2005 年 9 月 6 日 星期二 【晴】

唔係無心機寫, 係無時間寫...

呢排都係忙, 再遇上1d 不幸, 包括連續整幾次, 同一部機都係有問題
結果仲搞到要換過部機....

呢排真係咩都唔食得... 魚又話有孔雀石綠, 豬又有鏈球菌, 雞呢, 又可能會有H5N1...
牛呢? 話唔埋遲d 又話有克雅二氏症...
唉.. 食人咩...

你地試過連續由城大-->深水埗-->城大-->旺角(經太子) 未? 包你爽到聽日行唔郁...

老婆佢今個sem 好忙呀.. 咁見少左就一定架啦... 但係我驚佢頂唔住...
我反而越讀越hea.. 連我都覺得hea 過龍.. 點算?

等我諗到有咩先在講啦~*

>>September 7, 2005 at 2:15:42 PM GMT+8

2005 年 9 月 3 日 星期六 【晴】

很久沒寫日記.....

等我有心機我就會寫...

>>September 4, 2005 at 2:01:55 PM GMT+8

2005 年 8 月 22 日 星期一 【晴】

半年了....
很快嘛? 也真的很快.......

可能大家都很奇怪, 為什麼我會稱呼她作老婆....
或許有些人當我玩玩下貪得意, 有些人覺得肉麻當有趣... 可是這些都不是我背後的原因..

其實稱呼老婆, 是因為我已經覺得她是我老婆的最佳人選, 而且我心裏已經覺得, 她已經是我老婆.. 如果香港像內地一樣, 有"事實婚姻"這條法律的話, 我想我已經跟她是合法夫妻.... 當然, 始終我跟她未真正是合法夫妻, 但在我心裏就已經是了...
雖然聽落有點兒戲, 但是我是非常認真的 - 有多少女孩像她這樣好? 你我心中有數...
雖然, 她是大頭蝦, 也不是非常細心, 但是她的優點沒有可能數得晒...... 我很難用寥寥數語就能說得出她和我一起六個月來, 她給我愛的那份感動, 但簡單來說, 以我的小朋友性格, 如果不是她的話, 我想我們早就沒有了.. 這麼好的女子, 我是不會放棄的....

