2005 年 1 月 31 日 星期一 【晴】

星期日晚.. 唔知咩事訓唔著.. 可能試到SIP太開心的關係,
加上唔知點解的肚餓結果就... 訓唔著..
結果眼光光望天光...
上Y. Mong 堂... 訓....

講開又講, 我係Y. Mong 面前簡直係一個頹人+hea 佬, 其實專登的, 費時俾佢知我係一個咩人...
等佢唔好對我有咩期望.. 咁我就生活寫意又愉快... 有幾hea 得幾hea, 有幾頹得幾頹...
不過今日反而早到.. 失常...

之後MA.. 因為CCIV 結果就走左堂... CCIV要討論傾咩topic.. 好彩只係講簡單MI, 都好....
CCIV.. 個tutor 又兩粒直落non-stop mix.... 佢癲左...

今晚同阿四走, 最初佢唔肯答火車, 因為轉返去要俾錢.. 但係呢次我地有榮哥.....
係太和上車... 三個字左右佢就到富亨, 我當然係遊河啦!
結果返到屋企七點三個字...

星期一晚終於訓返夠本...
星期二十二點先起身.. 哈哈哈...第一件事就係去泰林換返部HPC.. 頂.. 我呢部一無電就失憶.. 個後備電俾人廢左武功咁...
之後落城大, hea......
hea 等上堂..
linked list.. 上年讀過, 無心機聽書....

之後即走.. 好肚餓.. ><"

>>February 2, 2005 at 10:38:39 AM GMT+8

2005 年 1 月 29 日 星期六 【晴】

唉.. 星期六浪費左一日..
原本係去試起Fedora Core 3, 但係.. 我老表佢..... (某程度上係佢老闆放佢同放我飛機...)
結果..

第一件事係去 旺角... 頂... 好多人...人山人海x9....
唔知係唔係太耐無去旺角所以覺得唔係好慣... 唔想見到咁多人囉...
西洋菜街南未到行人專用區時段都已經變左行人專用區.... 實在太誇張...

去旺角幫阿姨還左隻DSL Modem, 之後就約左老表去新之城.. 做咩事.. 當然係打機啦..
太耐無玩過PM3.. 而家仲要係PM3+, 果隻remix咗o既"神奇".. 實在太神奇啦.... 變晒拍子.. 頂...
唉... 加得幾個percent... 張卡...
所以好早就走.. 五點幾.. 絕對唔似我... 雖然之後落左大圍試wireless, 但係... 無咩特別...

=========================
星期日.
今日繼續試ip phone, 但係重點係呢次試sip, 而且唔係h.323 ....
因為asterisk 多野玩好多, 就係music on hold/dial 已經好吸引..
今日最大突破係用SIP Proxy 去穿透任何NAT.. 太感動啦.... 而且仲有music on dial (即係來電鈴聲..)

但係咁我以後用323 定係用sip 呢?

雖然成功, 但係都有d 問題... 好似打去h.323 果個步驟聽唔到聲...

幾乎唔記得左講莫記open day..
老實講.. 感覺上仲蚊型過YY2 果次..有機會係因為莫記地理位置唔方便..
同ck 吹水吹左一大陣... 之後見到我徒弟(又話唔黎...), 仲要見到好多校友, 例如"java 怪魔"邵政邦... 至於果d 攤拉遊戲.. sorry.. 我無玩過... 但係睇落好似幾好玩..
其實最緊要係搵番d frd 吹水o者... 我仲見到大pat 陳!

之後同徒弟同佢媽去新街市食野... 之後我就碌去太和, 買左本韓漢字典...
最後一本.. 哈哈哈....
落住毛毛細雨, 唯一感覺.. 好凍.. 可唔可以停雨...
====================
回 魚子:
團年飯? 年年都要食架啦... 你唔使食咩今年?
定係你想講咩活動?

回淫友:
你get 唔到我meaning.. 用口, 唔係真係吹樂器, 只係言語上性騷擾, ok?

>>February 2, 2005 at 10:54:57 AM GMT+8

2005 年 1 月 27 日 星期四 【晴】

太耐無時間寫日記... 起碼最大件事我上左大陸無講...

上星期六同一間廠d "同事"同埋老闆上左去大陸間廠到一轉, 星期日返...
咁大個仔第一次自己唔跟屋企人上大陸.. 其實都有d 驚驚地, 因為大家都知大陸(特別係深圳)係立立亂... 不過成班人一齊又無咩野o既.. 何況又有公司車由深圳直上去東莞...

