2004 年 12 月 2 日 星期四 【晴】

今日有左一轉葵通.. 走鬼走馬咩.. 其實.. 尋晚(錯.. 係今朝...)5:30先訓, 12:00起身, 搞得黎都成兩點幾先到果到, 仲要食埋飯, 真係三點先開工...

上次整唔晒的原因係因為隻死人DBGRID32.OCX 有問題,.
上網搵過資料, 原來係因為要搞埋registry.. 加上VB6隻碟其實都有, 唔使係舊機抄過去,
而且有得搞埋registry 果part,
所以今日工作相對順利.... 只係抄data, 改program code 有少少感到煩...

中間走左去jos 到換一舊墨...
最初以為係葵涌, 點知其實係青衣.... 叮晒..... 好彩3蚊小巴就到... 都接受到..
去到所在地大新貨倉.. 頂.. 都唔知係唔係迷宮黎架.. 上到去, 一大個停車場, 一座座大貨倉, 一部部超大電梯.... 簡直會令你迷失方向, 第一次問人, 指左去佢公司個倉到.. 結果要行番落去, 之後搵第二個電梯搭上去, 搞一大輪.. 終於趕及係人地收工前換到個墨...
最好笑係走果陣, 一出返門口, 頂.. 咪就係我一入個貨倉的入口囉........................... 無奈........
青衣果然係一個令我迷失的好地方... =.='

之後返去葵涌繼續工作... 執埋少少手尾就收錢走人, 幾爽....

今日坐架硬膠Trident 返屋企(HX6756, M記全車身廣告...) >.<"~

終於有住家飯食.. 我阿媽返左黎lu...
=============================
回 isaac, 賤咀
係o既, 其實我都知道咩事...
只係我好多時鍾意係上黎控制唔到(不只限感情, 連鍾意一個電腦產品有時諗都唔諗就買....)
所以... 算啦... 我都唔想再諗~

>>December 4, 2004 at 4:56:01 PM GMT+8

2004 年 12 月 1 日 星期三 【晴】

這一年欠自己的淚水,
今晚徹底的償還了.... 我終於頂不下去... 流了今年第一滴眼淚...

===========================
今天返了莫記一轉, 同淫泉(佢係really 淫 - william)食個lunch,
上番去學校吹吹水, 好開心的過左幾個鐘, 之後落去SALC (自修室) 睇睇我地莫記FBI (關於校園broadcast的一個team)的發展.. 因為同我做的行業係非常有關的 - 電腦網絡, 去到我的角色就係學習者... 很好, 一切也很好....

之後出左觀塘幫我個frd 間公司睇睇部機, 其實原本係無事走得, 但係臨走果陣整壞左第二部機.. 我覺得我係搬機果陣dan 鬆d 野囉... 不過都係叫原廠IBM整, 免得"咩"飛.....
===========================
只是一個問CO的同學打來的電話, 卻不經意地談及七年來的所有感情事和感覺..
我也想不到, 現在談及以前的事和感覺, 到現在心還有悸動.. 我哭了..
哭的原因, 包括以前的感覺的悸動, 包括對感情經歷的無奈感.. 還有就是那種心有不甘...
以前的歲月, 到現在我還覺得真的, 很辛苦.. 很辛苦.. 也很傷心...

還有不甘心.. 這些年來, 我自問也不是一個很差的人?
可是就是有多少優點... 沒有人會欣賞, 沒有人會看見, 特別是內裏的優點.
但, 缺點呢, 很快就會有很多人看見, 特別是外表的缺點..

最初我還以為我真的會睇得開, 從前的, 現在的, 未來的.. 我以為我真的不再有感覺..
可是, 夜蘭人靜之時, 連自己也瞞不過去...
從前的別提了, 現在的, 雖然沒有喜歡誰, 但係有一種孤獨感卻明顯得很...
我沒有喜歡誰的原因是我敢, 不是我不想... 加上看到朋友一個二個也很幸福, 有時也會覺得羡慕..(又未至於妒嫉.. 放心...) 所以一個人, 放聲大哭, 也沒有人會聽到... 這種孤寂, 又有誰明白...

