2005 年 4 月 13 日 星期三 【晴】

好多日無寫日記啦.. 又係忙到團團轉.. 所以搞成咁..
仲有兩日就生日啦... 嘩哈哈哈哈... 第一年同老婆過生日喎~* 梗係特別開心啦.. 仲有就係踏入20年... 感覺.. 好似自己無咁大個人咁.... 怪怪地...
=======================
星期二
幾乎係一星期之中, 唯一一日可以去老婆屋企的一日..
當然也是最開心的一日啦~*
當然, 工作也得要做.. 所以同佢食完野就走去搭車開工..
紅磡果壇野.. 換返板, 同佢set 返好晒d 野.. 好彩就係個manager 同意將printer 放係另一個地方, 唔使搞到d線咁長.. 叫做唔會下下都print唔到野.. 可以收工....
但係都成七點鐘先走得..
咁唔使講, 去到葵涌都好晚.. 八點咁濟.. 俾人隊...
反而整果到就無咩問題可言, 只係肥仔部機最初裝唔到NAV2005, 後尾發現原來有virus 係到.. 所以裝唔到.. 頂...

結果十點先係葵涌走... 真係我都..... 唔想架...
十一點先到將軍澳... 裝就好快呀.. 不過.... 張display 卡有粒唔知係inductor定係cap o既野爆左.... 或者可能係好事.... 因為.. 如果唔係就要裝埋windows 咁就真係唔知幾點先走得...
結果十二點二十分走人, 諗住74x 會係十二點八先會last.. 點知12:20就last.. 頂.. 仲衰過72x...
又睇住296c 走左last... 結果... 要搭N293轉N271..
頂.. 我都唔知N293係咩路線.. 我由尚德上車, 要經厚德, 寶林, 仲有 d 我都唔知咩地方先兜得返出黎上山去翠林康盛, 之後仲離晒譜.. 居然經曉麗, 和樂, 仲要入牛頭角, 打個大圈之後行返1A條路出返太子, 最後落返旺角道.... 搭左我成粒鐘... 黐孖根... 最慘係我發現原來地鐵仲有車..早知296A->地鐵落旺角好過.... 仲快.. 一落車(呢條線係落車先俾錢)盛惠14蚊.. 頂.....
之後N271 黎左架3AD.. 勁快.. 半粒鐘就到大埔... 唉....

因為之前果晚咁夜先有得訓, 所以今日成日都係有頭痛的感覺...
夾硬上MA, 夾硬上法文.. 韓文就無上, 因為就時間食飯..
同嗚哥, jacob同埋annie 食.. 見到annie 條仔喎... 我都唔識果個人...
但係我都唔差.. 我老婆同我食飯.. 哈哈哈!

之後返去上法文, 上完再落canteen 陪老婆一陣就落黃竹坑...
去搵表姐夫.. 佢問關於電腦o既野... 之後準時.. 六點幾搭車走去深水埗幫肥仔換埋個display 卡..
結果我去到間代理到, 吹晒水咁佢就肯換俾我.. 唉.. 其實使咩吹... 一返到黎插落部機到, 即無問題... 塊intel 勁呀.. 見到個display 有咩唔對路即刻唔俾開機.. 佢測試果陣用giga.. 哈.... 唔同o既.....

尚算早走, 但係.. 頂.. 走左架796B.. 仆街一睇時間表... 都唔知咩路線.. 20分鐘一班... 架車黎到, 我都遲晒大到... 白痴.. 結果296A->地鐵.. 去到果陣, 望望電話, 我諗果陣先等到架796B....
結果係九龍塘地鐵站狂奔去BU.. 其實狂乜鬼奔呀.. 年紀大機器壞.. 跑兩步就無晒氣... 唉...
結果要老婆係到等.......
唔得呀... 要練跑!!!!

