2006 年 10 月 30 日 星期一 【晴】

去台灣d 相有得睇lu~!
網址: http://hk.pg.photos.yahoo.com/ph/double_four/my_photos

======================================
今日的話題有點沉重哦... 係講人生...
呢排因為每個星期都要返東莞做野, 睇得多左好多野.. 或者突然大開眼界...
以前都有上大陸, 只不過通常都係即日來回, 而且無研究果到人的生活係點...
呢次因為好多時要留到好晚, 每次都要過一晚夜, 所以感受深d...

其實我地某程度上已經係好好彩, 唔好話有咩飽唔飽飯食呢個問題.... 最主要係我地其實相對地富有同自由..

只要你見到果到工廠的招工牌, 你會好唔相信: 保安員650元一個月, 我無打少一個0啊.. 真係650元...
雜工: 我唔記得幾多錢, 我記得計埋勤工獎, 一日加班加到十個鐘一日都只係得700~800元一個月...
幸好工廠包吃包住.. 可是話分兩頭.. 也即是話, 整個人無論生活, 身軀, 連靈魂也給了那間廠...
你試想想, 他們的生活就是起床, 工作, 食飯, 工作, 食飯, 睡覺....
外出!? 對不起, 那裏的公交根本不好, 而且也沒有這個時間.. 因為很多時連假日都要加班..
那麼人跟機器有甚麼分別!? 食飯, 工作, 休息...
而且他們根本付不起錢去玩... 他們還得要儲錢返家鄉.. 家鄉可能還有親戚要生活呢!
我跟某些北方的工人傾過, 他們問我: 香港一定是很好玩的... 是不是? 我說: 不是啦.. 也是老樣子... 其實某程度上我後悔我說了這些話.. 起碼在他們心目中, 香港是一個很繁華的地方.. 他們說, 他們這輩子都沒有機會來玩了... 唉... 可悲.....
莫講人權的問題, 我想, 某些內地人, 連外面的世界也未知得清楚....

很簡單的說了一些工人... 內地還有很多的另一種人.. 就是二奶 (小老婆)
我很記得那個工人對我說: 香港來的老闆, 有二奶的不奇怪了... 有三奶也是等閒事了..
當然, 某d 二奶我都見過.. 真係高矮肥瘦都有.. 其實當人的二奶, 生活怎樣過?
如果你問我, 我當然係極度反對包二奶, 可是反轉頭, 為什麼會有女人明知道香港那邊有一個老婆, 自己卻做人的第三者, 更是不被承認的那一個呢?
這個問題, 不容易說清.. 因為不同人有不同的動機.. 有的可能真是想將人家的錢騙過來.. 好像我有一個朋友說湖南的女人要小心一樣.. 其實也可能只係為左溫飽的生活...
如果做人的小老婆, 起碼不用辛苦工作就有安定的生活... 愛情? 不好意思... 如果追求真正的愛, 連吃的都沒有... 做人二奶起碼有人搵錢養...有d 更加有埋細路.... 那個小朋友其實就更無辜了.. 可是又怎樣!? 起碼那個男人就會在她身邊..... 這樣就算香港的老婆知道也是無可奈何的... 一個在大陸一個在香港... 男人嘛.. 就是耐不了寂寞.. 我想這個是男人會包二奶的原因和動機... 不過這都是前一個輩的人會做的事.. 我地呢輩可能會少d... (最少我唔會...)

其實二奶已經算比較幸福... 相比起妓女的話... 你別說, 很多人返大陸都係為左去揼邪骨...
我身邊有個朋友就是表表者... 可是他不只是幹, 也有跟了解她們..(怪!!).. 佢同我講, 通常要做果d 的, 都是太窮了, 家裏有沒錢生活, 也只好就這樣了, 你估她們愛這種出賣肉體, 靈魂, 尊嚴的工作? 當然是走投沒路才會這樣...

所以嘛.. 我們其實已經很幸福, 有自己的生活, 保持到自己的尊嚴, 可以有自己的決定...

祖國真正要偉大, 首先要令到人民變得偉大....

>>October 31, 2006 at 9:26:15 AM GMT+8

2006 年 9 月 22 日 星期五 【晴】

哦~ 居然我這麼久沒有寫日記.. 也有點過份...

最近的生活不外乎是返工, 只要少了出外工作.. 比較舒服一點...
可是最近迷上了看台灣的節目(天.. 我真的忘記了交代一下去台北遊行的事..)
最鍾意睇小豬扮其他人.. 超好笑... 佢最似係扮周杰倫... 真係笑到想反肚... (終於明咩叫做捧腹大笑 - 自從我有肚腩之後!)
至於台灣的行程, 其實都係不外乎N個夜市加飲飲食食. 我老婆upload 緊相上去yahoo 到我諗遲d 就有得睇~

寫住咁多先~

>>September 22, 2006 at 6:29:35 PM GMT+8

2006 年 7 月 30 日 星期日 【晴】

青蘋果生日快樂...
希望你睇到呢句啦...