既然說要令自己死心..
我也要先放會放下執著... 包括那些不甘心... 包括那些睇唔開,
之後要學會害怕, 學會冷靜.. 學會不容易喜歡一個人.... 學會心息... 學會不再抱有希望..
最後就可以一個人平靜的生活落去.... 這個是我最終的目標... (大魚, 所以我沒有矛盾的.. 因為我的目標是要安靜的過生活)

我還有很大段學習的路呢!
明天一醒, 生活依舊, 我依然要變得開心... 笑面迎人...
==============================
我真的對不起這位同學, 真的, 真的,
是我令到他沒有覺好訓 - 我五點鐘先講完所有野...
對不起.. 對不起.. 還有是多謝.. 真心的多謝...

不過交了我這個朋友, 你後悔也來得切的...
==============================
回 八樓王子
我和你, 大家也很執著, 只是執著的內容不同而已..

回 isaac
好一隻鄭秀文的歌.. thx...
==============================
學會
作詞：嚴云農　作曲：陳科妤　編曲：Terence Teo

生命第一課是流淚　我學會呼吸和感覺
從愛開始我學會喜悅　卻因為在乎學會膽怯
你對我說再見那天　我學會　愛的不完美
我在你缺席了的黑夜　學會怕黑

我正在了解　這世界　讓每天成為新的起點
我會　走向前　不讓自己再回到昨天
愛過你才學會離別　犯過錯才學會後悔
哭過後才學會諒解　我會學會　我的世界

失去你擁抱的甜美　我學會珍惜的可貴
當今天已經告別　我寫下日記　學會不輕易浪費
愛過你的那個我　已經學會去　翻越傷悲
忘記很辛苦但我知道這樣才對

我正在了解　這世界　讓自己成為每個起點
我會　走向前　不讓自己再回到昨天
被愛過才學會感謝　離開你才學會乾脆　逆著風我學會起飛

在我的世界　在我的世界　在我的世界　我學會

>>December 3, 2004 at 5:34:25 AM GMT+8

2004 年 11 月 30 日 星期二 【晴】

十二月一日, 天氣晴, 跟自己說: 再見, 我的愛
=============================
突然間, 心情竟然澄明起來, 發現原來萬事都會自我發展..
即是說, 事情其實不用我們誓心, 如果勉強來, 或者要夾硬得到結果, 往往弄巧成拙..
所以, 突然間覺得心入面煩緊果d 野, 總會有一日有結果, 無論好, 或壞...
而家結果似乎浮現的時候.. 就去看看結果吧.. 不用急的....

或者,
感情事, 有又好, 無又好, 生活也得這樣過..
急也沒用, 哭也沒用, 呼天搶地也沒用..
有咪有囉, 無咪無囉.. 生活一樣辛苦...
或者之前我只係唔甘心想呻........
諗通左, 海闊天通...

算了, 夠了... 我不想再想感情事了, 急也急不來...
反正無也不是甚麼大問題... 傷過愛過就算了吧...
或者, 七年來, 到了今天, 我先至真的學會心灰, 心死....

>>December 1, 2004 at 6:03:13 PM GMT+8

2004 年 11 月 29 日 星期一 【晴】

又一個月lu...
投先o岩o岩轉月曆.. 咁快又到最後一版... 唉.. 人生. 幾快過....
又要去商務買日曆.. 今年會唔會買幾米again? hard to say...... 真係太貴....
或者今次會係普普阿三啦... i dunno......
=====================================================
一年啦... 又過左感情空白的一年...
呢一年唯一改變就係, 無左自信... 好定唔好? 好難講, 未見到成效.. 但係呢一年小丑左就真的..
或者好多新朋友到場, 我唔想一開始就話俾人聽我係一個唔開心的人..... 當然我都想我身邊d 人開開心心啦.. 係咪!? 自己唔開心o者, 無謂拖人落水
=====================================================
今日韓文test... 好似真係淺得濟.....
原本兩個鐘的卷, 我用左15分鐘搞掂, check 多幾次卷, 加上有d 唔係好識.. 走人lu~
半個鐘.. ><'

落番lab, hea, 六點鐘走人....
======================================================
今日唔開心... 原因, 我唔係太想係到講... 你可以問我o既, 私底下, 好歡迎.. 因為我都好煩惱
唯一一句我可以透露, 就係"人原來未到失去, 或者有威脅的時候唔會識得去珍惜...."
呢個唔係問題所在, 但係其中一個唔開心原因... 原因.. 都係私底下問啦... 我都想大家俾d solution我...
======================================================
唔開心, 所以今日食完飯後(開始一個人生活.. 唉...)
捉左賤健同埋志豪兄去飲酒...
原本諗住來一個銘醉, 諗諗下.. 算啦, 無謂煩到佢地兩個...
佢地肯聽我呻已經好好... 試問我身邊.. 仲有幾多個有時間, 有精神聽我吹水....
唉...
呢種感覺好孤單... 好... 唉.... 唔想講...
======================================================
回 Amy
又唔好咁話佢地, 佢地只係因為以呢一刻係感情世界得到歡樂先會咁講...
一個人... 我都好慣.. 老實講... 但係"有時候孤單得很需要另一個同類"......
我都知好多人差過我, 但係往往佢地就會搵到佢地自信...

