2004 年 11 月 7 日 星期日 【晴】

今日我做左一樣我真係咁多年來都無咩做的事.. 一陣講.... hee...

今日一早又俾電話整醒 (7點... =.='.....)
個客(呢次係第二個客)打黎話佢部機成日自己熄機...
我好眼訓咁問佢係唔係每次開機都係, 佢話係, 之後問佢係唔係就算唔入Windows 都係咁, 佢又話係, 十成九係尋日同一個問題 - 過熱.. 因為呢個客又係MATX機..... 唉.... 送多幾把風扇俾佢啦, 樂聲牌果隻.... 但係已經係一年前裝的.. 而家先黎發癲!??

結果無再訓番, 好眼訓...

返V. Lee 堂唔遲到就真係大問題...
加上我今日帶左本"黑客防綫"返去睇, 睇到"SQL灌注漏洞入侵".. 嘿嘿..
佢有佢繼續講Memory management....

落堂今日無走到, 亦無去返工..
而係鋤Lab... KO份睇到未過的CS2331功課.....

做到我大叫"痴孖根...."....超煩!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! 好想死呀...
結果鋤左四五個鐘, 到三點鐘, 算啦, 唔做啦, 走啦.. 今日因為要返圓玄攞返將有支"槍"的高考証書.... 暈................
之後當然係上306 搵人吹水啦.. 吹到佢地收工就返家啦....

今日做左一樣史前未做過的 - 逗小朋友...
今日搭[車立]果陣見到個小朋友好得意.... 五歲幾左右, 佢叫我幫佢"手禁"[車立]之後佢自己伸到好長隻手最終"手禁"到... 好可愛.... =) 我真係好少會有咁o既心情.. 嘿嘿.. 但係唔代表我憤世度下降得幾多.... =.=' 只係心情好番d...

==========================
回 大魚..
現在什麼都過去!? 咁即係你已經唔係個0.5個了(做番一個9.5之一的女仔), byebye~~~ haha...
我覺得你唔只淨睇樣咁"小事"喎, 我硬係覺得你直頭係唔帶眼識人... wahahahahahaha..

>>November 8, 2004 at 4:23:08 PM GMT+8

2004 年 11 月 6 日 星期六 【晴】

一朝早就俾個frd 叫左去跟肥仔聰, 結果訓都未醒就起左身(十點幾) 即刻拿拿林用左半個鐘都唔使的時間出左門口, 飛過去大埔舊墟公立小學側面個車站上車... 真係差兩步就上唔到車...
fan屎位俾人坐左, 只好是但搵位坐... 同236 吹水吹左好一陣..
去到總站先同肥仔聰吹水.. 當然三句不離本行.... 都係同巴士有關...

但係好多好多笑話!

之後行左去九龍站M記買左個漢堡包食(我唔知有幾多個月無食過M記!!)

上返車到一路吹水一路食野(架車係未開車)...
之後搭返去廣華醫院我就落車去黃金.. 今日的任務係要裝機.....
4500蚊部機, 又lcd mon(Viewsonic!!)又成, 唔通識飛咩..
求求其其, 有d word, 有d excel,
咪整得你開開心心咪繼續上下網睇下報紙咁囉....
等左好耐..... 而且今日又多人.... 砌就唔係好耐, 但係搬到去個客屋企一著電一陣...
咦.. 點解咁大聲摩打聲o既!? 我又無擺cd 入去呀..
一reboot 係hardware monitor.. o .. shit.. 94度... (只係一粒Celeron D...)
個風扇上到6000轉咁濟... 我只係用左MATX case o者! 點解會咁............. 唉.. 如果唔係文哥話MATX好過矮ATX的話我真係唔會博.. 呢次好啦, 點算........
唯有遲d 補番把風扇俾佢... (但係我係佢公司裝果陣又無問題喎! 可能有無冷氣同通風的問題)

今日返屋企居然坐硬膠躉.......

>>November 8, 2004 at 4:10:30 PM GMT+8

2004 年 11 月 5 日 星期五 【晴】

呢期真係好激動.. 唔知幾時先會平復落黎..

其實心日只係打機, 上網,
並沒有事幹..
還有跟了兩轉71k.. 就是這樣...

今日我講左句: 求求其其又一日
榮哥又講句: 做人無慾無求....
=============================
只不過今日聽返1 d 野..

