2004 年 9 月 25 日 星期六 【晴】

愛沙要避嫌...

第一,自己認清自己的感情
第二,不想傷害與朋友之間的友誼
第三,不想被他誤會...

結論:對那誤會自己的人...格外小心...不再經常找他玩...luu~

:p...如果我真的是喜歡他,那就當然沒問題啦...但若果不是,卻被以為是...
那就...不太好吧.......:p

>>September 28, 2004 at 7:07:48 AM GMT+8

2004 年 9 月 22 日 星期三 【晴】

唉...
點解做任何事...第一次總係做得咁差,要再有機會做第二次先會做得好呢?
唉...雖然第二次往往都會做得好,但係唔係每件事都有第二次機會...

唉...
真係唔想成日睇到每地眼鏡碎...

唉...
各位千萬唔好對我有期望啦...
令人失望那種感覺真係好難受...
唉...
其實對我最失望既...應該係我自己...
唉...
我對自己既期望實在太大...

>>September 23, 2004 at 2:57:50 AM GMT+8

2004 年 9 月 20 日 星期一 【晴】

整天都沒心機...
煩惱著...自己的感情.

其實有沒有...是否真的那麼重要?
其實...是否一齊,又是否那麼重要?
最緊要...不是相處得自然,開心嗎?

夜晚練歌好開心呀~
一來唱詩歌使人心情喜樂與平安,
二來與大家的相處也很開心~
原來praise band有好多好攪笑既人架...~
食飯時呀正同逸軒一唱一和真係笑死左...
haaa....但係又話我同呀邊個拍拖...
冇呀!!!千萬唔好誤會呀!!!我單身架~~:p
最攪笑語錄...(攪到我同米缸差d噴飯同"俗"親)...
呀正:"(對住逸軒)喂,你粒暗蒼變左做粒飯喎".............""
最慘係思漢呀~來到我地都差唔幾食完啦~
不過我地都有良心,就係留番一大碟R比佢~
呀姐都話佢靚仔呀~HAAA......所以減我地價....HAAA....

真希望以後日日都過得咁開心就好啦~

>>September 22, 2004 at 3:36:39 AM GMT+8

2004 年 9 月 20 日 星期一 【晴】

我在這裡幹甚麼?

爛泥?

被人看不起的角色?

自毀?

.........................................................

>>September 21, 2004 at 5:26:01 AM GMT+8

2004 年 9 月 16 日 星期四 【晴】

因為加入左PRAISE BAND,先知道原來自己唱歌係咁難聽...
:P...我點可以做好D呢?
好似昨日帶詩(hall gathering),都覺得自己唱得唔好...
唉...即刻灰左......不過講真,詩歌真係比流行曲難唱好多~~
ar~~~我要唱番d流行歌增強番個自信心先得...!!嗚...

個hall gathering好好呢,雖然人小小,但係咁先至可以識哂全部人嘛~~
希望遲d會在廣東話崇拜見到大家啦~

好好呀~~猜不到的結果~:p有點羡慕呢...
我也很想知道更多,清淅一點...會更好吧...
你就幸福啦~...而我...看到了一些...聽到了一些...很模糊...很擔心...
若果真的是...是天意吧...
是真的話,快讓我知道...總好過白白地等待,
只知道這個便好了...長痛不如短痛.

>>September 18, 2004 at 6:53:13 AM GMT+8

2004 年 9 月 13 日 星期一 【晴】

好忙呢D生活...
難得今日(15號)悠閒D可以打下日記,
星期一個週會好開心呢~好多人來呀~
真希望可以KEEP住次次都咁多人來就好啦~
不過查實個分組問題一定要傾傾,
因為講真,跟據教我GROUP既...死啦,呀SIR叫咩名呢...AR...
總之那個PRO.人話最理想GROUP既人數係10個島,
加上廿個人時間好難就...UM......可能分兩次組聚啦...
辛苦哂組長囉...

呵呵...整左D忙果布甸,HA,第一次整咋我~
加上時間又少喎,我仲要整完覺得太稀先走去買魚膠粉...嘿嘿...
真係想像唔到咁好食呢~~呵呵...希望D組仔組女乖D,
多D返團契同開組,咁我就安慰囉...
要特別謝呀趙伶啦,爆好,話如果整得唔好就捱義氣幫我哽哂佢...
HA,咁當然整得好都唔少佢份啦,呵~
所以夜晚就約左幾個SOWK 蕃薯民來食野,
唔知係咪最近近得D蕃薯民多左,自己都蕃薯左呢,呵呵...
夜晚仲同TRACY傾左好耐...其實咁都好既,
自己主動做決定,好過被動地接受啦~~我會支持你架~