講開又講, 我有一個幾睇唔順眼+勁睇唔起+超唔鍾意的人帶左條新女番以前中學畢業禮..
可是我地班frd 全部為之側目........... 但係起碼有人會受呀.. 我又唔開以唔認呢個係事實...
我好唔甘心o者, 無野o既......

回 賤咀:
我都知你為我好, 但係我呢一刻真係虛不受補... 而家搞, 咪越搞越無自信....

>>November 30, 2004 at 5:18:39 PM GMT+8

2004 年 11 月 28 日 星期日 【晴】

今年沒聖誕!? 對呀.. 對我來說, 其實年年都沒聖誕...
只不過年年也將這句歌名放在MSN名字當中... 意味著今年都沒有聖誕, 而且今年可能更加慘...
天.. 一個二個都開晒波, 要拍拖o既拍拖, 有溝女的就溝女..
不過又唔係完全悶o既...
一來要幫阿姨完成新版"會計易" (舊版係2001年交貨, 但一直問題多多..... 老實說.. 寫得很爛!!! 所以要改進, 加功能, 改用php+mysql!)
二來, 呢期忽發其想, 想搵一套大陸的電視劇 - 走向共和.. 睇下清末民初歷史.. 共59集, 過晒聖誕都唔知睇唔睇得晒... 但係真係好想睇...

===================================
今日出左葵涌一轉, 但係未完成, 要另約時間..
呢個客係幾年前contact 過, 到幾年後先搵我.. 奇.. 但最奇係仲有我電話號碼...
大生意就無我份啦, 小生意都還可以o既,
要將一個visual basic program (有埋source code 喎!) 搬去第二部機, 可惜問題出係"DBGRID32.OCX"到, 我係Win98抄過去regsvr32埋都發現好似唔係好得....算啦, 遲d 先算啦..
其實個客原本就係想買多一部機想淨係為左呢個VB program.. 但係我同佢講唔使啦, 用部比較新的就可以啦... 天.. 我這樣子真的在做生意嗎!???

今日同肥仔食飯.... 結果食成個幾鐘.. 哈.. 做野喎~~~
===========================
呢排d frd 成日叫我開波溝女.. (特別係開左/開緊波果d...)
唉... 想唔係完全唔想, 但係 1. 無target (唔通亂黎咩); 2. 無信心(死緊....); 3. 無人要(誰人會愛我這種孤兒仔).. 所以, 如無意外, 我諗我呢四年繼續一個人食住蕉先... 唉... 如果有人想同我分享條蕉, 我都唔介意o既... 仲有, 知你地一個二個幸福啦.....
===========================
回 魚子:
信則有不信則無

回 賤咀
唔好唔記得"飲水思源", 對老闆好d 呀, 動不動就反人枱(我講緊你玩三國誌10)

回 賤健
你擺明就係扮豬食老虎啦.. 吹晒水啦...

>>November 29, 2004 at 3:04:00 PM GMT+8

2004 年 11 月 27 日 星期六 【晴】

今日最初真係諗住放假, 點知無假放..
原本係我阿姨叫我幫佢同事整一部新機, 出深水埗又搭到HE8107.. 正!!!

諗住成交買野之際, 突然間話整番舊果部黎用..
好啦, 搵到佢同事, 佢話係荔枝角到, 我問佢係唔係近長沙灣方向, 佢話係.. 結果行到東京街, 我再問, 原來係廣東道口... 我又
只好搭2A...

去到, 真係見到一部完好的K6-2 450, 只係無左條RAM.. SDRAM就易啦, 袋入面都有幾條..
可惜無mon無得試, 只好搬返酒樓一路食一路試....
講起佢同事個仔簡直就係一明死mk, 關埋房門, 係咁大大聲播歌, 講野嘈d 又要bang門, 又對老母呼呼喝喝... 我心諗, 你老母搵機神我幫你整機你咁lun o既態度對我!? (起碼我唔識人會bang 門唔理人咁變態囉, 話晒過門都係客!)

