2004 年 11 月 23 日 星期二 【晴】

尋日訓覺, 訓到三點, 俾d 人聲嘈醒左...
幾個麻甩佬係到大聲講粗口, 仲破壞公物(聽到)
結果就好笑啦, 聽到好似係俾人追捕, 結果要拔足逃走.......

可是今天發生的事, 是我從來未遇過的可怕...

這些年來, 有些心鎖我一直一直都解唔開,
一樣我七年來都無辦法接受的問題... 而且係天生, 我都好想改變...
雖然最後我都有自知之明(我諗大家已經明白我想講我邊方面)
所以我一向我都係著重心靈o既美... 我一向都唔注重外表... 同時我都唔注意我心入面果d 人樣貌如何...
就算, 我心入面有幾多感情所傷, 我呢一刻仲可以笑面迎人.. 因為我覺得我並沒有問題,
只係無人懂得欣賞而已..

已經唔係第一次, 幾日前我先表示過我對呢樣野睇法同感覺...
雖然我係有自知之明, 我認係樣衰, 但係我唔接受我身邊有人居然特別係我呢一刻對自己最無信心的時間, 最覺得自己不知所謂的時間, 多踩我兩腳...

係, 我係樣衰(泛指外表), 我認,
我亦都認為呢個原因足以使我七年來感情近乎一片空白, 與其是空白, 我倒不如說是一遍滄海, 一塊桑田...但係我都有我自己的尊嚴, 我都有我自己的自尊心....
我唔需要任何人落井下石, 唔需要任何人將我七年的心靈創傷多加一刀...

我也會串人, 可是我串人只是開玩笑, 明知那是對方弱點我也不會說出來,
可是.. 今日居然...... 我不知道有意無意, 可是傷了就是傷了, 是無法補償的...
攻擊我別的地方, 我無所謂... 但係對於呢七年, 我也沒法面對的過往, 沒有人明白這種痛是多傷..
或者是我平時不曾表露, 但我呢一刻的確不能面對自己. 如果你話我太好人, 太單純, 太複雜, 太白痴, 太on居, 太低能, 太不知所謂, 太過自大, 我也會接受. 因為我可以改, 我注重我性格, 但係如果攻擊我弱點係不能改, 而且我係不能面對自己呢個弱點, 對唔住, 我完全接受唔到... 因為我完全接受唔到我o既過往. 而且加上對上一次的感情... 對方居然作出選擇是基於外表, 我就更加不能接受我自己的外表....

或者我一年前也做出這樣的行為, 到今天是一個報應吧!

原本已被遺忘的傷口, 今日又再表露無遺...
不再流血的傷口, 如今也再次流下血淚...
或者是我太執著, 也或者是我太小氣.....

要怪只可以怪自己太好人, 心靈不夠強硬...

我甚麼都不想說,
甚麼自尊心也被徹徹底底粉碎得一乾二凈...
只想找個沒有人的地方, 放聲大哭..............

朋友, 或者不是朋友, 或者可能甚至(當然我不認為且最不想發生, 但是有人卻認同)只是利益關係交換...
我也不知道..將會是以怎樣的關係繼續...

我不想再說任何東西

>>November 24, 2004 at 12:34:09 PM GMT+8

2004 年 11 月 22 日 星期一 【晴】

呢幾日阿媽有朋友係大陸落黎玩, 所以我要搬房訓...
原本諗住開住部機訓, 點知部機太嘈(好多把風扇).. 所以訓唔到!!!
結果都係熄左部機... 搞到點幾先訓....... 好睏~

呢幾日都訓得唔係幾好... 總係要碌一輪先訓得著.. 天呀........

結果今日準時咁醒, 非常變態咁遲大到... (我都想知點解會咁...)
今日派C++卷.. 無得炒per......!! 同最高分差十分.. 死得.. 一定要追番!! (追番近d o者, 無話要過佢)..
或者呢排真係分左心.. 我要再摺d... 摺呀.. 摺呀....
(或者我比較想分身......)