今日呢...就...
D堂好密呀...仲要走去上U-LIFE...灰盡...
仲要撞到幾個蕃薯民比人笑...嗚嗚........我都唔想架...
但係我睇個排名表呀,有人個ID NO.係01字頭架!!!
雖然都係得兩個係03....嘿嘿...但係我一定會0係今個SEM上哂架!!!!
放左學,就走番去CHAPEL...嘿嘿...PRAISE BAND INTERVIEW~試音...
睇佢地練習左好耐思漢先來,HA,真係越睇越覺得佢似D少女漫畫既男主角,
特別係小花美穗作既"悠揚樂韻"裡既天才音樂家男主角呀!!!
試音...AR...........覺得自己唱得爆難聽....嗚...但都係收左我...
思漢真係好呀~~~嗚...PRAISE BAND D人都好好,
思賢教左我講幾句馬來西亞話呀...呵...
SAYACHIDAMU.....HAAA~~~~
我同蕭瑤都入左呀~呵,以後有人同我一齊白痴啦~
最衰米缸啦,無LALA話攰磚左地下...HAAA....我同蕭瑤又八卦陪佢磚問佢幹甚喎,
搞到比思漢話...哼...HAAA~~不過同佢地相處好開心呢~

返到HALL樓下,見到班同學,原來佢地剛剛同SIMPSON慶祝完生日,
同佢地吹左陣就走左上去搵AMANDA食橙...HAAA....
仲拿左隻橙走...HAAA...
跟住搵左SO苯傾計,認識多左好多,
仲比埋隻橙佢...唔知係咪比呀皮影響到,
搞到我最近都勁搵人傾計,嘿嘿...
不過都好開心呀~
關係係由真誠既對話去建立既,我好BY呀皮既這個做法~

UM...感覺有點怪...
明明冇問題,明明冇錯,
但係點解...個感覺會咁怪呢...
真係唔明...唔明...

>>September 18, 2004 at 6:18:40 AM GMT+8

2004 年 9 月 10 日 星期五 【晴】

好奇怪...
寫親0係日記度D野都係幾日前既...
真奇怪...
但都要講...HAAA....

講返團契O'NIGHT...嘿嘿...
有樣野好開心呀,就係比我撞返個7年冇見既舊同學呀~
佢竟然認得我喎,如果唔係佢同我講野,我真係唔認得佢呀~
佢真係變左好多呀個樣,HA,仲記得FORM1時叫佢黑面靚仔,HA,
現在都仲KEEP得幾好喎,HAAA....突然令我諗返起白面靚女添...

演出.....
人生...終究有D不完美...
係囉...唉...~:P我都係無謂再自責啦~
D觀眾唔覺就OK啦,HA...唉...
好彩普遍都話GET到野,太好啦~這就係我地O'NIGHT既目的吧~
真係爆想遲D拍一齣爆GAP版呀!!!!~~期待著...
今日CITY改篇左首歌....."為甚麼要搬DAN"一路搬DAN一路唱...
真係笑爆左肚...HAAA.......媽媽仲錄埋佢...
最攪笑係小英0係後面跳住咁講:"你地好無聊呀~~~"
HAAA...查實我地真係幾無聊.....~~

0個晚好感謝神,HA,一來係好多參加O'NIGHT既人都覺得唔錯啦~
二來就係佢地GET到野喎~三來就係!!!!
REBECCA決志信主呀!!~~
真係爆爆感動呀同爆爆開心呀~~~
當我觸住佢隻手時,心裡勁火熱呀~~好想以後在團契可以散發更多愛,
更多人信主~~AR~~~結果成組人幫佢按手祈禱,
全組都好好呢~~~~~

另外,夜晚都好開心,原來我有D好好既師弟,
SO苯同趙LING,幫我洗樓每家每戶派HALL GATHERING既宣傳單張呀~
勁感動喎~~~!!我會記得遲D請你地去食糖水架啦~~呵~