呢晚叫做早訓左.. 所以無咁攰...
返學都叫做精神少少... 結果就.. 第一件事就係走半堂法文去做返好份法文功課.. 我都唔想, 但真係無時間做... 亂寫一通, 結果唔理照交...
上埋MA又去搵老婆食飯飯...
又係聯福can 十蚊飯.. 算啦.. 好過城大無得食.. 雖然真係難頂少少...
食完陪佢行去上堂, 就去新蒲崗開工...
開到我都唔知幾點.. 好似八點, 我老婆都到左新蒲崗, 就走頭lu..
個VPN仲係有問題..... 返到屋企先算...

返到去, 都搞到十二點幾我先發現.. 頂.. 原來又係隻iptables NAT左d L2TP...
頂......... 仲要係好彩唔覺意用另一隻l2tp server 一定要識iptables 果下, 試返用L2TPD之後發現無問題.. 唉.... 一點幾先訓.....

>>April 15, 2005 at 6:17:09 AM GMT+8

2005 年 4 月 10 日 星期日 【晴】

唉... 做到仆街.. 終於叫做搞掂個project..
唉.. 做到我都真係好火同好燥.. 所以amy 姐都受左我唔少氣... 真係對唔住呀...
我一做野就係咁... 好認真.... 咁鬧人.. 以前返工都唔係未試過有人俾我鬧過..
或者amy 姐應該當呢次我俾氣佢受, 當係未來的磨練.. 我諗我會好過d...
......

到今日demo.. 我果part 其實問題唔算太大, 只係有野唔記得output 返, 好少事.. 同埋架車出左少少界.. 但係因為upload 錯野無左十分.. 算啦.. 唉.. 好過無分.. 無得要求咁多... 做到已經好好彩..
四月五日, 到十日.. 得五日時間, 但係都叫做唔係咁大件事已經好好... 唔期望咁多野...

相反amy 姐就............. 希望佢 份code 果到Y. Mong 會手下留情.. 其實又無可能.. d code 都ok 架啦.. 我做左infix->postfix.. 咁我都有執下佢d code.. 其實問題又唔係真係好大o既... 我諗...

算啦.. 過左去就算...
但係永遠都唔會忘記, 城大十蚊皇家飯的味道......
(頂.. 今日lunch 想食, 點知賣晒. 頂.. 一日都係d 仆街家外人走黎食.. 都係果句, tea time, 晚飯無人理你, 你隨便, 但係lunch 唔好同我地爭食先得架... 之後同個車仔麵佬因呢件事吹左陣水... 爆晒粗.. 可想而知我幾慶...)

amy 姐今日demo 之前喊... 唉.. 其實無法子... 要怪就怪佢揀錯partner...
.......

=======================
回 淫友
接龍時間... (小丑神顯靈呀...)

>>April 11, 2005 at 4:23:18 PM GMT+8

2005 年 4 月 8 日 星期五 【晴】

兩日不似人形的生活...

星期五
今日...
先陪老婆去BU食飯.. 今日個咖喱雞薯仔飯比尋日果個食得, 只不過, 雞得一舊咁大把.. 唉.. 都係果句, 十蚊o既野唔好要求咁多...

之後四點半, 老婆上PE我就走返去Cityu 繼續Lego..
除左五半到七半上韓文之外, 其餘時間都係坐lab 做Lego.. 今晚都算順利d 架啦...只不過都係要做囉, 同埋最好笑係隻車係一動也不動.. 唉.. 但係夠鐘, 無得做lu!!!
同埋呢, 今晚係第一次係城大, 搞到九點先食十蚊飯... 你咪話, 夜晚十蚊飯更加食得, 因為收工, 俾多d 你架會! 超正!!! 豆鼓肉片飯... 靠得住......

仲有呀.. 走果陣呀.. 老婆話果隻allen 又打去煩佢啦...
頂.. 好慶呀!!!
仲問我係唔係Year 1(仲要話我唔似Year 1), 仲問我係唔係BU學生...
好彩的是, 佢問完我d 野之後就收左線, 無再講任何野...
.......

星期六
第一件事當然係陪老婆大人啦...
之後兩日我都應該陪佢唔到...
係佢果到食飯.. 只不過最後都係無咩點食... 結果佢幫我食埋.....
之後又係做做做做做做做做做...
做到八點半準時食飯飯... 今晚正呀... 係珍珠荀(栗米仔)牛肉飯, my favourite之一...
正呀.. 仲食晒tim!!!
又繼續做做做做做做做...

