa...
補完習就返家啦~
愛死了crystal小姐啦~~一定係神知我窮,所以就派天使來幫我啦~~
呵呵........太好啦~~當然,我會好好答謝神架啦~~yeah~~
um...點算呢...唔可以咁架~~天呀~~~~~
浪子...........唉.......
我唔可以比死人頭zipzip批中架...
"多情的奴隸..." ....p:...死人頭...哼
整左個friendtest呀~!!!快d來玩下啦~~
睇下有幾熟我呀嘛~~~
www.cfcysc.friendtest.com~~

星期一...
走三轉...仲好白痴地著左條..>>>檯布....p:仲係長既...
搞到行動不便咁...唉...真糟糕~
朝早就返校排drama,yeah!!我終於刻服到澤民既電眼啦,
可以唔笑啦!!!yeah,勁呀~我~呵呵...玩左個"小強死老豆"既遊戲...
真係好攪笑...遲d同d朋友玩下先~~haaa....
去左吧食...都未去過既...$29個扒餐,都ok啦~

第二埸就係程序部開會,佢地呀,勁笑我條裙...p:...算...哼.
終於0係不停叫佢地唔好side-track既情況下傾好啦,
音樂食物分享會,正呀!!!!呵呵...
突然好有心志做程序部添...ivan..唔好同我爭啦......~~
then因RL7冇開...唉,公眾假期...所以就同水哥去左呀RAY度坐,
我就用下電腦咁啦,終於FORWARD哂個FRIENDTEST比人,
嘿嘿...結果會點呢...遲D睇下先講啦~~
話咁快就打好份會議紀錄啦,返房執個樣一陣後,就落去啦...

第三轉...落到去接左佢地上一樓HALL後...嘿...
戲肉開始啦...就係要我地新莊煮一餐飯,budget係70蚊,
oh...我這個唔多識煮野食既人...嘿嘿...都係聽佢地講好d...
加上我今日行動不便...唉...真係爆糟糕...
決定好就快步去樂富街市買...ha,我同ivan係優差,去百佳買膠碗,
但最後都係去埋街市找佢地,嘩,eva好似一個熟手人士般...
好勁呀!!連d野幾錢斤都知,厲害!!都係zip有風度少少,自動去拿野,
ivan就見amanda同呀wing會mark down d情況先走去拿...好假呀~!!!~
水哥就.......ar......嘿嘿...
煮野食...呀卓,eva同vivig煮野食確有一手,雖然有少少"農"...
唔識煮野食既我同珊珊就當然係執下野,洗下碗啦~
咁地方又唔大,d男仔就冇用武之地啦...所以都坐哂0係度...嘿...
不過zip都幫手砌野,ivan又找到舊羌喎,都有d貢獻啦~~
最後出左來~~都唔錯呀~~~縱使祈禱要求神大大的潔淨,不過都總算平安度過~~阿門~
開會傾大家心理測驗,p:其實都幾準架~咁我真係想像力豐富呀嘛,呵呵...
真係開心啦~~亦了解大家多左~~

最後...就係最慘既事...
mandy洗既碗...ar........係要我同amanda由頭洗過架...
住hall.......都唔係時時咁好架咋........慘~

星期二...
yeah~csu大旅行既日子,不過...
我唔知醒...p:!!!!!!本來約左amanda同agrent(唔識串...p)9:15在樓下等...
直至amanda9:20拍我門...我先知醒喎...唉...所以就叫佢地去先囉...
我極速攪掂,到去中環都係10:15,遲左三個字...sorrr呀~~~
好彩佢地仲未上巴士0者~~
今日既人有...我,amanda,agrent,卓,皮,vivig,john
雖然人少少,不過都幾開心~
去到赤柱,決定去沙灘野餐,
行完百佳買野(壽司,薯片,飲品,包...)後,就往沙灘出發,又要行捷徑喎,
所以就在石灘上行,嘩,勁刺激,就好似n年前我行大城石澗那種feel,
不過好短...yeah,去到沙灘,都係食下野,吹下水同風咁,
agrent同我地玩左幾個遊戲,都好開心~
後來呀卓,amanda同我都除左鞋同褲...(haaa...我條褲係可以分節的~)
去踏浪,yeah~我都話去旅行當然要堆沙同踏浪架啦~正呀,呵呵...
去到四點幾就走啦~呀皮同卓走先,
我地就行左陣赤柱廣場,yeah~有收獲,
>>白絲圍巾一條~靚靚紙巾筒一個~細細中國式碎紙銀包一隻~yeah~
走...好累了~~~

功課進度>>>lang finished, skill lab evaluation almost finished, book review no...
好...要繼續努力~~~

>>April 7, 2004 at 9:15:18 AM GMT+8

2004 年 4 月 5 日 星期一 【晴】

四月...乃死亡之秋也...