=========================================
一笑置之:

話說我老婆的姑姐要接受人口普查的家訪, 那些普查員跟她們一家的對話:
普查員: 我想問你地間屋有幾多個廳幾多個房?
姑姐: 嗱.. 你一眼望晒啦.. 無分房架 (註: 彩雲邨這類舊式屋邨是本身沒有房間的, 只是後期租戶加工.. 可是她們沒有加工就算了, 所以無房是不出奇的)
普查員: 那即是多少個?
姑姐: 你睇到架啦.. 你可以當一廳一房又得, 一個廳無房又得..
普查員: 咁係咪即係兩個廳?
我聽到呢到..... 心想: fxck

跟住問姑姐個仔(只得15 歲)
普查員: 你有無做生意?
小林: 無喎... 做咩生意??
普查員: 咁你有無返工?
小林: 無...
普查員: 點解唔搵工做?
小林: @#$*(&^#@*&^@(#*(@#*!

跟住到姑姐個女(11歲)
普查員: 二零零三年七月十三日凌晨三時, 你在做咩?
小妹: !???????????????? 天呀.. 不在睡覺還可以做甚麼??

對於呢d 對話, 還是一笑置之..
與其要開銷售稅開源, 倒不如在請人方面控制好及節流!

>>July 31, 2006 at 2:06:58 PM GMT+8

2006 年 7 月 20 日 星期四 【晴】

有一日老婆問我: "點解你會愛我o既?"
我話: "因為老婆係好老婆囉! "
可能大家都有個疑問, 我老婆究竟有幾好呢?
睇下呢篇文先: (兩篇文都係節錄於都市日報)
先黎個女人的: 梁穎妍
=========================================
男人請「足爭」氣！

數星期前，帶同男性好友到 IFC 的 J.M. Weston 買了對五千多元的皮鞋。「你真是好帶挈！每次跟你去shopping，錢包總是這樣大出血！」他受害地跟我說。但真的沒法子，因我認為，一對鞋並不止是穿在腳上的一對鞋這麼簡單。一對鞋，是一本赤裸裸展現人前的自傳。男人或愛第一眼看女人的樣貌、身材跟腳長，我看男人，第一眼就是看他穿的鞋。然後，我大概已可知道他的背景、修養、品味、對事物的要求，甚至到過甚麼地方等等。

最近，Hong Kong Land 在禮頓道一號對面展出了新一系的「Are you Central？」廣告，這系列中的每一個廣告，都會問這條中文解作「你是中環嗎？」的問題，然後每次都會有一個別出心裁的答案。而這次的最新答案則是：「The well heeled are」。看圖識字，廣告的背景確是一隻亮得反光的黑皮鞋，也可以想像它的鞋?確實非常不錯。然而，「well heeled」 真正的意思，是解作有錢人。

在意大利的米蘭，未必人人都一定很well heeled，但絕大部分的人都真的是很well dressed。處身時裝之都的米蘭人天生就像模特兒，對時裝的要求、執著和穿衣的sense都彷彿在血脈裡面流著一樣。還記得在Via Della Spiga就曾遇上一個滿頭白髮行動緩慢的七十三歲老公公，腳上是對穿了逾二十年但恍如簇新的咖啡色Tods！還有，街上個個都像拿了時裝 PhD 的男士們，縱使很多每天都是乘坐M1(米蘭地鐵一號線)，但腳上的A.Testoni或是Prada 皮鞋都仍然很醒神。在這裡，一對皮鞋背後豈只是一個人的自傳，它彷彿是本訴說著一個文化的歷史書！



那天在銅鑼灣HMV穿著暗啞無光皮鞋的男人啊！我想，你對事物、對自己、對生活的要求的容忍度相當大，但大，並不代表高。若你稍微有所要求，都不會容忍自己看起來那麼殘殘舊舊、渾渾噩噩吧！那天在山頂停車場穿假皮鞋的男人啊！我想，你不穿真皮鞋的可能性有兩個：一是基於經濟因素，買不起真皮鞋也只好怪自己不努力多賺點錢，但等到出頭那天你仍可是wellheeled。但最怕你是那種根本連自己穿著人造皮甚至是穿完發臭的塑膠也不知道的男人！那天在太古廣場穿著蝕?鞋趕時間的男人啊！我想，你真的很辛苦吧！每天走來走去推銷貨品還是要趕巴士見客？能把鞋?穿得蝕的行業，大概都不會是天天坐在甲級辦公室的行政人員吧！
==============================================
各位男士是不是看得很不是味道? 別急, 睇埋梁文道先:
==============================================
看男人先看他的雙腳
很多人都認為要看一個男人，應該先看他腳上的一雙鞋。