今日lunch果餐終於唔使連皇家蕉都無得食...
今日終於有頹飯食.. 老實講呢幾日食無定時已經搞亂左生理時鐘, 同埋無咩胃口....
睇黎係時候要探下大夫啦....

仲有兩日就完sem A.
今日Korean 最後一日, present.. 雖然我自覺準備不足, 但好彩我d groupmate 好勁... 吹到好多野.. thx...

同埋今日終於整晒d assignment.. 唉....
咁就完成左一個最開心的學期.. ><"

=======================================
風 停了又吹 我忽然想起誰
天 亮了又黑 我過了好幾歲
心 暖了又灰
世界 有時候孤單的很 需要另一個同類
愛 收了又給 我們都不太完美
夢 做了又碎 我們有幾次機會 去追
不曉得為什麼愛 又稀少又昂貴

>>November 23, 2004 at 2:45:24 PM GMT+8

2004 年 11 月 21 日 星期日 【晴】

有一樣野唔記得左講..
其實果晚我同志豪兄講左我現在的感情世界..
志豪兄同我講: 我希望你唔係對現實妥協...
但係我話: 擺明就係對現實妥協...
佢好無耐.. 我也很灰...
其實.. 我都仲有少少想有一段感情, 只係唔敢去想o者.....

呢幾日連食飯都無時間, 所以日記少左幾日...

除左星期五之外, 六日我都居然返左城大..
說是做功課, 其實都係做功課, 不過唔係自己果份...
係幫人debug.... 唉.. 做死..... 好暈.. 結果我真係好燥火.....
而且呢兩日都無左個lunch time....

星期日係阿昌歌結婚...
雖然只係影左張相就散band, 但係好開心, 見到朋友成家立室... 我諗呢日係佢人生中最值得紀念的一日, 而新娘都幾靚呀... 當然... 一個女人最靚的時刻一定係披嫁衣....

同小狗搭271返屋企..
當然吹水過啦, 但係真係又累又肚餓.. 好難頂.....

今日..
好傷心... 俾人暗串樣衰.. 雖然無講出口... 但係佢意思係: 你都有拖拍咁好o既...
頂.. 咩意思...
雖然我認... 但係.....

結果佢請我食野補番數..

(同個靚女食野喎... 點都濟囉可~ 話晒都俾人話係CS之花喎...)

>>November 22, 2004 at 10:58:52 AM GMT+8

2004 年 11 月 17 日 星期三 【晴】

原來唔即日寫番日記真係會唔記得寫d 重點....

1. 上星期日唱K我居然無提及... 其實呢次唱K係補祝乾生日..... 生日快樂呀,乾! (好似真係遲左...好多). 我覺得呢次唱k係咁多次唱歌的表現最好... 把聲放得好鬆.. 所以唔使用太多假音.. 不過同我一齊唱的wong j 佢地就真係受苦... 難聽到..... 哈哈~ 不過我覺得唱得唔錯囉.. 因為我用自己水準去adjust 嘛~~~ 哈哈哈~

2. 唔記得左講同3c 班舊同學, 一齊上了一課人生的道理... 志豪兄問我, 人生的目標是甚麼.. 我卻只答了四個字: 死而無憾..
但係呢四個字, 老實講我也沒有信心做到.... 因為到現時為止我還有很多遺憾...
至於感情方面的事, 還是那句, 別提了...... 雖然我還會激動...

有時看101次求婚也會很激動.. 激動在於少蓉唔明咩叫幸福..只係識得追憶從前歲月...
真正的幸福... 就係把握現在擁有o既野...
不過我又唔明點解金泰會咁痴線... 但係咁先好睇... 某程度上係"而家的我" 痛罵 "從前的我"...
如果你剛剛呢排先睇呢個日記, 我保證你睇唔明~

呢幾日其實都好想開工做果d DVD.. 但係總係有心無力.... 到十九日的早上總算叫做可以燒得.. 但係一個鐘先燒得一隻碟, 點交得到所有貨!? 我自己都唔知點算...