這幾天做過咩...?嘿嘿...

傾完CSU莊,就知道會有幾忙...
四月程序表...
放假~ 至12/4
但...放假後要交...1000-1500的funding proposal、skill lab evaluation、2500字book review
但...3,5,8,9/4要傾莊, 6/4 csu picnic, 7/4看醫生+re-u, 10,11/4補習,11/4教會佈道會表演+csu開會
12/4 傾research present+練drama
..........................
22/4~social research present
23/4~psychology present
30/4~human development present+記者招待會
完全未傾過...嘿嘿...
30號最甘...篇篇26/4drama演出,28/4 csu畢業生歡送會,29/4 csu莊agm...
天呀.......................................................................
不過我相信,神會使我重新得力的!!!!!!!!!!!!!!!yeah!!!努力呀!!!!
嘿嘿.............

所以呀...這個日記可以某d時候會荒廢下...咁啦,
don"t 見怪...p:

前幾日做左d咩呢~~
好眼訓...聽日打過...p:

>>April 6, 2004 at 4:45:10 PM GMT+8

2004 年 4 月 1 日 星期四 【雷雨】

一朝返rita堂...佢今日罵人好惡呢...
有d人遲到左15分鐘倒啦,跟住就比佢罵...
zip仲遲左半粒鐘.......
um...雖然佢真係幾惡,不過遲到又真係唔0岩既,
我剛剛0係門口撞到佢同佢一齊入,
我本以為我遲左兩分鐘...加上佢堂喎,d人應該唔遲架啦...
點知一入班房,嘩...真係爆少人...ar...
下次都要keep住咁早先...
之後skill lab,p:揀左做個唔出聲既秘書,算吧啦,
不過我真係有寫會議紀錄架..嘿...好詳細添boo~~
zoe做得幾攪笑~~睇我份野呀嘛...
大舊同derek都做得幾好喎,有天份?!

lunch就係傾research...唉...大家實在太忙啦,
約個時間都好難,最後成個復活節只係找到一日係大家都得,
冇計啦~同rita上房拿紙袋...p~~下次要小心d啦~~
human de,vivian終於都決定上監啦,
全班都好開心,拍哂手掌,yeah!!!從今次事件中真係睇到成班既團結呀~~
對哦~~大家互相幫助,一同努力,真係太好啦~~~(雖然我上左csu幫唔到手...)o..
不過我地sowk互助互愛精神真係爆正呀!!!

放學返房拿左d野後就約大敏同city返粉嶺,
對哦,就係去city間教會啦,因為今晚有音樂讚美會.
在火車度大敏撞到佢個中學同學喎,
結果仲一齊食四眼仔腸粉同糖水...(p!!!我忘了我最近肚痛緊...所以夜晚就...嘿嘿...)
仲影左d相添喎~佢叫咩名話..ar...oh...算吧啦...佢都叫錯我個名啦...嗚...咩norita,白痴的...
人地明明叫elsa架嘛...rita呀,你睇下,連個唔識你既人都叫no rita呀,haaaa.....
去到city間教會,嘩,佢地點哂蠟燭,好浪漫呀~
咁比人安排坐0係最前既sofa...坐0係我隔離既人...
我見佢著西裝,打呔,撓著腳很優雅地坐...
一望佢個樣....ar!!!!李雲迪?!!!
實在係太似啦,大敏都覺~同佢傾開計,原來佢真係姓李架,
都係人地叫佢來既...佢著既..p:原來係校服,(燈光暗呀嘛...)
影左勁多相...haaa...
d詩歌好正呀,好有feel,兩個見證都好好,
我覺得個女仔好勇敢...佢個case...好同我有d似...
佢做到...我相信,我都會做得到!!
city唱歌........我同大敏都...哇哈呵嘻嘿嘿......haaaa....
笑死左...佢非常認真地唱著...p:我都唔想笑架,
但係真係忍唔住嘛...
好開心呀今晚~~
好希望神既種子已經種左0係大敏同李雲迪既心裡面,
有發芽成長的一天~~