同文梁穎妍上周就此發表了十分獨到的觀察，從鞋子看出不同男子的底蘊：「那天在銅鑼灣HMV穿著暗啞無光皮鞋的男人啊！我想，你對事物、對自己、對生活的要求的容忍度相當大，但大，並不代表高。若你稍微有所要求，都不會容忍自己看起來那麼殘殘舊舊、渾渾噩噩吧！那天在山頂停車場穿假皮鞋的男人啊！我想，你不穿真皮鞋的可能性有兩個：一是基於經濟因素，買不起真皮鞋也只好怪自己不努力多賺點錢，但等到出頭那天你仍可是wellheeled。但最怕你是那種根本連自己穿著人造皮甚至是穿完發臭的塑膠也不知道的男人！那天在太古廣場穿著蝕?鞋趕時間的男人啊！我想，你真的很辛苦吧！每天走來走去推銷貨品還是要趕巴士見客？能把鞋?穿得蝕的行業，大概都不會是天天坐在甲級辦公室的行政人員吧！」
抄下這麼一大段，是因為我完全同意，鞋子能夠說出一個男人的性格。例如我家附近街市裡一個鮮魚檔的老闆，他不穿膠靴，腳上踩的卻是一對人造皮涼鞋，檔上的污水總是滴流到腳趾縫間，黏黏膩膩，想必不太好受。但他永遠掛著一副誠懇笑容，每次見面都熱烈招呼，推薦好貨。

有一天我看見他正在收檔，正拿著水沖洗雙腳，太太領著一對孩子靜候一旁。原來穿涼鞋有這樣的好處，易潔方便。果然，他很快就清清爽爽地一手拖著一個小孩，有說有笑地走上回家的路。我問他自己也天天吃魚嗎？他幸福地說：「當然，我自己下廚。你問我的小孩，看他們喜歡不喜歡」。五歲的弟弟大聲搶答：「不喜歡！」還造了一個鬼臉。

又有一回看見一個電視特輯，拍的是個礦工。他和老鄉從河南到山西礦坑打工，出了礦難，老鄉慘死，老闆卻想隱藏消息，息事寧人，草草把屍體給埋了，還威脅倖存的活口。這名河南漢子趁夜挖出同鄉的遺體，身上無錢，人在異鄉又不知如何是好，竟然就用一口麻袋揹著鄉親走了幾百里趕回家。
事情抖出來之後，他對進來的記者說：「他是我帶出來的，我死也得把他帶回去」。硬錚錚一條鐵漢，腳上穿的卻根本看不出是甚麼了，滿是黑黑的泥灰。一個男人要走多遠的路才能成為一個男人？又要走過怎麼樣的路才能把鞋子穿成這樣呢？

我永難忘記的是甘地的一幀照片，他根本不穿鞋，一雙赤腳站在一群西裝革履前來談判的英國官員之間，格外顯眼。這雙腳曾經走過印度，帶著他的人民邁向海岸取鹽抗稅，縱有軍警棍棒交加，終也抵不住他們非暴力抵抗的決心。就是這一雙赤足，在大地之上展現了人間的道德力量可以偉大到甚麼程度。說回那張照片，我在英國紳士和甘地的腳上分別看到兩種不忍，那幫英國人容忍不了自己的儀表丟格；而甘地不能容忍的，是蒼生的無助。
========================================
高登人說得真的對: "大家都姓梁，但層次相差太遠了"
家陣時下d 港女點要得落, 你地睇下而家香港呢一代的女士, 何期膚淺! 其實只要諗深一層, 等於而家d 女士睇一個男人住咩樓, 有架乜野車, 或者簡單d, 睇個男人的衣著就已經覺得佢係一個咩人.. 喂.. 有無再膚淺d 呀.. 好, 我俾你估中佢著到咁真係代表佢有錢, 但係咁又代表d 咩? 人格高尚, 如果係咁, 咁今日頭條新聞的自殺慘案就不會發生了 (見: http://forum2.hkgolden.com/view.asp?message=688660)
萬一遇著一個表面風光內裏[手查]兜的男士, 從港女的角度去看(男人有心無用, 最緊要係有錢有得威)那就真的自作自受了!
看罷梁文道的文章, 不溫不火, 曲線地將港女的思想彈得一文不值. 梁文道所言的皆是真漢子, 就算是街市賣魚的, 寧願為家人省下一分一毫, 也不會多花一點金錢在自己身上, 可是面上流露了自己的幸福.. 可是梁穎妍所說, 花了五千元買了一對鞋, 一對五千元的鞋代表了甚麼? 錢? 地位? 面子? 可能全部皆是, 但不能代表的絕對是人的善良及人格!
望望自己, 沒有甚麼名牌子的衣著, 人家有的甚麼Bath APE, Levis, Cheivgon...... 我多數的衫褲鞋襪都是一百元左有得街邊貨式, 唯一名牌的可能是bossini, blue star 那些減價貨.. 再加上永遠都穿一對膠的涼鞋... 即管笑我7, 笑我leung, 笑我窮吧! 可是不得不講清楚的是, 我連續地買了一份基金(AIA)和一份人壽(CIGNA)保險, 受益人都是我老婆 (註: 基金其中有包括保險, 如果我意外永遠不能工作, 基金的供款就自動幫我供下去). 而我為的是我們的將來.. 並不是眼前的風光...