最初仲以為我落錯左決定, 點知今日聽返, 我覺得我做得好o岩, 而且可能力度唔夠tim ar...
我聽完之後即刻一聲大叫:"痴lun線..... 膠完未呀........."
我估唔到我會...... 浪費咁多時間去做1 件我覺得自己都係膠到爆燈o既事, 簡直係痴孖根之作......
好彩件事咁發展o者, 如果"正常"發展(即係果件事無發生到, 以正常方法繼續落去)的話,
我估又唔知要拖幾多時間, 到時可能係仲膠... 或者果陣就唔會覺得咁大問題....

總之結論: 膠到爆... 痴孖根...
唉.. 送個小丑俾自己....

仲有, 呢排睇hkgolden forum 一定要睇user天黑黑講自己單戀果單野...
超膠, 但係又好值得同情... 雖然我睇果陣已經無果種心跳回憶, 但係值得一看....
佢又係好似我當年咁中六中七好鍾意一個人...
但係其中有女user 又9up...
佢話, 而家好支持呢d 感情咁認真的男仔, 仲要話買少見少...

我睇完真係火都黎埋.... 點解?
我真係想反問, 導致呢種人絕種係邊個造成? 又咪係你地班女性動物, 吹咩水, 又話支持啦,
到時又咪睇樣睇外表先? 吹9晒水...
我咪reply 串佢話:
"如果你真係一個女user, 咁就要問下自己有無1 d 對你好好的男仔, 人品又好又純又善良的男仔俾你浪費左~ 如果你無, 你問一你d friend...
之後你會發現呢個世界一d 都唔美好.....

所以造成男仔會真心的現象買少見少... 因為無人買..."
佢居然話如果有即買..
吹晒水... 係呀係呀, 見到即買, 我就唔銀信!
10個女仔, 9.5個都係睇外表先架啦, 睇中左囉, 咪好想果個又型又靚仔又高大威猛o既真心對你囉, 吹咩水o者... 你試下呀, 我真心對你呀, 你要唔要呀!? 大前提又咪要係外表先....
咁之後d 女仔咪覺得條條仔都好花心咁, 一切o既野根本就係自己造成...
d 男仔久而久之咪覺得真心無用, 變得型左但係又花心左囉,
惡性循環落去咪搞到咁囉, 但係問題根本就係出自呢d 女性動物...
如果你係女日記讀者, 你可能話我一竹篙打一船人.. ok, 你呢刻咁話我, 到真係有個咁o既人鍾意你果陣, 唔該你攞番我講呢句說話出黎, 自己諗番下... 我有無講錯....

case study呀, 如果有個好靚仔的唔鍾意你, 但係有個唔靚仔對你死心塌地, 你點揀呀... 又咪係揀樣先... 又會支持真心啦...呢一刻針唔吉到肉你梗係咁講啦! 真心一斤值幾多錢? 我夠試過俾左好多人啦, 又咪係俾人良心當狗肺? 靚仔o既真心呢, 就千金.. 我地呢d o既真心呢, 就唔值錢...
支持....喎... 信口開河就有份!

簡直係吹晒水.. 家下吹咩水先? 簡直學晒葉旋咁 - 9up!

女性動物, 十個有9.5個心底裏都係咁!
所以我連"一"個女朋友都無...

唉, 好能慶呀, 唔想講野.....
呢個社會就係咁反智, 就係咁膚淺...

>>November 6, 2004 at 4:32:24 PM GMT+8

2004 年 11 月 4 日 星期四 【晴】

今日只係去左一到地方 - 深水埗... 去幫我阿姨整野...

今日又搭到HE8107啦, 太美好啦, 雖然司機無好似上次條友咁勁, 但係上斜仍然係8107獨有的力量..... 從來沒有一架ZF D10A豪是這樣上斜的.. 太勁啦... 二波上大埔公路大斜..

今日主要係搬番佢部機過去, 同埋用幾個鐘時間起一個Broadband Router同兩部機的network... 好彩無遇到咩問題, 只係1 d 小問題, 例如原來個鐘set 左去2000年instead of 2004年.... 幾乎以為資料庫有事..... 不過下次去就仲要搞搞mysql 少少古怪野...

之後撲落去大角咀攞錢, 星期日裝一部新機俾個客...