>>April 3, 2004 at 9:07:25 AM GMT+8

2004 年 3 月 31 日 星期三 【晴】

今日係愚人節...
不過好彩冇比人整古,HE,我都冇整古人,
~~好似太好了點~~P:

PE...在FITNESS ROOM跑步,
嘩,成8分鐘先跑得那1200米...真糟糕啦...
點考試呀咁慢.......天呀~~~!!
之後去左同佩珊一齊靈修,
本來諗住之後完成埋份LANG,點知...
見到呀嫺同自閉峯懶洋洋咁...都懶埋...嘿嘿...

去上MARCUS,見到成班SOWK莊員著哂件SUIT,
原來係宣傳,UM...真係好想有人上監,
因為知道佢地付出左好多,亦都好有心去上莊,
如果因為冇監而上唔到就真係太唔抵啦.
見到金玉同CHERIE決定上監,令到大家都好鼓舞呢~
後來食TEA時,GLORA決定埋上,大家同個目標又近左啦~~
只係欠一個咋!!!!

落大雨..食完TEA仲要趕返上水補習,
同HEAVENI一齊返去,
佢又係去補習喎~
同佢都傾到返左大學之後同屋企人相處既問題,
時間真係少左爆多,有時有時間去做義工,
反而冇時間陪屋企人,真係好無奈,
對哦,一定要好好分配時間,我地一齊努力啦~~

補完返hall...嘿...去左宋hall攪既拉大攬比賽,
其實本來我要落埸(咪係囉...唔夠人喎,連我這個...嘿嘿...都差d要落埸...)
嘩,好彩我地層有大力外國猛男幫手,拿到亞軍呀,
derek都有參加喎,代表十八樓,ha,
不過佢地五個本地男仔對住五個外國猛男...算吧啦,
人地個個都肌肉型...想win都幾難啦...佢地真係玩哂...
算拉~~haaa...最後人人都有一個微波爐盒同埋化裝品sample呀~~
真開心啦~~呵呵...

夜晚icq,同水哥同大舊傾左好多野,
um...我只係想講,大家要一齊努力呀~~~

>>April 3, 2004 at 8:28:57 AM GMT+8

2004 年 3 月 30 日 星期二 【陰】

好攪笑既一個情景....
在一個朋友身上,彷彿看到自己的影子.
我知道你會看我日記...
我對你在ICQ說的話,我想你也不會聽得入耳,
因為不久前的我也是如此.
的確,看到曾經心愛過的人擁著別人的感覺...很難受,
想著,他曾經愛的人是我,他曾經擁著的是我,
但如今,已是別人了...
我知道,真的很難受.
但難受又如何?你難受,他會感到嗎?你難受,他會不擁抱嗎?
你哭哭啼啼,你傷心難過,你頹,他會同情你嗎?他會回到你身邊嗎?
NO,恕我決絕地說,不!無論你多麼難過,他也不會回到你身邊,
他已另愛別人了,即使你多痛心,他也不會回轉,
要接受這段深刻的愛經已過去,是很困難的一件事,
但事情自然的來到,就迫著你去解決.
你想逃避嗎?他只會綁得你更緊.
適當的傷心,是必須的,是情感的釋放,
但過度的傷心,是沉溺,我明白,我也試過,
當你沉醉在痛苦之中,覺得自己是天下所以悲戲的主角,
那感覺雖墮落,卻有點安穩,
未試過的人會覺得奇怪,但經歷過的人會知道,
它只是個漩渦,你一開始沉溺時,
它會使你暈眩,像是所有的事情也化成絕望,
那運鈍的感覺或會使你覺得舒服,
但再下去,只會掉進那深不見底的漩渦之中,
走不到,也逃不掉.