老婆呀.. 唔好咁"忟"啦....

=====================
回 魚子, 淫友...
都係留返俾阿四回應啦.. 我唔出聲.. 因為佢開心咪得囉.. ~* 呢d 叫情趣~* understand?
仲有, 我同佢仲要有我地o既骨肉, 所以唔可以亂紥...

回 Hedies
俾你你都燥啦!!

>>April 10, 2005 at 6:49:00 AM GMT+8

2005 年 4 月 6 日 星期三 【晴】

今日真係勁慶..
屌.. 都未見過d 咁"lun""西"o既人... 痴線... 你話呢個咩世界...

我幾日(星期日)果日咪講有條友煩住我老婆, 又呢又路o既..
今日我去到BU食飯啦, 一去到, 我老婆即刻話, "果個allen 又係食飯呀... 唉..."
我之後拖住佢, 同埋我老婆o既frd 三個人一齊食...
我諗咁佢都知我係佢男友咁佢唔會埋黎搞搞陣架啦...

好啦, 之後我地食野, 食到就黎食完, 佢條仆街居然走過黎...
我諗佢最多去攞水杯, 點知走埋我老婆到, 之後仲要出聲話"Vienna 你個頭髮綠色好型呀"... 我心諗, 係又點.., 之後我已經二話不說, 望都懶得望, 攬住自己老婆先算.. 我已經表明我係點, 之後佢仲唔知點咁, 仲要係到嘈嘈嘈, 又問"Vienna 你打唔打街霸", 我真係操你老娘.. 關你叉雞飯事...
我老婆好無奈咁搭左叫"我唔打機架喎"... 之後佢仲要up多句"你食飯食得開心啦"...先捨得走..
屌.. 未lun見過d 人咁lun 厚面皮... 我已經表明我唔鍾意佢存在係我同我老婆面前, 我唔第一次時隊係因為諗住你會有 d 多d 建設性o既說話, 聽左你問咩先.. 點知咁lun 膠... 吹晒水, 好熟呀同你... 係唔係要同你比下劍咁呀... 我俾面你先唔即刻屌你... 你再有下次我就要你仆街, 我話你知...

最仆街係邊走仲要邊望返轉頭啤啤貢... 我啤9佢囉.. 做咩事呀家下... 望咩先望..

如果再俾我見到佢, 我一定第一句就串死佢.. 仲要係唔用粗口咁串死佢...
剃我眼眉!? 機神仲唔打救你...

算.. 唔想再提..
之後陪老婆一陣之後就返去cityu lu~*

返city.. 對住個lego 又係做做做.. 只不過.. 無咩心機.. 之後好早就走人...
其實應該話係相對於咁多日工作, 最得閒可以話係今日... 唉...

>>April 10, 2005 at 6:36:38 AM GMT+8

2005 年 4 月 5 日 星期二 【晴】

尋晚係城大八點多少少走..
之後行去深水�, 買左一份兒童節+復活節禮物俾妳~* 雖然我知道唔係咁應該又係關電腦事, 但係真係好得意架~*
Quo 埋一部機, 之後等72走.. 正.. 又係我自己(HE8107)
但係呢次.. 真係一個碌字, 唔係字軌司機.. 勁碌.. 不過個司機幾好傾... 吹晒水咁...
去到太和同佢吹左一陣水先走人...

============================
今日..
兩點半即走去搵妳呀~*
之後去妳屋企, 裝埋份禮物(p.s. 係真係要裝的)
之後同妳行去補習果到我就走lu~*

============================
回 魚子:
咪講左囉.. 起佢ip出黎先講嘛...
佢試下搞我老婆一條毛呀.. 我要佢全身一條毛都無得剩... 仲要切埋佢jer...

回 淫友..
唔好提啦... 唉... 簡單d 黎講就係"點著左個山頭"... 唉..
危險又唔算真係好危險, 風向上吹, 我地向下走, 但係.. 唉... 始終唔好囉...
雖然唔關我事... 當時我傾緊電話.. 但係如果我睇實我老豆個火就唔會出事...