我愛我老婆的原因就是, 她是一個很特別的人... 不會跟港女一般見識的好老婆...

不知何時, 我對港女是何其恨之入骨!

>>July 21, 2006 at 7:58:57 AM GMT+8

2006 年 7 月 13 日 星期四 【晴】

其實真係好多野想講, 但係真係越來越忙..
話說呢一兩個禮拜係忙到係用屋企部電腦的時間都無...
我老婆都日日要返工... 其實唔覺唔覺又一個月... 今日都七月十四... 就黎又出糧.. 話時話我呢d 冗員都係時候做下野....
雖然呢期係咁寫program, 但係幫出面寫的居多.. 學校入面, 我諗就快都會俾野我做...

呢期都有好多野想講.. 先講不正當使用中文:
地鐵: 要捉實, 勿亂走
個人意見: 睇落無錯, 但感覺上出現問題就係"亂走".. 如果我有人日搭電梯一路順方向行有人捉我的話, 我一定同佢講: 我無"亂"走喎.. 我向前行ja wor.. 如果我亂走的話成條電梯d 人都仆晒係到架喎...
一時間諗唔到其他例子....

今日搭火車聽到兩個阿叔係度講: 厄綜援果d 一年去幾次布吉(我係講泰國果個唔係深圳果個喎!), 有d 食都無得食, 日日要去街市執菜...你諗下d 大陸人, 一落到黎係咁生.. 又唔lun 教.. 四個已經成萬一蚊個月! 所以我強烈贊成政府cut 4個家庭綜援! 但係最可恥係居然向努力工作的香港人開刀 - sales tax.. 我諗小學生都有教"香港係一個購物天堂, 因為香港無sales tax"... 喂.. 而家d 高官係唔係真係連小朋友都不如呀? 如果係咁我真係搬返北上定居囉! 大家要記住我講的一句說話: 真係有料的大陸人係唔會要香港政府錢! 一係就唔落黎係上面享福, 一係就落到黎明正言順咁瞚你錢! 唉... 講起就火都黎埋...

呢排真係見到老婆好少.. 一個星期先見得果兩三次... 嗚嗚嗚.. 唔制!!!

========================================
呢排有個frd 話散左.. 佢一早已經話散話散, 仲話要追過一個..(停!!! 大家睇到好對號人座住.. 我可能唔係講緊你, ok? 呢個frd 係外國住的)
唔知我真係叫佢"分手不要太悲哀" 還是佢自己"分手快樂"???????

>>July 14, 2006 at 5:14:33 AM GMT+8

2006 年 6 月 24 日 星期六 【晴】

王j.. sorry 呀.. 我都唔想... 反而我見你個日記日日都有update...
有時真係無咁多撈騷要發... 所以就寫少左日記.... 你見我03 年果陣幾勤力...