不過呢, 呢排有人同我講我燥火左, 我都認, 所以成日爆粗.... 特別係d 人阻頭阻勢, 或者見到d 硬硬膠膠白白痴痴mmkk, 簡直係容忍唔到, 立即爆晒粗.... 勁睇唔過眼...
而且呢排憤世度超高... 好多野都睇唔過眼, 好想用念力屌死晒d mk仔同 on9仔...
例如排隊等fax, 前面條友fax 十幾廿張, 仲要唔係好識用fax 機擺晒部機... 搞到勁想屌佢一獲...
又例如Victor Lee 條仆街仔, 又膠又成, 結果我份assignemnt 的acknowledgement(即係多謝邊個provide 資料)入面多謝我以前阿sir... 暗串V. Lee唔識教書... 遲早我印個小丑做面具帶住上佢堂, 或者做一個"不屑眼神加微笑"俾佢睇!
有時搭火車見到d 後生坐晒係到, 老o既就企晒係到, 呢d 又係勁想串.....
好憤世.. 點解呢d 人唔早d 收皮, 而Kenneth咁好人就俾人隊...

今日搭車諗到.. "女仔就算幾差都會有人要, 男仔就算幾好都可以無人要"
點解我會咁諗, 因為今日見到一個女仔搭巴士, 一來好遲先遞手, 二來, 架車停定開門, 佢停一陣先慢慢行去上車, 我心諗, 痴孖根.. 唔好上車囉咁唔想搭.. 行路囉.... 覺得條女好mk, 但係又會認為mk女又會有人要.. 諗諗下就諗到呢句statement..

呢排.. 唉.. 唔知發生咩事....
我唔想再活係呢個反智的香港...

>>November 5, 2004 at 5:04:53 PM GMT+8

2004 年 11 月 3 日 星期三 【晴】

過埋今日,
以後都唔使再聽CCIV 硬膠講座.... 好野... 因為今日聽埋最後一個 ...
今日講座又係超級膠.... 講埋d 野簡直係離題(或者係我聽唔明)...
明明應講鄭和下西洋七次經歷變左元明史... 痴孖根!

原本應該係尋日見的客, 今日突然間話見喎,
無所謂, 不過如果個講座早放半個鐘佢都唔做旨意見到我.. 佢地真係大安主意, 星期三四點半得就等於我星期四四點半會得閒.. 都係呢三個字 - 痴孖根!
最痴孖根都係佢地想壓我地價... 2500蚊想我地做成套網上銷售+會員制+design layout+活動參加系統.. 佢就真係開胃呀! 仲話其他公司都係呢個價錢... 最後我覆email, 你估下我開幾多錢? 哈哈.. 日記最後講...

原本諗住今日早d 落銅鑼灣打緊機先,
最後結果食完先走去打機... 食咩飯? 呢次唔係頹飯, 係豪飯...
F.6 教pure math 的葉sir 係美國返左黎香港玩, 我地同佢食餐飯, 佢話食印尼餐,
結果就去左JP銅鑼灣戲院果面果間印尼餐廳到食..
都ok 呀, 但係食唔飽...
不過呢餐係我請晒咁多人, 但係我唔覺得咩喎, 大家開開心心食番餐, 當係我出左黎做野咁耐, 請下同學仔同老師食飯囉... 只不過之後努力d 搵下錢咁啦....

早走, 去打機, 終於一過機癮...

其實早走, 其實仲有一個原因.....
======================
我好成功咁控制到我自己的意識, 但係...
我忘記了, 我是控制不到潛意識的............
或者我會狂笑, 狂玩, 把我的潛意識都蓋掉...
======================
最後我報價4000蚊, 反正我唔等錢開飯..
佢要做就做, 唔要做咪搵出面公司做囉, 出面果d 點會寫得咁複雜, 咁tailor made? 大部份係用自己或人地成品....! 有咩事lai 撻我再加價tim ar!
如果人地2500 蚊又寫得好, 佢勁囉... 我唔會同人爭生意... 我份人好厚道....!

>>November 4, 2004 at 5:40:37 PM GMT+8

2004 年 11 月 2 日 星期二 【晴】

結果我今日都係有著西裝返學..

一返學果陣呢, 因為唔識打tie, 所以返到去上第一堂只係裇衫西褲,
但係第一堂完後Steve 幫我打tie (佢真係好人!) , 之後食完飯就帶埋條tie 黎full suit la...
但係個客臨時唔得閒喎, 所以今日著西裝都唔知為咩...

不過唔緊要啦, 我覺得男人最有魅味同最型果陣係著西裝...
我都係男人呀....哈哈哈~ (我越來越頂唔住我自己..)