我會跟老婆繼續數不盡的半年~*

>>August 25, 2005 at 3:52:29 PM GMT+8

2005 年 8 月 14 日 星期日 【晴】

看藍藍的天空　下綿綿的白雪
停在你臉上
愛在巴黎的賽納河畔上面眺望
趕不上的玻璃船

＊卻不覺得〔找不到〕遺憾
早已沉醉在你暖暖的手掌
緊握住我不放　偷偷的聞著你
帶孩子氣的男人香

＃呼　我喜歡　就這樣　靠在你胸膛
呼　我喜歡　沒有時間　沒有方向
呼　我喜歡　像這樣　愛的好自然
不用管別人投什麼眼光
隨你帶著我四處的〔去〕遊蕩

＋呼　我喜歡　一醒來　有你在身旁
呼　我喜歡　賴在床上　看你喝湯
呼　我喜歡　你的手　放在我肩膀
像是擔心我會消失一樣
為我每一吋消瘦〔瘦弱〕而感傷
好想就這樣

％有你在身旁　一直到天長

在日記裡圈上每一頁都有你
好幸福的時光
對照第一次見面到此刻的溫柔
是不是都一樣

重唱　＊,＃,＋,＋,％

>>August 15, 2005 at 2:06:27 PM GMT+8

2005 年 8 月 12 日 星期五 【晴】

老婆返黎lu...
今日勁黑仔... 咁大個仔未試過接機接得咁失敗....
一朝早上網, 見到班機Estimated 12:06, 果陣時係11:05, 我諗住大把時間(原本係12:30)先上網睇..
一睇唔得掂, 即刻走落去搭車..
點知等足19分鐘先有車(p.s. 果個時段一班車係20分鐘)
諗住都唔會好遲, 點知去到沙田... 塞到Hi Hi.. 最大件事係我根本睇唔出有咩好塞..
只見兩架5.5噸車停係路邊, 又唔覺有撞過痕跡... 頂... 搞左我十分鐘有多!
之後因為天雨又要慢車....
再加上d 大陸婆... 頂佢個肺... 兩個大佬婆加埋帶住三個細路, 成架車都係佢地把車... 好lun 想x 佢地老味...
仲要係東涌落車五個人總共用左成分鐘先落到車....
正Hi Hi.... 諗深一層, 有料的內地人都留返晒係內地享福啦.. 你睇陳海呢條Hi Hi 就知... 唔通貪香港d 野貴咩!! 騎呢果d 內地人咪落晒香港搞串左個場囉....
結果12:48先到機場, 仲要跑過去zone B (落車係A)
過左三分鐘都無就見到老婆lu~* 好彩o者.. 好彩咁都無遲(p.s. 航班顯示牌好彩話實際Arr. gate at 12:28, 即係佢用左半粒鐘就出到黎.. 香港都算快, 佢仲要係last 果件行李, 都只係半個幾鐘... 比起美國.. 哈.. 半粒鐘已經叫快啦!)

之後陪佢返屋企.. 都一個鐘車...
好掛住佢呀.. 終於返到自己身邊.... =)

>>August 14, 2005 at 3:12:56 PM GMT+8

2005 年 8 月 9 日 星期二 【晴】

尋日就放JUPAS..
泉, 巴金同kyile 都入到想入的科目, 算係掂啦!
至於基哥... 唉.. 重讀都有好有唔好啦, 又唔會全然話重讀唔好, 不過一定知持你!

今日到CE放榜..
好似身邊的人大家都唔係好好...
似乎最好反而係236......
其他一係唔講, 一係..... 唔知啦...

今日反而聽到一則駭人聽聞的消息, 我真係估唔到有家長居然唔理自己個女的生死, 叫佢考埋會考先做手術... 你話係唔係膠爆?
話說今日有個識o既女仔放榜, 點知得17分(p.s. 名校學生), 原來佢係考之前都知個腦有個良性瘤... 喂.. 良性唔係瘤呀家陣? 無野呀嘛.. 要個女考完試先做手術? 一陣變左惡性, 個女瓜埋柴白頭人送黑頭人, 佢個老豆老母就係殺人兇手, 我話你知... 呢d 真係正一含家鏟.. 個女仔唔知話佢孝順定笨7好......

今日真係燥....
個客開玩笑話問我老婆點解唔係果邊留耐d 溝下鬼仔..
我第一時間火都黎埋, 一句屌埋佢... 最lun 憎d 人咁講野....
小佢喇叭呀..........................

世界有太多不平事.. 太多膠野...

>>August 10, 2005 at 3:59:44 PM GMT+8

2005 年 8 月 5 日 星期五 【晴】

很久沒有這種""放縱""
其實也不然, 只是借醉行兇, 兇殺左全間酒樓的人的耳!

今日先去左葵涌做野, 執漏(唉.. 插Floppy 都搞到針彎之後用唔到floppy)
之後落上水, 我阿姨朋友間酒樓到做野..
其實做野無咩野可以講, 反而係食飯吹水有野講...

