2005 年 7 月 27 日 星期三 【晴】

7月26~27日.
尋找自己... 究竟我去了那裏?
我的自信去了那裏? 連整電腦都會手震...

==========================
7月28日
惠州行, 再次.
這次要到惠州只是因為他的語音網關出了問題.. 他媽的,
不知那個運輸怎樣帶東西到那裏的, 那隻語音網關本身都花了, 連內裏的零件都鬆了.. 真是...
只好將Gateway 換了香港那隻..

之後一試到語音網關, 基乎都可以走...

搭巴士的時候, 整個腦都是老婆... 可是返到香港已經太晚了, 不能跟她傾電話..
可是老婆不在身邊呢, 卻非常間接地使我跟她媽媽的關係好了不少... 我也想不到!

>>July 29, 2005 at 6:11:21 AM GMT+8

2005 年 7 月 24 日 星期日 【晴】

老婆..... 對唔住呀....
只要你願意, 我當然願意..

我願意為你 我願意為你 我願意為你 忘記我姓名
就算多一秒 停留在你懷裡 失去世界也不可惜
我願意為你 我願意為你 我願意為你 被放逐天際
只要你真心 拿愛與我回應 什麼都願意 什麼都願意 為你

==========================
To my wife:
即使現實事情再艱難, 我辛勞也是值得的..
Because you are my everything..

>>July 25, 2005 at 4:16:52 PM GMT+8

2005 年 7 月 23 日 星期六 【晴】

7月23日.
我倆的五個月紀念日..
我想我這一生都不會忘記五個月前的那天,
在往大埔墟的車廂裏, 我對妳說過的那一番表白, 也不會忘記妳當時回覆的樣子
還有我第一次拖著你的手的溫度...

一生人不會有另一個人可以給我這樣的感動~*

今日是韓文的oral exam - 其實只係吹水考試... 同miss 傾計就exam.. so easy...
不過幾多分就唔知啦...
之後急急腳返屋企,, 諗住去support 老表係大陸的工作, 點知佢無去到....
結果今日好無聊 - 真係極之無聊.. finalize 下d program,唉....
好彩可以同老婆傾好耐電話補數.... ~*

七月24日
唉.. 好頭痛... 為錢而頭痛... 一陣先講...
今日去書展.. 原本都無咁多人, 但係越來越多人, 甚至連stephy 同miki 都見到..(其實無真係見到, 只係d 人舉晒banner, 同埋見到d 眉頭眼額only) 不過即刻急急腳走 - 咁o既環境仲唔走!? 之後一定唔使旨意走得甩..
行到好鬼攰.. 搵間茶餐廳食個下午茶.. 算係幾抵食..
原本諗住搵老表打機, 點知大學同學paul 少彈左個客黎, 仲要係今日限時完成... 唯有下次再約啦!
上到去, 其實無想像中咁嚴重, 都起碼用到個IE - 咁即刻download Ad-aware, avg free, 同埋zonealarm free 就搞掂晒, 只不過佢部機真係... 個windows 98.. 真係好亂 - 新增/移除程式係刪唔到program - 我懷疑佢自己人手刪file..搞到.. 唉....
但係個男人好勁喎.. 佢對網路線係完全熟識, 由CAT5e到光纖... 佩服佩服!

好啦.. 到今日戲玉 - 錢的煩惱...
原本屈指一算, 五年內十五萬的目標其實有機會達成, 只要夠慳同識得理財就ok.
但係呢, 老實講, 其實老婆都會好辛苦.. 要陪我一齊窮.... 雖然佢口無講, 但係我覺得佢都挨得有d 辛苦... 今日同佢傾電話, 講起食...唔多唔少我都有呢種(覺得佢陪我好窮咁食覺得辛苦)感覺.... 我唔想佢辛苦... 自己無得食, 都唔好餓親老婆先啦....
開源呢樣野好難講, 但係節流就可以自己控制...
點講我都有一半潮州人血統, 要挨要慳我都可以o既...
食少餐晏同tea, cut 晒所有不必要開支囉...唔打機, 唔行街睇戲唔使死o既... 搭車盡量平囉.. 以往搭307果種風光就諗都唔使諗... 最多只可以火車到紅磡再搭地鐵或者船囉.. 一樣去到o者..
非工作/返學因素咪唔好出街囉.. 就算做野都迫埋一日...(已經開始要學下物流學.. 點樣走條path 先會又快又平.. 嘿嘿... )
所以唔好意思啦... 我都係唔過澳門同埋同7s同學去淺水灣啦.. 因為真係實在太窮...
而且我電話已經爆分鐘 - 所以直至7月29日前我唔會聽大家電話 - 有咩事都等我返到屋企先講啦..
就算挨, 為左佢.. 點辛苦都會覺得開心o既~*