好啦.. 講返正題...
上個星期同老婆大人走左去長州... 當然唔只我地兩個啦... 仲有佢姑姐, 表妹同阿嫲..
話時話長州我都係第一次去... 大嶼山反而以前細個成日去... 大澳呀, 梅窩呀.. 我都去過...
長州俾我想像中無咁荒蕪... (...) 唔知點解D 橫街有D 似澳門果種, 只不過澳門d 橫街仲可以行架車入去, 長州果d 最多行架單車入去... (係喎.. 長州無"私家車". 最多係警車(超細架鈴木), 同埋有半點似拖拉機果種機車...)
由於我地係放工去的關係, 所以落船已經係八點... 係.. 唔記得左講點解無端端去長州... (唔通真係"長州賓客人數多"???) 其實係因為我老婆個阿叔公司有免費的度假屋俾佢.. 一間度假屋.. 一個人點住? 梗係要益下人架啦...
免費的真係免費的.. 真係行餐懵... 由於我地唔識路的關係.. 行左半個鐘先到.. =.=' 其間上山下鄉不特止.. 仲要有好多蚊.... 幾想手上有個電蚊拍....好在我日日運動身體好... 只係好熱o者... 我老婆就................................ 更加唔使講..... 我老婆個表妹................ (仲誇張.. 行到中間想走...)
最後當然順利到達目的地啦... 仲使問o既...
好彩最後都無失望, 兩層度假屋+天台.. 超大..... 我換過件衫就落去食飯.. 不過果餐飯... 不過唯一好彩就係... 搵到條快d o既路.. 不過條樓梯好長.... (果然係長州.. 乜都長過人)

食完飯.. 唔理啦.. 上返去開大個冷氣玩樂同訓... 玩樂就真係... 唉.. 三個人.. 咩都唔玩得... 老婆話想打麻雀.. 但係無人識... 我又唔識... 唉...
結果不停UNO.. 同埋飛行棋...
訓我真係訓唔著... 因為有小強...

結果第二朝就好早起身... 正當我有少少醒, 多多睡意果陣聽到好似老婆係到尖叫.. 我仲未來得切反應.. 我見到佢阿嫲笑笑口咁望住我.........
再過多一秒我就識反應啦... 即刻去我老婆間房到攬實老婆... 原來老婆俾隻見唔到的蜘蛛嚇親...(我諗我老婆連隻野都未見到已經驚............)
之後阿嫲話去飲早茶.... 去左一間好細間的大酒樓飲茶.. 一眼所見, 無論係食客或者侍應都係上左年紀的人....... 連個賣點心的阿姐都係同我阿媽差唔多年紀...
野食又無乜特別, 之後見到IP Zone 居然老婆話走入去睇衫... (點解香港有, 唔係香港買??)
不過係平d o既.. 我都買左件... 結果好似每人都俾底左錢先走........
之後一行人就走去探親戚...唔係我親戚.. 係老婆果邊果d... 大家都叫佢做三姨婆.. 但真係已經數唔清啦! 佢地講新會話.. 我真係一句都聽唔明.... (你咪話.. 我連潮州話都唔係聽到晒...)
傾左一陣之後就再走去北帝廟拜神... (阿嫲話佢係我未來外父的契爺........咁呀.. 買多十蚊香燭囉....)
咁就磨左成個上午.. 又係食野的時候.... 老婆話去食甜品... 連我都忍唔住食左個馬蹄露.....
食完由於太熱.. 所以又look 返上去... 另一個表妹同另一個姑姐又到左lu...
結果四個人玩飛行棋.. 頂.. 未試過玩咁耐, 一隻都未玩完.. 成日俾人食左... 真係hihi...
最終等到無咁熱.. 我地走左去踩單車(好似係我提出,... 實在好耐無踏過...)
由於老婆唔識踏的關係... 結果我地搵左部三個轆的..... 老婆坐後面.. 我做司機...
點知..............一踏上去.. 嘩.. 不停咁自轉... 點解架車好似唔受控制咁自己個軚識郁???
原來係踩慣左單車.. 結果就... 要玩一陣先習慣.... 最諷刺係.. 我老婆唔識踏單車的, 居然操控自如........
最終就車左我老婆去環島遊.. 原本我想飛車.. 但係佢d 表妹一齊, 所以後尾就無咁做...
去到個島的一邊, 又去另一邊.. 沿途我地仲停低買野食.... 最值得一講就係五蚊兩粒大大彈魚蛋.. 即叫即炸.. 真係正!

踩完單車之後就走去食海鮮.. 所有人齊晒... 去食海鮮...
呢餐真係正呀.. 連我唔食蟹的都忍唔住要試下... 之後仲有個生炒骨, 元貝, 魚, 正!!!!!!!!!!!!!!!!!!!!!!
食完我地兩公婆就搭船船走lu~ 留多一個星期日去訓覺... .haha...

====================================
呢排返到公司.. 仲hea.. 老細去左北京... 對上果個又去左北京.. 簡直係one2free...
日日四點鐘準時收工.... 返工仲準時.. 十一點半... (我知你地心入面實係... 頂!!!!)
體諒下啦... 我做兩份架.....
有時放工去做野, 有時陪老婆, 有時係兩樣野一齊進行...
話說有一晚走去個客到做野.. 就係我老婆公司果個同事.. 結果佢地全公司的人都去晒, 包括老闆.....
當然係飲飲食食啦... 當我整緊機果陣, 不知那裏來了一頭狗.. 仲要班死靚仔捉去我老婆果到...
嚇到我老婆 -->
哼..如果你地唔係全部細過十歲.. 我實... 打7佢地....
(不過我又估唔到我老婆咁大反應就真....)