係火車站, 買左一個兩天的藍十字中國旅遊"嘟"意外保險.. 廿蚊, 算啦..
最慘係"嘟"完張八達通卡之後, 負左錢... 頂.. 又無帶到EPS係身..
(p.s. 好多人都唔知好多火車站有得用八仔買呢個保險....
其實係有部kiosk (電腦)俾你, 輸入你個information, 之後拍卡, 就會嘔張保單俾你.. 就係咁簡單..
好彩.. 見到一個同學行過, 問佢借左十蚊雞上路.. 唔係唔知點算..

之後上到火車, 匯合佢地,
過左關又要等個司機... 結果一點鐘開始出門口, 五點先到.. 唉.. 咩都做唔到, 蕉都無得食..
之後就再搭車去酒店, 擺底d 行李..(我同太子仔訓喎...)
之後就去對面酒樓食飯.. 嘩.. 我可以用大排宴席去形容... 一睇到個banner 原來係老闆同另一間廠一齊擺酒, 請廠客食飯之類, 有d 都係香港黎, 有d 就廣州之類.. 咁當然要飲酒啦, 因為我老豆唔俾我飲, 所以我只係飲左好少紅酒...
千幾蚊一圍, 好多野食......

咁之後就落d(disco)... 老實講我都係第一次... 無論係落d, 定係o係大陸落d 我都係第一次.. 平時落pub多..
好彩係酒店果d, 無咁雜... 起碼無fing 頭你食... 但係我一樣好小心...
disco 有k房, 但係無出過聲咁濟.. 因為.. d 人搶住唱.. 唉..
睇住d 男人.... 係咁搞d 啤酒妹(唔係淨係用口喎, 用手喎...), 仲走去揀3陪.. 呢個場面我都真係第一次見... 點解要咁呢.. 未見過女人咩..... 係就走去叫雞囉, 咪係咁多人面前係到搞搞緊... 人地賣啤酒o者, 唔係賣身...

之後走左出去睇所謂"表演", 通常d 一定會有呢類野..
果個"東莞張柏芝", 我都唔知邊忽似張柏芝.. 太子仔坐係個台前bar 枱, 個張柏芝就係咁引誘佢... 個死仔平時就咸咸濕濕, 今日突然間君子左勁多.....(後尾問佢, 原來係因為太多人係到, 如果唔係已經問左價....... 我.......)
之後到一個cam cam 地的小龍上台, 雖然個格係衰d, cam cam地, 但係唱歌同舞就真係好掂..
我講真的.... 仲有佢飲酒絕技...

之後睇雜技又係勁, 班小朋友真係厲害...

上到房原本諗住訓, 食個麵, 個太子仔訓左, 原本我都打算沖涼訓, 點知見到亞視做新貴公子.. 結果睇到三點半先沖涼訓覺...

第二朝十點半先醒... 原來全部人都食完早餐咁濟.. shit!
食左d 野, 之後先係呢個行程o既高潮....

食完野去果間廠到睇環境, 二話不說, 我就已經睇緊佢地個網路.... 感想就係, 呢個係一個簡單到唔可以再簡單的NAT網絡環境... 一隻router.. 算啦.. 識得share print/file 已經算係咁.. 之後有個負責o既光頭趙(點解又係姓趙, 仲要又係光頭...) 話同我傾..(就係香港呢邊睇佢唔順眼果個...)
一坐底, 佢就攞一大堆文件同報價俾我, 仲講點做點做... 我等佢講完先, 之後淨係問左一句:你打算用SIP, MGCP定係H.323 做... 咁佢就收左皮... 以為我年紀少就知識少... 呢舖仲唔ko你!
之後我先慢慢講解運作原理同埋我o既方案.. 佢一句聲都出唔到....
好彩佢都唔係衰到十足, 之後都話佢電腦果邊唔熟... 仲同我去果面o既電腦城睇野..(其他人去晒~K骨, 但係我驚我呢副老骨頭會散, 所以唔去)...
之後傾多一陣就等埋佢地一齊走人.... 完成呢兩日行程... 散啦個人.. 始終屋企最好訓......

============================
跟住的星期一至五都係返學, 做野, 試ip 電話..
但係值得一提係, 我又破財.. 買左部ppc....
我買野真係ad-hoc得好緊要.. 見到咩功能正, 就會想買,
結果星期二見到, 星期三格完價就買... 你話我... 唉..
買左Mio 部558.. 有wifi 藍芽都係2650 算係咁啦.... 當然要多謝isaac 陪我行旺角行左一大段時間啦!
不過最得意就係在旺電見番以前係april 姐到做果個raymond 哥.... 嘩.. 結果我係佢果到買左條512M SD(card)..