>>July 24, 2005 at 3:37:56 PM GMT+8

2005 年 7 月 21 日 星期四 【晴】

唔記得係上次日記講1d 核突野...
係富亨正行去太和途中, 經過聖心對開有一橦樓(唔知亨咩樓), 一對小朋友情侶係到又攬又錫.. 個女仔一睇就知小學生.. 點知? 佢著住件PE衫.. 出賣埋佢邊間學校tim! 唉.. 日光日白, 大人都唔會咁揚啦小朋友... 仲要我走埋去佢先識死..... 一早就ON LIVE啦你地.....
=======================
今日係朝早落過下雨ja wor.. 一到下午出奇咁好天...
一起身去左樓下幫老婆買野俾佢嫲嫲先.
之後先搭車返一返公司, 攞張fax 同埋裝返ZIP 機....
之後即刻飛身落去上環.. 嘩.. 係香港站行返去中環站.. 好鬼攰.. 又肚餓....
攞返手寫板, 唔理啦, 見有時間慢慢行去地鐵站坐車去新蒲崗...
先去到嘉豪老豆間公司俾返塊手寫板俾佢地同埋check 返少少電腦問題..
原本諗住先俾底d 野俾老婆o既嫲嫲o既, 但係無人聽電話, 唯有去左個客到講數先... 只係同佢講下價only.... 五點幾先再去過,
六點前已經搞好晒d 野返到city lu!

今日玩cosplay.. 哈哈.. 但係我唔係扮loritta或者草莓之類的人物, 而係著住件韓服通街走...
走到去又一城果邊紅門到做企街.. (註: 唔係唔正當果d, 係要派傳單叫人去睇, 同埋帶人去睇果d)
其間撞到大學同學唔出奇呀, 居然撞一個十年都未必見到一次的中學同學... 呢下先係..... 最好笑係搭火車走果陣又撞到.... 暈! 真的有緣!
我企到八點先入場睇.. 老實講.. 睇唔明佢想表達d 咩.. 好似有個講三角戀同埋有一個講放底包袱之類only... 感覺上...
今日影左幾張相.. 但係男仔d 韓服真係唔係靚.. 可惜可惜...

===========================

>>July 22, 2005 at 4:09:12 PM GMT+8

2005 年 7 月 20 日 星期三 【晴】

19日
同圖書館班人食飯...
美其名係食飯, 但實際上就係吹水同收風..
最大的風.. 真係嚇親人的風, 就係我同老婆並唔會係3c 班最早結婚的人.. 我地已經俾人扒左頭...
問你怕未... 邊個? 大家一定好想知... 嘿嘿..
佢係一個係3c 班非常之唔顯眼, 而且某程度上行為有d 怪異(只係個人觀感only...)的女仔...
不過都好, 聽閒個男仔都幾錫佢喎..... 雖然真係超級難以想像!

20日
五點幾先去觀塘做野... 轉Server, 由一部雞坤Pentium II 300 一轉成為Dual Xeon 2.66G, 2G RAM Server....... 用左四個鐘... 快手呢家野, 其實真係遺傳... 話說我媽未生我之前, 係工廠到做.. 係全廠快手果個...
十一點先去APM食飯... 話時話APM真係夜夜笙歌.. 非常精彩..
好彩係去到APM入到去先落雨.. 尋晚一路食飯一路倒水..........

今日
做左半日速遞員...
先去富亨-->太和-->大埔中心
真係好熱熱呀! (一個熱都唔夠, 要兩個熱先夠表達)
收到老婆寄來的postcard... 好甜~*
又返回PHP的懷抱
====================

>>July 21, 2005 at 7:22:16 AM GMT+8

2005 年 7 月 17 日 星期日 【晴】

尋晚好晚先訓... 因為同泉吹水...
果然佢係好明白我諗緊咩... thx buddy!
其實已經無野.....

