2005 年 7 月 9 日 星期六 【晴】

今日係基哥生日, 雖然搵佢唔到, 但係send 左個SMS俾佢...

星期日原本係諗住係屋企休息下, 但係結果都係出左去...
幫個客買左條RAM... 算啦.. 見佢一個女人仔... 無咩所謂啦..
買完之後送去尖沙咀, 走返大角咀裝埋部linux 佢.. 又係地鐵一日遊... 過兩次海... 都係$2.4~ 哈哈~
部linux 裝得出奇地快.. 幾個字搞掂晒, 但係無得上網, 所以無得set 埋ipsec...
(見到一隻ipsec-tools類的東西, 係唔係意味著唔使裝openswan?)

搭車返到屋企好鬼早.. 七點都無...

==============================
呢期睇廣告睇到我真係....... 成個廣告都係充滿膠味........
1) Roadshow 果個舞晒脂肪系列.. 級數直達硬膠膠... 個女人走去減肥, 個老公又要出鏡.. 老公話: 等你減肥成功之後就同你去台灣.. 我想問, 係唔係減肥唔成功就唔去台灣... 甚至老婆都唔要?
大家都結左婚咁耐, 仔都有埋, 咁一陣老婆老左, 係唔係又要個老婆就去搞呢搞路?
另一個係一個後生d 的女生, 呢次到佢阿嫲出鏡.. 佢仲要話: 快d 搵返個男朋友, 等過時過節唔使一個人... 喂.. 我又唔信淨係因為肥呢個原因搞到無人要呀... 好多野內在得唔得好似重要過外在.. 同埋呢d 野整定架喎....
雖然, 心理學話, 靚o既野係大部份人的見解都係好的, 但係呢個社會出左咩問題, d 人睇野好似仲比以前skin-deep 左...... 唉...

2) 安信果個咩大情人貸款計劃 - 搞到要借錢, 仲要一腳搭N船.. 我想問係唔係叫d 後生去自取滅亡? 就算唔係一腳搭幾船, 拍拖拍到要走去借錢, 一係就係條仔充大頭鬼, 一係就係條女唔識去錫住自己另一半... 兩者皆膠, 膠足mk 級..

你話.. 呢個香港想唔mk 化都幾難... 難左d 公司已經無咩商業道德.. 一個就宣揚膚淺, 一個就叫人走入一個不回頭的路..(我唔係唔識一d 借錢度日的人架 !).. 唉.. 難怪我已經對香港好多野不聞不問...

>>July 11, 2005 at 7:07:13 AM GMT+8

2005 年 7 月 8 日 星期五 【乍寒還暖】

好眼訓呀.. 不過點都要寫埋今日日記先訓...

又係史無前例("又係"就唔會"史無前例"啦...) 九點鐘起身...
因為韓文mid-term.. 唉.. 都係遲到, 但係就益左班友仔.. 可以溫下書先...
我唔記得晒d vocab.. 慘啦!!! 結果所有grammar item 就掂, 但一translate 題目就出晒事...

算啦... 過得去啦...
之後落去交program 俾客同埋收埋錢, 好彩最大件事果樣抄舊資料好彩唔使做...
因為佢話舊data 好多錯.. 好彩o者.. 鬼叫我屋企隻Access 有問題!
好彩有食飯.. 好飽呀... 個乾炒牛河夠大碟...

之後去黃金買機+搬機+砌機.. 用左我好少時間就搞掂好, 只係差條線(死人april 姐俾錯Hard disk 我.. 人地要SATA佢俾PATA)

之後落黃金幫外母攞野, 咁就搞掂啦.. 七點鐘前返到屋企...
==========================
老婆今日唔使返工, 走左去行街, 之後又走左去casino (佢d frd...)
飲飲食食搞到好晚先返到屋企....

>>July 9, 2005 at 5:04:00 PM GMT+8

2005 年 7 月 7 日 星期四 【晴】

今日係AL 放榜..
大家都ok 啦.. 好似巴金同泉咪勁囉...
就算唔合格都唔緊要o既..副學士一樣好出路.... 好多frd 都係咁.. 一年之後即上degree.. 唔使怕...
=======================
老婆終於睇到我日記lu.....
-----------------------------------
今日原本諗住出去大角咀, 後尾都無.. 因為出唔切..
反而留返係大埔個客到做野.. 尋日仲有一部機未upgrade XP
1 upgrade.. 102分鐘.......................................................................
飯都無食.... 同d 師奶係到講感情生活.. 佢地好驚訝點時下仲有青年好似我咁, 為左結婚會咁認真... 唔只我o既, 有好多人都係咁o既....
如果忍一時可以有好d 的未來, 咁忍下啦!