CO個tutorial .. 簡直係.. 頂佢個Victor Lee 學人扮q 晒野.... 仆街仔,
話我地英文唔掂所以要調tutorial 時間.. 仆街啦, 我係因為就唔到食飯ja... 唔o岩一切報05年AL UE英文科呀, 睇下你死定我死? 我有信心攞番支C 先起碼... 佢? E 得...
條仆街Victor 成日以為自己好很醒, 話我地問埋d 問題例如叫Kenneth 重新講解assembly 就話d 學生膚淺... 仆街啦, 呢個問題邊條蛋散做成架.... 唔好硬膠啦, 再硬膠我上堂就對住你擺出一個"微笑加以不屑o既眼神"果陣, 或者我帶個小丑面具對住你, 你就死~! 我坐第一行對q 住你, 睇下你仲點硬膠!

之後就著住full suit 去上韓文... =.='!!

個客最後今日都係無見到.. 算啦, 我又唔係等錢開飯...

====================
今日係城大走果陣俾人誤會呀.....
====================
我係一個老屎忽.. 就算幾大風打到o黎都唔會有大動盪....
慣啦, 化啦... 咩都算數啦...

>>November 3, 2004 at 4:00:48 PM GMT+8

2004 年 11 月 1 日 星期一 【晴】

星期二
十點半的堂, 可是我過了十點九個字才到上堂的地方..
我也覺得有點過份...

這陣子返學不會太悶了, 因為有MP3機在身... 哈哈.. 呢排當然狂聽孫燕姿新碟 Stefanie 同碟專輯上面所有歌... 當然第二最愛就係FIR..... 佢d 歌詞好有味道, 唔錯....

上完lab 堂(通常都係玩MSN多)
食飯... 又係勁多人, 但係居然見到兩個莫記同學喎! 哈~
食完返去頹lab, finalize 埋份assignment, 答下同學問題, 上下hkgolden(可惡的是, 有一段時間居然上唔到去!)
之後上韓文, 又一日......

p.s. 聽日要見客要著西裝... 勁誇張... 豪一次!

>>November 2, 2004 at 2:50:03 PM GMT+8

2004 年 10 月 31 日 星期日 【晴】

究竟我有沒有真的把人家的server 給黑掉? 當然沒有啦....
反正大家都覺得沒有太大的意義..

很無聊地上完無聊堂,
之後做了一個很無聊的CCIV Present...
好彩tutor 話"幾好"......

原來上次話抄功課事件與我們tutor group 無關..... 嚇死....
很早就回家打機了!

>>November 2, 2004 at 6:58:14 AM GMT+8

2004 年 10 月 30 日 星期六 【晴】

萬聖節
今日我地玩模擬入侵戰.. (叫得模擬當然無打算真係入到去啦...)

事緣
高登比從第二個forum 的硬膠仔串, 為報復, 各人使出千其百怪的DDoS攻擊..
但係, 機,唔係咁hack 架....................

詳情:
先用nmap 望望佢地用咩機, 開咩service..
www1, www2, www3都係FreeBSD 4.x, 而且開的service 都非常一致, 似乎係同一人配置的, 並不可疑, 最可疑就係www4, 只係一部Fedora 而且有開到3306 mysql出黎, 而且仲有其它好怪的service, 似乎呢部就係對方forum 的核心所在. 只要殺死他, 整個forum 也會就此說再見..
所以我在高登發表文章, 提示他們一定要先幹掉www4 那部server. 可是高登人看見, 連對方的人也可見, 不久之後www4 居然down 了, 明顯是有人把他拉下線, 免得外來的入侵, 雖然打草驚蛇, 但係也可見www4 真的對forum 很重要...
如果直接攻不了www4的mysql, 只要透過www1~3 的php 加上Discuz!的漏洞也不是沒辦法..
可是Discuz!就是出名少漏洞...

聽日先算.. 訓先...

>>November 1, 2004 at 5:26:18 AM GMT+8

2004 年 10 月 29 日 星期五 【晴】

無所事事半日(係屋企打Locomotion.. 整左架火車16卡,3卡係動力車.... =.=")

四點之後就去燒野食lu....

見番好多好耐無見我同學, 大家吹一輪水,
入百佳買野入去燒野食..
之後我同坤同乾入去大尾篤搵位, 點知入到去咩位都無, 企左成粒鐘, 之後其他人到先至一齊入新娘潭果面.. 話說果到都幾猛鬼下..... 係唔係真我就唔知, 我淨係知道我行左好耐.. 好耐先入到去, 好肚餓...

好彩上手無整熄個火, 所以我地加炭再用"鑫"力就可以開始燒野食..
因為仲有人未到, 所以都留住力(如果唔留力? 我諗之後來的人都唔使旨意有野食!)
最後來的是兆興...
好開心呀, 所以講野講得好放.. So-man 都係. 哈哈哈..

結果今日好high~*

>>October 31, 2004 at 4:35:49 AM GMT+8