今日第一轉出上水... 又北上..
原本諗住先去One2Free果到搞左自己電話轉名手續同埋續約, 諗住都搞幾耐, 點知超快搞掂, 只好去商務印書館打書釘.. 期間見到一本中國抗日戰爭的畫冊, 睇左一粒鐘...
唔係真係諗唔到咩地方去.. 今日實在係熱得出奇! 臨近打風或者落大雨就係咁(後註: 果然不出我所料, 晚上就已經落雨, 仲行雷閃電..) 直情係熱到好似個人著左火咁! 所以今日成日都係有冷氣的地方到逗留..
之後夠鐘上去個客到, 交個程式output俾個客, 睇黎個客都ok 滿意, 只係等大老細批就ok 埋尾... 又可以收錢...
呢個VB 程式.. 唉.. hea 字.. 真正落手落腳做, 做左兩日....
之後搭火車落左城大, 終於下定決心要搞下d 韓文功課... 因為最後兩堂啦已經係.. @_@
雖然有條友仲遲過我...... 做做下做到四點幾, 同老婆傾左緊電話, 之後太肚餓走左去食十一蚊丁麵.. 老實講, 越黎越難食! 又喊到死... 以後都係食十蚊鵝瀨...
做下同溫左一陣韓文之後就上堂, 今日上堂億幾二億個電話係咁打黎... 我都唔好意思...
等break 立即打返比老婆(佢無打過黎, 只不過係呢個時間傾電話...)
鬼咩... 又病左.. 頭重重... 唉..... 果到真係太凍.... 不過呢次佢無發燒我都無咁驚... (但係頭重重應該會發燒架喎!) 不過仲有得返廿六日... 有咩事都唔會太嚴重... 返到黎就可以睇住佢... 點都唔會有事o既....

==============
回 soman
好.. 等你呢餐...
但係我覺得你係型果d..特別因為係高大..
如果我係女我實追你先.... ^_^

>>July 18, 2005 at 4:36:46 PM GMT+8

2005 年 7 月 16 日 星期六 【晴】

星期日都出左去做野...
今日成十一點幾先起身... 好舒服.. 只係尋晚唔知點解訓訓下個消防鐘會響到飛起... 搞到好耐先訓得返...

食完飯走去幫so man個姨整電腦..
佢把風扇壞左, 幫佢換, 順手搞下佢機箱入面果堆線.. 唉.. 一個亂字! MATX都亂成咁..熱死佢...
幫佢換完把扇, 可能把扇真係太勁(上次同泉走去大陸買果d 10 蚊把), 搞到部機仲嘈左.. 唉.....

之後同so man 出去hea... 反正大家都無野做, 我又要等夠六點先去大圍...去我阿姨到整機...
同so man hea 的同時大家係到講女經... so man 都開波lu! 有幾奇呀.. so man 又黑實又型仔.. 不特只仲要係好仔喎... 實會搵到啦!
同so man hea-ing 居然俾我撞到一個我係唔想見到的人... 我啤左佢一眼咁多... 佢係邊個? 我唔想講... 只不過我係睇佢唔順眼... 我同老婆講, 老婆話: 咁佢都好無辜喎.. 佢咩都唔知...
其實我都唔係好肯定係唔係佢, 但真係好似係佢...
但係從我角度我當然唔鍾意呢個人啦... 至於佢係唔係無辜, 睇邊方面啦... 如果"比我啤"黎講就都算係無辜, 無神神撞到舊同學會被啤, 但係"被人啤"黎講佢係死有餘辜... 因為佢以前做左一d 對我黎講係不能原諒的事...
每次提起呢個人, 我都覺得好火.. 因為每當我諗起果個人做過o既事, 對受害果個人造成過的傷害, 我覺得太過份.. 所以係好火, 最慘係我咩都做唔到.. (如果俾我打佢一身都好呀, 最慘又唔夠佢打...)每當我想到這樣我覺得自己好無用...
講到呢到, 你可能覺得我太敏感.. 但我未講完...最慘最慘係... 受害果個係我至親..
我只係想佢忘記以前的痛苦.. 我唔知我做唔做到, 我唔知我對佢夠唔夠好令佢唔會再諗起以前的痛... 雖然, 佢話已經事隔多年, 已經咩事都無...但係做左就係做左, 有d 野就算以後點補救, 發生左就係發生左, 除非洗腦, 如果唔係唔會忘記到, 只係唔會諗起而已..
但係我覺得呢個人做過o既野.. 係呢世我都唔會原諒到, 唔單只因為係佢做過的客觀的事, 還因為佢傷害過果個人... 對我黎講, 比我生命更加重要(或者應該講比起電腦更加重要 - 咁先覺得重要)... 睇到呢到, 我諗大家都估到係邊個啦?
除左之前仲有一個我覺得面目可憎的人之外, 呢個人將會成為我永遠的敵人.