走得果陣已經係五點... 袋左幾舊水.. 都好啦!
之後去左老婆屋企整埋佢部機.. 最後我決定左刪左佢舊果隻Windows.. 因為實在壞得太勁.. 我今日用SP2 再recovery 一次都係唔得...
所以刪左boot.ini紀錄, 裝返d driver 同app. 就走得.. 最衰豬都唔知佢給埋d lan card 同lan 線係櫃桶.. 都知係唔係煲醋...

返到屋企, 同老婆傾電話....
佢今日都幾早返到appartment.. 我做完野佢就返到去..
今日佢終於攞返d bookmark (我send 左俾佢..)
佢d roommate 走晒去pub.. 係.. 呢班人.. 好彩老婆無跟佢地去.. 最大問題你唔熟果到, 真係俾人溶左都唔知... 點知果間pub d 人係點...
其中一個仲話無錢, 仲咁高消費.. 唉..

>>July 8, 2005 at 3:40:05 PM GMT+8

2005 年 7 月 6 日 星期三 【雨】

好多日無寫過日記..

值得要講就係7月5日, 莫記30周年晚會.. 我覺得就無25周年咁好睇...
特別係那個Form 1 仔粵劇表演, 雖然係特別, 但我見到有人訓覺......
個音樂劇都可以, 但係overrun 得好嚴重.. 原本應該十點幾走, 變左十一點半先走得.. 好彩break 果陣已經打左俾老婆..
最出奇就係見到好多無諗住會見到的同學, 包括大面穎, 洪成 (仲俾左個電話大面穎, 當時同老婆傾緊電話)
仲要臨走先發現徒弟都有出現..同埋佢阿媽一齊去睇...
走果陣一齊走....

7月6日
好眼訓呀.... 約左大魚, 泉, 淫友去唱k...
大家的歌路都好唔近, 大魚係香港歌, 泉係英文歌, 我係台灣歌..(我好耐無聽過香港歌..)
之後去打機.. 嗚嗚嗚.. 無左PM3 (擊鼓皇)玩啦.. 好傷心...
新港家陣無咩野好玩... 哼! 我點架玩賽車game 連大魚都過唔到... 點解架F40 踩極都唔肯去...
之後去左搵家豪, 佢老豆公司要再搞多少少野, 係一個會lock table 的地方, 做到三部機同時讀到data(p.s. 個system 仲係dBase 3.... )
我都覺得奇, 一去土瓜灣一睇.. 超.. 原來係抄local copy 落自己部機到先.. 唉...
我真係諗都無諗過呢樣野, 因為d data 唔會consistant.. 但佢地可以read only.. well..

7月7日..
一起身, 好似好好天喎..
突然間就變超大雨.. 話時話今日真係好眼訓...
所以好晚先起身..
之後去大埔一間公司客(係太平工業中心), 佢d 機, 又殘又舊, 仲要中晒spyware.. 唉.. 用得先係奇...
最後都係整唔切, 攞左其中一部notebook 返去整...
同老婆傾電話, 去徒弟到攞野之類之類啦....

老婆呢幾日都係返工放工,
有時會有機會上到網... 都係咁過啦..
公司都對佢算係咁, 有時俾佢早走.... 返放工都係有老細車佢往返d 近d 的車站..
工作性質大多數都係打雜.. 有咩做咩.. 洗杯都會有.. (名乎其實阿四..)