>>July 14, 2006 at 5:00:59 AM GMT+8

2006 年 6 月 5 日 星期一 【晴】

今日很可怕.. 06年6月6日.. 魔鬼日..
不過今日係D-Day 62 周年紀念日.. 同埋蝗蟲生日... 生日快樂...

返左工都算兩個幾星期.. 係時候講下自己做緊乜...
首先澄清1點.. 原來個職位唔係Research Assistant.. 而係student assistant... =.='
分別係我唔使教tutorial, 同埋人工少一節....

雖然我係典型的"遲到早退"的冗員.. 但係我的工作效率卻是非常高...
我可以好快咁改好段backup script.. 基本上返工第一個星期已經搞左好多野.. 包括整埋個email server.. (原本我個阿頭話exim 好難裝.. 但係用慣linux 的我又點會覺得難裝? 只不過只係Cygwin..
就黎要諗下點樣自動update...

其實待遇真係唔錯... 有自己的辦公枱.. 有自己的電話, 仲可以用CS General Office 的設備同資源.. 例如影印機(一個月可以影300張!), fax 機, 咖啡機(我講真.. 可以任飲.. 只可惜我唔會飲.. 呢期係expresso blend..), 華田, Hotrick, 沖的雀檸(好似去左茶餐廳...)
我的工作枱...


其實呢份工的確唔錯, 壓力唔係好大, 如果眼明手快, 仲可以做外快tim.. (而家都有program 寫緊..)

原本我地房得四個人(計埋我..) 其實原本仲有個叫jenny.. 但係返左鄉下...
尋日又無端端多左個人... 不過睇黎仲hea 過我... 我見佢裝pplive.. 我都好想裝... 實在太好睇啦pplive.. 呢排都搞到我上左癮... 因為有007台!!!

前幾日同班YY2同學去玩... 我仲帶埋老婆去tim! 可惜慘遇港女... 不過不幸中的大幸.. 就係最終變左全男班(除左我老婆之外)...
幾時都話我老婆好架啦! 話時話果個地方真係唔錯.. 有野食有野玩.. 我地玩左UNO.. 波子棋.. 原來新UNO 係有 "x?", 全人皆按 等...

呢期無咩時間陪老婆tim.. 我同老婆都病左... 嗚嗚...
老婆.......

>>June 6, 2006 at 2:55:27 PM GMT+8

2006 年 5 月 21 日 星期日 【晴】

終於考完試~
但係考完試已經要internship...

>>May 22, 2006 at 1:30:05 PM GMT+8

2006 年 5 月 3 日 星期三 【晴】

我知道要寫日記啦.. 奈何我真係無時間呢.....
前果陣呢, 就日入而作, 日出而息(趕功課), 呢期呢, 就日出而作, 日入而息.......
先搞掂杜汶澤份OS (點解叫杜汶澤? 原因係因為佢真係好似杜汶澤...)
之後就開始死份IAD.. 果條仆街Sam Kwong.. 真係以為我也唔使做其它功課...
demo 果陣居然問返我地有無將上份assignment d 野做過(用另一種表達方式 -
MVC).. 我屌下你呀...做過? 你下一世投胎重新學下做人好過啦!

讀書本身真係花左我好多時間... 唉.. 做下咩生意好過..... 起碼唔使做得咁辛苦, 一毫子都無, 仲要倒貼俾佢...
份IAD 功課已經係一個好例子, 真係成個酒店管理程式咁濟.... 收唔到錢的東西唔好花我咁多精神去做.. 只不過我仍然要保持水平.. 搞到日日都聽到雀仔叫先有得訓.. 唉...
一考完試出埋 GPA 就要將 sam kwong 見民主牆.. 直接將佢了結..