縱然辛苦,卻一定要面對,
你要,我都會.這篇文不但是給你看,
也是給我自己的一個警醒.
說真的,我很喜歡現今的生活,
我有好的靈修生活,與神有良好的關係,
有最近好了...嘿...也好錫我~~的祖母及細姑姐,
有互相支持的弟兄姐妹,
有互訴心事,一起吵吵鬧鬧的好朋友,
有一起學習,一起面對的好同學,
我還不滿足嗎?我還渴求甚麼?
男朋友嗎?我相信神一定會有安排,我不用擔心,
你也不用,你不相信神嗎?
我們現在要做的事,不是不停地在過去的漩渦盤旋,
我們是要打勝這埸仗呀!!苦難而已,算甚麼?!
我們受的苦比耶穌受的更大麼?
既然不是,我們也是學耶穌的樣式,
我們要誇勝呀!!縱使是痛苦,也不可氣妥,
傷心就禱告啦,看聖經啦,神會安慰憂傷的靈,忘記了嗎?

面對,傷心,再面對,再傷心,再再面對,再再傷心...
一次又一次的,你會覺得這次傷心已經沒上次的痛,
對哦,就是這樣,當這種傷心已經不足以影響到你時,
我告訴你,你已經接近終點.
想忘記回憶?但你一日沒有失憶,你一日也不會忘記.
記著,要忘記的,並非那回憶,而是那痛不欲生的感覺.
你會做得到!!我也會,OK?
最重要的一點,倚靠神吧!
"在人不能的,在神凡事都能"

>>March 31, 2004 at 4:52:24 PM GMT+8

2004 年 3 月 29 日 星期一 【溫暖】

今日個天好恐怖呀...
夜晚竟然行雷閃電呀...好驚呀...!!!

朝早走左pe...因為起身肚痛...
唉...唔通我真係就來死....oh no!!!!!唔好呀........
之後ZIP打電來...話佢病重...OH...!!
但係都叫我返cell...嘩!!
今次既SOWK CELL係有史以來最人齊既一次呀!!
我,RITA敏,金玉,MANDY,CEMENT,盈盈,肥妹同VIVIAN,勁呀!!
個感覺...就好似D悲情戲,個男主角用心良苦希望改變大眾,
最後當佢既心願達成,所有群眾都一致時,佢...就與世長辭啦...!!
OH NO!!!zipzip實在係太慘啦...不過你安心咁去啦,
我地會堅持返cell架啦!!!你可以眼閉啦!!!......p:

跟住游游下游左去四樓common room,
捐血喎!!好...就忽發雅興,走左去捐血,
我有同個護士講話肚痛架,不過佢話冇肚瀉就得喎,HA,
所以就好驚咁....捐啦~加上咁0岩今次"DOC"手指OK喎
(因為上兩次都唔OK...有D貧血...P:)咁驚嘛...
咪想搵RITA敏陪我捐...嗚...佢都想捐架,但係上緊堂...
佢落堂時人地都收左啦...(收五點)
又想搵呀卓喎,因為之前聽佢話想捐...但係我發覺...P!!我竟然冇SAVE佢電話...
OH...今晚快SAVE先!!!所以就...自己捐左~
HA,都唔痛既,D血流出來時好好FEEL呀~HAAA...(變態的~)

THEN上LANG,另一個MISS來代喎...
THEN開第六組CELL,好開心呀~
因為呀WING整左芒果布甸,ASHLEY整左雞翼,
呀凱都有菠蘿腸呀~真豐富呀~~~
開CELL真開心,又收到張大家寫比自己既紙喎,
好FEEL到D支持呀~呀卓,ZIP,金玉同jolybee都冇來...OH...
下次一定要來呀!!最後一次啦~~

嘩!!!狂風暴雨,雷電交加...oh!!!!都去左又一城食KFC,
嘩,抵呀,位位廿二,都話叫大桶抵架啦~~開心呀~
最後同ARON搭車返HALL~
今日真好啦~~~

第六組開完CELL的結束禱告時...
澤民又講了那段經文...
"那等候耶和華的,必從新得力,
他們必如鷹展翅上騰"
又是這一句呀!!有看我日記的...都知道我在這個月已經打了這經文很多遍...
我要握緊這句話,我要警醒呀!!!

>>March 30, 2004 at 4:43:07 PM GMT+8