>>July 7, 2005 at 3:10:38 PM GMT+8

2005 年 7 月 3 日 星期日 【晴】

老婆又發忟憎..... oh......
有時佢係咁.. 當佢好眼訓果陣再加上佢好忟果陣, 我覺得佢係唔想同我講電話..
通常我就會串佢, 你係咪唔想o者, 我聽日唔打黎架啦....
之後講多兩句佢就會開始忟.. (通常都係"唔同你講呀~"), 之後我就會收手講返正經少少d 野.
但之後佢都係會忟..
通常之後就嘈......
但係今日我發現我習慣左佢忟呢樣野... 開始接受到.. (唔知架.. 可能聽日係咁就接受唔到.. 唔好咁老定..) 因為見怪不怪... 慣左... (讀者們係唔係好奇怪阿四咁善良都會咁惡? 係架.. 對住我果陣咪會囉..... 有一次直頭係我出街攞住把直傘都俾佢係車到話一大輪.... 又或者天氣一熱果陣, 佢就自自然好忟, 之後命令我唔好"掂"佢....
不過諗返其實都幾甜.. 因為佢係對好親密的人先會咁... 咁做得佢老公就梗係要受架啦..)
邊對情侶唔會嘈交架... 只不過之後處理方法, 會令到更加親密定係開始疏遠o者..
總會要其中一個人去放底自己的怒火同執著, 重新拾起包容, 我諗另一個愛你的話就會跟住軟化..
但係如果兩個都硬碰硬就死梗.. 又或者如果次次都係得同一方面軟化, 可能果一方就會好心淡...

我同我老婆嘈果陣會點?
通常我會嬲.. 之後佢果一刻就會S息�..
之後過左一陣, 我就會S悚蟣\.. 因為果陣佢通常無晒心機..
一日後就咩事都無..
有時我覺得同佢嘈完, 我會感覺到佢對我好好.. 因為果刻, 佢點都S息�.. 由此觀之, 佢係好愛好愛我.. 所以就令我好安心..
所以即使佢走到咁遠, 我都唔會擔心佢會話無左之類... 兩個月o者.. 到今日咪淨返40日囉...

講咁多野做乜?
hee.. 一來講自己同老婆一齊四個幾月的感覺, 二來, 如果你對另一半唔係咁滿意, 老實講, 大家的另一半都唔係完美, 但維持落去只在乎互相包容, 信任同接納.
越講越掛住佢....

講返今日工作,
今日厲害啦.. 五轉..
銅鑼灣-->中環-->上環-->紅磡-->城大
所以今日史無前例(又無咁誇)九點鐘起左身, 老豆話飲緊茶所以落去迎喜.. (對上一次就係老婆走果陣..)
今日d 時間都幾perfect,
去到銅鑼灣都快手搞掂晒d 野..
俾個客無意中見到我同老婆係銀包張相.. 佢話我同老婆果樣有d 似.. 哈.. 慘.. 似....... 萬一有血源關係咪真係... 講下o者.... 夫妻相掛....
原本可以幫外母(我好盡力咁控制自己唔好打外母x).. 攞百佳coupon, 佢credit card 果d , 但係差在無個copy of credit card.. 衰左..
去中環果到.. 其實做facial.. 那個紅寶石唔知咩光.. 都ok 啦.. 230 蚊有peeling 有成.. 想點..
佢想叫我join plan.. 2500蚊.. 真係要問下老婆喎.. 咩話? 而家唔決定要4000蚊?
等我搵到先啦咁...

之後去上環攞返隻switch, 再去紅磡.. 時間開始唔夠..
115 塞車, 俾後車追到... 唉...
之後等2號小巴返城大.. 等左超耐!
搞到韓文遲到..
電話又無電... 同老婆傾電話佢又咁忟.. 算.. 聽日先啦..
仲有佢同frd 傾計係緊要過同我傾電話.. 所以有時我都唔係好想打俾佢... 好似搞到我成日都阻住佢咁..
唉.. 每日都係得果個時間可以同佢傾到果一陣, 一日就係果刻講下有咩開心唔開心, 佢又唔係好想講野咁... 點算..?
我有時都覺得佢對frd 好過對我呢個老公.. 不過算啦, 無得計較咁多... 講佢都唔聽架啦.... 話佢又話我 (我幾時咁大方o既.. 或者真係慣左佢的模式...)
...........
唉.......

>>July 4, 2005 at 4:48:06 PM GMT+8

2005 年 7 月 2 日 星期六 【晴】

今天, 星期日, 假日,
好彩從尋日開始已經是晴天, 只係熱, 唔使好麻煩又要攞雨傘又要呢樣果樣..

假日所以到中午才起床.. 但還是很眼訓..
吃了午飯就去了老婆家裏整她的電腦... 很精彩, 連我也不明白為何她的Windows 會壞得這樣精彩.. 似乎所有掃毒程式也不能測出來, 但就是有很多不知怎來的檔案, 怎樣看也似是病毒..
那個Windows, 可以話是千瘡百孔, 暫時來說只可以裝另一個Windows 用住先..
原本果個.. 等我諗到方法先... 唉..