份OS 其實又無乜野... 開荒班code 神.用左八日去做.. 我呢個hea 人用左一日半ko 左佢...
結果仲可以有時間同阿媽去陽明山莊到去飲...
class 就真係好高啦!!! 簡直係氣派豪華, 只不過 d 野食...
簡直就唔直8000蚊一圍... 仆街, 唔好食我都算lun 數...8000蚊無d 叫做"名貴"o既野上枱好好睇睇都算...(真係半食鮑魚或者蠔都無...係個排"刺"見得下人....) 又要唔夠食果下死人.. 每人得個1d, 成圍加埋我保証唔夠平時出去o既一碟的一半! 隻乳豬一上枱.. 仆街... d 脆皮同叫完雞的男人一樣 - "林晒"... 八錢蚊一圍? 八百蚊一圍都唔值啦!
結果同枱d 阿姨俾埋佢地唔食果碗飯俾我我先飽........
p.s. 個女的都幾靚.. 以前拜年都見過... 男的... 感覺上好似joe junior........... d 頭髮又真係開始稀疏! (咪笑人啦.. 遲早我都係咁)... 加上真係人要靠化妝... 個新娘個妹以前我都見過, 又係拜年果陣... 果日佢係門口招持果陣... 完全係兩個人.... 離晒譜....... 不過始終有d 缺點.. 點都係假唔到的... 例如五官.......
全日唯一最開心係走果陣, 佢地book 左架B7R送返我地過旺角.. 嘩.. 架野正到無人有... 又舒服(起碼唔似去果程果架MAN咁pat pat 兩邊搖).. 又快又好力.... 簡直係正...

講完呢樣又講下第二樣...
就係幫老婆個細佬砌左部機... 當然係免得佢地兩個爭機用...
原本就話用我d 舊AMD 2000+ 去整, 但係佢屋企人又話想耐用d... 所以結果走去買左部新機..
(待續 )

>>May 6, 2006 at 8:51:32 AM GMT+8

2006 年 4 月 13 日 星期四 【乍雨乍晴】

呢排實在太攰.. 所以決定去旅行去叉下電..
其實一早就決定去梳打埠(又名馬交.. 或者澳門), 四月頭已經book 埋房(一晚)同埋船票..
加上老婆話想去飲飲食食...

買左十二點鐘船搭新渡輪澳門果去... 去果程真係好似坐緊快艇咁.. (不過返黎果程更加似諾曼弟登陸..) 我就無乜野, 我老婆就唔多舒服..
加上我又衰o既.. 預錯時間.. 諗住271 一單只係需要55分鐘, 特別仲係朝早.. 點知朝早都咁多人上落... 仲要停下燈位咁... 結果兩公婆要由尖沙咀站跑過去中港城... 唉.... 辛苦死老婆啦.. 對唔住呀... >.<'
到左澳門之後就先搭車去酒店(係氹仔), 之後第一件事就係去大利來記食最出名的豬扒飽.. 仲有佢地的奶茶... 果然非同凡響.. 豬扒夠晒鬆軟... 其實11蚊一個都唔算係貴, 杯奶茶夠晒滑.. 都只係6蚊杯... 非常掂!

之後由於唔記得左攞相機的關係(係到先要多謝大魚借部相機出黎...) 所以要返一返酒店先..途中經過一條專賣手信的橫巷.. 老婆買左杏仁餅, 我就買左肉乾..
之後返完酒店我地又去左一個展覽以前葡式住宅的地方.. 我地都費時買飛, 只係係出面望兩望, 影下相就算..
之後就迫巴士(與其話巴士, 其實果架只係小巴 - 只不過係有企位同話自動波的Rosa..) 28A 出澳門市區到玩.. 我地第一站去漁人碼頭..
主要黎講漁人碼頭都係分開幾個區.. 只不過真係唔係太大, 而且無咩遊戲玩(加上我地去到都差唔多六點..) 不過最surprise 係居然係果到撞到以前莫記同學Kylie... 佢同另外一男一女(其中果個男仔都係莫記, 但真係唔記得左佢叫咩名...), 不過佢地就係即日來回... 所以準備搭船走...


我地影左幾張相, 睇過佢個羅馬廣場, 火山同埋唐城(無入到去)之後開始肚餓.. 搭車去食野..
老婆一早就搵好晒邊度有好野食.. 仲有埋地址電話tim! 都係老婆叻..
我地先去食咖喱牛腩飯, 之後又去食魚旦粉.. 最大件事係我買定宵夜驚肚餓.. =.='
原本諗住食完魚旦粉之後去買半價麵飽, 但係搵唔到間野係邊.. 算...
之後搭車返氹仔, 去果間希臘神話賭場玩... 佢目標真係想抄拉斯維加斯式賭場落澳門.. 可惜根本無可能.. 點解? 因為好多大陸自遊行係到賭命... 拉斯維加斯我大大話話都叫去過兩次.. 雖然兩次我都未夠秤玩... 但係感覺上Las Vegas d 人係玩.. 好悠然自得咁玩... 只不過一到澳門任何一個賭場, 除左煙霧離漫之外, 仲聽到有人大嗌"大...大...", 仲有"小.. 小...哎呀..." (我心諗.. 真係屌...)
不過間唔鐘都有d 所謂表演出下黎, 所以無咁悶, 例如搵個鬼妹出黎玩下呼拉圈, 搵個鬼佬出黎變下魔術... 之類之類..
我地都無買大細, 只係玩下老虎機.. 不過輸到... 唉.....