之後開始整部機仲覺得條友仔膠到爆燈...
一隻80G hard disk,見到開機有detect到, 心諗應該會用得呀.. 點知..
想裝野去80G 到見唔到個volume, 心諗, 未fdisk! 點知一開fdisk 仲好笑.. NTFS!?? (果部機只係Windows ME...)
我諗住會唔會有另一個windows 係入面啦, 結果 - 無................ 勁想送個小丑俾條友仔...
又mk 又無料, (不過mk得都無料架啦...)
個80 G根本無用, 3.2 果隻就就黎爆炸....... 膠!!

之後行一陣黃金就搭車返屋企lu...
返來就坐HW8970 (廢...)

========================
送上一個心理測驗

你的本性是甚麼？(幾準的！)

請由第１題開始作答，依照答案前進至下一題：

１。你喜歡以下的哪一種水果？
榴槤→請前進到第２題
芭樂→請前進到第６題
蘋果→請前進到第４題

２。你對於小甜甜布蘭妮的感覺是什麼？
身材火辣→７
愛賣弄風騷的做作女→３
親切可人的超級巨星→５

３。你覺得哪一種星座的人最適合當情人？
天蠍座→８
天秤座→９
雙魚座→１２

４。你認為以下哪一位稱得上是國際巨星？
張惠妹→７
金城武→３
王菲→１１

５。如果要用一種圖案來代表自己，你覺得以下的哪一個最適合？
太陽→８
星星→１３
月亮→１２

６。你喜歡哪一種顏色？
紅色→１０
藍色→３
黃色→５

７。你喜歡以下的哪一種音樂？
另類音樂→９
搖滾樂→１４
流行音樂→１２

８。你喜歡以下的哪一種口味的蛋糕？
抹茶→１６
巧克力→１５
鮮奶油→１９

９。你一個月至少看兩部以上的電影嗎？
是→１５
偶爾是→１８
不是→２０

１０。當兩個好朋友吵架時，你會如何？
居中協調→８
請兩邊一起把話說清痳５
不理會→１３

１１。你比較喜歡以下的哪一種運動？
游泳→１４
打球→９
爬山→７

１２。你覺得自己是一個膽小的人嗎？
不是→２０
不一定→１６
是→１５

１３。你比較喜歡以下的哪一種食物？
肉類→１７
米飯或麵食→１６
蔬菜水果→１９

１４。只要出現新口味的飲料，你一定會喝喝看嗎？
是→９
不一定→２０
不是→１８

１５。你喜歡哪一種天氣？
都無所謂→蜘蛛人
雨天→南方四賤客
晴天→小熊維尼

１６。你曾經想過要當總統嗎？
想過→南方四賤客
沒想過但夢過→史努比
沒想過→米老鼠

１７。如果要養寵物，你想養哪一種？
貓→飛天小女警
狗→蜘蛛人
鳥→１９

１８。什麼事最讓你生氣？
被別人恥笑→蜘蛛人
被別人挑釁→２０
被別人冤枉→小熊維尼

１９。你最想當哪一種人？
有名的人→南方四賤客
有錢的人→米老鼠
快樂?漱H→史努比

２０。你覺得在哪裡，最能讓你有快樂的感覺？
大自然→飛天小女警
人多的地方→蜘蛛人




==============================

。。。。你是南方四賤客。。。。
●你的本性：你的人生樂趣就是玩不同的另類把戲，當別人往東，你就往西；當別人覺得有趣，你就說那是無聊。雖然你很愛唱反調，但是卻也因為逆向操作的策略運用得當，正面的掌聲似乎比負面的噓聲還要多，人生過得隨興又自在。
●渙的愛情建言：要分清楚人見人愛的風流倜儻和見一個愛一個花心是不一樣的，你的追男、泡妞花招才會讓那些愛情遜ㄎㄚ們膜拜哦！

。。。。你是蜘蛛人。。。。
●你的本性：生來就有捨我其誰的責任感，不管這件和你有沒有關係，你總是當仁不讓、奮勇向前，堪稱第一線的打火英雄。但是，你遇到極大挫折的時候，很容易瀕臨崩潰狀態，是外剛內柔、個性極端的人。
●渙的愛情建言：雖然追求一段平凡的愛婢是你最大的心願，不過要特別小心的是，對方是不是也這麼想呢？