老一輩的人總是叫我們這些年青人要遲婚, 博命做多d 野, 仲要加多句男兒志在四方, 有錢唔驚無女人...
我聽到總不是味兒... 我反而覺得工作同感情唔會互相影響, 反而成為工作原動力...
都係果句, 如果唔係我老婆, 我一定唔會咁有心機存錢...
果日立仁兄都話我: 咦.. 你以前307 都覺得唔夠快, 要681轉74x架喎.. 而家做咩事火車轉船?(咩喎..果陣307都無全日!)
不過而家睇返以前, 我以前真係好大洗... 好多野洗左唔知去邊.. 又忽然一豪咁又買左d 唔等洗o既野...
至於有錢唔使驚無老婆.. 我對呢句野好反感!
男兒志在四方係o岩, 但係我地同時係唔係應該付返少少責任!?
如果為左要志在四方而放棄愛自己的人, 而當然果個人又係你最愛, 咁係唔係好似對自己對人地唔係好負責任呢?
對於一個有女朋友的人來說, 感情可能唔係一生的全部, 但係都係一個重要部份..
問題重點, 唔係在於"有無老婆", 而係在於"果個係唔係一生所愛, 加上係值得愛"
有錢唔使驚無老婆, 意味住個女人係為錢而來..
唔知係我美化左感情定係人地利益化左愛, 我覺得錢係重要, 但係心靈追求係更加更加重要... 有好多錢, 但係你身邊果個人同床異夢; 相對於做一個平凡人, 但係有一個好愛自己的人, 唔使問我一定會揀後者 - 錢唔係生命的一切.. 一個人瓜左, 錢係帶唔到落棺材, 但係死而有無遺憾呢... 我覺得好重要!
有錢, 咁又點? 做人如果唔開心, 咁有錢有咩用?
所以你叫我先搵錢後談情, 唔使預我, 我係一隻情感的動物...
我知道自己係一個咩角色o既人, 我會努力咁做返我自己, 作為一個電腦顧問技術員同最多係工程師囉.. 我會技術提昇, 但係我唔會走去做sales & marketing, 因為我自知唔係呢個料子(唔夠EQ)
所以唔好同我講話後生點點點... 因為我好滿足我得到的一切.
愛一個人唔易, 有一個愛自己的人就更加難, 呢樣野我係好深咁感受到...
唔係因為難有一個人愛我, 所以到我有就死都唔放手, 而係因為愛呢種感動令到我唔會放手..
有無諗過對方為自己付出幾多? 有無諗過對方為自己流過幾多淚水? 夠感動未!?
所以唔好再係我面前講男人應該志在四方, 有錢唔使驚無老婆......
因為兩者根本就無關係, 有老婆唔等於有人愛你, 唔等於開心...

其實我自己真係好想學許浚 - 當然d on9野就算啦... 自己死都唔想病人死..
我整電腦o者, 唔使死人o既...
但係佢對自己夫人的尊重同愛, 同埋佢對自己o既專業果種投入同精神, 好值得我學習. 係佢身上, 事業同愛係無砥觸. 對醫術佢係花盡一生的心血, 而且唔係為左自己一己私心利益, 我真係好想好似佢咁.....

我已經立定決心, 我起碼令到兩個幾十歲的老人家都講唔過我... 我自問我好清楚我自己做緊咩...
當然, 呢個只係我對我自己的想法而已, 唔同人有唔同經歷, 有唔同的想法, 無一定o岩或錯.

之後就同兩個老人家吹水, 飲酒, 結果越飲越high.. 酒樓關門果陣走左入房借醉唱歌................................................................(我飲醉都幾得人驚.. 哈哈!)

>>August 7, 2005 at 2:05:12 PM GMT+8

2005 年 8 月 3 日 星期三 【晴】

兩種感覺,
對不起, 和感謝..
感謝是老婆對我無條件的愛, 對不起是我整天都令到她不開心...
但是我會學習令到自己不會再不開心...
只是.... 今天感覺到有一點難耐的寂寞.. 有時搭地鐵.. 你地知我想講咩架啦.. 搭地鐵, 咁周圍望都好正常o者...但係自己一個.. 好似獨守空門咁... 雖然我一定會堅持到底, 唔會中途放棄, 但係我都真係覺得好辛苦好辛苦... 就算心入面有一隻魔鬼引誘我, 我都無諗過要放棄, 只會殺左隻心魔....

或者我平時真係太任性, 加上我真係全無危機意識(我知道我老婆唔會離開我...)
估唔到我老婆會嚇我.......我係從來未試過咁驚....

我一生人到今年先感受到愛, 如果而家突然間無左佢, 就算有第二個話肯愛我, 都唔會俾到呢種安全o既感覺我.. 尤其係我呢種無安全感o既人...其實係佢對我咁好我先會咁放心... 係.. 之前我係成日亂諗, 但係我而家敢話我係大安主義, 無驚過...
所以對於咁突如其來的驚嚇, 我真係好驚.... 我呢一生人, 就算遇到咩危險時, 就算試過幾乎俾車撞到我都無驚..... 我驚咩? 只係驚我會失去佢... 萬一佢叫我等得咁辛苦, 不如唔好等...
我已經等左二十年... 如果叫我唔好等.... 我辛苦只係想呻下...想妳安慰下我... (雖然我自知我都幾難滿足.. 但係我會無事, 我唔會搞到咁大件事..).. 但係我估唔到你會咁嚇我.. 嗚嗚嗚...