仲有今日係一個frd 屋企玩太鼓... 超正!!! 佢真係買左隻鼓....... ^_^
原來ps2 版係新好多... 平井堅果隻"瞳????????"都有... 勁新...

=================================

>>January 28, 2005 at 4:59:37 PM GMT+8

2005 年 1 月 20 日 星期四 【晴】

今日第一件事就係"私牌"去柴灣開工..
但係去之前要去銀行簽一份文件...

唉.. 之所以話呢.. 呢個社會有兩個機構都係減得好得人驚..
一係郵局.. 二呢, 就係窮人的銀行服務(你有一千萬一定係快..)
淨係等攞份野黎簽已經搞餐懵....!

結果私牌去柴灣就遲到...
都好, 裝軟件都唔係好難,
仲有駁番兩部notebook 上wireless 都無咩大難度...
只係幾乎無得食飯...

諗住118-->火車返去上韓文堂會好快.. 點知...
118條膠人係東廊碌車行60.. 頂.. 咁就衰左...

今日上韓文堂好好玩, 好開心...
但係我唔記得左, 跟肥仔聰車係唔使俾錢.. 我du 左八仔.......

======================
回 魚子:
講起食飯..
果陣我話我Year 2 都無女你就要請一世食飯.. 唔好唔記得.. 呵呵!

回 老表:
係喎.. 搞錯左tim!
男人應該係Chinois,, 女應該係Chinoise.. 記錯左!

>>January 23, 2005 at 2:44:10 PM GMT+8

2005 年 1 月 19 日 星期三 【晴】

今日上法文堂終於知道個鬼佬教緊咩...
原來佢係想講我叫咩名之類....
Je m'appelle Jason...
Je suis Chinoi
唉... 點解韓文咁以上手, 但係法文就... 又難讀又q口... 人都癲...
就係果個"Je (唔係真係je 音, 係sue 咁o既音)"都搞一輪...
兩個鐘, 搞到我硬膠膠咁... 不過都好過咩都唔知....

之後上MA, 終於睇晒本"BJ單身日記"... 下轉可能買"Bridget Jones Diary - The Edge of the Reason"
老實講原著小說係好睇過電影... 電影有好多情節無左, 例如Bridget 個阿媽俾人拉左果段我睇戲好似無...

之後就落lab 同人爭CCIV 講座!
真係... 好彩呢次係學校入面.... 但係都唔係第一個入到! 只不過報到就得啦...

約左阿四, 原本只係攞d 野俾佢, 但係之後講起買書,
咁就走左去同佢行左落黃金一轉.. 因為有間叫科孚, 專賣大陸書的...
結果見到code 神brian 同埋其他CS人... 唔知佢地有無懷疑我突然間同一個佢地唔識o既 女仔去街, 跟住亂諗!? (p.s. 原因係因為我成日俾人話我似想追CS入面某人)
唔理得咁多, 佢地點諗, 我控制唔到.. 我覺得好平常o者... 男同女之間唔可以純友情咩.?

之後同阿四行番九龍塘, 之後行過石峽尾, 佢見到一隻好細隻的狗"仔", 驚到唔知點咁,
結果俾放狗o既阿伯串佢: 唔使咁驚o既.. 姐姐仔...
我大笑....

後尾問番我老表, 其實IP 電話呢件事仲係言之尚早, 但係就假以時日一定會做.....
well.....

>>January 21, 2005 at 4:07:08 PM GMT+8

2005 年 1 月 18 日 星期二 【晴】

今日實在太捧了...
今天有一個令人又振又奮的消息...
一陣講...

今日又係十半堂... 咁早起身, 唔使問我一定遲到...
雖然比平時早左...

上完MA (其實我只係睇本單身日記..)
之後直落韓文(CTL2973), 俾miss han 整估.. 嘿嘿... 分組做oral practise, 佢話要同我practise, 結果佢玩爆肚, 講一d 我未學過的韓文... 佢慘係佢笑住口咁講, 真係唔知點俾反應佢...

之後上LS10381 法文... course 的第三堂, 但係呢堂係我第一堂.. 太過份..
結果一入到去, 成個呆子咁坐左成個鐘.. 原來前兩堂已經搞晒讀音.. 結果我一個字都唔識讀..
結果... 唉... 感到有點壓力...

=========================
三點半放學, 之後落去阿姨到, 教佢地班同事電腦基本野...
其實無咩野o既, 只係有點.... 好耐無教過野, 有d 唔係好習慣..
結果六點幾走人..
行左一陣黃金, 幫淫泉買左個 HDD Case 同CDR 碟, 自己買左粒89C2051, 再幫個客買多3個NAV 2005 license, 結果就走人.. 就係呢個時候, 我老表打俾我, 同我講話佢公司有興趣搞IP Phone..而且已經基本上同意左.... 我幾想即刻買香檳慶祝.... 星座話今年我會係事業上得到成就..... 哈...
雖然言之尚早, 但係一陣的快樂不會是一件壞事...