好彩原本今個星期要present 的韓文改為下星期, 但係下星期除左韓文仲有CCIV... 呢次.....

今晚未做碟之前我非常努力咁做CCIV 討論, 揀左第三題, 搭左一大半, 死啦, 第二part 唔識做, 那那聲問人, 好彩都有幾位同學給予幫助.. 如果唔係, 食梗蕉呀呢次! 不過真正有做第三題的人少之又少, 我識得有一個有做的, 我submit 完都..... 算啦.. 做到就算...
最多補做o者, 唔使俾人扣GPA就得...... 可想而知我有幾hea......

好眼訓... 燒DVD.. 今日先買左部DVD writer.. pioneer 只係685蚊.. 抵到爛!

>>November 19, 2004 at 7:10:06 AM GMT+8

2004 年 11 月 15 日 星期一 【晴】

每逢佳節倍思親,
每逢quiz 前就.........

我最初想做摺人有個好處.. 就係自己會有好多free time..
但而家就多左朋友囉... 至於係唔係真正朋友..... hmm......................................

主要都係C++問題....
當然CO聽日要quiz, 但係有d 連我自己都唔多識...

.....................

>>November 17, 2004 at 4:04:47 AM GMT+8

2004 年 11 月 14 日 星期日 【晴】

好早起身....

九點半堂結果我十點先到, 我都真係.... 送個小丑俾自己..

之後上CCIV.. 唔知點解個課室個project 成鬼日壞.....
FMO.. 你地點做野..........

之後跟肥仔聰車.. 又係吹晒水啦, 仲一齊入上水同佢收工tim...

之後就係屋企做野lu!

>>November 16, 2004 at 3:33:40 PM GMT+8

2004 年 11 月 11 日 星期四 【晴】

朝早去榮哥屋企整機...
佢原來住係祥華邨...

地方唔大，但係都算幾整齊..
佢屋企有超級多60~80年代英文歌的CD... 好正... 仲要全部係香港正版...... 佢真係好有米!!!

佢部機只係因為中spyware 仲中埋毒(Trojan)
結果都係俾隻病毒改左隻IE... 結果.........
連上中原地圖都有問題... 唉...

結果之後就走左....
======================
之後去左一轉上水.., 之後返左大埔食野...
唔想又餈飯, 所以走左去隔離食腸粉加個凍飲就搞掂算數...
等埋一個同學攞個DV 帶俾我返黎轉落電腦...

之後返左去圓玄一轉, 老實講如果唔係譚sir 提我約左佢我幾乎無左回事...
今日返去係同今年班f.7 講下大學d 野吹下水咁啦, 其實我真係吹水咁吹...
最好笑係果個joanna 居然串咀話理科人d 英文唔會好, 之後到我講果陣我強調我英文UE 有C..!!!
真係.......... 佢呢d就係得勢不饒人.... 不過佢一向都係咁........

之後個客居然急call 我話叫我即刻去柏景灣上門整整佢部機.. 好彩果陣我已經準備走人, 加上我手頭上有72x 詳細時間表.. 哈哈..
不過時間表還時間表, 有人為因素 - 就係d 司機提早走人..
頂.. 架S02 字軌居然早左四分鐘開喎! 因為S02之後就收工.. 頂佢, 結果我等左十幾分鐘車!

>>November 16, 2004 at 3:19:37 PM GMT+8

2004 年 11 月 10 日 星期三 【晴】

個test.. 唉... 炒左...
100分先無左30分.... 慘, 又唔係唔識, 只不過個方法去到交卷得先諗到.. 頂... boom....
我呢次遲到15分鐘...

好傷心... 之後收到份assignment.. 自己做仲低分過人地請槍.... =.='
算... exam 先見真章.. 反正我都真係無溫過...

之後就懷著悲傷的心情去鋤lab...