結果兩個人搭車返酒店... 去到自己住果間"格蘭酒店" 繼續... 結果就係繼續輸... 都話左d 電子野唔係咁信得過.. 我個玩老虎機理論又失敗左....
不過好得意就係果部電子的骰盅機... 真係自己限時開, 自己搖好大粒毛毛骰(超可愛)... 之後仲要話到俾你知開乜... 勁...

結果咁就輸左50蚊....

之後睇左一陣電視就訓.. 好眼訓...

第二日:
一起身就搭車去澳門玩... 今日的目標係新馬路...
我地第一件事就係去搵食.. 澳門唔係唔好, 只不過.. d 路好窄同埋d彎好急.. 真係架巴士長多少少都唔夠[車太]入彎.. 加上佢地d 巴士線設計真係好差... 同一段路真係為左夾硬入去, 真係原路出返黎.. 情況有d 似坐E41 入到機場咁.... 或者可能係道路設計一開始就出左問題...... 只要一塞車.. o.. shit.. 都唔知要等幾耐...
我地搵左好耐, 問左幾個途人同警察叔叔(p.s. 好多時連途人都搞唔清d 街名.. 因為太多橫街.. =.='!)
終於搵到果間食甜腸粉的... 估唔到又幾好食喎.. 好清甜... 但係老婆話唔好食, 咁我另外都有食炸兩同埋白粥.. 白粥只係兩蚊雞... 超抵... 係就係水左d.......

之後就去食豆腐花... 呢間仲難搵.. 真係名乎其實的後巷...... 不過真係值得一食.. 因為比起大埔墟果到d 豆腐花真係有過之而無不及!


之後老婆就仲未食夠... 去左去義順o既雙皮奶.. 呢間真係出名.. 連wikipedia 都有寫出黎...
可惜我飲得奶(會肚屙), 否則我都會食返一碗...

之後我地繼續搵食... 果間食葡tart 的真係超級難搵... 真係搵一餐.... 我地轉左十幾個圈都仲係搵唔到.. 唯有行住去"議事亭前地"果個廣場果到影下相先..

其實果到真係好靚... 地下係由黑色同白色兩款石仔砌成, 加上兩旁建築, 非常富有歐陸色彩...
好似steve 都同我講過話去果邊... 我記得佢電話果張相就係呢到..

果到仲有個蔡欄美食坊.. 只可惜真係無乜野食, 並無興趣..
之後真係搵左好耐好耐.. 終於搵到.. 果間瑪嘉烈...
雖然呢間d 撻真係唔錯, 但係服務態度真係............. 膠級............................

之後我地去左睇賽車同紅酒博物館.. 值得一提係紅酒博物館有得你試飲紅酒.. 我揀左支2000年的葡萄牙紅酒飲.. 果種感覺好純... 老婆唔識飲, 所以佢試左餐前果類甜白酒...
之後就睇d 展品........

跟住我地就搭左超耐車去大三巴(無計.. 架車係咁兜路.. 兜到上拱北關閘.. 你話..........)



之後我地行返落去議事亭果邊 (其實好近), 想話去一間食小食的舖買野食, 點知執左..........
橫掂又過返新馬路, 結果我地入左葡京果個水晶宮... 都係果句, 好大煙...
結果無玩過就果返申請MET卡果兩個10蚊泥碼走..........

之後都成七點, 準備食埋晚飯就走人......
呢餐我地去左福龍葡國餐廳食.... 只係叫左兩樣野... 一個馬介休炒飯, 同埋一個葡國雞...
馬介休即係葡國鹹魚..... 所以馬介休炒飯某程度上可以係"鹹魚雞粒炒飯"....

食到超飽.. 之後就搭車去港澳碼頭....
返香港呢程.. 可以幾乎話係上錯船... 新輪三.... 簡直chok 到同登陸無分別..
坐我後面的女人由一出基堤就嘔到返香港.... 仲要落船果陣俾個staff 串.. 叫佢唔好食咁飽坐船.. 我心諗, 如果佢坐d 有翼o既就唔使咁辛苦......
我就無野, 老婆就成程都訓著所以先無事...
唔知點解坐坐下有個staff 俾左兩盒野我地飲.... 唔使錢, 又唔係個個人都有.. 怪!!!

兩日澳門之旅就完結左啦...

>>April 16, 2006 at 6:42:55 PM GMT+8