返到屋企, 終於可以証實我隻8051 Programmer 係work 的...
打算學番電子microcontroller..

====================

>>January 20, 2005 at 5:52:48 AM GMT+8

2005 年 1 月 17 日 星期一 【晴】

今日唱歌歌...
今日返四半到六點, 所以之前去唱一唱k 先...
實在太耐無唱過k.. 今曰把聲簡直係完全失準, 走音無數, 同twins 有過之而無不及..

不過今日真係唱左好多舊歌 - 特別記得見到一個朋友日記留果隻歌的歌詞...
就係孫耀威o既 飛... 佢地仲以為我唔識唱呢隻歌... 呢隻係我第一隻聽的canto-pop...

唱唱下大魚居然話唱另一場.. 佢真係... (但係呢次係佢搞的活動...)

唱到四點同賤健同劉年搭火車, 我之後返城大上堂..
-----------------------------
好險.. 幾乎遲到Y Mong 堂, 幾乎死係佢手上...
tutorial 無上個sem 咁hea.. 上個sem 簡直係天堂, 而家.... 就同地獄無咩分別, 一樣地痛苦..
仲要有一班Y. Mong 手下串九住你....
(令我諗起明朝可怕的東廠同東廠爪牙....)
唉... 早走早著...

>>January 20, 2005 at 5:41:06 AM GMT+8

2005 年 1 月 16 日 星期日 【晴】

星期日, 原本無野做, 但係最終出左去維港灣, 長沙灣..
有d 野搞....

之後返左城大一轉, 印野, 之後同高ken 走(我都唔知點解星期日會係lab見到高ken...)
同佢吹晒水咁...
咩都講啦..

===========================
星期一又要返學.. 唉.. 10:30
老豆又吹命咁... 遲咪遲囉.. 大學生十有九都走堂架啦.. 我唔走已經好好..
返到去, 聽C++ 悶到我傻.. 唔係因為我識晒, 只係個氣氛..

之後第一次上MA Tutorial.. 俾人捉出去做數..
結果.... 亂做!

之後就同一個中學同學食飯.. 自從上個sem 見到一次咁多, 我都好耐無見過呢個同學..
悶死steve, 所以佢走先....(p.s. 我覺得佢好似.....)
之後上CCIV.. 悶到我死左...

最後落葵涌做野... 只係個 USB Scanner 死死地, 但係都唔知點解...
----------------------------------------
雖然我真係睇左好多次"我的野蠻女友" (我諗計埋今日係第十一次)
但係每次睇番都覺得有d感覺... 女主角靚就一來啦, 但係最緊要係個故事係好扣人心弦..
好感動...
===========================
回 魚子:
我係一個需要長時間睡眠的人...

>>January 17, 2005 at 3:47:22 PM GMT+8

2005 年 1 月 14 日 星期五 【晴】

尋日d 堂.. 唉... 我好傷心.. 返兩個鐘, 仲要係1730 到1930..
唉.. 就咁返去兩個鐘..
好彩只係我最喜愛的韓文堂, 否則我一定走左佢算數!

好開心, 見到靚女miss.. 仲有一個都幾交心的朋友...

不過有一見好可笑的事發生左..
原來其中一個韓文堂的同學, also 係上sem 的韓文堂o既同學.. 我其實一早覺得好面善..
今日practice 韓文的時候, 問住係邊, 知道佢住大埔...
之後, 我問佢讀邊間中學, 睇下係唔係我真係識.. 點知... 佢話同我讀同一間中學... 頂.......
咁就真係名乎其實的相認..
原來佢係唔記得邊屆head lib... 頂......
仲要返到屋企問人先記得佢個名.... 唉.. 我.... 我都唔想....

之後落左黃金.. 準備下星期二o既工作, 去買Norton Antivirus 正版.. 6套..
呢次係我有史以來, 第一次買正版software 買得咁豪...
不過唔好誤會, 唔係真係六盒, 只係兩盒, 因為有5-license edition.. 咁六set 咪5+1囉..
點知去到先知道原來有3-license edition.. 不單只有現貨, 仲要平過5+1 的買法...
所以, 不如聽日搞埋佢啦, 之後即刻飛上去買埋隻router.. 直頭聽日去啦, 唔好等星期二啦...
結果非常豪氣咁買晒d 野搭車返屋企.....

頂.. 又坐硬膠躉...