又講下10號星期五啦...
上足九粒鐘,跟住去BB蕉,夜晚仲通頂達六點...嘿嘿...勁冇!~
不過除左那九粒鐘外,都好開心~
唔知點解,好想同D FRESHMAN認識深D,呵呵...
我已經識好多架啦~仲同幾個都好熟添~~好開心呢~
去到獅子山郊野公園.......死金禧.......
咁我地係度BBQ啦,隻死金禧呢,係度講鬼古喎...
佢仲要坐我隔離啦,本來都冇咩野,隻死SO苯好似知道D野咁,
就迫左我同金禧坐喎...咦...講到尾0個陣無LALA0係我隔離大叫"嘩!"喎...
真係比佢嚇死ED啦!!!!!不過SHIMEN好勁勁呀!~~好似完全冇比佢嚇親咁,
仲坐0係佢隔離...HA,我當然係遠離佢啦.........好恐怖呀!!佢!!!HA~
跟住我同卓,細CAR去TOILET...激死我啦~~
我地去完出來,我就望見幾個人企左0係左面,我都估到佢地想嚇我地啦,
點知我望佢地時後面有人彈出來嚇我地喎...嗚...嗚....
好慘呀~~~
後來又去玩石春路喎...死敵呀恒好勁呀!!!
竟然可以揹住我行過喎!!!!我初頭都唔知佢勁,係後來自己除鞋行上去,
真係痛死左........佢即刻由"死敵"既位置跳升至"勁爆人"既層次呀~~~
初頭我都冇去玩架...但後來就.....最慘就係要0係條路上面玩毛毛蟲呀!!!
真係坐到個PATPAT都痛爆呀,仲要一步步坐過去喎...
真係攞命,後來又玩4X100喎...HAAA...我地又輸左啦~
結果要碌地呀...痛爆呀~連個頭都好似被石係咁敲咁呀~~~嗚...
不過都真係好好玩呢~~~

之後就一行住HALL人行番去啦,
勁搞笑喎,唔知點解TRACY同小明一支箭咁跑左去前面喎,
咁我,趙LING,SO苯同家宜又跟住跑喎,
HA...但係後尾SIMON,呀北同呀葡行得極慢嘛,
我地四個就0係許士芬對出各自擺個型POST等佢地喎...
HAAA...笑爆左呀~
SO苯:型男回牟一超
趙LING:後現代蘇格拉底
家宜:妸娜多姿迷人LOOK
愛沙:酷男溝女典範
HAAA......好白痴呀~~~~今年D FRESHMAN真係越來越有趣啦~HAAA...
返到HALL都12點幾,沖埋涼就約左佢地在1樓等,THEN玩通頂...
原來SIMON識彈琴架~~仲爆爆勁喎~~~~
SO苯初頭失左蹤......原來佢去左小明度...
(又唔快D打來電來呀!!~~激死我呀~~等左咁鬼耐呀~~~)
我地就去左呀葡度玩啦~~首先玩生命之旅,
THEN就問問題,傾心事啦~~
大家都了解深左好多呢~有好多野,真係唔講都唔知...
原來呀葡同我D經歷係咁似...~~
原來呀北係咁易比人恰...
原來SIMON係咁勁...
原來SO苯係咁傻...不過好值得欣賞...
最鐘意係佢既一句話..."你快D搵個男朋友啦"
HAAA...我會努力架啦~~呵呵........
唉...我都想...:P
趙LING呀~~!!下次就問你架啦~~~

>>September 11, 2004 at 4:16:51 PM GMT+8

2004 年 9 月 8 日 星期三 【晴】

前幾天悲喜交雜...

喜...
講埋個CAMP先...
去到CAMP SITE,就玩左D破冰GAME,
我地組叫"ALL IN ONE"呀~
口號係:"ALL IN ONE,心連心,其利斷金,攞梗冠軍"
HAAA...同D FRESHMAN都熟左,好開心呢~
第二日就有份帶GAME,我同IVAN一組帶殘廢GAME,
見到D組好團結咁枱人去執野,特別我地組...嘿嘿...
叫哂口號支持喎,爆好呢~~
食完飯就玩SOCI GAME,
呵呵.......我帶個TASK就係玩UNO同層層疊,勁好啦,
我拉左水哥同我一齊帶,當然就不忙玩埋一份啦,
呵...所以係咁勁玩UNO ATTACK呢~~勁好玩喎~~

夜晚就營火會啦,跳舞呢~好開心呀~~
有個舞係拖住對面的人,然後好似過山洞咁過勁多人喎,
勁好玩呀~我就拖住KARIN跑啦,HAAA~
另外都好多舞係要跑,個地又滑喎,勁刺激呀~~
好彩冇扑底0者~~
夜夜晚同自己組吹水,認識左大家好多,
希望大家之後都會番團契啦~~

悲...
唯一想講既係...點解會搞成咁...
總覺得...係我既錯.

>>September 9, 2004 at 3:23:21 AM GMT+8

2004 年 9 月 5 日 星期日 【晴】

啦啦啦...團契個CAMP好正呀~~
雖然我並唔係全程可以玩哂,有時都要HOLD下TASK,
但係...呵呵...HOLD TASK都好開心~

星期五...
朝早8:30上到6:30.......
0係同一個課室上9粒鐘...真係攞命...
好彩WILLIAM好人,肯掉走我地堂8:30去星期四,呵呵...
咁就唔駛咁辛苦啦~~
SAMMY堂...AR...都幾好,
VICTOR堂...HA,覺得VICTOR爆攪笑,雖然D英文就...但都好開心~
WILLIAM都好攪笑,雖然都悶悶地...HAAA...
RITA堂,發覺佢好人左...唔通對YR2,3同對YR1真係唔同D...?
好攪笑...同埋成大半班YR3一齊上堂...