。。。。你是飛天小女警。。。。
●你的本性：在你所有的細胞裡，有百分之七十的細胞叫正義感，有百分之三十的細胞叫膽小鬼。說好聽一點，你具有不莽撞的正義感；說實在一點，你是識時務者俊傑。你能冷靜地處理危機，是聰明、機伶、有想法的人。
●渙的愛情建言：說你所愛，愛你所選，別再一天到晚玩多人枕頭的遊戲啦！

。。。。你是米老鼠。。。。
●你的本性：你每天都表現得開心，像極了馬戲團裡的小乙把歡樂帶給大家，把辛酸留給自己。你的心地十分善良，對別人的照顧更是體貼入微，不過，有時候會好過了頭，讓人家覺得你像一個濫好人。
●渙的愛情建言：當濫好人是自己受苦，當濫情人則是大家受苦，還是節約用「恿吧！

。。。。你是史努比。。。。
●你的本性：生平無大志，只求悠哉地過每一天，就是你心情寫照。你和未來無關、你和競爭無關、你和計劃無關；只要能讓你每天賞花看草、遊山玩水，你就覺得很滿足了，可說是難得的淡泊名利，也可說是誇張的不求上進。
●渙的愛情建言：愛情並不複雜，也不難懂，更不麻煩，只要找個純樸的農村青年或村姑型對象就萬事OK了！

。。。。你是小熊維尼。。。。
●你的本性：古時候的你，叫做大智若愚，現在的你，叫做「裝肖維」高手。表面看起來好像傻呼呼、沒有原則的你，其實是很清楚自己的人生方向，在別人以為你被騙的同時，你已經在不知不覺中將了對方一軍，算得上?O了不起的人物。
●渙的愛情建言：繼續保持外表傻死人不償命的模樣吧！俗話褚傻人有傻福」，保證你的愛情運永遠ㄏㄤ到不行！

================================
我..... 係米老鼠.. (即係小丑... )
不過講得好似我....

仲有呢篇:
小丑的故事

在很久以前有個男孩他很愛笑﹐臉上總是掛著像陽光般的笑容。但他很害羞﹐而他在家中又是最小的﹐所以大家都叫男孩作小丑。大家都很喜歡小丑視他庶開心果﹐當然小丑也十分樂於當大家的開心果。只有一點小丑是不知道的—小丑不能沒有了大家﹐但眾人卻可以沒有了小丑。有次小丑生病了﹐沒有人探望他﹐他還天真的以為大家因為有工作在身不能探望自己。病好了﹐小丑繼續當大家的開心果﹐為大家帶來歡樂。

日復日﹐年復年小丑長大了﹐他還是大家的開心果。天真無邪的笑容還是掛在小丑的臉上。不幸的事卻接二連三地發生﹐最不幸的是小丑遇上了車禍﹐臉變得嚇人﹐所以小丑他繪製了很多、不同種類的面具。

這些面具都有個共通點—一個誇大的笑容和一滴眼淚。笑容愈大那滴眼淚愈大﹐旁人總覺得那滴是快樂的淚水。但只有小丑才知道—那是一滴傷心的淚水。因為他知道別人沒有了他日子還是這樣過。如果他連討好別人也做不到﹐他就真的是一個一無事處的人。既然掛著面具能討好別人﹐又能把嚇人的臉藏著，自己喜不喜歡那面具都變得不重要了。

小丑生存於這個世上既只是為了討好別人﹐自己喜不喜歡自己並不重要﹐重要的是能討好別人。若別人在傷害自己的過程能得到快樂﹐為何不讓那人傷害呢﹖
====================================
雖然我無咁偉大...
====================================
回 carcarcarmen
你.. 做咩變左性.. carmen 係女仔名.. =.="
好呀, 搵日呀.. 搵埋真果個carmen 呀.. 哈哈哈... ^_^!!!

回 大魚, 賤健
多謝你們... 真的.. 從真心.......
如果我不是這樣我一定熬不過去的....
我希望我串人唔會傷害到任何一個人, 而是大家都開開心心的~

回 賤咀
晒命!? 唔好晒咁多呀, 因住生cancer!