係佢到食左一餐..
不過好事就係似乎佢媽媽好似比較接受我多左...
不錯不錯..

====================================
老婆今日終於去左動物園, 同埋係Victoria Market.
佢話動物園d 動物比我仲更加趣緻, 所以影左好多相..
之後去Victoria Market 入貨入貨...
之後去唐人街食飯, 又搞到好晚先返屋企...
最好笑就係佢d roommate, 好有期望咁叫我寄電視果d VCD俾佢地.. 得啦.. 老婆大人吩咐落, 點夠port 唔做..
佢班Roommate其中一個叫"靚女Tina", 仲有一個自稱好"喜歡"我的, 我都唔記得係唔係叫Yuki..
喂.. 我好專一淨係得一個老婆.. 唔使粒咁大個高帽喎....
hee~*

>>July 3, 2005 at 4:04:57 PM GMT+8

2005 年 7 月 1 日 星期五 【晴】

仲有六個星期老婆就回歸... (42日)
好彩佢話訓左一覺之後就無再發燒..
原本佢地要去zoo, 俾動物睇o既. (!?)
但係最後行街無去到, 之後去Victoria Market, 佢話上次去澳洲都去過果到..
之後搵地方食pizza, 又搭錯車搞到返到apartment 已經好晚..... 唉...
好彩佢最後都聽我話, 無食生冷野..

到我自己啦..
今日.. 返韓文之後,
即刻飛去大角咀抬部機去個客到, 果個阿ben 又俾人係咁插.. d 野唔o岩老細心水..
佢始終太唔profession.. 所以我都同老細話, 呢個係我多客過佢的原因.
之後聽個老細想點搞, 四點半食飯..
之後五點半到將軍澳第二單.. 呢單勁呀..
係個wallpaper 俾人改左做一個網頁, 內容係"你已經中左spyware 啦.. 死未..."
唉.. 一整整左四粒鐘..
點解? 包括刪錯file (DLL), 等scan virus..., 搵registry key 改...

搭車返去, 去到廣福就塞車.. 都唔知點解大埔會咁多車.... 只係廣福道無左一條行車線o者....
十一點半先有飯食..

>>July 3, 2005 at 6:01:28 AM GMT+8

2005 年 6 月 30 日 星期四 【乍寒還暖】

情繫.新蒲崗
-----------------
(呢篇野原本應該係尋日打, 只不過尋日返到屋企已經好晚..)
因為一個圓玄同學家豪的關係, 即使老婆不在香港我也要到新蒲崗一趟..
原因是他爸爸公司買一台新電腦, 及要做一個電腦網路..
那間店舖其實就在老婆的母校(開唔開名好呢..個名好頂癮架喎!)樓下, 是一家賣汽車零件的店舖.
舖面不大, 堆滿了貨物, 堆了四個人, 加上我和家豪只是剛剛夠位..
電腦也不難做維修, 因為兩台新電腦, 加上一隻switch 再加三條線即可, 只要做Windows 98 set 好IP及Sharing, 一切也沒有難道.
這麼普通的一件工程, 其實沒有啥要寫的, 只是新蒲崗的人情味.
先就是他爸爸的熱情招待, 還有跟他爸去食午飯.. 很神奇的, 原來他跟那店裏的所有人都熟得很, 包括東主.. 回到店裏, 很多顧客都是老街坊, 熟人..
甚麼也可以談, 整間店裏都充滿笑聲....(雖然很多粗口, 但對我來說是絕對可以接受)
後來才知道, 原來他們都是由小到大的朋友, 夾錢開檔做生意..
其實人生就是這麼簡單.. 如果每日都這樣歡樂地過, 每日都見著自己的朋友,
安安定定的過日子.. 你說多好..

我老表前排跟我說, 到我讀完書就怎樣怎樣..
還有他想買怎樣的車...
我卻沒有這種壯志.. 我自問我只是一個最多只是中產階級的人仕, 不會是有錢人, 也不會像他們不知為何地辛苦工作, 忘記家庭..
我告訴他: 當你過多廿年果陣你就明白架啦...
明串佢...