========================
今日.. 頂.... 又要我先返城大.. 10:30.. 倒屎咁早又要起身... 呢期天氣凍... 好難頂咁"早"...
結果都係遲半個鐘.. 都係搭到果班車.. 真係....

結果, 淨係數lego 都收到我想講粗口.. 算數.. 唔數..
睇黎幾好玩.. 玩下車車...
不過最後走之前, 見到上年d project.. 咩話!? plotter?? 我....... 暈...........

之後飛身去食頹飯..
再飛身搭地鐵去柴灣開工..
今日開工都幾順利, 只係裝隻wireless 時, 唔知點解, 隻野好似...
插左駁switch 果面, 開埋wireless, wire同wireless 好似唔通...
明明條線係同開, 無理由, 搞一大輪, 最後決定放係第二到, 用另一條線..
又得.. 痴線.. 名乎其實係痴線..

咁.. 好囉.. lock 返access (唔broadcast SSID + MAC Lock + WEP)
之後就走.. 七點走...

返到屋企, 見到有個frd d 感情野..
最初我仲好緊張, 最後發現, 無乜野.. 咁都好d...

又係關乎等... 咪等啦... 晒時間!
一個人, 可以俾另一個人最寶貴o既野, 唔係咩森林之星, 而係, 個人自己的時間..
但係... 好多時, 你鍾意佢, 佢唔鍾意你, 咁等黎有q 用咩...
走吧, 走吧....

不過講返感情野, 有d 感嘆...
只不過我而家, 對感情已經失去興趣.. 真係唔好叫我再追女.... 無左果種動力... 我而家目標只係要搵錢..

==========================
回 靈魂..
咁要視乎你係做"咩"野啦....

>>January 15, 2005 at 4:23:19 PM GMT+8

2005 年 1 月 12 日 星期三 【晴】

呢排簡直係好懶去寫日記..

呢幾日返學.... 我簡直係保持我一直o既style - 遲到!
10:30 lecture? 遲足半粒
今日12:30? 遲三個字
你睇下我幾勁..... 唉..... 我都唔知點解會起唔到身... 好想訓多陣呀... ><"

其實有d 野想大家一齊試, 一齊玩..
如果見到我上網想打電話俾我的話, 而你又有mic有speaker/耳塞, 可以試下玩下我部 IP 電話:
1. 下載以下軟件: http://www.jasonofficial.net/voip.zip
2. 搵個folder 爆開佢
3. 行左個openphone.exe
4. 選項 --> GK伺服器--> tick "使用GK伺服器" 及 "需要GK伺服器"
自行輸入地址: 210.17.165.150
5. 選項 --> 一般 -->
Username: 你個名
Aliases: 自己作一個由600~699的號碼, 之後按Add
tick: Disable FastStart, Disable H.245 Tunneling
Done

如果之後要打俾我, 按"撥打電話" 並輸入800 (網關地址唔使輸入)
咁我個電話就會響, 我就會聽到你個電話 (p.s. 如果你有router 上網咁就會麻煩d!)

同埋記得同我講聲你入左咩數字落去個aliases 到...
thx!
===========================
呢幾日其實有咩做呢...
返學放學, 食飯..

今日, 今日返一個鐘學.. 太過份啦><"
之後去到又一見到Yan 吳日言, CS果幾個CS_cookies飛過去睇.... 睇住佢地發癲癲...
之後落lab, hea 一陣, 潔慈姨叫我去食飯...
之後做下野, 食下野, 六點先走..

我今日仲去左探Wong J.. Wong J已經做完手術, 佢好想訓.. 所以我好快就走左,
仲有今日整左隻斷腳hard disk.. 居然整到.. 哈哈哈!

呢期生活.. 都係平平凡凡.. 最好以後都係呢種平凡, 真係唔想大起大落!
============================
回 賤咀:
辦公? 我覺得你之前行開左先係真正的"辦公"

回 Wong J
咪咁啦... 我同你感情路上都係曲折, 或者我同你最後一刻都會單身, 或者我同你都會搵到各自o既Miss Right. 我已經無咩期望, 我都覺得無咩所謂... 或者呢排有d job 做下所以"忘掉渴望, 歲月長衣裳薄"

回 魚子:
好!

回 carmen
真係好耐無見啦...
我呢d 得個吹字, 開唔開得成都成問題...
不過你肯幫我手, 我當然開心啦!
玩當然好啦.. 我呢d 走堂玩一定做得出! 哈哈哈..

=====================
打打下日記, 見到"最新討論"一欄..
感覺係: showhappy 咁lun多mk.....

>>January 13, 2005 at 3:26:48 PM GMT+8