唔好再講佢啦...

我阿姨果d 唔識用電腦法, 老實講, 一日整一次都唔得掂..
幫佢上返網, 同埋set 下野only....
結果八點幾先返到去, 好彩一早set 好預錄..
老婆尋日去玩果陣, 太大風, 今日又流鼻水.... =.='
好彩呢次無發燒.... 如果唔係我就真係想買張機票過去.....
仲有27日老婆就返香港lu... 佢成日都以為係淨返3個星期, 其實係四個呀!

.................
始終心情都係麻麻地...好想搵人傾下...
但係... 邊個會明果種無助感同埋無能為力所帶來自我否定果種感覺?

>>July 17, 2005 at 4:10:10 PM GMT+8

2005 年 7 月 15 日 星期五 【晴】

好幾日沒寫日記...
因為呢幾日都好忙......

7月13走左去擺機, 走左幾轉... 包括深水�, 大角咀, 新蒲崗, 上環, 銅鑼灣...
一日搞掂晒所有野.. 同埋要準備好聽日上大陸的東西, 例如Linux 碟之類..
其中去到上環果陣有幾個咩國際人權特赦組織走埋黎, 佢同我吹水, 之後當然係叫我

捐錢啦.... 老實講, 如果即時叫我走去捐一舊水我都無問題, 我都會支持, 但係每

月.. 我邊有咁多錢.... 佢仲要話有其他大學生都係咁捐... 唉.. 佢地有政府俾學

費, 一陣又車船津貼, Full Grant 都好似聽過呀! 睇落好似佢地窮d咁喎.. 係屎!

佢地識得轉移同壓縮資產o者... 我地老實人, 咩都無! 所以分毫皆辛苦.. 我幾乎想

問返佢轉頭: 有無得救濟下我....

7月14 上應我老表的邀請上左惠州幫佢睇佢個客黃太間廠的電腦之類...
呢次主要係負責Site-to-site VPN Tunnel, 尋日整好部Linux server 主要就係做一

隻Internet router + VPN tunnel roadwarrior (因為個ip 唔係fix, 所以真係

roadwarrior)
十二點幾到, 三點鐘先出發, 五點先到.. 中間等咩? 一係等老表條女(唔知邊條..)
一係呢, 等佢三部機同埋個技術員, 不過係買機買遲左o者..
上到去真係五點, 我已經唔等咁多野即刻set (其實一早準備同測試好晒, 一開著部

機, 上網就要即刻抄野config file only)
我反而一早搞掂.. 唯一奇奇怪怪的就係DSL Modem 同電腦中間係要加多隻Switch先

肯做野.. r晒頭!
之後幫佢地set 埋d printer(其實無咩點做野), 就食飯(盒), 之後又係等..
中間有一個技術員試緊機.. 佢成日都諗唔明點解裝裝下norton 中途會上唔到網, 疑

神疑鬼.. 我同我老表一估就估到, 壞左張lan card.. 我係求其一部舊機到攞左張

8139出黎, 一插搞掂....
之後整埋少少LAN 線就走得.. 九點幾.. 死人老表, 真係咩女都唔放過...
今日都算係成功, 但係我老表慘啦.. 明明人地叫左七點幾要佢返到去飲湯.. 而家搞

到咁夜.. 呢次我都無眼睇.. 因為我再睇我就過唔到關 - 去到羅湖已經係十一點

半...結果返到屋企... 十二點....