想不到我跟這個地方蠻有緣份..
以前曾經在這裏工作, 現在老婆的嫲嫲住在這裏, 還有另一個客人在工廠大廈那邊, 我媽有朋友在這裏開快餐店(雖然十年也不見一次那種), 現在家豪的屋企公司也在這裏.. 我想以後也離不開這個地區...
=====================================
7月1 日.. 遊行不關我事, 回歸也沒有感覺...
只是十二點幾個陣... 係淫友個icq 到見到一封幾嚇人的message.. 是老婆給我的, 經他forward給我, 因為我無開icq..
內容就是告訴我, 她病了.. (唉.....), 叫我不要過度擔心...
唉.. 早就料到的事..
早就叫她要小心身子, 早就叫她不要吃辣的東西,
多說兩次她就覺得我很煩.. 可是不講多兩次, 你看.. 就出了問題了.... (她就是這樣的不聽話, 或者大家都想不到...)
幸好今晚好像已經好了一點, 算是退了燒...
最禍不單行 - 手錶也跌了... 之前有跌親....
唉..... 唔擔心就假..
亦可能解釋左我尋日做咩食完野反胃... 心靈感應.. 你信唔信?

我諗我會寫多d 老婆的事..
老婆那裏的工作算是不錯.. 公司的同事對她也很好..
公司是家族生意, 老父加一個孩子再加一個女婿..
也很照顧我老婆... 每天返工放工都會送她到較近appartment 的車站..
每天的時間也是差不多, 偶爾她會跟roommate 搞一些活動, 例如某人生日出外食飯之類..
roommate 也對她不錯, 只是她們都算是夜鬼..
我每天都跟老婆傾半個至一個小時的電話.. 電話費貴嗎? 就算幾貴都要打架啦..
這陣子她都在公司執頭執尾.. 唔係太辛苦咁啦...

等我諗到再補充一下..

>>July 1, 2005 at 4:07:01 PM GMT+8

2005 年 6 月 28 日 星期二 【乍寒還暖】

仲有一分鐘到六月三十日...

仲有47日老婆就返黎lu.. (哇... 47 = 個半月有多兩日.... 唉....)

尋日.. 同老婆嘈左一輪.. 不過尋晚已經解決左, 不用再提了..

呢兩日的工作都係多姿多彩.. 單係尋日一日做左700蚊生意..
一個家豪 + 一個將軍澳新客 + 一個尖咀新客
今日都唔差, 雖然係尋日d 錢計埋.. 不過唔錯啦..
呢期都係去新蒲崗去得多.. 下次應該順路去探下老婆個嫲嫲先.. 或者聽日啦.. 聽日打個轉去都好.. (好似好無聊喎又... 睇下點先啦..)
呢排工作都還可以, 但係.. 成日都好黑仔..

今日撞親個頭.. 瘀左..
部電話一時睇唔開走去跳樓..跌死左.. (其實係我唔覺意整跌, 跌左落地下)
又唔係真係死晒, 只係重傷得幾嚴重...
即刻搵第二個電話打俾老婆...同佢匯報..
老婆話:"你唔好今日買(電話)住呀.. 同我相量左先..."
得啦..知啦.. 老婆大人.. 原本仲打算賣左部Pocket PC 買部O2 XdaII mini..
都係算... 下次壞電話先.. 求其買部Nokia 算數...
(p.s. 老婆唔俾我用咁多錢係有佢原因o既.....所以我都會聽話.... 係呢方面....)

今日都算好早返到屋企.. 因為電話壞, 快d 返去打俾老婆....
之後上網睇下隻Cyrus-imapd... 他媽的難搞.. 好彩搞好左....

訓啦...
(又落雨.....!!! 真係他媽的..)
(p.s.2: 淫友返左香港lu!)

>>June 29, 2005 at 4:14:16 PM GMT+8

2005 年 6 月 26 日 星期日 【乍寒還暖】

唔係俾佢嚇死就係俾佢激死..............
老婆呀.. 我都係擔心你我先咁緊張ja ma.....
唔好咁忟先得架... 咁我煩係因為你真係唔小心嘛!

得啦.. 老公應承你啦.. 以後每日講少d 啦.. ok?
唔好咁忟啦...

但係今日真係有d 嬲.. 人地係關心你先咁講架嘛......

>>June 27, 2005 at 3:56:17 PM GMT+8