>>April 6, 2005 at 1:17:22 PM GMT+8

2005 年 4 月 4 日 星期一 【晴】

今日一日要做好多日的功課.. 好慘呀...

四月四日, 兒童節
可惜兒童節無假放..
不過好彩, 原本第一堂lecture 唔使返, 所以淨係返MA 之後d 堂...
MA一個鐘tutorial.. 都叫做聽得明明地, 因為點講以前都有少少pure maths 底...
食一個鐘皇家飯.. 頂.. 任何十蚊o既東東都沒有...
只好等.. 等又等唔到, 只好食十二蚊車仔麵...
唉.. 唔開心!

之後上CCIV.. 睇人present.. 又要遲放喎.. 約左妳搞到又遲到~*
271.. 今次個師姐慘啦... 返到大埔, 以為自己行緊74x.. 無轉入太和路...
最慘係一落車就俾個便衣隊... 慘啦.. 呢次... 十成九炒得...

之後送左妳去富亨, 之後行返屋企..
返到屋企... 做埋d 野, 等聽日...

============
4月5日
拜山.. 別提了.. 幾乎出事...

之後返城大食野同做野(p.s. 第一次同老豆係城大canteen 食野..)

無得見妳......嗚....

>>April 5, 2005 at 12:18:43 PM GMT+8

2005 年 4 月 2 日 星期六 【晴】

星期六日...
工作.. 工作.. 工作..

星期六第一單紅磡.. 真係唔好提...
係搞掂左個printer, print 野咩事都無, 但係就另一部機個USB port 死晒, 連USB 咩都detect 唔到...
唉...結果攞左塊版.. 要去換.. 慘...
之後都搞左好耐, 搞到去唔成黃竹坑.. 結果叫Wong J 落深水�... 居然搭6F由紅磡去, 同搭970x由港大去深水�, 都係差唔多時間.. 幾過份..
去到.. 搞掂志豪兄部6000蚊機, 之後同wong j 過去Centralfield 搞掂佢部極級AMD 64...
佢真係... 大手筆... 但係一個月要供款.. 好得人驚......

之後.. 頂.. 我未試過抬到咁重o既機.. 一個人. 抬去巴士站, 搭72.. 好彩搭到自己(HE8107)
又係勁快... 之後去到大埔搵人幫手.. 真係好能重.... 即刻唔郁得... 只好打俾老婆呻...

之後抬到返屋企又係努力裝野... 嘻... 傾電話傾左好耐...! 好耐都未試過啦!
---------------------------------
星期日.
都係工作日...
第一到係九龍城... 比想像中好就係換左條ram 就無事.. 唉.. 早知早d 換就咩事都無..
之後上秀茂坪(因為秀茂坪係山上, 所以係上唔係落..)
淨係富豪東方外面都塞車塞左大半粒鐘... 簡直係...
之後... 去到.. 諗左好耐, 試左好耐.. 居然估中.. 係LAN Card 有事... 好彩有spare lan card 係身.. 如果唔係呢兩舊水真係賺唔到...
set 埋winfax.. 結果遲到.. 約左老婆... =.='

好慘..
帶老婆返屋企見家長&食飯... 其實都無咩野o既... 不過我覺得係時候o者..
好耐未試過咁好R...
睇埋獎門人佢就走啦...

之後好慘呀... 老婆話有個男仔居然聊佢呀... 哎呀.. 深水齙鰳�(點解係深水鶩曮Y大埔? 因為深水嚽斥谷n似得人驚d.. 同埋我係深水鶞漁伅○ㄜ禶|少得去邊)o既老婆都夠膽郁? 兄弟.. 做野!! 咩都唔好講, 攞佢ip 先! 我要佢(部機) 死.... 無......全.......屍..........!!!!!