7月15日
去一個最唔想去的客到.. 就係果個壓價壓到你驚的印度佬...
其實介紹我去做的, 係以前識落的一個人, 佢轉左去呢間到做..
之後就叫埋我去做佢電腦d 野... 唉.. 呢個人自己都話覺得唔好意思...
咁唔關佢事o既..佢話可能d 老細係香港叫做小數族裔, 驚俾人搵笨..
我就認為, 如果你想人尊重你, 你就唔該都要尊重人... 無架啦.. 講明做埋今年,

加價, 你要我繼續做就做, 唔想就算...
連keyboard 都話要claim 保養.. 咪膠啦....

7月16日
原本諗住走去睇戲o既今日, 但係返完韓文, 見到個電話無電, 又硬係唔係好夾時間

咁, 唔啦...
返到去, 繼續玩玩具 - 係惠州搵返落黎果隻VoIP Gateway.. 尋日connect 唔到

Gatekeper, 今日一睇, 原來只係佢set 到個port 去到2000... 唉... 人地standard 係1720... 你去到2000把鬼咩.. 之後一野就register 到GK, 仲可以打到出去...
good!
今日又唔知點解對開馬路爆水管.. 搞到無水煮飯, 要出街食..
出街食後就同基哥去飲野... 聽佢呻下都好, 等佢唔好咁大壓力..

>>July 16, 2005 at 3:44:31 PM GMT+8

2005 年 7 月 11 日 星期一 【晴】

對著電腦, 寫了一整天的程式..
快要完工..

心情很煩燥!
同老婆傾電話.. 傾傾下佢總會俾美食同埋d 朋友的召喚就咁吸引左去...
好無奈.... 不過呢個早就習慣.

老豆又係好煩煩煩....
好煩!!!!!!!!!!!!!!!!!!!!!!!!!!!!!!!!!!!!!!!!!
唔想諗野!!!!!!!!!!!!!!!!!!!!!!!!!!!!!!

>>July 12, 2005 at 3:14:18 PM GMT+8

2005 年 7 月 10 日 星期日 【晴】

七月十一日
今日原本休息下, 但係最後都係出左去(日日都係咁)
希望聽日可以真係休息, 留係屋企寫下code.. 仲有一個database program 未寫

今日走左去寄埋d野俾老婆大人, 之後走去擺低百佳coupon 俾佢媽
之後就去太平到睇睇部機.. 上唔到hkjc 個網站.. 唉.. 係公司就咪買波啦!
不過馬會個系統又係怪.. 一定要用msjvm.. sun jvm 唔得o既.. 都唔知佢果d 係咩java coding..
}埢熊w膠programmer..... =)

之後係屋企坐左一陣, 同徒弟傾電話, 等個手機叉好電就出去深水鶩茷�到..
暫時落實左將會有一個簡單的POS系統同埋一個網頁....
呢期d 細job 已經做晒... 做返呢d coding 同起野先!
搞到遲左返學校.. 呢個客其實都係住係大埔, 但係係有錢佬地方(大埔寶馬山...)
佢約左屋企人去新達果間明將(新開)到食野喎.. 果然係有錢...

行緊返去果陣同老婆傾左一陣電話..
佢話今晚要"做功課"... 聽日要開始做quo. call.. 要準備下點講喎! 所以唔係講左好耐就收線..

返到去繼續笑笑笑, 吹吹吹... 韓文堂始終都係笑過的...

一路返屋企, 一路諗, 有d 想寫個網頁去記下同老婆一起的生活同日子..
剛好返到屋企收到HKDNR的信.. 內容係可以免費申請測試中文域名, 例如"頂你個肺.暫時.hk"
不錯不錯, 所以立即申請左一個係諗住擺我同佢的東東.. 嘿嘿!
網址當然唔講俾你地聽啦... 淨係我同佢知就得.. 就算測試過後咪用返英文域名囉! 嘿嘿!
如果大家都想玩下: www.hkdnr.hk ==> "Registration trial Chinese Domain Name"
如果想要DNS Server (必須要有的), 可以問我, 我可以俾一個你玩住先... =)

>>July 11, 2005 at 3:44:34 PM GMT+8