跟住就拿拿臨返HALL拿行李,就飛去SOWK房拿螢光棒,
就閃去CHAPEL集合啦...
UM.........雖然我真係有D低B...但係冇講過話YR2就唔準低B架嘛...
加上這個係我性格...好難改架喎...
有少少唔開心添...又諗返起...
我不被愛的原因...難道就是因為我低B?

見到自己組啦~~TIM同DOROTHY係組長,
組員有我,葉仔,WILLIAM,JOSEPHINE,HERMAN,
FRESHMAN有REBECCA,ALEXANDRA,靜文,呀KEN,呀邦同埋呀成.
一睇個人名表就呆左少少,HA,因為有個梁建邦...HAAA...
令我諗起久違既邦邦添...上車同REBECCA坐,
傾左好多野呢~
去到CAMP SITE,...AR...
好眼訓tim...明天再續啦..haaa...

>>September 6, 2004 at 4:55:34 PM GMT+8

2004 年 9 月 1 日 星期三 【晴】

SOWK個CAMP都幾開心呢~
識到好多FRESHMAN,
本來我只係去兩日,同埋做HELPER又冇得入組,
都諗住可能未必同到班FRESHMAN FRIEND,
HA,不過都幾好呀~因為我份人夠主動同攪笑,
HA,所以都同好多FRESHMAN熟左呢~~

入CAMP時,冇啦啦比人聊喎...
勁恐怖呀...仲係咪問我拿電話呀...
我當然醒,冇比佢啦~不過佢比左個電話我喎...
勁驚呀...
入到去,都係幫下手咁,下午就影下相啦,
見住佢地玩,真係好開心呢~自己都好想玩呀~
跟住殘廢餐,HA,入組玩係明智既選擇呀~~
呵...我隨便坐,就坐左去呀卓那組,
YEAH,仲比我抽到正常牌,HA...
結果我就餵呀卓同SO苯食飯,HAA...
SO苯本來都好似好有禮儀,好好人架,
點知識耐左就話我低B啦...嗚...太過份啦...~
ha,就係因為咁,我就同第一組熟左啦~
carol,shamen都好好人呢~要係咁記住呀卓係alice......ha,
叫錯左就大獲啦,haaa...

夜晚跳camp fire,個火都好勁呀~
不過竟然落雨喎~好彩唔係好大,同埋好快就停0者~
真係感謝主呀~不過的確有少少亂,但係問番d freshman,
普遍都話幾好玩呢~
夜晚就去左第一組同第五組既房玩,
玩九唔搭八,好攪笑呢~~haaa...白痴呀~
問芬芳既問題...haaaaaaaaa....一定唔會唔記得啦...haa~
跟住0係走廊見到呀bee玩魔術...
嘿嘿...開正我那行啦~結果就勁同佢玩魔術,
ha,我當然係pro.啦,不過拆穿左就爆低b啦~~
勁攪笑,玩完就同佢啦,josephine啦,蕭遙(真名來架,爆型喎)傾計,
以前以為呀bee好cool同有d寸,點知原來佢好攪笑,
仲有白痴既一面...ar...結果同佢同蕭遙變左福祿壽...
好攪笑...我地三個打橫咁坐0係度,訓下傾下笑下咁,
跟住大舊同細car又打直咁訓0係前面喎...
都唔明點解張床可以坐咁多人...haaa...
另外d河馬真係好攪笑...真係笑死左~~:p...成晚冇訓呢~

第二日成朝都wonwondonedone咁過...嘿嘿...
真係近得第一組多...
好開心呢~因為我地alpha-in有得一齊影相,
ha...tony爸+sa媽~仲有我,呀卓,mandy,rita,呀傑,呵呵...
咁快又成年囉..........呀爸都有新呀媽啦...嗚......ha
揭spy啦...maynbo忍唔住喊呢~
我諗係一來擔心會hurt到d freshman,二來可能係唔捨得啦~
但d freshman都冇唔開心,反而好支持佢地喎,
所以個場面好感人呢~~
返到hall當然勁訓啦...好眼訓呀...........................

ar....ar...~~~某一刻,又真係幾似王子喎...
雖然睇得唔多清楚...嘿嘿...
一刻0者,都係......

>>September 1, 2004 at 5:33:06 PM GMT+8