>>November 28, 2004 at 4:53:12 PM GMT+8

2004 年 11 月 26 日 星期五 【晴】

今日特意十一點先起身.. 因為想等我媽的朋友走左先... 哈哈~

之後今日覺得好無聊, 處理一下d 無謂野(例如去銀行入票, 睇大夫之類)
我都好耐無睇過大夫.... 叫做調理下身子咁啦....

之後今日突然間好想去踩單車喎(=.='.. 我都知你地會滴汗)
所以約左徒弟仔... 之後返到屋企同賤健msn, 佢又話黎喎...
咁咪三條友仔一齊囉...

我同賤健去到大埔墟租車.. 頂... 幾個鐘, 四十五蚊租一架....
之後係廣福等我徒弟出黎(期間狂串賤健.. 哈哈哈!)

太耐都無運動啦我, 踏左一陣已經開始感到腳軟軟地, 但係仲可以慢慢跟到下..
估唔到我徒弟家下咁快.. 踩到... 可能真係年紀大, 機器壞...
結果原本諗住入馬鞍山, 結果入左沙田到市中心前就返轉頭....
我諗我聽日連路都行唔到!!
估唔到我速度係咁慢.. 以前..... 假假地都係日日係條路到飛...
不過架車又真係... 一dup brake 即刻響晒[車太], 又洗, 又搶[車太]!!! 幾乎撞...
我徒弟今日唔放晒手係咁踩, 結果俾龜[手豆], 好彩只係苦口婆心勸下佢注意安全, 吹下水...
我梗係無事啦, 我手車最斯文, 見到阿sir 即刻碌晒車..... 吹都吹我唔脹!

之後同賤健以龜速行返屋企.... 我都唔想......

============================
回 賤健:
除左你, 仲有身邊一d 朋友(例如賤咀), 同埋1 d 其他舊同學咁啦....

回 魚子:
我只係覺得好無奈.... 同埋好感慨......
不過諗清楚, 呢期天氣冷, 不如留番啖氣暖肚...

>>November 27, 2004 at 4:00:55 PM GMT+8

2004 年 11 月 25 日 星期四 【晴】

只要簡單的生活, 就能平息了脈搏... 如果永世不再接觸不到的話..
不過我已經好番好多lu... 始終, 睇唔開的, 還是不去再想了...
一個人慣了, 再哭, 再反抗也是徒然...

因為呢幾晚一個人訓一間房(p.s. 以前因為要避開老豆d 鼻鼾聲.. 所以我同阿媽係另一間房..., 但係呢期阿媽有朋友黎訓左我原本訓開果張床, 所以我呢期一個人訓)...
所以呢幾日特別free, 幾點訓都得.. 所以我尋晚兩點先訓..
但係就係呢種安靜, 一個人生活的感覺(當然我留家的時間根本不多, 而且我媽呢期留家的時間也很少)就特別明顯.. 我係到諗, 會唔會就係呢種感覺就係我之前所講一個人生活的閒適? 也許似了... 突然間覺得好舒暢.... 心情也好了一點..

所以今朝十點幾先起身.. 如果唔係isaac 打電話黎, 我一定唔起身住!
大佬.. 上個禮拜真係辛苦到.........

不過呢幾日不知怎的, 唔係好想做野... 無咩動力....
就算今日整機都硬係.. 搞到兩點幾先出門口....... 想hea 下高登forum 先....
不過我已經決定聽日放一日大假係屋企hea..... 哈哈哈!

去到我阿姨到做下一般維護, 無無聊聊呀咁啦, 吹下水開開心心....
阿姨問我呢排有無食飯(因為我同佢講過我前幾日連飯都無得食).. 之後我同佢道出原因...
佢居然話:"唔溝得就咪咁好人啦".... 佢點都係我長輩....... 我即場 o 咀.......(心諗 - 我都唔係咁功利o既..).................................................................好無奈................................................................

之後俾埋d DVD 貨尾俾個客, 個客report 話無人睇到DVD-R.. shit...
唯有送多set VCD 俾佢地啦... 唉..... 唔係我可以點......................................................

============================
回 一個carcarcarmen, 一個青蘋果
我梗係知你地邊個打邊個啦, 你真係當我流....
有你兩個做我專業形象顧問喎, 我幾開心呀~
============================
呢排我都有幾個朋友開始拍拖, 有d 追緊人, 覺得佢地都好幸福......

幸福 - 不是盲目追求得不到的東西, 也不是緬懷過去失去了的事物, 而是把握現在擁有的
朋友們, 你們都明白了嗎?