>>April 3, 2005 at 4:00:52 PM GMT+8

2005 年 3 月 31 日 星期四 【晴】

愚人節快樂呀各位~*
有無俾人整估?
今日居然收到一個女同學俾個咁o既SMS我:
有一件事我忍了很久都沒說, 今天我終於忍不住要告訴妳(仲要係女人個妳.. 真係...無d 誠意..)
就是... 我愛你, 我真的很愛你, 不要質疑我為什麼到今天才說, 只因...
今天是愚人節
哈哈哈愚人節快樂

嘩.. 嚇死.... 我個電話screen 唔大, 每次睇得十幾粒字... 你都咪話唔得人驚...
結果我SMS同老婆講話有人追我... 點算呀... (想愚人節愚下佢..)
嚇到佢...史無前例即刻回SMS"你下堂後立刻致電給我!!" <--仲要係兩個感慨號..
我之後同佢講.. 愚人節玩意o者.. 唔使驚喎.. 但係之後佢無回.. 結果感覺係如坐針氈...
等放學.... 愚人自愚.....
=====================================
第一件事要講就係我廣州兩個姑姐同埋叔婆黎左香港玩..
結果? 住左一晚就走... 黎香港淨係落去搵一個親戚, 同埋買好多好多洗頭水...真係....
不過尋晚食飯.. 嘩.. 頂.. 人生未試過食得咁飽... 其實應該係濟...
結果d 野要打包, 今晚食... 今晚係咩都唔係煮就有得食.. 唉...雖然味道唔錯但係真係太油膩...

尋晚久未露面o既黎學軒都出現埋,... 去After 5 飲野..
佢... 第一次見到佢講樣真係嚇親.. 好老實, 我同志豪兄第一個感覺就係mk二字.. 唉.. 估唔到我生活圈子都會有mk.. 雖然佢唔係第一個, 但係我覺得佢係最mk 果個囉..
我另一個肥仔frd 雖然感覺上都係mk, 但係佢話晒都真係老實人果種...
但係.. 你飲野你就會講野, 聽佢(黎學軒)對感情o既態度真係不敢苟同.. 佢係追求同d o靚妹 o既快感, 而且見到靚就會隨時1-night stand... 我聽完簡直係不是味兒.. 如果我未有拖拍的話我諗我反左枱都有之... 至於志豪兄呢.. 我就唔知佢實際係點諗...

仲有.. 呢幾日都係忙到團團轉.. 但總算叫做有d 野做得完..
========================
好耐無試過傾咁耐電話~*
========================
回 淫友:
我幾時有.......... 仲有你幾時又爆粗架...

>>April 1, 2005 at 5:45:21 PM GMT+8

2005 年 3 月 27 日 星期日 【晴】

尋日唔講啦...

今日..
今日第一件事係去搵我表姐.. 佢個server 個root password 唔知點解lost 左, 又唔似係俾人hack 左.. 所以就咁改返o岩個password 就ok 無問題..
之後再開三個user account.. 其實好少事...

食完飯我表姐夫問我點樣玩PDA.. 之後就走返落城大 (171 --> 地鐵)
試下做個robotic.. 頂.. 好多問題.. 算.. 肚餓....

--------------------------
終於作了這個決定　別人怎麼說我不理
只要你也一樣的肯定
我願意天涯海角都隨你去　我知道一切不容易
我的心一直溫習說服自己　最怕你忽然說要放棄

愛真的需要勇氣　來面對流言蜚語
只要你一個眼神肯定　我的愛就有意義
我們都需要勇氣　去相信會在一起
人潮擁擠我能感覺你　放在我手心裡　你的真心

如果我的堅強任性　會不小心傷害了你
你能不能溫柔提醒
我雖然心太急　更害怕錯過你

>>March 28, 2005 at 3:35:54 PM GMT+8

2005 年 3 月 25 日 星期五 【晴】

我永遠都會記住, 妳今日跟我說的這句說話:
"我地永遠都會係埋一齊, 永遠都會好幸福"

就是等妳這句說話...妳知嘛?

還有今日妳給我的那件東西...
第一次感受到, 甚麼叫感動落淚...
我看了之後, 唯一可以做就是抱著你哭...

多謝妳呀.. 老婆~*
還有.. 對不起.. 我真的太任性....

>>March 26, 2005 at 4:25:50 PM GMT+8