只要我想起"失去佢"呢三個字... 我已經忍唔住... >.<.....................................
其實我都有錯o既.... 老婆, 原諒我好嗎? 只要你唔好離開我就得....

>>August 4, 2005 at 4:30:51 PM GMT+8

2005 年 7 月 31 日 星期日 【晴】

終於寫返即日日記..

今日突然間接左單砌機.. 我諗一係聽日, 一係後日要做....
兩部機喎一次過, 如果聽日收得切錢就好, 快d 搞掂快d 收錢...

仲有今日終於完成左我一個夢想 - VoIP
以前好想試VoIP, 幫d 公司set 中港VoIP.. 而家鍾意還左自己心願, 雖然隻Gateway 唔係自己買, 係上手公司留下, 但係總算係自己一手一腳重新設定好, 最重要係客人滿意改善後的音質...
最緊要係客人滿意o者!

今日同立仁兄行左一陣深水�, 都無咩特別野, 只係要quo 三部機... (之前一部都無, 一黎黎三部)
之後完成VoIP.. 原本都無諗住咁快, 只不過居然隻VoIP Gateway 又及時到達, 咁一次過就搞掂晒所有野.. 太美好...
======================

>>August 1, 2005 at 4:12:18 PM GMT+8

2005 年 7 月 30 日 星期六 【晴】

今日係青蘋果生日, 生日快樂呀~*
其實我係知isaac 送咩俾佢o既, 死啦.. 仲有三個月就到我諗呢個問題..........
isaac 送果樣野, 我老婆講過話唔要... 雖然某程度上都少少實用...
定係d 唔係咁實用果d..? 唉.. 到時先諗...

7月29日
星期五.. 做過d 咩呢? 如果無記錯應該係返左去莫記一轉..
又係因為IP 電話... 唔知點解今日隻ip 電話hang 得好緊要.. 一接電話就係咁hang...
又搬埋個客隻Gateway去試, 都ok 好玩啦!
之後跟CK 車去新蒲崗, 咁又慳返一筆...
可惜的是個客唔buy 呢種接駁方法, 或者有d 野係溝通出現問題啦, 唉.. 總之即係話今日搞唔掂, 要過多幾時先可以搞得掂.
之後去左老表新地方睇睇個環境, 細細地個office 都算係咁啦... 但係我諗都要搞搞d 地方, 可能又要洗d 錢... 不過應該唔多o既...
同佢行完APM就上車走返大埔lu..

7月30日
諗住個program 可以收錢, 點知安裝果陣出問題, 咁無法啦, 下次先啦...
今日變左printer 安裝人員.. 佢間公司咁o岩部HP 死左, 搬左部當影印機咁用的Canon 多合一過去定住先..
結果之後出唔切深水�, 所以就返左屋企...
之後跟左轉榮哥就返到屋企..... 食飯訓覺...

7月31日
倒屎咁早俾個電話整醒左.. 7點半... 我都唔知幾耐無試過咁早醒..
之後搞一大輪先訓得返, 勁頭痛..
最後十一點半起身, 一起身唔見阿媽, 唔理lu.. 搞完野上住網先, 越等越唔對路... 阿媽無理由電話都無個, 後尾一點幾先話返緊黎, 我果陣先醒起佢去左深圳, 收唔到電話..@_@
出左火車站幫佢攞野, 返到屋企對住部電腦, 對住個POS程式對到唔想理佢, 結果走去開隻陳年的locomotion 玩.. 嗚嗚.. 如果我部機玩到MOPAA或者BF2 就好啦!!! (鬼叫張display card 咁雞坤..)

=============================
好耐無寫過老婆做咩.....
佢今個星期去左幾個地方玩 -
1) 佢第一次的滑雪 - 老實講滑雪可以幾危險.. 佢借返黎d 器材又唔係咁suit 佢, 結果又痛又難滑..
2) 去左個fire museum - 睇果到d 消防車, 消防歷史之類
3) 去左個過氣監獄參觀... 佢話無上次去果個咁精彩...

>>July 31, 2005 at 2:50:58 PM GMT+8