漏左一樣野唔記得講..
今晚無聊睇酒莊情緣, 覺得一段情節非常之似曾相識.............

>>November 26, 2004 at 3:12:22 PM GMT+8

2004 年 11 月 24 日 星期三 【晴】

其實我今日的確唔想返學...
因為... 一來無心情, 二來recurrsion 我用左兩年時間去讀, 唔會有問題...

只不過, 算吧, 反正也要交功課

只不過返學的確會令到自己的心情很差很差...

在銀行, 我正行去條queue 到諗住排, 加上有一個counter 係等緊人, 諗住慢慢行埋去,
點知突然有條友係我後面打我尖..
我仲唔送句粗口俾佢! 如果唔係城大分行, 我反左枱啦....

之後落lab...
我有一種感覺, 我唔係憎任何人, 我只係唔想俾人見到我呢個能樣, 免得佢地又令佢地見到之後又唔開心啦.... 而且我也沒有心機說任何東西....
我將呢種不滿全都發泄係Steve 身上.. 對唔住呀Steve....

為左搵番自己的自信心, 今日我去做野 - 幫Toto姐公司睇睇d 電腦...
結果我好成功搵得番我工作的魄力.. 而佢同事都估唔到我只係十九歲, 而且覺得我好有自信...
我就是要這種感覺...
我終於係工作搵番我o既自信.. 但只限對於工作方面的自信...
我一向係工作都信得過我自己, 往往一個直覺就足以完成任務... 雖然唔係百發百中, 但係都非常準確... 同時呢個新客都有機會係囊中物.. 加上之前又有舊客搵... 總算叫做有番d 渣拿..... 唉....

===========================
回 賤咀
咁又唔係唔聽o既, 始終咁多個人, 都係你最明白我..
或者我選擇係到回應你個留言, 因為我都有d 野想講...
咁多年來, 我根本就無考慮過要改咩形象, 因為我覺得只要整齊唔污濁就ok.. 無必要浪費時間係外表.. 我覺得外表, 比起心靈美, 比起知識都要來得膚淺.. 而且, 原本我對感情事也不是那樣灰..
我以為總會有一個人會欣賞我的心靈和才華.. 可是到了昨日, 我夢碎了... 原來心地有幾好, 有幾好人, 有幾多才華, 都不及一個可觀的皮囊加上一些漂亮的布組成的衣物的外表... 雖然只是普通朋友,不是甚麼對象... 但是連普通朋友也以此標準觀人, 我想, 真愛在這個世界已經扭曲得不知所謂... 我開始覺得而家的愛情只係建基於錢或是外表此等物質之上... 物質果樣野乎合左, 咪即追求所謂的真愛囉... 之前話就話灰心, 但係呢次我已經死心.. 我已經覺得無話可說... 我已經唔想再帶咩希望.. 希望越大, 失望越大...
如果"果d一定唔係你朋友", 看來我會跟他們絕交..
可是她們都已經道歉, 所以我看也不會這樣, 加上白羊座的人不會做得這樣絕...
只是, 我唔想俾佢地見到我個能樣, 免得佢地反胃..
(p.s. 他們是說很後悔, 可是我搞不清是後悔"說了這種說話"或是"以這種價值觀睇人", 如果是前者................... 你知我諗緊咩...........................)

回 You must know me
Of coz i know you... I knew it from your email address.. haha.. how come you gain the root account of the department!? haha.. anyway, you are always welcomed! But, if you try to convince my view to the world... you won't success...

>>November 25, 2004 at 11:55:50 AM GMT+8

2004 年 11 月 23 日 星期二 【晴】

到了這一刻,
我不是憎恨任何人..
只是.....................

剛才到街上吃飯... 見到好些情侶, 我才發現,
原來傷心的原因, 是基於七年的自悲感, 七個年頭, 我只是一隻自悲的醜小鴨...
突然間發現, 我連自己望鏡見到自己, 也面對不到自己, 更別說要面對其它人...
特別是那些注重別人外表的人

始終我對感情, 有一定的渴望, 才會出現今日的問題....

算了, 沒有人會治療我心裏的自悲....
我繼續是一個孤獨的人...

我需要的, 是復原的時間... 或是尋找自我的時間.....
現在我只會活在我的小宇宙...

>>November 24, 2004 at 1:46:06 PM GMT+8