今日好得意呀, 有個同學話有一班同學去左城大間band 房到夾band, 叫我去"唱k"喎..
見鬼..我把咁o既聲聽得架咩...
不過叫我去果兩個人都無唱到任何歌..... 被屈機.....

之後聽talk. 嘩..頂... boom....
都唔知條友其實想講咩.... 咩差都講, 連radius, kerberos我都唔係好識o既野都講埋.
究竟佢想點....
真係搞到六點半先走得人.. 慘過上 lecture, 如果唔使點名我就一定唔去....
=====================

>>November 15, 2004 at 7:53:29 AM GMT+8

2004 年 11 月 9 日 星期二 【晴】

有時我都覺得自己行路好似thrill drive...
左穿右插....
=============================
聽日test... 但係無打算溫...
但係今日照樣鋤lab...... 因為想搞掂埋個c++ assignment 2
好彩今日總算叫做完成.. run 到晒d 野.... 只係要寫番晒d comment 之類
其他人就係咁溫 test, 其實老實講，真係有影響進度同情緒..........
所以先用足三日去寫.... (希望問我果班人睇唔到....)

結果六點幾先返屋企....

今日發現有個同學有d 似..... 佢.....
雖然兩個人有好大分別，始終... 但係總會影響心情...

無溫書，走左去睇電視...
呢期好鍾意101次求婚 - 特別鍾意孫興... 點有可能有條麻甩佬鍾意一個人鍾意到痴晒線咁.. 佢知道少蓉有左BB(雖然係假的)，唔係好唔開心，反而努力賺錢去努力照顧佢肚入面又唔知係邊個經手的BB? 但係現實生活又好難搵到呢種愛到痴左線，完全唔理個人感受只係付出的感情, 又可以醉醒後再努力工作... 但係真係好痴孖根，所以.. 好鍾意睇.. 特別係孫興完全演活左呢個角色... 當然崔智友都好正啦!!!
不過個少蓉個朋友，厄金泰話少蓉有BB, 係為左佢好，原因話佢覺得金泰唔好，要少蓉揀個太子仔.. 痴線，你自己揀囉，做咩幫人決定埋...! 八婆!!

====================================

>>November 11, 2004 at 6:00:40 AM GMT+8

2004 年 11 月 8 日 星期一 【晴】

肥仔聰:"今日沙田陸沉呀, 獅隧冧左呀....."

今日我又走去跟肥仔聰 - 真係一蚊搭巴士, 咁就very good 啦... (我已經夠65歲.. 哈哈哈!)
原本肥仔聰係極力要求架FP7369, 點知今日.. 死都唔俾架7369佢, 係架ES2621, 佢傷心, 佢話呢架死人車係咁搶[車太]同[sin][軚], 入去上水果陣幾乎炒落架小巴到!!

結果係沙田塞左好耐車....
係獅隧口又塞車... 我話: 遲晒大到tim 呢次..
佢話: "遲到好過無到呀, 你返去同阿sir 講, 今日沙田陸沉呀, 獅隧又冧左喎... 結果我咪搭飛機黎囉..."

好開心結束左呢程車....

上堂, 哈.. 我都擺明唔係上堂..

最值得講係今日放學.. 我又做左一樣十年都唔做一次o既野 - 自己俾錢買衫...
Wong J今日搵我, 話會返大埔買衫, 問我一唔一切.. 我話: 好呀!
結果行左一陣大埔廣場, 行到一間舖頭, 突然間見到一件啡色的褸好鍾意, 結果我又唔見左180蚊啦.. 暈........ 我買野就係咁ad-hoc...
但係Wong J .. 簡直厲害, 佢買左超多件衫!

返到屋企食完飯,
又俾班frd 叫落街打機... 走左去i-game 係咁打Thrill Drive, 唔知點解今日好少撞車喎.. 仲帶頭tim..
我呢期跟得肥仔聰多, 吸收左少少佢d 功力... 哈哈..
我仲學佢講:"睇下我手車幾斯文? 安全行車開70..." 哈哈哈....

>>November 9, 2004 at 3:53:40 PM GMT+8